الأخبار
أخبار إقليمية
مع نفحات ذكرى هبة سبتمبر المجيدة..هلع داخل جهاز امن البشير واعتقالات واسعة للناشطين
مع نفحات ذكرى هبة سبتمبر المجيدة..هلع داخل جهاز امن البشير واعتقالات واسعة للناشطين
مع نفحات ذكرى هبة سبتمبر المجيدة..هلع داخل جهاز امن البشير واعتقالات واسعة للناشطين


09-21-2014 04:38 PM
الراكوبة – الخرطوم نفذ جهاز امن البشير حملة اعتقالات واسعة ضد الناشطين وبعض منسوبي الاحزاب السياسية، مستبقا ذكرى هبة سبتمبر المجيدة، وسط انقسام حاد داخل ادارة الجهاز، ما بين داعٍ لتوسيع حملة الاعتقلات، وما بين رافضٍ لها، لكونها تقوم بتسميم اجواء الحوار الوطني المزعوم الذي دعا له حزب البشير.

وعلمت (الراكوبة) ان جهاز امن البشيرقام اليوم باعتقال ثلاثة من اعضاء الحزب الشيوعي، هم محمد عبد المنعم وخالد التوم واقبال عبد الله، في عملية وُصفت بانها اختطاف صريح، تم في رابعة النهار، باحد شوارع ام درمان. وهو ما يعكس حالة الهلع التي انتبات جهاز امن البشير مع حلول ذكرى هبة سبتمبر المجيدة.

وفي الاثناء قام جهاز امن البشير باستدعاء رئيس حزب المؤتمر السوداني بمحلية جبل الاولياء ومنسق شبكة حقوق الانسان ازهري الحاج، للتحقيق معه حول نشاط الحزب المكثف من اجل اشعال جذوة الاحتجاجات، تزامنا مع ذكرى هبة سبتمبر المجيدة.

وكان جهاز الامن قد قام (السبت) باعتقال عضو المجلس المركزي لحزب المؤتمر السوداني وعضو المكتب القيادي لفرعية الحزب بام درمان المهندس خالد سعد، في سياق حملته لاعتقال الناشطين، لضمان تعويق عجلة الاحتجاجات المرتقبة.

وكانت سفارة الولايات المتحدة الامركية قد حذرت ، رعاياها في الخرطوم من اندلاع مظاهرات عنيفة متوقعة في السودان، وطالبتهم باخذ الحيطة والحذر، تحوطا لموجة احتجاجية عارمة متوقعة، خلال الايام المقبلة.

في وقت كثفّت فيه بعض التنظيمات الشبابية جهودها، ووجهت عضويتها، من اجل الاستعداد لسلسلة من المظاهرات المتصلة، تزامنا مع ذكرى احتجاجات سبتمبر، التي قتلت فيها قوات الامن الشعبي، ومليشيا الجنجويد والدعم السريع اكثر من مئاتي من شباب وشابات السودان.


تعليقات 25 | إهداء 0 | زيارات 9239

التعليقات
#1112380 [راشد]
4.00/5 (2 صوت)

09-22-2014 08:01 PM
التحية للشهداء والمجد والخلود لهم التحية والسلام للشعب السوداني العظيم والعار لزبانية الجبهة الاسلامية القومية الفسدة المفسدين العار لجهاز الامن الفاشي العار لمن اطلاق النار على كل من خرج الشارع ليطالب بحقه في الحياة.
اقترح غدا اطفاء الانوار في كل المنازل الساعه 7 بتوقيت السودان لمدة دقيقة لاحياء هذه الذكري العظيمة وللتضامن مع الشهداء ولتزكير نظام الكيزان الفاشي الفاسد ولتزكير لص كافوري المرتعب فى مخبئه ان الثورة لم تمت وان الفجر ات لا محالة فالنتضامن غدا فالنتضامن غدا

[راشد]

#1112329 [المارد]
5.00/5 (1 صوت)

09-22-2014 06:37 PM
ياخوانا ورونا مارقين ولا ما مارقين؟؟؟؟ وبعدين وضحوا لينا وللناس البتقول العيد بجي ويفرتق المجهود ويشتت الناس .. أصلا هو في عيد؟؟؟؟؟ السؤال ده لجموع غفيرة من الشعب السوداني الفقدوا أعزاء والجعانين وما لاقين فرحة للعيد والناس المتشردين في الأصقاع بسبب حروب الكيزان .. أها ورونا الداير العيد منو!!!!!؟

[المارد]

ردود على المارد
European Union [جعفر] 09-22-2014 09:35 PM
مارقيييييييييييييييين لو يفضل فينا زول واحد


#1112207 [تينا]
0.00/5 (0 صوت)

09-22-2014 03:49 PM
فكرتك ممتازة أخى (((مكرام))) وما تقول كمان الصوانى فى معظم البيوت بقت فااااضية وما لاقية البستعملا اهو جاء وقت حوبتا اما العلب الفاضية ما أظنها تتلقى لأنو الناس ليهم زمن من شراء الحاجات البيلعب بقوا بشتروا بيقدر ظروفك ومن شدة ما الناس انضغطت لما بقوا يبدعوا براهم استغربت لما شفت زيت السمسم بقى فى مصنع بنتجو فى كيس (((سغيروووونى))) ومبستر يعنى قدر ظروفك بالطريقة الماخمج وبابتكار سودانى الله المستعان ... تحياتى ...

[تينا]

#1112186 [سقوط الكيزان]
5.00/5 (2 صوت)

09-22-2014 03:23 PM
تعتقلوا منو وتخلوا منو؟؟؟ الموضوع مابقى موضوع سياسة بقى موضوع حياة او موت ؟؟انتو متخيلين انو الشعب ده حيظل ساكت الى يوم القيامة وانتو بتكلتوا فيه بالبطىء؟؟؟ النظام اصلا سقط فى كل شىء وده مفروغ منه نظام لا اطعم جوعا ولا سقى عطشا ولا حمى ارضا ولا حفظ عرضا ....نظام سقط بحق وحقيقة لكنه يكابر بالتشبث بالسلطة ... الناس خلاص قالت كلمتها وزمنك انتهى يابشير السجم والندم

[سقوط الكيزان]

ردود على سقوط الكيزان
European Union [الفاضل] 09-22-2014 09:38 PM
دا كلام سليم مية في المية
الى الامام ياشباب من اجل سودان جديد ومن اجل الحرية


#1112061 [radona]
5.00/5 (1 صوت)

09-22-2014 01:01 PM
وكل هذه الاجراءات لن تفيد النظام الحاكم شيئا لان المعركة لم تعد ضد اشخاص بعينهم انما هي معركة لا هوادة فيها بين الشعب السوداني بكلياته والنظام الحاكم
ودعونا نقف في منطقه وسطى بين الشعب والنظام الحاكم وبكل عدالة لنحكم بينهما
- الشعب يرى ان هذا النظام قد تسبب في ضياع جنوب السودان ببتروله وان هذا النظام يرفع شعارات اسلامية لا يطبقها ويمارس الفساد دون حسيب ولا رقيب وعلى اوسع نطاق وانه بعد ذهاب البترول وايراداته التي لم تصرف في التنمية ولم تعرف حتى الان اين ذهبت اموال البترول هذه وبفقدانها عمد النظام الحاكم على اقتلاع لقمة الخبز وجرعة الدواء من فم المواطن بزيادة اسعار السلع المعيشية وفرض ضرائب باهظة ومتنوعة وجمارك برسوم عالية جدا وقتل النظام الحاكم مايزيد على 200 شهيد في احتجاجات سبتمبر 2013م بسبب تظاهلاهم احتجاجا على التردي المعيشي والغلاء هذا بجانب البذخ والترف الذي يعيشه اقطاب النظام كما قام النظام بتدمير مشاريع اقتصادية مثل مشروع الجزيرة الذي تشهد عليه جريمة شركة الاقطان وسودانير الذي يشهد عليه جريمة بيع خط هيثرو والسكة حديد التي تشهد على نفسها بنفسها والخدمة المدنيةباعتراف قادة النظام بممارسة سياسة التمكين البغيضه واشعال الحروب الاهلية وسن القوانين المعيبة لحماية الفساد مثل قانون التحلل في جريمة فساد مكتب والي الخرطوم وضلوع القضاة غير المستقل في التحكيم في جريمة شركة الاقطان اضافة الى الفشل في السياسة الخارجية والاقتصادية وعدم المقدرة في ادارة التنوع العرقي والثقافي ...الخ قد لايكفي ذكر ذكر كل اوجه الفشل التي تيقن الشعب ان النظام الحاكم هو المتسبب الاول والاخير فيها
- النظام الحاكم يرى بانه مسخر من الله لحكم هذه البلاد وان الله مكنه من المال والسلطة ويعتقد بانه يحسن صنعا وان الجنة هي مثواه في الاخرة لذلك فانه يتشبث بالسلطة بالقوة والتمكين ويعتبر ان عضويته مخلوقة من طينة اخرى غير التي خلق منها بقية السودانيين لذلك فانه يحاصر ارادة الشعب السوداني بالقوة الشرسة والبطش والاعتقالات رغما عن طرحه حوار الوثبة الا انه يلح في اخراج انتخابات في ابريل 2015م ظنا منه انه بذلك سيلبس ملابس الشرعيه رغما عن الشعب السوداني واحزابه ومنظماته الاجتماعية
- الحكم العادل
بالرجوع الى احكام الدين الاسلامي وشؤيعته الاسلامية والقوانين الدولية والمحلية والعرف الاجتماعي والانساني فان على النظام الحاكم ومنذ انفصال الجنوب التنحي والاعتذار للشعب السوداني واعتزال العمل السياسي

[radona]

#1112031 [بعاتي و ما فاضي]
5.00/5 (1 صوت)

09-22-2014 12:35 PM
اكتر ما يحير، انك تلقى واحد خارج السودان يكتب ارح نطلع و نعمل و نسوي و هو قاعد قدام شاشتو ما بتحرك وقت الناس تطلع... يا تبقى قدر كلامك و تركب طيارتك تجي و تطلع زيك زي الباقين يا تلم خشمك عليك، الزي دا هو الجايب لينا الضغط. مرقة ما مارق و خليها تحرق ان شاء الله،،، فالح تشبكنا نطلع و نعمل و نفعل و نسوي و ما قاعد معانا... صحي اليدو في الموية ما زي اليدو في النار... ما جيت تطلع معانا من محلي ما متحرك

[بعاتي و ما فاضي]

ردود على بعاتي و ما فاضي
European Union [حريكة] 09-22-2014 09:56 PM
كاااااااااااااااااااااااك دجاجة عاوزة بس ديك .....

Saudi Arabia [الليل] 09-22-2014 02:05 PM
....الكتروني


#1111990 [الثائر حتى النصر]
5.00/5 (1 صوت)

09-22-2014 12:06 PM
قيادات الإنقاذ ينبغي تطويقها بالكامل وسد الأماكن وعدم السماح لها بالحركة والخروج من بيوتهم كل من له صلة بالمؤتمر الوطني من القيادات حجزهم حتى لا يستطيعوا إعطاء الأوامر للشرطة والجيش وسد الثغور والعمل بحزم للقبض على عصابات الانقاذ وتطويق الاذاعة والقنوات الفضائية واستلامها مع البيانات المتتالية لتسليم أي قيادي متورط في حكومة الانقاذ نفسه لأقرب نقطة شرطة وعلى الشرطة حماية الشعب والانحياز للشعب بالكامل حتى لا تكون هناك فوضى - لقد أرارادت قيادات الانقاذ الفاسدة التمسك بالسلطة دون الركون للعقل فهولاء لا يهمهم أن تخرب البلاد ويهمهم مصالحهم الشخصية فقط .... الثورة ثم الثورة والله أكبر ... نعم لسودان التنمية والاستقرار والعدل والمساواة والعلم والمعرفة لا للشتات ولا للفرقة ولا للفوضى ونعم للقانون ودولة القانون. للصبر حدود ...

[الثائر حتى النصر]

#1111887 [العكليت]
5.00/5 (2 صوت)

09-22-2014 10:14 AM
يخافو مايخافو يترعبو مايترعبو الناس طالعة طالعة والثورة مسالة وقت ليس الا

[العكليت]

#1111857 [فايز]
0.00/5 (0 صوت)

09-22-2014 09:51 AM
لو في معارضه قويه كان الجماعه ديل اسي في خبر كان

[فايز]

#1111854 [karkaba]
5.00/5 (1 صوت)

09-22-2014 09:49 AM
كنت حرد علي المدعو اسامة لكن الشرفاء كفو ووفو

[karkaba]

#1111804 [ahmed]
3.00/5 (2 صوت)

09-22-2014 09:14 AM
منذ بدء هبة سبتمبر العظيمة بلغ عدد الشهداء (210) شهيداً ، وعدد الجرحى والمصابين بالذخيرة الحية والرصاص المطاطي (189) ، وعدد المعتقلين بالخرطوم (1364) ، واد مدني (142) ، بورتسودان (46) ، عطبرة (73)، الابيض (40) ، القضارف (59) ، الحصاحيصا (11) ، كسلا (27)
نواصل توثيق أسماء الشهداء :
كوكبة من الشهداء الأبرار ، كتبت أسماؤهم بمداد من ذهب ، وهبوا أنفسهم في سبيل الله ، من أجلكم ومن أجل السودان ، قتلوهم بلا رحمة وبلا هوادة ، ذنبهم الوحيد أنهم قالوا (لا) لتجار الدين الكذابين المنافقين القتلة العنصريين القبليين السارقين الناهبين الذين فتتوا السودان وأهانوا كرامة الشعب وسرقوا قوته .
1- احمد حمد النيل منصور (ام درمان)
2- حازم محمد زين ابراهيم (ام درمان الثورة )
3- بدوي صلاح 22 عاما ( امدرمان ابوروف)
4- بابكر أبشر 16 عاما ( امدرمان ابي سعد)
5- محمد بشير سليمان 22 سنة (الكلاكلة صنقعت)
6- عصام الدرديري 16 سنة ( الكلاكلة صنقعت)
7- وفاء محمد عبد الرحيم عبد الباقى من طيبة الشيخ عبد الباقى.
8- هزاع عزالدين جعفر 19 عاما ( شمبات الحلة)
9- احمد محمد الطيب طالب ثانوي ( مربع واحد الفتح )
10- علي محمد علي ( مربع 23 الفتح)
11- الطفل صهيب محمد جبارة بالصف الثامن الابتدائ - السكن الدروشاب محطة 5 .
12- الطالب ولي الدين بابكر حسين الجاك .قتلوه في الدروشاب وحملوا جثمانه الى حي مايو
13- الطالب بشير عبد الله أحمد المنا ( الدروشاب)
14- ايمن يسن ( الحاج يوسف مربع 5 المايقوما )
15- حسب الرسول الخليفة محمد الصديق احمد ( محطة الصقعى بالحاج يوسف) )
16- اكرم الزبير احمد الزبير ) سائق ركشة) ( قرية الدومة بالقرب من الجنيد) قتل في الخرطوم
17- عبدالقادر ربيع عبدالقار ( الحاج يوسف)
18- بكري حامد ( شمبات)
19- بابكر النور حمد ( شمبات)
20- محمد الخاتم ( شمبات)
21- اسامة عثمان وداعة 43 عاما ( حلفاية الملوك) صاحب معهد تعليمي بمنطقة بحري
22- الطالب بشير موسي ( ام روابه حي الباقر ) .قتل في مظاهرات الكلاكله اليوم
23- محمد حسين صادق محمد صالح العمر 22 سنة ( - بحرى الدروشاب)
24- بشير عبدالني ( السامراب.)
25- عصام الدين محمد احمد حسن
26- ابوبكر محمد حسن. ثالث ثانوي مدرسه المشاعل.
27- مصطفي محمد. ( دروشاب)
28- محمد عثمان شروم
29- سليمان لم يتعرف علي اسم كامل
30- محمد صديق محمد عثمان العمر 16 سنه (الكدرو )
31- سارة عبد الباقي / خريجة/ 35 سنة، تعمل بمستشفى - - على عبدالفتاح.
32- صهيب محمد موسى
33- شرف محمد محمود.
34- بشير عبد الله منقوري
35- هيثم قريب
36- ولاء بابكر حسين الجاك/ ( السامراب)
37- عمران سيد .....قريةالشاوراب/ الحلاوين جامعة السودان /24 عاما —
38- وفاء محمد عبدالرحيم)...طالبه في المستوى الثاني الثانوي بالكلاكله .. مدرسه الشفيلاب النموذجيه
39- أيمن بجا هبيله ( الخرطوم السلمة)
40- عمران السيد.. من ابناء قرية الشاوراب . ولاية الجزيرة
بعد اصابته برصاصة في الصدر في منطقة سعد قشرة ببحري
41 - علم الدين هارون عيسى – 19 سنة - الثوره الحاره 60
42- محمد حسين صادق من ابناء حلفا الجديدة من القرية 14
43- محمد سفارى ( الشجرة)
44- هيثم علي غريب من مدينة الابيض
45- بشير موسى بشير - ام روابة
46- صلاح مدثر الشيخ السنهوري ( بري)
47- أبوبكر النور حمد 23 سنه ( مبادرة نفير بحري
48- مازن سيد أحمد (23 عام، مدني الدباغة)
49- ابراهيم محمد علي ( مدني الدباغه)
50- الطيب عبد اودود ( مدني القبه )
51- مني عبد الرحمن سليمان ( مدني حي التلفزيون)
52- الطفل هاجر عبد العليم ( مدني الدباغه )
53- أحمد يوسف محمد عمر (قرقر) ( ودمدني) أحد أبناء قرية (ودالنور الكواهلة)
54- والطفل منير احمد ( مدني )
55- فرح ايمن محمد ( مدني الدباغه )
56- عاصيم هشام ( مدني)
57- مجتبي حسن ( مدني)
58- يوسيف انور ( مارنجان عووضة)
59- امل منزير ( مدني )
60- بابكر يوسف ( مدني القبة )
61- أحمد محمد علي ( مارنجان عووضة ودمدني
62- الهادي جابر. ( مدني )
63 - محمد اسماعيل حمن.
64 - قسم نور. ( نيالا )
65 - ادم عبدالرحمن. ( نيالا )
66- صباحي يعقوب. ( نيالا )
67- ادم بريمه. ( نيالا )
68- انور وعصام محمد محمود الشريف ( نيالا )
69- ابراهيم احمد فضيل. ( نيالا )
70- اسامه محمود.
71- عوض محمد جباره. ( نيالا )
72- ابراهيم الجلابي. ( نيالا )
73- محمد ابوسيل. ( نيالا )
74- الفاتح عبدالر حامد سليمان. ( نيالا )
75- الشريف النيل. ( نيالا )
76- حسب الله احمد حسب الله. ( نيالا )
77- ناعم الهادي داؤد.- ( نيالا )
78- محمد رابح عجب الله. ( نيالا )
79- فضل الله عبدالله علي. ( نيالا )
80- الدومه ادم علي. ( نيالا )
81- حامد الجلابي. ( نيالا )
82 - المر عيسي. ( نيالا )
83- اسماعيل حمد( نيالا )
85. وليد الدين الصادق ( مدرسة الصالحة الثانوية ) أمدرمان
86 .الصادق محمد ( مدرسة الصالحة الثانوية ) أمدرمان
87. عبداللطيف أمين ( مدرسة الصالحة الثانوية ) أمدرمان
88. محمد ادم ( مدرسة الصالحة الثانوية ) أمدرمان
89. مصطفى النذير ( مدرسة الصالحة الثانوية ) أمدرمان

90 . أبوبكر محمد سعيد سليمان 17 سنة ( الكدرو)
91 صادق أبوزيد مواليد 1996
92 . يوسف عبدالله سليمان يحي (مايو) توفي صباح اليوم بمستشفي الخرطوم عن 58 عاما وهو أب لتسعة من الأبناء والبنات
93. مصعب مصطفي ( ناشط في محاربة العنصرية)
94 . أسامة محمدين الأمين من قرية الولي/ الجزيرة طالب بكلية علوم الطيران ( مظاهرات الدروشاب)
95 عادل النور محمد الأمين 17 عاما ( السلمة)
96 محمد زين العابدين 14 عاما ( دار السلام – أم درمان)
97 . ياسر عادل ( دار السلام – أم درمان)
98 . محمد أحمد حسن كبير – 22 سنة – طالب بجامعة الخرطوم – محاسبة السنة الأولى – الدروشاب
99 . حسبو حاج الصديق – الحاج يوسف
100 . الشهيد/ عمر عبد العزيز طالب بالصف الثاني الثانوي….يسكن في امدرمان-سوق ليبيا-دار السلام
101 . الشهيد/ حسب الرسول محمد حاج الصديق
102 . الشهيد شوقى الريح يوسف
103 . الطالب فاروق بابكر طالب بمدرسة علي السيد بالصحافة شرق استشهد بالصحافة شرق يوم الاربعاء بالقرب من مدرسة علي السيد يسكن الانقاذ بالقرب من مسجد القدس
104 . قتل في أحداث الأربعاء 25 سبتمبر سلطان حامد (سلطان ود سعاد بنت ود الجنيد) في منطقة السامراب قرب منطقة المدارس - الشهيد من سكان دردوق
105 . على يحيي أحمد ( نرتتي – زالنجي ) يوم 7/10/2013
106 . محمد زكريا آدم ( نرتتي – زالنجي ) يوم 7/10/2013
107 ,. حسن إسحق محمد عباس ( نرتتي – زالنجي ) يوم 7/10/2013
108 . عباس إسحق محمد عباس ( نرتتي – زالنجي ) يوم 7/10/2013
109 . الصادق إبراهيم – أمبدة- 25 سبتمبر - رصاصة فى الصدر
110 . حسن توتو – الحاج يوسف التكامل – 25 سبتمبر- رصاصة فى الجانب الايسر – 27
111 . الشهيد جعفر عثمان جعفر يعقوب من المحس قريه آرتمري 24 سنه توفي متأثرا بضربه بمؤخره بندقيه في مؤخره رأسه في مظاهرات الكلاكله وكان في غيبوبه حتي وافته المنيه يوم 7 اكتوبر ونحسبه شهيداً بإذن الله
112 . صالح أيوب صالح – طيبة الاحامدة – 25 سبتمبر- 19 سنة
113 . حسن سليمان – 45 سنة امبدة – 25 سبتمبر – دهسته سيارة بوليس
114 . سامى حسن حماد 22 سنة عامل جبال النوبة توفى الاربعاء 25 سبتمبر رصاص فى الراس الحاج يوسف محطة
115 . طارق صديق – 20 سنة – 26 سبتمبر – رصاصة فى الصدر
116 . نهلة جمال كوا – 17 سنة- 25 سبتمبر- طيبة الاحامدة
117 . عثمان شروم – 24 سنة – 25 سبتمبر – العزبة بحرى – رصاصة فى الراس وخمسة مناطق اخرى فى الجسم
118 . مصعب نورى – الحاج يوسف – اصيب يوم 25 سبتمبر وتوفى يوم 28 سبتمبر متاثرا باصابته
• في الحاج يوسف قتل طالب جامعي بتفجير رأسه برصاصة غاادرة من أحد كلاب الأمن ، والدة المتوفى في غيبوبة تامة منذ 10 أيام
119 .أحمد موسى أحمد علي-طالب في السنة الثالثة ثانوي 18 سنة الكلاكلة.
120 . الشهيد مصعب من منطق الحاج يوسف الردمية
121 . عبد الرحمن سعيد وداعة الله – 24 سنة – أم درمان الثورة الحارة 65
122 . الاسم: سليمان محمود يحيي 20 سنة طالب - السكن: الصحافة - الخرطوم . - مكان الاستشهاد: شارع الستين –الخرطوم
123 مدرار أبو القاسم جمعة ناصر/ طالب ثانوي ( 16 عاما) استشهد في أم بدة حيث كان في زيارة أسرية
124 الشهيد محمد زين - العمر 12 عاما. يسكن الإسكان الشعبي امدرمان غرب الحارات
125 . الشهيد خالد محي الدين - ام بده - فنان تشكيلي - رسم كل الرسومات في عديل المدارس - رحمة الله
126 . الشهيد عصام محمد – الثورة الحارة 76 رصاصة في القلب – قتل في مظاهرات الثورة 74
127 . عمر خليل أبراهيم خليل – مايو – الخرطوم – يدرس بالجمعية الاسلامية فى حى مايو- ظهرت صورته وهو ملقي على الأرض
128 . صالح صديق عثمان صديق – زميل الشهيد رقم 127 – مايو – الخرطوم – مدرسة أسامة بن زيد الثانوية ، ظهرت صورته وهو ملقي على الأرض بالزي المدرسي المبرقع ودماؤه تسيل كالماء
129. الشهيد الشاب فاروق بابكر محمد إدريس - ا19 سنة قتل وهو في زيه المدرسي رمياً بالرصاص
130. محمد عبد الرحمن أبوزيد – 21 سنة –الثورة الحارة 5
131. مصعب مصطفى محي الدين – 28 سنة – أم بدة الحارة 4
هذا الملحق من الشهداء الأبرار إضافة من الدكتور محمد مراد الحاج، والصحفي عبدالوهاب همَـت
احمد محمد علي احمد
اكرم الزبير
الصادق ابوزيد عزالدين
امير ادم ابراهيم
ايمن بيجة هبيلة
بشير موسي بشير
جعفر عثمان يعقوب
حواء احمد
سليمان محمود يحي
صالح صديق عثمان
صلاح سنهوري
عصام تجاني عر كجو
عمر خليل ابراهيم
فاروق بابكر محمد ادريس
فاطمة يحي ادم
محمد ادم بشو
محمد بشير سليمان
محمد موسي سفاري
معتصم محمد احمد وارقو
مؤمن محمد عثمان ساتي
وفاء محمد عبدالرحيم
يوسف عبدالله
احمد البدوي صلاح
احمد حمد النيل منصور
احمد محمد الطيب
التوم دلدوم
بابكر بشير موسي محمد
حازم محمد زين ابراهيم
شوقي الريح يوسف
صديف ادم محمد
ظافر عبد الله ظافر
عام الدين هارون
علي محمد علي محمد
عمر عبد العزيز
عوض الله الهادي
محمد زين
محمد عبد الرحمن عبد الله
مصعب مصطفي محي الدين
نور الدين الطيب نورين
ابو بكر محمد سعيد سليمان
اسامة عثمان وداعة
اسامة محمد مدين محمد الامين
ايمن محمد يس ابراهيم
بابكر النور حمد
بشير عبد الله احمد
حسب الرسول خليفة
سارة عبد الباقي الخضر
شرف الدين محمد محمود
عبد القادر محمد عبد الله
عبد الله محمود عبد الله
عصام محمد بخيت
عمر الخضر
عمران السيد
محمد احمد حسن كبير
محمد حامد محمد علي
محمد حسين هارون محمد صالح
محمد خير الله
مصعب نوري الاعيسر
هزاع عز الدين
هيثم محمد غريب

[ahmed]

ردود على ahmed
[منشى] 09-22-2014 01:41 PM
عليك الله هسه اقارب اسر الشهداء و الجرحى ديل براهم ما بيسدوا عين الشمس لو طلعو للذكرى و انتو عارفين اسر السودان اسر ممتده الواحد براهو يكون ليهو اكثر من الف قريب دى غير الاصدقاء و الزملاء و المعارق زائد الانتماءات الحزبيه زائد الناس اللى جاعت و ما لاقيه حاجه تاكلها و الغرفانين اصلا من الحاله ناس حزب الكنبه اللى اصلا ما عندهم قضيه بالسياسه لكن الحاله وقفت معاهم ديل كلو ما بيساووا الثلاثين مليون محتج , يبقى لو جابوا ليهم جنود الارض كلوا ما ح يعملوا حاجه و اخير يدوا الناس حق الاحتجاج السلمى و تعبير كبتهم و زهجهم من خلال حقهم القانونى و إلا .......


#1111792 [khalid Osman]
5.00/5 (1 صوت)

09-22-2014 09:04 AM
هؤلاء الكيزان جبناء ... طلقة واحدة من المتظاهرين حيكونوا في اثيوبيا صدقوني....

[khalid Osman]

#1111731 [شاهد اثبات]
0.00/5 (0 صوت)

09-22-2014 07:11 AM
لازلنا نعاني من ازمة الابداع السياسي وعالقين مع -نفس الناس -حتى الان-

عندما توفر القدوة النظيف العفيف ويخاطب الشعب النفيس باجمل ما فيه... تكون اكتملت اركان الثورة....
1- القدوة المتجرد
2- البرنامج المحترمة والمحددة
3- الاجهزة الاعلامية المحترمة القادرة على توصيل البرنامج
4- الجماهير الواعيةبي البرنامج
بعد انتهاء حقبة الوعد الحق والفجر والكاذب""الايدولجيات العروبية والاسلاموية"والثورات المزيفة تبداء ثورات الشعوب الحقيقية...
تحت الغنا المحظور
تنده تنادي الشعب
الصامد المقهور
هُب من ظلامك هُب
الشمس جوه الجب
والحكمة خلف السور
....(الشاعر هاشم صديق)
ارفعو علم الاستقلال في البيوت
وحددوا الاهداف الانية-الاتية-المرحلة الاولي
1- تعيين تسعة قضاة من غير المؤتمرالوطني في المحكمة الدستورية العليا يكونو مستقلين ومحترمين
2- قومية المفوضية العليا بمشاركة الاحزاب المسجلة
3- الغاء الولايات واستعادة الاقاليم واجراءا انتخابات اقليمية فيها
عشان ما تكون ثورة جمهورية عاصمة مثلثة ساكت...وتنتظروا تصفير العداد واعادة التدوير من -نفس الناس- ومن 1964 الثورة حصلت وفاتتكم لمن خرجو 5 مليون لي جون قرنق "والسودان الجديد" في 2005 ولم يحدث الاصطفاف الحقيقي والطبيعي بسبب المجاملة والنفاق المستمر حتى الان ...الطريق يمر فقط بي نيفاشا والدستور القرار 2046 ومبادرة نافع /عقار-ده برنامج ثورةشباب..

[شاهد اثبات]

#1111704 [ملتوف يزيل الكيزان]
5.00/5 (6 صوت)

09-22-2014 05:42 AM
كونوا روابط شباب الاحياء ، و كل ناس حي يتسلحوا بالملتوف و اي اضافات اخرى. البداية الاف الحرائق في وقت واحد ، كل منازل الكيزان و كلاب الامن يجب ان تشتعل بالملتوف في كل احياء العاصمة في نفس الوقت. اصلو وسط المدن ما فيهو بيوت كتيرة ، و ثانيا تفادي وسط المدن ، يشتت قوات الامن التي حتما لا تستطيع تغطية العاصمة بملايينها السبع. عليكم بالاستياء على اطراف المدن اولا ، وستقع الادارات بسقوط الاطراف.

[ملتوف يزيل الكيزان]

ردود على ملتوف يزيل الكيزان
Sudan [ثائره] 09-23-2014 02:33 AM
عرفنا رب البيت كوز .. ذنب اولاده شنو ؟ ولو واحد ضربه المولوتوف و اتوفى حيكون ذنبه في رقبه منو ؟؟


#1111572 [حريكة]
4.72/5 (6 صوت)

09-21-2014 11:10 PM
يا اخوان اعملوا حسابكم من المنظمات الخيرية والجمعيات الفي الخرطوم بالذات كلها مكاتب امن واجهزة امنية ادوها ملتوووووفات ديل كلهم الامنجية والمنظمين عاملين فيها دكاترة بتاعين ادوية وبوزعوا للصيدليات وكلهم كلاب امن وباسلحة
مرقنا مرقنا ضد الناس السرقو عرقنا

[حريكة]

ردود على حريكة
Sudan [nagatabuzaid] 09-22-2014 01:43 PM
الكريم حريكة انا معك ان هناك جمعيات ومنظمات امنية ورئاسية لكن ليست كل

الجمعيات والمنظمات هناك جمعيات انسانية مستقلة تماما هدفها ونصب اعينها

الانسان انسان السودان خاصة وتجد مضايقات من منظمات الامنجية


#1111564 [صالح محمد نور]
4.93/5 (7 صوت)

09-21-2014 10:48 PM
خايفين ومرعوبين اكتر من الاول، يلا ياشباب قوموا الي ثورتكم يرحمكم الله
كلها اسبوع ندعكهم شديد ونمرمطم في كل المدن والقري وبعد اسبوع كل واحد يجهز موسو،،
حلاقة في الشوارع تاني والراجل يقول انا مؤتمر وطني،
عليكم بمنزل نافع والجاز وعلي عثمان وما تنسوا الكاهن الفي المنشية واي والي يشوف ليهو صرفة ، نحن اربيعين مليون وديل ما تامين مية الف، خلاس القيد انفك والتار ما بتنسي ، بكره لحس الكوع ،،، مطار الخرطوم لازم يتغطي مظبوط ، نبال وحجر وطريق مدني والشمالية ماتسيبوهم مفتوحة، اركزو والله ناصرنا، وهم ناصرهم منو ؟؟ نحن شهيدنا في الحق عند الحق عز وجل ضد الظلم علي العباد والبلاد
والله خايفين ومرعوبين ومابيقدروا عليكم والله مسحة عين نقشهم ذي صفق النيم ونوريهم رجالة ما عرفوها ناس نافع ولا الخضر،
عليكم بمجمع الفردوس الصحي لانو بتاع عبد الرحمن الخضر، كل لحم نبت من سحت فالنار اولي به
احرقو ا بيوتهم بالليل في الظلام وشوفوا الخوف فيهم بيعمل شنوا
صعاليق مقطقين ولصوص ،ضوقونا المر ، الله وحده يعلم
حريق بالجاز يا عوض الجاز
لازم تكون ثوره في كل حته عشان يتجهجهوا وما يركزوا قوتهم في مكان واحد
كنس كنس للبنفنس
وابقوا رجال اولاد رجال وانا اول حراق للسحت
والله اكبر الحرية والتار
او الشهادة

[صالح محمد نور]

ردود على صالح محمد نور
Sudan [nagatabuzaid] 09-22-2014 10:03 AM
الله يصبحك بالخير يا صا لح محمد نور ان وجدنا 20 على درجة حماسك من الشباب القيد لن ينكسر فقط بل سيتفتت حته حته كل واحد من العشرين تزعم مجموعة والله تبقى عليهم نار جهنم ولو كل ام بس وقفت زغردت لوليداتها سيزحف الشارع وللعلم الزغاريد سلاح فتاك
هم حقيقة مرعوبين لانهم ظالمين والظالم دائما جبان يمشى ويتلفت يخاف العباد ولا يحاف رب العباد


#1111551 [صالح محمد نور]
3.00/5 (2 صوت)

09-21-2014 10:25 PM
خايفين ومرعوبين اكتر من الاول، يلا ياشباب قوموا الي ثورتكم يرحمكم الله
كلها اسبوع ندعكهم شديد ونمرمطم في كل المدن والقري وبعد اسبوع كل واحد يجهز موسو،،
حلاقة في الشوارع تاني والراجل يقول انا مؤتمر وطني،
عليكم بمنزل نافع والجاز وعلي عثمان وما تنسوا الكاهن الفي المنشية واي والي يشوف ليهو صرفة ، نحن اربيعين مليون وديل ما تامين مية الف، خلاس القيد انفك والتار ما بتنسي ، بكره لحس الكوع ،،، مطار الخرطوم لازم يتغطي مظبوط ، نبال وحجر وطريق مدني والشمالية ماتسيبوهم مفتوحة، اركزو والله ناصرنا، وهم ناصرهم منو ؟؟ نحن شهيدنا في الحق عند الحق عز وجل ضد الظلم علي العباد والبلاد
والله خايفين ومرعوبين ومابيقدروا عليكم والله مسحة عين نقشهم ذي صفق النيم ونوريهم رجالة ما عرفوها ناس نافع ولا الخضر،
عليكم بمجمع الفردوس الصحي لانو بتاع عبد الرحمن الخضر، كل لحم نبت من سحت فالنار اولي به
احرقو ا بيوتهم بالليل في الظلام وشوفوا الخوف فيهم بيعمل شنوا
صعاليق مقطقين ولصوص ،ضوقونا المر ، الله وحده يعلم
حريق بالجاز يا عوض الجاز
لازم تكون ثوره في كل حته عشان يتجهجهوا وما يركزوا قوتهم في مكان واحد
كنس كنس للبنفنس
وابقوا رجال اولاد رجال وانا اول حراق للسحت
والله اكبر الحرية والتار
او الشهادة

[صالح محمد نور]

#1111517 [عادل السناري]
5.00/5 (3 صوت)

09-21-2014 09:23 PM
الذي ارعب جهاز الامن خاصة و ناس الانقاذ عموما تنامى الي سمعهم وصول اعداد مقدرة من جنود الجبهة الثورية الي ولاية الخرطوم علي دفعات و قي فترات متبادة و كذلك مرافيد الجيش و القوات التظامية الاخرى من مختلف الولايات --- بالتزامن مع تصريحات السيد / الصادق المهدي باحتمالية حدوث انقلاب وشيك --- ضربت الجقلبة و الهضربة جهاز الامن الا يعتقل ناس الخرطوم كلهم .

[عادل السناري]

ردود على عادل السناري
Sudan [nagatabuzaid] 09-22-2014 10:05 AM
زد عليها تمرد اعداد لا يستهان بها من الجنجويد


#1111482 [مكرام]
5.00/5 (6 صوت)

09-21-2014 08:14 PM
لاحياء ذكري الشهداء فليقرع اي بيت في العاصمة فقد شهيدا صينية او علبة فارغة لتحدثوا ضجيجا وسيتبعكم الجيران وستضج العاصمة بالرنين ويدب الهلع في قلوب الكيزان!!!قليل من الابداع والابتكار يا قرفنا ويا شباب الاحزاب،،،عاصمة شيلي فارت برنين الحلل اثناء الثورة علي بينوشية وكان لها الاثر في تشجيع الجماهير

[مكرام]

ردود على مكرام
Sudan [nagatabuzaid] 09-22-2014 10:13 AM
فكرة جميلة جدا يا مهرام ولتفعل ذلك كل البيوت لان الشهداء ابناء كل اسر السودان والوجع وجع السودان اجمع انها فكرة جهنمية مع استخدام سلاحى الشطة والزغاريد عارف يا مكرم الجماعة ديل اى غطاء حلة يقع فى بيوتهم يقوموا طيران غايتوا الا يستعملوا حلل بلاستيكية مكتوب عليها صنع خصيصا للكيزان علشان كان وقعت ما يفكوا البيرق

Sudan [ود أمدرمان] 09-22-2014 09:24 AM
فكرة جهنميييييييييييييييييييييييييييييييييييييييييييييييييييييييييييييييييييية

Saudi Arabia [abusami] 09-21-2014 10:05 PM
فكرة رائعة يلا اتفقو أولاد الابلسة حيركبو الهولندية .


#1111478 [دقنة]
4.88/5 (7 صوت)

09-21-2014 07:56 PM
يا كيزان أسمعو كلامي ده كويس ،،، زي ما جيتو على غفلة ،،،، حتتقلعو في رمشة عين بإذن الله

{ إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ }

[دقنة]

ردود على دقنة
Sudan [nagatabuzaid] 09-22-2014 10:14 AM
ان شاء الله


#1111473 [Kunta Kinte]
4.75/5 (5 صوت)

09-21-2014 07:45 PM
المشكلة دايماً بتختارو توقيت عجيب لبدأ المظاهرات ، يا إما قبل العيد يقوم يجى العيد الناس كلها تسافر الولايات للعيد ، او قبل رمضان ، يجى رمضان الناس تنوم

المظاهرات دى حتقوم لكن حيجى العيد يقطعا لينا

[Kunta Kinte]

ردود على Kunta Kinte
Sudan [nagatabuzaid] 09-22-2014 10:16 AM
الناس البتسافر الاقاليم يقوموا المظاهرات فى الاقاليم

Saudi Arabia [الحريه قبل الخبز احيانا] 09-22-2014 08:49 AM
الكلام ده مهم جدا انتظرو نهاية الاجازه ثم ندورها بطريقه متصله


#1111465 [ahmedali]
5.00/5 (1 صوت)

09-21-2014 07:23 PM
حرية سلام وعدالة والثورة خيار الشعب

يا خرطوم ثوري ثوري لن يحكمنا لصوص كافوري

فلنجهز انفسنا ونستعد لانتفاضة دائمة حتي اسقاط نظام الفساد والاجرام

[ahmedali]

#1111447 [اسامه]
5.00/5 (2 صوت)

09-21-2014 06:38 PM
بالله خلونا من الاوهام بتاعتكن دي ناشطين ايه اللي جاي تتكلم عليه فالشعب لا يثق في اي احزاب تقليديه او احزاب معارضه فهم عباره عن شتات جمعها معارضه الانقاذ فهم بلا برنامج سياسي او اقتصادي فالبتالي لن تستطيع اقامه ندوه جماهيريه ناجحه ناهيك عن اقناع الجماهير بالتظاهر فقد فر منها المواطن كما يفر الصحيح من الاجرب فالمواطن يعلم ان بديل الانقاذ عملاء الغرب والخونه وعبده الدولار كامثال عقار والحلو ومناوي وجبريل ابراهيم وعبد الواحد وبالتالي لن يخرج الشعب لتسليم الوطن لهؤلا المرتزقه والماجورين .

[اسامه]

ردود على اسامه
[العكليت] 09-22-2014 03:41 PM
انت ما بتستحق اسم اسامة انت نسميك الحمااااااار , انا بسالك جاوب لو بتفهم :
1-خرياتك الاغتصبو البلد خمسة وعشرين سنة !!!! عملو شنو فى السياسة والاقتصاد؟
2- مين القسم السودان لى نصين ؟
3- مين قيد الحريات ومنع الندوات واللقاءات الجماهيرية واحتكر التلفزيون والاذاعة والصحف ؟
4- مين عميل؟ البطالب بى حقو ولا البشير وعلى عثمان ونافع العملو صفقة بيع الجنوب مقابل يكونو فى السلطة والمجرمين مايتسلمو لى لاهاى ؟
5-مين عبدة الدولار العندهم املاك وحسابات فلكية فى ماليزيا ودبى والخرطوم وسرقو عينك ياتاجر عيانا جهارا نهارا ومافى قشة عترت ليهم ؟ولا الفقراءمن الشعبالمأزوم ؟
6- مين العمل قانون التحلل القاطعنو من شباطتهم ؟
7- مين قتل الاطفال والنساء والشيوخ وشرد الالاف فى الشمال والشرق والغرب (ده كمان قرضو قرض )؟
8- مين زرع الفتنة بين ابناء الوطن الواحد وبدد الثروات واهلك الزرع والضرع وجوع الناس ؟
9- مين دمر مشروع الجزيرة والطيران المدنى والخدمة المدنية والتعليم والصحة ؟
10- منو الجاب التمكين والتسمين والتفاهات الماسمعنا بيها قبل كده ؟
11- منو الجاب التكفيريين والارهابيين وظهرت التفجيرات والقتل فى المساجد وغيرو ؟
12- منو الكذب كذب صريح على الشعب ؟
13 - وين من الجهات السبعة حتة ماتظاهرت وتم قمعهم بالقوة ؟الشمال المناصير والشرق والنيل الازرق والكردفان ودارفور واخير الخرطوم كلهم تظاهرو وخرجو وتم قمعهم ؟
شوف ياحمار نحن لوجانا ابليس وهو نزيه وبحقق الامن والعدالة والاستقرار وينهض بى البلد من صحة وتعليم واستقرار وفرض القوانين ونبز القبلية والمحسوبية والجهوية وسادت دولة السودان بدون اى تمييز من اى نوع حانقول ليو مرحبا بك رئيسا وحاكما مطاعا .
وبعدين تعال هنا الوطن اسي في يد منو ؟ اجاوبك انا الوطن ياسيد فى يد احقر خلق الله سفلة قتلة لصوص واوغاد وجهلة عبدة لى المال والسلطة .الوطن فى يد المافيا السودانية العظمى .ياحمار ياطير يابهيمة

[سودانى شديد] 09-22-2014 04:57 AM
الإنقاذ هى عميل الغرب يا أرعن و البشير أكبر عميل أمريكى فى العالم .. أتحداك و أتحداك و أتحداك تطلعوا فى مسيرة و ترددوا أمريكا روسيا قد دنا عذابها .. أساسا هى لغويا ما راكبة من زماااااااان يا ديك يا إلكترونى

Germany [صالح محمد نور] 09-21-2014 10:03 PM
طيب يا اسامة ، انت تفتكر بديل الانقاذ منو يا غواصة ،
اساليبكم في الحوار ظاهره وان دل انما يدل علي عدم كفأتكم في العمل الامني و اسلوبك الركيك لا يمكن ان يقنع البهائم فربما الا رؤساك البلهاء امثالك،
قاتلكم الله فردا فردا لانك لست من طينة امهات ارضعن ابنأهم الصبر في زمن عهر الانقاذ المشؤمة.
فالتحيا ثورتنا، والمجد لشهداءنا الابطال ، والخزي والعار لك ولامثالك ورؤساك .
فالتحيا ثورتنا لكنس الانجاس تجار الدين
فالتحيا ثورتنا لمغتصبي الرجال باسم الاسلام في معتقلات النظام
لكم النار والغضب الثأر ليس ببعيد
فالتحيا ثورتنا،
فلنحرر بلادنا من عبدة الشيطان الاسلاميين.
والله اكبر علي الخونة والمأجورين ، وبإذن الله منصورين

United Arab Emirates [الاصيل] 09-21-2014 09:56 PM
لو ظنت الحكومة ان المحرك للمظاهرات هى الاحزاب تكون واهمة وقود المظاهرات هو الغلاء الطاحن والفساد الذى ازكم الانوف والمحمى بالقانون والازمة الاقتصادية وتحويل المؤتمر الوطنى الدوله كمزرعه تخصة والقمع والقهر والعنت الذى اضحى معه المواطن فى اقسى درجات الفقر هذه الاسباب وغيرها كفيلة بخروج الناس دون احزاب او محرض واعلم ان الربيع العربى سببه الظروف الاقتصادية وحكومتك الان فى اشد الخوف والوجل وهذا هو السبب الاساسى فى اعمال اله القمع والقهر خوفا ووجلا لكن اعلم ان نهار الفرج ات ات

United Arab Emirates [صالة المغادرة] 09-21-2014 09:47 PM
سم يدردقك يا اسامة انت والرقاص يا كلب صيد الانقاذ عملاء الغرب الذين ذكرتهم هم اكثر وطنية منك لانهم اذا ارادوا الاستمرار فى نعيم السلطة كما يفعل لصوص هى لله لكانوا الى الان فى سلطة النفاق ومساوىء الاخلاق ولكنهم اثروا حياة الشقاء والابتلاء ليحرروا الوطن السليب من الذين قسموه وضيعوه وبهدلوه وعذبوا اهله وتفرقت بهم السبل فى المنافى والملاجىء

Saudi Arabia [جلال] 09-21-2014 09:42 PM
اخي اسامة من كان في قلبه مثقال ذرة معارضة نحن معه والبديل لماذا لاتكون انت او اي وطني غيور فرجاء لاتحبط المناضلين ونحن من على البعد مع كل الشرفاء وذلك اضعف الايمان والخزى والعار للجبناء والتحية لشهداء سبتمبر وكل شهداء بلادي

Sweden [حاجة عجيبة!!] 09-21-2014 09:37 PM
حرام الواحد يرد على الزيّك..
الناس تعبوا خلاص وعايزين البقودهم لإقتلاع النظام جايي تطرش قرفك ده؟؟..

United Kingdom [خالد حسن] 09-21-2014 09:24 PM
كلام الطير في الباقير ياجداده
من اين لك بان الاحزاب المعارضه جميعها بلابرامج اقتصادي واصلاحي وانها بلاجماهير ؟
لو انها بلاجماهير لماذا تحظر ندواتها ويعتقل ناشطوها؟
لو مؤتمرك الوثني واثق من عضويته التي يزعم انها تفوق العشره مليون لماذا يقد حريات الآخرين؟
بعدين ياجداده برنامج حزبك الوثني جربناه خلال 25 سنه النتيجه شنو؟ ودانا الكوشه ياجداده
قول كلام يخش العقل لكن من اين لجداد بعقل؟

[عصمتووف] 09-21-2014 08:56 PM
تفتكر ي عبقرينوا زمانوا ايهم افضل اللصوص ام العملاء لو اخذنا الشق الايسر العملاء هل يكون اكثر مما فعلتة الانقاذ ممكن اتفق معك لو قلت انهم ضعفاء فشلوا في توحيد انفسهم وقيادة احزابهم وتوحيدها تكون مقبولة لكن حكاية التخوين والتكفير والعمالة والمؤامرة قصص خرافية ليس مكان في عالم اليوم وبعدين انبوبة الاوكسجين بلفها في الغرب انظر عدد الراكوبة الفوق وخارطة الطريق الامريكية وسبقتها نيفاشا وغيرها لكن لو خيرتني انا شخصيا افضل عملاء الغرب ما غالبية وزارء الانقاذ متجنسين ب جنسيات اجنبية مزدوجة اين العمالة هنا ومن اقرب انبش واسال عن سيرتهم واحد واحد معارضة وحكومة وبعدين اختار والبلاد ماتت فضل الاعلان عن موتها ومتي مراسم الدفن

[بت قضيم] 09-21-2014 08:08 PM
اه منك يا كتكوت يا قذر يا نجس

[ابراهيم الطاهر] 09-21-2014 08:04 PM
فعلا دجاجة الكترونية معفنة
عبدة الدولار ناس المتعافي ووزير المالية بتاع القصور ورئيسك وزوجاته الحرامية واخوته ..... والوالي الحرامي وشفعه ناس غسان وزيك يا ماجور يا فاسد ....الشعب سيخرج ومصيركم الي سلة المهملات ومزبلة التاريخ يا سواقط المجتمع وحثالته ....انتم اصحاب البرنامج الذي يعيش الشعب في فقر وجوع وذله يا لصوص 25 من متلازمة الفشل المستمر ولن تنجحوا ابدا وستظل ادارتكم للبلاد فاشلة مثلكم يا شواذ ...ييجتث حزبكم واسلامكم السياسي الفاشل كما حدث في مصر وليبيا وتونس والجزائر واليمن وبكره قريب يا جداده

United Arab Emirates [سرحان] 09-21-2014 07:43 PM
كاك كاك كاك جدادة جدادة معفنة ... قوم لف بلا انقاذ بلا انخاس بلا حرامية ... الشيطان أفضل من الإنقاذ فهو على الأقل لن يقتل مليونين من شعبه


#1111391 [عباس محمد علي]
4.75/5 (3 صوت)

09-21-2014 05:02 PM
لمناسبة الذكرى الأولى لإنتفاضة سبتمبر 2013م
الركائز الأساسية التي تحمل نظام البشير :
1/ القوة العسكرية المتمثلة في الجيش ، الشرطة ، الأمن و المخابرات و مليشيات الجيش الشعبي الجنجويد .
2/ سيطرة الحزب الحاكم على النقابات المهنية و الإتحادات الفئوية المرتبطة به و منظماته السياسية و المدنية و الإجتماعية والإقتصادية التابعة .
3/ القوة المالية و الإقتصادية التي توفرها السيطرة على موارد الدولة من الضرائب و الزكاة و النفط و الذهب و الصادر و تستغل في تقوية القدرات العسكرية و الأمنية و نفوذ الحزب الحاكم و التأثير على الأحزاب المعارضة و الصديقة.
4/ الدعم الدولي و الإقليمي المتمثل في تحالفات التنظيم الدولي للأخوان المسلمين الذي يسخر لدعم النظام إقتصاديا و ماديا و إعلاميا و جلب رضاء الغرب و أمريكا أو السكوت عنه على الأقل ، و الدعم الإقليمي خاصة القطري و التركي الذي يوفر دعما إقتصاديا و عسكريا و هو ما يحتاجه النظام خاصة في معاركه مع المعارضة المسلحة و الغير مسلحة.
5/ ضعف الأحزاب التقليدية و عدم مقدرتها على الدفاع عن الديمقراطية و مكتسبات الشعب مما أثر سلبا على دور قوى المعارضة الحقيقية و ساهم في تشرزمها و عدم توحدها في مواجهة النظام مكنته من الإستفراد ببعضها منفردة و تقديم بعض التنازلات لها مما أدى لمشاركة بعضها للحزب الحاكم في السلطة كما حدث في دارفور و توقيع إتفاقية سلام مقابل فصل جنوب السودان.
* فعلينا إذن تفكيك هذا النظام (صامولة صامولة كما قال الناطق الرسمي لحزب البعث الأستاذ/ محمد ضياء) و هذه المرتكزات التي تمكنه من البقاء: فالقوة العسكرية و الأمنية التي تمكنه من البطش و إرهاب الشعب و قواه الوطنية المعارضة نقابلها بتكاتف العمل الشعبي السياسي بتطوير عمل القوى الوطنية المعارضة داخل مؤسسات الجيش و الشرطة والأمن وتطوير أساليب نضالية لمواجهة أساليب القمع و الإرهاب الذي تمارسه الأجهزة الأمنية والشرطية ، و قوة الحزب السياسي الحاكم الذي يستغل الدين نقابلها بخلق جسور حقيقية تربط قوى المعارضة بالحاضنة الشعبية بتشكيل لجان لقيادة وحماية الثورة في الأحياء الشعبية و أماكن العمل و التجمعات الشعبية لنحرم النظام من أي تأييد شعبي و نشل قدرته المادية و الإقتصادية بالتظاهرات الفئوية المطالبة بخفض الأسعار و زيادة الأجور و تحسين خدمات الكهرباء و المياه الصحة و التعليم كل حسب مجاله كالمطالبة بحرية الصحافة و النشر و التعبير بقيادة نقابة الصحفيين و المطالبة نتوفير الدواء الرخيص بقيادة نقابة الصيادلة...ألخ وهكذا نرحم النظام من السلحة التي تمكنه من إستغلال حاجات الشعب المعيشية الأساسية بحرمان و إفقار الشعب و إزلاله و تحويلها لتكون سلاحا بيد الثورة ضد النظام لتعجيل بإسقاطه.

[عباس محمد علي]

ردود على عباس محمد علي
Saudi Arabia [الحريه قبل الخبز احيانا] 09-22-2014 08:46 AM
تحليل علمي سليم

United Kingdom [خالد حسن] 09-21-2014 09:30 PM
كلام سليم تسلم
علي المعارضه ان تنسي اختلافاتها والعمل معا في الاحياء والنقابات والاتحادات
هذا هو السبيل لاسقاط هذه العصابه الكيزانيه
تناسي خلافاتنا لمابعد اسقاط النظام


#1111378 [حسكنيت]
4.25/5 (3 صوت)

09-21-2014 04:45 PM
لا إنتخابات مع العصابات

ولا حوار مع التتار

لا جلوس مع اللصوص

[حسكنيت]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة