الأخبار
أخبار إقليمية
عين على الأسعار: العقارات: نار الأسعار "تحرق" جيوب المستأجرين
عين على الأسعار: العقارات: نار الأسعار "تحرق" جيوب المستأجرين
عين على الأسعار: العقارات: نار الأسعار


08-27-2014 12:01 AM
على الأسعار: العقارات: نار الأسعار "تحرق" جيوب المستأجرين

الخرطوم: رباب محمود

أبت أسعار العقارات أن تكون استثناءً من منظومة الغلاء الطاحن في المعيشة، وكسلعة مرتبطة بمعايش الناس وأرزاقهم. ارتفعت أسعار إيجار العقارات في ولاية الخرطوم بقطاعاتها الثلاثة، وتعددت شكاوي المواطنين من ارتفاع الإيجارات، وعزا عدد كبير من أصحاب مكاتب العقارات الارتفاع لزيادة أسعار مواد البناء. وقال حسام إبراهيم بدري، صاحب وكالة "الدليل السوداني" للعقارات بأركويت، إن غلاء أسعار الإيجارات يأتي نتيجة غلاء المعيشة وارتفاع الأسعار عامة في السوق، موضحا أن أغلب أصحاب العقارات يعتمدون في معايشهم على الإيجار، ونوه إلى أن الطلب المتزايد على الإيجارات وخاصة من قبل الأجانب والمغتربين الذين توافدوا للبلاد. وفي حالتي بيع وشراء الأراضي، أكد حسام أن الإقبال ضعيف خاصة في المناطق الطرفية التي تنعدم فيها الخدمات، وكشف عن انخفاض الأسعار مقارنة بالمناطق التي تتوفر فيها الخدمات، فقد ارتفعت الأسعار وتراوح سعر المتر مربع للأراضي للقطعة العادية الداخلية غرب شارع الستين ما بين "4 -5" آلاف جنيه. أما في المناطق المرتبطة بالطرق المميزة، مثل طريق لفة جوبا، فيتراوح المتر المربع ما بين "7 إلى 8" آلاف جنيه. أما شارع عبيد ختم، فيتراوح سعر المتر ما بين "10 إلى 14" ألف جنيه حسب موقع القطعة، كل ما اتجهت شمالا أغلى سعرا من اتجاه الجنوب. وقال البدري إن أسعار الإيجارات بمناطق أركويت، المعمورة، امتداد ناصر وبري غرب شارع الستين، فقد بلغ إيجار الشقة الجديدة "غرفتان" (3) آلاف جنيه. والشقق القديمة "غرفتان" يتراوح ما بين "2 إلى 2,500" ألف جنيه. بينما ثلاث غرف جديدة (4) آلاف جنيه. فيما بلغ سعر الشقق القديمة (3) غرف (3) آلاف جنيه. وحققت الأسعار في مناطق الرياض أعلى معدل للإيجارات، الأمر الذي أكده حسام لـ(أرزاق)، وأوضح أن إيجار الشقة، ثلاث غرف جديدة، وصل إلى "5" آلاف جنيه. أما سعر غرفتين فيتراوح بين "3,500 إلى 4" آلاف جنيه.

وفي مدينة بحري، أكد محمد عبد الحليم، بمكتب عبد القادر العقارية، أن حركة البيع والشراء منعدمة تماما، أما الإيجار، فالطلب أكثر من المعروض، عكس البيع المعروض أكثر من الطلب. أما أسعار الإيجارات، فأوضح أن ارتفاع أسعار مواد البناء وكثرة الوافدين من الدول المجاورة الذين دخلوا البلاد من أسباب غلاء أسعار الإيجارات، وأشار إلى أن المتضررين من غلاء أسعار المنازل هم الشريحة الضعيفة ومتوسطة الدخل، وقال إن متوسط الإيجارات "غرفتان" بلغ "1,500" جنيه. أما في الأحياء الشعبية، درجة ثالثة، "غرفتان" "2" ألف جنيه. ودرجة أولى وثانية "غرفتان" "2" ألف جنيه، وبلغ سعر ثلاث غرف "3" آلاف جنيه. وفي مدينة أم درمان، قال عبد العظيم، إن الإيجار بمنطقة الفتيحاب، سعر الشقة "غرفتان" تتراوح ما بين "1,500 إلى 2,500" ألف جنيه. أما ثلاث غرف، فقد تراوح سعرها "2,500 إلى 3,500" ألف جنيه. بينما المنزل الأرضي يتراوح بين "3,50 إلى 4,00" آلاف جنيه، فيما "المهندسين" ما بين "2,500 إلى 2,00" ألف جنيه، والمربعات "1,500 إلى 2,000" ألف جنيه. أما البيع، فقطعة الأرض السكنية، تتراوح ما بين "70 إلى مليار" جنيه. أما الاستثماري، ما بين "مليار إلى 3 مليارات.

اليوم التالي


تعليقات 9 | إهداء 0 | زيارات 8402

التعليقات
#1439486 [سلامي]
0.00/5 (0 صوت)

04-04-2016 05:47 PM
والله كلام محاربة السماسرة دا حقيقه انا اكتر من شهرين عاوز بيت ايجار مالاقي السماسرة بيقولوا لسياد البيوت بيتك دا بتاجر 2الف في الشهر وهو حق 1الف او اقل ويمسكوا المفتاح وهم عندهم عموله شهر نص من المستاجر ونص من صاحب الملك المهم لازم محاربه السماسرة الذين يعطوا ارقام غير حقيقيه والحكومه تضع حد العموله 50 جنيه فقط عشان نحارب العطاله ديل والله انا ناقشتهم ولقيت السماسرة هم السبب الحقيقي لغلات الايجارات واحد صاحب بيت قال لي في سمسار غشاه وشال المفتاح الا كسر الطبله واجر البيت بدون سمسار لان السمسار شهرين بطوطح فيهو وكل زول يجيبوا لمن يسمع قيمة الايجار يطلع طوالي وامثله كتيرة زي دي

[سلامي]

#1091307 [الفنجرى]
0.00/5 (0 صوت)

08-28-2014 07:13 AM
بلد طول وعرض المتر المربع يكون اغلي من طوكيو؟؟؟

[الفنجرى]

#1091023 [مشعكل]
1.00/5 (1 صوت)

08-27-2014 06:16 PM
اسعار الأراضي والسيارات فى البلد دي ما حقيقية ، ودي مضاربات بتاعت سماسرة ،،، حتي تصبح الاسعار واقعية يجب محاربة السماسرة والطفيليين الذين يعيشون على ظهر الاخرين ، يعني شنو سمسار ولا فاتح مكتب عقارات ، وشغال تجيب دا تلاقيهو بي دا ويتفقوا ، ولا تجيب ليهو قطعة ارض علشان يشوف ليك زبون ، تكون عارضها بي 50 الف يقوليك يازول خلاص انا بجيب ليك زول ، بس اي حاجة فوق ال50 الف دي بشيلها . يمشي يعرضها ليك بي 80 الف . في النهاية تتباع بي 70 الف يكون قابض ليهو 20 الف وهو قاعد تحت شجرة النيمة مع ست الشاي ويشاغل فى البنات وياكل فى التسالي ...
السماسرة ديل عالة على المجتمع عاطلين متبطلين موقفين عجلة الانتاج ، لو مشوا زرعوا دخن ساي هسي السودان كان بقي من الدول المصدرة للدخن او الطلح زاتووو . ولكسرنا موسوعة قنيس فى الزراعة المدارة بواسطة عواطلية سابقين .. !!

انا سياستي اني ما اشتري عبر سمساري لا ارض لا عربية لا اي شئ ... وندعوا الجميع انوا يعلنوا بواسطة الانترنيت "ودي وسيلة مجانية" او عبر الصحف ، والشراء من البائع مباشرة ، """ لا للوسطاء ، لا للمتبطلين ،، لا للارزقية العالة على المجتمع ""


ليه السمساري يشيل نسبة 5% في بيع الارض وايجار شهر لو اجر ليك شقة او نسبة 5% في بيع العربة ، او تقع ليك في سمساري يغشك بي سلعة ضاربة ولا ارض مزورة ..

ندعو الجميع ان يتعاملوا مع اصحاب السلعة مباااااشرة ..

السمساري لو راجل وداير يشتغل بالحلال ، يمشي يشتري الارض او العربية او خلافه بعد داك ان شاء الله يعرضها باضعاف سعرها المهم يكون ببيع مايملك ، مش يسترزق من عرق الناس ويزود فى الاسعار .

يا ناس هوووووي انتبهوا ،،، الاراضي دي كلها والعربات وكل ما يدخل فيهو السماسرة هذه ليست اسعارها ،،، السماسرة مطيرنها السماء ساي ...

انتبهوا شوفوا صاحب الارض او العربية واشتروا منوا مباشرة ، امشوا المحامي وكملوا اجراءاتكم ،،، السمساري لزومو شنو ؟؟؟؟


ياخ انا قرفان من السماسرة وحليفتهم وكضبهم وطفيليتهم دي ... انا عاوز اشتري قطعة ارض فى مكان كويس ، لي سنة بفتش .. كل ما اخش موقع او صحيفة واتصل علي صاحب الارض المعروضة ، اذا لقيتو سمسار او مكتب طوالي بقفل الخط معاهو ...

مرة اتصلت علي واحد لارض معروضة فى كافوري ، قالي الارض دي بي 800 الف شيل وخت معاهو ، قالي ياخ صاحبها عارضها بي 700 الف ، نحنا خاتين 100 الف حقنا !!!!!!!!!!!! لكن ممكن نتفاهم فيهو !!!!!!!
شوف المستوي دا ... يعني يكون كسبان اكتر من صاحب الحق !!!!

[مشعكل]

#1090540 [المتجهجه بسبب الانفصال]
0.00/5 (0 صوت)

08-27-2014 10:56 AM
السبب شركات الجماعة الذين اسسوا شركات عقارية تهيمن على كل شيء،، لا أقول ارقام فلكية ولكنها ارقام مخجلة ،،

[المتجهجه بسبب الانفصال]

#1090403 [عوض الحسن]
4.99/5 (7 صوت)

08-27-2014 09:40 AM
المهم أسعار المقابر كيف؟؟؟؟؟؟؟

[عوض الحسن]

ردود على عوض الحسن
Saudi Arabia [السر موسى] 08-27-2014 11:49 AM
ههههههههههههههههههههههههههههههههههههههههههه
انت الذ زول شفتو


#1090385 [عمـــــــــو]
0.00/5 (0 صوت)

08-27-2014 09:23 AM
اسعار خرافية رغم سوء التخطيط ...

[عمـــــــــو]

#1090374 [عصمتووف]
5.00/5 (1 صوت)

08-27-2014 09:15 AM
حااااااااااااربوا الوسطاء (السماسره)


اراضي لا تسوي شئ طمع لا اكثر اين هي الشوارع ما كلها حفر ومطبات لو كانت الخرطوم في دقة نظام دبي ولا طوكيو ولا واشنطون ولا فينيا ولا جنيف تحفها الخضر والنجيلة لقلنا خير لكن كلها من راسها الي قدميها وسخ وقرف و ** وغالبية الملاك يعتاشون عليها بعد موجات الغلاء الضاربة ولا ننسي كذلك السماسره لديهم عود في كل شئ هم من اكبر الاسباب يجب قفل مكاتب العقارات اولا واخيرا صاحب المكتب يزيد ويريد ان ياكل من الجانبين يجب تجفيف هذا المهنة وعلي مالك اي سلعة صاحب عقار مزارع صياد سيارة التعامل مباشرة مع الزبون وبعقود من مكاتب المحامين
علي كل سمسار لا يعجبة راي يضرب راسة بالحيطة

[عصمتووف]

#1090321 [كجرو]
5.00/5 (1 صوت)

08-27-2014 08:29 AM
والله البحير العالم دي بتجيب قروش من وين مليار ترليون ديشليون والله حيرتونا يا سودانيين بلد قعويها يعوعي وبعوضها يطن وبرضو اسعارها ولا نيويورك ومونتريال واهلها شاردين منها واجانب جايين عليها صراحة في حاجات مخفية في السودان والخرطوم ما يعرفها الا الاجانب البيغتربوا في السودان بالله واحد جراح وشراح من قراء الراكوبة يورينا الحاصل شنو بالضبط

[كجرو]

#1090268 [sky painter]
4.88/5 (4 صوت)

08-27-2014 07:26 AM
اكبر فاتورة على كاهل المواطن و الحكومة لا تفعل شئ,تبني مساكن في السقط لقط و تريد الناس ان يسكنوا فيها...ما يسمى الاسكان الشعبى لو فلح في بناء خمسة ابراج في مواقع قريبة من وسط المدينة لكان افضل من الهبل البعملوا فيهو

[sky painter]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة