الأخبار
أخبار إقليمية
انفراج أزمة المغتربين العالقين بميناء عثمان دقنة بسواكن
انفراج أزمة المغتربين العالقين بميناء عثمان دقنة بسواكن
انفراج أزمة المغتربين العالقين بميناء عثمان دقنة بسواكن


09-15-2014 10:42 PM
بور تسودان (سونا)-أعلن الأستاذ احمد عثمان مندوب مجلس الوزراء الاتحادي ممثل الأمين العام لجهاز تنظيم شؤون السودانيين بالخارج انفراج أزمة المغتربين العالقين بميناء عثمان دقنة بسواكن بعد التنسيق الذي تم بين الجهات ذات الصلة .
وأبان المندوب أن الأزمة تم تجاوزها بتسيير رحلات جوية إضافية عبر شركة الخطوط الجوية السودانية وأن المتبقي من المغتربين يتراوح مابين المائة والمائتين يتاح لهم فرص المغادرة ضمن أفواج الحجاج وفقا لأولويات الظروف المرتبطة بانتهاء فترة الإقامة وارتباط أبناء المغتربين بالدراسة بالإضافة إلى ظروف المرض .
وأشار المندوب إلى أن الأزمة حدثت بسبب تزامن عودة المغتربين مع موسم الحج وخروج بعض المواعين الملاحية (العبارات ) من الخدمة بسبب الأعطال الفنية مشيدا بجهود حكومة ولاية البحر الأحمر والجهات ذات الصلة في حل المشكلة .


تعليقات 12 | إهداء 0 | زيارات 2925

التعليقات
#1107203 [ابو ياسر]
5.00/5 (1 صوت)

09-16-2014 04:01 PM
ياجماعة خليكم مثلى انا جيت من اخر اجازة كانت فى السودان قبل 8 سنوات ولم ارجع حتى الان ووالله من الشفتو فى السودان مامشتاق عديل كدة ، وارجع اعمل شنو الوالده ومحمود عبد العزيز ماتوا الله يرحمهم وديل الوحيدين الكانو يشوقونى للسودان ، خلاص خليناهو لسامية البايرة وامين حسن زفت ، خلاص البلد مسخت زى حكومتنا حكومة الشينين الله يقلعهم .

[ابو ياسر]

#1107105 [صلاح مصطفي أحمد]
0.00/5 (0 صوت)

09-16-2014 02:20 PM
للاسف الشديد لم تحل المشكلة بل كل الناس رجعوا لقراهم فمنهم من فقد عمله ومنهم من فصل من المدارس وأبناء اختي خير شاهد ولو عاوزين عناونهم سوف اعطيه كل من يحال مساعدتهم بعد رجعوا الخرطوم وصرفوا ما يقارب 10 مليون وباعوا التذاكر بنصف سعرها بعد يوم من شرائها بـ 6 مليون ولو ماعند واحد من ناس الأمن ما بتسافر وسجن لمدة 6 ساعات بحجة أنه يحرض المسافرين وهو المسكين كان كل فكره في أولاده ومدارسهم عندما وصلته رسالة لازم يراجع إدارة التعليم في الرياض بخصوص أولادة وقال خلاص جاء السعودية نهائي قرار لا رجعه فيه وخاصة بعد سماعة بما يسمي مدير المغتربين الذي نأي بنفسة عن المسئولية وبلا خجل لعنه الله علي الظالم .

[صلاح مصطفي أحمد]

#1107076 [سيف الدين خواجة]
5.00/5 (1 صوت)

09-16-2014 01:49 PM
بعد ايه يا حسرة بعض المغتربين فقدوا فرصة العودة خاصة في السعودية حيث اخطرهم الكفلاء بالغاء اقاماتهم والمشكلة السيارات في اسرة صرفت 23مليون جنيه في بورسودان وفي الاخر سافرت بالطائرةعن طريق فلاي دبي دائما الحلول متاخرة ما تم الان كان يمكن ان يتم في الايام الاولي بحيث تنقل الاسر بالطائرات والسيارات لاحقا وهذا لا يحتاج لتدخل المركز لكنه العجز الاداري والعقل الاداري المتحجر

[سيف الدين خواجة]

#1107066 [zorba]
0.00/5 (0 صوت)

09-16-2014 01:39 PM
المواعين الملاحية = ديوك عِدة المٌلاح.

[zorba]

#1107012 [تينا]
0.00/5 (0 صوت)

09-16-2014 12:44 PM
كيف تقولوا انفراج الأزمة وانتوا بتقولوا المتبقى من المغتربين بين مائة ومائتين ؟؟؟!

[تينا]

#1106803 [زول ساكت]
5.00/5 (1 صوت)

09-16-2014 09:57 AM
يعني المغتربين تاني ما يجو لبلدهم واللا شنو ايه العفن ده والرشاوي

[زول ساكت]

#1106792 [صابر مصبر]
5.00/5 (1 صوت)

09-16-2014 09:45 AM
هذا هو الحال يعني حسع الناس ديل لو جابو ليهم باخرة مصرية نقلت الناس ديل كان بجري شنو بدلاً من انتظار الباخرة الواحدة تخم تودي وتخم تجيب والناس متكدسة هنا معقولة ميناء قدر داء ولايملك بواخر حديثة

[صابر مصبر]

#1106732 [جفوون الجفون]
4.94/5 (5 صوت)

09-16-2014 08:48 AM
كذابين والله انا عاييد من يومين بالطيران اما الميناء فمازال بالرشاوي والمحسوبيه وفساد يزكم الانوف لقد وصل سعر كرت الصعوود للباخرة 2 مليون سوداني ويتم عمل اللجنه المزعومه امنيه باليل حتي يتسني للسماسرة العمل حسبي الله ونعم الوكيل فيكم يا كذابيين

[جفوون الجفون]

#1106710 [dodnagaz]
4.47/5 (6 صوت)

09-16-2014 08:32 AM
(وأن المتبقي من المغتربين يتراوح مابين المائة والمائتين يتاح لهم فرص المغادرة ضمن أفواج الحجاج وفقا لأولويات الظروف المرتبطة بانتهاء فترة الإقامة وارتباط أبناء المغتربين بالدراسة ) ..... يعني كده خلاص انفرجت الازمة وميتين عالقين لسه ؟؟؟؟؟؟
انتو بتخاطبوا منو ؟؟؟؟
لسه ما اتعلمتوا حاجة اسمها الصدق والشفافية ؟؟؟؟؟
يا اخي لو في خمسة عالقين دا ازمة خليك من العدد القلتو دا وما متأكد من صحته ...
هي المسألة كلام وتصريح وبس ؟؟؟؟
ارحمونا بالله ...

[dodnagaz]

#1106685 [سن اليأس]
4.88/5 (4 صوت)

09-16-2014 07:56 AM
المواعين الملاحية (البواخر) .. كويس إنكم شرحتوها

[سن اليأس]

#1106648 [ابوعبدالرحمن]
4.75/5 (3 صوت)

09-16-2014 07:00 AM
قال الاستاذ احمد عثمان مندوب مجلس الوزراء ممثل الامين العام بجهاز المغتربين يا سبحان الله الامين العام لجهاز المغتربين في لقاء مباشر في المحطة الوسطى قال ان القضية ليس مسؤوليته كيف هذا العثمان يكون ممثلا له .

[ابوعبدالرحمن]

#1106523 [إنقاذي سادر في فساده]
4.36/5 (7 صوت)

09-15-2014 11:42 PM
بسبب الأعطال الفنية ماقدرتو ترحلو المغتربين من المسؤول؟
بسبب الأحمال فى محطات. التوليد الكهرباء مقطوعة مين السبب؟
هبوط الجنيه مقابل الدولار نتيجة الانفصال من هو السبب؟
أسطول الخطوط الجوية تحول الى طائرة واحدة بسبب المقاطعة لنقل السلاح الى اثيوبيا فى 1995 لاغتيال حسنى من هو السبب؟
كل الأزمات من صنع أيديكم وبدل الإنقاذ صرنا دولة فاشلة فاسدة بامتياز وجدارة
الى متى هذا السيناريو السخيف؟
ولماذا تريدون ان يستمر هذا الدمار والخراب والاقتتال ؟
كل ذلك باسم الدين والشريعة والتقرب الى الله

[إنقاذي سادر في فساده]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة