الأخبار
أخبار إقليمية
القبض على محتالين يبيعون أراضي حكومية بالعاصمة
القبض على محتالين يبيعون أراضي حكومية بالعاصمة



09-11-2014 10:44 AM

الخرطوم: عبد الرحمن صالح
كشف جهاز حماية الأراضي الحكومية عن إنشاء نيابة ومحكمة خاصة لمن وصفهم بالسماسرة والمحتالين الذين يبيعون الأراضي الحكومية للمواطنين بالاتفاق مع محامين يعملون معهم، ووصفهم بالعصابات المتحركة، وأضاف أنه تم القبض على مجموعة منهم وسوف يقدمون إلى هذه المحكمة، وزاد قائلاً: «سوف توقع عليهم عقوبات رادعة أكبر مما يتصوره الناس». كاشفاً عن تدوين «3000» مخالفة أراضي أسبوعياً بالخرطوم، وأوضح المدير العام للجهاز الفريق أحمد إمام التهامي في مؤتمر صحفي أمس، أن المجتمع السوداني واقع في قبضة سماسرة ومحتالين يبيعون الأراضي ويتسلمون مليارات الجنيهات بطريقة غير مقننة.


الانتباهة


تعليقات 22 | إهداء 0 | زيارات 5171

التعليقات
#1103456 [االطفشان من الكيزان]
0.00/5 (0 صوت)

09-12-2014 10:39 AM
انا أحد الضحايه قالوا توجد خطة سكنيه للعاملين بشركات البترول ودفعونا مبلغ ثمانيه ملايييين بالقديم منذ حمسة سنوات ولم نستلم ارض حتى الآن .... الرجاء من لديه معلومة كاملة عن هذا الموضوع يفيدنا.

[االطفشان من الكيزان]

#1103361 [أبو زهانه.]
0.00/5 (0 صوت)

09-12-2014 02:59 AM
محتالين خمسه نجوم ولا،،، كشامشا؟

[أبو زهانه.]

#1103212 [آمال]
0.00/5 (0 صوت)

09-11-2014 09:34 PM
مفروض يتشددوا في العقوبة ﻷن المحتالين كتروا و كترت بلاويهم

[آمال]

#1103110 [AburishA]
5.00/5 (1 صوت)

09-11-2014 06:20 PM
"جهاز حماية الأراضي الحكومية" ده مش جهاز حكومي!! صدقوني حاميها حراميها...

(أن المجتمع السوداني واقع في قبضة سماسرة ومحتالين يبيعون الأراضي ويتسلمون مليارات الجنيهات بطريقة غير مقننة.)

** اكمل الناقص.. وعلى رأسهم؟..............

[AburishA]

#1103062 [karlos]
5.00/5 (2 صوت)

09-11-2014 05:04 PM
محتالين????????????? الحكومة كلها محتالين عينى عينك

[karlos]

#1103030 [ابومرام]
5.00/5 (1 صوت)

09-11-2014 04:18 PM
ليه مايتحللوا زي جماعة الخضر؟؟؟؟ ام ان قانون التحلل خاص بالكيزان وزويهم والمقريبن منهم؟؟؟؟؟؟؟؟ افتونا يااهل مكة

[ابومرام]

#1103027 [سوداني كردفاني]
5.00/5 (2 صوت)

09-11-2014 04:15 PM
سرقوا اراضي المواطنين والحكومة ودالك بمعرفة ناس الاراضي داات نفسهم وهم اكبر حراامية ويشهد حي البحر بالشجرة

[سوداني كردفاني]

#1102995 [zorba]
5.00/5 (2 صوت)

09-11-2014 03:34 PM
إقتباس "أن المجتمع السوداني واقع في قبضة سماسرة ومحتالين يبيعون الأراضي ويتسلمون مليارات الجنيهات بطريقة غير مقننة"

تصحيح:

"أن المجتمع السوداني واقع في قبضة "عصابة" سماسرة ومحتالين وتجار دين يبيعون الأراضي والذمم ويتسلمون مليارات الجنيهات بطريقة غير مقننة"

[zorba]

#1102953 [المتغرب الأبدي]
5.00/5 (1 صوت)

09-11-2014 02:57 PM
والي الغفلة من ضمنهم ؟؟؟

[المتغرب الأبدي]

#1102946 [ودالعمدة]
5.00/5 (2 صوت)

09-11-2014 02:47 PM
من تجربتي الشخصية ان كل مثتثمر اشتري ارض من الحكومة اخد بمبة كبيرة لان الاراضي اللتي تبيعها الحكومة للمثتثمرين الاجانب هي اراضي للاهالي وارثنها اب عن جد ولن يتركوها لاي كان خليك من اجانب وبموتو فيها موت وكل من اشتري في ارضهم كسرو ودشدو بالعكاكيز ومرق جري ....لقد رائيت بام عيني احد اساطين الامن استولي علي ارض احد المواطنين واتي بقوة من الشرطة المجندين باسلحتهم لحراسة مزرعته العربي سيد الارض الاصلي قاله لو زرعتها الا تقوم فوق راسي ده, الامنجي حفر بئر وطلع المويه وزرع الارض علف ونخيل واشجار مثمرة ولم يسورها معتمد علي مجندي الامن لحراستها بالليل والنهار عامل اوضة يناموا بها العساكر باسلحتهم في ليلة ظلماء هطلت مطره الله لا يوريكم هرب العساكر لغرفتهم للاحتما من المطر ,,ادخل العربي جمال وحمير الحله كلهم في مزرعة الضابط خلنها ليهو صحراء جرداء وجر موتور المياه خارج المزرعة وطمره بالتراب وصب كيس اسمنت في البئر عندما اصبح الصباح لم يجد العساكر لا شجر ولا بئر ماء ولا قشه في المزرعة ورائيت كثير من الاجانب الخليجين بعد ان باع لهم لصوص الحكومة اراضي المواطنين عالقين معهم في اراضيهم لا طايلين ابيض ولا اسود ,,,نصيحتي لكل المغتربين عدم شراء اراضي استثمارية من الحكومة لانها كلها الغام ستنفجر في وجوههم ,ووكلاء المستثمرين الخليجين بالسودان خافوا الله ولا تورطوا الاجانب في اراضي المواطنين الابرياء بسلطة وجبروت الحكومة لسرقة اراضي الاهالي من اجل سمعة السودان وحقن دماء اهلكم

[ودالعمدة]

#1102913 [سنوات الضياع]
5.00/5 (1 صوت)

09-11-2014 02:15 PM
واخبار عصام عبدالقادر الزين شنو ؟؟

[سنوات الضياع]

#1102910 [ابوجاكومة القرفان من الحكومة]
5.00/5 (1 صوت)

09-11-2014 02:13 PM
قال ( أن المجتمع السوداني واقع في قبضة سماسرة ومحتالين يبيعون الأراضي ويتسلمون
مليارات الجنيهات بطريقة غير مقننة )
كلام حلوووووووو شديد ( بس ياأحمد باإمام ياود التهامي ) إتق الله وخاف الله في الأمانة الدرعوها ليك في رقبتك الجماعة ديل = الـ 17 مليار حقت مكتب الوالي دي نحنا برضوا بندرعا ليك في رقبتك وما عافين حقنا فيها كان انت او عمر البشير إلا ترجعوها لينا كاملة غير منقوصة وتتم محاكمة من سرقها علنيييييييييييييييييييييييي أمام الملآ يلا كده أثبت لينا حفظك للآمانة ورجع قروش المساكين ديل , ياناس ما بتخافو الله ؟؟ حسين خوجلي يشحد في القناة بتاعتو في مكنات غسيل الكلى والمكنة سعرها مايتعدى تقريبا 300 الف دولار حسب ماقرينا في الصحف يعني الـ 17 مليار كدي يا ود التهامي شوفها بتجيب ليها كم مكنة غسيل للكلى ؟؟ بتجيب ليها كم حقنة دم خاصة بعد الغسيل دا غير ناس السكري والضغط وناس عمليات القلب بمختلف انواعها ,, ياخي ياود التهامي نتكلم في شنو ونخلي شنو وانت جاي تتكلم عن نيابة خاصة ومحكمة خاصة بالسماسرة ؟؟؟؟ أبدأ لينا بي سماسرة مكتب الوالي وصاحبنا التاني الفي مكتب النائب العام اللي كان مدير الأراضي وبعدين تعال كلمنا عن السماسرة .

[ابوجاكومة القرفان من الحكومة]

#1102763 [شكري عبد الله]
4.94/5 (5 صوت)

09-11-2014 11:45 AM
أخبار الوالي وموظفي مكتب الوالي شنو التماسيح الجد

[شكري عبد الله]

#1102740 [ود الحاجة]
4.50/5 (2 صوت)

09-11-2014 11:28 AM
طيب يا جماعة , لماذا لا تقوم الجهات المختصة بنشر نشرات دورية في الصحف و بتعليقها في الادارات الخاصة بالاراضي تبين الاراضي الحكومية حتى لا يقع المواطن المسكين في هذه الافخاخ

[ود الحاجة]

#1102730 [أبوقرجة]
4.88/5 (4 صوت)

09-11-2014 11:22 AM
اقتباس
(كشف جهاز حماية الأراضي الحكومية عن إنشاء نيابة ومحكمة خاصة لمن وصفهم بالسماسرة والمحتالين الذين يبيعون الأراضي الحكومية)

طيب وين الجهاز دا كان لما الوالي بتاع الخرطوم وعصابته الميامين ... سرقوا الأراضي الجهاز دا ما بتحرك ليهم ليه ..... خلاص ابدوا العمل باثر رجعي ..

[أبوقرجة]

#1102723 [أمة الامجاد]
4.97/5 (6 صوت)

09-11-2014 11:19 AM
ههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههه

موته من الضحك
غساسنه والاجر على الله

[أمة الامجاد]

#1102705 [sudan]
4.99/5 (7 صوت)

09-11-2014 11:06 AM
وغسان بتاع الوالى كان شنو . السرقه تبدا منكم وانتم من تشجعونها يا فجره

[sudan]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة