الأخبار
أخبار إقليمية
الزراعة تعلن جاهزيتها لتنجيل الميادين الرياضية
الزراعة تعلن جاهزيتها لتنجيل الميادين الرياضية
الزراعة تعلن جاهزيتها لتنجيل الميادين الرياضية


08-27-2014 11:35 AM
الخرطوم: حوازم مقدم
أعلنت وزارة الزراعة عن جاهزيتها لتنجيل الميادين الرياضية بالنجيلة الخضراء الطبيعية بدلاً عن النجيلة الصناعية وقال وكيل وزارة الزراعة بهاء الدين خميس لدى لقائه أمس بوفد كبار لاعبي كرة القدم بالسودان برئاسة كابتن علي قاقرين إن اللقاء جاء في إطار الجهود التي تبذلها وزارته لتطوير القطاع الزراعي بالتنسيق مع الجهات ذات الصلة بجانب التعاون والتنسيق بين وزارة الزراعة والعاملين في الحقل الرياضي وأكد كابتن علي قاقرين على أهمية التنسيق بين الجهات المعنية في كل المجالات وأمن على ضرورة تضافر الجهود بين الزراعة والرياضة وقال إن توفير البيئة المناسبة للعمل يتيح أجواءً أفضل للأداء.
من جهته قال كابتن عمر النقي إنهم كرياضيين جاهزون للتعاون مع الوزارة لتكامل الرسالة المجتمعية.

الجريدة


تعليقات 16 | إهداء 0 | زيارات 1674

التعليقات
#1091854 [ابو شهاب]
0.00/5 (0 صوت)

08-28-2014 06:21 PM
سبحان الله هو فى كوره عشان تنجلوا الميادين اى بطوله اشتركت فيها الفرق السودانيه ووصلت فيها حتى للدور الثانى يعنى المريخ فاز بكاس سيكافا خلاص انتو اعمار سنيه ماعندكم تنجلوا الميادين عشان شنو يابخت الغنم اللافه فى الشوارع تاكل من مال الشعب

طيب ما ينفق على تنجيل الميادين وبدلا من تتحمل وزاره الزراعه تقاعس المزارعين عن الزراعه ادعموا بيها الميكنه الزراعيه عشان على الاقل نلقى لينا لقمه عيش نفك بيها الريق هى الرياضه عندنا اصلا ما جايبه همها مما قمنا مازدا مدرب وعطا المنان مدرب حتى برنامج الرياضه البقدمه الاخ رضا بس كلام فى الهواء

هسع فى الوقت الحاضر خلونا من الميادين والرياضه شوفوا مايمكن توفيره للمواطن الغلبان عشان يعيش ويتعالج ويعلم اطفاله الكوره هوايه ومن زمان الناس بتلعب فى التراب هو عمالقه الكوره زمان سيد مصطفى وجكسا وكمال عبدالوهاب والدحيش وصديق منزول وغيرهم لعبوا فى التراب حفيانين او بجزمه باتا وهم بطلوا الكوره وحتى مشاهدتها لانو اصلا مافى كوره

المليارات البتعملوا بيها تنجيل للميادين وظفوها فى الزراعه والصحه والتعليم لاننا اذا زرعنا حتكون الصحه تمام ولما نصح حنتعلم ولما نتعلم حيكون فى ابداع بس المشكله كل المبدعين السودانيين هاجروا خارج الوطن ليه ؟؟؟؟؟؟ عشان البلد ناشفه من كل شىء

حتى اللوب والنبق والدوم

والبلد تغرق وتغرق هل من منقذ ياحكومه الانقاذ !!!!!!!!!!

[ابو شهاب]

#1091444 [داوودي]
5.00/5 (1 صوت)

08-28-2014 10:32 AM
هسه عليك الله دخل وزارة الزراعة بتنجيل المياديين شنو ، والبقصدو انو اي جهة بتشوف

شركة متخصصة بتقوم بتنفيذ التنجيل وبتشرف عليه من توفير مهندسين وعمال وبتكون مسئولة

عن اي قصور ،

يعني وزارة الزراعة التشوف شغله الاساسي .. وبيني وبينكم هي شغالة تدمير في المشاريع

فما مشكلة لو ضافو ليهم الاستادات ، اصلا كورة ماف ...

[داوودي]

#1091016 [كاك]
5.00/5 (1 صوت)

08-27-2014 06:03 PM
ممتاز ناكل مما نزرغ على الاقل اكل النجيلة اخير من اكل الحمير والضفادغ

[كاك]

#1091004 [aljaak]
5.00/5 (1 صوت)

08-27-2014 05:38 PM
بعد العشرة سنوات التي قضاها سعادة الوكيل في هولندا متجاوزا كل الاعراف الدبلوماسية . اتي لنا بالجديد الذي لم يسبقه له احد. لم ينسي العمولات التي كان يتقاضاها في هولندا . فكر وقدر انه بامكانه فتح باب جديد للعموله . ابشركم ان اقر له هذا المشروع سوف يقوم بالاستيراد من هولندا حتي يضمن نصيبه في كل شحنه نجيل. لك الله يا بلد.

[aljaak]

#1090933 [Eisa Eisa]
0.00/5 (0 صوت)

08-27-2014 04:07 PM
النجيًل الطبيعي يحتاج لمعامله خاصه حيث لا يحتمل الضغط الذي يحتمله النجيل الصناعي والنجيل. الصناعي يحتاج الي تأهيل حسب الاستهلاك هذه هي القاعدة الأولي يافاهمين والله مشكلتنا القلم في يد الذي لا يعرف الكتابه والحلق عند اللي ما عنده اذن الحقونا انقذونا من ناس الجهل المشدد

[Eisa Eisa]

#1090907 [حمورابي]
5.00/5 (1 صوت)

08-27-2014 03:36 PM
يا وزارة السجم في اولويات اكتر من ميادين الكورة وين الكورة عشان تعمل ليها ميادين شوفوا لينا مشروع الجزيرة و السوكي و الرهد والبساطة و شاشينا كلها بقت مواسير تخلوا الحمار وتمسكوا البردعة بلد امرها غريب

[حمورابي]

#1090905 [Big Mouth]
5.00/5 (1 صوت)

08-27-2014 03:32 PM
اديكم اقتراح افضل يا ناس وزارة الزراعه، انتفوا الشــِّــــــــعره بالمره و اكسبو اجر!! عليك الله دي دوله؟؟ الناس جيعانه و المعفنين ديل عشان الواحد يعمل فيها شغال يزرع في النجيله و المعفنين الكبار تقول الاخبار دي ما بتجيهم و لا بشوفو مقترحات و تقارير المشاريع الزي دي.

[Big Mouth]

#1090884 [المعتز سر الختم ساتى]
4.50/5 (5 صوت)

08-27-2014 03:17 PM
حقيقة من المؤسف جدا أن يختفى النجيل الأخضر من أعظم استاداتنا ( الخرطوم و مدنى ) ليحل بلا عنه النجيل الصناعى و المشكله ليست فى زراعة النجيل الأخضر ولكن المشكل فى خدمات ما بعد الزراعة . وهذا بحر واسع من المعرفه و الخبره و بحمد الله هنا بدولة الأمارات يوجد العديد من المهندسين الزراعيين الأكفاء و الذين يعملون فى هذا المجال و اكتسبوا خبرات واسعه فى هذا المجال و نحن فى جمعية المهندسيين الزراعيين السودانيين بدولة الأمرات العربيه المتحدة وهى جمعيه منضويه تحت لواء النادى السودانى نمد بأيدينا و على استعداد تام لتقديم كافة المعونات الفنيه و اللوجستيه ويمكن التواصل معنا على الأرقام التاليه
00971503828185/00971552163839

[المعتز سر الختم ساتى]

#1090881 [المقهور]
3.25/5 (5 صوت)

08-27-2014 03:15 PM
كدي خلونا من المجمجة على قولة حميدتي،المدينة الرياضية حصل فيها شنو؟؟؟!!؟

[المقهور]

#1090861 [الثائر حتى النصر]
5.00/5 (1 صوت)

08-27-2014 02:48 PM
يا ناس الرياضة أمشوا ألعب كورتكم ساااااااااااكت وزارة زراعة شنو البتزرع ليكم نجيلة والنجيلة بتاعتهم دي .... إلا في قعر البلاعات , خلاص مشاريعهم الزراعية وينها ووين محصولاتها- كذب ...نفاق...واعلام ... النجيلة قال... و الحوار قال... خلاص ... روحنا مرقت تظاهر ... والشارع سار .... غضب الأمة والاحرار ... بغتة ... سينهار نظام الانقاذ الفاسد فلا تخافوا لمة الترابي على البشير فهي أشبة بلمة التعيس عل خائب الرجاء.

[الثائر حتى النصر]

#1090853 [حيران شديد]
5.00/5 (4 صوت)

08-27-2014 02:43 PM
هى الكورة وينا البنجلو ليها الميادين ؟
والله حيرتونا

[حيران شديد]

#1090842 [سمسم]
0.00/5 (0 صوت)

08-27-2014 02:34 PM
عليكم الله دا كلام الخصر اقول في مشكله في انتاج الزره العام السابق وديل خلاص ما بقي عندهم حاجه ازرعها غير النجيله كل المحاصيل زابطه

[سمسم]

#1090796 [جنوبي]
4.00/5 (3 صوت)

08-27-2014 01:54 PM
هههههههههه الله ينجّل ... امكم !! ازرعوا فتريته خلونا ناكل !!!

[جنوبي]

#1090713 [zorba]
5.00/5 (1 صوت)

08-27-2014 12:53 PM
" وزارة الزراعة عن جاهزيتها لتنجيل الميادين الرياضية بالنجيلة الخضراء الطبيعية بدلاً عن النجيلة الصناعية"

وزارة الزراعة ... بعد فشل كل المشاريع الزراعية بما فيها مشروع الجزيرة ... تعلن عن الدور الجديد لوزارة الزراعة: النجيلة ثم النجيلة ثم النجيلة ثم النجيلة ثم النجيلة

تصريح "وزارة الزراعة": لا للنجيلة الصناعية بتاعت النصاري والكفار ونعم للنجيلة الطبيعية الاسلامية .. اسلامية .. اسلامية .. اسلامية

انتظروا الكيزان فالقادم أفضل:
بعد ما أكلتوا النيم ... حتاكلوا النجيلة والضفادع و الحمير و.و.و.و.

[zorba]

#1090650 [sa]
5.00/5 (1 صوت)

08-27-2014 12:11 PM
والله كويس .. لكن بمناسبة النجيلة دي أحسن تشيلو ماذدا ..لانو ماذدا تخصص دافوري (غبار يعني) وده مابنفع مع التطور الجديد ده ..

[sa]

#1090626 [أيام لها إيقاع]
4.00/5 (5 صوت)

08-27-2014 11:54 AM
خلاص سموها وزارة الزراعة والرياضة ، اصلاً هي ما شغالة بالزراعة

[أيام لها إيقاع]

ردود على أيام لها إيقاع
Saudi Arabia [صديق على] 08-27-2014 02:11 PM
و الله كويس بتكتر لينا الضفادع... يعني ضفدعتين بحجر واحدهههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة