الأخبار
أخبار إقليمية
الأوضاع تتجه للانفجار داخل وزارة العمل ومطالبة بإقالة إشراقة
الأوضاع تتجه للانفجار داخل وزارة العمل ومطالبة بإقالة إشراقة
الأوضاع تتجه للانفجار داخل وزارة العمل ومطالبة بإقالة إشراقة


09-08-2014 05:11 PM
الخرطوم: حافظ المصري :

تتجه الأوضاع للانفجار من جديد داخل وزارة العمل بسبب استمرار الخلافات وتفاقمها بين الوحدة النقابية للعاملين بالوزارة والنقابة العامة لعمال الخدمات بالسودان، ففي الوقت الذي تنظم فيه النقابتان وقفة احتجاجية صباح اليوم أمام الوزارة، جددت النقابة الفرعية هجومها على وزيرة العمل إشراقة سيد محمود وحملتها مسؤولية عدم استقرار الوزارة،
وقالت في بيان لها أمس إن إشراقة ظلت تتحدى القرارات التي تصدرها الجهات العدلية، مطالبة بإقالتها وإسناد حقيبة الوزارة لما أسمته بالقوي الأمين. وفي السياق أكدت نقابة عمال الإدارة والخدمات حرصها على استقرار دولاب العمل بالوزارة، مشيرة لانتهاجها كل الطرق القانونية والنقابية لمعالجة مشكلات الوزارة، لافتة النظر في بيان لها لتجاوزات إشراقة تجاه بعض العاملين بالإيقاف بنصف مرتب ومنع النقابيين من دخول الوزارة، مؤكدة مساندتهم للنقابة الفرعية في الدفاع عن حقوق العاملين.

آخر لحظة


تعليقات 12 | إهداء 0 | زيارات 5210

التعليقات
#1101091 [الكونت]
0.00/5 (0 صوت)

09-09-2014 03:35 PM
ياظلال النخيل .... تحياتى... ياخوى هى وزارة العمل دى متين رحلوها شارع المطار

؟انا اليوم كان عندى شغل قضيتو فى الوزاره بشارع الجمهوريه. عشان كده راجع نفسك

انت صاحبك ده يمكن وداك جاد.هههه.

[الكونت]

#1100931 [حقوق مهضومة]
0.00/5 (0 صوت)

09-09-2014 12:47 PM
أشراقة دى أصلاً جات غلط ومشت في السكة الغلط مدير مكتبه أخوها وتعطيل لمصالح العاملين بالمؤسسات الحكومية بوسطة دايرة امضاء منها بس تقعد فى تربيزة مكتبها ثلاثة وأربعة شهور انا عن تجربة لدينا ترقيات للدرجات العليا قعدت ستة شهور لمن واحد فيهم نزل معاش وووكل ماتسئل الديوان عن خطاب أرسل إليهم يفيدوك رفعناهو لتوقيع الوزيرة طيب ويين يقولوا ليك لديها ثلاثة مكاتب .قضيت معها سنة دراسية فى مدرسة عطبرة الأميرية الثانوية غير كرة التنس ما عندها حاجة سبحان الله السياسية ذاته ما كانت ظاهرة فيها كفانا الله شرك يا بنت عطبرة وبكل أسف عطبرة تصنع القيادات الممتازة وتصهر قادة بحق وحقيقة لهم أدوار طليعة تساهم فى نهضة البلد

[حقوق مهضومة]

#1100868 [على حمد الجعلى (ابو شنب )]
0.00/5 (0 صوت)

09-09-2014 12:01 PM
شوفوا با هووووى اللى بتتكلموا عن اشراقة على الطلاق بالتلاتة على زوجاتى الاربعة انا اعترف انه اشراقة دى ارجل منى انا ذاتى رغم جعوليتى وشنبى اللى بيقعد الصقر خليكم انتو ناس قريعتى راحت ديل

[على حمد الجعلى (ابو شنب )]

#1100718 [ممغوص من الإنقاذ]
5.00/5 (2 صوت)

09-09-2014 10:04 AM
غايتو يا إشراقه لو الجماعة ديل شالوك أنا سمعت تحت تحت إنو إنصاف مدني محتاجه ليها لي زغراته فلا تدعي الفرصة تفوتك ....ايوي يوي يوي يووووووي....سنة يا حميدتي طلعت لينا مواهب

[ممغوص من الإنقاذ]

ردود على ممغوص من الإنقاذ
Saudi Arabia [كوكي] 09-09-2014 07:36 PM
اهبل انت؟


#1100674 [سالم السالم]
4.00/5 (1 صوت)

09-09-2014 09:27 AM
غايتو المرة دي عاااااااجبااااني

[سالم السالم]

ردود على سالم السالم
Saudi Arabia [سالم السالم] 09-09-2014 03:15 PM
والله يا جاتك ما مسألة عرمان لاكين الظاهر عامة لي عمل والله أعلم

Saudi Arabia [جاتك] 09-09-2014 11:29 AM
انت ياسلومي ياخوي كاتلك القرم عرمان سااااي.


#1100585 [ابو الطماير]
0.00/5 (0 صوت)

09-09-2014 07:44 AM
تااااااني القوي الامين!!!!!!!!!!!!!!!! عجبي

[ابو الطماير]

ردود على ابو الطماير
[كتاحة امريكا] 09-09-2014 09:47 AM
القوي الامين!!!!!!!!!!!!!!!!


بهذه الكلمة تم بيع السودان كله


#1100503 [شيخ دهب]
1.00/5 (1 صوت)

09-09-2014 12:40 AM
الاخوة الكرام موضوع اشراقة مع النقابة معروف ولا تنساقو مع عواطفكم وكرهكم لبني كوز .. مع انني لا احبذ شراكة اشراقة للموتمر الوطني ولكن هذه المراة تصدت لشبكة فاسدة من عصابة الموتمر الوطني كانت مسيطرة علي الوزارة وتعيس فسادا ولقد قطعت دابرهم وبالذات اعضاء النقابة الفاسدون ومنعتهم من دخول الوزارة وهم الان يحاربوها بكل الطرق لازاحتها وعودة فسادهم ... ولكن برضو شرووووقة تستاهل البدخلك وكر الدبابير عريانة شنو ؟؟؟

[شيخ دهب]

#1100417 [الرأى العام]
4.00/5 (3 صوت)

09-08-2014 09:08 PM
اشراقة بتاعت حميدتى مفروض بس يدوها دلوكه ويخلوها تبارى الجنجويد, أنسب شغلانية ليها.

[الرأى العام]

#1100381 [الأشـعـة الـحـمــراء]
3.00/5 (2 صوت)

09-08-2014 07:54 PM
أخـر .. لـظـة .. أبـو الـعــزائـم .. مـاســح و مـزيـن أجـنـحـة صـقـور نـظـام الـبـشـيـر ..!!
قــوم لـف كـدهـ .. الـقـوي الأمـيـن .. قــال !!

[الأشـعـة الـحـمــراء]

#1100339 [ظلال النخيل /فريد محمد مختار]
2.50/5 (3 صوت)

09-08-2014 07:10 PM
يا جماعة امشوا مباني وزارة العمل في شارع المطار وشوفوا بنفسكم نوعية الناس الشغالين هناك من شابات منحلات يتغازلن مع شباب أقل ما يوصفون به أنهم من قوم (...) هذه حقيقة .دهشت عندما رأيت سلوكهم وتصرفاتهم في زيارة بالصدفة برفقة صديق .. مكاتب مكدسة بموظفين من الجنسين منشغلون بجوالاتهم الفارهة ...لا أحد منهم يعطيك انطباع بأنه يؤدي عملا يؤجر عليه...موظفون وعمال تعرف من حركاتهم ومسحة دقيناتهم وملابسهم وطريقة كلامهم انهم منتمون لما يسمى بالمؤتمر الوطني وجهاز اللاأمن.لمست مدى الصراع الدائر بين الوزيرة وطاقمها من جهة وبين قطاعات الوزارة المصابة بداء التمكين من جهة ..فهم يعتبرون الوزيرة وطاقمها يؤدون وظيفة أعطيت لهم كمنحة من المؤتمر الوطني .
قال لي مضيفي هؤلاء هم شباب وشابات المؤتمر الوطني شوف الناس الحاكمنكم!!!
عندها تحسرت وقلت في نفسي إذا كانت هذه هي وزارة العمل والعمال بهذه الميوعة والانحلال فعلى السودان السلام..
عجبا هل هذه هي الوزارة التي مر عليها دهاقنة العمل النقابي لا لا لا والله ؟؟؟؟

[ظلال النخيل /فريد محمد مختار]

ردود على ظلال النخيل /فريد محمد مختار
Sudan [nagatabuzaid] 09-08-2014 09:47 PM
طيب ا لبناية الفاخرة العاااااااالية السممممممممممحة فى شارع الجامعة على ما اعتقد وزارة العمل دى تبقى شنو افتكرتها وزارة اشراقة


#1100274 [اشراقة وبس]
1.00/5 (2 صوت)

09-08-2014 05:56 PM
ان السيدة الفضلى اشراقة سيد محمود امرة حديدية من معدن تاتشر وانجيلا ميركل وغيرها من النساء اللواتى اثرن فى الحياة السياسية ولي من قوى وامين الاها
مالكم كبف تحكمون

[اشراقة وبس]

ردود على اشراقة وبس
Turkey [اركاداش...............اسطنبول] 09-09-2014 01:57 PM
اشراقه دي خلوها تشتغل تصدير فتيات ذوات بشره بيضاء للكويت وبقية الدول العربيه

Saudi Arabia [المشروع] 09-08-2014 08:40 PM
اسي انت راجل ولا مرا عشان يردوا عليك؟ لا اشراقة ولا الدقير ولا احمد بلال كلهم ما نافعين لانهم نفعيين واي انسان يضع يده مع المفسدين يكون مجرم في حق الشعب وعلى النقابة اذا كانت على حق ان تواصل نضالها لكن المشكلة النقابة ذاتها تبقى مؤتمر وطني وطيني

United Kingdom [النيل أبونا والجنس سودانى] 09-08-2014 08:08 PM
ليك حق تقول كدى مادام أنت أخوها ومدير مكتبها.


#1100266 [أمة الامجاد]
3.50/5 (3 صوت)

09-08-2014 05:50 PM
زغرودة كدى يا حلوة ل حميدتى
,,,,,,,,,, قابل السقط
خلاص يا حلوة استنفذتى اقراضك ادينا عجاج كرعينك
الكيزان خاتوكى فى راسهم
تانى ما بتقوم ليك قائمه
باى باى يا حلوة
واستعدى يا حلوة انت عودك رطب ولين ما زى حق القذافى ناشف
اخر زغرودة كدى بالله
بت الهرمه

[أمة الامجاد]

ردود على أمة الامجاد
Sudan [nagatabuzaid] 09-08-2014 09:51 PM
النقابات غندورية الصنع مؤتمر وطنى وبتحريض من الحزب خلاص قنعوا منها وسلطوهم عليها وحميدتى ماحينفعك خسارة زغاريدك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة