الأخبار
أخبار إقليمية
توجيهات رئاسية بالسيطرة على الأسعار
توجيهات رئاسية بالسيطرة على الأسعار
توجيهات رئاسية بالسيطرة على الأسعار


08-27-2014 11:58 PM
الخرطوم (سونا)
عقد الاستاذ حسبو محمد عبدالرحمن نائب رئيس الجمهورية اجتماعاً اليوم مع حكومة ولاية الخرطوم بحضور اعضاء لجنة اجراءات الاصلاح الاقتصادي والتى تضم عدداً من وزراء القطاع الاقتصادي ومحافظ بنك السودان المركزي
وتناول الاجتماع بالبحث ارتفاع اسعار السلع الأساسية وسبل السيطرة عليها والخطط والبرامج الاقتصادية للولاية التى تهدف الى زيادة الانتاج حيث قدم والي الخرطوم ونائبه رؤية الولاية لمعالجة ارتفاع الأسعار واكد الاجتماع دعم الدولة لولاية الخرطوم باعتبار انها تتحمل العبء الاكبر للسياسات الاقتصادية مؤكداً على ضرورة اجراء معالجات استثنائية وقوية لتخفيض الأسعار من خلال الوفرة التى ستوقف المضاربات والاحتكار والتخزين .
وأصدر نائب رئيس الجمهورية عدداً من التوجيهات الداعمة للولاية في هذا الشأن أبرزها توجيهات لبنك السودان المركزي بتوفير العملات الصعبة لتوفير مدخلات انتاج الدواجن ودعم المنتجين حتى تحقق رؤية الولاية بخفض اسعار الدواجن ليصل سعرها الى (30) جنيه لكيلو الفراخ وتثبيت أسعارها كما تم توجيه البنك المركزي بتوفير العملات الأجنبية لولاية الخرطوم لتنفيذ برنامج الخبز المخلوط وسداد التزامات تمويل محطة مياه المنارة كما وجه الاجتماع ولاية الخرطوم بالتحرك العاجل لاستيراد لحوم حمراء من مناطق الانتاج وطرحها في اسواق البيع المخفض وزيادة عدد مراكز الانتاج الحيواني التى انشأتها الولاية في المحليات الـ 7 كما أقر الاجتماع ضرورة توجيه الدعم الاتحادي لقطاعات الانتاج بالتركيز هذا العام على زراعة الحبوب الزيتية لزيادة الانتاج المحلي من الزيوت ودعم صناعة الالبان واللحوم وتنفيذ المشروع المشترك بين ولاية الخرطوم وولاية نهر النيل بالتوسع في زراعة القمح
كما اقر الاجتماع زيادة مراكز البيع المخفض لتصل لكل مواطن وتتوفر فيها السلع الأساسية
هذا وقد خرج الاجتماع بتوجيه ولاية الخرطوم باعداد مصفوفه برؤيتها لمعالجة ارتفاع الأسعار وزيادة الانتاج لاقرارها في اجتماع يعقد في القريب العاجل تصدر منه قرارات وسياسات من الحكومة الاتحادية لتنفيذ هذه الرؤية .


تعليقات 23 | إهداء 0 | زيارات 4507

التعليقات
#1092057 [shal]
0.00/5 (0 صوت)

08-29-2014 02:34 AM
ﻻ تحلموا بغد جميل.

[shal]

#1091983 [moiez]
0.00/5 (0 صوت)

08-28-2014 10:03 PM
ثالث اكبر ثروة حيوانية حيوانية في العالم وعاوزين تستوردو لحوم حمرا المفروض كيلو الحمة يكون بي 3 جنية

[moiez]

#1091933 [ود البلد]
0.00/5 (0 صوت)

08-28-2014 07:51 PM
سبحان الله الانقاذ من يوم بدأت تحارب في التجار وفي الطلاب والتعليم وهم يقولون كل شيء متوفر ، نعم كل شيء متوفر منو البقرب ليه الشعب حياته في ضنك والحياة معاهم فقدت طعمها ، وسبحان الله في اخر انتخابات الشعب أنتخب عمر البشير بدل مكافأة الشعب عمر البشير نائم في العسل والحكومة تستنزف في الشعب وسير سير يا بشير لتدمير ما تبقى من الشعب السوداني عشان انت تكون متهني

[ود البلد]

#1091837 [warrag ali]
0.00/5 (0 صوت)

08-28-2014 05:01 PM
اسال السيد نائب رئيس الجمهوريه كم سيكون سعر كيلو لحم الحمير ارجو الرد

[warrag ali]

#1091729 [ننقولي]
0.00/5 (0 صوت)

08-28-2014 02:27 PM
الحل يكمن في تحقيق السلام، ايقاف الحرب ، ترشيد الصرف من هبات واعانات مثل التي تذهب الي غزة والاندية الرياضية في شكل تبرعات واهمال المشاكل الحقيقية للمواطن السوداني وابتكار افكار جديدة تقبل التحولوتتفاعل مع حركة السوق.

[ننقولي]

#1091719 [صالحين]
0.00/5 (0 صوت)

08-28-2014 02:14 PM
يا سافل شوف غيرها .... كتلتو الناس بالجوع ولسع دايرين
تستمرو فىالبحكم ... الله يصقت حجركم ونشوف فيكم يوم ... جنائية ولا حتى اعدامات فى الشوارع بعد ثورة شعبية تعصف بيكم وبى الخلفوكم يا قتلة.

[صالحين]

#1091715 [عباس محمد علي]
0.00/5 (0 صوت)

08-28-2014 02:12 PM
25 سنة وهم يرفعون الدعم المزعوم عن السلع و يضعون الخطط الوهمية للتخفيف من آثار رفع الدعم و معالجة النتائج السلبية لإرتفاع الأسعار و الحال نفس الحال و الأسعار ترتفع كل يوم و برامجهم الإسعافية الثلاثية و الرباعية والخمسية أيضا مستمرة وينتج الجديد منها كل يوم و الشعب المسكين يدور في عجلة مفرغة بين رفع الدعم و الأسعار و فراغ الخطط الوهمية للإنقاذ و درأ آثار قرارات رفع الدعم و ما يسمونه بتسميات خداعة لا ترى طريقها للطبيق لأنها أصلا غير قابلة للتطبيق و من وضعها يعرف و العجلة تدور و زير مالية جديد يفعل ما فعله سابقه فما الجديد غير رفع أسعار جديد و غلاء قادم و الشعب أكثر أفقرا و حرمانا وكل عام و أسعاركم نار !!!
بعد 25 سنة لا ينفع ولا يقدر أن يحل والي الخرطوم و لا البشير أي مشكل لم تحل في السنوات السابقة الحل إستقيل و سلم السلطة للشعب أو الشعب سيسقط الخضر و البشير !

[عباس محمد علي]

#1091710 [المهندس سلمان إسماعيل بخيت على]
5.00/5 (1 صوت)

08-28-2014 01:59 PM
يا رئاسة صجيتى بعد ربع قرن
خير ان شاء الله ايه اللى جد فى الأمر
أكيد الحلقة الضيقة التى خنقتم بها إنسان السودان الصابر لربع قرن
قد بدأت تطبق على عنقكم وتخنقكم معنا وستموتون قبلنا لأننا شعب تعود على الإبتلأت والبوش بالدكوة
الباقى عليكم أنتم جماعة التمكين من تعودتم على المحمر والمشمر وأفخاذ وارجل الفراخ المشوى المغمور فى عسل النحل الأصلى
قال ايه توجيهات رئاسية بالسيطرة على الأسعار
هى سيارة عشان تسيطروا عليها
ارفعوا الرسوم التى وضعتمونها على كل سلعة كل شىء سينخفض
ولكن لن تفعلوا لأنكم المستفيد من تلك الرسوم الضريبية
ولايمكن أن نصدق كذبة خوفكم على المواطن أنتم الود ودكم تأكلوا كل شىء لوحدكم وتأكلونا لحم الحمير والكلاب
ليكم يوم

[المهندس سلمان إسماعيل بخيت على]

#1091669 [bado]
5.00/5 (1 صوت)

08-28-2014 01:02 PM
ما دايرين منكم حاجة سلمونا ليها زي ما كانت قبل 25 عام ورجعوا لينا قروش الشعب السوداني اللهفتوها في خلال الفترة دي وكل زول يعيش زي ما كان عايش قبل 25 عام

[bado]

#1091621 [الركابي]
0.00/5 (0 صوت)

08-28-2014 12:17 PM
لاجديد كلام مكرر منذ العام 1989 م والاصلاح الاقتصادي يجب ان يبدأ بمحاكمة الحراميه اللي نهبوا اموال الشعب والخبراء الاقتصاديين هاجروا خارج البلد الموجودين ديل كلهم هم اللي ضيعوا البلد ودمروا الاقتصاد اهملتوا الزراعه والثروه الحيوانيه وضيعتوا مشروع الجزيره وخدعتوا الشعب بي سد مروي ودمرتوا الولايات ليهاجر كل ابناء الولايات المنتجين نحو العاصمه لامتهان المهن الهامشيه ونسال الله العلي القدير اللطف بالشعب السوداني

[الركابي]

#1091581 [.... و آخرون]
0.00/5 (0 صوت)

08-28-2014 11:32 AM
"خرج الاجتماع بتوجيه ولاية الخرطوم باعداد مصفوفه برؤيتها لمعالجة......."
أظن الشيء دي إعداد"مسفوفة"

[.... و آخرون]

#1091577 [.... و آخرون]
0.00/5 (0 صوت)

08-28-2014 11:28 AM
الشيءالمحيرني، قبل ما يحر "بوبي"، هو أن مشكلة السودان كلها و ضعت في المشكل الاقتصادي و في ولاية "أم صمرعق". يا ناس المؤتمر ، هي الشيء دي ما "لتكن"، و ما في زولا مشاركن فيها: لا طيرٌ و لا حجر!

[.... و آخرون]

#1091550 [Big Mouth]
4.88/5 (6 صوت)

08-28-2014 11:10 AM
سؤال غبي، كيف تتم السيطره علي اسعار تم تحريرها سلفا، انتو بتلعبو علينا وللا شنو؟؟
ــــــــسم الانقاذ زاتا

[Big Mouth]

#1091503 [جيكجاو]
0.00/5 (0 صوت)

08-28-2014 10:22 AM
كلام فاغ ما بفيد الشعب السوداني هل هذا اول مرة تقوموا بالاصلاح الاقتصادي ؟كلها ضياع وقت بدون فائده حسب راي اذا ما انحسم امر الحكم في السودان سنظل في الحال الان النحن فيهو واسوا كمان .

[جيكجاو]

#1091480 [زينة]
4.50/5 (4 صوت)

08-28-2014 10:01 AM
يا سيد اللبن اوعك تسمع كلام عمك حسبو الفارغ دة (وحمارك) دة ابقى عليه عشرة والا بكرة تلقاه معلق في الجزارة.

[زينة]

#1091443 [الغلاء]
5.00/5 (1 صوت)

08-28-2014 09:31 AM
يا عمك حسبو ارحم نفسك

[الغلاء]

#1091439 [مدحت عروة]
0.00/5 (0 صوت)

08-28-2014 09:26 AM
حل المشكلة الاقتصادية يبدأ بحل المشكلة السياسية وبعد داك الخبراء الاقتصاديون يضعوا برامج قصيرة ومتوسطة وطويلة المدى لاصلاح الاقتصاد!!
وحل المشكلة السياسية يا سيادة النائب الاول بيوقف الحروب ويقلص الحكومات المركزية والولائية اى يقلل الصرف الحكومى لادنى مستوى وتكون الاولوية للقطاع الانتاجى والتعليمى والصحى انسان او حيوا واصلاح البيئة!!!
وطبعا بتكون فى حريات وسيادة قانون وحكومة انقاذ حقيقية مؤقتة او انتقالية يتفق عليها وعلى مدتها وبعد داك تقوم انتخابات الخ الخ الخ!!!!!
عليكم الله يا قراء ومعلقى الراكوبة شوفوا نوعية البشر الحاكمين السودان؟؟؟؟
ما الناس البيكون همها انفسها وتنظيمها وقوى الامن البتحميهم على البلد السلام ومهما عملوا من قرارات الوضع ما ح يتغير بل يذهب للاسوأ!!!
كسرة: فى عالم الطب الجرح المتقيح واخد ليه مدة طويلة لم يعالج يكون علاجه بازالة كل التقيح والخلايا الميتة والمتقيحة اى جعله حرح جديد ينزف دما ومن ثم معالجته كجرح جديد ومن ثم الشفاء وليس بوضع العلاج على الجرح القديم واعطاء المهدئات بدون جعله جرحا جديدا!!!!!!
ولا انا غلتان وما فاهم حاجة وانه ناس الانقاذ او الحركة الاسلاموية حواء السودانية ما جابت زيهم فى الفهم السياسى والادارى؟؟؟؟؟؟
ناس الانقاذ او الحركة الاسلاموية يتبعهم الغاوون والجهلة والغوغاء والمنتفعين!!

[مدحت عروة]

#1091432 [منصور محمد احمد]
3.50/5 (2 صوت)

08-28-2014 09:22 AM
كلام مكرر كالعادة لكن الجديد بكل وضوع عن حل مشاكل العاصمة فقط يعني باقي السودان مامهم اصلهم راحوا في داهية. كان مامهم من زمان لكن الدورة دي بالعربي الفصيح. طبعا ده تخدير لي ناس العاصمة (وعيش يا حمار لمن تقوم النجيلة).
الاحسن ان تقوم الدولة بانشاء مطعم كبير ، كبير خالص ، ليقدم الوجبات مجانا لكل اعضاء المؤتمر الوطني و عائلاتهم فقط ، على ان تقدم البواقي و الكرتة لباقي سكان العاصمة باسعار مخفضة اي مدعومة من صدقات ناس الحكومة عشان يكتب الله لهم الثواب المحسوب.

[منصور محمد احمد]

#1091411 [فيصل]
4.50/5 (3 صوت)

08-28-2014 09:01 AM
ههههههههههه اضحك كل ما اسمع مدخلات الانتاج دي معناها مأكله جديده لي واحد كوز واطي ود حرام امو ما راضيه عنه

[فيصل]

ردود على فيصل
Norway [bahri] 08-28-2014 04:07 PM
كل ما اكل الضبع


#1091392 [ود عبدالله]
5.00/5 (1 صوت)

08-28-2014 08:39 AM
ي جماعة هو البخزن والبحتكر منو ما هم اكيزن الحرامية ديل الطلعو عينا وشردونا من اهلنا

[ود عبدالله]

#1091373 [د.انعام المكاشفي]
5.00/5 (3 صوت)

08-28-2014 08:15 AM
لسه عاوزين تعملوا مصفوفه ؟ الله يصفي دمائكم ياسفله علي قارعة الطرق بحق الشفع البتبيت جيعانه.

[د.انعام المكاشفي]

#1091339 [مفجوع]
0.00/5 (0 صوت)

08-28-2014 07:33 AM
المشكلة لن تحل والغلاء لن يتوقف إلا بزوال حكومة الكيزان ، ملكوا رغابهم لرأسمالية صنعوها بأيديهم بعد إزاحة الرأسمالية العريقة أمثال النفيدي ومصطفى الأمين وأولاد أبوالعلا وأتوا بمستجدي نعمة همهم تحقيق أكبر قدر من الربح على حساب المواطن المسكين فلم يراعوا الله في حرمة ، جلبوا أسوأ البضائع الصينية والماليزية والتايلندية وأستوردوا الفاسد من المواد الغذائية بل النفايات وغايتهم هي الربح ..
الغلاء لن يزول بمسكنات مالم يكون هناك إنتاج وإعادة للتدمير الذي قام به الكيزان للصناعة والزراعة وقبل ذلك فك الحصار الذي لن يتم مادام الكيزان في السلطة لأن مسبباته من إحترام لحقوق الإنسان والحرية ورعاية الإرهاب وغيره ..
الحل الاسهل هو زوال الكيزان ..

[مفجوع]

#1091320 [سوداني كردفاني]
4.50/5 (3 صوت)

08-28-2014 06:54 AM
‎لاجديد كلام في كلام والنهاية صفر كبير ‎

[سوداني كردفاني]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة