الأخبار
منوعات سودانية
سيدتى : الفنانة السودانية هند الطاهر تفوز بمسابقة فرنسية
سيدتى : الفنانة السودانية هند الطاهر تفوز بمسابقة فرنسية
سيدتى : الفنانة السودانية هند الطاهر تفوز بمسابقة فرنسية


09-01-2014 03:33 AM

حققت الفنانة السودانية الشابة هند الطاهر إنجازاً فنياً رفع اسم السودان أوروبياً، حيث تمّ اختيارها ضمن 19 فناناً شاباً من بين آلاف شاركوا في مسابقة مهرجان "إيكو فيستفال دوساي" الذي تنظمه شركة نشر وتوزيع موسيقى فرنسية، تقوم بدعم الفنانين الشباب الفائزين بنشر أعمالهم وتقديمها بشكل أوسع للمستمع الأوروبي.

وكانت الفنانة هند الطاهر شاركت في المسابقة بأغنية الفنان الراحل عبد العزيز محمد داود "يا حليلهم دوام بطراهم"، بتوزيع موسيقي حديث مزج بين الموسيقى السودانية والفرنسية. وقد أثنى العدبد من النّقاد على حسن أدائها وجمال صوتها، ما أدهش لجنة التّحكيم التي أعلنت فوز هند بمنحة تُسهم في تقديم أعمالها عبر وسائط إعلام أوروبية.

الفنانة هند قالت إن الأغنية أدهشت لجنة الاختيار وتمّ قبولها وتزكيتها فور سماع الأغنية بالإجماع، مما يُعد خطوة في طريق انتشار الأغنية السودانية إلى آفاق أرحب.

وانضمت الفنانة هند للفرقة السودانية "نايل باند" ونفذوا أعمالاً في فرنسا وبلجيكا بأغاني "دوام بطراهم"، و"صغيرتي" لمحمد داود أيضاً، و"جسمي المنحول" من الأغاني السودانية القديمة.

وقد تخصّصت الفنانة هند الطاهر في اللغة الفرنسية في السودان وأكملت دراسة اللغة في فرنسا، حيث استقرت هناك وعملت في مجال السياحة، وتزوجت من الموسيقار الفرنسي تيري فورنيه، الذي كان داعماً لها ومساهماً معها في خوض هذه التجربة حسب قولها.


تعليقات 12 | إهداء 0 | زيارات 7057

التعليقات
#1094975 [على]
5.00/5 (3 صوت)

09-01-2014 10:13 PM
اها تيرى دا مسلم ام هى مرتدة بعدين تفوز باغانيها مش باغانى ابو داوود الله يرحمه

[على]

#1094923 [الرأى العام]
5.00/5 (2 صوت)

09-01-2014 08:17 PM
يا أخ سالم كل النقة دى والتبخيص فقط لانهم حاقدين وفاشلين وانصاف مثقفين وحشريين وتعيسين فى حياتهم ومدمنين على النقد السلبى لكل شئ, لذا فهم ضد كل ما هو ايجابى ومبهج ومفرح ومشرق, رضاعة 25سنة من ثدى الانقاذ تعمل العمايل.

[الرأى العام]

#1094742 [حلفانكيل]
5.00/5 (2 صوت)

09-01-2014 03:33 PM
البت جد حلوة وجد مبدعة وصوتها حلو وما فيها كلام بس غلطتها اتزوجت بغير المسلم المفروض تطلق منو حسع وتتحلل بى وانا جاهز .

[حلفانكيل]

#1094728 [ركابي]
5.00/5 (3 صوت)

09-01-2014 03:18 PM
ههههههههه الخواجات ديل بيحبوا يستكشفوا الحاجات الغريبة عليهم وفي النهاية بيزهجوا ومابيستمروا ....الله يهدك يا حسن الترابي

ماعلينا المهم كفاية عبث باغاني فنانينا العظام ابوداؤود وابوعفان ووردي وابراهيم عوض والفنان الحقيقي يعمل اغنيات جديدة خاصة بيهو ...صوتها بشع وده رأي شخصي والناس اذواق

[ركابي]

#1094703 [سالم عبد الله]
2.57/5 (6 صوت)

09-01-2014 02:39 PM
غايتو البسألو عن ديانة زوجها و البتكلم عن سنة تحية زروق بيبالغو عديييل

إنتو مالكم تتزوج مسلم أو مسيحي يخصكم شنو

أها يا العاملين فيها خلاااااص فاهمين أمشو أقرو الفتاوى و الآراء

عن جواز تزوج المسلمة من المسيحي ,

و ألا أجيبو ليكم هنا يا بـــــــــــعـــــــــــــر !

[سالم عبد الله]

#1094646 [hero]
3.00/5 (2 صوت)

09-01-2014 01:48 PM
البنات السودانيات اﻻ ما رحم الله من اجل الماده والدينا
تكفر واﻻعاذ بالله وتتزوج الشيطان وﻻ شنو من اجل المال
تبيع جسدها ومبادءها واهلها وكل حااااجة اﻻ البيوت الذى يحكمها ولى
امر اسد اسد ﻻن الكل ضااااااع
وخير شاهد دعاره دبى والرقم القياسى للسودانيات
تقولى سودان تقوم ليهو قايمة قوموا لفوا بﻻ فن بﻻ بطيح

[hero]

ردود على hero
Saudi Arabia [كوكي] 09-01-2014 08:12 PM
وانتي ياسمر محروقة كدة مالك الراجل كلامو صاح والعار لو بتعرفي معني الكلمة دي مربوط بالمراة من زمن ابو لهب بعدين القال ليك على سنة الله ورسوله منو يمكن عقد عليها في الكنبسة الفي فرنسا واللا شنو يا ام قرعة فاضية زي باقي الحريم شينات وفصيحات

Netherlands [samar] 09-01-2014 03:24 PM
الرجال السودانيين كيف يا ابو مخ ضيق؟ . البنات السودانيات ديل فيهم امك واخواتك وبنات خالاتك وبنات عماتك واخوات اصحابك الاكلت معاهم عيش وملح.
زي ما في عار من ناحية امرأة ما، في عار كذلك من ناحية رجل سوداني ما وده افظع، واحسن الدعارة في دبي ولا ......اشباه الرجال. أتقي الله.
ولا القرف البعملو فيهو بعض الرجال السودانيين مغفور بما في ذلك إغتصاب الاطفال، والحرب على المرأة فقط،
هسع عرفت من وين الكلام الكتبته تعليق على الخبر، امرأة تزوجت على سنة الله ورسوله وتعمل فنانة برضاء زوجها منو الاعطاك الحق انك تحاسبها يا جاهل. ولا انت ملاك. دعو الخلق للخالق.


#1094549 [salah dabanga]
5.00/5 (1 صوت)

09-01-2014 11:55 AM
اخي الخبر ده ما جبتوه قبل كدة ؟؟ ما عندكم شغلة ....؟

[salah dabanga]

#1094494 [ساهر]
5.00/5 (2 صوت)

09-01-2014 11:16 AM
هل زوجها مًسلم؟ وهل هي لم تزل مُسلمة؟ ولماذا يظل اسم زوجها اسماً مسيحياً كما يظهر من صوته ورسمه؟ تحية زروق تؤثم على هذا الزواج لأنها أول من سنت تلك السنة السيئة ثم لحقنها الأخريات............ هذا الأمر لا يمثل وجهة نظري ولكنه أمر معروض للنقاش باعتبار أن هذه الفنانة شخصية عامة........ أدلوا بدلائكم الباردة يا شباب.

[ساهر]

ردود على ساهر
[jungoor] 09-01-2014 02:50 PM
حلوة دلائكم البارده دي ....فيها تعريض وتوريه مباااااااالغة.


#1094477 [أبو كلام]
0.00/5 (0 صوت)

09-01-2014 11:04 AM
أنا أتفق مع الأستاذ عصمتووف :

[أبو كلام]

#1094358 [عصمتووف]
5.00/5 (1 صوت)

09-01-2014 09:34 AM
رفع اسم السودان
اتمني اتمني اتمني ان لا اسمع او اقرأ تلك العبارة(رفع اسم السودان) كاننا فاشلون

[عصمتووف]

#1094326 [داوودي]
5.00/5 (2 صوت)

09-01-2014 09:11 AM
انا متاكد مليون في الميه انو في سؤال بخطر علي بال اي واحد يقرأ المقال :

هل زوج الفنانه هند الطاهر الموسيقار الفرنسي تيري فورنيه (( مسلم ))؟ ..

[داوودي]

ردود على داوودي
Saudi Arabia [الامير] 09-01-2014 08:01 PM
اسمو طارق يا

[شمام] 09-01-2014 12:15 PM
يا خوى دى عندها جنسية فرنسية وتتشدق بالثقافة السودانية وتشتهر بيها عينك يا تاجر تفتكر انها كمان مثل ابرار ولا الصحفية صاحبة البنطال والقيامة القامت هنا كدى الراجل يهبشم والمثل يقول الذائق لدغ الثعبان يخاف من مجرة الحبل

United Kingdom [Altayib London] 09-01-2014 12:14 PM
سؤال جميل ومهم يا أخ داوودي يجب الإجابة علية
أحي فيك قوة الملاحظة


#1094316 [مختار الحاره]
5.00/5 (1 صوت)

09-01-2014 09:00 AM
يفيدنا بايه ده//ناس فارغة

[مختار الحاره]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة