الأخبار
أخبار إقليمية
غرفة مصنعي اللحوم: الأعلاف سبب في ارتفاع أسعار اللحوم
غرفة مصنعي اللحوم: الأعلاف سبب في ارتفاع أسعار اللحوم



09-11-2014 10:48 AM

البرلمان: سارة تاج السر
كشفت غرفة مصنعي اللحوم عن زيادة طرأت على الأسعار خلال(3) شهور الماضية، بنسبة 80% واللحوم المصنعة بنسبة 20%، إذ بلغ سعر الكيلو من المسلخ 84 جنيهاً، بينما وصل سعر السجق 70 جنيهاً بدلاً عن 60 جنيهاً.
من جانبه أقر رئيس غرفة الزراعة والإنتاج الحيواني خالد المقبول، خلال زيارة لجنة برلمانية مكلفة بالتقصي عن أسباب ارتفاع الأسعار برئاسة الهادي محمد علي، بوجود ندرة في الإنتاج الحيواني وحمل تصاعد أسعار الأعلاف مسؤولية ارتفاع أسعار اللحوم، وأعلن عن توفير خراف الأضاحي بأسعار العام الماضي للمؤسسات الحكومية بواقع ألف – ألف ومائتين، وتوقع المقبول زيادة صادر اللحوم منتصف الشهر الجاري ليصل الى 5 مليون رأس بدلاً عن 3 مليون مشيراً الى أن ذلك سيساهم في خفض أسعار اللحوم، وقال المقبول إن الغرفة وقعت عقودات مع بعض الجهات الحكومية لتوفير خراف الأضاحي للعاملين بالدولة في حدود أسعار العام الماضي، ودعا المقبول الدولة لإصدار توجيهات وقرارات تشجيعية لتقليل الرسوم والجبايات المفروضة من قبل المحليات والولايات وتنظيم سوق المواشي لضبط الأسعار.
من جانبه كشف مدير مصنع لحوم أبو رجيلة للحوم، عماد أبو رجيلة عن زيادة طرأت على أسعار اللحوم خلال الأشهر الثلاثة الماضية بنسبة 80% واللحوم المصنعة بنسبة 20%، إذ بلغ سعر الكيلو من المسلخ 84 جنيهاً بنسبة 80%، وبلغ سعر كليو السجق 70 بدلاً عن 60 جنيهاً.
الجريدة


تعليقات 6 | إهداء 0 | زيارات 1824

التعليقات
#1103177 [ابومحاهد]
0.00/5 (0 صوت)

09-11-2014 08:28 PM
في غرفتك المكندشة دي ( إسبليت )عايز تقنعنا ياود المقبول إنو السبب هو الأعلاف ؟ بالله عليك انت عارف الفدان حق الأعلاف تكلفته كم ؟ وبيتباع بي كم ؟؟ طيب هاك التكلفة ليك ولي كل ناس الغرفة المعاك :
قبل زيادة الجازولين وزيادة الجمارك وخلي بالك من زيادة الجمارك دي كويس لأتها هي أس البلاء كانت الأسعار كما يلي :
* حراتة الفدان قبل الزيادة 80 جنيه اليوم 150 جنيه .
* القصابية ,, ,, 50 ,, ,, 100 ,, .
* الطراد والتقطيع ,, ,, 50 ,, ,, 100 ,, .
* جوال التيراب أبوسبعين ,, ,, 150 ,, ,, 485 ,, .
* جوال السماد ,, ,, 125 ,, ,, 245 ,, .
* نجي لآهم شئ وهو الكهرباء وهي المحرك الرئيسي للزراعة , هل تعلم ياود المقبول يا رئيس غرفة شنو ما عارف إنو لمن قدمنا لتوصيل الكهرباء شركة الكهرباء أجبرتنا نشتري المحول آي والله المحول اللي هو ( الأمية حقت الكهرباء ) نشتريها نحن المزارعين ونسلمها لشركة الكهرباء عشان تزودنا بالكهرباء بالله عليك في العالم كله في بلد زراعي بعامل المزارعين بالصورة دي ؟؟ مش حاجة( تفرتق المخ )وتجي انت تفتي لي إنو الأعلاف هي السبب وتقول لي نهضة زراعية ونفرة زراعية كلمات كده ما عارف العالم دي بتجيبها من وين ؟؟ أقرأ الروشته المكتوبة أعلاه وناقشها مع ناس غرفتك وشوفوا مين السبب في كل الحاصل للزراعة من تدهور مريع وتقولوا لي سلة غذا العالم ياخي غذونا نحن أول حاجة بعدين شوفوا العالم , وسلملي على (النهضة الزراعية وجارتها النفرة) ولك الله ياوطن ولك الله يازراعة .

[ابومحاهد]

#1103107 [hassan]
0.00/5 (0 صوت)

09-11-2014 06:11 PM
سبب غلاء اللحوم هو ارتفاع اسعار الاعلاف

طيب وين غرفة الاعلاف عشان تورينا سبب غلاء الاعلاف

والمطرة نزلت والعشب قام بالمجان

\ل\ك لصوص دجالين كذابين

لكن قربتو خلاص وهانت

[hassan]

ردود على hassan
[ابوجاكومة القرفان من الحكومة] 09-11-2014 08:03 PM
ياحسن أشاركك التعليق لو سمحت.
في غرفتك المكندشة دي ( إسبليت )عايز تقنعنا إنو السبب هو الأعلاف ؟ بالله عليك انت عارف الفدان حق الأعلاف تكلفته كم ؟ وبيتباع بي كم ؟؟ طيب هاك التكلفة ليك ولي كل ناس الغرفة المعاك :
قبل زيادة الجازولين وزيادة الجمارك وخلي بالك من زيادة الجمارك دي كويس لأتها هي أس البلاء كانت الأسعار كما يلي :
* حراتة الفدان قبل الزيادة 80 جنيه اليوم 150 جنيه .
* القصابية ,, ,, 50 ,, ,, 100 ,, .
* الطراد والتقطيع ,, ,, 50 ,, ,, 100 ,, .
* جوال التيراب أبوسبعين ,, ,, 150 ,, ,, 485 ,, .
* جوال السماد ,, ,, 125 ,, ,, 245 ,, .
* نجي لآهم شئ وهو الكهرباء وهي المحرك الرئيسي للزراعة , هل تعلم ياود المقبول يا رئيس غرفة شنو ما عارف إنو لمن قدمنا لتوصيل الكهرباء شركة الكهرباء أجبرتنا نشتري المحول آي والله المحول اللي هو ( الأمية حقت الكهرباء ) نشتريها نحن المزارعين ونسلمها لشركة الكهرباء عشان تزودنا بالكهرباء بالله عليك في العالم كله في بلد زراعي بعامل المزارعين بالصورة دي ؟؟ مش حاجة( تفرتق المخ )وتجي انت تفتي لي إنو الأعلاف هي السبب وتقول لي نهضة زراعية ونفرة زراعية كلمات كده ما عارف العالم دي بتجيبها من وين ؟؟ أقرأ الروشته المكتوبة أعلاه وناقشها مع ناس غرفتك وشوفوا مين السبب في كل الحاصل للزراعة من تدهور مريع وتقولوا لي سلة غذا العالم ياخي غذونا نحن أول حاجة بعدين شوفوا العالم , وسلملي على (النهضة الزراعية وجارتها النفرة) ولك الله ياوطن ولك الله يازراعة .


#1103014 [zorba]
0.00/5 (0 صوت)

09-11-2014 03:52 PM
البلد كلها بقت شقق مفروشة واتوزعت غرف:
غرفة الزيوت
غرفة مصنعي اللحوم

و نكمل برنامج الطهي لطبق اليوم:
غرفة البصل
غرفة البهارات
غرفة الغاز

والباقي غرف النوم .... والدخول لأفراد العصابة فقط.

[zorba]

#1103002 [zorba]
0.00/5 (0 صوت)

09-11-2014 03:43 PM
"مصنع لحوم أبو رجيلة للحوم" ..... مصنع لحوم للحوم؟؟؟ غريبة دي! إنجليزي يا مرسي؟

أبو رجيلة زمن الكيزان بقي يمشي بالعلف .... حليل أيام بص أبو رجيلة لما كان بيمشي بالديزل.

[zorba]

#1102879 [كيمو]
5.00/5 (1 صوت)

09-11-2014 01:45 PM
زيادة الصادر تسهم فى خفض اسعار اللحوم.... دى انا ماهضمتها كيف يعنى؟؟؟؟؟؟؟؟

[كيمو]

#1102741 [زهجاااااااااااان]
0.00/5 (0 صوت)

09-11-2014 11:28 AM
دي حركات عشان يبرروا بيها الارتفاع الذي سيكون على أسعار الخراف هذه السنة ...وعلى كده كله سنة بيطلعو بيان مثل هذا .

[زهجاااااااااااان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة