الأخبار
أخبار إقليمية
مجموعة من المغتربين يبيعون موبايلاتهم ومقتنيات زوجاتهم من أجل لقمة العيش بسواكن
مجموعة من المغتربين يبيعون موبايلاتهم ومقتنيات زوجاتهم من أجل لقمة العيش بسواكن
مجموعة من المغتربين يبيعون موبايلاتهم ومقتنيات زوجاتهم من أجل لقمة العيش بسواكن
معاناة الانتظار في جدة


اغلق هاتفه امام برنامج "المحطة الوسطى"..سوار: لست مسئولاً
09-11-2014 07:25 PM
فيصل

كشف برنامج المحطة الوسطى الذي بثته فضائية (الشروق) الاربعاء عن تفاقم اوضاع المغتربين العالقين بميناء سواكن منذ الجمعة الماضية إذ يعشيون معاناة كبيرة دفعت بعضهم الى بيع (الموبايلات) و(دهب) الزوجات من اجل لقمة العيش فيما انتهت اقامة بعضهم بينما تبرأ حاج ماجد سوار الامين العام العام لجهاز المغتربين - خلال اتصال هاتفي مع البرنامج- من المسؤولية واتهم البرنامج بتضخيم القضية وقال إن المسؤولية يتحملها الجميع.
وامام الحاح مقدم البرنامح طلال مدثر حول مسؤولية جهاز المغتربين تجاه ازمة هؤلاء المغتربين اغلق سوارهاتفه بحسب مدثر.
وكشف مراسل "السوداني" عبد القادر باكاش معاناة هؤلا العالقين في العودة الى اماكن عملهم في السعودية بعد انتهاء اجازتهم، ونتجت الازمة بسبب تزامن اجازة المغتربين مع موسم الحج وتعطل باخرة .وفي الاثناء تتجه الهيئة العامة للحج والعمرة لإيجار باخرة جديدة لحل مشكلة المغتربين العالقين بسواكن،ويقدر عددهم بحوالي 1000مغترب.
الجدير بالذكر ،ان تعطل البواخر تسبب ايضا في تكدس سودانيين مغتربين ومعتمرين في ميناء جدة في اواخر رمضان الماضي ولنحو 20 يوما ،وسط غياب للقنصلية في جدة، وسوق سوداء للتذاكر.


تعليقات 33 | إهداء 0 | زيارات 12991

التعليقات
#1104119 [عادل خوجلى]
0.00/5 (0 صوت)

09-13-2014 10:59 AM
مسكين المغترب الفلوس التى صرفت فى الموتمر السادس للمغتربين بدون اى فائدة كان ممكن تحل الاف المشاكل الخاصة بالمغتربين

[عادل خوجلى]

#1103879 [nagatabuzaid]
4.00/5 (1 صوت)

09-12-2014 11:09 PM
ايها السوار من هروبك من ليبيا ووهطوك فى جهاز المغتربين وانت تهضرب زى الراميك جمل من خلعة ليبيا كل يوم قادى اضنينا ومطير نافوخنا بتصريحاتك السجمانة و مقترحاتك الهبابية التى كما قال المعلق الكريم هدفها جيوب المغتربين واضيف اليها الطافحين الدم غربة وشجن ما خليت فكرة او خطرفة ما طرحتها لمن فتشنا للطريقة التخرسك وتبكمك الليلة جايى تتنصل من مسؤليتك تجاه المغتربين العالقين وكمان تغلق تلفونك يغلق فى وجهك ابواب رحمته سبحانه وتعالى ديل ما ياهم المغتربين النحت مخيخك لابتكار اساليب تمص بها دمهم مصت دمك بعوضة ملاريا تخليك تهضرب نايم وصاحى خليك بنى ادم سافر الى سواكن وتفقد احوال مغتربين انت رئيس جهاز مهمته خدمتهم وما حتخسر حاجة اهو على الاقل تنزل فى فندق خمس نجوم ونثريات قدر الهجمة لزوم الزيارة التفقدية وما تخاف من اسرائيل انت مش مهم بالنسبة لها ولن تخسر فيك قيمة صاروخ بس اعمل حسابك ما تزور البوارج الايرانية المتبخترة على سواحلنا حيجيك صاروخ من حيث لاتعلم ولا نعلم وحسبنا الله ونعم الوكيل فيك ايها السفير الهارب محل ما تقبل فاشل المخلوق ده فبل ما يعملوه سفير كان شنو؟

[nagatabuzaid]

#1103858 [الليل]
3.00/5 (1 صوت)

09-12-2014 10:11 PM
والله العظيم لو هناك مساءلة او حتي ضمير من المفترض يعمل الوزير المعني مؤتمر صحفي يبين فيه هذا الموقف الغير ادمي.
الناس ديل ما بسمعوا بمسؤلي العالم بيتصرفوا كيف مع رعيتهم.خليك من الاخلاق الاسلامية.

[الليل]

#1103842 [زول ساكت]
4.00/5 (1 صوت)

09-12-2014 09:48 PM
ردا على mat too

بدون انفعال،ومن حقك ان تدافع عن سوار ولكن هذه الاخطاء لايمكن انكارها:

- التنصل عن المسؤولية فهؤلاء العالقين يدفعون ضريبة وزكاة ورسوم خدمات لجهاز المغتربين ومن واجبه ان ينهض لحل مشكلتهم.
- اغلاق الهاتف امام مقدم البرنامج المحترم الاستاذ طلال مدثر سلوك غير محترم.
الاجابة عن سؤالك يعمل ليهم شنو:

- هو وظيفته خادم لهؤلاء الناس وكان اولا ان يعترف بوجود مشكلة ، واذا كان سببها السياسات الفاشلة فهو جزء منها ، وعلى الاقل ان يذهب بنفسه مثلما عمل السعيد عثمان محجوب بالسفر الى الاردن ابان حرب الخليج لاجلاء السودانيين.
- ان يعمل على سفر هؤلاء المغتربين باي طريقة خاصة من انتهت اقامتهم ولديهم اطفال في المدارس،ولا نعتقد ان الجهاز يعاني شحا في الميزانية.
- ما نقترحه،ان يتم تجنيب مبلغ كل عام نسميه ( مال الطوارئ) لمواجهة هذه الحالة خاصة عند الاجازات ، واذا فشل ان يخصص دولا واحد من كل مغترب لهذا الصندوق ويخصص لحالات الطوارئ، لانه يمكن يتم تسفيرهم جوا.
.....
اين هي المبادئ حينما انتقل سوار من (الشعبي) الى (الوطني) ام هي المصالح و(الكشكشة).

[زول ساكت]

#1103784 [دردوق]
4.97/5 (9 صوت)

09-12-2014 08:00 PM
مشكله فجاييه ? انت يا زول جادي !!!!!!!!

مشكله بتتكرر كل عام ! تكدس للحجاج في خلا سواكن و مافي فنادق

علي وزن فنادق !!! و الموجود كلو مليان جقور !!!!! عليك امان الله

الجقر قدر الزول !!!!!!!!!!!!!! انا كلامي كلو عن الحجاااااج

ياخ يعملو ليهم مدينه لحجاج في الخلا دا . لو ساكت الباخره ساكت ما

جات . يلقو ليهم بئه نضيفه يقعدو فيها مش شايلين ملايين من الحاج!!
ولا بس بعرفو يعملو مدينه للهدي !!!!!!!!!!!!

ميناء سواكن راسمالو نص جالون بنزين وعود كبريت و تولع في ال

4 جملونات و في الكيزان الشغالين فيهو ! تتف

الكلام دا ليك يا maa too

[دردوق]

#1103780 [خطاب]
4.00/5 (3 صوت)

09-12-2014 07:56 PM
والله الحكومة دي تقعد معاها ما تخليك وتهاجر ما تخليك. على الاقل الوزير يمشي يترمد معاهم في سواكن لحدي ما يسافرو ودا شغلو البياخد عليهو راتب . ولكن عندما ينعدم الضمير وينسى كل واحد حساب الآخرة ومراعاة الدين والوطن يكون النهاية هلاك الامه..اللهم نعوذ بك من شرورهم ونجعلك في نحورهم

[خطاب]

#1103764 [عباس إبراهيم عباس]
0.00/5 (0 صوت)

09-12-2014 07:12 PM
لقد قال نميري لو انا كنت عارف الشعب السوداني ده **** كده كنت حكمته وانا في الثانوي . لانه الناس ديل قدر ما اهينهم واحتقرهم بيجوني جارين ويتكبكبوا

[عباس إبراهيم عباس]

#1103729 [wadabdalla]
4.50/5 (2 صوت)

09-12-2014 06:20 PM
التهرب من السئولية أصبحت سمة ظاهرة في السودان..ودا بيعني غياب الدولة ..ومؤسساتها... بس انا المحيرني هم راجعين لشنو ..اذا عاوزين اهلكم وفروا قروش التذاكر وتكاليف السفر واعملوا بيها فيز زيارات لاهلكم

[wadabdalla]

#1103683 [زول ساكت]
4.75/5 (3 صوت)

09-12-2014 05:02 PM
زول كان سمسار في السوق عندما ضاق بيهو الحال تفتكروا لمن يرطب ويركب السيارة الفارهة بدرجة وزير ممكن يسال في مثل هؤلاء؟

[زول ساكت]

#1103672 [عماد الغبشاوي]
4.25/5 (3 صوت)

09-12-2014 04:45 PM
بلد تافهة والقائمين علي امرها فاقد تربوي

[عماد الغبشاوي]

#1103616 [Mat too]
4.25/5 (3 صوت)

09-12-2014 03:17 PM
حاج ماجد سوار حيعمل ليهم شنو العيب في الخطوط البحرية السودانيه وهي ضحية سياسات الدولة الفاشلة لو كان حاج ماجد كما وصفه بعض الهبل حرامي زي علي كرتي ما كان احتاج ولم يوصف بالحوجه ياجهله أنا لست إسلامي ولاكوز ولكني احترم الرجال أصحاب المواقف النظيفة هذه المشكلة التي تحدث في سواكن مشكله فجاييه الآن تحتاج الي حل موقت وسريع علي ان تحل مستقبلا حل نهائي وحاج ماجد قادر علي ذلك

[Mat too]

ردود على Mat too
[شئ من حتي] 09-13-2014 05:27 AM
انت اسلامي وكوز
الحمد الله التي اصبحت سبه وعار

Saudi Arabia [منعول ابو الكيزان] 09-12-2014 04:42 PM
حاج ماجد سوار حيعمل ليهم ---!!!
والله انك جاهل كان ما انت خاج ماجن نفسك..
يسوي ليهم شنو!!!
هو وزير مسئول عن المغتربين ولا كمساري قطر؟؟


#1103607 [الرمدان كر]
4.94/5 (5 صوت)

09-12-2014 02:59 PM
الحمدلله عرفنا الرجل كذان من

قبل ان يتورط المغتربيين في تحويل او اي استثمار في السودان

كدااااااااااااااااااااااااا الكلام كمل

[الرمدان كر]

#1103567 [الحلومر]
4.99/5 (9 صوت)

09-12-2014 01:52 PM
احسنوا العمل لله يابني وطني فيكفيكم عذاب الحكومة في الدنيا ونسال الله يجزيكم خير الجزاء في الآخرة
ان يزيل الظلم والظلامات التي خيمت علي البلد 25 عام وان لم تعملوا علي رفع الظلم الواقع عليكم بأيديكم فسوف يستمر هذا الظلم الي نهاية الكون...ولا تظنوا ان الحكومة سوف ترأف بكم وان لم تطالبوا بحقوقكم من منطلق القوة فلن تسترد حقوقكم وانتم في موقف الضعف والهوان

[الحلومر]

#1103547 [د الزهجان]
4.97/5 (8 صوت)

09-12-2014 01:07 PM
الزول ده كهربتو كملت بس

الناس عالقة 25 سنة ايه يعني اسبوع او شهر

واي مغترب يمشي السودان يتحمل تبعات تهورو ... والعفش داخل البص على مسئوليه صاحبه


ونحنا سلفا قطعنا العشم في هذه الشرزمه ان تاتي بخير .... او تصمت .. فدائما


ما يرمون باللوم علي الغير وكل يتنصل من واجبه h

[د الزهجان]

#1103539 [زول ساكت]
4.85/5 (6 صوت)

09-12-2014 12:54 PM
سوار لا يزال يافعا على التوزير ،تحكمه عقلية اتحاد الطلاب ، جاء للمنصب بعد ان هجر شيخه الترابي وغادر الشعبي من اجل المصلحة وبعد تردي وضعه المعيشي، دخل الخارجية وفشل وتم سحبه من منصب السفير بليبيا بعد تصريحات بان ما جرى في مصر انقلاب ، واختلف مع وزير الخارجية علي كرتي ، الذي اذله وتجاهله وعاد حسيرا ويشتكي لطوب الارض حتى ان الخارجيه تجاهلته فتم تعيينه في جهاز المغتربين ، شاهدت الحلقة ، فقد كان ضعيفا ومترددا ومتعجرفا في رده واغلق هاتفقه بطريقة تنم عن عزم احترام

[زول ساكت]

#1103520 [ادب الخصام]
4.85/5 (6 صوت)

09-12-2014 12:25 PM
الله يكون في عونكم طبا الواحد بخت يومين تلاته احتياطي بس اكيد ماحيكون اكير من اسبوع الله يكون في العون-علشان كده الواحد يجدد الاقامة وينزل اجازتو

[ادب الخصام]

#1103518 [د.متوكل حمزة]
4.85/5 (6 صوت)

09-12-2014 12:24 PM
يا جماعة من يهن يسهل الهوان عليه .. الناس شافوا الشعب ممكن يعيش مهان فبقى مافى مسئول بخاف من حساب ولا مسئولية . والله انا بقرأ فى الخبر و على سفر بالعربية الى السودان و الخبر يخلى قلب الواحد يغلى ... نحن شعب زليل و مهان و ناس ما عندها اى رجولة و بقينا فضيحة بين الدول القامت بالربيع العربى و الثورات و ظهر ما كان نخيفة فى بطوننا من خوف ... و الله صحيح الرجال ماتو فى ..... مع انى لا اتفق مع هذه المفولة ..
بس انا نفس اقابل حاج زفت سوار دا ... المهم خليت السفر هسى و ما جيي لا بالعربية و لا طيارة عشان ما نشوف الناس الحلوين من ناس الحكومة و الوزارء ....
يا جماعة انا ممغوص خلونى اسبهم بس الكلام ما ممكن ينكتب عشان عيونكم انتو لكن افهموه معاى السب عبارة عن النقط الاتيه ......................... يلا كل واحد يفكر انا قلت شنو

[د.متوكل حمزة]

#1103502 [khalielco]
4.94/5 (5 صوت)

09-12-2014 11:59 AM
اغلق هاتفه ،، !!

[khalielco]

#1103348 [الكليس]
4.94/5 (8 صوت)

09-12-2014 02:34 AM
كويس انو كان ده اختبار ليهو انتو بركه المادقستو واديتو قروشكم في بنك المغتربين والله يقفل جوالو ولا يسافر بره السودان قال سوار قال ههههههه . ده حالتو اختبار خفيف

[الكليس]

#1103305 [منصور محمد احمد]
5.00/5 (10 صوت)

09-12-2014 12:24 AM
سوار باع نفسه للشيطان. فمثله لا رجاء فيه و كمان كوز ! عمركم شفتو كوز راجل.

[منصور محمد احمد]

#1103256 [صلاح إبراهيم]
5.00/5 (16 صوت)

09-11-2014 10:38 PM
حاج ماجد سوار معروف أنه قليل أدب وغير محترم، كما هم جماعة الكيزان اخوان الشيطان.

[صلاح إبراهيم]

ردود على صلاح إبراهيم
Saudi Arabia [ود الناس الزمان] 09-12-2014 01:33 AM
حاج ماجد دا مش قليل ادب بس هو قلة الادب نفسها اسأل اي واحد عاصره ايام الجامعة دا قل ادبه على عميد كلية القانون جامعة الخرطوم وبسببه ضاع من عمرنا عام دراسي لان الكيزان قفلوا الجامعة من اجل خاطر عيون حاج ماجد طبعاً حدث ذلك في عهد الصادق المهدي الذي كان يحكم بالكلام فقط ... نحن نأخذ حقنا يوم الحق والمغتربين معانا كمان... الله يولي من يصلح ومن يكون صدره واسع يسمع انة المظلوم


#1103206 [مجنون]
4.50/5 (24 صوت)

09-11-2014 09:23 PM
وضع سيء جدا انا كنت احد العالقين هناك استغلال ناس سواكن للظروف غلاء السكن والاكل كاننا ما سودانين ولا بنى جلدتهم الا مشينا قعدنا في بورسودان وان كان غاليه احسن نوعا ما وماعافين ليكم يا القائمين على امرنا المعناة العانيناها والله خصيمنا يوم القيامه والله لابارك فيكم ولا فى اولادكم معناة فى كل حتة لو غلبتكم البلد خلوها الله يلعنكم وياعن الجابكم للحكم وتانى ماجين السودان الا تغوروا فى داهية تاخدكم

[مجنون]

#1103193 [جلدو]
5.00/5 (19 صوت)

09-11-2014 08:49 PM
الله يكون في عونكم يا سودانين معاناة جوة وبرة

[جلدو]

#1103189 [محمد الامين عبد الله العبيد]
4.86/5 (8 صوت)

09-11-2014 08:45 PM
تحت الغمام شايف مواكب الهجرة اتلاشت سراع الهجرة من السودان نوعان هجرة من اجل لقمة العيش (هجرة الاحرار)وهجرة من اجل الاستثمار (هجرة الكيزان) مئات الوزراء والاف المستشارين وعشرات اللجان وماقادرين يقرأوا الواقع سيبك من المستقبل البلد كلها هجت بره اعداد المغتربين في السعودية اتضاعف اضعاف ومافي مستثمر سوداني فكر ان يعمل ناقل بحري واخوانه المصريين ما عارفين ان العدد تضاعف اكان بسرعة تزلوا بواخر اضافية ختى يستثمروا فينا باقل التكاليف

[محمد الامين عبد الله العبيد]

#1103181 [دردوق]
5.00/5 (22 صوت)

09-11-2014 08:32 PM
قفل تلفونو !! يعني عمل شتات !! انا مني من الحجاج يحرقو ليهم

مينا سواكن !! و يجو راجعين !!!!! بنعتبرها ليهم حجه و مبروره

كمان .

[دردوق]

#1103175 [AburishA]
5.00/5 (26 صوت)

09-11-2014 08:24 PM
نسأل الله لكم الفرج.. انتو غلطانين ال خلاكم تجوا تقضوا اجازتكم في السودان شنو!!
جيتوا للنكد في محلو,,,

[AburishA]

ردود على AburishA
Netherlands [دردوق] 09-11-2014 10:14 PM
'







تقاطع مصالح ههه المغتربين جو عيدو في السودان 'و الحجاج ماشين

وهي فد بخيره ' تشيل منو وتخلي منو !!!!!! المغتربين يرجعو شغلم

والحجاج يحرقو ميناء سواكن و يجو راجعين ' و يا دار ما

دخلك شر !!!

و حاسبنها ليهم حجه و مبروره كمان


#1103154 [وضح.. أبن... أفصح]
5.00/5 (14 صوت)

09-11-2014 07:52 PM
أنا كنت أحد (المتكدسين) في ميناء جدة متوجهاً إلى السودان من أجل (التهني) بعيد الفطار السعيد وسط الأهل و(الحبان)... لكن... وآآآآه من لكن... وصلت إلى جدة من يوم الأربعاء(والعيد الاثنين القادم)... ويا مؤمن يا صديق مشيت لحد الوكالة عشان أستلم كرت الصعود للباخرة... اتفجأت بإن رحلتي اتأخرت ليوم الخميس... والخميس استلمت الكرت... وهاك يا صفوف في الميناء... تخش لحد تقيف قدام شرطي الجوازات يقولو ليك الباخرة اكتملت ترجعوا للوكالة تشوف ليكم صرفة!!!... كيف البخارة امتلأت ونحن شايلين كروت الصعود؟... ما في زول يديك عقاد نافع... والرجوع ده اتكرر يومياً شيء خمسين شيء سبعين... وأقلاهم تلاتين نفر من الباخرة الواحدة... وإنت قدام عينيك ناس الوكالات (سودانيين طبعاً) يبيعوا في التذاكر ومعاها كروت الصعود بي 1500 و2000 ريال وبالجنب يركبوا الزول (الدفيع ده) على طول... وطبعاً يركب على حساب الناس المشترين تذاكر بالدغري والواقفين صفوف... وعنهم ما ركبوا... و(العجب العجاب) لو المسافر ده كان معاهو عربية... الله قال بي قولوا... يدفع دم قلبو... ما ده سفر مستعجل... ونحن قاعدين بالطريقة دي (ومتكدسين) لحد ما بقينا كمية كبيرة جداً... وطيلة الأيام ونحن صايمين قاعدين في الميناء صباح نهار ليل... يوم العيد (بلغ السيل الزبى)... وجطنا لحد ما (طاقم) الميناء كلو جوا يحنسو فينا (ما عشان سواد عيونا أو إحساس بي معاناتنا)... عشان الموضوع ما يتصعد و(يطقش) إضنين المسئولين الكبار (السعوديين طبعاً... نحن عندنا مسئولين يتخاف من طقش الكلام لي إضنيهم)... ففي النهاية ما (بين شد وجذب) ركبنا الباخرة يوم العيد بالليل... ووصلنا بيوتنا ثالث أيام العيد... وما في داعي أقول ليكم إنو ما شفنا ولا (شمينا) ريحة موظف من موظفي القنصلية السودانية في جدة... و(الأنكى والأمر) إنو الفوضى بتاعة السفر في جدة كان على رأسها السودانيين العاملين في وكالات السفر... هم رأس البلأ... طبعاً بالتعاون مع بعض فاسدي الذمم من السعوديين في الميناء.
فالسؤال يبقى شنو؟ (خلونا من حكومة أو مسئولين... ديل ما فيهم رجا)... ليه الرأسماليين الوطنيين (كيزان أو غيرهم) ما يستثمروا في النقل البحري؟... ليه نتمرمط مع البواخر المصرية (الهالكة) دي... بواخر ما بتصلح لنقل الماشية خليكم من بني الآدميين... وفوق لي ده تتعطل كل يوم والتاني وتدخخل الناس في (كستبانة)؟... النقل البحري ده قطاع مثمر ومربح... خلينا بواخر الراحت في شان الله دي ومانا ساءلين منها... يا ريت لو القطاع الخاص السوداني يهتم بالموضوع ده على الأقل يستفيد والناس (أقصد المغتربين طبعاً) شوية تفرج عليهم.

[وضح.. أبن... أفصح]

ردود على وضح.. أبن... أفصح
Saudi Arabia [الخمجان] 09-12-2014 09:15 AM
بستغرب لمن اشوف السودانيين فاكرين انه في خير في المتاسلمين........ياحبيبي خيرهم لانفسهم من حماس وبقية التنظيم العالمي.....اما ما نحن عبارة عن غنائم ......ولا نستحق اي تكريم .....شوفهم يتبرعوا للمتاسلمين ولكن لا يرحموا بنى جلدتهم من السودانيين.....كلما اساءت الظن بهم تلقى نفسك انك ظلمتهم .....انا ما عارف السبب البخلي الناس ترجع اجازات السودان شنو.....في ظل وجود الناس ديل يبقى انت بتدعمهم لحكم السودان بسبب الضرائب والمكوس ....يجب ان تكون هناك مقاطعة لهم بكل الوسائل....


#1103151 [ودالباشا]
5.00/5 (12 صوت)

09-11-2014 07:48 PM
سوار يتنصل من المسؤولية وعند الحاح مقدم البرامج غلق تلفونه ودا معناه الراجل ببيع الهواء للمعتربين كلللل يوم طالع بأفكار ومشاريع جديدة محورها جيوب المغتربين فقط

[ودالباشا]

#1103150 [ودالباشا]
4.98/5 (8 صوت)

09-11-2014 07:48 PM
سوار يتنصل من المسؤولية وعند الحاح مقدم البرامج غلق تلفونه ودا معناه الراجل ببيع الهواء للمعتربين كلللل يوم طالع بأفكار ومشاريع جديدة محورها جيوب المغتربين فقط

[ودالباشا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة