الأخبار
أخبار إقليمية
بعثة المريخ السوداني تنجو من كارثة جوية
بعثة المريخ السوداني تنجو من كارثة جوية
بعثة المريخ السوداني تنجو من كارثة جوية


08-26-2014 06:04 PM

نجت بعثة فريق المريخ السوداني من كارثة جوية في كينيا عندما كانت طائرة البعثة تحلق في أجواء الحدود مع دولة جنوب السودان في طريق عودتها للسودان.

وأوضحت صحيفة الصدى التي أوردت الخبر أن الطائرة الكينية أقلعت بإتجاه الخرطوم وعندما وصلت حدود دولة جنوب السودان، أبلغ طاقم الطائرة الركاب بحدوث عطب في أجهزة التدفئة التي تحافظ على الوقود من التجمد في الأجواء الباردة الأمر الذي دفع قائد الطائرة لإبلاغ الركاب بأنها ستعود إلى مطار نيروبيحيث.

وقال حارس مرمى المريخ جمال سالم الأوغندي لصحيفة الصدى أن عطلاً مفاجئاً أصاب الطائرة وأحدث ذلك رعباً، قبل أن تتعطل الطائرة وتعود إلى نيروبي مجدداً.

وأشارت الصحيفة إلى أن أفراد البعثة عاشوا أجواءً من الرعب مع الدعوات أن تعود البعثة إلى نيروبي بالسلام.

وفي نيروبي بعد إنتظار أكثر من ساعتين أعلنت الخطوط الكينية عن جاهزية الطائرة للإقلاع لإستئناف الرحلة، ولكن قبل أن تقلع الطائرة من المدرج تجدد العطل وإعتذرت الخطوط الكينية عن عدم إستئناف الرحلة وجهزت طائرة بديلة وهو ما رفضه جمال الوالي الذي وجه رئيس البعثة حاتم عبد الغفار بالحجز للبعثة للإقامة في فندق خمسة نجوم.

وأعلن الوالي عن تكفله بتجهيز طائرة خاصة لنقل البعثة إلى السودان ظهر اليوم حيث ستغادر الطائرة من الممكلة العربية السعودية إلى نيروبي لتقل البعثة".

كووورة


تعليقات 19 | إهداء 0 | زيارات 13050

التعليقات
#1090885 [جعفر النميري]
0.00/5 (0 صوت)

08-27-2014 03:18 PM
سكسك قال أجمل تعليق ، نحن والله بنكوس للضحكة في قاع الكلمات ..الضحك أصبح نادر ندرة الرهو والصبرة والماوديع وقدوم أحمر وقدوم أصفر والشيخ الزرزور والهدهد وحتى ندرة الصديق الحميم وإبن العم الهميم ..

[جعفر النميري]

#1090839 [صلاح]
0.00/5 (0 صوت)

08-27-2014 02:31 PM
يا ( واحد من الناس ) ،،، الاستاذ جمال الوالي بدفع للمريخ لانه رئيس النادي وده من صميم عمله ،،، مثلا مدير شركة بدفع اجر اضافي للموظفين وآخر بدفع بدل سكن وثالث بدل وجبه و........ الخ وهو ليس مسئولا عن منكوبي السيول والامطار ولكن يمكنه المساعده فقط وليس الزاما عليه ذلك ،،،، ولكن هؤلاء المتضررين بالسيول لهم دوله لها ميزانية ومسئولين ووزارء وولاة ومعتمدين وهلمجرا وهم من المفترض ان يتولوا هذا الامر وليس فرد من المجتمع مثل جمال الوالي !!!!

[صلاح]

#1090726 [الطريفي العاشق]
0.00/5 (0 صوت)

08-27-2014 01:02 PM
يحسدوكم على شنو جمال الوالي يبيع ليكم الوهم ياوهم سيكافا دي ح توديك وين؟ برضو ح تلعب في التمهيدي في زول سمع بفريق عزام قبل كده؟؟؟؟؟

[الطريفي العاشق]

#1090715 [لن ترتاحوا يا لصوص]
1.00/5 (1 صوت)

08-27-2014 12:54 PM
وسودانييييييييييييييييير دى ما لا عيبووووووها لي ناس جمال الوالى باعوا خط هيثرووو بس وباع ليو طيارتين لعلاج ركب الرئيس وطيارة لتفتيح بشرة وداد وباقى الكروووور قاعد !!

[لن ترتاحوا يا لصوص]

#1090647 [محمودابراهيم]
0.00/5 (0 صوت)

08-27-2014 12:09 PM
دا عاقبه البيدفع للناس والفرق رشاوى .وومال الشعب امسكين للسسسسع حيعمل فيكم اكتر من كدا

[محمودابراهيم]

#1090598 [أحمد]
0.00/5 (0 صوت)

08-27-2014 11:38 AM
لكن الغريبة بعثة المريخ وصلت مطار الخرطوم أمس 26 أغسطس حوالي الساعة الخامسة مساء بتوقيت السودان بالخطوط الكينية. .. وأنا كنت داخل المطار حينها. .

[أحمد]

ردود على أحمد
Saudi Arabia [ابو امجد] 08-27-2014 02:43 PM
يعني يا احمد نصدقك انت ونكذب الوالي ...
خلاص طالما الوالي قال جبناهم في طارة سعودية يبقى كلامو صح .. حى لو نزلو من طائرة كينية ؟؟


#1090049 [فانطاو]
5.00/5 (2 صوت)

08-26-2014 09:43 PM
يا مريخنا الحبيب لك ألف سلامة وعين الحسود بالعود والسحار بالنار

[فانطاو]

#1090044 [جركان فاضى]
5.00/5 (3 صوت)

08-26-2014 09:27 PM
سحرونا....نقول شنو ادونا عين....الله يسلم اصحاب البطولات الخارجية الوحيدين فى الوطن

[جركان فاضى]

#1090043 [ِAburishA]
5.00/5 (1 صوت)

08-26-2014 09:26 PM
نسأل الله لكم بسلامة العودة وأن يحفظنا ويحفظكم جميعا من كل مكروه.. بس خلوا بالكم سواق الطيارة ده أوع يكون عميل هلالابي او طابور خامس!!!

[ِAburishA]

#1090038 [مير]
5.00/5 (1 صوت)

08-26-2014 09:16 PM
هل هذا الخبر صحيح . لان الطائرة التي هبطت بلاعيبة المريخ تتبع للخطوط الكينية
( مكتوبة في الطائرة )
اشك ان هذا الخبر صحيح

[مير]

#1090022 [البقرة الحلوبة]
5.00/5 (1 صوت)

08-26-2014 08:49 PM
حمدالله على السلامة

[البقرة الحلوبة]

#1090018 [ولى]
5.00/5 (1 صوت)

08-26-2014 08:45 PM
الف سلامة للبعثة وانشاءالله مايشوفو شر

[ولى]

#1090016 [ابو علي]
5.00/5 (1 صوت)

08-26-2014 08:41 PM
أكيييييييييييييييد دي عين الهلالاب الحاسديييييييييييييييين

[ابو علي]

#1090002 [ابو احمد]
5.00/5 (1 صوت)

08-26-2014 08:21 PM
حمد الله على السلامة ومبروك الكأس وعقبال البطولات الاهم، دورى أبطال أفريقيا او الكنفدرالية.

[ابو احمد]

#1089960 [Deg]
5.00/5 (1 صوت)

08-26-2014 07:01 PM
The sticky bit is usuallyh set on
A. /var/log
B. g/tmp
C.kkk /home
D. jkjklog files

[Deg]

#1089948 [فارس]
4.00/5 (1 صوت)

08-26-2014 06:50 PM
بالله تجنبوا الخطوط الكينية ما أمكن فبالبرغم من عضويتها فى تحالف إستار إلا أنها الأكثر عطلا ومواعيدها غير دقيقة إطلاقا بالإضافة إلى قدم طائراتها وكراسيها المكسرة وخدماتها السيئة وهى كذلك غالية مقارنة بالأثيوبية وهى صاحبة أكبر كارثة جوية فى غرب أفريقيا حينما تحطمت طائراتها فى المحيط عقب إقلاعها بقليل من مطار دوالا بالكميرون فى طريقهاإلى نيروبى وقتلت جميع ركابهاعقب سنوات قليلة.

[فارس]

ردود على فارس
Sudan [nagatabuzaid] 08-26-2014 10:08 PM
مالك يا زول رغم ان الاعمار بيد الله لكن الكلام ده يخلى الواحد يفكر قبل امتطاء صهوة الكينية اكيد الاثيوبية افضل لكن لبعض الدول ما بتصل وتجدعك فى مطار نيروبى وتاااااااااانى تمتطى صهوة الكينية وقد يستمر الترانزيت 72 ساعة الله يستر


#1089944 [قال كاس]
4.75/5 (5 صوت)

08-26-2014 06:47 PM
لسلامة وصولهم الي السودان انصح الدلاقين بالتخلص من أي صفيح يتسبب في اثارة المجال المغنطيسي

[قال كاس]

#1089917 [حسن كرور]
3.00/5 (2 صوت)

08-26-2014 06:22 PM
جزاك الله خير يا جمال الوالي وجعلك ذخرا للبلد
يا جمال الوالي ما تشتغل بي كلام الناس الفارغين سير وربنا يعينك
لو البلد ده فيها عشرين زيك كان بقت زي سويسرا

[حسن كرور]

ردود على حسن كرور
United States [سكسك] 08-27-2014 01:28 AM
والله الوالي ده اسمه ذي اسم ابوك ماتركو لينا كرور زاتو انا استغرب ابوك كرور ده كيف حي لسع مع حالنا المايل ده

Sudan [nagatabuzaid] 08-26-2014 10:12 PM
سويسرا عدييييييييييل ؟؟ السوس البنخر فيها ده بخلى البلد ترجع لحالها الاول خليك من سويسرا اصحاب جمال الوالى لحقوها امات طه

United States [mohammed] 08-26-2014 08:15 PM
your name is karoor, thats it

Saudi Arabia [zas] 08-26-2014 08:01 PM
ههههههههههههههههههههههههههههههههههههههههههههههههههههههههههههههههههه

Sudan [واحد من الناس] 08-26-2014 07:10 PM
اليد عاجزة عن كبح جماح سيل الغضب الهادر في دواخلي والذي ان انسكب سوف يحمل كم هائل من الاساءات . اين جمال وكمال وعبدالزمار من الم وماسي يعيشها الاف السودانيين داخل السودان بسبب السيول وبسبب الفقر .


#1089912 [ابو احمد]
4.47/5 (6 صوت)

08-26-2014 06:16 PM
وافضيحتاه طائرة من السعودية الى كينيا لتقل ركاب سودانيين الى السودان .. اين الخطوط الجوية السودانية .. وشعار ننمو اسرع لنخدمكم افضل
هاهي تداعيات الاصلاحات الاقتصادية التي نادت به ثورة الانقاذ الوطني

[ابو احمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة