الأخبار
أخبار إقليمية
مجلس تشريعي الخرطوم يطالب ولاية الخرطوم بتقديم اعتذار رسمي لمواطنيها
مجلس تشريعي الخرطوم يطالب ولاية الخرطوم بتقديم اعتذار رسمي لمواطنيها
مجلس تشريعي الخرطوم يطالب  ولاية الخرطوم بتقديم اعتذار رسمي لمواطنيها


الاعتراف بعجزها عن تحقيق أدنى مستويات الرفاهية للمواطنين
09-16-2014 11:25 AM
التشريعي ولاية الخرطوم فشلت في تحقيق الحد الأدنى لمواطنيها
الخرطوم: عازة أبوعوف
طالب مجلس تشريعي الخرطوم ولاية الخرطوم بتقديم اعتذار رسمي لمواطنيها والاعتراف بعجزها عن تحقيق أدنى مستويات الرفاهية للمواطنين واتهم النواب المجلس بإجازة خطط لا علاقة لها بالميزانية واعترفوا بانهيار الخدمة المدنية بالبلاد ووصفوها بالمترهلة وشنوا هجوماً على الموظفين وقالوا إنهم "يأخذون وقتاً طويلاً في تناول وجبة الفطور ويغلقون الشبابيك على حساب المواطن "وشكك النواب في أوجه صرف عائدات الموارد بالولاية، وانتقدوا وزارة المالية لعدم إيفائها بالالتزامات المالية تجاه وزارة العمل مؤكدين أن نسبة تنفيد العديد من مشروعاتها (صفر).

وقال البرلماني الزين صغيرون في جلسة التشريعي أمس: يجب على ولاية الخرطوم تقديم اعتذار رسمي لمواطنيها لعجزها عن تحقيق الرفاهية بالرغم وجود المقومات، فيما تساءل العضو أحمد حسب الرسول عن أين تذهب موارد الولاية؟. فيما أقر رئيس اللجنة الاقتصادية بالمجلس د. الشيخ الفكي بأن المجلس يجيز خططاً لا علاقة لها بالميزانية وقال النواب إن الخدمة المدنية بالبلاد مترهلة وشددوا على ضرورة إدخال إصلاحات جذرية، واتهم عضو المجلس وليم زكريا في مداولات حول تقرير وزارة الموارد البشرية بالولاية الموظفين بعدم الالتزام بالزمن، وأضاف: يغلقون (الشبابيك) ويذهبون للفطور ويقضون أكثر من ساعة.

الجريدة


تعليقات 25 | إهداء 0 | زيارات 4307

التعليقات
#1107520 [سودانى شديد]
0.00/5 (0 صوت)

09-17-2014 07:52 AM
بدل الفرقعة الإعلامية دى و مجاراة موضة إنتقاد الحكومة الماشة فى البلد اليومين ديل، قدموا إستقالاتكم من مجلس الأراقوزات ده لو كنتوا رجال بالجد يا رمم.

[سودانى شديد]

#1107395 [ود الفاضل]
1.00/5 (1 صوت)

09-16-2014 11:29 PM
عبر احد شعراء العرب قديما عن رحيل الرجال الذين يعتد بهم فى الملمات وفى تصريف امور الناس وهم ( سرات القوم ) وهو يتحسر على م خلف لايستشاروا اذا حضروا ولا يسأل عنهم احد اذا غابوا ، وهم تماما كالجماعة الراكبين فى الطياره الحايمة فوق مأساة المرابيع وشرق النيل بعد ان طردت السعودية زعيم الغفله بمنعه من عبور اراضيها وعلى خجلتوا جاء اليوم التالي يحلق بطائرة يتفرج على المأساه ولا حول له ولا قوة ( يعني زي قلتو) الشاعر يتحسر على الماضين ويهجو الحاضرين بقوله :
ذهب الذين يعاشوا فى اكنافهم وبقيت فى خلف ولغ الكلاب تهارشت فى المنزل !!!!
كدا بالله يااخوان ركزوا فى الصورة دي كويس وتخيلوا الشتات والتوهان وعلامات العجز والحيره فى عيون هؤلاء الذين لايجمع بينهم قاسم مشترك الا الجهل بالادارة والتخبط فى القول مع انعدام العمل المفيد للشعب منذ ربع قرن من الزمان ..
وفى نهاية هذه المسرحية الهذلية ،، يتحدث اليوم تشريعي الخرطوم عن ضرورة الاعتذار للمواطنين لان حكومتهم المشلولة المنجورة من عيدان العشر لم تستطيع توفير الحد الادني من عيشة المواطن ، وبعد بكرة سيقوم وليد عز الدين رئيس المجلس الوطني ( البطني ) هو الاخر باطلاق تصريح مشابه بأنه وبعد المشاورات المكثفة بين جميع اللجان التي شكلها المجلس الوطني للنظر فى احوال معيشة المواطنين فقد تقرر الاعتذار للشعب السوداني الفضل عن عدم استطاعة الحكومة المبجلة توفير الحد الادني من حلة الملاح ( امرقيقة) ( والبوش ) (والسخينه المعمولة من عظام لايعرف من اي الحيوانات )!!!!!!!! لانه للاسف اختلط الحابل بالنابل فى مسألة اللحوم دي بعدما انتشرت الكدارين فى اطراف المدينة وكدا ، وذلك لان المشروع الحضاري قوبل بمعارضة شديدة من العلمانيين والمتربصين بالاسلام وكدا ، ولذلك نرجو من المواطنين قبول اعتذارنا عن مااقترفناه فى حقهم ، مع التزامنا لجميع المواطنين بأننا وخلال الولاية الجاية للزعيم الملهم البشير والتي ستكون مدتها حوالي عشرة سنوات ، سوف نعيد السودان الحبيب الى المطلة التي وجدناه فيها قبل خمسة وعشرون عاما، وكل انتخابات لولاية جديدة والشعب السواني بألف خير .. هذا البيان الضافي متوقع من وليد عز الدين رئيس المجلس الوطني ، خليفة المحامي والعالم الكبير والسياسي المحنك احمدابراهيم الطاهر . ودقي يامزيكه ورئصني ياقدع ... والفاتحة ياجماعة على السودان الرحمة .

[ود الفاضل]

#1107327 [عادل السناري]
5.00/5 (1 صوت)

09-16-2014 08:25 PM
بلد البنك المركزي فيها رصيده لا يتعدي 250 مليون دولار --- عشان كدا لاحظوا في حالة هستيريا و هضربة ماسكة كل السدنة و المتنفذيين وين العجرفة و الاستعلاء قال ما نسلما الا لعيسى --- عيسى قال .

[عادل السناري]

#1107292 [مجنون]
5.00/5 (1 صوت)

09-16-2014 07:12 PM
انتو فشلتو توفروا للشعب الحد الادني للمعيشة مياه نظيفه واسعار رخيصة ناهيك عن الرفاهية هو الشعب دا بتاع رفاهية ؟؟؟؟ الرفاهية خلاها ليكم من زمان العلاج والاجازة فى لندن باريس امريكا وفلل وفسح خارج السودان ماليزيا ودبي المفروض تعتذروا للشعب كله عن اسؤا 25 سنة شافها فى حياته

[مجنون]

#1107278 [مراقب]
5.00/5 (1 صوت)

09-16-2014 06:47 PM
شلة لصوص وأرزقية أصبحوا من تماديهم فى سفههم, يسخرون ويستهزءون بعقل المواطن واستكانته.

[مراقب]

#1107237 [بنت الناظر]
5.00/5 (1 صوت)

09-16-2014 05:53 PM
واعترفوا بانهيار الخدمة المدنية بالبلاد ووصفوها بالمترهلة وشنوا هجوماً على الموظفين وقالوا إنهم "يأخذون وقتاً طويلاً في تناول وجبة الفطور ويغلقون الشبابيك على حساب المواطن...

الإعتراف بإنهيار الخدمة ومسألة الإعتذار دى جديدة على الأبالسة ديل لكن أظن حسوا إنه نهايتهم قربت ..
أما حكاية الموظفين يغلقون الشبابيك وياخدوا وقت طويل فى تناول وجبة الفطور .. منو القال ليهم الموظفين لا قين حاجة يفطروا بيها ؟؟
دى ذكرتنى كلام الحاج ساطور لما قال الواحد قبل الإنقاذ كان عنده قميصين حسى دولابه بقى مليان قمصان وأكيد الحاج ساطور بيقصد نفسه وشلة الأنس المعاه ..

حسى فطور الموظفين البيقفلوا ليه الشبابيك ده أكيد فطور الأبالسة الجعانين ديل ولسة ماشبعوا ..فى غيركم دمر الإقتصاد وأورد البلد الحالة الفيها ؟؟..الله يدمر كيانكم ويهدم بنيانكم ...وساعة الصفر قربت بإذن الله ..لا نريد منكم إعتذارأ ولن نقبل به وسوف نحاسبكم بنفس مستوى غلظتكم على الشعب السودانى..

[بنت الناظر]

#1107211 [غسان بابكر]
4.75/5 (3 صوت)

09-16-2014 05:12 PM
أين تذهب موارد الولايه يا غبي؟؟؟
هو الواحد لو ما كان غبي ما ببقي نائب برلماني؟ ؟
الوالي ضرب 900 مليار فاكرها من جيب أبوك وﻻ من ك*أمك ما من جيب المواطن...
يا نائب يا واطي..

[غسان بابكر]

ردود على غسان بابكر
Sudan [امبده] 09-17-2014 03:59 PM
سمحه شديد نحييك


#1107179 [AburishA]
5.00/5 (4 صوت)

09-16-2014 04:36 PM
نسأل الله لكم سوء الخاتمة وكآبة المنظر وسوء المنقلب..اعتذاركم لن يقدم لقمة للجائع ولا دواء للمريض.. بلا يخمكم....

[AburishA]

#1107173 [كفاية]
4.50/5 (2 صوت)

09-16-2014 04:29 PM
ياخ جاتكم داهية تاخدتكم يا تشريعي السجم والرماد
تشريعي شنو هو البطالب باعتذار للمواطنين ؟؟؟ هم منو ؟؟
هي حكومتكم عاجزة عن تحقيق أدنى مستويات الانسانية للغلابة الزيتها طلع منكم ومن امثالكم .
بتتكلموا عن رفاهية ؟؟؟؟
رفاهية شنو يا اغبياء العالم واوطى من خلق الله
بعدين حاسبوا نفسكم قبل ان تحاسبوا الجهات التنفيذية دا لو كان في حساب في قانون الانقاذ
هو رئيس المجلس التشريعي دا كان نايم ولى في غيبوبة عشان يصحى آخر السنة ويطالب باعتذار
اها قووول اعتذروا ح يستفيد المواطن ال ( تيييييت طالع ) دا بي اعتذار الجهة التنفيذية شنو ؟؟
استحوا . واتلموا لماكم ملك الموت بلا تشريعي بلا هبالة وفوضى وحرامية .

[كفاية]

#1107167 [جارسيفو]
5.00/5 (1 صوت)

09-16-2014 04:21 PM
لمسرحية هذيلة الاخراج هذه لا تنطلي علي شعب السودان الفضل مسميات ما انزل الله بها من سلطان من وثبة ونطه وقفزة ومن حوار وطني وحوار مجتمعي ولجنة 7/7 ولجنة 6/7 ولجنة الطماطم والبطيخ هذه الاعيب القوم السفهاء السارقين المتاسلمين كفايه مضاحك واستهتار الشعب جوعان وياكل وجبتين ميسور الحال منه 20% اصابهم السل 20% اصابهم التهاب الكبد الوبائي و20% اصابهم السرطان و20% اصابهم مرض القلب والدماغ والشلل من الهموم والمعيشة الصعبة10% مجانين في السوق 10% كيزان متنعمين بكل اقتصاد السودان من سيارات فاره وعمائر وناطحات سحاب وافك وضلال ولعب بالالفاظ السودان بلد غني بثرواته الزراعية والحيوانية والمعدنية لكن اشباه الرجال ديل ما خلوا حاجه في السودان سرقة ونهب وفساد والان السودان علي خطر محدق يجب ان نفوت الفرصة بالانقضاض علي الخولات ديل واسقاط النظام الفاسد وشنقهم في ميدان ابوجنزير قال تبرع لغزة وحال الشعب السوداني اصعب من غزة لان ناس غزة بموتوا مرة واحدة لكن الشعب السوداني بيموت بالتدريج والشعب السوداني بيموت كل يوم لازم نسقط الحرامية ويجب ان ننتهج سياسة الاقتيالات غير كده الناس دي ما بتمشي واختطاف اسرهم وتجريعهم الكاس الذي شربوا منه اسر السودان الحرية للشعب السوداني الحرية للاحرار

اللواء / جارعودوا قائد كتيبة اسود الدندر

[جارسيفو]

#1107118 [ماجد]
4.00/5 (2 صوت)

09-16-2014 03:35 PM
بعيدا عن الموضوع
الطيار الفي الصورة دا قاعد لي في بنبر وﻻ شنو ؟!

[ماجد]

ردود على ماجد
United Arab Emirates [كركاب مطر بلا سحاب] 09-16-2014 05:24 PM
الجماعة كلهم قاعدين فى بنابر ما شايفهم مكعوجين الكرعين ؟؟
دى طيارة قدر الميزانية..


#1107078 [adil a omer]
4.50/5 (2 صوت)

09-16-2014 02:50 PM
اعتذارك ما بيفيدك ودموعك ما بتعيدك العملتو كان بايدك

[adil a omer]

#1107074 [حموري]
5.00/5 (2 صوت)

09-16-2014 02:45 PM
انهيار الخدمة المدنية نتيجة لتطبيق سياسة التمكين -- الولاء قبل الكفاءة الفصل التعسفي من العمل للكفاءات و الخبرات و الكوادر المؤهلة -- فأتت بالعناصر الرخوة و الغاسدة و انتجت الخراب و الدمار و الفشل و التردي . الحركة الاسلامية مسؤولة كذلك عن الانهيار الاقتصادي بنطبيق سياسة التحرير الاقتصادي و الخصخصة و اهمال الانتاج و المشاريع المنتجة و السماح للراسمالية الطفيلية بالتمدد و الانتشار و السيطرة علي مفاصل الدولة --- فصل الجنوب القديم و اشعال الحرب في الجنوب الحديد ( جنوب كردفان و النيل الاورق ) بالاضافة الي حرب الغرب الكبير دارفور ---- كل هذه الازمات لا حل لها عند حكومة الانقاذ لانها طبقت برنامج الحركة الاسلامية و كانت هذه النتيجة . و هم يعلمون ذلك جيدا و لا امل في حلول قريبة .اذا لم يتحرك الشعب السوداني لحسم الامر سيعيش الضنك و الفقر و الفاقة و الذل و الهوان و اليوم احسن من الغد و هذا الشهر افشل من الشهر التالي و هكذا كل ساعة ترزلون .

[حموري]

#1107051 [sudani]
5.00/5 (2 صوت)

09-16-2014 02:22 PM
اعتذار رسمي .؟ رفاااهيه ..؟ 0_×

من اتي هؤلا ء

[sudani]

#1107040 [ام كرتبو]
4.00/5 (1 صوت)

09-16-2014 02:13 PM
ههههههههههه رفاهية عدييييل كده....والله الواحد جاهو احساس انو من سكان سنغافورة ولا هونج كونج ....يا جماعة القنابل الكبيرة دي وارد وين؟!! قنبلة حسبو لتصدير لتجربة السودانية ..قنبلة غندور لعبادة الله من حلال الحزب ...اها الاخيرة دي قنبلة جماعية وموت الكتيرة عرس ...قنبلة مجلس تشريعي ولاية الخرتوووم ...اعتزار لعدم توفير حد الرفاهية لمواطن الولاية ...صحيح هناك هضربة بتجي للزول في سكرات الموت واظنها هي ..خلاص هانت يا اخوانا..اني اري بصيص نور..كنا نتمني ان توفروا لنا حد الكفاف المعيشي لكن ضاع الامل وانسدت ابواب الرجاء وصعبت خلاص العيشة يارب تفرجا...وضاع العشم..

[ام كرتبو]

#1107005 [عبد الله موسى]
5.00/5 (2 صوت)

09-16-2014 01:36 PM
من المفترض أن يحاسبكم الشعب أنتم أولا ومن بعدكم تنفيذيو الولاية لأنكم تقاعستم عن أداء دوركم الرقابي المنوط بكم من قبل المواطنين بالرغم من اقتناعنا بأنه لم يفوضكم أحد لتكونوا نوابا عنه بل أن حكومة الإنقاذ هي التي زورت الانتخابات وأتت بأعضاء كرتونيين الواحد منهم إمعة لا يهش ولا ينش .. فلتذهبوا أنتم أولا إلى الجحيم ومعكم حرامية الولاية والحرامية الكبار الذين أتوا بكم في هذه المناصب ..

لعنكم الله جميعا وأتمنى من الله العلي القدير أن يولي على هذا الشعب من يصلح ومن يقدم مصلحة الشعب والمواطن على مصالحه الضيقة!!

وهل يعتقد هؤلاء النواب المتخاذلين أنهم جاءوا من المريخ .. فهم من هذا الشعب والمواطن يرى بأم عينه ماذا يفعلون بأموال الشعب المغلوب على أمره الذي يكافح ليل نهار من أجل حد أدنى من لقمة عيش لا تشبع ولا تغني من جوع وهوامير النظام وأتباعه وأحزابه الكرتونية ينعمون بأموال الشعب ألا لعنة الله على الظالمين ..

[عبد الله موسى]

#1106990 [الانتنوف]
5.00/5 (3 صوت)

09-16-2014 01:15 PM
اعتذارك ما بفيدك الثورة جاياكم سياتيكم الله من حيث لم تحتسبوا

[الانتنوف]

#1106964 [المغبون]
4.00/5 (2 صوت)

09-16-2014 12:55 PM
الكلام الكثير ما بينفع انحنا عائزين فعل وتحرك القعاد فى المجالس والكلام ما بفيد الشعب بحاجة نرجو من اعضاء المجلس التشريعى يخلو التنظير ويتحركو بالفعل لان التنظير حق المواطن المسكين الما بيقدر يعمل حاجة ولكن اعضاء المجلس التشريعى لماذا يكتفون بالتنظير فقط اذا كانت (المخصصات )تؤخذ بالتنظير الشعب السودانى كلو منظراتى ولكن نطالب المجلس بالعمل لانو ربنا بيسألوا عن العمل (وقل اعملو )لم يقل وقل نظرو .

[المغبون]

#1106941 [المشروع]
4.50/5 (2 صوت)

09-16-2014 12:41 PM
(إعتذار رسمي لمواطنيها لعجزها عن تحقيق الرفاهية بالرغم وجود المقومات)
رفاهية ؟؟؟

[المشروع]

#1106916 [1252344]
5.00/5 (1 صوت)

09-16-2014 12:27 PM
المشكلة انو في إجازة المطرة الكان بأجزوها للطلاب كان بأجزو للطلاب وما بأجزو للمعلمين !!! ديل مادقاهم مطرة يعني ولا الفهم شنو !!! وبعد داك المابجي ( المدرس ) للمدرسة يخصموا من مبتبو 50 في المية دا كلام !!! يعني هو مكفي عشان تخصموا منو !!!! ربنا يكون في العون

[1252344]

#1106905 [الشحمان مغسة]
5.00/5 (3 صوت)

09-16-2014 12:14 PM
اعتذارك ما بفيدك... الماهية شنها وكمها عشان تحاسب ليك موظف قفل (الشباك)اكتر من ساعة بيكون هو زاتو جاري ورا معيشتو كان بي تجارة ولا سمسرة وانتو عايشين في برجكم العالي وعربات ومخصصات وحوافز لا بتقالعوها ولا بتناتلوها باااااااردة يا اهل الباردة... يبرد حيلكم بركة شيخي المكاشفي... وقال شنو وصفوها بالمترهلة هذا الوصف ينطبق عليكم تماماً... كان تخلوها مستورة

[الشحمان مغسة]

#1106887 [جادي]
5.00/5 (2 صوت)

09-16-2014 12:04 PM
واين سلطتكم في اقالة الجهاز التنفيذي؟


وماذا يفيد هذا الكلام


وكيف تنظرون سرقة المال العام والتحلل منه في الولايه؟


اليست هذه اموال المواطنين؟

الا تدركون انكم مسؤولون امام الناس والتاريخ والله عن كل هذا؟
الوجه الاخر: انكم مساهمون في الجريمه ان لم تتخذو فعلا

[جادي]

#1106886 [أبو سارة]
5.00/5 (4 صوت)

09-16-2014 12:01 PM
لا تعليق ، فالصمت أبلغ.

[أبو سارة]

#1106878 [الحاج]
5.00/5 (3 صوت)

09-16-2014 11:57 AM
ولاية الخرطوم بس الفاشلة وتعتذر
النظام فاشل بكمله
ارحلوا وانتظرو الحساب والمشانق
فال ايه
ويغلقون الشبابيك والشبكة طاشة
لعنة الله علي الاخوان المسلمين اينما حلوا

[الحاج]

#1106852 [sudan]
5.00/5 (4 صوت)

09-16-2014 11:44 AM
انتو وهم واحد , وبعدين شغالين تكيدو على الناس ليل نهار من ما جيتو وتكذبو وتنهبو وتقتلو , فى النهايه حسى استفدتو شنو غير الذنوب التى لا يعلمها الا الله . شخص واحد قتلتموه كفيل بان يدخلكم جميعا نار جهنم خالدين فيها فكيف وانتم قتلتم ما قتلتم من الشعب السودانى المسلم . لم اكن ان اتخيل ان ارى بام عينى ان يكون الكافر افضل من المسلم سلوكا وانتم جعلتم هذا واقعا .
وانتم يا من تسمون انفسكم مجلس تشريعى ماذا ستقولون لله عزوحل يوم الحساب وانتم تاخذون الحوافزوالبدلات . ماذا فعلتم حتى تستحقو الاجر ومن اخذ الاجر حاسبه الله بالعمل .

[sudan]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة