الأخبار
منوعات سودانية
النقر ساخرا : يجب ضم قائد جيل 76 لمنتخب السودان
النقر ساخرا : يجب ضم قائد جيل 76 لمنتخب السودان
النقر ساخرا : يجب ضم قائد جيل 76 لمنتخب السودان


09-09-2014 04:35 PM
تواصلت تداعيات خسارة منتخب السودان الأول لكرة القدم المريرة امام ضيفه جنوب افريقيا بنتيجة 0-3 بأم درمان يوم الجمعة على تصفيات لمجموعة الأولى المؤهلة لنهائيات كأس أمم افريقيا بالمغرب 2015, حيث سخر قائد المنتخب السوداني في عام 1980 ولاعب الهلال والنصر السعودي السابق مصطفى النَّقر من الاصوات الرسمية التي نادت أمس بإستدعاء اللاعبين المخضرمين فيصل العجب وهيثم مصطفى لاعبي المريخ السابقين لقيادة المنتخب من جديد في هذه التصفيات, ويلعب فيصل العجب ضمن صفوف مريخ الفاشر بالدوري الممتاز الآن, بينما توقف نشاط هيثم مصطفى الملقب ب"البرنس" مع المريخ هذا العام بعد ما شطب من الهلال وتعاقد معه النادي الأحمر قبل موسمين.

وابرزت صحيفة "قوون" الرياضية التي صدرت اليوم تصريحات مثيرة لمصطفى النقر بل جاءت التصريحات ظاهرة في الخط الأول للصحيفة مع مدخل :"مصطفى النقر يرد بعنف على أمين صندوق الإتحاد السوداني..إذا عودة البرنس والعجب فإستدعوا مع قاقرين".. وقاقرين لاعب الهلال وقائد منتخب السودان الذي نهائيات كأس أمم أفريقيا عام 1976 بإثيوبيا وهو أفضل هداف في تاريخ المنتخبات الوطنية السودانية.

وقال النقر في بعض من تصريحاته المثيرة:" قال نجم الهلال السابق الكابتن مصطفى النقر ردا على حديث أسامة عطا المنان أمين صندوق الإتحاد السوداني لكرة القدم والذي ربط عودة صقور الجديان إلى الإنتصارات بعودة قائده السابق هيثم مصطفى, وقال أن مجرد التفكير في إستدعاء هيثم مصطفى وفيصل العجب للمنتخب مرة أخرى يبقى هروبا من الواقع, قبل أن يعود ويتساءل :هل مشكلة المنتخب في اللاعبين, ليعود ويجيب :إذا كان الناس يرون أن كرة القدم السودانية مشكلة المنتخب في اللاعبين فعلى مازدا أن يستدعى الكابتن الدكتور السفير علي قاقارين الهداف المعروف, وأضاف: الكرة السودانية عموما تعاني من مشاكل متضامنة من تنظيم وتخطيط والإتحاد السوداني هو المسوؤل الأول عن خسارة منتخبنا أمام جنوب أفريقيا".
كووورة


تعليقات 8 | إهداء 0 | زيارات 5204

التعليقات
#1101997 [ابو ياسر]
0.00/5 (0 صوت)

09-10-2014 03:21 PM
هو مصطفى النقر زاتو شنو ، والله العظيم عندى ابن خالتى اسمو فتحى بيلعب فى العامل البحراوى وكان فى الدرجة الثانية ولاعب باك للنقر والله العظيم النقر ماشاف الكورة والله قطعها ليو فى راسو الكلام ده كان فى دار الرياضة ام درمان فى الثمانينيات ، وكانت المبارة ديك شهرة لابن خالتى وطلع النقر اشاعة كبيرة ، انا بالسعودية منذ 25 عاما كان فى دورى الصالحية وكان النقر بيلعب فى فريق ام درمان عاملها كلها مشاكل مع الحكام وقلة ادب طبعا عايش على اسمو الفالصو ، وحكاية كان بيلعب فى النصر السعودى دى زاتها مجرد صدفة الزمن داك انا كان ممكن العب فى النصر ، لانو ماكان فى كورة فى السعودية مثل الان الصحفيين ماعندهم شغلة ولا هيثم ولا النقر عملوا حاجة ونحن اصلا ماعندنا كورة .

[ابو ياسر]

#1101776 [hamid musa]
0.00/5 (0 صوت)

09-10-2014 11:29 AM
لم يكن هناك عصر ذهبي للكرة السودانية- د.كمال شداد

[hamid musa]

ردود على hamid musa
United Arab Emirates [عنتر] 09-10-2014 12:48 PM
لم يكن هناك كوره سودانيه اساسا


#1101712 [كيمو]
5.00/5 (1 صوت)

09-10-2014 10:31 AM
هيثم كصانع العاب ممتاز فى ادوار محددة صناعة الباص القاتل ويفتقده المنتخب
حقيقة ويمكن ان يقوم العجب بنفس الدور زايدا التهديف واستخدام الراس كمان
اذاالنقر مستعجل فى حكمه لان الساحة خالية من صانع الالعاب بالذات.

[كيمو]

#1101709 [اللدر]
0.00/5 (0 صوت)

09-10-2014 10:28 AM
الكلام دا قاله الفاتح النقر مدرب الاهلي شندي وليس مصطفى النقر.

[اللدر]

#1101624 [الوتقيق]
0.00/5 (0 صوت)

09-10-2014 09:21 AM
حليل النقر جا وزمن الكورة الجميل

[الوتقيق]

#1101410 [العمده]
5.00/5 (1 صوت)

09-09-2014 11:27 PM
هاالنقر الفشخرة في شنو في زمنكم شلتوا بطولات افريقيا كم مره كان للهلال كان المنتخب ذي ماقال علي الحاج خلوها مستورة كلكم سجم...أمسك خشم عليك ولا داير تقول لينا العصر الذهبي وكده...

[العمده]

#1101204 [الجنوبي ود كوستي]
5.00/5 (1 صوت)

09-09-2014 05:49 PM
السودان البقي فيه اولاد حافظ والله علبة صلصة ما بتشيلوها.
علي قاقرين كان موجود كنت بتقولو العب شوات علي قاقرين قدة الشباك مهازلك يا سودان.

[الجنوبي ود كوستي]

#1101168 [mogahid]
5.00/5 (1 صوت)

09-09-2014 05:00 PM
طيب يالنقر هاك المنتخب ده ... الدفاع (الجقر .. طارق احمد ادم ..كمال عبد الغني ..محجوب عبد الجبار ) ... الوسط (الديبة .. عصام عباس ... مبارك ..) الهجوم ( بريش ..ابراهومة ..عمر النقي ) بلايه رايك شنو مش احسن من الجنائز بتاعين اليومين ديل ..

[mogahid]

ردود على mogahid
[طز في الكيزان] 09-09-2014 08:37 PM
ده حيتغلب 10 صفر ،،،، وين الحارس وبعدين أكيد ابراهومة الكبير مش كده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة