الأخبار
أخبار إقليمية
موظفة ببنك أمدرمان الوطني تسلم عميلا مليار ج بدلا عن مليون جنيه
موظفة ببنك أمدرمان الوطني تسلم عميلا مليار ج بدلا عن مليون جنيه



09-20-2014 02:56 AM
الخرطوم : رابعة أبوحنة
كشف مصدر مطلع عن خطا فادح ارتكبته موظفة لم يتم على تعيينها شهر وذلك باعطائها لعميل مبلغ مليار جنيه بدلا عن مليون ج في بداية هذا الشهر وحينما انتبهت الموظفة لخطها حاولت التحدث مع العميل عبر الهاتف لارجاع المبلغ ووعدها خيرا لكنه لم ياتي وفر هاربا الى القاهرة وبعد ان علمت ادارة البنك بما حدث ابلغت محافظ بنك السودان واحتجزت الموظفة بالسجن واتصلت باسرة العميل وهي اسرة معروفة على حسب راي المصدر والتزمت الاسرة بارجاع المبلغ واعطتهم سيارة العميل كجزء اول وطلبت من ادارة البنك ستر العميل


تعليقات 52 | إهداء 0 | زيارات 16128

التعليقات
#1110741 [موظف]
5.00/5 (1 صوت)

09-21-2014 05:00 AM
يا اخوانا الخطأ وارد مره اتصل علي موظف مواطن اماراتي من بنك دبي الاسلامي وقال لي يالطيب حصل مني خطأ ونزلت مبلغ كبير في حسابك بالخطأ.. قلت له وما المطلوب مني قال لي انا الحين بجيك مكان عملك بس توقع لي لاسترداد المبلغ من حسابك وفعلا اتي الموظف الي مكان عملي ووقعت ليه علي ورقتين ورقه بالسحب واخري بالايداع وشكرني وذهب لمكان عمله لا بنشاف ولا بندري زي ما بقولوا..

[موظف]

#1110696 [الراجل]
0.00/5 (0 صوت)

09-21-2014 02:39 AM
لاحظت اغلب المعلقين على هذا الموضوع من المغتربين والله انا اشفق عليكم كثيرا لانى انا كنت مغترب واعرف كيف يفكر المغترب وهو بعيد عن ما يحدث وحدث للسودان المغتربين اغلبهم غادرو البلد وهى بخير وعاشوا اغلبهم فى دول الخليج وهى دول منظمة منضبطة . اذا فاتت عليكم مرحلة الانقاذ وحكم الاسلاميين وماادراك ما الانقاذ باختصار هنا مافى شى اسمو دولة او وطن واشفق اكثر على المعلقين الذين تهمهم سمعة البلد ويقارن بين الاعلام الذى ابرز راعى السعودية الذى شرف السودانيين وبين الاعلام الذى كشف حرامى الشيك ابو مليار بالقديم او بالجديد كلو واحد .الموضوع ما سمعة بلد المشكلة الحقيقية يجب ان نواجة الواقع ونعمل على معلاجتة . وبصراحة ممكن الموظفة تكون عندها علاقة مع صارف الشيك ومع المدير نفسو وخبر نشر فى الجرايد وخلاص نشوف البعدو. يااخونا انحنا بقينا شعب جعان مفلس غلبان وبنشوف فى حقنا بضيع وبياكلو الحكام الاسلاميين وحاكمننا بالسوط والبندقية عشان كده بقينا نفكر فى الخلاص الفردى والجوع كافر واى زول بقدر يسرق عشان يعيش وياكل بس انا معاه والفاروق عطل احكام الردة فى عام الرمادة ونحن فى سنين الرمادتين ودمتم

[الراجل]

#1110466 [زوول]
1.00/5 (1 صوت)

09-20-2014 06:47 PM
كضابين
بنك امدرمان الوطني مافيه موظفات اناث

[زوول]

ردود على زوول
United States [محجوب عبد المنعم حسن معني] 09-20-2014 11:04 PM
الاخ زوول
تحياتي
شخصياً اتعامل مع كم موظفة من الاناث
ايضاً هناك فرع خاص بالنساء
مع مؤدتي


#1110377 [sky painter]
0.00/5 (0 صوت)

09-20-2014 04:28 PM
هو بنك ام درمان الوطني فيهو بنات؟؟

[sky painter]

#1110351 [ودالجزيره]
5.00/5 (1 صوت)

09-20-2014 03:49 PM
الموضوع فيهو ان..؟؟
المبالغ الكبيره 500 مليون او ملياروما فوق تتطلب اعتماد المدير شخصيا...؟
لابد من تغذيه الخزينه من كبير المراقبين حتى يتمكن الصراف من ادخال المبلغ فى عهدته ومن ثم يتم السحب..؟؟
حسب تحليلى للموضوع ..وفى هذا الزمان الاغبر ربما يكون البنك استخرج مبلغ معين لحهة معينه منظمه خيريه او ماشابه ..ليتم صرفها خارجيا لاناس محددين ..كان ياتى شخص وهو يحمل ورقه من الوزير الفلانى مكتوب بها المبلغ الواجب صرفه لحامل الورقه .لشراء خروف الضحيه مثلا ..ولكن المسئول بدل ان يكتب الف جنيه وهو يعادل مليون بالقديم .قام كتب مليون جنيه ..وتعاملت معه الموظفه باعتبار ان مليون جنيه بالجديد يعنى مليار بالقديم .والله اعلم

[ودالجزيره]

#1110335 [حلفانكيل]
0.00/5 (0 صوت)

09-20-2014 03:22 PM
عدم الموضوع في حد زاتو موضوع

الكلام غير منطقى ولايستخدم مبلغ اسمه مليار بالجديد العميل طلب مليون بالجديد والموظفة سلمته مليار جنيه بالقديم يعنى هو المبلغ نفسوو المطلوب ولا يوجد خطا وما تعملوا لينا شوشرة ساى باخبار فاضية وخلونا نركز في ثورتنا .

وبليون بالقديم يعنى مليار جنيه سودانى جديد ولايوجد بالفرع هذا المبلغ
واذا سلمته مليار بالقديم هذا طبيعى لانه طلب مليون جنيه بالجديد ولايوجد خطاء
وليس من المنطق ان يطلب في الشيك الف جنيه جديد وتعطيه مليار لانه لايوجد علاقة ما بين الاف والمليار .

[حلفانكيل]

#1110296 [تينا]
2.00/5 (1 صوت)

09-20-2014 02:36 PM
صدق يا (((محجوب معنى))) اخوى انا فى اجازتى دى حسى كل ما اطلع انا فى حالة سؤال عن القروش دى شنو ودى كم لدرجة ناس بيتنا بقوا يوصونى يقولوا لى ما تظهرى الحكاية دى فيطمع فيك الطامعين من التجار واصحاب المواصلات ويعرفوك جايه البلد جديدة ويفتكروك جايه بشيىء وشويات ههههههههه ويغدروا بيك ... وصدق مشيت السوق اشتريت غرض ولما بحسب فى القروش لدفع التمن لصاحب المحل كان بعاين لى اشيل واحسب شيىء كتير استغرب ولما اديتو المبلغ طلع ضعف التمن بس الحمد لله طلع زول امين ورجع لى الزيادة وكنت حاتسوح لانو المبلغ كبير ... شدة ما استغربت انو القى لى تاجر لسه محافظ على امانتو فى سودانا الشايفنو دا لما بقيت اقول ليهو اشكرك على امانتك واكرر فيها ... صحى الذنب ذنب المجرمين البغيروا فى العملة الصباح الصباح ... تحياتى ...

[تينا]

ردود على تينا
[AburishA] 09-21-2014 01:53 AM
لك التحية اختنا تينا وحمد لله على سلامة وصولك ضل الراكوبة..
فعلا الانسان لمن يجي السودان من بره والله بتلخبط في الحساب وفي العملة نفسها ايضا وببقي الواحد فينا زي عوير عوير كده.. من الصعوبات التي تواجهني و تواجه الكثيرين.. لو الواحد جاء من السعودية مثلا.. بقول (الشيء) ده بكم ريا ل!!!!
ومن امريكا..بكم دولار او يسأل بالانجليزي how much ..وناس الامارات بكم درهم.. وكذلك يتم ودون شعور وبدون قصد ادخال لغة اهل البلد التي حضرت منها وبالذات لو غربتك طالت.. بكم هادي وايش تبي..و WOW و do my God
خالص التقدير..

United States [محجوب عبد المنعم حسن معني] 09-20-2014 11:10 PM
الاخت الكريمة تينا
تحياتي اختي العزيزة
حمد لله على السلامة، انا كمان كنت في اجازة طويلة، وسبحان الله كنته دايماً حائم في منطقتكم.
والله جد حاجة تحير حكاية القروش في السودان.
برجع ليك برواقة ان شاء الله.
تحياتي للاسرة الكريمة وحمدلله على السلامة مرة اخرى


#1110287 [المتغرب الأبدي]
5.00/5 (1 صوت)

09-20-2014 02:23 PM
ما هذه التناقضات ؟؟ بالأمس قرأنا خبراً تناقلته معظم الصحف السعودية يحكي عن مواطن سوداني بالمملكة يعثر في الطريق العام على مبلغ مالي كبير .. فيقوم بتسليمه إلى الشرطة .. وتكافئه الشرطة بشيك مالي وبشهادة شكر .. واليوم هذا الخبر المشئوم ؟؟

لماذا يجاهد السودانيون المغتربون لحفظ سمعة السودان والدفاع عنها بكل غالي ورخيص بينما نجد من بالداخل يتفننون في تشويهها بكل ما في وسعهم ؟؟ بعضهم يبيع لحوم حمير والبعض الآخر يبيع زيوت طعام تحمل إليهم مختلف أنواع السرطانات وبعض السياسيين يلغفون المليارات من المال العام وغيرها ؟؟

[المتغرب الأبدي]

ردود على المتغرب الأبدي
[الضكران] 09-21-2014 12:21 PM
والله صدقت يا المغترب الابدي ده نحنا لسه شايلين جوانا الطرادة والتعريفة والفريني وابو قرشين والله زمان !!!!

United Arab Emirates [julgam] 09-20-2014 04:31 PM
السبب أن المغتربين ديل ناس الزمن الجميل ..هم زى أهل الكهف بقوا على حالهم وعفتهم وورقهم ،ولكن الدنيا اتغيرت والسودان اتغير،تعال هسع شوف الكيزان فكوا فى الغربه شنو...


#1110230 [الرمدان كر]
0.00/5 (0 صوت)

09-20-2014 01:36 PM
ابو الزفت دي زي وزير المالية صاحب القصر


اهله جياع في عد الفرسان هو عنده اربع قصور

شركة كمان في نيجيريا

[الرمدان كر]

#1110197 [ود الدكيم]
2.00/5 (1 صوت)

09-20-2014 01:03 PM
شيء لا يستغرب من أبناء أثرياء الكرور والملاقيط الملافيظ الذين صاروا موسرين من المال المنهوب في غفلة من الزمان أخخخخخخخخخخخخخ تفففففو

[ود الدكيم]

#1110195 [OSAMA]
2.00/5 (1 صوت)

09-20-2014 01:02 PM
الخطأعادي جداً حصلت معي في المملكة العربية السعودية جده
م تكبروا الموضوع وتدوه اكبر من حجمه
بس الما عادي انو العميل م يرد المبلغ !!!

[OSAMA]

#1110188 [جركان فاضى]
0.00/5 (0 صوت)

09-20-2014 12:56 PM
الغبيانة

[جركان فاضى]

#1110178 [AburishA]
3.00/5 (2 صوت)

09-20-2014 12:44 PM
هيع هيع هيع هااااع... هو ياجماعة المليار ده فيهو كم "ألف" !!!
الموظفة ما غلطانة لانه ما موضع الدفع بالقديم ولا بالجديد !!!

[AburishA]

#1110170 [محاسب طفش مهاجر]
0.00/5 (0 صوت)

09-20-2014 12:37 PM
تطردو المهرة وتخلو السفه عشان تلحسو وراهم بقيتو خبره في الخطط الاستراتيجية الفسادية

[محاسب طفش مهاجر]

#1110167 [قيردون]
0.00/5 (0 صوت)

09-20-2014 12:34 PM
شي عجيب.. هي المليارات دي كتيرة كده في السودان عشان تكون موجوده كم مليار منها في كابينة صرافة خبرتها شهر واحد!!..؟ شيك بمبلغ زي كده يا عالم استحالة استلامها من صرّاف الدفع مباشرة.. وبالله عليكم شوفوا لينا كلام غير ده..فتّكم بعافية.

[قيردون]

ردود على قيردون
[السايس] 09-20-2014 03:12 PM
يا قيردون - لا تتستغرب - والقروش فى السودان أصبحت لاقيمة لها مثل عملة زمبابوى - قبل يومين كنت حاضرا لمبايعة عملة أمام فندق شهرذاد بالخرطوم - واحد أعطى تاجر عملة شيك مصدق على أحد بنوك أبوظبى بمبلغ 330 ألف دولار - وفى نفس اللحظة أعطاه تاجر العملة شيك بمبلع 3 مليون جنبه ( 3 مليار بالقديم ) مسحوب على أحد فروع البنوك بالسجانة - وقال ليه روح أصرف قروشك و أن قاعد هنا منتظرك - وبعد حوالى ساعتين رجع الراجل وشكر تاجر العمله و قال ليه - خلاص أستلمنا - والسؤال هو - كم مليارا يملكه تاجر العملة هذا ؟؟ و ياهو ده السودان .


#1110166 [سالم السالم]
0.00/5 (0 صوت)

09-20-2014 12:34 PM
يا اخوانا كلنا بنتعامل مع البنوك ..مافي مليار بينصرف بالسهولة دي
القصة دي مفبركة لصرف الأنظار عن قضية معينة ..وكمان عشان يقولو حتى المواطنين بيسرقو
انا شامي ريحة علي محموووووود ....

[سالم السالم]

#1110155 [عصمتووف]
4.00/5 (1 صوت)

09-20-2014 12:23 PM
لوكان اخي او ابني لتبرات منه وطردتة شر طرده من البيت كل ولا الحرام كل ولا حق الناس كل ولا ضرر شخص وكل ولا حب وعبادة المال كيف اثق في هذا في مالي وعرضي وبناتي وابنائي في النهاية العيب في رب الاسرة واقول له يعيش المربي
ي وي حليل زمن الهنباتة واللصوص الشرفاء الذين لا يسرقون النساء ولا يخطفون حقائبهم الشخصية والله لو كان ابني او اخي لطردتة وتبرات منه
الله يخرب بيتك ي البشير وبيت جيرانك وال10 مليون عضو حرامي
* ي ناس زمان كنا لو لقينا تعريفة نسال من الاب او الام جبتها من وين لقيتها في الشارع رجعها محل ما ليتها سرقتها توضع علي النار ومن تضع عاي بطن الكف وبعدها كف وشلوت كانت الرقابة متشدده علي غالبية جيلنا الاب الان يشاركك الجريمة ويصفك بالنجيض والمدردح والشيطان
*المسئول الاول ادارة البنك ** اي موظف جديد خاصة في مجال الصرف لا بد من وضع موظف قديم معة *** من منا لا يخطئ كلنا في بداية عملنا كنا تحت اشراف مباشر من موظف قديم للتوجية ومعالجة الاخطاء في وقتها ووبث الثقة فيك الايام والشهور الاول مربكة لكل شخص

[عصمتووف]

#1110151 [salome]
5.00/5 (1 صوت)

09-20-2014 12:20 PM
شئ غريب يشكك الانسان لان فى نظام البنكى لا توجد مبلغ بهذا الضخامة فى اى كونتر الصرافين بل فهذا يتم صرفه عبر الخزنة الفرع بمراجع مدير الفرع و امين الخزينة ثم يتم استخراج ازن صرف من الخزينة ( تريجرى باسم الصراف ) ليتم قيده ضمن مدفوعات اليوم وهذا مانعرفه 10 سنوات خبرة بالبنك

[salome]

#1110147 [عصمتووف]
0.00/5 (0 صوت)

09-20-2014 12:18 PM
لوكان اخي او ابني لتبرات منه وطردتة شر طرده من البيت كل ولا الحرام كل ولا حق الناس كل ولا ضرر شخص وكل ولا حب وعبادة المال كيف اثق في هذا في مالي وعرضي وبناتي وابنائي في النهاية العيب في رب الاسرة واقول له يعيش المربي

ي حليلك ي الراعي وي حليل زمن الهنباتة واللصوص الشرفاء الذين لا يسرقون النساء ولا يخطفون حقائبهم الشخصية والله لو كان ابني او اخي لطردتة وتبرات منه
الله يخرب بيتك ي البشير وبيت جيرانك وال10 مليون عضو حرامي
* ي ناس زمان كنا لو لقينا تعريفة نسال من الاب او الام جبتها من وين لقيتها في الشارع رجعها محل ما ليتها سرقتها توضع علي النار ومن تضع عاي بطن الكف وبعدها كف وشلوت كانت الرقابة متشدده علي غالبية جيلنا الاب الان يشاركك الجريمة ويصفك بالنجيض والمدردح والشيطان

[عصمتووف]

#1110136 [عصمتووف]
5.00/5 (1 صوت)

09-20-2014 12:08 PM
التحول من دينار الي جنية ومن الف الي مليون الي مليار والجنية يشبة 2 جنيه كلها اشياء من الصعب تميزها مع الضغوط احيانا انا لا افرز الخطا الثاني من البنك صرافة لها شهر يفترض ان يكون معها صراف قديم في المهنة لان اي شخص جديد يرتبك في موقعة وهو ما تعلمناها في بداية جحياتنا المهنية ما بالكم بشخص يتعامل من المليون الي المليارات ** ومادخل بنك السودان في عمل مهني العرف كان قديما بمثل اذا فرغت خزينة زملاء الصراف يتبرعون حتي تلفق الحزينة عدا السرقة تاكل نارك فيها *** علي البنك مواصلة الاجراءات ضد هذا الزبون وجلبة بالانتربول مش لو مش القاهرة بل اذا دخل بطن امة يجب التشهير به خاصة الولاد الاسرلانة متعمد وعرف الخطا ولا فكر في مصير البنت ي حليلك ي الراعي وي حليل زمن الهنباتة واللصوص الشرفاء الذين لا يسرقون النساء ولا يخطفون حقائبهم الشخصية
الله يخرب بيتك ي البشير وبيت جيرانك وال10 مليون عضو حرامي

[عصمتووف]

#1110125 [عصمتووف]
0.00/5 (0 صوت)

09-20-2014 12:02 PM
التحول من دينار الي جنية ومن الف الي مليون الي مليار والجنية يشبة 2 جنيه كلها اشياء من الصعب تميزها مع الضغوط احيانا انا لا افرز الخطا الثاني من البنك صرافة لها شهر يفترض ان يكون معها صراف قديم في المهنة لان اي شخص جديد يرتبك في موقعة وهو ما تعلمناها في بداية جحياتنا المهنية ما بالكم بشخص يتعامل من المليون الي المليارات ** ومادخل بنك السودان في عمل مهني العرف كان قديما بمثل اذا فرغت خزينة زملاء الصراف يتبرعون حتي تلفق الحزينة عدا السرقة تاكل نارك فيها *** علي البنك مواصلة الاجراءات ضد هذا الزبون وجلبة بالانتربول مش لو مش القاهرة بل اذا دخل بطن امة يجب التشهير به خاصة الولاد الاسرلانة متعمد وعرف الخطا ولا فكر في مصير البنت ي حليلك ي الراعي

[عصمتووف]

#1110118 [ابووليد]
4.00/5 (1 صوت)

09-20-2014 11:55 AM
المشكلة حتى مسئولي الدولة . لازالوا يستخدمون القيمة القديمة للجنيه .وخصوصا لمن يكون عايز يكبر الكوم .مثلا مردود الجمارك. او ويزانية الولاية .المفروض بنك السودان والمالية يمنع حتي التصريح بالقيمة القديمة للجنيه. ده دليل للربكة والتخبط في البلد العماة المتداولة ليها قيمتين . !!

[ابووليد]

#1110115 [ماجد]
0.00/5 (0 صوت)

09-20-2014 11:55 AM
قلبي مع الموظفة المسكينة لم تفرح كثيرا بوظيفتها الجديدة

انا برضو بتلخبط لمن اسمع انو سرقات المسؤولين بالمليار بحس انو المليار دا اقل فئة في العملة

[ماجد]

#1110113 [أيام لها إيقاع]
1.00/5 (1 صوت)

09-20-2014 11:52 AM
دة بسبب الغباء ،، العملة تم تغييرها قبل ما يقارب عشرة سنوات و حتى الآن الناس الأغبياء يقولون بالقديم وبالجديد ،، شعب متخلف الله يقرف يومهم

[أيام لها إيقاع]

#1110095 [نزار]
5.00/5 (1 صوت)

09-20-2014 11:37 AM
ده كله نتاج عدم التاهيل وان الناس يوظفوهم بى الواسطه دى تكون من الموتمر البطنى لانو بنك ام درمان ده مابعيونك الا تكون كوز او جايبك كوز وبعرف واحد خريج شريعه وقانون وشغال فى البنك شؤون الموظفين دى هى ماعارفه المليار فيهو كم صفر وفى ناس مؤهلين وعارفين المليار فيهو كم ويعد الميزانيه وقاعد عاطل بسياسات التمكين ده الحاصل فى بلدنا

[نزار]

#1110094 [ود الدلنج]
5.00/5 (2 صوت)

09-20-2014 11:37 AM
لا يلام من كتب الشيك ولا من استلم المبلغ ولا الموظفة المسكينة .اللوم يقع على وزارة المالية وبنك السودان وحكومة البشكير لأنهم حاولوا خداعنا وخداع الدنيا كلها أن للجنيه قيمةأعلى بألف في المائة من قيمته الحالية والحقيقية ماال الناس إلى اللحظة يسألون عند أي تعامل ( بالقديم ولا الجديد ) مسألة لم تحدث في أي مكان في العالم إلا عندنا في السودان وعكرالبشكير نفسه عندمايريد تكثير أي مبلغ يقوله بالقديم (ضرب ألف) بالقديم ،وإن أراد تقليله يقسمه على ألف بالجديد يعني لعب على العقول .
العمل من أسة معروفة ( أسرة منومن الحرامية)لوما كانوا حرامية ليه ما رجعوا المبلغ إنكانوا هم أصحاب الحساب أم أي شخص آخر

[ود الدلنج]

#1110065 [مدثر ود الشرق]
5.00/5 (1 صوت)

09-20-2014 11:16 AM
الموضوع ما ظابط اكيد الموظفه واخرون في البنك قاصدين لانو بطريقة حسابية عشان يستلم المبلغ كاش عاوز ليهو 200 بندل فئة اكبر عملة وهي 50 جنيه دا ح يكون عاو ليهو كيس كبير ومستحيل خزنة صراف يكون فيها المبلغ دا واهل حساب العميل متوفر فيهو مليار الموضوع فيهو إن

[مدثر ود الشرق]

#1110060 [أبو أمين]
5.00/5 (3 صوت)

09-20-2014 11:13 AM
في ما نعلم أن الأنظمة البنكية تقتضي أن تتم مراجعة والتدقيق على الشيكات التي يسحب خلالها مبالغ كبيرة من أكثر من مسؤول... الشيكات الكبيرة مثل هذه لابد لها من إعتماد مدير الفرع شخصياً ... التدقيق يشمل المبلغ والتوقيع والتحقق من الشخصية وكافة المعلومات ... لذلك لم أفهم قصة أن يترك صرف مثل هذا المبلغ لموظفة واحدة غض النظر عن كونها جديدة أم قديمة

[أبو أمين]

#1110058 [روز]
4.75/5 (5 صوت)

09-20-2014 11:12 AM
حصلت معى نفس القصة مع بنك امدرمان الوطنى فرع السجانة وكان ايضا بعد اضافة اصفار للعملة السودانية اذ استلمت خمسة مليون بدلا عن خمسمائةالف جنيه ..وعندما اكتشفت بعد وصولى للبيت رجعت فورا لانقاذ موظفة مسكينة لم تكن منتبهة ووجدت حالتها تحنن لان المبلغ كان سيخصم منها وتحرم من راتبها لمدة خمسة اشهر ...تبا لك ايها الحرامى الهارب

[روز]

#1110052 [Awad]
4.75/5 (5 صوت)

09-20-2014 11:09 AM
للأسف هذا العميل قد تاثر بمن يحكمون البلد. أنا حدثت لى قصة من هذا النوع فى المملكة العربية السعودية فى البنك الأهلى التجارى أيام كان يشغل الأجانب فيه ففى يوم توجهت للصراف وأسمه سامى وهو مصرى الجنسية وأعطيته شيك بأسمى بمبلغ 30 ألف رىال فصرف لى عن طريق الخطأ مبلغ 300ألف رىال ووضعها لى فى كيس فتنحيت جانبا مفسحا لعميل آخر فبدأت أعد الفلوس فأول رطة كانت 50 ألف رىال فلم أعد الباقى فنقرت على الزجاج الفاصل بين العميل والصراف ورميت له بكامل الفلوس وقلت له أرجع للشيك وشوف المبلغ كم فرجع للشيك وصرخ بأعلى صوته أنت أبن حلال فتنبه العملاء ومدير العمليات لصراخه وكلم مدير العمليات بالقصة وشكرنى وكل الموجودون شكرونى وطلب منى مدير العمليات أن يكافئنى على ذلك فرفضت وقلت له نحن قد تربينا على الحلال والى الآن لا يسمح لى بالأنتظار فى البنك بل أعامل معاملة كبار العملاء وهذا ديدن كل السودانيين خارج الوطن ألا من شذ عن القاعدة نسأل الله لهم الهداية.

[Awad]

#1110051 [Abu Ammar]
0.00/5 (0 صوت)

09-20-2014 11:07 AM
بصراجة عملتنا فى عهد التوجه الحضارى حيرتنا منذ تحول طيب الذكر الجنيه السودانى الى دينار حيث يساوى الدينار عشرة حنيهات قديمة و رجع الى جنيه و بقدرة قادر تحول الجنيه الى الف جنيه و بصراحة الموظفة معها كل الحق فى الخلط بين المليون و المليار فى طل الخرمجة المالية والاسماء والارقام المتداوله للعملة السودانيه فى ظل اقتصاد منهار نعاه كبير اقتصادى الانقاذ فى مقابلة تلفزيونيه ووصفه بالافلاس.. ومعظم المهاجرين من السودان لا يميزون بين الجديد و القديم فى حسابات عمله الافلاس... شنو الناس قايمة وقاعدة ضد الموظفة الجديدة رغم علمها ان المليار السودانى ماهو الا ورق مطبوع دون رصيد حر كما صرح بذلك خبراء اقتصاد المؤتمر الوطنى....

خبر بيت الوزير و حق السمسار و امام المسجد صاحب الشان كيف؟
*كمان قالوا الزبون الهارب من اسرة كبيرة.. متين ايد الغبش تمتد تتش عين الظلام بالضو

[Abu Ammar]

#1110045 [ali]
3.50/5 (3 صوت)

09-20-2014 11:02 AM
اغرب مافي الموضوع ان بنك ام درمان الوطني مافيه موظفات كل العاملين فيه رجال كده اولا اكدوا لينا المعلومة هذه بعدها صحة الخبر

[ali]

ردود على ali
Sudan [بت الخرطوم] 09-20-2014 02:05 PM
يوجد فرع خاص بالموظفات يسمى بنت خويلد وهذا الحرامى أبن الأسرة المعروفة ( ما عارفة معروفة بشنو الامانة ؟ أكيد لا ) صرف شيكه من فرع بنت خويلد اما الموظفة الجديدة دا نتيجة تعينات الواسطة النافذة فهذا البنك ما شغال بالشهادات والكفاءة بقدر ما شغال بمن أنت أبن من أو بنت من الكيزان والضباط الكيزان


#1110040 [::: بــيـكو:::]
5.00/5 (6 صوت)

09-20-2014 10:57 AM
ده كلام فارغ مافي مليار بتصرف بالسهولة دي
الموظفة بتاعة الكاونتر مابتقدر تصرف مبلغ زي ده إلا ترجع لمدير الفرع يختم ويمضي ليها وقبل داك مدير الفرع دخل حساب العميل وجساهو....

[::: بــيـكو:::]

#1110030 [احمد محمد]
0.00/5 (0 صوت)

09-20-2014 10:47 AM
هو فى الاصل البنت دى اتوظفت كيف ماقلوا الوظائف اللا فى لجنة الاختيار اكيد بى واسطه وعشان كداء مابنلومها غلطان العينها لان تعينها فى الاصل هو خرغ لقانون مدخل الخدمه ولاسمعنا يوم قط خلال الفترة السابقه باعلان وظائف ببنك امدرمان دا بعنى ليناء ان الوظائف مازل لها ناساء البشغلوهم بتحت الطربيزه
وشكرا
كان الله فى عون الشعب والخريجيين الشباب العاطليين ودا نموزج من الاف الملايين لمثل هذا

[احمد محمد]

ردود على احمد محمد
Australia [احمد محمد] 09-20-2014 08:28 PM
يا أخونا سلام .. ياخى انت ما لقيت ليك اسم تدخل بيهو الراكوبة غير اسمى ده ؟؟ بعدين ياناس الادارة والادمن كيف تدخلوا شخصين بايم واحد والمسألة مسجلة عندكم من زمان بالبريد الاليكترونى .. ارجو فض هذا الاشتباك واخطار الوافد الحديث بتغيير اسم الشهرة الذى يدخل به الراكوبة واعطاء الحق لاقدمية استخام الاسم فى الراكوبة... ولا انا غلطان ؟؟؟


#1110023 [انس قسم الله]
0.00/5 (0 صوت)

09-20-2014 10:44 AM
المفروض ان موظف البنك يكون له حد معين لصرف الشيك وعندما يتخطي الحد يكون بواسطة كبير الصرافين ذي كل بلاد الدنيا

[انس قسم الله]

#1110013 [الخير عز]
4.25/5 (3 صوت)

09-20-2014 10:37 AM
حصلت لى قصة طريفة عند اللخبطة الحاصلة فى التسميات دينار جنيه مرة الف مرة جنية
وانا فى احدى الاجازات دلفت عند اصحاب الكفتيريات قرب حديقة القرشى ومعى اولادى فى او حضور لهم للسودان وبعد ان جهز لنا المطلوب سألته كم الحساب فذكر مبلغ 160000 وادخلت يدى وبدأت اناوله ورقة تلو الاخرى من فئة ال100000 وعندما وصلت للورقة العاشرة انفجر ضاحكا باعلى صوته هاها هاى وقال ( علينا نحن دى الكمرة الخفية على منو دا)

[الخير عز]

ردود على الخير عز
[::: بــيـكو:::] 09-20-2014 11:48 AM
في زول فاهم حاجة؟


#1110007 [A. Rahman]
4.82/5 (5 صوت)

09-20-2014 10:35 AM
"طلبت من ادارة البنك ستر العميل"، دا شغل بنوك و اللا شغل مشاطات؟ بعدين هذا العميل لص و ستين لص يسترون عشان شنو؟ و دا يوريك نوع رجال الاعمال الذين يتحكمون بمصادر البشر. دا مفروض تكتبوا اسمه و اسم عائلته و اسم امه كمان مع ان نوع هذا العميل لا أظنه يحفل بعائلته او أهله او حتى امه.

[A. Rahman]

ردود على A. Rahman
Qatar [sasa] 09-20-2014 11:13 AM
اكيد واكيد من الاسر الداعمة للنظام ( وكل اسرة راسمالية تدعم اى نظام طالما يحقق لها ماتريد)

هل لوكان شماسى سرق حذاء من عند اى مسجد هل يترك وشأنه ام يجلد مع السجن لمدة شهر!!!!


الله ينتقم من الالغاز كبيرا وصفيرا وجنينا فى الارحام دنيا واخرة


#1109980 [محمد دفع الله يوسف]
3.50/5 (2 صوت)

09-20-2014 10:13 AM
ما طلع امين مالو ذي الراعي السوداني

[محمد دفع الله يوسف]

#1109959 [صابر مصبر]
4.63/5 (4 صوت)

09-20-2014 09:59 AM
صحي اذا اخطاء الضعيق اقامو عليه القانون وإذا سرق الغني افسحو له المجال وتسترو عليه الخطاء وارد خصوصا@ في عملتنا

[صابر مصبر]

ردود على صابر مصبر
Saudi Arabia [ali murtey] 09-20-2014 11:36 AM
فى العمل المصرفى يجب على ادارة البنك دخول الموظف الجديد فى كورس تدريبى مكثف فى الصرافة وبعد اجتياز الاختبار يراقب عملها بواسطة المشرف على الحزينة ومراقب الفرع المصرفى وبما ان العمليات المصرفية اصبخت الية كان من المفترض اكتشاف خطأ الموظفة قبل مغادرة العميل للصالة هذا اذا توافرت فى البنك عمليات التدقيق الالكترونى المعمول بها فى البنوك المتحضرة واذا كان المبلغ النقدى المدفوع للعميل كبير يفرغ لة على الاقل صرافين فى غرفة منفصلة مع وجود الة عد النقود لاختساب المبلغ بدقة وافادة الحزينة الرئيسية باستلام المبلغ الصحيح بمستند معروف لدى المصرفيين ارى ان المسؤلية تقع على ادرة البنك التى لم تراعى القواعد المصرفية فى هذة الحالة و تتحمل نتائج اهمالها وقد يعود ذلك لتصفية الكوادر المصرفية خلال العوام الماضية واحلالهم بكوادر لا تعلم شيئا بقواعد العمل المصرفى


#1109956 [جارسيفو]
4.88/5 (4 صوت)

09-20-2014 09:58 AM
حدث في ولاية سنار مدينة سنجة السوق الشعبي هنالك مواطن يمتلك اربعة دكاكين بموجب شهادات بحث وكذلك اوراق المحلية تم اخطار المواطن بان هنالك شارع داخل السوق والمصلحة العامة تقتضي نزع دكانين من الدكاكين الاربعة ويتم تعويضه في موقع اخر من السوق وافق المواطن المغلوب علي امره وتم تعويضه بدكانين في موقع اخر وبعد فترة من الزمن تفاجاءة المواطن بان دكاكينه التي نزعة للمصلحة العامة تباع لشخص اخر ويقوم الشخص بحفر القواعد من اجل البناء لان هذه الدكاكين في موقع مميز والدكان يساوي حوالي سبعون الف جنيه يعني بالقديم سبعون مليون جنيه للدكان الواحد والدكاكين التي تم تعوض المواطن بها لا تساوي عشرون الف للواد عشرون مليون سابقا ارجو ان تلاحظوا حجم الفساد الذي ضرب السودان وحتى الاقاليم ما الذي يميز مواطن علي مواطن حتى يتم نزع دكاكينه بحجة المصلحة العامة واعطائها لشخص اين تكمن المصلحة العامة ما هذا الظلم وما هذا الفساد وما هذا العفن يا الانقاذ لا يضيع حق ورائه مطالب والامور وضحت وتباينت الصفوف وهذه القضية سوف تطال رؤوس كبيرة والحق ابلج والباطل لجلج وساحات المحاكم هي الفيصل ان كان هنالك محاكم وعدالة في عهد الانقاذ وربنا مع الحق

[جارسيفو]

ردود على جارسيفو
United Kingdom [مغبونه] 09-20-2014 02:00 PM
ظلم ما بعده ظلم

اتمنى ان يكون صاحب الدكان الاصلى لا زال يحتفظ بخطاب المحليه الذى يخبره بانشاء الشارع ومن ثم فتح بلاغ رسمى فى مواجهة المحليه بدون تأخير وعدم قبول اى مساومه بل اعادة الدكاكين له
اذا تم تصعيد الامر نتمنى ان تكتبوا التفاصيل فى الراكوبه وثق بأن هناك الكثيرين الذين سيتقدمون للمساعده


#1109945 [غاندي]
2.96/5 (7 صوت)

09-20-2014 09:49 AM
الكل تحدث عن الموظفة وتناسوا العميل

اين الامانة ؟؟

لماذا لم يعد العميل المبلغ وهل كل شئ اصبح مستباح او حلال ؟؟

موظفة مسكينة تجاهد للقمة عيشها وخطأ طبيعي .. والبنك عليه ان يشرع في اعادة امواله ... الموظفة الجديدة يجب ان يكون عملها مراجع ومدقق حتى تكون مؤهلة لتمارسه وهذه المبالغ الكبيرة كان يجب ان تلفت نظر مدير العمليات في توقيتها لانها ان كانت امينة خزنة لا اعتقد ان هذا المبلغ برمته سيكون معها .. واكيد طلبته من الخزنة الكبيرة اذن الخطأ مشترك ويتحمله كامل الطاقم الاداري وقتها ...

[غاندي]

ردود على غاندي
Spain [حكم] 09-20-2014 11:07 AM
اوافقك الرأى اخى الكريم

عادى انه الموظف يخطىء حتى لو ما كان جديد ، نسبة لضغوطات العمل مثلا ، فالخطأ فى الفئات وارد جداً

بعض البنوك بيكون عندها صندوق لسد الأخطاء .. فى الزمن الجميل كان هناك بعض العملاء بيقوموا بدور تغطية اخطاء الموظفين ، والله العطيم كانوا يتسابقوا على ذلك (زمن الثقة فى الموظف)
برضو فى الزمن الجميل ، كان العميل المستلم للمال الزائد بيرجعه بكل اريحية ، وكان عادى جدا ومن غير اى شوشرة (حدث زى دا بيكون موضوع بين الموظفين يومين تلاتة وينتهى)


#1109937 [مشكاح]
5.00/5 (2 صوت)

09-20-2014 09:42 AM
هذا الامر ليس مسئوله عنه الموظفه المسكينه فحسب اذا كان عمل البنك منضبطا وحسب الاجراءات البنكيه المتبعه ، لكن يبدو ان الامور اصبحت ملخبطه كلخبطة الحكومه مع الاحزاب والوطن.

[مشكاح]

#1109933 [دجانقو]
5.00/5 (3 صوت)

09-20-2014 09:37 AM
الخبر به الكثير من الشكوك - فصرف شيك باقل مبلغ فيه من الاجراءات والمراجعات اكثر من شخص - غيير ناس الخزنة وقفل الحسابات نهاية اليوم - كيف مليار تتصرف والموظفة تكتشف الخطاء وتتصل بالراجل والراجل يسافر مصر وبعد اسبوع كدا البنك يتحرك - دا بنك ولا عدة الجمعية!!!؟

[دجانقو]

#1109897 [الولايات المتحدة السودانية]
4.75/5 (4 صوت)

09-20-2014 08:47 AM
نطالب أبو ريالة بأن يطور نظرية الدفاع بالنظر (النظرية العالمية ) على شكل تطبيق يسمى الحساب بالنظر !!! وكما هو معلوم فان نظرية الدفاع بالنظر قابلة للتطبيق في مجالات عدة ..

[الولايات المتحدة السودانية]

#1109890 [المستعرب الخلوى]
2.95/5 (9 صوت)

09-20-2014 08:29 AM
الموظفة المسكينة غلطت فى مليار واحد ولكن ماذا تم فى موضوع المتحللين من المليارات فى مكتب السيد الوالى الدكتور عبدالرحمن الخضر قدّس الله سره ؟؟

[المستعرب الخلوى]

#1109888 [مجروس ش ق م]
3.82/5 (10 صوت)

09-20-2014 08:28 AM
طيب ماذا عن سرقت الحكومة لمال المواطنين .انا خرجت من السودان عام 96 في ظروف استثنائية ولم اعد اﻻ في شهر 8/ 2014 وكان لي حساب في بنك الخرطوم فرع الثورة بالنص وبه مبلغ مليون ومئتان وخمسون الف جنية بالقديم وكان هذا المبلغ يساوي خمس قطع ارض في الحتانة جيث كان القطعة ب 250 الف ونسبة لظروف خاصة لم اسال عن الحساب لمدة خمس سنوات وقبل مدة وجدت الوالدة دفتر شيكاتي وانصلت علي البنك وقالوا ﻻ يوجد حساب بهذا الرقم وعند حضوري للسوان ذهبت الي بنك الخرطوم وبعد مماطله قالوا لي ان البنك تحولت ملكيتة اموالي تحولت الي وديعة بعد ثلاث سنوات وفي تلك الفترة تحول الجنية الي دينار ثم جنية وتم سحب ثلاث اصفار وبعد محاضرة طويلة في الرياضيات تم نقيم شقي عمري في السودان بالف ومئتان جنية بالجديد ما تحيب شباك خشب في الحتانة وعلية هذا الرجل الذي حصل علي المليار ده خزء من قروشي حلال علية وانا عافي منه

[مجروس ش ق م]

ردود على مجروس ش ق م
[أبــو نــيــرمـــيـــــن] 09-20-2014 01:17 PM
البنوك فى السودان يا عزيزى تدار من منازلهم بالتليفون و لعلمك أن وداد تقليعه تسحب اى مبلغ بدون اصدار سند صرف قانونى يعطيها الحق فى السحب والايداع ؟
جبانه هايصه و العالم لايصه ....

[الابلم] 09-20-2014 11:19 AM
ات زول داقس في زول عاقل اخت قروشو في بنك ...مافي حاجة اسمها بنك في السودان والله لو هي اصلا مصارف حقيقية كان افلست من سنة اولي انقاذ.


#1109877 [Sam]
4.90/5 (7 صوت)

09-20-2014 07:49 AM
كلام حلو جدا هذا مليار واحد فقط صرف بالخطأ طيب الموظفيين و معهم مديرين والذين صدقو عشرات المليارات لصقر قريش الفلسطيني - الاردني في العقد الماضي و في ظرف ثلاث ايام فقط واختفى الى هذه الساعه - ماذا حدث لهم ؟ للان هم في مواقع عملهم بل فيهم من ترقى الى أرفع الدرجات فهذا هو السودان و هذه احدى اقل فوارقه - بنك ملطشه و موظفين يتم تعينهم بالواسطه والمحسوبيه وفيهم من دفع رشوه ليتم تعيينه فهم عباره عن معرض كرفتات متحرك فنحن اخر من نتكلم عن كفاءه موظفيننا للاسف اقول هذا و ربي يسألني على كلامي ذهبت لرئاسه بنك عريق لاستلم بطاقه صراف الي بعد أن ملئت الاوراق الخاصه به 10 ايام قبلها - اكرر 10 أيام - وكان هذا في رمضان 2013 فألتقيت بالموظف الخاص بتسلم البطاقه و ما ان جلست معه الا و بدأ معي في مساوماته بانه على استعداد لشراء ما معي من عمله حره ويجب ان اعود غدا وبصحبتي العمله ل ابيعها له بسعر السوق العربي - السوق الاسود - ومعي موبايلي كذلك لانهبصراحه معجب به ولله الحمد لم اذهب و انتهت العطله و غادرت البلد من غير ان اتفكر كثيرا في تلك البطاقه المشئؤمه

[Sam]

#1109873 [كساوى]
4.50/5 (4 صوت)

09-20-2014 07:33 AM
ما فى فرق بين المليون والمليار كلوا محصل بعضو تعيينات بالواسطة تلقاها عندها شهادة ابتدائية

[كساوى]

ردود على كساوى
Qatar [A. Rahman] 09-20-2014 10:40 AM
هسع انت ما بتختشي؟ تخلي نوعيات هذا العميل و تركز على المسكينة دي؟ اظنك كنت تتمنى ان تحدث مثل هذه الغلطة معاك انت لانه ربما ليس هناك فرق بينك و بين هذا العميل. سبحان الله فيمن نزعت الرحمة من قلوبهم.


#1109851 [المشروع الحضاري]
2.98/5 (9 صوت)

09-20-2014 04:47 AM
سبحان الله .. فبينما تنقل الأخبار عن أمانة السودانيين بدول المهجر و ارجاعهم لأموال مفقودة يطل علينا من الداخل بعض ضعاف النفوس من متنفذين خانوا الأمانة و أخرين يستحلون ماء السحت كما فعل هذا اللص الملياري .. انما الأمم الأخلاق ما بقيت فان هم ذهبت أخلاقهم ذهبوا .

[المشروع الحضاري]

ردود على المشروع الحضاري
United Arab Emirates [كاكي] 09-20-2014 09:07 AM
وهل بقى في السودان غير ضعاف النفوس


#1109836 [khalid Ali]
4.88/5 (4 صوت)

09-20-2014 03:46 AM
ههههههههههههههههههههههههههههههههه

[khalid Ali]

ردود على khalid Ali
Malaysia [زول كدا] 09-20-2014 08:59 AM
كبرا كبرا هههههههههههههههههههههههه


#1109829 [بت حبوبتها]
2.47/5 (12 صوت)

09-20-2014 03:20 AM
أطالب بإطلاق سراح الموظفة فورآ وفتح بلاغ ضد حكومة السجم بدلآ عنها !

كل فترة البنك المركزي يغير العملة والناس تلخبط الحساب بالجنيه القديم والجديد والأجدد منه .. تخبط عجيب في السياسة النقدية والبانكرز يدفعوا التمن !

[بت حبوبتها]

ردود على بت حبوبتها
United Arab Emirates [بت حبوبتها] 09-20-2014 11:13 AM
الأخ مجروس, الحصل ليك دة ما بيحصل في أي مكان إلا في بلدنا للأسف !!!

ربنا يعوضك خير ورزق وبركة.

United Kingdom [مجروس ش ق م] 09-20-2014 08:27 AM
طيب ماذا عن سرقت الحكومة لمال المواطنين .انا خرجت من السودان عام 96 في ظروف استثنائية ولم اعد اﻻ في شهر 8/ 2014 وكان لي حساب في بنك الخرطوم فرع الثورة بالنص وبه مبلغ مليون ومئتان وخمسون الف جنية بالقديم وكان هذا المبلغ يساوي خمس قطع ارض في الحتانة جيث كان القطعة ب 250 الف ونسبة لظروف خاصة لم اسال عن الحساب لمدة خمس سنوات وقبل مدة وجدت الوالدة دفتر شيكاتي وانصلت علي البنك وقالوا ﻻ يوجد حساب بهذا الرقم وعند حضوري للسوان ذهبت الي بنك الخرطوم وبعد مماطله قالوا لي ان البنك تحولت ملكيتة اموالي تحولت الي وديعة بعد ثلاث سنوات وفي تلك الفترة تحول الجنية الي دينار ثم جنية وتم سحب ثلاث اصفار وبعد محاضرة طويلة في الرياضيات تم نقيم شقي عمري في السودان بالف ومئتان جنية بالجديد ما تحيب شباك خشب في الحتانة وعلية هذا الرجل الذي حصل علي المليار ده خزء من قروشي حلال علية وانا عافي منه


#1109826 [محجوب عبد المنعم حسن معني]
2.46/5 (11 صوت)

09-20-2014 03:16 AM
لو جينا للحق البنية ما عندها ذنب
الذنب ذنب المجرمين القاعدين يغيرو العمله كل خميس
شئ جنيه وشئ دينار وجنيه بالقديم وشئ جنيه بالجديد وشئ مليون بالقديم وشئ مليون بالجديد
عملتو لينا زغللة في العيون
والله الواحد يكون اجازة في السودان ويكون بيحسب في القروش ،زي العمرو ما دخل مدارس قبل كده
ليها حق النية تفوت

[محجوب عبد المنعم حسن معني]

ردود على محجوب عبد المنعم حسن معني
United Arab Emirates [محجوب عبد المنعم حسن معني] 09-20-2014 03:50 PM
العم بكري
د. هشام
الاخ حمد
الاخ ابو نيرمين

التحية للجميع
مع مؤدتي

[أبــو نــيــرمـــيـــــن] 09-20-2014 01:20 PM
ذنبها عينه ذائقه و افتكرت وبتدرب على الهط و علشان كدا ذادة ليها كم صفر ؟

[حمد] 09-20-2014 11:01 AM
القصة ما مسبكة كويس يعنى صرف اى مبلغ كبير بيكون فيهو وقفة ومراجعة كويس وبعدين البنك زاتو ما بتلقى فيهو مبلغ قدر دا

Sudan [د. هشام] 09-20-2014 09:42 AM
الأستاذ محجوب معنى..صدقت! أوافقك تماماً!

Germany [بكري الصائغ] 09-20-2014 06:58 AM
أخوي الحبوب، محجوب،
( الذنب ذنب المجرمين القاعدين يغيرو العمله كل خميس)!!..
' معلومة جديدة وغريبة اسمع بها لاول مرة!!..
وهو اجراء لم نسمع به من قبل لا في السودان ولا في اي مكان اخر!!
رحم الله ايام بنك باركليز.. بنك الكريدي ليونية..البنك العثماني..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة