الأخبار
أخبار إقليمية
رجل أعمال سوداني يقاضي الخطوط الجوية القطرية
رجل أعمال سوداني يقاضي الخطوط الجوية القطرية
 رجل أعمال سوداني يقاضي الخطوط الجوية القطرية


08-27-2014 05:49 PM
الخرطوم: مي عز الدين
تقدم رجل أعمال سوداني بشكوى ضد الخطوط الجوية القطرية لمنعه من السفر الى دولة اسبانيا. وأفاد ان الخطوط القطرية اتهمته بتزوير ختم الفيزا وبناء على الاتهام تم إرجاعه الى السودان وتسليمه الى سلطات مطار الخرطوم التي بدورها قامت باحتجازه والتحقيق معه. وأفاد مصدر ان السلطات السودانية خاطبت القنصلية الاسبانية التي أكدت صحة الختم .
واشار المصدر الى ان تفاصيل البلاغ تعود الى أن دعوة جاءت الى رجل الأعمال للمشاركة في المعارض والمؤتمرات السياحية بدولة أسبانيا فاتجه الرجل لتوفيق أوضاعه وتكملة الاجراءات وحجز «سبيس» لترويج السياحة في السودان وتم منحه تأشيرة لدولة أسبانيا وتم الحجز عبر مكاتب الخطوط القطرية بالسودان بواسطة وكالة سفر إلا ان الأجهزة المختصة أوقفت الرجل بمطار الدوحة بحجة أن ختم السفارة الاسبانية مزور ودون في مواجهته بلاغ تحت المادة «166» من القانون الجنائي ضد الخطوط الجوية القطرية لإشانة سمعته والأضرار المادية والمعنوية التي تعرض لها.

الانتباهة


تعليقات 13 | إهداء 0 | زيارات 13672

التعليقات
#1091804 [الانصاري]
4.00/5 (1 صوت)

08-28-2014 05:12 PM
اه يا الحبيب لو كنت مكانك كان وريتهم الويل والله ما ارضى الا يدوني طايرة من طياراتهم الكتيرة دي بس زي ما قالوا الشباب شوف ليك محامي كارب او اقول ليك اديها لي سبدرات وتاكد انو حايجيب ليك اجلهم زي ناس الاقطان

[الانصاري]

#1091496 [ساهر]
3.00/5 (3 صوت)

08-28-2014 11:16 AM
نجيلا لاوسون مقدمة برنامج طبخ شهير على التلفزيون البريطاني مُنعت من دخول الولايات المتحدة الأمريكية بعد حصولها على تأشيرة دخول. تم إنزال نجيلا من الطائرة التي كانت مغادرة إلى واشنطن من مطار هيثرو. السبب؟ أنها أعلنت في لقاء تلفزيوني أنها تناولت (الميروانا- الميرجوانا) ذات مرة لتخفف من وطأة انفصالها عن زوجها.

* أمس فقط نشرت الديلي ميل، أنه تم إنزال راكب فرنسي من أصل جزائري من الطائرة المغادرة من لوس أنجلوس إلى باريس. السبب؟ ذكر بعض الركاب أن هذا الركاب يتميز برائحة (عفنة). الراكب من جانبه أكد أنه وضع على جسمه كمية كبيرة من العطور صناعة كيريستان ديور، إلا أنه يبدو أنه من النوعية التي تتميز برائحة الأبط (الجوافية، أو الليمونية، أو ما نسميه عندنا ب " الصناح" أو " النحاس") فاختلط بالعطر ثم أصبح شيئاً لا يطاق؟؟؟ الراكب من جانبه رفع دعوى ضد تلك الخطوط الجوية. الغريب في الأمر، أن المضيفة أكدت له أن هذه أرض أمريكية، ومن حقنا منعك من السفر؟؟؟

* إبان ارتفاع المد الإسلامي الإنقاذي ومعاداتهم لمعظم دول العالم، ومعاداة معظم دول العالم لهم، كان قادة طائرات الخطوط الجوية المصرية يحتجزون جوازات سفر المواطنين السودانيين المتجهين إلى أمريكا، ولا يسلمونها لهم إلا عند الوصوول وأمام ضباط الأف بي آي الأمريكيين؟؟؟؟
علامات استفهام كثيرة، تلف مثل هذه المواضيع، وهي علامات بحاجة إلى استفسار.
الخطوط الجوية القطرية مخطئة مائة بالمائة وتستحق المساءلة ورفع شكوى ضدها، وإلصاق أنفها بالدعقاء حتى لا تكرر مثل تلك الحادثة.

في حالتي الطيران المصري والقطري، كان قادة تلك الطائرات أو ضباط أمن تلك المطارات يقومون بدور غير منوط بهم، وليس من حقهم. فقط نوع من (التعرصة) لأمريكا.

الخذي والعار لعالمنا العربي ولواضعته وتذلله لإرضاء الغرب. تباً لهم.

[ساهر]

#1091475 [زول سوداني]
4.50/5 (4 صوت)

08-28-2014 10:54 AM
دي فرصة العمر ياسيد ....
وزي مابقول المثل " جاك ياضبعة غداك في محلك "
القطريين مايدقسوك شوفلك محامي خواجة مفتح واديهو %5 من المبلغ وكبر مبلغ التعويض .....
وبالتوفيق ::::::::::

[زول سوداني]

#1091410 [ابومحمد]
5.00/5 (1 صوت)

08-28-2014 10:00 AM
الى عثمان ابوعلي
ليه زعلت على الكلام الكتبو امير الراجل ما قال اي شئ غير جزء بسيط من الحقيقة وشكلك نافع كبير او منتفع كبير ونرجو اننا ما نطبل للحكومة دي عشان تعرف هم وين من الدول الأخرى ، مافي مقارنة مع اي بلد من اللى ذكرتهم بلاد فيها بنية تحتية كاملة منذ أكثر من قرن ونحن لسة بنغرق في موية المطر على كل حال امثالك هم اللى ضيعوا البلد لانهم مطبلاتية ويلوون عنق الحقائق.

[ابومحمد]

ردود على ابومحمد
Saudi Arabia [osmanaboali] 08-29-2014 02:49 AM
انا لم اطبل للحكومة في ستبن داهية الحكومة انا اتكلم عن الشعب هل الشعب السوداني اصبح كله مجموعة من الحرامية مشكلتم ان كل من خالفكم مع الحكومة انا ماجبت سيرة بنية تحتية ولا غيره في كينيا ضابظ الجوازات يطلب منك مالا بمجرد وصولك وفي خارج نيروبي اذا لم تعد قبل مغيب الشمس الى داخل المدينة لو وجدك اللصوص في الطريق فسترجع بيتك مثل يوم ولدتك امك وجنوب افريقيا كذلك التجار الصومال يقتلوا كل يوم ومصر تحرش ونصب واحتيال ما دخل هذا بالبنية التحتية ايها المعارضون بدون عقل انا اقول لك مادام امثالك وامثال امير موجودون فابشر ببقاء الكيزان حتى ياتي شعب يعرف الوطنبة قبل المعارضة مهما اختلفت مع الحكومة فساظل امدح بلدي وشعبها الذي بالقطع انت وهو لستم منه لانهم باقون والكيزان ذاهبون المصريون عانوا من ذل واهانةالحكومات من عبد الناصرالى مبارك ولكنهم لم يشتموا بلدهم ايدا ولن تسمع مصريا كتب يان المصريين نصابين والحكومة مرتشبة وعلى السياح ان يحذروا هنا يظهر الفرق بينكم وبين المصريين اخيرا انا لست في السودان حتى اكون منتفعا من هؤلاءالفاشلون ولست عضوا في تنظيهم المشئوم حتى اكون مطبلا لهم فقط انا احب بلدي وهذا يخفي عني كل عيوبها.


#1091337 [طارق الباز]
4.75/5 (4 صوت)

08-28-2014 08:32 AM
من حقو رفع دعوى ضد الخطوط القطرية سوا كان كوز ولا غيرو

[طارق الباز]

#1091180 [amir]
4.50/5 (7 صوت)

08-27-2014 11:08 PM
حكاية السياحة الطالعين فيها دي شنو .افرض جانا سائح وصل مطار الخرطوم يقيف ساعة حتى يتم ختم الدخول ثلاث ساعات انتظار العفش يدفع 30 دولار للحمالي عشان يوصل ليهو شنطتو للتكسي يركب امجاد او بوكس او تكسي ويكون ماسك الباب كويس عشان ما ينفتح والعربية ماشة ويدفع ربطة من ابو عشرين ينزل في فندق في السوق العربي ويمسح جزمتو عشرة مرات في اليوم عند بتاعين الورنيش يفطر فولة كاربة وكيس تمباك من الجمهورية وامجاد على شارع النيل يشوف كبري توتي وبرج الفاتح ولو احتاج لقضاء حاجته ينزل البحر يقوم يتسلبط فيهو اثنين من اي جهاز عسكري الجابك شنو وين ساكن وين جوازك ارح معانا القسم ولا اقول ليك ادفع لينا 100دولار ونحنا بنمشي معاك حراسة ليك من الحرامية والنصابين
والسيناريو طويل

[amir]

ردود على amir
[tata] 08-28-2014 03:58 PM
سياناريو رائع يامير..تعال نكتب مسلسﻻت سوا..حلوم فولة كاربة...لكن نسيت سوق الناقة..هههه

United Kingdom [كجن كتى مورتى قلق] 08-28-2014 01:37 PM
اضحكتنى يا امير والله رسمت صورة حقيقية وساخرة للوضع. والاسمو عثمان ابو على ده يبدو انو شخص ما جادى.. ورده ينم على سذاجة وخداع الذات

Saudi Arabia [osmanaboali] 08-28-2014 02:44 AM
الله ياخذ المثلك تشتم في البلد كانك ما سوداني وكانه كل السودانيين اصبحوا بالسفالة التي تحكي بهااذن انت واحد من هؤلاء السفلة اذا حكومة السودان زفت اشتمها ولكن الشعب السوداني وان ظهرت فيه عوارض امراض في ضعاف النفوس يمكن مثلك ولكن الاغلب والحمدلله نقي وصابر وابي والذي قلته هذا موجود واسوا منه في مصر وكينيا وجنوب افريقيا ولكن السياح لم يمتنعوا من الحضور الى هذه الدول في فقدت البوصلة وضاعت والحمدلله ال1ي عافانا مما ابتلاك به من سزء الظن


#1091099 [قرد الطلح]
5.00/5 (3 صوت)

08-27-2014 08:47 PM
دة كلام كذب ساكت رجل اعمال شنو البرويج للسياحة فى السودان يكون شايل دولارات عاوز يهربها الى اسبانيا ويكون قريب نافذ والنافزون هم عمر البشر . على عثمان محمد طة. نافع على نافع. غندور . الدقير, مصطفى عثمان. . ضع علاقة صح على الاسم الاقرب الى نوع هذا العمل

[قرد الطلح]

ردود على قرد الطلح
Qatar [سوداني] 08-28-2014 11:30 AM
حقيقة إسمك البتختاره بيشبهك، ولكن إعتزار للقرود.
اولاً كيف عرفتة عشان تقول ده كلام كذب؟
وليه ما يكون حقيقي؟
وليه ما يروج سوداني للسياحة في بلده؟ إنت فهمك شنو للسياحة؟ بلاد زي باريس ونيويورك؟
وعملته مهرب كيف؟ خاف الله.
وكمان عملتة قريب نافع كيف؟
قمة في الجهل والسذاجة وعدم الثقة في النفس وفي مواطنين بلدك وفي قدارتهم إنهم يكونو ذو مقدرات ومنها ترويج للسياحة.

Saudi Arabia [لفته] 08-27-2014 11:10 PM
لا يا أخي لو كان قريب هؤلاء لكان قد مر بسهولة ولقدمت له كل التسهيلات هل نسيت أن هؤلاء إخوان وقطر ترعاهم وتفرخهم ؟ إذا هذا التاجر لا ينتمي لهؤلاء وربما بمضايقات من أمن نظام البشير في دويلة قطر هم الذين أشاروا بعرقلة هذا التاجر.


#1091092 [GOZE DONGO]
3.88/5 (9 صوت)

08-27-2014 08:31 PM
ما تقبل أقل من 10 مليون دولار في دول الغرب قضية كثلها تكلف شركة الطيران مئات الملايين من الدولارات ؟؟؟ و بعدين ما علاقة الخطوط بالتأشيرة مزرة و لا سليمة هناك أجهزة في المطار تستوثق من الجوازات و صحة ال×تما ؟؟؟؟
شلاقة قطرية ؟؟؟

[GOZE DONGO]

ردود على GOZE DONGO
Saudi Arabia [faris] 08-28-2014 10:39 PM
والله كلامك صحيح نفس السؤال كنت عايز اسالو ما هي علاقة الخطوط بفحص التاشيرات يعنى انت لو معزوم فى مكان ماء هل من حق الجهة الحتوصلك ان تسألك وتعمل حرسة للجهة المضيفة .

United Arab Emirates [موردة حضارة] 08-28-2014 08:48 AM
you are right 100%, visa inspection not their business, it is an official matter concern the airport authority only.

United States [omda] 08-28-2014 05:30 AM
كلامك صاح لكن داير لي محامي كارب ونفسو طويل ويبعد من الاجاويد وقولو خير وباركوها


#1091091 [شانشيء]
5.00/5 (5 صوت)

08-27-2014 08:24 PM
الدعوي ضد الخطوط الجوية القطرية ولا سلطات الجوازات بمطار قطر . القطرية دي ناقل فقط

[شانشيء]

#1091090 [أمة الامجاد]
4.25/5 (7 صوت)

08-27-2014 08:21 PM
قطرية غنية بالفلوس فقيرة فى الادارة
اى حمار بفتح موقع السفارة الاسبانية فى العالم وبيعرف ان هذا الختم مزور ولا صحيح فى اقل من دقيقه
على هذا السودانى تحديد 5 مليون دولار للتعويض وتعيين محامى دولى يقبض 10 فى المئه
خليكم ملاحظين ان هذه الايام هناك حملة مسعورة لتشويه السودانيين من

[أمة الامجاد]

ردود على أمة الامجاد
Sudan [nagatabuzaid] 08-27-2014 09:41 PM
5 مليون شوية


#1091070 [Al Haj Ali taha]
5.00/5 (5 صوت)

08-27-2014 07:47 PM
ممكن اطالب علي الاقل ب مليون دولار بس اشوف محتمي من اميركا ويدفع ليه 50% من المبلغ

[Al Haj Ali taha]

#1091046 [بادي أبو شلوخ]
0.00/5 (0 صوت)

08-27-2014 07:06 PM
ترويج السياحة في السودان ولا أكل لحم الحمير والضفادع في السودان؟؟؟؟

[بادي أبو شلوخ]

#1091019 [كوكي]
4.50/5 (9 صوت)

08-27-2014 06:05 PM
دي فيها هبرة جامدة

[كوكي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة