الأخبار
أخبار إقليمية
ترحيل 3 سودانيين حاولوا السفر لبريطانيا بجوازات لاتخصهم بمطار القاهرة
ترحيل 3 سودانيين حاولوا السفر لبريطانيا بجوازات لاتخصهم بمطار القاهرة
ترحيل 3 سودانيين حاولوا السفر لبريطانيا بجوازات لاتخصهم بمطار القاهرة


08-27-2014 06:01 PM
ألقت سلطات مطار القاهرة اليوم القبض على ثلاثة سودانيين أثناء محاولتهم السفر بجوازات لاتخصهم مستخدمين الماكياج لتعديل وجوههم للتشابه مع أصحاب الجوازات الأصلية ..تم تحرير محاضر لهم.. وصرحت مصادر أمنية بالمطار انه أثناء إنهاء إجراءات جوازات ركاب الطائرة المصرية المتجهة إلى لندن إشتبه رجال الجوازات فى جوازات سفر بصحبة ثلاثة سودانيين وبفحصها تبين أنها لاتخصهم وأقر الركاب أمام اللواء " مجدى السمان " مدير إدارة الجوازات بحصولهم على الجوازات من أحد الأشخاص مقابل 15 ألف جنيه إسترلينى وقاموا بإستخدام الماكياج لتعديل وجوههم لتقترب مع أصحاب الجوازات الأصلية ــ جوازان سودانيان بهما إقامة بريطانية وجواز بريطانى ــ إلا أنهم فشلوا فى خداع رجال الجوازات.

وأمر اللواء "علاء الدين على" مساعد وزير الداخلية لأمن مطار القاهرة بمصادرة الجوازات وتسليمها للسفارة البريطانية مع تحرير محاضر للركاب وترحليهم إلى السودان حيث أظهروا جوازاتهم الأصلية .

اخبار الوقع


تعليقات 8 | إهداء 0 | زيارات 7130

التعليقات
#1091643 [حسون]
5.00/5 (1 صوت)

08-28-2014 01:42 PM
ديل سودانيين جد اغبياء تلاقيهم جالسين في مصر 20 سنة وشغالين نهب واخر النهاية لقوا الجوازات او سرقوها او اشتروها وفكروا يمشوا بيها الي بريطانيا ديل ناس عاقلين ليه هسي السمعة السيئة دي او كنتوا احسن ليكم تجلسوا في المغبرة دي لمن ربنا يسهل ليكم الامر لكن دي الشلاقه السودانية اصبحوا خلاص السودانيين ملطخين وحرامية بالخارج أي واحد تاني يمشي أي دولة يشكوا فيه مهزلة سودانية بقت . والله يصلح الحال بس

[حسون]

#1091530 [ساهر]
4.88/5 (4 صوت)

08-28-2014 11:50 AM
والله قصص غريبة!! فحص الجوازات والتأكد من صحة التأشيرات ليست من شأن دول العبور بل شأن أصيل من شئون دولة الوصول. إلى متى يتلاعب بنا المصريون؟؟؟
سؤال: هل يتحقق ضباط جوازات مطار الخرطوم من صحة تأشيرات الأشخاص غير السودانيين المسافرين إلى جهات أخرى؟؟؟؟

تخيلوا معي أن شخصاً مصرياً، تونسياً، مغربياً أو خليجياً، كان حاصلاً على تأشيرة دخول لبلد ما من أي جهة ما، ثم كان بالسودان، وأراد السفر منه إلى تلك الجهة، ثم توقيفه بمطار الخرطوم ومنعه من السفر بحجة أن تأشيرته مزورة، هل تسكت سلطات تلك البلاد؟؟؟ لا أقصد بعدم السكوت تشجيع تزوير التأشيرات، ولكن يجب الاحتجاج على عدم دستورية الإجراء نفسه. لقد أصبحنا أمة (عارية)، إلا من ورقة توت صغيرة نسأل الله أن لا تسقط فجاءة وبعنف.

أخيراً، مبلغ 15 ألف جنيه استرليني يعتبر ثروة كبيرة، ويمكن أن يبني مشروعاً يدر دخلاً يكفي هؤلاء الحالمين... لقد أصبح السفر نزوة شبابية، ولكن هذه النزوة نشطت واستفحلت في عهد أصبح فيه السوداني مشبوهاً. لا حول ولا قوة إلا بالله.

[ساهر]

ردود على ساهر
Qatar [عمرو الاهلاوي] 08-29-2014 01:02 AM
يا ساهر كراهيتك لمصر اعمت عيناك عن رؤية او حتى التفكير في الموضوع
كيف يعني انت منتحل شخصية شخص اخر وتقول ده مش مسؤولية دولة العبور
يا اخي اتق الله
ضحكتني ياخي وانا مليش نفس اضحك
هههههههههههههههههههههههههههههههههههههههههههههه

United States [Sadrik] 08-28-2014 07:01 PM
الموضوع ما موضوع تاشيره الموضوع موضوع انتحال شخصيه يعاقب عليها القانون في اي بلد

United Arab Emirates [البعاتي] 08-28-2014 02:15 PM
يا أستاذ ساهر
الجوازات المسروقة، والتي يتم إبلاغ السلطات بفقدانها يتم التعميم عليها بالانتربول، والتأكد من مطابقة بيانات الجواز مع حامله من صميم عمل ضباط الجوازات بالمعابر الدولية.


#1091433 [AMISOONALTANY]
5.00/5 (1 صوت)

08-28-2014 10:23 AM
اللحوي كلامك صاح زوجي من اصحاب الاملاك فى الخرطوم وقررنا نهاجر والحمد لله ربنا ووفقنافعلا ما حوجة مادية ولو عندنا بعض الاسباب الشخصية ولاكن لأسباب كتيرة منها تعليم افضل وعلاج متوفر ودراسات عليا مقيمةونفسيااااات احسن

[AMISOONALTANY]

ردود على AMISOONALTANY
United States [تائه] 08-28-2014 04:49 PM
تعال أبدلك بالجد والله أنا عايش في أمريكا وصاحب عقارات في اكبر مدينه لكن نفسياتي واطه ولا احلم تعليم ابني في أمريكا لو لساعه واحده القال ليك الدكاترة أحسن كذب احتمال نوع الدواء اجود دي الفرق الوحيد في النهايه لا وطن نرجع اليه ولا وطن اخر بيكون وطنك


#1091330 [منذر]
5.00/5 (1 صوت)

08-28-2014 08:17 AM
يبدو أن المدعو ed adam من المحبطين الذين لم يجدو وظيفة معتبرة معدة وجاهزة فى انتظارهم لدى قدومهم لبريطانيا, وعند قدومه اكتشف أن المؤهلات والمنافسة حسب المقدرات هى المحدد للحصول على تلك الوظيفة العالية, ولا توجد طرق أخرى من وساطات وغيره وعندها كانت الصدمة الشديدة بألنسبة له, وينسى أن هنالك أعداد كبيرة من الاطباء السودانيين يعملون فى كل المستشفيات البريطانية واعداد كبيرة من الفنيين المتخصصين من مهندسين وغيرهم يعملون فى وظائف جيدة, وأن المسألة فى النهاية تعتمد على الشخص وامكانياته العلمية والحرفية, وبريطانيا تكتظ بمهاجرين من كل أنحاء العالم والمنافسة على أشدها, والمفتاح الى باب الدخول الاول هو اجادة اللغة,من هو غير ملم بهذه المعلومات الاساسية عن الهجرة لبريطانيا أوأى دولة غربية أخرى فسيجد عند القدوم أحلامه قد تحطمت كصديقنا ed adam فربما كان من الافضل تجريب الحظ فى السعودية أو دول الخليج على الاقل عامل اللغة قد يساعد لوظائف أفضل.

[منذر]

#1091239 [ماتشيلي هم]
4.50/5 (5 صوت)

08-28-2014 01:52 AM
ed Adam كلامك دا ما صاح ولاشئ ما كل الناس شغالة كدا ولاشئ وانا مقيم في كندا في ناس هنا شغالين والله اشغال كويسة عديل كدا وبعدين في الغرب في حاجات كتيرة متوفرة ليك وعندك حاجات كتيرة ممكن تستفيد منها اي هنا ممكن الدول تكون غالية بس الشغل في واهم شي من الدول دي انك تتاهل وتعمل شهادات وبتكون عايش عيشة كريمة يريطانية غالية معروفة بس ما معناهاناس السودان احسن منك بعدين ياياخي الخوجات ديل عموما ما بهتمو بي قصص التلفونات والحاجات دي الناس عملية عكس السودانين والعرب عموما المهم السودان دا حاليا اعفن دولة في العالم بعد الصومال والامكان دي السودان اهل واصحاب معاك بس عيشة كدا حرم عليك تقارن وتقارن كمان بي بريطانية علي الاقل انت بتلاقي شغل كان مطعم ولا بتاع هناك في مطعم مافي شغل تقول لي شنو بعدين انت بتاخد كم في الساعة في امريكا وكندا عندنا اقل اجر 11 دولار لي الساعة تقول لي سودان يازول دا غير انو مافي امراض هنا والعلاج متوفر والبلاد نضيفةعشان كدا احمد ربنا انت في نعمة كبيرة مع كل الود والتقدير

[ماتشيلي هم]

#1091094 [مستغرب]
5.00/5 (2 صوت)

08-27-2014 08:34 PM
يعنى ما لقيتو طريقة ترشو أولاد بمبة!!

[مستغرب]

#1091048 [nagatabuzaid]
4.88/5 (4 صوت)

08-27-2014 07:06 PM
ما كنت قايلة فى ناس اعبط من الانتكاسيون الكارثة تبيعوا المية فى حارة السقايين ؟ فى ابرع من المصريين فى المكياج وتغيير الاشكال ؟ وكمان عايزين تمروا بسلام ؟ اكيد الجوازات مسروقة المبلغ المدفوع يرمم ويبنى كم بيت من الاجتاحتهم السيول داهية تاخدكم انتوا والحكومة السبب

[nagatabuzaid]

ردود على nagatabuzaid
Sudan [nagatabuzaid] 08-28-2014 05:26 PM
تسلم يا ستاذ احمد حقيقة الموضوع غامض خاصة المبلغ الضخم والجوازاتالتى هى اكيد مسروقة وايضا من يريد ان يهرب عن طريق مطار القاهرة فهو غبى ديل عيونهم مفنجلة حسب قول المصريين ومصحصحين للاخر وكما قلت ننتظر يا خبر النهار ده بلاش بكرة بفلوس

Australia [ahmed] 08-28-2014 01:02 PM
السيدة الفضلة نجاة أبوزيد
بالتأكيد الخبر ناقص ! ودعينا نحسبها بدقة أكثر فهناك إحتمالين لا ثالث لهما أولاً المبلغ المدفوع يكون جزء من مبلغ ضخم تمت سرقته من السودان وأراد هؤلاء الثلاثة تهريب المبلغ الي لندن ولم يستطيع الثلاثة التحدث عن المبلغ وقد يكون المبلغ في حوزة من وفر لهم الجوازات وهو الذي أبلغ عنهم المصريين
الإحتمال الثاني أن تكون جهة إرهابية أرادت إرسالهم بهذه الطريقة لتنفيذ عملية إرهابية في الأراضي الإنجليزية وفي هذه الحالة رغم ضعفها ولكن لن يعرف هؤلا كم من المال تم دفعه ولذلك أرجح الإحتمال الأول فليس من المعقول أن يمتلك ثلاثة أشخاص خمسة عشر ألف جنيهاً إسترليني غير مصاريف السفر ويذهبون الي مكان يجهلونه تماماً في حين كان في إمكانهم الإستثمار في السودان وسط أهلهم . وفي إنتظار الموضوع .


#1091041 [ود كركوج]
4.25/5 (11 صوت)

08-27-2014 06:56 PM
وانتو يااغبياء لوعندكم 15 ألف جنيه إسترلينى ماشين بريطانيا تعملو شنو؟ عشرة سنوات هناك وانتو التلاتة ماحاتقدرو توفرو مبلغ زي ده الا تبيعو مخدرات.

[ود كركوج]

ردود على ود كركوج
United Kingdom [جاوس] 08-28-2014 03:58 AM
كلامي للمدعو ed adam . بالله عليك بريطانيا السودانيبن شغالين فيها غفراء وغساليين ... اتقي الله ربك بريطانيا فيها اكتر من 1680GP او طبيب عمومي سوداني الجنسيه . مهندسين و اطباء و محاميين ومترجميبن وطلبه في جميع المجالات ومن الجماعه الجاييين من كالي بالبصات واللواري برضو فيهم ناس دكاتره وصيادله ... بواب و خباز دي الا عندكم في السويد لو انتا ماكنتا شغال بواب وعموما الشغل ماعيب بس نظرتنا دائما عليله للوظائف الصغيره .

United Arab Emirates [اللحوي] 08-27-2014 10:39 PM
أنا بعرف ناس في السودان عندهم عمارات في قلب الخرطوم تركوها وسافروا .... وليس كل من يهاجر خارج السودان همه جمع المال ... !!!

Sweden [ed Adam] 08-27-2014 09:51 PM
والله يا ود كركوج كلامك مئه في المئه عندي ود خالي قاعد في السودان ومعاه اي فون 5 انا في بريطانيا ما قادر اشتري لما كلمتو الكلام ده ضحك لحدي ما وقع ادردق وقال لي طيب قاعد تسوي شنو هناك؟؟ يا اخوى الناس مغشوشه بالغرب بس لكن الحقيقه مافي شيء هنا فى بريطانيا للاجانب وأحسن خريج شغال في مطعم لغسيل الصحون والله العظيم .ومعظم السودانيين وبقيه الاجناس التانيه أحسن شغل ليهم غفير في المحلات التجاريه يعني سكيورتي ودي الحقيقه يا ناس .قبل فتركه كانت في ندوه سياسيه ومشيت للندوه بعد ماخلصت شغل المطعم لافاجي بان الضيف المتحدث والمهندم في أحسن لبس مأهولة الا واحد صاحبنا شغال عامل في مصنع الببسي بيجمع الصناديق الفارغهووالله العظيم ازدت قناعه بان حكومه الانقاذ حتقعد تنأى 100 سنها الشغل ما عيب لكن الناس ما بتقول الحقيقه وإذا سالت واحد يقول ليك القروش بنلمها من الشارع. لكن الحقيقه ما كده الانسان هنا بيعاني سوا كان خريج او غير خريج الكل اصبح نفسيا تعبان وفاشل و ما اصعب الشعور بالفشل؟ عشان كده البعض وجد أحسن شيء انو يقعد يعارض لانو ده طريق يتنفس منو سكرات الفشل ويقول ليك السبب حكومه الانقاذ وكأن الانقاذ وفرت ليهو جواز سفر مزور وقالت ليهو يلا يقوم سافر.وبكره لو مشت الانقاذ يقد كمان في الحكومة الجديده ويقول ليك أحسن كان الانقاذ جاتكم بلاوي تخمكم وتخم المعارضه معاكم.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة