الأخبار
منوعات سودانية
موظفو قناة الشروق : نحن الآن نلوك القرض
موظفو قناة الشروق : نحن الآن نلوك القرض



09-15-2014 11:17 PM

الخرطوم: عبد الرحمن جبر

ضربت عواصف الأزمة المالية العاتية قناة الشروق الفضائية مجدداً، بعد أن هدأت لفترة قصيرة وتجددت بعدها معاناة العاملين فيها.

وقال عدد من العاملين بقناة الشروق : «نحن الآن نلوك القرض» حيث لم نصرف مرتبات الشهر الماضي حتى هذه اللحظة، ولم نستطع بذلك الايفاء بالتزاماتنا الأسرية، وبتنا نعاني كثيراً من مسلسل تأخر مرتباتنا الماسخ الذي استمر لعدة شهور، ولم تجد له إدارة القناة حلاً جذرياً حتى هذه اللحظة، وهذا الوضع المالي المؤسف غريب جداً على الشروق وظهر على السطح قبل ستة شهور من الآن، فالقناة منذ انطلاقتها لم تمر بها أي ضائقة مالية، ولكن الآن الوضع تغير وأصبح حالنا شبيهاً بحال موظفي التلفزيون القومي، فلو استمر مسلسل تأخير المرتبات بالشروق على هذا النحو، فمن المؤكد سوف نخرج للتظاهر ضد الإدارة.

وأشار الموظفون إلى أن هذه الأزمة المالية انعكست حتى على مستوى البرامج، وتوقفت عجلة الإنتاج بداخل القناة فنحن الآن شبه عطالى، فالشروق للأسف الشديد هي القناة الوحيدة الآن في الساحة التي تعيد برامج رمضان!!.. فهل هناك منطق في ذلك سوى «الفلس»؟!!

أخر لخظة


تعليقات 16 | إهداء 1 | زيارات 4817

التعليقات
#1107366 [ود الركابي]
4.07/5 (5 صوت)

09-16-2014 09:35 PM
هي قناة الشروق .. مترهله.. زي الحكومة السودانية ماعاوزنها تفلس ..

[ود الركابي]

#1107365 [اسدان]
4.13/5 (4 صوت)

09-16-2014 09:35 PM
الذى اعرفه ان هذه القناة انتهى دورها المرسوم لها , وقد انجزته بامتياز

اما ماهو هذا الدور , يتوب علينا ربنا

[اسدان]

#1107106 [هیثم عبدالرحیم]
3.25/5 (3 صوت)

09-16-2014 03:21 PM
فلتعرضونها للبیع، و هل هناک حل أفضل من هذا

[هیثم عبدالرحیم]

#1107102 [zorba]
4.19/5 (6 صوت)

09-16-2014 03:20 PM
"نحن الآن نلوك القرض"

و الناس البتفرجوا علي قناتكم مرارتم إتفقعت وما لاقية القرض عشان تلوكوا.
بس دلونا من وين بتجيبوا القرض ... الناس من زمان ما لاقية القرض البتلوكو فيهو دا.
و ‘نتوا زعلانين ليه مش بتطبلوا للكيزان زي الحيران ... القرض البتلوكوا فيهو دا هو التحلية بتاعت الكيزان وهو اليومين ديل القرض بقي نادر و معدوم و ما بيلوكو غير الطبالين لأن مرحلة لوك القرض دي الناس إتعتدتا زمـــــان إنتوا كنتوا وين الزمن داك؟

وبعد ما تلوكوا القرض .. التحلية حنضل و حبسوا بعصير شجر النيم يعني تاكلوا نيم.

و إنتوا بتطبلوا للكيزان كنتوا فاكرين مع الكيزان حتلوكوا شوكولاته؟

[zorba]

#1107064 [ابو احمد]
4.07/5 (5 صوت)

09-16-2014 02:33 PM
المحيرني في مذيعة بتتكلم بنخرته والمشكلة انها بتقرا الاخبار وهى اكرام ممكن تبقى في المنوعات

[ابو احمد]

#1107025 [محمد عبد الرحمن محمد]
4.07/5 (5 صوت)

09-16-2014 02:03 PM
الجاب سيكافا مع عدم صرف المرتبات في قناة السودان الاولي الشروق شنو شنو شنو شنو والدخل جمال الوالي في هذه المرتبات جمال المالك لهذه القنات اين ادارة الاستثمار اين المدير اين مدراء الاقسام اتقوا الله في جمال الوالي

[محمد عبد الرحمن محمد]

#1107016 [تينا]
4.00/5 (4 صوت)

09-16-2014 01:48 PM
فيها كثرة وجوه نان هى ما خلت مذيعة حايمة ما ضمتها للقناة ...

[تينا]

#1106959 [جعفر]
4.19/5 (6 صوت)

09-16-2014 12:53 PM
جمال الوالة راح اشترى كاس سيكافا بباقى القروش وقعد .. خليه ينفعو الكأس

[جعفر]

#1106906 [الداودي]
4.32/5 (5 صوت)

09-16-2014 12:14 PM
يعني سلمي السيد ما قبضت راتب الشهر الفات

[الداودي]

ردود على الداودي
United States [جنرال زمان] 09-16-2014 03:40 PM
سلمى مشت البحرين وخلت بلاد النهرين ويا بخت ناس البحرين

United Arab Emirates [توتو بن حميده آل حميده] 09-16-2014 02:08 PM
سلمى السيد ما صرفت راتبها وهي صابره يا مستر الداوودي لانها تعمل بآية رئيسها (العارف عزه مستريح) فهمت يا طيب ---

[sideeq] 09-16-2014 01:59 PM
سلمي شتت يا الداودي، دي بت مفتحة ضربت الثمينة ولما شافت السفينة تترنح نطت قبل الجماعة ههههههههه


#1106816 [شخلول]
4.19/5 (6 صوت)

09-16-2014 11:13 AM
بوق نفاق وتقبش وعى اخرسها الله

[شخلول]

#1106751 [محمد أحمد]
4.19/5 (6 صوت)

09-16-2014 10:07 AM
سآل ربي التلوكو ما تلقوا عشان تاني تنافقوا وتطبلوا للكيزان

[محمد أحمد]

#1106718 [حسن شاش]
3.75/5 (3 صوت)

09-16-2014 09:38 AM
قال ليكم حديث (العارف عزو)

[حسن شاش]

#1106647 [محمود ود احمد]
4.07/5 (5 صوت)

09-16-2014 07:59 AM
جمال الوالى تطير عيشتو عندو رازتين المريخ اكلو مخنا بى سيكافا دى ما عارف لو شالو كاس الابطال يسوو شنو ووالى الجن دا مصدق انو دا إنجاز ويحلب فى القروش والرازة التانية قناة الشروق التى يمتلكها كمان جابت ليها عدم رواتب هو يا الوالى الراتب دا حقهم ما فى مدارس ,مستشفيات , لحمة , خضار , ايجار , هدوم من سوق اللفة ( ما قلنا من شارع الجمهورية) , مواصلات , كهربا + موية ربطوها فى رقبتا ..... خاف الله فيهم وخليك من طرطشة الكورة دى لانو دى ارواح ربنا بيسألك منها والله .
كسرة جبرة : ما مر عليك حديث شريف ما معناه - أعطوا الأجير أجره قبل أن يجف عرقه -

[محمود ود احمد]

ردود على محمود ود احمد
Saudi Arabia [اصيل] 09-16-2014 12:51 PM
استخفافكم ده هو سلط عليكم الانقاذ وضيق العيش . خليك منطقى . احسن الرازة البجيب شئ ولا المابتجيب (انت ما مر عليك حديث شريف فى معناه (لا يؤمن احدكم حتى يحب لاخيه ما يحبو لنفسه)اخى اعلم ان الشتيمة منقصة فيك قبل ان تنقص من قدر اخيك . المريخ كيان متغلغل فينا حبا . لكن جمال الوالى زى اى ادارى مر على الكيان وذاهب . الدخل المريخ مع الشروق شنو حريقة فى الشروق


#1106627 [ابو احمد]
3.82/5 (5 صوت)

09-16-2014 07:07 AM
ان شاء الله تلوكوا الجمر. فالقناة كيزانية وسخة

[ابو احمد]

#1106534 [اب شلاضيم]
4.07/5 (6 صوت)

09-16-2014 01:03 AM
حقت منو هي الشروق ده ؟؟؟

[اب شلاضيم]

ردود على اب شلاضيم
Qatar [كاكا] 09-16-2014 03:28 PM
بالصورة والقلم القناة حقت المؤتمر الوثني وجمال الوالي ومن معه ارزقجية ومجرد غطاء ،، والجماعة استأنسوا بشائعة أنها ملك جمال الوالي،،

Saudi Arabia [كتاحة امريكا] 09-16-2014 12:03 PM
المؤتمر الخره


#1106516 [ماجد]
4.07/5 (6 صوت)

09-16-2014 12:33 AM
هو جمال الوالي فاضي ليكم من احتفاﻻت بطولة المجاعة سيكافا

[ماجد]

ردود على ماجد
Saudi Arabia [اصيل] 09-16-2014 12:57 PM
فى مثل بقول غلفاء وشايله موسا تطهر .خلط الامور اس البلاء بقول ليك الشروق تقول سيكافا . والله با اخى الجعانة عقولنا نحن ما سيكافا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة