الأخبار
أخبار إقليمية
خلافات بين نواب التشريعي بسبب التصفيق لأمل البيلي
خلافات بين نواب التشريعي بسبب التصفيق لأمل البيلي
خلافات بين نواب التشريعي بسبب التصفيق لأمل البيلي


09-20-2014 04:31 PM
الخرطوم :عازة ابوعوف
تحولت جلسة تشريعي الخرطوم المخصصة لمناقشة تقريروزارة التوجيه والتنمية الاجتماعية امس الى موجة من الاطراء والتصفيق لوزيرة التوجيه والتنمية الاجتماعية بالولاية امل البيلي الشئ الذي قوبل بالرفض من قبل النواب ووصفوه بالبدعة واعتبروا ان التصفيق من النواب مخالفا لقانون المجلس واعترض النائب عبد المليك البرير بقوله ان النواب ابتدعوا بدعة بالتصفيق واضاف المادة 39من لائحة المجلس تمنع الاطراء والتصفيق بتلك الكيفية .وقال النائب عباس الفاضلابي معددا محاسن الوزيرة بقوله يكفيك دعوات ابناء الشهداء والايتام في البلد دي "قاطعا بأن الهنات التي حدثت بالوزارة من اشخاص آخرين . وفي سياق متصل تغيب عن حضور الجلسة الكثير من الاعضاء والوزراة وتسرب آخرين بعد مرور 10 دقائق من بدايتها ،وبلغ عدد النواب اثناء تقديم وزير الصحة الولائي لتقرير وزارته النصف السنوي 31عضوا من اصل 85 عضوا وتذمر النواب بسبب اطالة وزيرة التنمية الاجتماعية امل البيلي في استعراض تقريريها حيث استعرضته في 45 دقيقة من زمن الجلسة واكدوا ان الاطالة حرمتهم من ابدأ ارائهم لضيق الوقت .

الجريدة


تعليقات 18 | إهداء 0 | زيارات 8693

التعليقات
#1111270 [Zorba]
0.00/5 (0 صوت)

09-21-2014 02:39 PM
"التصفيق ... ووصفوه بالبدعة"

و كل بدعة ضلالة و كل ضلالة في النار
يعني الكورس بتاع محمد أحمد عوض يشيل شيلتو

نحن ماشين لي وين؟

[Zorba]

#1111203 [ود السلمه]
0.00/5 (0 صوت)

09-21-2014 01:43 PM
يصفقوا علي خيبتم

[ود السلمه]

#1111130 [عصام الجزولى]
5.00/5 (1 صوت)

09-21-2014 12:37 PM
منذ فجر التاريخ يعبر الشعب السودانى عن شعوره بالاعجاب عن طريق التصفيق وبعد ان دخل المشروع الحضارى حيز التنفيذ اصبح التعبير ب( الله اكبر) فهل البدعة التصفيق ام التكبير؟؟

[عصام الجزولى]

#1111093 [عملوها ناس الصف الورا..!!]
5.00/5 (1 صوت)

09-21-2014 12:09 PM
ده برلمان ده ولا فصل؟

واضح أنو الوزيرة.... طولت الخطاب... وما في زول قدر يوقفها...

أها الجماعة المغيوظين منها شديد.... دوروا ليها صفقة شديدة بعد انتهت...مكاواة

وده ما عجب المؤيدين...

غايتو.... ذكروني.. مسرحية.... مدرسة المشاغبين!

يا حليل زمن المدرسة

وناس الصف الورا...

محن...

[عملوها ناس الصف الورا..!!]

#1110945 [abuw ael]
5.00/5 (2 صوت)

09-21-2014 10:20 AM
وجهها منتهى الغباء لماذا التصفيق يا اصحاب العقد النفسية

[abuw ael]

#1110889 [الحقيقة المرة]
5.00/5 (1 صوت)

09-21-2014 09:37 AM
لاحقين شنو .... الظاهر الوزيرة قطعت ليهم نومتهم علي الكراسي ...وطبعاً كلهم تجار مساهرين بالليل في الصفقات والتجارة ووصلو المجلس للنوم ..... أعوذ بالله منهم...

[الحقيقة المرة]

#1110883 [كتاحة امريكا]
5.00/5 (1 صوت)

09-21-2014 09:33 AM
يمكن البت الحليوة ديه عجبت المتكوزين ديل ..

[كتاحة امريكا]

#1110620 [AburishA]
4.50/5 (2 صوت)

09-21-2014 12:20 AM
ياخي هم ديل فيهم واحد عارف قوانين ولوائح البرلمان... صفقوا هيع هيع هيع هااااع.. ليه كانت معاكم واحدة فنانة من ال بقولن يلا الصفقة يا بنات.....الجلسة الجاية جيبوا معاكم دلوكة..
ما دام في صفقة زي دي المفروض العضوات يزغردن... دا الفضل...

[AburishA]

ردود على AburishA
Sudan [nagatabuzaid] 09-22-2014 12:23 AM
النقدة كان ما صفقتوا


#1110582 [ام عادل]
5.00/5 (5 صوت)

09-20-2014 10:53 PM
والله يا خايبين يا اولاد ال... مافي حاجة بتخلي الناس تصفق في البلد المنحوسة دي الا شيء واحد لما نسمع ان الكيزان اولاد الحرام تم حرقهم جميعا من ترابيهم لاصغر كويز هنا بس ممكن الناس تصفق وترقص ايام وليالي
اما صفقتكم دي يا خايبين هي مراهقة شيخوخة ولو حريمكم الكوزات القبيحات كانن معاكم في نفس المكان ما كان فيكم خايب عمل العملية الوسخة دي يا كرور يا وسخ الخور

[ام عادل]

ردود على ام عادل
Saudi Arabia [رئيس السودان 2020م] 09-21-2014 09:38 AM
نربأ بك اختي ام عادل ان تنجري الى درك الكيزان
ولا تتركي لليأس طريقا الى قلبك الحي الكبير
فغدا يذهب الزبد جفاء ويبقى ما ينفع الناس
وقطعا ساعتها يفرح الشعب المكلوم
وترتفع اهازيج الفرح والسرور
وما ذلك على الله بعزيز

Saudi Arabia [المشروع] 09-21-2014 08:26 AM
(والله يا خايبين )
احسنتي ام عادل والله افضل كلمة في وصف هؤلاء القوم الأفاكين البلد نصفها ستات شاي طلعن من بيوتهن عشان يشتغلن وانتو قاعدين في القاعة تصفقوا نصف ساعة لتقرير وزيرة ؟ ومن اداراكم انه صحيح المفروض تنتقدوا اداء الوزيرة في توزيع الزكاة وجباية الزكاة والدعم المقدم للفئات الاكثر فقرا ..اي والله تصفقوا على شنو؟


#1110578 [المثقف]
4.75/5 (3 صوت)

09-20-2014 10:39 PM
تلقاها قال ليهم الصفقة مالها تعبانة.وقعدت تجبجب

[المثقف]

#1110548 [nagatabuzaid]
5.00/5 (1 صوت)

09-20-2014 09:31 PM
والله يابت البيلى شاطرة لخمتيهم طولتى التقرير نعستيهم مطيتى الوقت كلفتيهم دقستيهم مررت تقريرك كان تقريرك وشغلك تمام كان عرضك حيكون دقيق ومختصر ومفيد وعايزين نعرف ود البرير زعلان من الصفقة ليه ما الكيزان بصفروا وبصفقوا لما يسمعوا بموت انسان زى ما عمل شبابهم بوفاة زيدان وقد يكون عند الله احسن منهم لا قتل لاسحل لا سرق ود البرير قال بدعة هى المخلوقات دى ما كلها بدعة فى بدعة تساوى بدع نواب اخر زمن هم القران ما بعرفوا يصححوا

[nagatabuzaid]

#1110513 [عدلان]
4.00/5 (2 صوت)

09-20-2014 08:28 PM
سايبين المهم وماسكين في الفارغة ...... غايتو يا أمل البيلي وجهك قرب يلتهب من كترة كريمات التبييض ..... اللون بقى عقدة

[عدلان]

#1110457 [شخلول]
4.75/5 (3 صوت)

09-20-2014 06:19 PM
الظاهر البنية شديدة نستهم التهليل والتكبير.المهم افيدونا هل شيخ حسبو صفق وله لا.

[شخلول]

ردود على شخلول
Saudi Arabia [المشروع] 09-20-2014 10:47 PM
شيخ حسبو ما في البرلمان دا - ده تشريعي ولاية الخرطوم وشيخ حسبو خاتنو للكبيرة


#1110452 [//ahmed//]
0.00/5 (0 صوت)

09-20-2014 06:10 PM
طبعاً كيف يقال للسياسيين سياسيين لو لا مثل هذه الحيل ، فى الإطالة ضجر ثم امتعاط ثم كف عن السؤال والمداخلات، ثم خروج من قاعة البرلمان احتجاجا ، وهذا هو المطلوب !!!!!!!!!

[//ahmed//]

#1110450 [برير]
0.00/5 (0 صوت)

09-20-2014 06:10 PM
امل البيلي -- شكلك كده اخت مؤيد البيلي - اقتصاد - جامعة الخرطوم )-

[برير]

#1110411 [المشروع]
5.00/5 (2 صوت)

09-20-2014 05:25 PM
نواب مراهقين
يذكرني بالمثل الصيني حيث تقول الفتاة الصينية (انا اشير الي القمر وهو ينظر الى اصبعي)..

[المشروع]

#1110403 [ودالعمدة]
4.63/5 (4 صوت)

09-20-2014 05:18 PM
الي كل نواب البرطلمان السوداني لصوص التحلل "ونسائه الدباسات" :
المال المنهوب لا يجلب لكم السعادة...
ولكنه يسمح لكم لتعيشوا تعاستكم ب رفاهية

[ودالعمدة]

ردود على ودالعمدة
Saudi Arabia [رئيس السودان 2020م] 09-21-2014 09:41 AM
قمة الابداع يا ود العمدة

United Arab Emirates [صالة المغادرة] 09-21-2014 09:31 AM
يا ود العمدة كلامك يشمل كل عصابة الرقاص واحزاب الفكة وتابعيهم وتابع التابعين امثال ناس سيدى جعفر وعبد الرحمن وكما يقول الرائع شبونة اعوذ بالله

European Union [زنقه زنقه] 09-20-2014 11:46 PM
ياخ ده كلام جميل جداً


#1110383 [رانيا]
5.00/5 (1 صوت)

09-20-2014 04:44 PM
إن شاءالله بس بعد ده كله تكون قالت حاجة عليها القيمة .

[رانيا]

ردود على رانيا
[AburishA] 09-21-2014 12:21 AM
بيكون يا رانيا بعد ما صفقوا ليها زغردت هيع هيع هاااااع...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة