الأخبار
أخبار إقليمية
طلاب حزب البشير يقتحمون كلية اليرموك ويحرقون عمادة الطلاب
طلاب حزب البشير يقتحمون كلية اليرموك ويحرقون عمادة الطلاب
طلاب حزب البشير يقتحمون كلية اليرموك ويحرقون عمادة الطلاب


مستخدمين الأسلحة النارية وقنابل الملتوف والسيخ.
09-10-2014 11:28 AM
الخرطوم: أشرف عبدالعزيز

اقتحم طلاب موالون للحزب الحاكم كلية اليرموك وقاموا بحرق مباني عمادة الطلاب واعتدوا على الطلاب في قاعات الامتحانات مستخدمين الأسلحة النارية وقنابل الملتوف والسيخ.
وقال بيان صادر عن عميد الكلية البروفيسور صباح عزيز جواد "إنه وفي إطار الإجراءات الأكاديمية تم فصل الطالب عبدالجليل عوض محمد ومنذ فصله وهو يوالي العاملين بالكلية والأساتذة ووكيل الجامعة بحرق الكلية وقتل وكيل الجامعة وقام بكتابة تهديداته على صفحته بالفيس بوك ووسائط التواصل الاجتماعي الأخرى" وكشف البيان "أن الضغوط على الكلية توالت لإعادة الطالب وتدخل فيها أشخاص ادعوا أنهم نافذين وينتمون لجهات سيادية وتبين فيما بعد للإدارة أنهم كذابون ولذلك رفضت وساطتهم وطردت الطالب".

الجريدة


تعليقات 23 | إهداء 0 | زيارات 13723

التعليقات
#1103012 [اسامه]
0.00/5 (0 صوت)

09-11-2014 03:51 PM
كلية اليرموك الطبيه كليه فاشله اسسها عراقي ادعى انه طبيب واتى لها بكمية من الاساتذه الذين لم يدرسوا الطب في حياتهم ، الموضوع ببساطه انه بعد انهيار صدام ودخول الامريكان لبغداد تم تدمير معظم الجامعات وبالتالي اصبح في امكان اي عراقي ان يدعي انه طبيب بقوة قلب لان المرجعيه وهي الجامعات مدمره والاوراق ضائعه فاتى فريد عصره وزمانه مالك الجامعه بكم مليون من الدولارات وقام بعملية غسيل اموال في السودان وشاف انه البلد ضائعه وناسه طيبين فادعى انه طبيب وكجزء من الاستثمارات قام بفتح كلية اليرموك للطلبه الضايعين ، الاساتذه في هذه الكليه لم يدرسوا الطب اصلا ، الطلاب لم يدخلوا لاي مستشفى وهم في سنه سادسه الان ، الكليه غير محترف بها من مؤسسات التعليم العالي ، السؤال هو كيف لطالب طب لم يدخل مستشفى في حياته حتى شارف على التخرج ان يصبح طبيب بل كيف لمحاضر ال يعرف اي شئ عن الطب ان يصير استاذ ، الجامعه قائمه على الرشوه يعرف ذلك كل الطلاب ، كما يتم استغلال بعض الطالبات جنسيا لتمريرهم في الامتحانات المشرف عليها العراقيون ، هذه هي جامعة اليرموك باختصار .

[اسامه]

ردود على اسامه
Sudan [محمد] 09-12-2014 10:18 AM
والله يا اسامه انت أكبر كذاب وحاقد.. انا طالب بالجامعة قريب جدا من الحاصل ماعندي معلومه عن غسيل أموال وانت أيضا بس في الأمور الأكاديمية انا عارف كل حاجه كلية اليرموك بها 6اساتذة عراقيين وباقي الاصطاف سوداني ومن أحسن البروفات والدكاتراة والمحاضرين ومساعدي التدريس ومن ناحية التدريب كل الطلاب يذهبون إلى مستشفيات معروفه وحكوميه والآن الكلية في صدد بناء جامعه ومستشفى في منطقة الأزهري و لو الكلية اصلا معتمده على الرشوة لتمرير الطلاب ماكان الحصل الحاصل الآن كان مررو الطالب المذكور وانتهى الأمر.. . هذا مالزم توضيحه وارجو تحري الدقه في كلامك يا اسامه

Saudi Arabia [khalid] 09-11-2014 05:41 PM
كذوب وجاهل
http://www.mohe.gov.sd/index.php?option=com_content&view=article&id=231:2013-05-20-09-19-52&catid=9:2012-02-21-10-16-08


#1102962 [محمد]
5.00/5 (1 صوت)

09-11-2014 03:04 PM
وهم ينتمون لمجموعة اسمها الجهادية ويحملون بطاقات توضح عدم اعتقالهم شوف المهانة حدها وين ويشتبكون مع قوه من المباحث في قلب الخرطوم... قصص

[محمد]

#1102959 [محمد]
5.00/5 (1 صوت)

09-11-2014 03:00 PM
والغريب انو ناس المباحث عملو ليهم كمين امبارح وحصلت اشتباكات واحد أفرد المباحث أخرج مسدس فإذا بأكثر من شخص منهم يخرج مسدس وانسحب أفراد المباحث والكلام ده حصل أمام مباني اتحاد طلاب بالقرب من نفق جامعة الخرطوم. شوف الفوضى الحاصلة حدها وين.

[محمد]

#1102624 [ALGANDAWI]
4.88/5 (6 صوت)

09-11-2014 10:03 AM
وإذا الناس البتوسطو ما كذابين وطلعوا فعلاً متنفذين يا إدارة الكلية كنتوا حتلغوا فصل الطالب ولا شنو؟؟؟؟ يعني الواسطة صارت فوق القوانين في هذا الزمن الأغبر وكمان في مؤسسات التعليم العالي؟؟؟ الله المستعان وعلى السودان السلام.

[ALGANDAWI]

#1102622 [ajid]
5.00/5 (1 صوت)

09-11-2014 10:03 AM
هذه الكليه ومن اسمها كليه شيعيه واكيداسسها النظام الايراني انتبهووووووو يا ساده

[ajid]

#1102597 [عكاشه]
4.75/5 (3 صوت)

09-11-2014 09:50 AM
اقتحموا الكلية بالاسلحة النارية وقنابل الملتوف والسيخ بالله ديل طلاب ولا طالبان

[عكاشه]

ردود على عكاشه
Saudi Arabia [ام عويدات] 09-11-2014 02:07 PM
ههههههههههة ضحكتنى يا ابوعكش طالــــــــــــــبان


#1102540 [عثمان عوض الخليفة عبدالكريم]
5.00/5 (3 صوت)

09-11-2014 09:17 AM
السُلطة المطلقة مفسدة مُطلَقة - هذا هو حال الإنقاذ في البلد كلللللها ؟

[عثمان عوض الخليفة عبدالكريم]

#1102347 [abugreda]
5.00/5 (5 صوت)

09-11-2014 12:54 AM
عن حبيبنا رسول الله صل الله عليه وسلم قال ما من عبد يسترعيه الله رعية يموت يوم يموت وهو غاش لرعيته الا حرم الله عليه الجنة. الكيزان يغشون الشعب ٢٥ سنة ومازلوا

[abugreda]

#1102169 [الفاروق]
5.00/5 (1 صوت)

09-10-2014 07:58 PM
قلناها الف مليون مرة عنف الكيزان لا بد ان يقابل بنفس العنف

لا عدل الا ان تعادلت القوى ****** وتصادم الارهاب بالارهاب

او كما قال الشاعر

[الفاروق]

ردود على الفاروق
[ابو صلاح] 09-11-2014 04:08 PM
ههههههههه انقلب السحر على الساحر


#1102091 [AburishA]
4.88/5 (4 صوت)

09-10-2014 05:39 PM
رجالتهم دي بسووها في عيال الخرطوم بس!! أقسم بالله ان طلاب حزب البشير وآباءهم هم أجبن خلق الله..بس ما لقوا الناس ال بتكحلوا بـ الشطة !!!!

[AburishA]

ردود على AburishA
[AburishA] 09-11-2014 05:03 PM
الاخ [عصمتووف)مع التحية..
أولا لست ادري في تعليقك الاول ان كان الكلام موجه لي او للاخ المعلق [خور ابوعنجة]
وقد اوضحت بانه قد لم يفهم تعليقي.. وانا اقصد بان طلابنا في الخرطوم مسالمين لعدة اسباب قد لاتخفى عليك..

**أما ردك على الاخ [الدود قرقر] فوالله قد خيب ظني فيك..حتى راجعت توقيعكم مرات ومرات عسى ان يكون ذلك انتحالا..وأرجو أن لا تكون قد كشفت عن قناع قبيح بهذا التعليق والتهريج غير السوي الذي سبق ان مارسناه للدرجة التي يتم حجبه.. نحن هنا نتعارف كأراء ووجهات نظر باحترام وليس كأشخاص..لذا قد لا نعرف عن هوية وكينونة المعلق سوى فكره..وحتى لا نفرغ الموضوع عن محتواه.. فان اي بقعة داخل الحدود هي وطن للسوداني أبى من أبى ورضى من رضى..وتلك هي المواطنة الحقة التي نناضل من أجل اقامتها.. وحري بك ان تعتذر للاخ الدود قرقر ولك العتبى حتى ترضى..

** الاخ [الدود قرقر] شكرا للتعليق الموضوعي..وعدم فهم التاريخ وتزييفه والمكابرة هي مشكلة هذاالجيل المعاصر.. وقالوا "الجواب يكفيك عنوانه" ونأسف جدا وندين اسلوب الاخ عصمتووف في تعليقه المتطرف غير اللائق..خالص الاحترام..

Sudan [عصمتووف] 09-11-2014 12:28 PM
ي الدود قرقر الخرطوم ترحب بالذي يريد ان يكمل تعليمة الجامعي والذي يريد ان يتعالج او زياره خاطفة وليس للمتسكعين امثالك من باعة الهتش في الاشارات والفراشه ضايقتم سكان الخرطوم في ماكلهم ومشربهم وتعليمهم وعلاجهم وسكنهم ومواصلاتهم هل سكان الخرطوم يضايقونكم في هوامشكم طالبوا بحقوقكم بلاش ثقالة ولداحة الله يرحم مهدي مصطفي الهادي

[الدود قرقر] 09-11-2014 07:39 AM
يا عصمتوف ويا ابوعنجة ..
عاصمتك الوطنية بناها واحد جاي من الهامش .. كل أهل الخرطوم قادمون من الأطراف .. اقروا عن تاريخ خرطومكم
يا أهلها .
آل المهدي .. الأمدرمانيون اليوم ، جاءوا من آقصى اطراف هذا البلد و قيس على ذلك
أعظم ابناء هذه الأمة جاءت لعاصمتها من الأقاليم من سرور و خليل فرح إلى الطيب صالح ووردي و اسحاق الحلنقي

[AburishA] 09-10-2014 10:07 PM
يا اخ خور ابوعنجة قد لم تفهم تعليقي..لك العذر

[عصمتووف] 09-10-2014 08:45 PM
قلنا الكلام ده زمان (الخركوم) وليس الخرطوم (خري كوم) جداد بره عاوز يطرنا مساكين انحن بقينا اقبية مضطهدة

United States [خور ابوعنجه] 09-10-2014 08:19 PM
عيال الخرطوم ؟ هو انتو خليتو للخرطوم عيال ؟ من البشير ولي اصغر زول في الحكومه منو منهم المن الخرطوم ، ناس الخرطوم بقو ضيوف في احيائهم والآن اختلط الحابل بالنابل يا حبيب والعايز تقولو ده مرتد لاهلك الاصبحوا الآن هم سكان الخرطوم .


#1102069 [ودالعمدة]
0.00/5 (0 صوت)

09-10-2014 05:07 PM
الرحمة علي التعليم,,, من كلام ناس الكلية ان النافذين لو ساقطين ابنائهم يجب ان ينجحوا بتوصية منهم !!
سوداني قال : كلما اشوف الكيزان سنه وراء سنه الاحظ كيف كونت |"كائن" غريب السنه اللي قبلها

[ودالعمدة]

ردود على ودالعمدة
Oman [آمال] 09-10-2014 09:35 PM
ﻷن واسطاتهم دايما قوية عشان كده بينجحوهم بسهولة حتى لو كانوا أصلا ساقطين


#1102068 [زول والله بيعرف التعليم احسن م الوزيره]
2.00/5 (1 صوت)

09-10-2014 05:05 PM
اولا يا جماعة الخير جامعة اليرموك دى وين؟هل فى السودان ولا على نهر اليرموك موقع المعركه؟
تانيا. الطالب كما يقول بيان العميد ان فصله من الجامعه تم فى اطار ألأجراءات ألأأكاديميه
تالتا.. اذا الحكايه ذات صلة بالاكاديميات الوساطه من اصحاب النفوذ او من غيرهم لزومه شنو؟ هل الطالب المفصول كان من الجواسيس اللى اعلن (وكانه يفخر بما قام به) المدعو مصطفى عبد القادر مدير المرحله الثانويه الخرطوميه عن اختياره جاسوسين امسنين قويين من طلاب كل فصل مدرسى.. (فض فوك يا صاحب الاعلان .. وتربت يدا من اجلسوك على هذا الموقع واولوك مسؤولية منصب مدير التعليم الثانوى .ويورينا فيكم يوم).... هانت الزلابيه!!
رابعا.. ماهى ألأجراءات ألأمنيه اللى اتخذها المدير للحفاظ على ممتلكات الجامعه وعلى ارواح العاملين فيها بعد تهديدات الطالب بحرق الكليه وقتل وكيل الجامعه علما بانه قيل ان الطالب كتب ذلك فى الفيسبوك؟ لماذا لم يبلغ الشرطه للحيلولة دون قيامه بحرق المكاتب ؟
اخيرا هل مدير الجامعه "صباح عزيز جواد" سودانى الجنسيه؟ ميلادولا تجنس؟اذا كانت الجامع دى فى السودان.. ونأسف على جهلنا بمؤسسات التعليم العاااالى فى ديار التوجه الحضارىّّ !

[زول والله بيعرف التعليم احسن م الوزيره]

ردود على زول والله بيعرف التعليم احسن م الوزيره
United Arab Emirates [واحد] 09-11-2014 12:44 AM
الجامعة دة في السودان في شارع الستين واغلب الاساتذة لو ما كلهم عراقيين وليها كم سنة

United Arab Emirates [قرف وقهر] 09-10-2014 05:39 PM
في الخرطوم شارع الستين


#1101995 [لؤي طارق]
4.50/5 (2 صوت)

09-10-2014 03:20 PM
اذا الشعب يوما اراد الحياه فلابد ان يستجيب القدر

[لؤي طارق]

#1101991 [لؤي طارق]
3.00/5 (2 صوت)

09-10-2014 03:14 PM
الله الله ع الكيزان

[لؤي طارق]

#1101964 [إسماعيل آدم محمد زين]
4.00/5 (3 صوت)

09-10-2014 02:27 PM
واضح إنو الكلية دي ما حقتهم و يبدو بأنها منافسة قوية لكلياتهم و جامعاتهم! لذلك سيدمروها

[إسماعيل آدم محمد زين]

#1101922 [ود أرض الشفاء]
4.69/5 (6 صوت)

09-10-2014 01:39 PM
اقتباس:
وكشف البيان "أن الضغوط على الكلية توالت لإعادة الطالب وتدخل فيها أشخاص ادعوا أنهم نافذين وينتمون لجهات سيادية وتبين فيما بعد للإدارة أنهم كذابون ولذلك رفضت وساطتهم وطردت الطالب".

يعني لو كانوا فعلا نافذين كنتوا حترجعوه عاااااادي

يقول رسول الله (ص) "لو سرقت فاطمه بنت محمد لقطع محمد يده" أو كما قال

حسبي الله ونعم الوكيل

[ود أرض الشفاء]

ردود على ود أرض الشفاء
United Arab Emirates [عادل] 09-11-2014 08:46 AM
يا نجاة نحن همنا الفكرة من تعليق (ود أرض الشفاء)والفكرة وصلت لماذا نحن اصبحنا فقط نبحث عن ما يثير الخلاف والنقد والعداء . المعلق لا يحفظ الحديث لذلك ذيله ب(او كما قال) لكي تجدي له العذر فهو لم يؤكد النص .. وثانيا هو لم يقل ان (حسبي الله ونعم الوكيل ) حديث ما فهمته ان هذه الآية اوردها في آخر تعليقه كتعليق منه على مجمل الحدث ... احسني الظن وجدي للآخرين العذر خاصة ان كان المقصد واضح .

Saudi Arabia [الخمجان] 09-11-2014 07:23 AM
ي نجاة ابو زيد شكلك عاملة فيها فاهمة وبتردى على اى تعليق والله انتى ما فاهمة الحبة اولا دى غلطة مطبعية عادية زى كلمتك (يهدينا ويهداك ) راجعى تعليقك ثم ثانيا هو كتب حسبى الله ونعم الوكيل تحت يعنى دى من عندو هو وليس تبعا للحديث
وكلمة (او كما قال) تقال فى خطب الجمعة عقب اى حديث شريف يعنى يقصد او كما قال المصطفى صلى الله عليه وسلم فى حديث السرقة

Sudan [nagatabuzaid] 09-11-2014 01:21 AM
رد على سودانى رغم انفك
كدى راجع الحيث هل جاء على هذا النحو وهل ( حسبى الله ونعم الوكيل ) حديث شريف

Sudan [nagatabuzaid] 09-11-2014 01:18 AM
يا جماعة ما تفوتوا الجزء الاخير من تعليق ود ارض الشفاء وتمرروه كما مررته ادارة الراكوبة انظروا

( يقول رسول الله (ص) لو سرقت فاطمة بنت محمد لقطع محمد يده ) او كما قال حسبى الله ونعم الوكيل ) استغفر الله العظيم واتوب اليه يا بنى الله يهدينا ويهداك اولا الحديث ليس بهذه الصورة لا حول ولا قوة الا بالله لعلى العظيم وكمان يا ابنى ( حسبى الله ونعم ونعم الوكيل ) اية قرانية انت ود ارض الشفاء ولا فلان الفلانى الذى افترى على الله ونسب اليه سبحانه وتعالى المثل ( العارف عزو مستريح ) ادارة الراكوبة نزلت الكلام الفارغ دة بدون فلترة والمعلقين مروا عليه مرور الكرام وين انت يا سى يس اها ايه رايك شنو فى السبعينية اشطر منك مش كدة توقعت تعليقك على ود ارض الشام بحالوا ده كلوا اشطر منك

Saudi Arabia [سوداني رغم أنفك] 09-10-2014 04:43 PM
الله يهدينا ويهديك يا زول اتقي الله، الحديث ده للمسلمين فقط، مالك تدخل فيه غيرهم من ناس الحكومة هم أسلموا متين علشان يطبق عليهم حديث زي ده بالله عليك


#1101918 [adilnugud]
4.75/5 (4 صوت)

09-10-2014 01:33 PM
بالله شوفو الانحدار الاخلاقي وصل الى وين ...........
عميد الكلية يصرح بانهم كذبوا وادعو ان جهة نافذة تقف معهم واكتشف كذبهم اي عمادة هذه التي يديرها النافذون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[adilnugud]

#1101903 [Abu Qabas]
4.75/5 (5 صوت)

09-10-2014 01:23 PM
وساطة النافذين والمدعين بأنهم كذلك هو الاسلوب المتبع في ادارة شئون البلدوالكلية كان ممكن تعيد الطالب لولا تبين لها كذب المدعين بانهم ذوي نفوذحسب ما ذكر البيان

[Abu Qabas]

#1101863 [جعفر ود جار النبى]
4.88/5 (5 صوت)

09-10-2014 12:38 PM
يااخوانا البلد بلدهم ونحن مجرد ضيوف
خليهم يكسرو ينهبو يحرقو ونحن نمشى
نشوف لينا وطن تانى نعيش فيهو

انشاء الله تلم فيكم صاعقة تخمكم ماتخلى
فيكم واحد

[جعفر ود جار النبى]

#1101860 [ود السودان]
4.75/5 (3 صوت)

09-10-2014 12:37 PM
وتدخل فيها أشخاص ادعوا أنهم نافذين وينتمون لجهات سيادية وتبين فيما بعد للإدارة أنهم كذابون ولذلك رفضت وساطتهم وطردت الطالب".
إذا كانوا نافذين هل ستوافق الكلية على إعادة الطالب هذا منطق غريب جداً.

[ود السودان]

ردود على ود السودان
United Kingdom [ود البلد] 09-10-2014 05:12 PM
التكسير ما بتستاهلو الكلية يبستاهلوراس رئيسها البمشى كلام النافذين يخس على كدا


#1101839 [أبو احمد]
5.00/5 (8 صوت)

09-10-2014 12:16 PM
( اقتحم طلاب موالون للحزب الحاكم كلية اليرموك وقاموا بحرق مباني عمادة الطلاب واعتدوا على الطلاب في قاعات الامتحانات مستخدمين الأسلحة النارية وقنابل الملتوف والسيخ.)

(ومنذ فصله وهو يوالي العاملين بالكلية والأساتذة ووكيل الجامعة بحرق الكلية وقتل وكيل الجامعة)
الله يجازي اللي كان السبب.
زمان كان تشوف استاذ الابتدائي في أول الشارع تزوغ منه بالشارع التاني

[أبو احمد]

ردود على أبو احمد
United States [ود الزين] 09-10-2014 08:29 PM
ده كلامك..؟؟ يا زول أنا اندقيت في الطابور وعلى رؤوس الأشهاد ومعاها تشهير وتشنيع
عشان الاستاذ شافني من بعيد ( والله زرقاء اليمامة بس )سايق عجلتي الجديدة في الشارع
العصرية...وبقيت عظة وعبرة لمن يعتبر ولكل من تسول له نفسو الحوامة برا بيتهم بعد انتهاء اليوم الدراسي... المدرسة كلها شمتت فيني ...

United Arab Emirates [lahib] 09-10-2014 02:16 PM
هاهاها والله يا ابو احمد زكرتنى موقف حصل لى مع استاذ الابتدائي مره كنت سايق اطار عربه صغيره وانا دخلت الشارع اشوف ليك الاستاذ دخل طرف الشارع والله خليت الاطار مدردق عليهو وجريت رجعت خليتو .. زمن والله بس حنقول شنو فى زمن الابالسه الله يلعنهم


#1101808 [zorba]
4.97/5 (12 صوت)

09-10-2014 11:50 AM
ليهم حق يعملوا اكتر من كده طالما البلد صانة ..... و البلد الما فيها تمساح يقلد فيها الورل.

[zorba]

ردود على zorba
United Arab Emirates [أبوعلي] 09-10-2014 01:24 PM
الورل أشرف وأطهر منهم وأرفع من أن يقرن إسمه بالكيزان
لهم يوم آتي قريبا، فقدوا السيطرة على كلّ الأمور


#1101806 [أبوقرجة]
4.43/5 (12 صوت)

09-10-2014 11:48 AM
دا اسلوبهم من زمان في ترويع الناس حتى أشاعوا بين الناس هم أشرس ناس .. وأقولها لكم والله لو تجمع الطلاب وضاربوهم وشالوا منهم حاجاتم دي والله تاني ما بجوا خالص ... علشان كده حقوا الناس تكون فرق في الجامعات لمناهضة هذا العنف ... ويقابل بنفس العنف .. شالوا سلاح ناري الناس تشيل سلاح نار سواطير الناس تشيل سواطير ... سكاكين أي حاجه الناس تشيل زيهم وأنا متأكد تاني ما برجعوا لعمايلهم دي .....
نحن زمان كنا بندقهم عديل كده والله بجروا زي البهائم ... ديل أجبن ناس ..

[أبوقرجة]

ردود على أبوقرجة
[كوش] 09-11-2014 09:55 AM
نحن رفاق الشهداء .. يا أحيييييييييك وأحييييييييييييك وتاني أحييييييييييك ..
حسوني دا جدادة ريشه منتف .. ماتشغل بالك بيهو .. الزيو مابستحق انو الناس ترد عليهو زاتو

[نحن رفاق الشهدا] 09-11-2014 06:45 AM
يا حسوني عايز تجي تسمع فهمو .. بكلاشك وتاتشرك ومعاك كم واحد حامنك بطبنجاتم ولاّ بتجي براك .. أباطك والنجم
تعال في (السهلا) براك عشان نسمع فهمك نحنا برضو ..
عشان تعرف وتتأكد من (الرجالة) .

Sudan [حسن] 09-10-2014 11:03 PM
هسي الجبان منو البقعد يكتب بره السودان ويقول الحكومة سوت وسوت وتانيا القاليكم منو الطالب ده تابع للمؤتمر الوطني وثالثا" الرجاله ما كلام واي راجل يكتب تعليق يقول لينا قاعد وين في الخرطوم عشان نجي نسمع فهمو

Saudi Arabia [abusami] 09-10-2014 02:00 PM
كلام صح العين بالعين وطلاب المؤتمر الوطني اجبن ناس .

Sudan [hammad] 09-10-2014 01:21 PM
هم حقيقة أجبن ناس لكن لمان هم يتهزموا يكون معاهم الأمن بالأسلحه الناريه. دي هي المشكله.

Saudi Arabia [MUBARK] 09-10-2014 12:45 PM
you are a big lier

Netherlands [دردوق] 09-10-2014 12:26 PM
دا كلام صحيح . والناس ديل اجبن من ما تخيل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة