الأخبار
أخبار إقليمية
الشرطة تضبط مصنعاً عشوائياً لإنتاج زيوت غير صالحة
الشرطة تضبط مصنعاً عشوائياً لإنتاج زيوت غير صالحة



شاهد الفيديو الكارثة
09-18-2014 11:18 AM
الخرطوم:ضبطت شرطة حماية المستهلك بالتنسيق مع شرطة محلية الخرطوم- قسم الصحافة مصنعاً عشوائياً لإنتاج زيوت غير صالحة للاستهلاك الآدمي من مخلفات مصانع الزيوت ودون بلاغ في مواجهة صاحب المصنع وتم القبض عليه وتم حجز كل الكميات المنتجة، وأشادت جمعية حماية المستهلك بوزارة الداخلية - إدارة حماية المستهلك وطالبت بدعم الإدارة بالآليات والمعينات لزيادة الرقابة على كل المصانع العشوائية.
وقال الأمين العام لجمعية حماية المستهلك دكتور ياسر ميرغني إنه تمت المداهمة بناءً على معلومة وتم تشكيل فريق مشترك من الشرطة والنيابة إضافة إلى إدارة الصحة بمحلية بحري مؤكدة أنه تم فتح بلاغ تحت المادة ٣١ مواصفات والمادة ٤ الرقابة على الأطعمة.
وجدد ميرغني مطالبة جمعية حماية المستهلك بالقانون القومي لحماية المستهلك والذي يقبع في أدراج إدارة التشريع بوزارة العدل منذ أكثر من ٦ أشهر داعياً وزير مجلس الوزراء أحمد سعد عمر بأهمية تقديم القانون لمجلس الوزراء توطئة لإجازته وتقديمه للبرلمان.
وقال إن التراخي في إصدار القوانين هو ما أغرى هؤلاء الغشاشين لكل هذه الممارسات مطالباً بإنزال أقسى العقوبات على كل منتهك لحقوق المستهلك
ودعا المستهلكين بعدم شراء الزيوت إلا بعد التأكد من الديباجة ومصدر الزيوت وعنوان المصنع كاملاً ورقم التلفون حتى يطمئن على جودة المنتج مشيراً الى وجود غش كثير فى ديباجة الزيوت المعبأة لذلك وجب التدقيق، بل والاتصال بالتلفون المكتوب على الديباجة حال أي شك في مصدر الزيوت.

الجريدة

.


تعليقات 18 | إهداء 0 | زيارات 4136

التعليقات
#1109538 [مالك]
0.00/5 (0 صوت)

09-19-2014 04:21 PM
زي ما قال واحد في الفيديو الملحق كلو تمام

[مالك]

#1109447 [tornado-xy]
0.00/5 (0 صوت)

09-19-2014 01:12 PM
اولا.حسبي الله ونعم الوكيل.
ثانيا.لو كان كوز ما كان حصل ليهو ده...
البلد كلها ماسكنها التجار الكيزان...

[tornado-xy]

#1109363 [ناصح]
0.00/5 (0 صوت)

09-19-2014 11:43 AM
العقوبة المثلى هي إعدامهم بوضعهم في الزيت المغلي في نفس البراميل وفي ميدان عام

[ناصح]

#1109343 [Hisho]
0.00/5 (0 صوت)

09-19-2014 11:12 AM
ياخى ما فيها حاجة .. البراميل بس شوية كدة ولكن من جوة نضيفة يعنى كويسة , بعدين السودان من الدول المنتجة للحبوب الزيتية ولكن بنستور الزيوت من برة .. يعنى الزيوت صديقة السودانيين .. ما بتعمل ليهم حاجة .. بعدين انتو جاكم زول قال ليكم زيتنا دا عمل ليهو حاجة ؟
يا اخوى الماداير زيتنا دا يشترى زيت كريستال نحنا ما جينا لى زول وقلنا ليهو تعال اشترى زيتنا دا ..
الزيت دا كويس وما عندو اى مشكلة ومافى زول شكا منو .. ما تبقو متلقيين حجج وبتاعين مشاكل بلا سبب .. بعدين الزيت دا نحن قاعدين نعبيهو فى جركان نضيف وسمح يعنى لمن تشوف الجركن بتاعو احسن زول يشتريهو جرى .. قاعدين يشيلو كميات ..واقول ليك كمان عندنا زبون بوديهو الاقاليم و وقال الناس هناك ما دايرين اى زيت غيرو وشكروهو وقالو سمح وسعره مناسب ... ما تقعدو تسمعو لى امراض وما امراض ديل ناس ما عندهم شغلة غير قطع ارزاق الناس واى حاجة يعملو ليك منها قصة وفلم هندى ...
بينى وبينك كدة كلام اقولو ليك .. الزول العمل الموضوع دا عندو قريبو عندو مصنع زيت وطبعأ زول ما بخاف الله وزول طماع عايز يربح ارباخ كبيرة على حساب المواطن المسكين دا .. لما شافنا نحن اسعارنا سمحة ومتهاودة زعل .. وجانا هنا مرة وقال انتو خاربين السوق ولازم تزيدو السعر.. ولكن نحنا ناس خايفين الله وقلبنا على المواطن المسكين دا .. قلنا ليهو لا ما بنزيد السعر والربح كدة كويس .. لكن زعل وقال خلاس حا اوريكم.. دا كل الموضوع .
دا زيت محترم ونضيف ما تقعد تعاين للبراميل دى عاين ليهو بعدين فى الجركانة .. وتانى تعال اتكلم

[Hisho]

#1109189 [albrado]
0.00/5 (0 صوت)

09-19-2014 01:27 AM
ما في شئ غريب في عهد الانقاذ موت واحد

من لم يمت برساس الجنجويد يموت برصاص افراد جهاز الامن

ومن لم يمت بالامراض وتردي البيئة يموت بلحم الحمير

ومن لم يمت بلحم القعونجة يموت بالزيوت الفاسدة

ومهما تعددت الاسباب في حضرة الكيزان فال

[albrado]

#1109158 [Mohammed]
0.00/5 (0 صوت)

09-18-2014 11:27 PM
نهر النيل
عاشق السودان
**************

رسالة للشعب السوداني الفضل
___________________________


انتظروا حتى تُمطر السماء عليكم جُنوداً فيحرروكم من الرق والاستعباد وكلوا واشربوا منتجات مسرطنة هنيئاً لكم شعب جبان فمن لم يمت بطلق ناري مات بغيره والدليل امامكم.
الموت يُحيط بكم من كل جانب ولا مفر منه إلآ بالانتفاضة الشعبية لا يوجد حل امامكم غير هذا
فماذا انتم فاعلون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mohammed]

#1108992 [الفاروق]
5.00/5 (2 صوت)

09-18-2014 06:09 PM
لا حول ولا قوة إلا بالله .. أخواني لا بد من التطهير . تطهير المجتمع من الشيء الذي ادخله فينا هؤلاء اللصوص الذين لا ضمير لهم ولا وطنية.. هؤلاء الذين يتظاهرون بالدين وهم أبعد الناس عنه .. أصبح جزء كبير من الشعب السوداني لا هم له إلا الاسترزاق بأي طريقة كانت فلذلك لا بد من تطهير المجتمع من هذه الشرور التي جلبها لنا هؤلاء الذين لا يخافون الله .. ولنبدأ بأنفسنا ثم نتجه لمن هو حولنا ولا نسكت على أي شيء خطأ والساكت عن الحق شيطانا أخرس. ولنقاتل حتى نجتث الفساد بشتى أنواعه ونجتث معه من كانوا السبب ..والله العظيم رأيت بأم عيني بعض الناس يرون الخطأ أمامهم ولا ينطقون ببنت شفة ..
التطهير واجب وطني .. التطهير واجب وطني .. التطهير واجب وطني وفرض عين على كل سوداني وطني .. حريص على نفسه وعلى الشعب السوداني ..
معا ضد عصابة الإنقاذ معا ضد تجار الدين .. معا ضد الفاسدين الذين دمروا السودان وأبادوا أهله معا حتى ننتزعهم من ارض السودان انتزاعا ونسترد سوداننا كما كان سليما معافا.

[الفاروق]

#1108991 [رئيس الجمهورية المرتقب]
0.00/5 (0 صوت)

09-18-2014 06:09 PM
هذه هي الطريقة التي عندما تسأل احدهم كيف عايشين مع الغلاء الفاحش دا وكيف مرتباتكم بتكمل ليكم الشهر فالمرتب ما يكفي اسبوع فيردون عليك وكأن ميكائييل يأتيهم برزق من السماء بأن الله يدبرها يا عالم شغلوا عقولكم وانتم لستم أنبياء او صالحين حتى يدبرها الله هكذا هي تتدبر بهذه الطريقة و بطريقة زبح الحمير وخلط لحومها مع اللحوم إذا وجدت لحوم غيرها ـ يا أخوانا تعالوا ندع دفن الرؤوس في الرمال وننظر لمشالكلنا ونواجهها بشجاعة حتى على الآقل نعرف الحاصل شنو ....

[رئيس الجمهورية المرتقب]

#1108951 [abo obayda]
5.00/5 (2 صوت)

09-18-2014 05:08 PM
شكل البراميل و الخزانات الصديئة ينبيءعن ان هذا المكان ظل يعمل لمدة طويلة من الزمن ، يا ترى كم تسبب هذا الوضع من الأمراض للناس و كم نفس ازهقت بسبب هذا الاهمال ، و أين هو ، في عاصمة البلاد!!
لو كان الامر بيدي لأشعلت نارا تحت هذه البراميل الى ان تغلي و غمست فيها صاحب المكان و العمال و المسؤولين عن حماية المستهلك و وزير الداخلية و عمر البشير
هبوا يا قوم فالوضع لن يصل الى مرحلة اسوأ من هذه ، اخرجوا دافعوا عن انفسكم و وطنكم و لن يصيبكم اكثر من الموت و انتم الآن اموات غير أحياء ، حياتكم مثل حياة العبيد الارقاء او مثل حياة الحيوانات ، تأكلون من مثل هذا مكان و بلادكم بإمكانها تميل العالم بزيوت الطعام ، تمرضون و لا تجدو العلاج ، تأكلون لحوم الحمير و الانعام تصدر الى كل بقاع الارض ، اخرجوا يا بهائم و موتوا من اجل وطنكم و اولادكم.

[abo obayda]

#1108901 [.]
0.00/5 (0 صوت)

09-18-2014 03:48 PM
هذه الزيوت يا جماعة لطبخ لحوم الحمير.

[.]

#1108888 [babo]
0.00/5 (0 صوت)

09-18-2014 03:30 PM
الحكومة نفسها بتعمل أسوأ من هذا العمل فاذا كان رب البيت بالدف ضاربا فما شيمة أهل البيت الا الرقص .. مافي محاسبة صحة الانسان في خطر وصاحب المصنع يتم اعدامه في مكان عام ليكون عظة للآخرين لكن في بلاوي متلتلة بتحصل من الحزب الحاكم وأخير ليهم يتبعوا فقه السترة ..

[babo]

#1108845 [حسن شاش]
5.00/5 (3 صوت)

09-18-2014 02:30 PM
لما تقولوا (زيوت غير صالحة) دا وصف مهذب... قولوا الحقيقة ..دي زيوت سامة ومسرطنة في فيديو الواتساب يتم تسخين الزيوت الراجعة في براميل صدئة وبكميات مهولة

[حسن شاش]

#1108844 [ali algarabandi]
0.00/5 (0 صوت)

09-18-2014 02:28 PM
"شرطة محلية الخرطوم- قسم الصحافة"

"إضافة إلى إدارة الصحة بمحلية بحري"

دي دايرة شرح
إما أن بحري ما فيها شرطة
أو أن الصحافة ما فيها إدارة صحة
أليس كذلك؟

[ali algarabandi]

#1108827 [راجع للوطن]
0.00/5 (0 صوت)

09-18-2014 02:06 PM
شغل نضيف ياسر ميرغنى...المواطن أغلي شىء بعد الوطن يأتى فى >يل القائمة السيد رئيس الجمهورية فى >يل القائمة.

[راجع للوطن]

#1108822 [حسكنيت]
5.00/5 (1 صوت)

09-18-2014 02:02 PM
أتمنى أن تضع الراكوبة الفيديو مع الخبر حتى يرى الناس ماذا يشترون بأموالهم وماذا يأكلون وبماذا يطهون لحم الحمير

[حسكنيت]

#1108756 [تينا]
5.00/5 (2 صوت)

09-18-2014 01:05 PM
ربنا يستر على الناس امس فى التلفزيون شفت البراميل البسخنو فيها الزيوت والمخلفات المقرفة الراجعة دى شيىء مخيف ولا يصدقه العقل ومنتهى القذارة وخاتنها فى حوش ساكت وكاشفة ومنظرها مقزز للغاية ... نان معظم السودانيين اصابهم السرطان والفشل الكلوى من هين ؟؟؟! انعدمت الضمائر لدرجة خيالية الله المستعان ...

[تينا]

#1108670 [mohamd]
5.00/5 (1 صوت)

09-18-2014 11:51 AM
وزير العدل بسهل ليهم وهم ناسو ياخي اسرقو بس ماتسممونا بي طعام فاسد او زيت فاسد

[mohamd]

#1108652 [zorba]
5.00/5 (2 صوت)

09-18-2014 11:43 AM
شرطة المستنكح لحماية المستهلك ... هل يُأتمن الذئب علي الخرفان؟

حكومة دراويش عشوائية
حكومة دراويش عشوائية
حكومة دراويش عشوائية

[zorba]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة