الأخبار
أخبار إقليمية
خلافات داخل حكومة "البشير" بسبب المظاهرات. مدير جهاز أمن الحزب يرفض رأي غندور
خلافات داخل حكومة "البشير" بسبب المظاهرات. مدير جهاز أمن الحزب يرفض رأي غندور
خلافات داخل حكومة


09-20-2014 03:44 AM
الخرطوم: زاهر البشير

كشف مصدر مطلع داخل الحكومة السودانية عن وجود خلافات عميقة بين القيادات العليا في الدولة حول أسلوب التعامل الأمني مع المظاهرات الأخيرة، مشيراً إلى أن بعض الأصوات المعتدلة داخل الحكومة، مثل إبراهيم غندور مساعد الرئيس أبدى غضبه وتذمره من أسلوب القسوة المفرطة الذي تعاملت به السلطات الأمنية مع المتظاهرين، وحملة الاعتقالات الواسعة التي تمت وسطهم، مشيراً إلى أن من شأن مثل هذا الأسلوب أن يؤدي إلى تفاقم المظاهرات وانتشارها في كافة أنحاء السودان. وأضاف المصدر أن هذا الرأي الوسطي اصطدم برفض مطلق من مدير جهاز الأمن الوطني محمد عطا، الذي أصدر توجيهات صريحة لعناصر الأمن بضرورة التعامل بشدة مع المتظاهرين واعتقال قياداتهم، مبرراً ذلك بأن "التساهل مع المتظاهرين قد يغري آخرين بالانضمام لهم وبالتالي تصعب مهمة السيطرة عليهم". ورجح المصدر أن تتسع رقعة الخلاف بين المعسكرين خلال الأيام المقبلة، مشيراً إلى أن الحالة الصحية للرئيس عمر البشير التي دفعته للانزواء خلال الفترة الماضية، ربما لا تجعله قادراً على السيطرة على الأمور الداخلية للبلاد.


مرقنا مرقنا ومافي رجوع ،،نعلم نافع لحس الكوع





تعليقات 32 | إهداء 0 | زيارات 22725

التعليقات
#1110594 [عمر عبد الكافي]
0.00/5 (0 صوت)

09-20-2014 11:32 PM
مبلغ إستغرابي ،هذا الخبر قديم لماذا يتم نشره كأنه يحدث الآن ؟ (التاريخ أعلى الصفحه يوحي بذلك)، كما لم أجد أيا من الساده المعلقين تعرض لهذه النقطه ،ماذا حدث لعقولكم أيها السودانيون!

[عمر عبد الكافي]

ردود على عمر عبد الكافي
Saudi Arabia [bahaa] 09-21-2014 09:41 AM
الخبر قديم بمحتواه يا ود يوسف تاريخ نشره جديد لكن الاحداث والخلافات المذكورة من سبتمبر 2013 يعني ليها سنة

Saudi Arabia [ود يوسف] 09-21-2014 07:45 AM
كيف يكون الخبر قديم وهو بتاريخ 20/9/2014م ، يعني أمس ، وتعليقك بتاريخ 20/9/2014م ، أم أنك قرأت التاريخ خطأ ...


#1110518 [حريكة]
5.00/5 (1 صوت)

09-20-2014 08:32 PM
ايد على ايد تجدع بعيد مرقنا مرقنا ضد الناس السرقو عرقنا
لاتراجع ولا خنوع
من اجل كل شهداء السودان ومن اجل شهداء سبتمبر وعشان غنانا وعشان منانا وعشان عيون اطفالنا ماتضوق الهزيمة
هبوا ايها الشعب الكريم من اجل كرامتكم وكرامة ابناءكم
من اجل سودان جديد
وحنبنيهو البنحلم بيهو يوماتي وطن شامخ وطن عاتي وطن خير ديمقراطي

[حريكة]

#1110488 [كسار الثلج]
0.00/5 (0 صوت)

09-20-2014 07:33 PM
يا محجمد عطا لا تجتهد كثيرا في خدمة أسيادك. ديل وراهم قبايل وعندهم ضهر. انت وراك مين غير الوظيفة والزظيفة مهما علت هي في النهاية وظيفة خادم أو بالأحرى كلب حراسة

[كسار الثلج]

ردود على كسار الثلج
[الامدرمانى ودامدرمان] 09-21-2014 12:42 AM
ما عوزين نرجع تانى للقبليه و كلامك دا احسن غيره


#1110449 [محن سودانية]
0.00/5 (0 صوت)

09-20-2014 06:09 PM
العالم متمحن ومنتظركم يا شعب السودان! أعملو حركة ردو بيها شوية من كرامتكم ولا تصبحوا الفائزين عالميا فى موسوعة غينيس فى الاستسلام.

[محن سودانية]

#1110437 [تمرد]
1.00/5 (1 صوت)

09-20-2014 06:00 PM
يا كاهلي يا ما نصيح وجميع اصحاب التعليقات التي تؤيد الخروج للشارع اولا انتو ما رجال تطلعو .. اي واحد فيكم بقعد بستحم نضيف ويتمسح ذي البت ويجي يقعد قدام الجلكسي ول اللابتوب بتاعو ول بتاع صحبتو ويقعد ينبذ في الحكومة واطلعو واطلعو ويوم الناس تطلع يلقوك تصاصي مع اخواتك وامك من الشباك يا جبان .. سبتمبر دي طلعوها واشعلوها ناس ما عندهم علاقة بمواقعكم دي .. ثانيا طالع لي شنو اذا كان خروجك للشارع سيحول السودان الي ليبيا بحسابات الليبين الشعب الوحيد الحكومتو بتاكلو وبتشربو وجمعياتهم التعاونية ما مقصرة معاهم في يوم سمعت ليبي في عهد القذافي مات بسبب الجوع ول المرض ول الانتنوف رغم العز المعيشم فوقو دا قالو دايرن حرية وهم الان يدفعون ثمن الحرية نزحو لتشاد والجزائر ودمار لا حول ولا قوة ليبيا عندهم مخزون من الغذاء وعندهم انتاج حقيقي من المشاريع عشان كدا صمدو ايام الثورة الي الان انت كل وجباتك من الدكان لو قفل يوم واحد بسبب الثورة اولادك حيحننوك شديد وحتبكي وتقول اخير اشوف لي كلام اكل لاولادي ما حتصمد يوم واحد في الشارع لكن ممكن تقعد عشرة ساعات قدام الشاشة يا جبان وانتو ذاتو لو مسلمين ربنا قال (انا خلقنا الانسان في كبد امشاج نبتليه)وقال برضو ( يا ايها الانسان انك كادح الي ربك كدحا فملاقيه) صدق الله العظيم.. يعني راحة مافي وكل امة وبلد عندها ليها بلوه مرض ول اعصار ول فيضان ول حروب وهذه البلد ابتليت بالعصابة .. ممكن ينفع الناس تصلح وتدعو الي الاصلاح وتدعو الي حكومة انتقالية مكونة حتي من المؤتمر الوطني عشان تختو شرهم وتحاسبهم وتجردهم وتأمم مؤسسات الدولة لانك لو اسقطهم نهائبا كانك اسقطت الدولة فالمؤتمر الوطني الان يمتلك مقومات الدولة بعد ان خصخص المؤسسات وامتلكها جميعا ولو زعل منكم كدا استبعتوه نهائيا من الساحة يعمل ليك اقوي معارضة ويجي يترلب تاني والمرة دي بالنهار وعلي ظهر السوخوي .. انا نصيحتي اول حاجة نلقي لينا فكي قوي كدا يرقد لينا في الخيرة يشوف لينا موضوع الثورة دي لو طلعنا شكلها حيكون مصرية ول ليبية عراقية .. السودان دا يحير ذاتو تبدا الكلام تخش في مشاكل لمن ما تقدر تختم الكلام .. السلام عليكم

[تمرد]

ردود على تمرد
Qatar [ياسر] 09-21-2014 09:34 AM
شايف موضة الكيزان في تأليف الآيات مستمرة , قال في كبد أمشاج نبتليه قال !

[kjb] 09-20-2014 09:44 PM
من راي منكر يغيره بيده او بلسانه او بقلبه
هناك فساد وظلم وبلاوي متلتله باسم الاسلام
واسالك
عندما تدخل سفينه مخدرات للبلد وحتي الان لا يعلن لمن تتبع ....
مش من حقنا نقول ونقول

Sudan [الشايقي العوني] 09-20-2014 09:21 PM
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ياتمرد كنت ماشي كووووووووووووووووووووووويس مالك قلبتها بفكي وكلام خارم بارم ف الاخر


#1110404 [صديق]
0.00/5 (0 صوت)

09-20-2014 05:20 PM
واحد بالصدفة جلسنا متقاربين فى صالة القنصلية بجدة
وتناولنا الكلام - موش الاحاديث . فسألته أين كان يعمل وهو بالسودان
فأجاب بأنه كان يعمل بالأمن . طوالى بديت فى الأسئلة . فسألته واجب
رجا الأمن ليس فقط متابعة أخبار الناس والحد من نقدهم للحكومة . فهم
لا يشكون إلا من ضرر أصابهم . فهو وفى تحسسه لهم واجب عليه أن يحمل
همهم ورأيهم ووجعهم وما يتضررون منه ويوصلها للحاكم أو الحاكمين أو القائمين على أمر هذا المواطن عبر القنوات التى يوصل بها نفس التقارير التى يوشى بها عن هذا المواطن ويضخم مفرداتها ويوشيها بزخرف يظهرها للحاكم بأن هذا المواطن يعمل على زحزحته من كرسى عرشه . كما ويزين نفسه للحاكم بأنه لولاه وزملاؤه لكان هذا الحاكم فى خبر كان . لأن الشعب كله يتربص بهذا الحاكم لخلعه ، ولكن لقوة جهاز أمنه فهم مراقبون رقابة لصيقة . فرد بأنهم والله كانوا يقولون للحاكم بأن الناس تشكو من الغلاء والظروف الصعبة ، لكنهم لا يسمعوا كلامنا .
قلت له : طيب ولماذا توصلون لهم ما يضر بشعبكم وأنتم تعلمون أسباب احتجاج الشعب ومطالباته المشروعة . فقال والله هى حاجة الوظيفة قلت له : مادام أنهم لا يسمعون كلامكم فلماذا تسمعون كلامهم . . انتهى
إنها حاجة الوظيفة . . وإنها حاجة الوظيفة .
نتن حاجة الوظيفة أن تكون كلب أمن غير منتج تلغف من حق الشعب وماله وأنت عاطل باطل تتبعه لتودى به إلى مهالك التهلكة .

[صديق]

#1110372 [.زول لايعرف مصلحته]
5.00/5 (3 صوت)

09-20-2014 04:25 PM
الشعب السوداني محتاج لمزيد من حكم الانقاذ
الم يكشف لنا هذه النظام باننا جهلاء وعنصريون وجبنا وبلا هويه
وبلا وطنيه
الم نؤيد انفصال الجنوب بالرقص والغنا
الم نؤيد قتل اهل دارفور والنيل الازرق وجبال النوبه لان النظام يريد ذلك
انتشر الفساد والدعارة والامراض وكل ما هو خبيث ولا احد يتكلم
المواطن السوداني صار مهذله اينما تجهه
المواطن السوداني لم ينضج محتاج علي الاقل ل50 سنه من حكم الانقاذ ربما يتعلم بانه مخدوع وتاهيه ومنبوذ من كل العالم
بلد يمجد فيه السارق والذاني والقاتل
بلد لا يوجد فيه من يقول كلمه حق
لعنه الله علي الجبناء

[.زول لايعرف مصلحته]

ردود على .زول لايعرف مصلحته
Saudi Arabia [الخمجان] 09-20-2014 11:57 PM
انت الفيهم.....كلهم غاشين نفسهم ......السودانيين حرام فيهم الهداية....خليهم كدة ......السوداني كرور الدنيا والعالم.....بارك الله فيك....العلاج بالصدمة....


#1110347 [بجاوي]
4.94/5 (7 صوت)

09-20-2014 03:44 PM
ياجماعه نحن شايفين حال البلد والكيزان عيني عينك بنهبوا في اموال الشعب ولاهاميهم كلام الناس عنهم وانه البلد ماشه في طريق الصوملةودارفور على وشك الانفصال طيب نحن بدل ما كل يوم نجي الراكوبة هذا المنبر الرائع الذي اجمع عليه كل الناس اقترح من هذا المكان طرح العصيان المدني كوسيلة لاسقاط النظام خاصة وان العصيان المدني حسب ما استقر عليه الفقه السياسي (يكون العصيان المدني ضروريا حين تتعارض القوانين وممارسات الجهات التنفيذية مع القيم الأخلاقية للمجتمع وإن دور حركات العصيان هو إشعال فتيل المقاومة وتقديم النماذج ليتبعها الأحرار) ويمكن طرح هذا الامر للتمحيص والنقاش وبعد كده يشرع في تنفيذوما نستصعب الفكرة لانه تجارب دول الجوار ( مصر ، ليبيا ) استخدمت فيه مواقع التواصل الاجتماعي للبدء في الثورة واكيد الفكرة عندنا بتجح وبجدارة خاصة ان الحكومة معزولة وفاشلة وليس لها اي سند وكلنا عارفين انه بقاءها معناه فقدان الوطن وبالتالي فان طرح العصيان حيلاقي صدي جيد وممكن تطبيقه والمشاركة فيه حتكون كبيرة جدا لانه المطلوب فقط التوقف عن ممارسة النشاط اليومي والبقاء في المنزل وبالجد حتعرف الحكومة كيف ان روح المقاومة لن تموت في هذا الشعب وان حكم الكيزان كان ضرورة تاريخية لكشف ماهولاسلام السياسي وكشف دجله وزيف شعاراته.

[بجاوي]

ردود على بجاوي
[kjb] 09-20-2014 09:54 PM
اخي البجاوي
ده الكلام الصحيح وعين العقل والسهل
لكن للاسف الشديد قيادات المعارضه ورؤساء الاحزاب المؤثره متفرقه ومتشرمه ..وللاسف ربع قرن وهم يجرون خلف السراب
خطوه لو اجمعوا عليها لحسمنا امر الوطن من السنوات الاولي للحكم
...
ويا ريت لو ابتعدوا عن التحدث باسمائنا ولزموا بيوتهم ..بلا حوار بلا بطيخ ..سنصبر حتي يفعل الله امرا كان مقدورا


#1110337 [عمك تنقو]
0.00/5 (0 صوت)

09-20-2014 03:26 PM
ياحليل الشعب السودانى لقد صار مسخا مشوها يلعب به بنى كوز كيفما وانما شاؤوا ....حليل الرجال الطلعوا فى اكتوبر وفى ابريل وحينها كان الحال افضل دشليون مره ...صدقونى الشعب السودانى اصبح غير قادر ان يقتل نمله وما حدث فى سبتمبر ليس ببعيد حين دخل الناس الى جحورهم كالفئران المذعورة ورفضوا الخروج مع المتظاهرين بل والامر من ذلك كان بعضهم يحث كلاب الامن على ضرب وقتل الشباب وبعض النسوه يطلقن الزغاريد وهذا والله ما رايته بام عينى ....فبالله عليكم دعكم من فش الغبن عبر المواقع الالكترونيه وابقوا زى الرجال الصنعوا الثورات حولكم واليوم بالتحديد انطلقت دعوه للتظاهر والخروج ولكن ما من مجيب

[عمك تنقو]

#1110302 [شبتاكا]
0.00/5 (0 صوت)

09-20-2014 02:46 PM
الاضينه دقو واتعزر له ولطالما قلبنا الكبير ده شغال وبيوسوس لينا ليل ونهار بان ارعو بيقيدكم وشوفو مصلحة رقبتكم والحيكومة دى قويه وما فى زول بيقدر عليها ومنطق الانهزام وطاطاة الرؤوس ومنطق عمك جحا لما وروه انو فى شرف انداس قال الحمدلله ما فى حلتى وتراجع الى ما فى بيتى وانتهى الى ما فى رقبتى بمنطق الانا وعشق الذات
سادتى دكتاتورية المحفل الماسونى اضعف من ان تتخيلو وحثالاتها البشريه المتمكنة جبانة وغبيه وتصدرهم قائم على ضعفكم وعدم مبالاتكم وصدقونى لو مرقتم الى الشارع ساعة زمن واحده كل قرد ح يطلع جبله والعاملين فيها ارجل الرجال الان اسهالهم ح يصل حد الركب بطلو اللت والعجن واوهام سماسرة المفاوضات ونهازى الفرص وانتظمو فى انتفاضتكم يرحمكم الله

[شبتاكا]

#1110240 [أبــو نــيــرمـــيـــــن]
5.00/5 (5 صوت)

09-20-2014 01:41 PM
مشكلة النظام الوثنى اتخاذ القرار مباح لكل من يتقلد منصب رفيع يمكنه اتخاذه ودون الرجوع الى وزير الداخليه او وزير العدل او رأس النظام الغائب ديمه عن مسرح الاحداث او القاضى المقيم ؟
عطوط يصدر توجيهاته الى كلابه ويتابع التنفيذ و يوجه مجموعه بجمع الاشلاء و مواراتها الثرى دون اصدار شهادة وفاة او أمر دفن وهذا يدل على أن الوطن و المواطن حق مشروع للقصاص منه دون محاكمه او عداله بل تنفيذ احكام ميدانيه و كأننا فى حرب والشهداء عدو قادم من خارج الحدود ؟
من أمن العقاب أساء الادب ؟
عليه نائب رأس النظام لا يمتلك الصلاحيات لوقف عطوط والزامه باتباع القانون او الصلاحيات الممنوحه له ؟
وهذا نائب رأس النظام وكيف لنا بقوات الرد و قائدها الذى يسرح و يمرح فى البلد ويسفك و ينهب و يغتصب ؟
قواتنا المسلحه تلاشت و تم أدلجتها و اصبحت عتىء على الوطن و المواطن و نحن نتابع تقدم المصرين فى حلايب و شلاتين و ابورماد وسعيتهم لتأسيس منظومة حكم لادارتها وبناء المنشأءات الحكوميه وتمليك المواطن الجنسيه والارض وتوفير مرافق الخدمات الضرورية التى لم يجدها من حكومته الشرعيه ؟
والفراعنه يجيدون اللعب بالبيضه و الحجر و هيأوا المواطن لاجراء اى استفتاء مستقبلا ومن المؤكد أن ينحازوا الى مصر ؟
الوطن مأزوم و كثرت الاخفاقات و السلبيات وعدم الخبرة و انعدام الوطنيه وحب المال و السلطه و التفرد بالقرار قادنا الى التهلكه والشرذمه و التصدع و القتال و الحروب الدائرة بين الاخوة .
الله يكون فى عوننا و يرفع الظلم عننا و يدمر اعداءنا و يولى امرنا لخيارانا .

[أبــو نــيــرمـــيـــــن]

#1110227 [hanksh]
5.00/5 (1 صوت)

09-20-2014 01:34 PM
ان شاء الله يا شباب عليكم بالدعاء حتى يرفع الله عنا الظلم ..

[hanksh]

#1110193 [radona]
4.88/5 (5 صوت)

09-20-2014 01:00 PM
شئتم ام ابيتم
سمحتم ام قمعتم
فالانتفاضة قائمة ولن تستطيع قوات الدعم السريع بما اوتيت من قوة ان تواجه الموج الهادر من جماهير الجياع والمرضى والفقراء وكل ما نرجوه ان يتم اعمال العقل الحكمة بعد محاولة الانتفاضة الشعبية المباركة
اقول هذا الكلام ليس رجما من الغيب انما فان كل اشراط الانتفاضة قد اكتملت فقط من سيشعل الشرارة لتثور براكين الثورة المكبوتة في صدور المواطنين الذين يكابدون الجوع والفقر والمرض اصواتهم في الاسواق والمواقف المواصلات وبيوت الافراح والاتراح تسمع وهي نلعن النظام الحاكم وقادته وذلك بصوت جهور صوت من لا يخشى شئ انها براكين ثائرة قد تقذف بحممها لاي سبب
من الاوفق والحكمة ان يمتثل النظام الحاكم المؤتمر الوطني لارادة الشعب ولم يعد الوقت مناسبا للمناورات والمزايدات وحتى انكم ستتركون وطن خاوي ومشتت ومحترب ولن يهنأ من ياتي بعدكم بحكمه لان ما فعلتوه بهذا الوطن يحتاج الى جهود خارقة ومشيئة من الله ليتم اصلاحه ليس الامر مجرد كراسي حكم واستمتاع بالمال العام على ايتها حال

[radona]

ردود على radona
Sudan [nagatabuzaid] 09-20-2014 05:53 PM
الانتفاضة يسويها الله نان وينكم انتو يا رادونا غلبنا الصبر وقرشنا الجمر


#1110189 [الكاهلى]
4.44/5 (7 صوت)

09-20-2014 12:58 PM
هل نحن اكثر فقرا من الليبين والتونسيين والمصريين لقد
خرجت هذه الشعوب وكسرت القيود وانتقمت من جلاديها ودمنا ليس
اغلى من دماء احرار العالم ولكن لقد كسروا همة الشباب واشاعوا
فيه روح الامبالاة وجعلوه مشدودا لقنوات الغناء والحناء والدخان
والمكياج نعم مقومات الثورة موجودة منذ 1990 ولكن لاقيادة ولاشباب
يحرك هذه الثورة نتمنى ان يخرج هذا الشباب كما خرج عند وفاة ( الحوت)
ليبكى على حال المهجرين واطفال الشوارع والجوعى والمرضى

[الكاهلى]

#1110187 [تينا]
3.94/5 (6 صوت)

09-20-2014 12:55 PM
هذا المحمد عطا والاسم سالم انسان من شكلو ما مريح البتة اما عن عمايلو فليستعد لعدالة السماء ...

[تينا]

ردود على تينا
Sudan [ابوعديلة المندهش] 09-20-2014 08:03 PM
فليستعد لعدالة الأرض اولا ويالها من عدالة, عندئذ سيعرف ذلك السافل مدى (المحبة)التى يتمتع بها فى قلوب الشعب حاله حال الوسخ الآخر الذى يدعى نافع .


#1110186 [محمد حسن احمد]
4.38/5 (6 صوت)

09-20-2014 12:55 PM
بكرة ياخنزير النظام بيسقط وتجي تبكي زي البقرة الضاحكة بعد سقوط مايو بس المرة دي مافي محاكمات عادلة لأنكم لاتعرفون معنى وقيمة العدالة ولم توفروها لهذا الشعب بل انتم من وأد مبادئ وقواعد واسس وقيم العدالة في هذا البلد ،المرة دي حتكون في محاكمات ثورية ميدانية عقوبتها حرقكم احياء او سلخ جلودكم احياء مافي هذه المرة عفا الله عما سلف ياخنازير ياسفلة طبعا اعصابكم بايظة لأنه قائد القطيع انتهى امره والسرطان اظنه مكنه وطبعا مافي طريقة المرة دي عشان يجي يتعالج في البلاد الطاهرة امشوا عالجوه في اسرائيل عن طريق دويلة العمالة والخيانة الخليجية

[محمد حسن احمد]

#1110131 [المشتهى السخينه]
4.38/5 (4 صوت)

09-20-2014 12:06 PM
سلطة لا تطعم شعبها حتى موية الفول غير جديره بالبقاء .ستهب ثورة الجياع وتقتلع ائمة النفاق وتجار الدين اللصوص .ولا تخوفونا ان السودان سيكون مصيره سئ . فالعدو واحد فقط هو الشعب ضد الجبهة الاسلاميه ..وهذه المرة الحمد لله ليس لدينا اجهزة عدالة نزيهة ومحترمه تقنع الناس بتقديم المجرمين اليهاوسيقوم الشعب بحرقهم احياء فى الشوارع ..

[المشتهى السخينه]

#1110122 [عدلان]
3.63/5 (4 صوت)

09-20-2014 11:58 AM
لم يعد اللوضع المعيشي محتمل الآن ولابد من الانتفاضة غصبا عن الناس

[عدلان]

#1110096 [عصمتووف]
3.42/5 (8 صوت)

09-20-2014 11:40 AM
نعم كلام السفاح عطا هو الاقرب للمنطق الانقاذي لكن تزيد النار كلما وضع عليها حطبا هل يعتقد هذا المغفل باننا سوف نلجا لبيوتنا خوفا من القتل والسجن والضرب ف ليجرب منطقة الدموي عام 2013 ليس عام 2014/2015 وانت ماشي الهبة الشعبية لا بد منها مهما طال الزمن او قصر لكل مسرحية نهاية لاسدال الستار لن فقد شـئ غير ارواحنا

[عصمتووف]

ردود على عصمتووف
Sudan [hassan] 09-20-2014 04:06 PM
هل كتائب القافي حالة دون سقوطه

في النهاية اخد ماسورة كبيرة

وعقبالك يا عطا

التاريخ لا يرحم ولم تدم لمن هم اكثر

منكم قوة وعدد


#1110092 [AburishA]
4.25/5 (7 صوت)

09-20-2014 11:36 AM
والله لا يمكن على الاطلاق ان يختلفوا في "قتل المواطن".. يمكن الاختلاف بينهم يكون في وسيلة القتل..واحد فيهم يقول نقرضه بساطور والتاني يقول نوضبه بطلقه في نافوخه,,

[AburishA]

#1110088 [nagatabuzaid]
3.50/5 (4 صوت)

09-20-2014 11:34 AM
غندور من التصريحات والكلام البقولوا كانفعلا اتعترض على اسلوب قمع المظاهرات فليس حبا فى المواطن ولكن على رقيبتوا ويا رويحة تسلمى

ان كان فعلا هناك قادة انظمة امنية اولاد ناس وفعلا قادة كانوا فى الاجتماع اخرجو مسدساتهمواعتقلوا محمد عطا محمد عطا ايه البامر القادة بسحل المواطنين وقادة امن ايه البنفذوا تعليمات محمد عطا الخايف على نفسوا كلهم لميم لعنة الله تغشاهم بمحمد عطا بتاعهم
فى احد المسلسلات المصرية ضابط امن دولة وزميله القاسى جدا زى بتوعنا لا يرحم

امراءة ولا رجل يعلق ويعذب ويتفنن فى التعذيب حتى الاهل والاصدقاء والزوجة تلحقهم

ويلاته وظهر انه يعانى من مركب نقص يجعله معقد وكاره للاخرين زميله عكسه ود

ناس ويتعامل بانسانية مع من يضعهم حظهم العاثر مع الاولانى المعقد زوجة الضابط

الطيب الانسان وهى شرسة تهكمت منه كيف يكون ضابط امن دولة ويتعامل بهذهالطيبة فرد عليها ( امن دولة ) امن معناها توفير الامن والامان والاستقرار ودولة معناها الشعب المواطن اى نحن مهمتنا توفير الامن للشعب وليس ترويعه وارهابه بالله يا الجدادوصل الكلام ده لامن الدولة محمد عطا والقادة

[nagatabuzaid]

#1110087 [زول وطني غيور]
4.00/5 (4 صوت)

09-20-2014 11:34 AM
هذا تثريب إعلامي يظهر قادة نظام الإنقاذ بمظهر إنساني ، وهذا غير حقيقي !

[زول وطني غيور]

#1110024 [ود الشمال]
2.50/5 (2 صوت)

09-20-2014 10:44 AM
اضغاث احلام المعارضة السودانية اصبح يهلوس ويتمني ان يحدث بين الطغمة الحاكمة خلافات من اجل الشعب السوداني هؤلاء لا يوجد معتدلين في وسطهم ، كلهم طينة واحده ، ولا نأمل ان يقف بعضاً من ساسة النظام الي جانب الشعب السوداني ، وإن صح الخبر اعلاه فهذا نقاش بين هؤلاء الطغمة الحاكمة في كيفية السيطرة علي البلاد والعباد ، ويجب علي الشعب السودان والمعارضة السودانية ان يتعاملوا مع هؤلاء من هذا المنطلق ان هؤلاء الطغمة الحاكمة لن يذهبوا من السلطة بخلافات يدب بينهم ولن ينحاز فئة منهم الي جانب الشعب السوداني ، وإلا لم يقبعوا علي اعناق الشعب السوداني ربع قرن من الزمان وهم علي نفس الحال .

[ود الشمال]

#1110022 [خالد حسن]
4.86/5 (10 صوت)

09-20-2014 10:43 AM
تعلمنا من الكيزان انه ليس فيهم حمل وديع فكلهم ذئاب قاتله لايجدي معها الا الاباده

[خالد حسن]

#1110008 [الكاره المفسدين]
3.00/5 (2 صوت)

09-20-2014 10:36 AM
هاها ها
الموضوع كله لكي يخفف الإنتباه عن مشكلة قصور وزير الماليةو غدا سوف تكون هناك فرقعات أخرى
لإنه لو تحاكم وزير المالية السابق فالضال على عثمان
أشتروا مجموعة من المنازل المجاورة له بأسعار خرافية وأصحابها كانوا ليس من المفسدين (أهل الإنقاذ)
والحكاية دخلت في اللحم أهل الفتاوي (عصام البشير)

[الكاره المفسدين]

#1109976 [النوباوى]
2.00/5 (3 صوت)

09-20-2014 10:10 AM
والله اسمعوها منى

المظاهرات ما بتحل مشكلتكم وستعمق المشكلة اكثر

وسيكون البديل هو داعش والقاعدة وكل مجموعات التطرف الارهابى العالمى

ما تقولوا عاوزيين نخوفكم وجدادة الكترونية والوهم بتاعكم ده

شوفوا الاوضاع حولكم فى سوريا وليبيا والعراق واليمن عشان تفهموا حاجة

[النوباوى]

ردود على النوباوى
Sudan [ابوسعد] 09-20-2014 06:43 PM
انا داير اعرف المظاهرات وين التي اختلفوا عليها متي واين قامت ومن الذي يقودها
النقابات مدجنة
الاحزاب متشظية
المواطن مسحوق مغلوب علي امره
الطلاب شغلوهم بمقررات ضخمة و مرض اسمه التحصيل الاكاديمي
طلاب الجامعات اهلهم دافعين ليهم دم قلبهم عشان يقروا ما بخلوهم يظاهروا
الخريجين العطالة شغلوهم بي التمويل الاصغر و المشاريع الوهمية
الموظفين كل واحد مكنكش في وظيفته لانو الدخل الخارج المرتب قتل قلبه
ميين فاضي او قادر علي التظاهر
اللهم الا ثوار الكيبورد

United Arab Emirates [.زول لايعرف مصلحته] 09-20-2014 04:31 PM
سمعنا منك
لكن عايزين نحولها لاسواء من سوريا والعراق
اخرج يا اخي من السودان واحمي نفسك
قال شوفو ليبيا والارهاب العالمي قال
علي فكرة انت جاهل

Sudan [hassan] 09-20-2014 04:17 PM
والله بسجمهم ورمادهم احسن مننا

وانت واحد جبان او امنجي او مصلحجي

ونطكنكم المظاهرات هي الحل

يموتو ناس عشان تجيا امة

وتلك سنة الثورات علي مدي التاريخ الانساني

Saudi Arabia [abusami] 09-20-2014 02:37 PM
عايزنها صومال ثانية ولان الفرق شنو الناس ميته بلجوع والمرض وكمان فيها مبيدات زراعية .

United Arab Emirates [؟؟؟؟؟؟؟؟؟؟؟] 09-20-2014 02:08 PM
ورينا الحل شنو ؟؟؟؟؟

[بت قضيم] 09-20-2014 11:50 AM
كتكوت مجند سحسوح اسكت يا كلب يا مجند

Saudi Arabia [منو العوض] 09-20-2014 11:48 AM
داعش والقاعدة واضف لهم الاخوان المسلمون كلهم تنظيم واحد ولو تعددت الاسماء!!!!!


#1109971 [ابومجد]
5.00/5 (1 صوت)

09-20-2014 10:08 AM
غضب وتزمرمن أسلوب القسوة المفرطة ؟ ومن زمان وين ما يهو دا أسلوبهم منذ مجيئهم الجديد شنو ؟ هل ضغط المجتمع الدّولي وخاصة مجموعة الترويكا بدا يأتي أكلها ام ان هناك شي اخر؟ ام ان مجلس الأمن والسلم للاتحاد الأفريقي هي من قام بالضغط على حكومة المؤتمر البطني؟

[ابومجد]

#1109952 [الشمالية]
5.00/5 (2 صوت)

09-20-2014 09:57 AM
منو القال ليكم غندور وسطي ( كم دفع ليكم عشان تصفوه بالوسطي )




النظام باق الى يوم الدين والحمدلله رب العالمين

[الشمالية]

ردود على الشمالية
Saudi Arabia [منو العوض] 09-20-2014 11:50 AM
بالارهاب وتقسيم البلاد وشن الحروب فناء امة مش يبقي نظام !!!!


#1109950 [حـسن عـلى]
5.00/5 (1 صوت)

09-20-2014 09:53 AM
نفس عـقلية الطغاة المتجبرين المتكبرين لم ولن تتغير وهى استعمال القوة والبطش والأجرام و يعتقدون بأنها هى الأداة الفعالة لقهر الشعوب ونسوا أو تناسوا بأنه لا توجد قوة مادية فى الأرض انتصرت على شعـب مهما طال الزمن فأن الشعب هو الباقى وهو المنتصر . المرة هذه ليست ككل المرات السابقة تقوم الثورة وعفى الله عما سلف . لا والف لا ووالله العظيم اعرف اناس مجهزين حالهم للأنتقام وسوف يفاجأ العالم بالتغيير الذى طرأ على الشعب السودانى المسالم والذى انقلب الى وحش كاسر والأمثال تقول : احذر غضب الحليم وتجنب هجمة المظلوم . سوف يكون مصير هذا العطا واعوانه الأغتصاب مثل ما حصل للقذافى واكثر . وان غذا لناظره قريب ولو دامت لغيركم ما كان جاتكم .

[حـسن عـلى]

#1109942 [hassan]
5.00/5 (1 صوت)

09-20-2014 09:47 AM
يعني غندور همو انو الامور ما تتفاقم

خايف يغارق الكرسي قبل ما يعمل ليهو

قصور زي علي محمود

يعني روقو المنقة شوية خلونا نحصلكم

وطبعا دة كلو ما رحمة منو بالمتظاهرين

يلا يا حميدتي شوف شغلك اصلها جباتة هايصة

ليه تنتظر يدوك الكلاب ديل

[hassan]

#1109928 [sudaniiy]
4.85/5 (8 صوت)

09-20-2014 09:35 AM
خلاص تبقى مهاجمة مكاتب ومقرات الامن مشروعة فى كل مكان
و على عطا عدم التنصل من قراراته التى اتخذها
الايام حبلى والقادم اصعب مما يتخيل
السودان ليس سوريا تهديم منازل
حتكون مقابلة رجال لرجال
والذى ابكى عمر الطيب سياتى
و لا احد سيصدق امثال سوار الدهب

[sudaniiy]

ردود على sudaniiy
Saudi Arabia [منو العوض] 09-20-2014 11:52 AM
والبداية نكون بمحمد عطا ولانامت اعين الجبناء!!!!!!


#1109901 [ابوعلي]
1.00/5 (1 صوت)

09-20-2014 08:55 AM
دا الكلام الصاح الله اكبر

[ابوعلي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة