الأخبار
أخبار إقليمية
إنت مؤتمر وطني ؟!!
إنت مؤتمر وطني ؟!!
إنت مؤتمر وطني ؟!!


09-14-2014 02:41 AM
كمال كرار

افتح التلفزيون بتاع المؤتمر الوطني ح تلقي سادن (بتفشخر)ويقول نحن حزب جماهيري،عضويتنا كذا مليون.
وعرج علي إذاعة المؤتمر الوطني ح تلقي سادنة تتكلم عن اكتمال المؤتمرات القاعدية،وقرب انعقاد مؤتمرات الأقاليم،ثم هيئة الشوري والمكتب القيادي وما شابه ذلك .

أقفل التلفزيون والإذاعة،ثم أنقر باب أول بيت يصادفك،واسأل من يفتح لك الباب السؤال التالي: إنت مؤتمر وطني ؟
سينظر إليك ملياً ثم يقول لك (ياخي من الصباح مالك جايب النحس لينا،الله يهديك أدينا عرض أكتافك).
واستوقف شابة في نفس الحي واسألها نفس السؤال فسترد عليك(شايف علي شنو؟ )،وعندها اتخارج حتي لا يأتيك أولاد الحلة لتري النجوم (عز الضهر).

واركب أمجاد واقطع كوبري ثم أنقر علي باب أحد البيوت واسأله نفس السؤال،سيرد عليك بلهجة حادة (إنت بس انتظرني في مكانك دا أوعك تتحرك )،فلا تسمع النصيحة واطلق ساقيك للريح لأنه حتما ح يجيك بسكين أو عكاز.

أما لو سألت (ست شاي)نفس السؤال فتأكد أن موية الكفتيرة الحارة لن ترحمك،واحسن ليك تنسحب انسحاب تكتيكي .
وسافر قوم خلي الخرطوم،واركب البص للجزيرة واسأل نفس السؤال،عندها لن تخرج من الجزيرة إلا بعد 10 يوم هي المدة التي ستقضيها في حوادث مستشفي مدني،ولاحظ أنك دون أي تأمين صحي،والتنابلة خصخصوا المستشفيات،وغايتو(الله شافك عديل)،ولولا أولاد الحلال كان المزارعين عملوك (سلطة أسود)،في زول كان بتصور إنو كيلو (الأسود)يصل 10 جنيه؟؟
ولا تذهب بالسؤال للشرق أو الشمال أو الغرب،فالناس هنالك(بتاعين دواس)،وسيحملونك مسؤولية نهب طريق الإنقاذ الغربي،أو قتل شهداء كجبار،أو حرائق النخيل والفاعل(معروف)،أو سيعتبرونك مسؤولاً عن تصفية الموانئ البحرية أو الخطوط البحرية،فلا تلومن إلا نفسك .

واكتب في الاستبيان الذي تحمله،أنك سألت عينة عشوائية عن ما إذا كانوا ينتمون للحزب الحاكم،فلم تجد أحداً.
وحتي لا يتهمك أي أحد بالانحياز للمعارضة،أو بالتخابر مع الجبهة الثورية،فاذهب عند منتصف الليل إلي حي السدنة (وهو معروف)،ثم اغتنم فرصة نوم الحرس وانقر الجرس،حتي يأتيك(السادن البائن)،واسأله نفس السؤال،سيتلعثم،ويضطرب،ويقول لك(أنا كنت طابور خامس وسطهم،وانا بس بتاع عمولات،ومرات ببيع دولارات)،لقد ظن المسكين أن إنقلاباً قد حدث وهو لا يدري،وعندما تنسحب من أمامه سيركب(الهمر) إلي المطار،ومنه إلي قندهار،وسيغلق(الثريا)حتي لا يسمع الأخبار.

لا تيأس،واذهب إلي أي روضة أطفال،واسأل أصغر من فيهم عما إذا كان يعرف واحد (مؤتمر وطني)،سيرد عليك ببراءة الأطفال(أنا ما شفت ولا أي زول مؤتمل وطني،بس في واحد بجي في التلفزيون بابا بقول لي ماما الزول دا بتاع سفسفة )وسيسألك مباشرة سفسفة يعني إيه ياعمو؟؟فاحكي له عن علي بابا وال 40 حرامي،وسيفهم الحكاية من طقطق للسلام عليكم.
ودون في يومياتك ذات يوم،أن الجماهير المحتشدة،تخطت العسكر والحواجز والأسلاك الشائكة،في طريقها إلي قصر الرئاسة،وأن طفلاً صغيراً كان وسط الزحام،يهتف:يسقط علي بابا والأربعين حرامي .
[email protected]


تعليقات 18 | إهداء 0 | زيارات 3918

التعليقات
#1106057 [منو العوض]
0.00/5 (0 صوت)

09-15-2014 12:54 PM
اذاكان عضو المؤتمر ووزير ماليه سابق دكتور حمدي في لقاء قال ينعل ابو المؤتمر الوطني ماذا تنتظرون من شعبيه اذاكان اعضائه نعلوه فما بال الاخرين والمؤتمر الوطني لايرفع راسه ويناقش او يخاطب لانه فاسد معروف لكل الشعب والبنات الفي الموتمر الوطني قالن خجلونا وبقينا لانرفع راسنا وهم قالوا لهم ارفعوا راسكم مؤتمر وطني لكن كيف مع فساده نرفع راسنا!!!!!

[منو العوض]

#1106005 [مدحت عروة]
0.00/5 (0 صوت)

09-15-2014 12:18 PM
والله واحد يقول لى انت مؤتمر وطنى او كوز اعتبرها اهانة ما بهدها اهانة وسبة كبيرة تستوجب العراك والتفاف فى وجه قائلها!!!!!!!!!!!

[مدحت عروة]

#1106000 [abusami]
0.00/5 (0 صوت)

09-15-2014 12:13 PM
فعلا لايوجد مؤتمر وطني لانهم رمز الفساد فلنحاربهم في اي مكان بيوت الافراح والمائتم والمقابر حتي والمواصلات والجامعات والمدارس ورياض الاطفال وكل مكان .

[abusami]

#1105798 [الكردفاني العدييييييييييييييل]
0.00/5 (0 صوت)

09-15-2014 09:12 AM
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......
اللهم عليك بالارجاس ....... عصابات الرقاص..... اقطعهم .... تك ......

وما تفضل فيهم ......... فراك .... النار......
وما تفضل فيهم ......... فراك .... النار......
وما تفضل فيهم ......... فراك .... النار......
وما تفضل فيهم ......... فراك .... النار......
وما تفضل فيهم ......... فراك .... النار......
وما تفضل فيهم ......... فراك .... النار......

[الكردفاني العدييييييييييييييل]

#1105548 [أبو أحمد]
5.00/5 (1 صوت)

09-14-2014 09:40 PM
الضحاكات

[أبو أحمد]

#1105417 [ممغوص]
2.00/5 (1 صوت)

09-14-2014 05:37 PM
بس احنا ما نقدر ننسى او ننكر انو اي زول في فترة من الفترات لو ما مؤتمر وطني بدعي انو من المؤتمر وطني

[ممغوص]

ردود على ممغوص
United Arab Emirates [ضروس] 09-15-2014 12:37 PM
أنت ود ****

Saudi Arabia [خالد] 09-15-2014 10:16 AM
أنا لا كنت ولا إدعيت رايك شنو


#1105375 [Rebel]
5.00/5 (2 صوت)

09-14-2014 04:46 PM
* هذا موضوع سياسي راقى, و من الطراز الأول, يا اخى كمال. و هو يعكس -بجلاء- كذب و تدليس الأبالسه المجرمين عن حقيقة وزنهم "الخفيف جدا" فى المجتمع السودانى.
* و يتميز الموضوع باسلوب "درامى و كوميدى" بسيط و سهل, لكنه اكثر من رائع.
* اقترح تعميم هذا الموضوع على اكبر نطاق شعبى ممكن, خاصه لأؤلئك الذين لا يستخدمون المواقع الإكترونيه, حتى و لو كان ذلك فى شكل "منشور", يا اخى كمال كرار, و يا قراء "الراكوبه".
* و اقترح على إدارة "الراكوبه", برجاء تثبيت هذا "الموضوع" اعلا الصفحه "الرئيسه", و لأطول فتره ممكنه, بهدف تمكين اكبر عدد من "القراء" الإطلاع عليه, و نشره بدورهم, ما امكنهم ذلك.
و للاخ كمال و إدارة الراكوبه شكرى و تقديرى.

[Rebel]

ردود على Rebel
[Rebel] 09-14-2014 07:00 PM
* و انا بدورى اعتذر لك, يا اخى قريش, عن إستخدامى لهذه الكلمه "الكريهة", التى دائما ما تهيج علي القرحه و تجيب الملاريا..انا ذاتى ما عارف فاتت علي كيف!!
* لكن عزائى, ان "استخدامى" لها يستهدف تغطية اكبر عدد من الناس. فى حين ان "إستخدام" الأبالسه المجرمين لها يستهدفهم "وحدهم, و قاصر عليهم حصريا!".
لك ودى...

Sudan [القريش] 09-14-2014 05:36 PM
كلامك حلو وردك احلى بس خربتو بكلمه(تمكين) اللى اندست وسط تعليقك واكيد انت تدرى ماأقصد ولك مودتى...اخخخخخخخخخخ من الكيزان.


#1105357 [zorba]
5.00/5 (1 صوت)

09-14-2014 04:31 PM
صحي ... كلاب شبعت بعد جوعة
هذا هو دين الكيزان الكلاب ... ومصاحفهم علي الطاولة ... و العارف عزو مستريح.

[zorba]

#1105283 [عمك تنقو]
5.00/5 (4 صوت)

09-14-2014 03:03 PM
ولو سالت عراب التحرير الاقتصادى ذاااتو حمدى بدر الدين حيقول ليك انعل ابوك لابو المؤتمر الوطنى

[عمك تنقو]

ردود على عمك تنقو
Qatar [ابو خنساء] 09-14-2014 09:18 PM
تقصد عبد الرحيم حمدي انا اعتذر نيابة عنك للاستاذ حمدي بدر الدين الرجل الفنان المهذب

Saudi Arabia [جقلو- يا وليد] 09-14-2014 05:34 PM
ههههههههههههههههههههههههههه


#1105215 [Mohamed Ali]
5.00/5 (3 صوت)

09-14-2014 01:55 PM
ما مناسبة الفلوس وهذين التعيسين؟؟

والله لن نرى ذلك في السودان الذي ابتلاه الله بهؤلاء الأنجاس؟؟

هي لله، هي لله، الله أكبر..
نسأل الله أن يزيلكم ويذيقكم الويل والهوان جزاء ما ارتكبتموه باسم الدين؟؟
مصانع، مراكب، منازل، قصور، واستسقصاء وقتل وسحل ومحسوبية ومحاباة
وكل ذلك لله

أذلكم الله وأخزاكم في الدارين يا شر الناس

[Mohamed Ali]

#1105099 [zorba]
5.00/5 (2 صوت)

09-14-2014 12:16 PM
طيب كل الناس العملت عليهم الاستفتاء ديل ساكتين ليه؟
الحرية لا يستحقها الجبناء.

[zorba]

#1105070 [منصور محمد احمد]
5.00/5 (3 صوت)

09-14-2014 11:51 AM
لو بتعرف واحد عضو مؤتمر وطني عن يقين. اسألو عن حزبيته ، سينكر فورا انه مؤتمر وطني. ليه؟ لانو الشينة منكورة . اضافة لذلك هل سمعت بي واحد ........ اقر بحقيقته؟؟؟؟؟؟

[منصور محمد احمد]

#1105033 [ابو مصطفى]
5.00/5 (2 صوت)

09-14-2014 11:08 AM
ي جماعة الخير على قول أستاذنا العملاق عبد اللطيف البونى، عضوية المؤتمر الوطنى عبارة عن تحالف بين السماسرة ، واللصوص ، وبعض العسكر الذين لا أخلاق لهم ، فهم نبتوا كنبتة شيطانية فى ظلام ليل بهيم ، وإلى الأن لا تنبت زهرتهم إلا فى الظلام الحالك!!!!! كيف؟ ذهب الجنوب او فصلوه فأشعلوا جنوب كردفان والنيل الأزرق!!! ودارفور ذلك الجزء العزيز الذى يضم الأهل والعشيرة حرقوه فى ليلة حالكة السواد ، والله إن القلب ليتفطر على حال الوطن وإن العين لتدمع كلما رأينا ما تحققه شعوب الأرض من تقدم وتطور فى جميع المجالات ، ونبقى نحن فى محطة دايرين نأكل ما لا قين دايرين نتعالج ، يجيبوا لينا قردة ، وحميدة ، ياخى ويا ناس هوى والله إن ما لحقتوا البلد دى حقكم راحححححححححححححححححححح.

[ابو مصطفى]

#1105007 [البجاوي الوناب]
5.00/5 (1 صوت)

09-14-2014 10:51 AM
زي السامع صوت ربابة وغنا بصفقة وصفاقة ....طبعا القراصة ولحمة الصاج هضموها لكن المحيرني وين الشربوت ..يكون اتخارجوا منو وراء الستارة؟؟؟

[البجاوي الوناب]

#1104991 [متوكل]
0.00/5 (0 صوت)

09-14-2014 10:37 AM
لا حوله ولا قوة إلا بالله (شوف شنات الشـاقـية دي كيفــــ) سبب إذيتنا الله يقطع اترهم قولوا اميــــــــــــــــــــن . قالوا الشايقي ذي ......... كلو ماتغسلوا تلقى معفن .

[متوكل]

ردود على متوكل
Sudan [hassan] 09-14-2014 06:20 PM
يا متوكل مافي داعي للكلام دة
ة
خلينا في موشوعنا

خلينا نتفق اكتر مما نختلف

زلو قاصدنا صاجبنا القدامك

العنو زي ما عايزة لانو يستحق اللعنة

زول خان شيحو ما ترجي منو رجا تاني

الشلة اعلاه ناقصة عوض الجاز خاصة في

قسمة الكيمان القدامهم دي


#1104972 [جركان فاضى]
0.00/5 (0 صوت)

09-14-2014 10:21 AM
يا استاذ كمال كرار يا حبيبى نعم المؤتمر الوطنى عضويته بلغت خمسة ملايين او تزيد.... وتعال احسبهم ليك واحد واحد...اى موظف فى الخدمة العامة لاينضم الى المؤتمر الوطنى حيشوف المابنشاف...ومش هو براه بل لازم يضم افراد اسرته للمؤتمر الوطنى.... اى تاجر وصاحب محل لاينضم للمؤتمر الوطنى بكرة بنفضوه برة السوق بزيادة الضرائب وعدم تأخيرها ...وكان عندك بقالة وما مؤتمر وطنى فى اى لحظة يشيلو ميزانك ويبشتنوا حالك...وخذ مثالا تجار سوق ليبيا الذين تبرعوا بمبلغ 12 مليار جنيه لاعادة انتخاب البشير...ونعم كل من تقابله يقول لك انا لست مؤتمر وطنى ولكنه يحمل البطاقة فى جيبه قصد الحماية

[جركان فاضى]

#1104797 [الجايبين كثافتو الكيزان .]
0.00/5 (0 صوت)

09-14-2014 07:37 AM
انا غايتو عندى ما يزيد على الاربعمائة صديق على الفيس ، ما فيهم الا اثان فقط مؤتمر وطنى .. وحلتنا فيها اكثر من عشرين الف نسمة ما فيها الا اربعة ولا خمسة كيزان . مع انو قبل الانقاذ كانت مقفولة للجبهة الاسلامية ، بدليل نجاح ابنها مرشح الجبهة ودخوله البرلمان فى انتخبات 1986 .

[الجايبين كثافتو الكيزان .]

ردود على الجايبين كثافتو الكيزان .
Saudi Arabia [منو العوض] 09-15-2014 10:47 PM
اذا رشحوا عمر البشير الشعب السوداني يرشح ضده كديسه كما قال انة لايسلم للمحكمة الجنائية كديسة وسنري الكديسة وزنها الانتخابي وهو لابد من المحكمة الجنائية وان طال السفر !!!!!


#1104736 [الوجه الآخر]
0.00/5 (0 صوت)

09-14-2014 03:14 AM
يعني نفهم من كلامك أنهم يفوزوا ببركة الدولار واليورو المردومة في الصورة دي ؟ .. مخير الله

[الوجه الآخر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة