الأخبار
منوعات سودانية
لأسباب مالية.. الاتحاد السوداني يرفض مطالبات إقالة المدرب مازدا
لأسباب مالية.. الاتحاد السوداني يرفض مطالبات إقالة المدرب مازدا
لأسباب مالية.. الاتحاد السوداني يرفض مطالبات إقالة المدرب مازدا


09-08-2014 05:21 PM
رفض إتحاد كرة القدم السوداني إقالة مدرب المنتخب الأول محمد عبد الله مازدا وتمسك به حتى نهايةعقده رغم الخسارة يوم الجمعة الماضي من جنوب أفريقيا 0-3 بأم درمان على تصفيات كأس أمم أفريقيا. وقال أسامة عطا المنان أمين صندوق إتحاد الكرة السوداني المشرف على المنتخب الأول في تصريحات صحفية: "الخسارة ليست نهاية المطاف فقد خسرت البرازيل بسباعية في المونديال الآخير ونيجيريا حاملة لقب خسرت يوم السبت على ملعبها من الكونغو.. نحن نقدر حزن الجماهير لكن لا يمكننا تلبية مطالبهم بإقالة المدرب".. وأشار عطا المنان إلى أن الأوضاع المالية لاتحاده لا تسمح بتغيير الجهاز الفني مشيراً إلى أن إدارة المنتخب لم تتمكن حتى من تدبير ميزانية سفر المنتخب إلى الكونغو التي يلعب فيها السودان ثانية مبارياته بالمجموعة الأولى يوم الأربعاء.

وكالات


تعليقات 19 | إهداء 0 | زيارات 2288

التعليقات
#1102791 [TD]
1.00/5 (1 صوت)

09-11-2014 12:10 PM
اخواني الاعزاء
هل تعلمون ان المنتخب السوداني مكون من احسن وافضل اللاعبين جاهزية في السودان
هل تعلمون ان ماذدا لايتقاضي راتب
اما تبرع المؤتمر الوطني بخمسة مليارات للكسب الاعلامي فقط

[TD]

#1101113 [عماد الغبشاوي]
1.00/5 (1 صوت)

09-09-2014 03:54 PM
نعم خسرت البرازيل بسباعية ولكن كم مرت فازت البرازيل انتم مهزومين قبل المباراة من سنة 72 وانتم في المبررات الواهية عن كل هزيمة رددوكم جاهزة قبل والله والله والله لو اتيينا لكم بكل مدربين الدنيا انتم مهزومين

[عماد الغبشاوي]

#1100936 [ابو الطماير]
1.00/5 (1 صوت)

09-09-2014 12:53 PM
يا شباب هو الماشي في السودان صاح شنو؟ الحاصل للكوره السودانيه جزء من التردي الحاصل في كل شئ في هذا العهد

[ابو الطماير]

#1100734 [قرفان من ام الكيزان]
1.00/5 (1 صوت)

09-09-2014 10:14 AM
تبريرات حرامية ولصوص مثل اسيادهم في المؤتمر الوطني ..... تفووووو عليكم وعلى مازدا الماعندو كرامة !!!!!!

[قرفان من ام الكيزان]

#1100678 [ابووليد‏ ‏]
0.00/5 (0 صوت)

09-09-2014 09:32 AM
مازدا‏ ‏ياخد‏ ‏راتبين‏ ‏لتدريب‏ ‏المنتخب‏ ‏ورئاسة‏ ‏لجنة‏ ‏التدريب‏ ‏يعني‏ ‏هو‏ ‏ومساعدينه‏ ‏يقبضوا‏ ‏عشرات‏ ‏الملايين‏ ‏شهريا‏ ‏.‏ ‏والسنة‏ ‏كلها‏ ‏نايميين‏ ‏ومرة‏ ‏مرة‏ ‏يرفهوا‏ ‏في‏ ‏اديس‏ ‏او‏ ‏اسمرا‏ ‏.‏ ‏ديل‏ ‏السنة‏ ‏كلها‏ ‏مابكونوا‏ ‏اجروا‏ ‏عشرة‏ ‏تمرين‏ ‏.‏ ‏ولو‏ ‏خرجوا‏ ‏من‏ ‏البطولة‏ ‏وده‏ ‏أكيد‏ ‏حيضمنوا‏ ‏رواتبهم‏ ‏حتي‏ ‏نهاية‏ ‏العقد‏ ‏ألما‏ ‏معروف‏ ‏متين‏ ‏‏!‏‏ ‏وعاايزنو‏ ‏يستقيل‏ ‏‏!‏!

[ابووليد‏ ‏]

#1100452 [adel ahmed]
1.00/5 (1 صوت)

09-08-2014 10:49 PM
الله ينتقم منكم ياحرامية

[adel ahmed]

#1100447 [ركابي]
1.00/5 (1 صوت)

09-08-2014 10:34 PM
وييييييييين المدربيين الالمان والطلاينة البتديهم دولهم علي شكل منح مجانية مدفوعة الراتب لاتحادات الدول الافريقية الفقيرة؟؟؟؟؟؟؟؟؟ مازدا حيكمل علي الباقي وحنتغلب من طوب الواطة وحنطلع بفضايح بجلاجل...زمان سيد سليم الكان غير مؤهل زي مازدا لمن مسك الفريق الوطني مااتغلبنا في بلدنا من اي دولة

[ركابي]

#1100418 [المشروع]
1.00/5 (1 صوت)

09-08-2014 09:14 PM
يا اخي مازدا ما عندو ذنب المفروض اقالة المنتخب بإكمله واقالة الاتحاد العام وكل واحد يشوف ليهو شغلة.. ويمشى بيت دا كلام فارغ والله لو جاءو مدربين العالم كله وكل مدرب قصاد لاعب واشرف عليهم الفيفا يمين لاعب واحد عندنا ما في واداري واحد مافي وكلهم واتحاد مافي شوفوا لكيم شغلة غير الكورة ونقوم نعد لاعبين من جديد من عمر عشرة سنوات لما ويدخلوا معسكر لمدة خمسة سنوات والكلام دا ينطبق في كل الاقاليم.. ونبدا في المشاركات الاقليمية بعد سبعة سنوات من الآن.. مرضتوا قلبنا

[المشروع]

#1100410 [hijazee]
1.00/5 (1 صوت)

09-08-2014 08:58 PM
اذا ما قادرين تدبروا مصروفات سفر الفريق القومي للكنغو لماذا قام النائب الاول للرئيس بالتبرع لفريق المريخ بخمسة مليار من مال الشعب السوداني اما كان الفريق القومي احق بذلك. مالكم كيف تحكمون

[hijazee]

#1100401 [Seek]
3.00/5 (3 صوت)

09-08-2014 08:36 PM
ضرب المثل بالهزيمه والفشل مثال جيد. للانسان الفاشل وإدمانه. للفشل !!!!

[Seek]

ردود على Seek
Sudan [خلفان] 09-09-2014 12:25 AM
و بعدين نحن عايشين ملطشة المنتخب مع مازدا منذ بطولة غانا و حتي اليوم .. تقول لي برازيل امبارح و نيجيريا اليوم !!! ارحلوا يرحمكم الله .. و الرخيص بي رخصتو يضوغك مغستو .


#1100378 [النيل أبونا والجنس سودانى]
3.00/5 (3 صوت)

09-08-2014 07:54 PM
نفس اللون بتاع مصلحجية حزب المؤتمر اللاوطنى فى إعادة ترشيح الكذاب الاشر البشير هذا ينطبق على إتحاد كرة القدم السوداني الذى يرفض إقالة مازدا لأنهم عندهم مصالح من وراء الفاشل وعديم الإحساس مازدا.

[النيل أبونا والجنس سودانى]

#1100376 [ود الركابي]
3.00/5 (2 صوت)

09-08-2014 07:52 PM
عليكم الله دي مافضيحه . اول مره في حياتي اسمع مسئول يصرح تصريح زي ده ماسمعناه حتي من اضعف دولة في افريقيا . طبعأ هم الحرامية الكبار تركوا شيء لسفريات ولا مدربين . بعدين يأخ مازدا الاتحاد اذا متمسك بيك خلي عندك كرامه وقدم استقالتك لاأنك مفلس وما عندك شيء تقدمه لفريق درجه ثالثه مش فريق قومي اذا اصلوا هم مفلسين فليحضروا مدرب وطني خلاف مازدا . وانا بأقترح فوزي التعايشه او مدرب المريخ بتاع سيكافا ده . ماعارف اسمه . والمدرب الجديد يبدأء من جديد اولاد صغار في السن مامهم في الاول بطولات المهم يبني فريق عنده غيرة علي الوطن وعنده روح قتالية عالية وعنده ثقافة الفوز .. واهم شيء يبلشوا الكسل داخل الميدان .. والله الموفق . تحياتي للجميع .

[ود الركابي]

#1100324 [mogahid]
2.88/5 (4 صوت)

09-08-2014 06:54 PM
يااخي لو ماقادرين علي تدبير ميزانية السفر ماشين لي شنو والديون في شنو ولا عشان مكاسب لبعض وكالة السفر اهو دين في الرقاب ... بلايه ريحونا وانسحبو نهائي ولما يكون عندكم ميزانية جاهزة من قبل عام من المنافسة شوفو ليكم وليدات صغار عمر 19-25 وخلوهم يمشو يتفسحو والكوامير دي كفاها خلاص عايزين لينا ركشات واتوسات وامجاد ...بلايه ماتخجل علي نفسك مباراة باقي ليها يومين تقول (إدارة المنتخب لم تتمكن حتى من تدبير ميزانية سفر المنتخب إلى الكونغو التي يلعب فيها السودان ثانية مبارياته بالمجموعة الأولى يوم الأربعاء.)

[mogahid]

#1100320 [عدس]
2.75/5 (4 صوت)

09-08-2014 06:46 PM
الخسارة ليست نهاية المطاف فقد خسرت البرازيل بسباعية في المونديال الآخير ونيجيريا حاملة لقب خسرت يوم السبت على ملعبها من الكونغو..
--------------
لما الناس تقول حكومة البشير قتلت أهالي دارفور يرد عليك مسؤول ويقول ليك أمريكا ذاتها قتلت الأفغان والعراقيين.
هذا الكلام يشبه ذاك.

[عدس]

#1100317 [كاك]
2.00/5 (2 صوت)

09-08-2014 06:44 PM
ما تجلوا المنتخب وكل واحد يروح لحاله

[كاك]

#1100309 [كوكي]
1.00/5 (2 صوت)

09-08-2014 06:33 PM
وهو ما عندو دم ؟ انا اعتبرها خيانة عظمى ان يوكل له تدريب المنتخب وخيانة عظمي منه واللاعبين الذين ليس لهم ولاء الا لانديتهم راينا كيف يبتسم علاء الدين القبيح بعد الهدف الثالث ديل لعيبة ديل تفووو عليكم والبرازيل خسرت كم مرة خلاص حتعملوها حجة

[كوكي]

#1100308 [موردة حضارة]
2.25/5 (3 صوت)

09-08-2014 06:31 PM
ياخي ياكوتش مازدا والله كرهتتتتتتتتتتتتتنننننننننننا ,, عليك الله شوف اي فريق اعجبك من فرق الممتاز ويكون قنعان من نفسه.. بس سيب المنتخب في حاله ...والاتحاد الحالي الله يشيله بس ... ياخي دمرته الكورة السودانية زي ما الحكومة دمرت السودان
ودمرت فريقنا العظيم الموردة رياضيا... الله ينتقم منكم.. قرف ايقرفكم. ده شنو المرض ده ياخي, ايبولا تاخدكم في ستين دهيه

[موردة حضارة]

#1100298 [المغبون]
2.88/5 (4 صوت)

09-08-2014 06:21 PM
طيب ما تنسحبوا مادام حتى حق التذاكر ماعندكم وتريحوا نفسكم وتريحو اعصاب الشعب المسكين ده تقارن غلب البرازيل بغلبكم ده انتو ما فى مشاركة رفعتو راسنا فيها ابدا منذ زمن طويل سامحكم الله وبعدين انت اصل كأس العالم واتغلب الف ما عندنا ما نع ولكن من الادوار التمهيديه تتلطش صعبة دى .

[المغبون]

#1100260 [شندقاوي]
2.75/5 (5 صوت)

09-08-2014 05:44 PM
خسرت البرازيل بسباعية في المونديال الآخير ؟؟!!!
لكن البرازيل عدي بترجع وتشيل كاس العالم


ونيجيريا حاملة لقب خسرت يوم السبت على ملعبها من الكونغو ؟؟!!
ونيجيريا حامة كاس الامم وعادي بتحقق تاني بطولات .
اين انت موقعك ايها الموهوم ؟؟!!
نفس كذب ناس المؤتمر الوطني ،تقول ليهم الغلاء يقول ليك عادي انظروا الى الدول من حولنا كدولة كذا وكذا ..

[شندقاوي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة