الأخبار
أخبار إقليمية
الخضر : زيادة الاسعار كانت شديدة الوطأة على المواطنين..ولكن تحملوها لأنهم يدركون مابعدها ،
الخضر : زيادة الاسعار كانت شديدة الوطأة على المواطنين..ولكن تحملوها لأنهم يدركون مابعدها ،
الخضر : زيادة الاسعار كانت شديدة الوطأة على المواطنين..ولكن تحملوها لأنهم يدركون مابعدها ،


"أي حديث بعيد عن الدين والقيم نحن بريئون منه "
08-29-2014 02:03 PM
الخرطوم: سعاد
أعلن المؤتمر الوطني عن تشكيل لجنة عليا للانتخابات وقطع في الوقت ذاته بإستمرار الحكومة في سياسات الإصلاح الإقتصادي وأقر بأن الإجراءات التي طبقها في سبتمبر الماضي شديدة الوطأة على المواطنين ، وقال والي ولاية الخرطوم ورئيس المؤتمر الوطني بالولاية دعبد الرحمن الخضر في مؤتمر القطاع النسوي بالمركز العام أمس إن مسيرة الإصلاح الإقتصادي مستمرة ووصف خطوة رفع الدعم عن المحروقات والإجراءات التي نفذتها الحكومة سبتمبر الماضي بأنها شديدة الوطأة على المواطنين وأضاف ولكنهم تحملوها لأنهم يدركون مابعدها ، وأكد إن عائدات زيادة أسعار الوقود العام الماضي عادت للمجتمع وأضاف نحنا شلنا من الناس قروش إضافية لكن تمت زيادة المرتبات بنسبة 55 % ، ونوه الى ان الدعم الإجتماعي وصل 75 ألف أسرة بالخرطوم و550 ألف أسرة بباقي الولايات . و نفى الخضروجود خلافات أو تنافر في حزبه وقلل من الأنباء التي رشحت بشأن ترشيحات منصب الوالي في الإنتخابات المقبلة وقال إن اختياره يتم في مجلس الشورى وليس هناك تباعد أو تنافر وأضاف نحن نريد أن نعلي من شأن الدين والقيم الفاضلة وأضاف أي حديث لاينتمي لمثل هذه القيم نحن بريئون منه براءة الذئب من دم سيدنا يوسف ، معلناً عن تشكيل حزبه للجنة عليا للانتخابات تتكون من 78 عضواً كاشفاً عن ان مؤتمر الولاية سيلتئم الاسبوع الأخير من سبتمبر المقبل على أن تسبقه جلسة مجلس الشورى لترشيح 7 مرشحين يتم رفعهم للحزب ليختار منهم مرشحه ،وجدد التزام حزبه بالشفافية والوضوح وقال قدمنا تجربة ممتازة للسودان والبلاد المجاورة .

الجريدة


تعليقات 21 | إهداء 0 | زيارات 3226

التعليقات
#1093079 [مسطول]
0.00/5 (0 صوت)

08-30-2014 09:09 PM
اكيد الشعب عارف ما بعدها

يعني بعد ما اكلتوا الحمير والقعونجات .. ح نأكلكم الضبوب والسحالى وكان ما عاجبكم ح نأكلكم ام اربعة واربعين عشان فيها كوراع كثيرة

[مسطول]

#1092803 [ألحران]
4.00/5 (1 صوت)

08-30-2014 12:49 PM
اتحملوها عشان عارفين ما بعدها !!!!!!!!!! لا يا كابتن اتحملوها عشان خافو من الرصاص القتل الشباب الطلعو يعترضو عليها سلميا

[ألحران]

#1092799 [كوش]
0.00/5 (0 صوت)

08-30-2014 12:43 PM
ونوه الى ان الدعم الإجتماعي وصل 75 ألف أسرة ..
معلناً عن تشكيل حزبه للجنة عليا للانتخابات تتكون من 78 عضواً ..
جلسة مجلس الشورى لترشيح 7 مرشحين ..
يا أخوانا انتو حكاية السبعات الطالعين بيها الكيزان دي شنو الأيامات دي ..!!!
شكلها كدا " كجور " والله أعلم ..!!!

[كوش]

#1092705 [كوكي]
4.50/5 (2 صوت)

08-30-2014 10:43 AM
اححححححححححححح اللهم طولك ياروح

[كوكي]

#1092574 [moiez]
0.00/5 (0 صوت)

08-30-2014 01:19 AM
انتو عارفين انتو كدا بتعملو العازنو هم دا نفس السيركل هم يقولو كلامهم المشوم دا وانتو تعلقو عليهو وهم يقولو وانتو تعلقو 25 سنة الحصل شنو جددددددددديد الناس ديل م تدوهم اكتر من قيمتهم والله انحنا قيمناهم عشان كدا قيمو روحهم ( مين الي فرعنك ي فرعون )

[moiez]

#1092554 [هلمجرا]
4.00/5 (1 صوت)

08-30-2014 12:20 AM
كفى تضليلاً أيهااللص الكاذب...لا تحسبن الله غافلاً عما تعملون...استعدوا للحساب العاجل و الآجل.

[هلمجرا]

#1092487 [nagatabuzaid]
5.00/5 (1 صوت)

08-29-2014 09:30 PM
ما بعدها شنو يا بعيد ؟؟؟؟؟؟؟؟؟؟؟؟؟؟؟؟؟؟؟؟؟؟

[nagatabuzaid]

#1092475 [كبسول]
0.00/5 (0 صوت)

08-29-2014 08:58 PM
وما الذي يعرفونه بعدها غير زيادة في الشطف وضيق العيش
وأي دين هذا الذي تتحدث عنه ......دينك الذي يتيح لك وللصوصك استباحة أموال الدولة والنفاذ من غير سؤال او حساب
لماذا لا تعترفون بفشلكم وتحلوا عنا

[كبسول]

#1092472 [صبري منتصر]
4.00/5 (1 صوت)

08-29-2014 08:52 PM
منافق أفندي يتكلم بإسم الدين ( نريد أن نعلي من شأن الدين ) الله المستعان عليكم ، جرأة منقطعة النظير ، وتغول على القيم والأخلاق وكذب لا مثيل له في العالم أجمع.
وحرامي بارع ومتمرس وله ألف حيله وحيله وإيحاءات وثبات كأنه الرجل الوقور الشريف التقي . إن غدا لناظره قريب.

[صبري منتصر]

#1092462 [عصمتووف]
4.00/5 (1 صوت)

08-29-2014 08:22 PM
ولكنهم تحملوها لأنهم يدركون مابعدها ،

عشم ابليس في الجنة اقرب

تحملنها وسددنا ثمنها ارواح عزيزة موتا وسجنا لكننا للاسف لم نكمل المشوار تركنا الراية تسقط بعد ان رفعها رجال * لن ننتظر منكم خيرا ابدا لو نظرنا الي ما بعدها يكون شخص اهبل ومجنون

[عصمتووف]

#1092454 [A. Rahman]
5.00/5 (1 صوت)

08-29-2014 07:55 PM
و ما هو "ما بعدها" ايها اللص الصرمة؟

[A. Rahman]

#1092400 [المشروع]
5.00/5 (1 صوت)

08-29-2014 05:40 PM
بس ما وريتنا اخبار القضية الكانت في مكتبك شنو يا الخضر؟

[المشروع]

#1092386 [n k]
0.00/5 (0 صوت)

08-29-2014 05:01 PM
يعنى الواحد حيقول شنو ؟ يقول الخضر صلى الله عليه وسلم انهم قدموا مثالا (طبعايحتذى به)للرعايا فى السودان وكمان للدول المجاورة؟؟؟؟ عليكم الله يا اهل
الله الواحد او الاتنين او التلاته يقول شنو ؟

[n k]

#1092385 [abdo]
0.00/5 (0 صوت)

08-29-2014 04:58 PM
قال رسول الله صلى الله عليه وسلم :مازال الرجل يكذب ويحرى الكذب حتى يكتب عند الله كذابا

[abdo]

#1092370 [ابومرام]
5.00/5 (1 صوت)

08-29-2014 04:25 PM
ياالخضر بلا دجل معاك بلا قيم دين بلا وهم معاك انت ومالك ومال الدين هذه الاسطوان ماعادت تمشي فينا خليك مع غسان وصاحبه والتحلل بلا دجل معاك

[ابومرام]

#1092362 [ابوعبدالله]
0.00/5 (0 صوت)

08-29-2014 04:06 PM
أكيد هي نجربة للفشل كامل الدسم يشهد عليه العالم أجمع في اعتقادي أن هذا الوالي الذي لا يستحي يقصد ذلك لأن الواقع أن الوطن مبهدل في جميع النواحي ليس هنالك تجربة ناجحة حتى يشهد عليها العالم أو يكون المتكلم دا مجنون

[ابوعبدالله]

#1092360 [د الزهجان]
5.00/5 (1 صوت)

08-29-2014 04:05 PM
ونوه الى ان الدعم الإجتماعي وصل 75 ألف أسرة بالخرطوم و550 ألف أسرة بباقي الولايات .
ده كلام الوالي

وجه نواب بالمجلس التشريعي بولاية الخرطوم انتقادات لاذعة لوزارة التوجيه والتنمية الاجتماعية حول سياستها في تقديم الدعم الاجتماعي للأسر الفقيرة بالولاية. وأجمعوا أن الدعم لا يذهب لمستحقيه، وقالوا: «هناك أشياء طالعة للفقراء والمساكين ولكنها لا تصلهم»، مطالبين الوزارة بالشفافية في تحديد الأسر المستحقة للدعم الذي وصفوه بالضعيف ولا يغطي المحتاجين، مؤكدين في تداولهم لتقرير وزيرة التوجيه والتنمية الاجتماعية بولاية الخرطوم أمل البكري، عن دعم الأسر الفقيرة في رمضان بالمجلس التشريعي للخرطوم أمس، أن نسبة الفقر في ولاية الخرطوم عالية جداً، منوهين إلى أن الدعم الاتحادي للوزارة ضعيف جداً ولا يناسبها،ء، وقال ناس قاعدين في المكاتب ويوزعوا للناس البعرفوهم بس.
وده برضو كلامهم يس الفرق بين الكلام الاول والتاني شهر ونصh

[د الزهجان]

#1092344 [ادروب الهداب]
0.00/5 (0 صوت)

08-29-2014 03:31 PM
ياتو دين البتتكلم عليه اوعي يكون دين خاص بالكيزان ونحنا ﻻ نعرفه.... اعتقد ذلك...والله ﻻمفر لكم هذه المره...
كنتو مع نميري والشعب سكت عنكم ..لغاية ما مسكم الغرور ... لكن ارجو الراجيكم وماحاوضح اكتر ....لسه
بعد خمسه وعشرين سنه تتكلم عن الدين .. نفس اﻻسطوانه القديمه الغشيتوا بيها الشعب...

[ادروب الهداب]

#1092339 [اللخدر]
0.00/5 (0 صوت)

08-29-2014 03:29 PM
كلامك ده لينا ولى لى الله عز وجل يا اللخدر

[اللخدر]

#1092335 [saad]
4.00/5 (1 صوت)

08-29-2014 03:21 PM
ووصف والي الخرطوم الخضر إن خطوة رفع الدعم عن المحروقات والإجراءات بأنها شديدة الوطأة على المواطنين وأضاف ولكنهم تحملوها لأنهم يدركون مابعدها ،..................................................
عجبى يا والي الخرطوم!!!! بتجاوب بلنيابة عن الشعب السودانى ....ما المكرفون عندك...و الجهاز الاعلامي تحت امرك ...عرفتوها و درستوها تمام يا شياطين.....

[saad]

#1092314 [الساكت]
0.00/5 (0 صوت)

08-29-2014 02:48 PM
هد الله اركانكم يا مفسدين

[الساكت]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة