الأخبار
أخبار إقليمية
الكونغو يهزم منتخب السودان
الكونغو يهزم منتخب السودان
الكونغو يهزم منتخب السودان


09-10-2014 08:28 PM
الراكوبة - حل المنتخب السوداني اليوم ضيفاً على نظيره الكونغولي في ثاني مباريات تصفيات المجموعة الأولى المؤهلة لنهائيات كأس أمم إفريقيا بالمغرب 2015. وإنتهت المباراة بفوز الكونغو بهدفين دون مقابل ، تقدم منتخب الكونغو بالهدف الاول في الدقيقة 4 برأسية لاعبه فيربوري دور واضاف برنس اونيانجي الهدف الثاني في الدقيقة 90 من رأسية أيضاً


تعليقات 41 | إهداء 0 | زيارات 8488

التعليقات
#1103337 [ما عارف حاجه]
1.00/5 (1 صوت)

09-12-2014 01:56 AM
والله البشوف الجرايد الرياضيه الصادره في الخرطوم و الازاعلت الرياضية و البرامج الرياضيه في الخرطوم بقول انوا البلد دي بها فريق كبير لاكن ما ان يمتحن الفريق السوداني مع دوله افريقية يظهر بمظهر ( و الله حرام اكتبها فيه) لانو حتي الشتيمه كتيره فيه. وبعدين يا مازدا شنو يعني مافي غيرك زول يمكن يدرب المنتخب السوداني و بعدين أخجل من ناس بيتكم ومن اولادك بقولو عليك شنو كفاك ياخي والله كفاك مهزله وفضايح مرضتناااااااااااااااااااااااااااااااااااا مرض. ماسك فيها ليه تعال نحن بنديك مرتب لو عايز

[ما عارف حاجه]

#1103267 [مالك]
1.00/5 (1 صوت)

09-11-2014 10:49 PM
متعوده دايما

[مالك]

#1103096 [حزب الراكوبة]
1.00/5 (1 صوت)

09-11-2014 05:50 PM
على المنتخب الكنغولي تقديم شكوى ضد حكم المباراة أنهى المباراة قبل 3 دقائق لانو المفروض النتيجة تكون 3 مش 2

[حزب الراكوبة]

#1103077 [وطن]
1.00/5 (1 صوت)

09-11-2014 05:30 PM
بطل والابطال قليلون.

[وطن]

#1103039 [عادل احمد]
5.00/5 (1 صوت)

09-11-2014 04:26 PM
ياحليل زمن الكورة وحب الوطن كنا عندما يعزف السلام السوداني ويبدأ نشيد نحن جند الله جند الوطن نقف و نبكي غزيراً حباً وولهاً ومعزة لبلدنا الغالي ( والله الواحد لامن جلدو وشعرو يقيف ) وكنا عندما يفوز السودان يملاءنا الفرح لأننا نشعر بأننا نحن من حقق هذا النصر لأنفسنا وعندما يهزم منتخب السودان أو الفريق القومي تصبح الحياة بالنسبة لنا كطعم الحنظل لا أكل ولا نوم وتنكسر نفوسنا .

الغريب أنه في مباريات السودان في السنوات الأخيرة ومنها مباراة الكنغو عندما يبدا عزف النشيد الوطني لا يحرك فينا ذلك شيئاً وكأننا نسمع لاغنية لا تحرك في شيئاً وبالأمس تولد لدي شعور كنت فيه اتمني هزيمة السودان ودون أن اشعر وعندما احرزت الكنجو الهدف الثاني وجدت نفسي اصفق لهم وبفرح لا شعورياً . اخواني تعرفون لماذاهذا الشعور لأني لا اشعر أن هذا المنتخب يمثل السودان بل يمثل المؤتمر الوطني الغريب ان نفس الشعور اصبح يتولد لدي تجاه الجيش والشرطة لأني احس أن هذه الاجهزة تمثل المؤتمر الوطني وليس السودان .
( المؤتمر الوطني والانقاذ قتلوا الوطنية وكل شئ جميل فينا ومسخوا علينا الدنيا فاضبخت الحياة عندنا بلا لون ولا طعم ولا رائحة ) وهذاالاحساس اصبح ماساة لنا قبل إي شئ آخر .وحسبنا الله ونعم الوكيل

[عادل احمد]

#1102987 [الفاتح المنصورى]
0.00/5 (0 صوت)

09-11-2014 03:27 PM
سبت دودو فى حراسة المرمى
امين اذكى الماموماو سنطه سمير صالح
الكوارتى ديم الصغير بشري وهبه
شاويش ود الزبير عمر التوم ماجد جكسا

فريق يهزم المانيا

[الفاتح المنصورى]

#1102980 [badr]
0.00/5 (0 صوت)

09-11-2014 03:22 PM
اتنين بس يحيى ماااااااازدا هادم الكرة السودانية

[badr]

#1102970 [الحزين على الوطن]
0.00/5 (0 صوت)

09-11-2014 03:15 PM
ملطشةكروية زي الملطشة الطششتنا من بلدناو طششتنا شبكة و طششت عيوننا من وطننا...رحماك ربنا رحماك

[الحزين على الوطن]

#1102922 [sasa]
0.00/5 (0 صوت)

09-11-2014 02:25 PM
اللهم مزيدا من الهزائم السياسية والاقتصادية والرياضية - شماتة فى النظام الوقح المغتصب القاتل المجرم


واللى عايز يفترى على ايها السادة المعلقين .... لا اعتراض لى على رايه

[sasa]

#1102897 [كيمو]
0.00/5 (0 صوت)

09-11-2014 01:58 PM
من خلى عادتو قلت سعادتو... وين الهدف الثالث لا نحن عايزين 3 زى كلو مرة.

[كيمو]

#1102810 [محتار جدااااااااااااا]
5.00/5 (2 صوت)

09-11-2014 12:32 PM
زمان قلنا شنو؟ اصلا ماكان متوقع فوز المنتخب وماكان فى داعى للسفر والبهدله وصرف فلوس على الفاضى وكمان فى زمن كل الدل بتتحاشى السفر لمناطق غرب افريقيا بسبب مرض الايبولا والعياز بالله والخوف الخوف واحد من البعثه يكون لقط الفيروس وجابه معاه اصلا نحن ما ناقصين بلاوى المهم ناس الصحه مفروض يكرتنوهم كلهم عند وصولهم المطار للتاكد من خلوهم من المرض ده وكمان عقابا ليهم على خيبتهم التقيله دى وربنا يستر

[محتار جدااااااااااااا]

#1102801 [عمك تنقو]
0.00/5 (0 صوت)

09-11-2014 12:16 PM
فاقد الشئ لايعطيه

[عمك تنقو]

#1102786 [قرفان]
0.00/5 (0 صوت)

09-11-2014 12:04 PM
يعنى جات على الكورة ؟ قولو لى حاجة وااااحدة فى البلد دى بنعرف نعملا زى الناس !! غير (نطلع زى الناس) .. دى ذاااااتا فى ناس بعملوها فى الخور !!

[قرفان]

#1102693 [ود أمدرمان]
0.00/5 (0 صوت)

09-11-2014 10:53 AM
وشنو الجديد او الغريب في كده ياهو دا السودان في ظل حكومة المؤتمر الوطني الرشيدة يعني بقت على الكورة

[ود أمدرمان]

#1102686 [عزلوه]
0.00/5 (0 صوت)

09-11-2014 10:47 AM
الخطأ من مازدا كان يجب ان يعتمد على أبطال كأس سيكافامش يدخل معاهم لاعبين آخرين

[عزلوه]

ردود على عزلوه
European Union [كيمو] 09-11-2014 02:04 PM
بس ابطال سيكافا حارسهم والهدافين اجانب .


#1102676 [كوكي]
0.00/5 (0 صوت)

09-11-2014 10:43 AM
كويس مازدا ماشي في تحسن المرة الجاية ننهزم 1/صفر

[كوكي]

ردود على كوكي
Saudi Arabia [أبوقرجة] 09-11-2014 12:00 PM
ههههههههههههههههههههههههههههههه


#1102652 [جاد الرب]
4.75/5 (3 صوت)

09-11-2014 10:23 AM
نطالب السيد رئيس الاتحاد بالانسحاااااااااااااااااااااب وبلاااااااااش فضائح اكثر

[جاد الرب]

#1102651 [مازدا]
0.00/5 (0 صوت)

09-11-2014 10:22 AM
ياسلااااام ياخ كانت مباراة جميلة ....

[مازدا]

#1102648 [ود البلد]
0.00/5 (0 صوت)

09-11-2014 10:19 AM
بلد جعان وشعبو مفلس ،، كيف ما تتهزم المفلس حيعمل ليك شنو اذا اللعيبة ماشين الكنغو شيرنق ،، والمنتخب المكون دا هو نتاج الفرق التعبانة الطالعة من ابطال افريقيا والكنفدرالية، وين المراحل السنية ،، ياخي في السودان 300 نادي والنتخب مكون من 2 نادي ،،

[ود البلد]

#1102642 [Agig]
4.00/5 (1 صوت)

09-11-2014 10:17 AM
منتخب فطوره بوش و غداءه كسرا بام رقيقية وعشاءه بالفول بالط100 اكييييييييييد كانو نامين

[Agig]

#1102633 [كتاحة امريكا]
0.00/5 (0 صوت)

09-11-2014 10:10 AM
الستة في كورتنا


الله يرحم العهد القديم

[كتاحة امريكا]

ردود على كتاحة امريكا
Saudi Arabia [أبوقرجة] 09-11-2014 12:01 PM
تعال هنا والعهد القديم عمل شنو ... وكاس شنو الجابه ... حتقول ليه كاس سنة 70 أو 71 ... البطوله كانت في السودان .. وأي واحد البطوله في أرضه بشيلها كان زمان...


يا راجل والله الكوره من بدأت في السودان ما عندها شيء مشرف


#1102625 [elsaddig]
4.75/5 (3 صوت)

09-11-2014 10:04 AM
الغلب هيييييين خاذوق وبمرق مننا
الخوف تجيبو لينا معاكم ايبوووولا
تمرق مننا كييييييييييف يامازدا

[elsaddig]

#1102601 [مواطن غلبان]
4.75/5 (3 صوت)

09-11-2014 09:52 AM
يا مازدا ما بتخجل لا خيرة فى الجهاز الفنى بقيادة مازدا ولا خيرة فى كل اللاعبين ياخي استقيل وريحنا من متلازمة الخسارات.

[مواطن غلبان]

#1102588 [مارياضي]
1.00/5 (1 صوت)

09-11-2014 09:44 AM
الله اكبر الله اكبر..نحن اليوم قدمنا مباراة كبيـــــــــــــــــــــرة جدا لانه جماهير الكنغو العميلة لم تشجعنا وطيل فترة المبارة كانت تشجع الكنغو فقط شفت الظلم مر كيف

[مارياضي]

#1102525 [kaaaak]
0.00/5 (0 صوت)

09-11-2014 09:05 AM
يا جماعة انا في حاجات محتارة فيها ...مرسومة ذي القدر أصلوا لا بتفوت ولا بتموت

عمر البشير ، وماذدا و احمد الطيب البلال و حسين خوجلي و غندور .. كا صحوا واحد ميت سنة 80 و سألته ح يقول ليك هسي بيعملوا في شنو.. اعوز بالله

[kaaaak]

#1102491 [مدني الحبيبة]
4.50/5 (2 صوت)

09-11-2014 08:35 AM
والله ياجماعة الخير انا ماذدا دا ، بفقع مرارتي اكثر من ربيع عبدالعاطي ، امين حسن عمر ، الطيب مصطفي ، علي مهدي والهندي عزالدين ، الناس البفقعوا المرارة ديل نضعهم تحت اي تصنيف ؟؟؟؟

[مدني الحبيبة]

ردود على مدني الحبيبة
Sudan [الراجل] 09-11-2014 11:28 AM
نسيت حسين خوجلى وراشد عبد الرحيم وجمال فرفور
الناس الكتار جو الميدان ديل شنو هى كانت مبارة فى الركبى الامريكى ولا شنو؟


#1102365 [bakhit]
4.00/5 (1 صوت)

09-11-2014 01:29 AM
باكر بشا يمشي السعودية ويعالج الركبة ثاني اكيد بنغلب المانيا

[bakhit]

#1102359 [ahmed abbas]
4.00/5 (2 صوت)

09-11-2014 01:18 AM
قولو غلبنا يعني حنمشي وين

[ahmed abbas]

#1102341 [جعغر]
4.82/5 (6 صوت)

09-11-2014 12:49 AM
مبروك يا شيخ مازدا أهو الخطة نجحت ماشاء الله مائة فى المائة لعبت دفاع وعملتها هدفين فقط بدل ثلاثة .. ممتاز كل مرة بالطريقة دى تنقص تنقص تنقص الى أن نتعادل فى سنة 2025م وبعد داك عملت العليك .. والله يعطيك العافية وانشاء الله تترقى الى سواق كارو

[جعغر]

#1102323 [مازدا .. لله يا محسنين]
5.00/5 (2 صوت)

09-11-2014 12:28 AM
أناشد الجمهور الرياضي بتحويل ثلاثة جنيه في رسائل موبايل للاتحاد العام لدفع الشرط الجزائي لفسخ عقد مازدا .. بعد أن لم يستجب لطلب الجمهور بالاستقالة عقب ثلاثية جنوب افريقيا .. و عطا المنان صرح بأنهم مفلسين في الاتحاد و لا يستطيعون الفكاك من خازوق مازدا .. و التسوي بايدك يغلب أجاويدك

[مازدا .. لله يا محسنين]

ردود على مازدا .. لله يا محسنين
[عمده السودانى] 09-11-2014 07:17 AM
يا خى بلا ماذدا بلا منتخب بلا دوشه. ياخى جيبو جوارديولا او مورينهو و اتحداكم يجيب نتيجه. يا اخوانا كيف يستقيم الظل و العود اعوج........


#1102285 [ود الركابي]
0.00/5 (0 صوت)

09-10-2014 11:08 PM
والجديد شنو ..

[ود الركابي]

#1102283 [زعيم الزهاجة]
4.94/5 (6 صوت)

09-10-2014 11:03 PM
هدف مازدا التالت مشي وييين ؟؟

[زعيم الزهاجة]

ردود على زعيم الزهاجة
Sudan [مازدا الفاسدة] 09-11-2014 12:40 AM
طول بالك .. الثالث موفرنوا لمباراة الاياب بالخرطوم


#1102282 [المنتخب]
2.00/5 (1 صوت)

09-10-2014 11:02 PM
يا إخوانا ما تزعلوا ما عندنا قروش نجيب مدرب نحن في تحسن شديد المره الفاتت 0/3 المره دي 0/2
كان الله في العون ماذا طلعت زيتنا ياخي والعطالة ديل طلعوا روحنا ....

[المنتخب]

#1102240 [محمد عبد الرحمن]
4.94/5 (5 صوت)

09-10-2014 09:53 PM
الكورة شنو البلعبوها السودانيين؟ كدي وقفوا الحروب و الظلم و العفن الحاصل في البلد اولا ثم بعد ذلك فكرو في الكورة.

والله اني لاستغرب اشد الاستغراب في الناس البتدخل الاستادات تشاهد الكورة .... خلاص يعني اكلتو شبعتو و جيرانكم شبعو و لبستو و لبسو و تعلمتو و تعالجتو من الامراض و اديتو صلاتكم .... و كل شئ تمام التمام عشان تمشو تضيعو اموالكم في الاستادات

حاجه عجيبه

عريان ولابس سديري

[محمد عبد الرحمن]

#1102238 [من تل ابيب]
4.00/5 (3 صوت)

09-10-2014 09:46 PM
لو كنت مسئولا أوقف اللعيبة كلهم وابأ اعمل دورة المدرسية من كل ولايات السودان وأعطي بالمنتخب اللي يعرف من شأن السودان بدل البهدلة دي

[من تل ابيب]

ردود على من تل ابيب
China [مدثر علي الحاج] 09-11-2014 05:21 AM
نعم الراي


#1102237 [الكـــــاهلى]
1.00/5 (1 صوت)

09-10-2014 09:43 PM
الله المستعان

[الكـــــاهلى]

#1102231 [saifeldin]
4.00/5 (1 صوت)

09-10-2014 09:38 PM
القلب الحار والعزيمة والمسئولية والرجولة والتربية الوطنية فققدت في زمن الانقاذ تلتفت يمين تجد الخسة واالندالة واكل اموال الناس بالباطل ومخدرات ودعارة وغسيل اموال وارتفاع اسعار خرافي وسماسرة في كل شئ وحالفين اليمين كذب وبهتان تلتفت شمال تجد حروب في ثلاث جبهات حصد ارواح بطرق تصعب علي الكافر لاجئين من نساء اطفال رجال وبيع اعضاء بشرية مليشيات خاصة تابعة للانقاذ تقتل وتنهب بدون رقيب ولا عتيت دولة منهارة فلذلك اجد العذر وكل العذر للاتحاد العام والطاقم الفني بقيادة ماذدا والمثل بقول واذا كان رب البيت بدف ضارب فشيمة اهل البيت الرقص والطرب 0 اتمني ان ينسحب السودان منن هذه البطولة

[saifeldin]

#1102224 [حكم]
4.94/5 (5 صوت)

09-10-2014 09:28 PM
بالله الكنغوليين ما يقدروا يدونا تلاتة ؟؟
دا يعتبر انتصار كبير للفريق القومى السودانى

[حكم]

#1102218 [ahmed]
4.94/5 (5 صوت)

09-10-2014 09:18 PM
مبرك لمنتخب السودان علي هذا الانجاز قدروا ينهزموا اتنين بس تقدم ملفت لمدرب العظيم مازدا تلاتات

[ahmed]

#1102204 [saleh]
3.00/5 (1 صوت)

09-10-2014 08:47 PM
bye byr almontakhab mazda unvalaied

[saleh]

ردود على saleh
Saudi Arabia [مصلح] 09-11-2014 11:00 AM
دة انقليزي دة يا مرسي


#1102198 [كونن]
4.25/5 (3 صوت)

09-10-2014 08:37 PM
حمام ميت

[كونن]

ردود على كونن
Norway [Sam] 09-11-2014 07:13 AM
يا ابو الخلد صحي والله حمام ميت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة