الأخبار
أخبار إقليمية
إنطلاق اجتماع قادة الجبهة الثورية وفريق الالية الرفيعة التابعة للاتحاد الافريقي برئاسة الرئيس أمبيكي و محمد بن شمباس
إنطلاق اجتماع قادة الجبهة الثورية وفريق الالية الرفيعة التابعة للاتحاد الافريقي برئاسة الرئيس أمبيكي و محمد بن شمباس
إنطلاق اجتماع قادة الجبهة الثورية وفريق الالية الرفيعة التابعة للاتحاد الافريقي برئاسة الرئيس أمبيكي و محمد بن شمباس


شاهد الصور
09-01-2014 05:33 PM
الراكوبة - مبارك أردول

إلتأم اليوم اجتماع بين قادة الجبهة الثورية وفريق الالية الرفيعة التابعة للاتحاد الافريقي برئاسة الرئيس أمبيكي بحضور كل من الرئيس عبدالسلام ابوبكر والسيد مبعوث الامين العام للامم المتحدة هايلي منكريوس وممثل الأمين العام للأمم المتحدة والاتحاد الافريقي في دارفور محمد بن شمباس والسيد مبعوث رئيس الوزراء الاثيوبي السفير محمد لسان واخرون ظهرا اليوم 1 سبتمبر 2014 م، باديس أبابا ، ضم وفد الجبهة الثورية الفريق مالك عقار رئيس الجبهة الثورية ونوابه (دكتور جبريل ابراهيم والسيد عبد الواحد محمد نور والسيد مني أركو مناوي والسيد نصر الدين الهادي المهدي والسيد التوم هجو) كما ضم الاجتماع الفريق عبدالعزيز الحلو قائد القيادة العسكرية للجبهة الثورية والسيد امين العلاقات الخارجية الاستاذ ياسر عرمان والسيد مسئول الشئون الانسانية بالجبهة الثورية الاستاذ على ترايو واعضاء المكتب التنفيذي، سيد أبو آمنه وزينب كباشي والامير الهادي نقد الله..
ويتوقع ان يبحث الإجتماع سبل الحل الشامل للأزمة السودانية وكيفية الخروج منها.

مزيد من التفاصيل لاحقا


image

image

image

image

image


تعليقات 15 | إهداء 0 | زيارات 6728

التعليقات
#1095507 [mabo]
5.00/5 (1 صوت)

09-02-2014 03:31 PM
بالله يا عشاق ومحبى وقراء الراكوبة الظليلة وفى ذمتكم هؤلاء رجال ومحمد الحسن الامين والدقير وزول صقعونا الجاك اقصد وزير الاعلام الحقير رجال متلهم افيدونى بالله؟

[mabo]

#1095498 [mabo]
0.00/5 (0 صوت)

09-02-2014 03:15 PM
اها ما قلتو ودمناوى شتم عرمان وطلع برا اللعبةوقال جاييكم للوثبة وجرايدكم تدق بالخبر الطار وصحفيينكم ومحللينكم فى النيل الازرق عملو فيها قصائداها شن قولكم هسع : نسخة لام الحسن بت اللمين ونسخة للطفل المدلل !!!!!!!!!!!!!!!

[mabo]

#1095319 [نحن في جحيم]
0.00/5 (0 صوت)

09-02-2014 11:24 AM
وين العداله
وين الانصاف
العربات المظلله مقطوعة
من عرق الضعاف
العجب والعجيب لو شفتهم في
قصرهم تحلف تقول دي مكه
والمسلمين من حولهم شايلين
خطاهم علي للطواف
يلا قوم يا ود البلد ندق الطبول
راجينا يوم نسحف نقوم ونسبح في بحر
الدموم جوه الخــــــــــــرطوم
ياما نصل للعدالة يا ينصفنا الله يوم
الوقوف

[نحن في جحيم]

#1095299 [ود جوبا]
0.00/5 (0 صوت)

09-02-2014 11:01 AM
هييي حلو دا مش ناس بشير قال مات دا قام بعاتي ولاشنوا

[ود جوبا]

#1095201 [علي سليمان البرجو]
5.00/5 (1 صوت)

09-02-2014 09:19 AM
توازن المصالح الإنسانية في دولة الإمارات العربية المتحدة التي تخطت مفاهيم القومية، أسست لبيئة حياتية رحبة معطاءة وواعدة بالسلم والأمن واستدامة التنمية الدولية في حياة مدنية بروابط حياتية مشتركة انتجت حضارة تنم عن أسس جديدة ذابت فيها كل الثقافات في اندماجية ممنهجة ومتواضعة. فتفاعل إنسان افريقيا مع الآسيوي برعاية الغربي التقني في بوتقة الإسلام الوسطي أضافت عمقاً جديداً مغيرة لمفهوم وتعبير العالم الثالث من مستهلكاً للحضارة والمدنية منتجاً ومساهماً للإنسانية. وإستطاع البدوي ان يبرهن ان مساهمة الخليجي أكبر مما هو معترف به ثقافياً في تطوير الإنسان والبيئة وتقبل الآخر والتفاعل معه، وإن الإعتراف بذلك مقدمة لتصالح الاجناس البشرية وبناء مستقبل متوازن على الارض والإبتعاد عن إرث الثقافة الدونية والمظالم المجتمعية لعمارة الأرض.
فأين نحن السودانيون من النهب المنظم وافساد الممنهج والاستثمار الضخم في دبــــــــــــــــــــــــي

[علي سليمان البرجو]

ردود على علي سليمان البرجو
France [نبيل سعد] 09-02-2014 11:33 AM
و الله يا علي سليمان البرجو جزاك الله الصحه .. صلحته لي اليوم بتعليقك دا ..


#1095196 [حسكنيت]
0.00/5 (0 صوت)

09-02-2014 09:08 AM
التفاصيل بسرعة لو سمحتوا

[حسكنيت]

#1095074 [شاهد اثبات]
4.50/5 (2 صوت)

09-02-2014 04:23 AM
الفضائية اضحت امر هام جدا وليس ترف وايضا الحراك الجماهيري في دول العالم الحر 5 مليون سوداني في الخارج هذا النظام عاش 25 سنة فقط بالتضليل الاعلامي وقد ادرك جون قرنق الله يرحمه ان الحرب في وعي الناس -التحرر من شنو -بس كان عنده اذاعة صغيرة غطت السودان كله وفاجأ الجميع بقيامة الساحة الخضراء وخرجت الجماهير في ربيع سوداني منقطع النظير فقط لم يجد التغطية الاعلامية كماتفعل دول الربيع لعربي المازومة

وايضا للرئيس البشير مقولة مشهورة"الناس على دين اعلامها" ولانه يراهن دائما على الكذب على المواطنين وغباء المعارضة السودانية وتشرزمها المستمر ولكن يبدو ان التالتةلابتة واكلني النمر قد ازفت
يجب على ناس الجبهة الثورية حمل صورة "ابراهيم الشيخ "معهم في كل مكان حتى ولو في "فنايل" واعلام وبوسترات اينما ذهبو هذا هو فتيل قدح الزناد بان الجياد العاديات في الارض جات

[شاهد اثبات]

#1095043 [abo ahmed]
3.00/5 (3 صوت)

09-02-2014 01:41 AM
هذا هو السودان الذي نريد
نصر كبير على سراق مال الشعب

[abo ahmed]

#1095015 [بت البلد]
2.50/5 (2 صوت)

09-01-2014 11:52 PM
خلاص اتوحدنا
وقريب جدا حنبني بلدنا

جبهتنا الثوريه
صادقه ميه الميه
ضمير واخلاص وعزيمه قويه

أبدا ما اتراجعنا
وحلفنا يمين نصونا بلدنا

أبدا ما فينا واحد خاين
وعشان بلدنا ما بنهادن

عزتنا في وحدتنا
وهدفنا نحمي بلدنا
بالدم فديناهو
وحنحميهو مهما كلفنا

بلدنا عزيزه علينا
ويا انقاذ عمايلك شينه
لو على راينا بس جيتينا
سلميه حتكون ثورتنا

ولو كمان كتر جنك
نحن ما عايزين حنك

سلاحنا دايما رافعنو
ولحماية الوطن داخرنو

أرواحنا دايما بيها بنجود
وأبدا ما خنا عهود
ولا خالفنا وعود
ومتوكلين على الخالق المعبود
لكن الصبر ليهو حدود

كم مره بس راوغتو؟
وياما للوعود خالفتو!!
حكمتو البلد بالقوه ما شاورتو
ربع قرن ويزيد والنتيجه: بس بهدلتو
خميتو كل شي وأكلتو شبعتو
والغريبه انكم لسه ما شبعتو !!!!

مع تحيات منى خوجلي أحمد

[بت البلد]

ردود على بت البلد
United States [بت البلد] 09-02-2014 08:58 AM
تصحيح :
خميتو كل شي وأكلتو شبعتو
والغريبه انكم لسه ما قنعتو


#1094984 [Adam Ibrahim]
2.46/5 (7 صوت)

09-01-2014 10:23 PM
اتمنى من كل قلبى ان ارى المعارضة تتوحد وتكون على قلب رجل واحد.. الجبهة الثورية لها خطاب سياسى موزون ونظرة ثاقبة استطاعت ان تجذب لها اطراف سياسية اخرى.. بالتوفيق

[Adam Ibrahim]

#1094948 [كتمت خلاص بلغ النصاب]
3.71/5 (7 صوت)

09-01-2014 09:04 PM
عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
جيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
برضو برضو حتنكشف..
لا تنحبس للحسرة والالم المرير لا ترتجف
فك البلف
كتــــاحة تكتـح
ما تخلـــي تك تح
غبارها يلفــــح
تكشف وتفـــــضح
للدمعة تمـــــسح
للظلم تكـــــشح
حرية تشطــــــح
في وطن مشــلح ... حضن العذاب
عفارم تمام ... صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية ... ومرات جنوبية
تقلب شمالية ..... وفجأة شرقية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال... تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك ... فالنفس لوامة
حسرة وأسف وندامة
والحالة مش دوامــة
كتاحة كتاحة... إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام ...صاح الكلام ... كده يا شباب
كتمت خلاص بلغ النصاب
*************
كتاحة كتاحة ... جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب...... لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب

منقولة .............

[كتمت خلاص بلغ النصاب]

#1094928 [المشلهت]
2.75/5 (4 صوت)

09-01-2014 08:31 PM
نعول كثيرا على وحدة المعارضة الجناح السياسي والعسكري ومواصلة التنسيق بين مكونات الشعب السوداني والطبقة المطحونة والمصطلية بنيران الفشل الكامل للدولة من اجل الوصول الى ساعة الصفر التى اراها قريبة حتى نقتلع الفسدة والقتلة وتجار الدين والمرجفين ووضعهم في مكانهم الطبيعي على الخوازيق والمشانق

[المشلهت]

#1094878 [ريمو]
2.63/5 (4 صوت)

09-01-2014 06:36 PM
ما هو دة زاتو الكلام البجنن بوبي !!

وبمناسبة بوبي .. زمان الناس بقولوا يا ولد امشي شوف اخوك الصغير مرق الشارع براهو ما يخطفو زول .. هسه بقى يقولوا يا ولد امشي شوف كلبنا بوبي مرق الشارع براهو ما يخطفو زول يوديهو اقرب سلاخانة ..

[ريمو]

#1094866 [kalifa ahmed]
2.63/5 (5 صوت)

09-01-2014 06:12 PM
وهكذا فشل مخطط اخوان الشيطان في تكرار مأساة نيفاشا وتعقيد المشكل السوداني بالحلول الثنائية الفطيرة لشق صفوف الشعب والتلاعب بموارده عبر شراء الذمم الرخيصة كما حدث في الدوحة !!!!! الى الأمام رجال الجبهة الثورية لكنس نظام أخوان الشيطان المتعفن وليحفظكم الله لفك أسر شعوبنا قاطبة شرقا وغربا وشمال وجنوب.........

[kalifa ahmed]

#1094862 [Alkanzi]
2.82/5 (8 صوت)

09-01-2014 06:04 PM
كما ضم الاجتماع الفريق عبدالعزيز الحلو قائد القيادة العسكرية للجبهة الثورية

اها قولكم شنو ياصحافة الكيزات عن استشهاد الاخ عبد العزيز الحلو لاحظو الصور

[Alkanzi]

ردود على Alkanzi
Sudan [جبور] 09-01-2014 08:41 PM
ي كنزي انت ما عارف في كذا عبد العزيز



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة