الأخبار
أخبار إقليمية
حركة غازي : حزب البشير يقيم مؤتمراته بأموال الدولة
حركة غازي : حزب البشير يقيم مؤتمراته بأموال الدولة
حركة غازي : حزب البشير يقيم مؤتمراته بأموال الدولة


09-21-2014 11:49 AM
الخرطوم: سعاد الخضر
اتهمت حركة الإصلاح المؤتمر الوطني بتبديد المال العام في مؤتمراته التنظيمية ورفضت في الوقت ذاته إقصائه من المشاركة السياسية خلال الفترة المقبلة وقال نائب الحركة حسن رزق: لدينا خلافات مع الوطني، ولكن نحن ضد إقصائه والإسلاميين ولا يعني ذلك إعفاء المتورطين من قياداته في جرائم من المحاكمة وجدد تمسكهم بالحوار الوطني وهدد الوطني حال عدم جديته بمعارضة متماسكة وضغط دولي كبير وأضاف: نسأل إخوانا مخهم يجيهم في رأسهم وطالب الوطني بالقبول بانتخابات حرة مباشرة والاعتراف بنتائجها وأضاف: لو ما فازوا يقعدوا في الواطة إلا أن رزق عاد واتهم الوطني بتبديد المال العام في الصرف على مؤتمراته التنظيمية وقطع بتمويلها من الدولة وترحيل وزراء الحكومة وموظفيها بالطائرات على حساب المواطن وقال إن تكلفتها تساوي مليارات الجنيهات لو تم توظيفها لصالح الشعب السوداني لخففت من وقع الأزمة الاقتصادية عليه ودحض تأكيدات الوطني بتمويل مؤتمراته من الاشتراكات وأضاف: ما يغشوكم ما في اشتراكات لكنه عاد واستدرك قائلاً: المؤتمرات تمول من الدولة ولكن المراجع المالي لا يستطيع الإلمام بها لأن القائمين عليها يجيدون إخفاء الدلائل. من جهته رسم القيادي بحركة التغيير الوطنية محمد محجوب هارون صورة قاتمة للأوضاع بالبلاد بسبب ما أسماه بالأوضاع السياسية والسياسات الفاسدة وقال إن السياسيين ينتقلون من الانشغال بالقضايا العامة إلى الخاصة ووصفهم بأنهم أميل للبلطجية والاستغفال لتراجع مستوى الصدق والمسؤولية لديهم وأضاف: لن نتفاءل حتى لو حدث تغيير في النظام.

الجريدة


تعليقات 19 | إهداء 0 | زيارات 2771

التعليقات
#1112011 [طراد السلولي]
0.00/5 (0 صوت)

09-22-2014 12:22 PM
سبحان الله حنيت لابوك الجقر ( الترابي ). أبو طبيع ما يخلي طبعه.

[طراد السلولي]

#1111838 [زول]
0.00/5 (0 صوت)

09-22-2014 09:34 AM
برضك لص وإنتهازي وحرامي ومنافق وفاجر سياسي وبتاكل اموال الناس وفي النهاية حلبي معفن

[زول]

#1111650 [sas]
0.00/5 (0 صوت)

09-22-2014 02:27 AM
ورفضت في الوقت ذاته إقصائه من المشاركة السياسية خلال الفترة المقبلة وقال نائب الحركة حسن رزق: لدينا خلافات مع الوطني، ولكن نحن ضد إقصائه والإسلاميين ولا يعني ذلك إعفاء المتورطين
المتورطين المتورطين المتورطين المتورطين المتورطين المتورطين المتورطين

[sas]

#1111592 [adil a omer]
0.00/5 (0 صوت)

09-21-2014 11:55 PM
معليش يا اخوانا الكروزر الراكبو ده ورثو مع البيت بتاع حلة حمد على النيل 2 فدان فى ورثة المدام

[adil a omer]

#1111515 [رضا همت]
0.00/5 (0 صوت)

09-21-2014 09:21 PM
يا سيد غازي لما كنت داخل الحزب لماذا تصرح بذلك ولا خوفاً من المنصب والجاه والسلطة .. وانت الان خارج المنظومة تصرح .. لا للنفاق وحركتك لن تتقدم شبراً .. احسن لك ان تتوب لربك وتستقفر وتشوف ليك شغلة ثانية .. ارحمونا يرحمكم من في السماء ..

[رضا همت]

#1111422 [النورس]
0.00/5 (0 صوت)

09-21-2014 06:03 PM
السياسي الغير محترم هو السياسي الذي يبصق على تاريخه, كنت اتوقع من سياسي عركته السياسية لأكثر من 30 عاما ان يكون اكثر وعيا بالدخول في هذا المعترك فكلنا نعلم بالتاريخ القذر للاسلاميين والممارسة السياسية غير الرشيدة ولكن كل ذلك لايعطي العضو الملتزم الحق في نشر الغسيل القذر والكفر بالمبادئ الى حد التصريح صراحة بتبديد أموال الدولة والصرف على الحزب من المال العام وغازي صلاح الدين هو اول من مارس هذا السلوك المشين , كنت اتوقع منك ان تدافع عن تاريخك مهما كانت المسببات والدوافع وان تنتهج نهج الابطال والشرفاء في الدفاع عن معتقداتهم وقناعاتهم التي امنوا بها وعاشوا لأجلها

[النورس]

#1111417 [الشمالية]
0.00/5 (0 صوت)

09-21-2014 05:50 PM
لاتصدقو هذا الحلبي

[الشمالية]

#1111389 [hassan]
5.00/5 (2 صوت)

09-21-2014 04:59 PM
ههههههههههههههههه انت ياغازي مش غارف الكلام ده من زمان ليه استقربت الكلام ده عيب منك يازول

[hassan]

#1111386 [د الزهجان]
5.00/5 (1 صوت)

09-21-2014 04:52 PM
شر البلية ما يضحك ..البلد هيلن من حلفا لي نمولي يوزعو ويقسمو .قليت ادبك وما معروف عملت شنو .بس مصيرك تنكشف .لعنت الله على المنافقين

[د الزهجان]

#1111305 [وحيات الشعب السودانى]
5.00/5 (2 صوت)

09-21-2014 03:20 PM
الانتخابات السابقه انت كنت وين ياغازى؟ ماياهو نفس الكلام ده!! يمهل ولا يهمل

[وحيات الشعب السودانى]

#1111290 [باسطة]
5.00/5 (2 صوت)

09-21-2014 03:03 PM
حاجة غريبة جانا طاير
الكوز الأغبر عندو مساير
قايلنا نسينا قايل و فاكر
خليهو يعربد ذي ما داير
بكره قريبه نجيبو في ليله

عذراً إبن البادية

عازه قومي كفاك عازه غطي قفاك

[باسطة]

#1111253 [Zorba]
5.00/5 (3 صوت)

09-21-2014 02:23 PM
و إنت ليك أكتر من 20 سنة كنت بتاكل من مال أبوك؟
شوف ليك قبراً يلكم.

[Zorba]

#1111200 [A. Rahman]
0.00/5 (0 صوت)

09-21-2014 01:41 PM
اها يا غندور يا ابو وش سيراميك، جماعة الغازي قالوا بتبديدكم للمال العام على حزبكم، و معنى هذا اما أنكم كذابون، و دي ما دايرا ليها درس عصر، اما هم الكذابون و في الحالة الاخيرة عليكم فتح بلاغ عليه هم بتهمة الكذب.

[A. Rahman]

#1111199 [A. Rahman]
0.00/5 (0 صوت)

09-21-2014 01:41 PM
اها يا غندور يا ابو وش سيراميك، جماعة الغازي قالوا بتبديدكم للمال العام على حزبكم، و معنى هذا اما أنكم كذابون، و دي ما دايرا ليها درس عصر، اما هم الكذابون و في الحالة الاخيرة عليكم فتح بلاغ عليه هم بتهمة الكذب.

[A. Rahman]

#1111192 [أبوقرجة]
5.00/5 (2 صوت)

09-21-2014 01:34 PM
طيب ما أنت جزء الانقاذ في التخطيط للانقلاب وعشت معها 25 سنه ... وفصلت الجنوب ... وأنت من العرابين ... شنو يعني عايز تعمل فيها بطل .... بقولها ليك الحساب جاي جاي ... راسك دا بنخته في مشنقه ... أجهز من الأن...

والله البتعمل فيهوا دا ما بفيدك بشيء .... أحسن ليك أرجع لناسك وكمان عملوا قصر جديد ...

[أبوقرجة]

ردود على أبوقرجة
United Arab Emirates [الاصيل] 09-21-2014 03:30 PM
لمن يتخلى عنهم واحد ويطلع فضائحهم هذا رصيد للمعاضة فتعقلوا


#1111178 [الجنتل الجنتل]
4.00/5 (2 صوت)

09-21-2014 01:23 PM
مؤتمرات بس حتى البيوت والعربات والعلاج فى الخارج من اموال الشعب ان شاء الله نلقاها عندكم يوم الحساب والله والله ما تتهنو بيها لا فى الدنيا ولا فى الاخره بجى اليوم البنخليكم مشردين فى السودان تفووو ع اى واحد فيكم اكل مال الشعب وتفووو ع اى واحد نظامى بحمى فيكم

[الجنتل الجنتل]

#1111142 [المشروع]
4.00/5 (2 صوت)

09-21-2014 12:49 PM
هذا ماسبق ان قلنا ان المؤتمر الوطني يستخدم مال الدولة والشعب في مؤتمراته وفي تنقالته ويعقد مؤتمراته في قاعات الشعب المكيفة وبحراسة جنود الشعب ووقت الشعب وكهرباء الشعب وكلها غير مدفوعة الثمن والمؤسف والاغرب من ذلك انه يستخدم مال الشعب والدولة في تفتيت عرى الوحدة وتشتيت شمل الاحزاب الاخرى والتفرقة بين الناس بمال الشعب والدولة

[المشروع]

#1111117 [Abu Sama]
4.50/5 (2 صوت)

09-21-2014 12:30 PM
خلاص خلعت جلد المؤتمر الوطني والاخوان الفاسدين بعد ما شعرت ان الأمور على حافة الانهيار...والله لن نتركك ابدا يا عتباني مهما فعلت ومصيرك ومصير حرامي كافورى واخوانه هو المصير الذى آل اليه القذافي......الطوفان قادم لا محالة وشايلين الاعواد فى أيدينا وجاينكم....

[Abu Sama]

#1111090 [ملتوف يزيل الكيزان]
5.00/5 (1 صوت)

09-21-2014 12:01 PM
القاتل المحترف هذا يكتشف بعد ربع قرن ان الوطني يستخدم اموال الشعب في ما يضر الشعب و يبيد الناس، عجبي!!!!!!
الست انت قائد من القادة الذين اقاموا تنظيم العصابة هذا.

[ملتوف يزيل الكيزان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة