الأخبار
أخبار إقليمية
خبير اقتصادي يدعو لتأهيل وتحديث المصانع الروسية بالبلاد لتساهم في منظومة الإنتاج القومي
خبير اقتصادي يدعو لتأهيل وتحديث المصانع الروسية بالبلاد لتساهم في منظومة الإنتاج القومي
خبير اقتصادي يدعو لتأهيل وتحديث المصانع الروسية بالبلاد لتساهم في منظومة الإنتاج القومي
تصوير عباس عزت


09-16-2014 04:29 PM
الخرطوم (سونا) -دعا الخبير الاقتصادي د. هيثم محمد فتحي لتأهيل وتحديث وتطوير المصانع الروسية التي تم إنشاؤها في البلاد في ستينات وسبعينات القرن الماضي ومن بينها مصنع تجفيف البصل بكسلا ومصنع الكرتون في أروما لتساهم في منظومة الإنتاج القومي.
وطالب سيادته بالدخول في شراكة ذكية مع دولة روسيا الاتحادية باعتبارها دولة ذات وزن وثقل اقتصادي خاصة في مجال التعدين .
وقال هيثم إن الراهن الاقتصادي الذي تمر به البلاد يتطلب الاستفادة من الخبرات الروسية للاستغلال الأمثل للموارد التي تتمتع بها البلاد .
وشدد سيادته على ضرورة تعزيز سبل التعاون بين الدولتين خاصة في قطاعات الإنتاج الحيوي مثل الزراعة والتعدين ومجالات نقل التقانة والمعرفة الجديدة خاصة أن روسيا من الدول التي لها باع طويل في هذا المجال وهى الآن عضو فاعل في تكتل اقتصادي دولي جديد يضم الصين والبرازيل والهند وجنوب إفريقيا.


تعليقات 15 | إهداء 0 | زيارات 3342

التعليقات
#1108193 [ابو محمد]
0.00/5 (0 صوت)

09-17-2014 08:40 PM
يا امير ذكرتني نكتة .ادروب كان كل يوم يمشي يسكر يقبضوه ويجلدوه على ايام النميري .
اول ما قامت ثورة ابريل مشى عباها ( لط ) وجا خاشي النقطة وقال لي التحري :سدل(سجل )
مهمد تاهر اوشيك سكران وكمان شيوئي (شيوعي ).

[ابو محمد]

#1108150 [ابو رهام]
0.00/5 (0 صوت)

09-17-2014 07:23 PM
وبرضو في مصنع الالبان في بابنوسه مصنع بقى مهجور .انحنا عيبنا بنهمل القديم ونسك الجديد المابتلحق وبكلفنا كتير لى قدام . وفي مثل بقول النسى قديمو تاه نرجو الانتباه لقديمنا صحي حاننعب في الاصلاح لكن البعدينا حايرتاحو ويدعو لينا ويتذكرو السويناه ليهم

[ابو رهام]

#1107862 [اخبار اوكامبوا شنوا الايام دي طول ما قال حاجة]
0.00/5 (0 صوت)

09-17-2014 01:24 PM
والله ياهيثم كل ماشوف موضوعك الضحك يشرطني و اشوف صورة المصنع الفي الموضوع الجوع يكتلني و الله انت انقاذي اصيل شكلك من جماعة بكري و عبد الرحيم بتاع انوار الطيارة
انحنا بالله نلقاها من وين عمر و بكري و عبد الرحيم سواقين المركب و الله بعد 100000 سنة متاصلوا لي شي منهم شكلهم بستعملوا صنف و احد الله يكون في عون السودان الرد الرد السد السد بالله اخبار اوكامبوا شنوا الايام دي طول ما قال حاجة

[اخبار اوكامبوا شنوا الايام دي طول ما قال حاجة]

#1107724 [نافع المانافع]
0.00/5 (0 صوت)

09-17-2014 11:37 AM
ده كلام عيال ساكت.حديد المصانع يباع الى ابانوب او الأسعد و يوزعو قيمتو حوافز على ناس الموتمر الوطنى فرع جبرة والواطة نحن دايرينها نبنى فيها فرع للموتر الوطنى بجبرة والماعاجبو يلحس كوعو.

[نافع المانافع]

#1107435 [محمد سعيد]
3.00/5 (2 صوت)

09-17-2014 01:19 AM
الله اكبر، هى لله
الروس كفرة نحن لا نريدهم شوف لينا دولة إسلامية وان تعذر دولة كتابية (نصارى) لأنهم معنا فى كلمة التوحيد

[محمد سعيد]

ردود على محمد سعيد
Sudan [قبورة] 09-17-2014 11:39 AM
لا ، نحن عاوزين دولة شيعية لانكم كرهتونا الإسلام، لو عاجبك

United Arab Emirates [امير] 09-17-2014 11:22 AM
ما تنسى شيوعية ملحدة كمان


#1107423 [اب شلاضيم]
5.00/5 (1 صوت)

09-17-2014 12:45 AM
المنطقة الصناعية بالباقير فيها اكتر من تلاتة الف مصنع متوقفة عن العمل - يعني عطلانة -- ليييه ؟؟؟؟؟

[اب شلاضيم]

#1107394 [العربجي]
0.00/5 (0 صوت)

09-16-2014 11:27 PM
خبير اقتصادي وعندو دكتوراه مقبولة وان كان الرأي مشاتر، لكن في ناس يسمو نفسهم خبير استراتيجي ويكون ماعندو سجم خشمو . زي دة هو البقطع المصارين ويكره الزول شئ اسمو استراتيجية زاتا . واليومين ديل علي التعاسة الضاربة البلد ظهرو خبرا استراتيجيين كتار وهم الواحد لو قالو ليه يعني شنو ما يعرفا. يا اهل السودان اريحونا من العنطسة الفارغة والمقدودة الما بتجيب حق الصاعوط. وخليكم واقعيين هدانا الله واياكم.

[العربجي]

#1107381 [الحازمي]
0.00/5 (0 صوت)

09-16-2014 10:21 PM
بدل تأهيلها بيعوها خردة و حولوا قروشها لماليزيا أو البحرين
خلاص قنعتوا من أوروبا و أمريكا و وجهت شطر الكرملين و بابا بوتين!!!
عشان تآمنوا!!!

[الحازمي]

#1107291 [ملتوف يزيل الكيزان]
5.00/5 (1 صوت)

09-16-2014 07:11 PM
شوف يا سعادة الخبير . الدوله طفشت اي زول بيعرف حاجة في اي حاجة. ثم عملت علي تفريق النظام التعليمي من اي بدايات لانتاج زول نافع في اي حاجة ، مكتفية بنافع فقط. تجيب طيارة وللا وابور بحر او مصنع دهب ما حتلقى الكادر الخبير و مؤهل و اذا وجدت الخبير و مؤهل ما حتلقاهو امين على ما يوضع بين يديه من مال او خلافه. يعني كان داير تعمل حاجة اولا تقوم بالحرث العميق لتربة العمل العام ثم تقوم بحرق كل المخلفات. و بعد ذلك تطهر الارض بما يلزم من مطهرات. عشان نجاست الانقاذ لا تتطهر بمجرد الماء الطاهر.

[ملتوف يزيل الكيزان]

#1107273 [مراقب]
5.00/5 (4 صوت)

09-16-2014 06:38 PM
تأهيل مصانع روسية من الستينات دى بالغت فيها يا خبير الهنا, لانه ببساطة اعادة تأهيلها قد تكون تكلفتها أكثر من تشييد مصانع جديدة, لندرة قطع الغيار التى لم تعد تنتج لقدمها وعدم تداولها تجاريا, لذا يجب اعادة تصنيعها خصيصا للمصانع المغبورة وهنا تقفز التكلفة, زيادة على ذلك حوجتها لاستهلاك طاقة أكثر حسب التقنية القديمة وكل ذلك غير متوفر فى سودان الكيزان, وروسيا نفسها أصبحت فى حيص بيص من الضغوط والمقاطعات الاقتصادية التى فرضتها عليها الدول الغربية لتورطها فى أزمة أوكرانيا.

[مراقب]

#1107268 [ishasis]
5.00/5 (1 صوت)

09-16-2014 06:31 PM
كلام و الله طيب التكتل دا مضيفوا ليس السودا يصبح السودان روسيا البرازيل جنوب افريقيا
بالله مدوا رجولكم قدر لحافكم لعب و الله لعب انت خمير اقتصادي فلسفة و قلت ادب فارقة
دا الله قدرك عليه ياهيثم الخلاء خبير من وين جيت بالخبرة دي
انا كمان من هذا المنطلق ادعوا السودان يتعاون مع امريكا لتطوير برنامجها الفضائي
ومع بريطانيا لتطوير وتعزيز اقتصادها
دكتور عبد الستار الله جابوا عبد النبي خبير سوداني من الخليفة احمد عوج الدرب طريق الخرطوم مدني الاصل شايقي من ام دقرسي

[ishasis]

#1107231 [الغريب]
5.00/5 (1 صوت)

09-16-2014 05:47 PM
هههههههههههههههههههههههههههه

[الغريب]

#1107194 [AburishA]
5.00/5 (6 صوت)

09-16-2014 04:51 PM
الافضل ان تدعو لاسقاط النظام اولا يا د.هيثم.. ومن ثم تدعو لتأهيل وتطوير وتحديث تلك المصانع الواقفة من زمن حفروا البحر...

[AburishA]

#1107183 [zorba]
5.00/5 (4 صوت)

09-16-2014 04:40 PM
جابت ليها هيثم كمان!!!
والمصانع المن الستينات والسبعينات لما كانت روسيا اسمها الاتحاد السوفيتي يجيبوا ليها قطع غيار واسبيرات من وين؟ صحي لعب عيال.

أنتو "الخبير الاقتصادي" بالضبط يعني شنو؟ ... الما عندو شغلة يشتغل تصريحات فارغة؟
قال بصل وكرتون!!! الناس حتاكل وجبة كرتون بالبصل بدون زيت (خالي من الكولسترول)؟

[zorba]

ردود على zorba
Sudan [hassan] 09-16-2014 06:27 PM
شكلو الخبير هيثم عندو مزارع بتاعة بصل

في كسلا وطبعا عارفين انو بصل كسلا ما بيعمر

كتير سرعان ما يبوظ ومصنع الروس كان زمان

ساتر بصل كسلا

وطبعا الكراتين لزوم تعبئة البصل المجفف

خبير انقازي انتهازي

العب غيرها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة