الأخبار
أخبار إقليمية
غندور: علي الحاج قلبه على السودان ولا يوجد ما يمنع عودته
غندور: علي الحاج قلبه على السودان ولا يوجد ما يمنع عودته
غندور: علي الحاج قلبه على السودان ولا يوجد ما يمنع عودته


09-01-2014 12:51 AM
الخرطوم: البشاري
قال مساعد رئيس الجمهورية، بروفسور إبراهيم غندور، إنه ليس هنالك ما يمنع عودة القيادي بالمؤتمر الشعبي علي الحاج للبلاد، وأكد أن علي الحاج هو من يحدد أمر عودته، مشدداً على أن علي الحاج قلبه على السودان ومع الحوار، وأنه سيدعم الحوار، في وقت كشف فيه غندور عن اعتذار قطاع الشمال عن جولة المفاوضات، على الرغم من دعوة الوساطة الأفريقية لطرفي التفاوض باستئناف المفاوضات، مطالباً الآلية الأفريقية رفيعة المستوى بعقد جولة التفاوض بين الطرفين.
وأعلن غندور في تصريحات صحفية، أمس، عن ترحيبهم بكل من يضع السلاح، ويشارك في الحوار دون وضع أي شروط مسبقة للحوار، ورفض التعليق على جولة المهدي الخارجية ولقائه بمسؤولين إماراتيين، وقال: "هذا أمر يخص المهدي والدول التي استقبلته. المهدي رئيس حزب وقائد سوداني وبالتالي هذه الجولة تخص حزب الأمة"، مؤكداً أن الحلول التي يبحث عنها البعض بالخارج موجودة في الداخل عبر الحوار. وأشار غندور إلى أن لقاء آلية الحوار الذي سيلتئم اليوم، سيتم الاتفاق من خلاله على سكرتارية الحوار، بجانب الاتفاق على المسهلين للحوار من الشخصيات القومية ومعايير اختيار تلك الشخصيات، بجانب الاتفاق على ضربة البداية للحوار.
في سياق مغاير، أشار غندور إلى أن ألمانيا لديها رغبة قوية في تقوية علاقتها بالسودان، مشيراً إلى أنهم نقلوا للجانب الألماني جاهزيتهم لتمتين العلاقات بين البلدين.

السوداني


تعليقات 10 | إهداء 0 | زيارات 1757

التعليقات
#1094643 [radona]
1.00/5 (1 صوت)

09-01-2014 01:44 PM
على الاقل الدكتور علي الحاج في المانيا في حرية وامن وامان واطمئنان وحيث ان اسباب ابتعادة لم تزل باقية فلما العودة
لا شك ان الوضع متازم وخطير وفي حالة احتقان داخليا وخارجيا واقتصاديا وسياسيا ولكن هذه مؤشرات يستطيع مثل الدكتور علي الحاج قراءتها من واقع الخبرة وحصافة السياسي فلماذا الاصرار لدعوته للعودة وقد جنحت المركب وبدات اجزاء منها قي الغرق فعلا
عجبي

[radona]

#1094552 [عكاشه]
1.00/5 (1 صوت)

09-01-2014 12:01 PM
طلما توقيع الصادق المهدي مع الجبه الثورية وزيارته لبعض الدول يخص حزب الامه لمازااعتقلتم د. مريم

[عكاشه]

#1094542 [مدحت عروة]
3.00/5 (2 صوت)

09-01-2014 11:53 AM
والانقاذ اصلا ما كاست حلول بالخارج ابدا ؟؟؟؟
ابوجا واديس ونيفاشا والدوحة وهلم جرا عندما كان الناس بيدعوها لمؤتمر جامع وبالداخل وهى قالت انا ما بفاوض الا حملة السلاح؟؟؟؟
اصلا يا غندور من يوم 30 يونيو 1989 ذلك اليوم المشؤوم فى تاريخ السودان وتعطيله للحلم الوطنى فى وقف اطلاق النار وعمل مؤتمر قومى دستورى فى سبتمبر 1989 السودان تانى ما شم عافية وبقت الانقاذ تكوس الحلول فى العواصم الاجنبية وبتدخل الاجانب والقوى السياسية المعارضة لانقلاب الجبهة الاسلامية قاعدة وكانها غير سودانية ولا يعنيها امر السودان وذلك بقرار من الانقاذ وتجوا يا دوب وتقولوا الحلول بالداخل؟؟؟؟؟
كسرة : على الحاج بيهمه امر السودان وطيب ناس الصادق المهدى والجبهة الثورية ما بيهمهم امر السودان ولا كيف؟؟؟؟؟؟انا شخصيا شايف انه الحركة الاسلاموية السودانية هى من دون باقى اهل السودان ما بيهمها امر السودان لان فكرها وبرنامجها غير سودانى!!

[مدحت عروة]

#1094397 [ممغوص من الانقاذ]
4.00/5 (3 صوت)

09-01-2014 09:59 AM
والله لو قلبه بقى على تشاد يكون احسن

[ممغوص من الانقاذ]

#1094346 [خالد]
3.00/5 (2 صوت)

09-01-2014 09:26 AM
علي ده مخمخم معاهو شنو ... غندور نفسو يشوف الزول ده شايل شنو في قففو دي .. ما عندكم لينا حاجة يا حاجة مستورة

[خالد]

#1094331 [كتاحة امريكا]
1.00/5 (1 صوت)

09-01-2014 09:13 AM
كراويش كلكم


جاي من اجل المنصب والمال ....

[كتاحة امريكا]

#1094300 [abubaker]
1.00/5 (1 صوت)

09-01-2014 08:46 AM
ما كفياة اللخاه مننا ولخك انت لينا عيزو الخنا تاني مرة 3 مليون (الله لا رداه

[abubaker]

#1094274 [osama dai elnaiem]
4.00/5 (3 صوت)

09-01-2014 08:12 AM
نعم ربما قلبه مع السودان ولكن جوازه اجنبي والسودان للجبهجية هو مزرعة او معصرة لادرار الغلة ثم تحويلها بعيدا للعيش بالجواز الاجنبي في بلاد المهجر حيث الطعام والامن ( اطعمهم من جوع وامنهم من خوف) ويتركون اهلنا في السودان مع لحم الحمير وشوربة الضفادع وشعارات --- هي لله---- خسئتم وقبح الله وجه ( النخبة) الاسلاموربوية.

[osama dai elnaiem]

#1094236 [ركابي]
3.00/5 (2 صوت)

09-01-2014 06:25 AM
علي الحاج الحرامي قلبو علي الوطن !!!!!ليه ما يرجع طالما شيخو رجع لحضن النظام تاني..ربنا يلمكم كلكم في سفينة الانقاذ المقدودة وتغرق بيكم والسودان يرتاح

[ركابي]

#1094203 [خليل عزة]
3.00/5 (2 صوت)

09-01-2014 04:06 AM
، بجانب الاتفاق على المسهلين للحوار من الشخصيات القومية ومعايير اختيار تلك الشخصيات، بجانب الاتفاق على ضربة البداية للحوار.

كل مره اقراها (المستهبلين) للحوار ما عارف ليه ما عاوزه تظبط ...

غايتو كان مسهلين ربنا يزيدم وكان مستهبلين برضو ربنا يزيدم..

سؤال بالجنبه :-

هو معايير الإسهال شنو ؟؟؟

[خليل عزة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة