الأخبار
أخبار إقليمية
النيل الأبيض، بين القبلية النتنة و"الكباتن"!..د. نافع الآن (قاعد ساى وعاطل) والقرار بيد "ابنهم"ابراهيم غندور
النيل الأبيض، بين القبلية النتنة و"الكباتن"!..د. نافع الآن (قاعد ساى وعاطل) والقرار بيد "ابنهم"ابراهيم غندور
النيل الأبيض، بين القبلية النتنة و


اذا اختار المركز " والي " من الشمال فانهم سيفصلون الولاية ولو بالقوة.
09-06-2014 04:57 PM
مِنّة حلاوي

أمس الأول التأم إجتماع قبلي بمنزل رجل الأعمال أحمد البشيرعبدالله ببري مربع "6" وضم الاجتماع الوالي السابق للنيل الأبيض د. محمد نورالله ومعتمد القطينة السابق وعراب الحراك القبلي الطيب الوسيلة، إضافة للنائب البرلماني عبدالله محمد عبدالله البنز الذي اشتهر فى فترة الوالي نورالله باستخواذه هلى كافة تصاديق محطات الوقود هو وخضر اسماعيل القيادي فى مجلس تشريعي النيل الأبيض، كما ضم الاجتماع الشاذلي عيسى معتمد القطينة الأسبق ودكتور ابراهيم هباني وبشير بساطي.. وتناول الاجتماع ترشيح شخص والدفع به كمرشح "القبيلة" لشورى المؤتمرالوطني بالولاية غير أن الخلاف انصب حول المرشح ومن يكون، لجهة أن الجميع يطمعون فى المنصب! وقد قاطعت مجموعة أخرى يقودها الوزير السابق "شنيبو" بسبب أن قائد المجموعة لايضمن أن يُقدم لمنصب الوالي وبالتالى يكون قد أحرق كافة كروت ضغطه. وتحدث القيادي أحمد البشير عبدالله قائلاً: إن د. نافع علي نافع كان لايريد للقبيلة التقدم وحارب أبنائها واقصاهم من كافة المواقع وأن نافع الآن (قاعد ساى وعاطل) والقرار بيد "ابنهم" بروف ابراهيم غندور ويمكنهم الضغط عليه لتمرير مرشحهم فى المركز. فيما انحازت مجموعة يقودها مصطفى البر للوالي الحالي الشنبلى ورفضت الانضمام لمجموعتى أحمد البشير

والمدعو شنيبو.. على صعيد متصل يراقب قيادات من جنوب النيل الابيض الموقف عن كثب، ففي الوقت الذي حدد فيه من يسمون (الكباتن) موقفهم بالانحياز لصف الحاكم كعادتهم فإن مجموعة الوزيرالسابق فيصل حماد هددت أنه فى حال استمرار الاستقطاب القبلي فإنها لن تقف مكتوفة الأيدي وهددت بأنه لو تم اختيار والي من شمال الولاية للدورة القادمة فإنهم لن يسكتوا ولن يسمحوا له بدخول أمانة الحكم! وذكر قيادي بالمجموعة أن شمال النيل الأبيض حكم الولاية منذ إنشائها وعبر ثلاثة ولاة، وأهل الجنوب لن يسمحوا بشخصٍ آخر من الشمال ليحكمهم، وأن كل الموارد المالية متركزة فى الجنوب واذا اختار المركز والي من الشمال فانهم سيفصلون الولاية ولو بالقوة.

مصادري الخاصة والقريبة من "كباتن" الملعب العام، أكدت بأن التكتل القبلي سينتصر سواء كان مركز القرار بيد غندور أو بيد نافع "العاطل"! فالمؤتمر الوطني اعتماده الاساسي في التركيبة القبلية التي ضربت بالقيم الوطنية عرض الحائط، ولا فكاك من تغيير مجمل المشهد المثير للأسف والدهشة في أيام الأجنحة المتصارعة داخل الحزب، وعلق مصدر بأن هؤلاء اللاعبين فات أوان "إصلاحهم" ولن يتغيروا إلا اذا أرجعوا مرة أخرى للطفولة وتم إدخالهم لمعاهد تربية خاصة.


تعليقات 20 | إهداء 0 | زيارات 10891

التعليقات
#1099369 [نهرالنيل]
0.00/5 (0 صوت)

09-07-2014 05:37 PM
الغالبيه من الانصار وهم اصلا من درفور وساهموا بشكل مقدر مع الثوره المهديه ويسحقون المنصب هذه الدوره

[نهرالنيل]

#1099337 [م]
0.00/5 (0 صوت)

09-07-2014 04:48 PM
بالله شوف جنس دا انصار شنو انتا وين يا انصارى ما هو صادقكم التاجر دا

[م]

#1099256 [حلوانى العبد والبيت الشامى]
0.00/5 (0 صوت)

09-07-2014 02:58 PM
غايتو نحن فى تجمع حلوانى العبد والبيت الشامى واعضاء نادى برى المارياضى ولاثقافى بس اجتماعى للعب الضمنة واربع طاشر وكش الولد نرشح الامرد غندور

[حلوانى العبد والبيت الشامى]

#1099226 [ابا بلد الرجال]
0.00/5 (0 صوت)

09-07-2014 02:13 PM
الوالى القادم انصارى تب ومن الجزيرة ابا كمان ..................هى كمان بحر ابيض دى عندها اسياد غير الانصار واولاد المهدى ............اولاد المهدى الذين لا يعرفون القبلية بالبيت الوحيد فى السودان الذى لا ينتمى لاى قبيله بيت سودانى 100% نقى وتقى

[ابا بلد الرجال]

#1098952 [Khalidali]
0.00/5 (0 صوت)

09-07-2014 09:35 AM
دول بنوها فلل بأحواض سباحه للمره الاولى وشقه مفروشة للمره التانيه بيتشاكلوا على ولاية النيل الأبيض فى برى ( جى ياااااااابرى)

[Khalidali]

#1098818 [ود الركابي]
0.00/5 (0 صوت)

09-07-2014 01:19 AM
اهايارئيسنا ياالبشير ومدير الامن محمد عطا . رأيكم شنو في الموضوع ده .. كلام جماعتكم ده جريمة بحق الوطن بيوصل صاحبها للاعدام ..

[ود الركابي]

#1098760 [الدكتور سواق الركشة]
0.00/5 (0 صوت)

09-06-2014 11:13 PM
نافع "العاطل" !!!!!!
انا واخوي عندنا ركشة (مقرشة) خشم البيت ، كايسلنلا لي سواق عفن يا (نافع) ، رايك شنو ؟؟؟

[الدكتور سواق الركشة]

#1098704 [ابومروان]
4.00/5 (2 صوت)

09-06-2014 09:12 PM
والله ذكروني حكاية الفوراوي القال اكرم ناس في العالم ده السودانيين وفي السودانيين ناس الغرب وفي ناس الغرب ناس دارفور وفي ناس دارفور الفور وفي الفور خشم بيتنا وفي خشم بيتنا انا واخوي ابكر اكرم ناس . بعدين ناس جنوب النيل الابيض ديل ذاتهم يقلبوا علي بعضهم والبعضهم يقلب على بعضوا يلحقوا جنوب السودان ناس مشار عايزين الانفصال البترول في مناطقهم

[ابومروان]

#1098699 [ماجد]
4.46/5 (7 صوت)

09-06-2014 08:55 PM
النيل اﻻبيض للاسف اصبحت اكبر معقل للحرامية في السودان
و دونكم انجابها للص الظريف المتعافن

[ماجد]

#1098688 [الوسطي]
1.00/5 (1 صوت)

09-06-2014 08:34 PM
الانقسام حصل بالنيل الابيض ومسؤل عنه مايسمون نفسهم قيادات الحسانية وممارسة مؤسس القبلية وابوها فيصل حماد هزا الشاب النحرف في سلوكه السياسي وحرف الكثيرين بزرع النعرة القبلية فيهم ونخشي علي بحر ابيض من التفكك وبالتالي تاثرمركز الدولة عليه لابد من اعادة انتخاب الشنبلي الزي شهدت الولاية في عهده استقرار ووحدة لانه وسطي ورغم اختلافنا معه الا انه الانسب

[الوسطي]

ردود على الوسطي
Saudi Arabia [جرارتوبو] 09-07-2014 09:38 AM
والله الشنبلي لو كتبها له وصفة علاج مايمسكه لانو هو سبب القبليه والتنافر في الولايه ياقبي يامسترذق


#1098677 [ود الدكيم]
3.00/5 (1 صوت)

09-06-2014 08:15 PM
عقلية الإنداية

[ود الدكيم]

ردود على ود الدكيم
Sudan [كاكا] 09-07-2014 11:35 AM
عقلية الانداية اخير من عقلية مجالس شوريات الكيزان


#1098676 [نص صديري]
2.00/5 (1 صوت)

09-06-2014 08:14 PM
تناول الاجتماع ترشيح شخص والدفع به كمرشح "القبيلة" !!!!
يبدوا ان لصوص الانقاذ يريدون دفع السودان نحو معارك قبلية ليسهل لهم الهروب مستقبلا

[نص صديري]

#1098656 [ظلال النخيل /فريد محمد مختار]
1.00/5 (1 صوت)

09-06-2014 07:41 PM
اللصوص اختلفوا على الكعكة ..اللهم فرق كلمتهم وشتت شملهم

[ظلال النخيل /فريد محمد مختار]

#1098627 [Sam7]
2.00/5 (1 صوت)

09-06-2014 06:48 PM
خلوهم يلعبوا كورة شرّاب.... و اللعب لازم يكون "اللعب النظيف"

[Sam7]

#1098616 [قسموها]
3.00/5 (1 صوت)

09-06-2014 06:36 PM
بسيطة /قسموها لاربع ولايات النيل الابيض الشرقية/ الغربية /الجنوبية/والشمالية وياولاية مادخلك شر وانا زاتى دخلى شنو .

[قسموها]

#1098606 [المهندس سلمان إسماعيل بخيت على]
3.50/5 (2 صوت)

09-06-2014 06:22 PM
والله شكلتكم دى بتذكرنى بالرخم لمان يتلم على جيفة ( فطيسة ) جمل أو تور محلان يكركب جلد من الجوع ومات يتلم الرخم ويعمل من فطيسته وليمة وهليله - ولاية النيل الأبيض جيفة فطيسة ميته نهبها أبناؤها والأنتربول يطاردهم والفضلوا يتقاتلوا عليها - يلا يارخم اشبع - هو المركز انهار انتو عاوزين النيل الأبيض مبروك عليكم وغازى يقول ما فى إقصاء والله تانى كلاب المؤتمر الوطنى السعرانة دى زول يجى من معارضة أو جبهات مسلحة يدخل بيناتهم يلحقوه أمات طه ديل حرامية ومحترفي اجرام وتجار عمله ومخدرات خلاص ملصوا يدهم لا بشير بيقدر عليهم لا غيره
يا غازى التفكيك ثم التفكيك وبعدين نعيد التربيط بقطع غيار جديدة
وركب صناعية جديدة

[المهندس سلمان إسماعيل بخيت على]

ردود على المهندس سلمان إسماعيل بخيت على
United Arab Emirates [سلطان] 09-06-2014 08:18 PM
تحياتي يا باشمهندس هل كان السيد والدكم رئيس مجلس إدارة سودان لاين أيام عزها؟؟


#1098604 [لعن الله الانقاذ]
1.00/5 (1 صوت)

09-06-2014 06:17 PM
والله نحن صرنا كالاطرش في الزفه ما فاهمين اي شئ والمتاسلمين استحوذوا علي البلاد وقتلوا العباد جسديا ومعنويا

[لعن الله الانقاذ]

#1098590 [kosty]
3.50/5 (3 صوت)

09-06-2014 05:56 PM
من الاشياء التي افسدت علينا بلادنا القبيليه النتنه والتربيه المتخلفه ابتداءا التي علمت ابناءنا الدكتاتوريه البغيضه والتي هي سمه في المجتمع السوداني لان الابن الاكبر باعتباره المسئول والمساعد لابيه في تربية الابناء وكذلك البنت الكبري فهذه بداية للتسلط ثم معني كلمة رجاله الخفية المعني البدفع كتير هو راجل والبضرب او البطعن واقتل فهو راجل فقد استعملنا كلمه في غير معناها وفهمناها بحالها من كبارنا مما افسدت معناها الحقيقي فاصبح التبذير صفة متلازمه للرجل الذي ينفق كثيرا وكذلك القاتل الذي في النهايه يروح فيها بس كلو عشان اثبت رجولته المتوهمه وعندنا رجل القبيله هو المخلص في كل شئ فكيف ينصلح حال بلادنا ونحن وكل هذه المفاهيم تغذو افكارنا او راسخه في افكارنا

[kosty]

#1098569 [منصور محمد احمد]
2.00/5 (1 صوت)

09-06-2014 05:18 PM
يا ناس يا هوي ، عشان مافي رجال في السودان عشان يديروا البلد اقترح تجربة اعطاء النساء كل الناصب المطلوبة لقيادة البلد.يمكن تكون تجربة ناجحة و نكون اعطينا البشرية طريق جديد لحل مشاكل العالم. عاش كفاح المرأة السودانية.

[منصور محمد احمد]

#1098567 [//ahmed//]
4.00/5 (2 صوت)

09-06-2014 05:16 PM
المواطن السودانى تعلم الدرس، لو قامت انتخابات نزيهة سوف يكون مصير هؤلاء مزابل القبلية النتنة ...

[//ahmed//]

ردود على //ahmed//
Saudi Arabia [داوودي] 09-07-2014 10:02 AM
والله اغلب السودانيين غصبا عنهم اتعلمو ، بعدين ووووووووووين الانتخابات النزيهة اصلا لو مافي فساد ما كان البلد وصلت الحالة النحنا فيها ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة