قايلنا نسينا
قايلنا نسينا


09-22-2014 02:35 AM
الفاتح جبرا

كل بلاد الدنيا (والكافرة بصفة خاصة) تمنع الموظفين الحكوميين من الاشتغال بالتجارة بطريقة مباشرة أو غير مباشرة أو الاشتراك في تأسيس الشركات، أو قبول عضوية مجالس إدارتها، أو أي عمل فيها أو في محل تجاري إلا إذا كان معينا من الحكومة معتبرة أن الموظف (المسؤول) يجب أن يترفع عن كل ما يخل بشرف الوظيفة حيث يجب أن يخصص وقت العمل لأداء واجبات وظيفته .
وواحدة من أسباب المنع التي صاغها هولاء المشرعون هو سد الذرائع أمام فساد المسؤولين فما أن تطل أعناق الدراهم (بالصدفة طبعن) ويجد المسؤول أن مطالب بالإجابة على السؤال (من أين لك هذا) حتي يقول ليك : كيييييف ما عارفين أنو أنا شغال في البيزنس !!
يقول اهلنا (السترة والفضيحة متباريات) .. لعلكم أعزائي القراء قد تابعتم على صفحات الصحف مؤخراً الشكوي التي تقدم بها أحد السماسرة يدعى (عبدالجليل علاء الدين) ضد السيد علي محمود عبدالرسول وزير المالية الأسبق مفيداً بان الأخير (ملحو) ولم يعطه حقة القانوني البالغ (مليار جنيه سوداني) المتمثل في عمولتة لقاء شراء منزل لسيادته بحي الرياض بالخرطوم وذلك بمبلغ مليون و(850) ألف دولار ما يعادل (عشرين مليار جنيه سوداني) ، حيث وعد الوزير المواطن بمنحه (5%) عمولة عقب شراء المنزل إلا أن الوزير لم يلتزم بذلك.
وحتى لا يأتينا السيد الوزير مبرراً إمتلاكه لمبلغ (مليوني دولار) ويقول لينا : (ما من اليزنس وكده) نحيله إلى الحوار الذي أجرته معه الصحافية نازك شمام بصحيفة اليوم التالي بتاريخ 12 مارس 2013 يعني قبل سنة ونص (بس) .. (قايلنا نسينا ؟) لنري كيف انه يعاني مثلنا (كما أفاد بذلك) .. الحوار تجدونه هنا
http://www.alrakoba.net/news-action-show-id-126423.htm
س : خمسة أشهر دون عمل.. ماذا كان مصدر رزقك؟
ج : أنشأت ثلاث صيدليات ؛ واحدة في منطقة سوبا، وأخرى في منطقة السلمة، وأخيرة في منطقة الكلاكلة، وكنت أعيش من ريعها، بالإضافة إلى وجود معاش حكومي من الشركة الحكوميّة التي كنت أعمل بها.
س : هل تعمل هذه الصيدليّات حتّى الآن؟
ج : لا.. أغلقت التي في سوبا لأنّها لم تنجح، وبعت صيدليّة السلمة لظروف خاصة.. الوحيدة التي تعمل حتى الآن الموجودة في الكلاكلة، بالقرب من المستشفى التركي.
س : هل تذهب إلى التسوّق؟
ج : أذهب للسوق، ولكن حتى أكون صريحاً؛ ليس كثيراً، فأنا غير مسؤول عن شراء المستلزمات المنزليّة، لأنّو عندي ثلاثة بيوت، لأنّو عملياً لا يمكن أن أذهب إلى سوق الخضار لكي أشتري خضارا لثلاثة بيوت، ولأنّ مسألة الخضار بها مزاج المرأة، وأنا أعطي المرأة حرّيتها في شراء الخضار والطبخ، ولا أتدخّل فيها..
س : هل تعمل على مفاصلة زوجاتك في الميزانيّات عندما يشتكين من زيادة أسعار السلع؟
- هذه غلبة شديدة.. باستمرار يشتكون من السوق والأسعار المرتفعة هذا نقاش يومي.

س : بعد الإجراءات الاقتصاديّة الأخيرة، هل ذهبت إلى السوق؟
ج : أذهب للسوق أحياناً.. ذهبت إلى سوق الخضار، واستطلعت عن أسعار الخضروات. زمان كنت أذهب إلى السوق بصورة مستمرة، أمّا الآن - بسبب المشغوليّات - فليس دائماً، ولكن أسأل زوجاتي عن الحاصل في الأسواق والأسعار حتى أكون على علم، وكثيراً ما يحصل عجز في ميزانيّة الأسرة، ولكن حتى أكون صريحاً فأنا غير الوزارة عضو مجلس إدارة لعدد من المؤسسات، والتي تمنحني مقابلاً مالياً، بالإضافة إلى معاشي الشهري وهو (267) جنيها عندما جاءت المنحة الأولى والثانية أصبح (467) جنيها، وعندي دكان مؤجّر وصيدليّة وأذهب مرات إلى إخواني لأخذ (2) مليون
إنتهت بعض الأسئلة وأجوبتها التي جاءت ضمن ذلك الحوار الذي تم قبل عام ونصف تقريباً يعني قبال سنة ونص وللتلخيص يا سادة يا كرام السيد الوزير بيقول :
- كل إستثماراته أنه يمتلك دكان مؤجر وصيدلية واحدة في الكلاكلة بالقرب من المستشفى التركي يعيش على ريعها بالإضافة إلى معاش حكومي مقداره 467 جنيها من الشركة التي كان يعمل بها .
- لديه تلاته بيوت (ثلاث زوجات) وهن يشتكون من إرتفاع الاسعار
- يقر بأنه كثيراً ما يحدث عجز في ميزانية الأسرة
- مرات بيفلس ويذهب لإخوانه لأخذ 2 مليون (بالقديم طبعن)
السؤال : بعد سنة ونص .. إشترى السيد الوزير منزلا بمبلغ ( 2 مليون دولار) .. كيف إستطاع ذلك .. يمكنك عززيزي القارئ من أختيار الإجابة الصحيحة :
1- كان ذاهباً لأداء صلاة الصبح فركل شيئاً بحذائه فإذا هو مصباح علاء الدين
2- في ما كان يقوم الليل رمضان الماضي إذ جاءته ليلة القدر
3- إقترض من أحدي البنوك 2 مليون دولار ليسددها من معاشه الشهري بقسط 400 جنيه في الشهر لمدة 240 ألف سنة ضوئية
4- أقنعه أحد الشيوخ بقدرته على مضاعفة الفلوس عن طريق الزئبق الأحمر فأعطاه معاشه الشهري فأخذ الشيخ يضاعفه له حتي صار 2 مليون دولار ونفذ المخزون العالمي للزئبق الأحمر !

كسرة :
ما تخاف يا عبدالرسول الحبه ما بتجيك .. هي جات قبل كده لمنو ... ؟؟

كسرة ثابتة (قديمة)
أخبار ملف خط هيثرو العند النائب العام شنو(وووو وووو وووو وووو وووو وووو وووو)+(وووو) +و+و
كسرة ثابتة (جديدة):
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(وووو)+و+و


[email protected]


تعليقات 50 | إهداء 1 | زيارات 14716

التعليقات
#1291744 [ذا روك]
0.00/5 (0 صوت)

06-24-2015 11:19 AM
ههههههههههههه
ورمتونا .. تخش عليكم بالساحق والماحق

[ذا روك]

#1112735 [سحس]
0.00/5 (0 صوت)

09-23-2014 10:45 AM
طبعا" كده
مش طبعن يا استاذ

[سحس]

ردود على سحس
[سودانية] 09-23-2014 04:01 PM
زولك برلوم ياالزهجان وشكلو غبيان كمان لانو لو قرا اسم العمود وقارنو بى طبعن دى كان لقاو لافق

ياجماعة واحد يسلف سحس ده فهامة عشان يكون فى الصورة ماتخلو طاشى ساى يخسى عليكم

Sudan [زهجان من الضبان] 09-23-2014 12:55 PM
عامل فيها سيبويه
الاستاذ جبره قاصد يكتبها كده " طبعن "


#1112729 [ده انا غلبان]
5.00/5 (1 صوت)

09-23-2014 10:31 AM
يا جبرا انت مالك حاسد الراجل ده غلبان واكيد ال19 مليار دي عمولته في رفع الدعم والراجل عنده 3 نسوان يعني متعود علي الرفع

[ده انا غلبان]

#1112669 [ود احمد]
0.00/5 (0 صوت)

09-23-2014 09:08 AM
وزير مالية يتعامل بالدولار !!! .. طيب إذا كان وزير المالية لا يثق في الجنيه السوداني،، البخلينا نحن نثق في جنيهنا و وزير ماليتنا شنوووووووو؟
علي الطلاق من الليلة تاني ما بتعامل بالجنيه السوداني ،،، عملة صعبة بسس .. وللا مو كدي آآ ناس؟

[ود احمد]

#1112663 [مواطن صالح]
5.00/5 (1 صوت)

09-23-2014 09:03 AM
ضع دائرة حول الإجابة الصحيحة:
1/ إستغل هذا المسئول جهاز الدولة لمصلحته الخاصة في التربح.
2/ دخل في سمسرة و بيع و شراء الأراضي و قاسم السماسرة النص بالنص.
3/ إشتغل مع الجماعة في تجارة العملة.
4/ إشتغل مع الجماعة في تجارة المخدرات.
5/ كل ما ذكر أعلاه صحيح.

[مواطن صالح]

#1112594 [قاطع حبلو]
1.00/5 (1 صوت)

09-23-2014 03:51 AM
الزول ابو وشن اسود دا قبل سنتين حلف بي التقطعو قال ماعندو غير دكان في كورنة بيتو الفي السلمة ماعندو حاجةو شغال فيهو واحد غرابي بي النص قال بصرف منه علي اولادو لمن نحن زاتو قربنا نبكي معاهو وقلنا وزيرنا دا الله جابو لينا من السماء ظرفو زي الناس المساكين الغلابة لكن وكت قريت الخبر دا اول امس بي طلاق علي لامن قعدت في الواطة هي شكيتك علي( حسن ابكم)بكسر الكاف يا علي ود محمود كتلت لك زول يا شقي وكمان بالدولار مابتخجل انت مولانا الخطبتو تبكي العاصي .كدا يامولانا تلحسة كلها يامولانا قروش الدعوة حقت الجماعة اليا قدام ديلك جايبنها ليك عشان تقسمها لي الجماعة اليا وراء ديلك عشان يدخلو في الاسلام لحستوها انت وحاج علي ودمحمود طيب ماتدو ودعلاء الدين دا حقو ابوهو مسكين ظروفو زي الزفت!!.

[قاطع حبلو]

#1112585 [التاج محمد أحمد]
3.00/5 (2 صوت)

09-23-2014 03:20 AM
دا لو في دوله محترمة وفيها قضاء لازم أما يكون هو في السجن أو الصحفية لأنه مقر علي نفسه
يعني مضللنا

[التاج محمد أحمد]

#1112545 [omer]
4.00/5 (3 صوت)

09-23-2014 12:44 AM
هذا هو الصنف الذي تريده الانقاذ وهو الان مرشح كعضو لشركة كنانه و سوف لن يتكرمو حتي بتوضيح الحقائق للناس و الله ان هذا البلد بخيره لكن لكن سوء ادارة المال العام و الخدمه المدنيه التي اصبحت تمكينا هي التي تدمر هذا البلد بالله 2 مليون دولار تذهب لشراء بيت يعني حتي لا يفكرون في شئ يصلح البلد من بناء مصانع يعمل بها الشباب و تكفينا شر الاستيراد و الذي يشتري بيت بهذا المبلغ معني ذلك انه يملك اضعافه و هذا شخص و احد كم من مريض مات بسببك و كم من حادث حركه حدث بسبب هذه الاموال التى هي لاصلاح الطرق و كم من تلميذ لم يجد حظه من التعليم بسبب هذا هو يكذب بان يقول يستدين ما نعرفه ان ارازل الكيزان من الصف الادني منه عايشين احسن عيشه فما بالك بوزير و والي سابق و البشير عايز ادله علي الفساد بالله فقط انظر لبيوت رفقاء الدرب و و اصحاب الرساله و هي لله هي لله قبل و بعد فتح الانقاذ و انظرو ان الذي خرج للعلن ما سببه الا سوء تفاهم و استكبار و استعلاء منه يعني اركب اعلي ما في خيلك
و الاغرب ترشيح انسان فاشل لم يضف للاقتصاد السوداني اي شئ غير رفع اسعار الوقود و التسبب في موت الكثيرين من ابناء البلد ،فاشل يرشح لشركه ناجحه وهي كنانه
بلد ما عندها وجيع
بلد ما عندها وجيع
بلد ما عندها وجيع
بلد ما عندها وجيع
بلد ما عندها وجيع
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

[omer]

#1112511 [عصمتووف]
2.00/5 (2 صوت)

09-22-2014 11:16 PM
ي تري يكون بقعل ايدي الانطون بلة الغائب كدي خلاي حسادتك دي امشي فك ساجورك منهة وكان نفع كلمني ساجوري العانس رابط ما عاوز يفك عملتة كرتلة عسي العانسات يقطعن واكون لهن شريك الكرتلة ولا واحده قطعت

[عصمتووف]

#1112492 [Adam Ibrahim]
4.00/5 (3 صوت)

09-22-2014 10:49 PM
انا ارجح الإجابة رقم واحد.. مصباح علاء الدين السحرى..
لانو المصباح السحرى ده هو وزارة المالية.. والمارد الجوة المصباح ده هو نفسه وزير المالية..
فى كديس بحرسوه اللبن؟؟!!..
مادام فى بدعة شيطانية (كيزانية طبعن) اسمها فقه السترة وقانون التحلل يا زول ارقد نوم قفا..

[Adam Ibrahim]

#1112461 [مالك]
3.00/5 (3 صوت)

09-22-2014 10:14 PM
ارجو ان يتم تحويل مقاللك الجميل للنايم العام وناس النظام العام ويا الفاتح اخبار ناس المصطبه شنو

[مالك]

#1112460 [منذر]
2.38/5 (4 صوت)

09-22-2014 10:14 PM
منذ بدء هبة سبتمبر العظيمة بلغ عدد الشهداء (210) شهيداً ، وعدد الجرحى والمصابين بالذخيرة الحية والرصاص المطاطي (189) ، وعدد المعتقلين بالخرطوم (1364) ، واد مدني (142) ، بورتسودان (46) ، عطبرة (73)، الابيض (40) ، القضارف (59) ، الحصاحيصا (11) ، كسلا (27)
نواصل توثيق أسماء الشهداء :
كوكبة من الشهداء الأبرار ، كتبت أسماؤهم بمداد من ذهب ، وهبوا أنفسهم في سبيل الله ، من أجلكم ومن أجل السودان ، قتلوهم بلا رحمة وبلا هوادة ، ذنبهم الوحيد أنهم قالوا (لا) لتجار الدين الكذابين المنافقين القتلة العنصريين القبليين السارقين الناهبين الذين فتتوا السودان وأهانوا كرامة الشعب وسرقوا قوته .
1- احمد حمد النيل منصور (ام درمان)
2- حازم محمد زين ابراهيم (ام درمان الثورة )
3- بدوي صلاح 22 عاما ( امدرمان ابوروف)
4- بابكر أبشر 16 عاما ( امدرمان ابي سعد)
5- محمد بشير سليمان 22 سنة (الكلاكلة صنقعت)
6- عصام الدرديري 16 سنة ( الكلاكلة صنقعت)
7- وفاء محمد عبد الرحيم عبد الباقى من طيبة الشيخ عبد الباقى.
8- هزاع عزالدين جعفر 19 عاما ( شمبات الحلة)
9- احمد محمد الطيب طالب ثانوي ( مربع واحد الفتح )
10- علي محمد علي ( مربع 23 الفتح)
11- الطفل صهيب محمد جبارة بالصف الثامن الابتدائ - السكن الدروشاب محطة 5 .
12- الطالب ولي الدين بابكر حسين الجاك .قتلوه في الدروشاب وحملوا جثمانه الى حي مايو
13- الطالب بشير عبد الله أحمد المنا ( الدروشاب)
14- ايمن يسن ( الحاج يوسف مربع 5 المايقوما )
15- حسب الرسول الخليفة محمد الصديق احمد ( محطة الصقعى بالحاج يوسف) )
16- اكرم الزبير احمد الزبير ) سائق ركشة) ( قرية الدومة بالقرب من الجنيد) قتل في الخرطوم
17- عبدالقادر ربيع عبدالقار ( الحاج يوسف)
18- بكري حامد ( شمبات)
19- بابكر النور حمد ( شمبات)
20- محمد الخاتم ( شمبات)
21- اسامة عثمان وداعة 43 عاما ( حلفاية الملوك) صاحب معهد تعليمي بمنطقة بحري
22- الطالب بشير موسي ( ام روابه حي الباقر ) .قتل في مظاهرات الكلاكله اليوم
23- محمد حسين صادق محمد صالح العمر 22 سنة ( - بحرى الدروشاب)
24- بشير عبدالني ( السامراب.)
25- عصام الدين محمد احمد حسن
26- ابوبكر محمد حسن. ثالث ثانوي مدرسه المشاعل.
27- مصطفي محمد. ( دروشاب)
28- محمد عثمان شروم
29- سليمان لم يتعرف علي اسم كامل
30- محمد صديق محمد عثمان العمر 16 سنه (الكدرو )
31- سارة عبد الباقي / خريجة/ 35 سنة، تعمل بمستشفى - - على عبدالفتاح.
32- صهيب محمد موسى
33- شرف محمد محمود.
34- بشير عبد الله منقوري
35- هيثم قريب
36- ولاء بابكر حسين الجاك/ ( السامراب)
37- عمران سيد .....قريةالشاوراب/ الحلاوين جامعة السودان /24 عاما —
38- وفاء محمد عبدالرحيم)...طالبه في المستوى الثاني الثانوي بالكلاكله .. مدرسه الشفيلاب النموذجيه
39- أيمن بجا هبيله ( الخرطوم السلمة)
40- عمران السيد.. من ابناء قرية الشاوراب . ولاية الجزيرة
بعد اصابته برصاصة في الصدر في منطقة سعد قشرة ببحري
41 - علم الدين هارون عيسى – 19 سنة - الثوره الحاره 60
42- محمد حسين صادق من ابناء حلفا الجديدة من القرية 14
43- محمد سفارى ( الشجرة)
44- هيثم علي غريب من مدينة الابيض
45- بشير موسى بشير - ام روابة
46- صلاح مدثر الشيخ السنهوري ( بري)
47- أبوبكر النور حمد 23 سنه ( مبادرة نفير بحري
48- مازن سيد أحمد (23 عام، مدني الدباغة)
49- ابراهيم محمد علي ( مدني الدباغه)
50- الطيب عبد اودود ( مدني القبه )
51- مني عبد الرحمن سليمان ( مدني حي التلفزيون)
52- الطفل هاجر عبد العليم ( مدني الدباغه )
53- أحمد يوسف محمد عمر (قرقر) ( ودمدني) أحد أبناء قرية (ودالنور الكواهلة)
54- والطفل منير احمد ( مدني )
55- فرح ايمن محمد ( مدني الدباغه )
56- عاصيم هشام ( مدني)
57- مجتبي حسن ( مدني)
58- يوسيف انور ( مارنجان عووضة)
59- امل منزير ( مدني )
60- بابكر يوسف ( مدني القبة )
61- أحمد محمد علي ( مارنجان عووضة ودمدني
62- الهادي جابر. ( مدني )
63 - محمد اسماعيل حمن.
64 - قسم نور. ( نيالا )
65 - ادم عبدالرحمن. ( نيالا )
66- صباحي يعقوب. ( نيالا )
67- ادم بريمه. ( نيالا )
68- انور وعصام محمد محمود الشريف ( نيالا )
69- ابراهيم احمد فضيل. ( نيالا )
70- اسامه محمود.
71- عوض محمد جباره. ( نيالا )
72- ابراهيم الجلابي. ( نيالا )
73- محمد ابوسيل. ( نيالا )
74- الفاتح عبدالر حامد سليمان. ( نيالا )
75- الشريف النيل. ( نيالا )
76- حسب الله احمد حسب الله. ( نيالا )
77- ناعم الهادي داؤد.- ( نيالا )
78- محمد رابح عجب الله. ( نيالا )
79- فضل الله عبدالله علي. ( نيالا )
80- الدومه ادم علي. ( نيالا )
81- حامد الجلابي. ( نيالا )
82 - المر عيسي. ( نيالا )
83- اسماعيل حمد( نيالا )
85. وليد الدين الصادق ( مدرسة الصالحة الثانوية ) أمدرمان
86 .الصادق محمد ( مدرسة الصالحة الثانوية ) أمدرمان
87. عبداللطيف أمين ( مدرسة الصالحة الثانوية ) أمدرمان
88. محمد ادم ( مدرسة الصالحة الثانوية ) أمدرمان
89. مصطفى النذير ( مدرسة الصالحة الثانوية ) أمدرمان

90 . أبوبكر محمد سعيد سليمان 17 سنة ( الكدرو)
91 صادق أبوزيد مواليد 1996
92 . يوسف عبدالله سليمان يحي (مايو) توفي صباح اليوم بمستشفي الخرطوم عن 58 عاما وهو أب لتسعة من الأبناء والبنات
93. مصعب مصطفي ( ناشط في محاربة العنصرية)
94 . أسامة محمدين الأمين من قرية الولي/ الجزيرة طالب بكلية علوم الطيران ( مظاهرات الدروشاب)
95 عادل النور محمد الأمين 17 عاما ( السلمة)
96 محمد زين العابدين 14 عاما ( دار السلام – أم درمان)
97 . ياسر عادل ( دار السلام – أم درمان)
98 . محمد أحمد حسن كبير – 22 سنة – طالب بجامعة الخرطوم – محاسبة السنة الأولى – الدروشاب
99 . حسبو حاج الصديق – الحاج يوسف
100 . الشهيد/ عمر عبد العزيز طالب بالصف الثاني الثانوي….يسكن في امدرمان-سوق ليبيا-دار السلام
101 . الشهيد/ حسب الرسول محمد حاج الصديق
102 . الشهيد شوقى الريح يوسف
103 . الطالب فاروق بابكر طالب بمدرسة علي السيد بالصحافة شرق استشهد بالصحافة شرق يوم الاربعاء بالقرب من مدرسة علي السيد يسكن الانقاذ بالقرب من مسجد القدس
104 . قتل في أحداث الأربعاء 25 سبتمبر سلطان حامد (سلطان ود سعاد بنت ود الجنيد) في منطقة السامراب قرب منطقة المدارس - الشهيد من سكان دردوق
105 . على يحيي أحمد ( نرتتي – زالنجي ) يوم 7/10/2013
106 . محمد زكريا آدم ( نرتتي – زالنجي ) يوم 7/10/2013
107 ,. حسن إسحق محمد عباس ( نرتتي – زالنجي ) يوم 7/10/2013
108 . عباس إسحق محمد عباس ( نرتتي – زالنجي ) يوم 7/10/2013
109 . الصادق إبراهيم – أمبدة- 25 سبتمبر - رصاصة فى الصدر
110 . حسن توتو – الحاج يوسف التكامل – 25 سبتمبر- رصاصة فى الجانب الايسر – 27
111 . الشهيد جعفر عثمان جعفر يعقوب من المحس قريه آرتمري 24 سنه توفي متأثرا بضربه بمؤخره بندقيه في مؤخره رأسه في مظاهرات الكلاكله وكان في غيبوبه حتي وافته المنيه يوم 7 اكتوبر ونحسبه شهيداً بإذن الله
112 . صالح أيوب صالح – طيبة الاحامدة – 25 سبتمبر- 19 سنة
113 . حسن سليمان – 45 سنة امبدة – 25 سبتمبر – دهسته سيارة بوليس
114 . سامى حسن حماد 22 سنة عامل جبال النوبة توفى الاربعاء 25 سبتمبر رصاص فى الراس الحاج يوسف محطة
115 . طارق صديق – 20 سنة – 26 سبتمبر – رصاصة فى الصدر
116 . نهلة جمال كوا – 17 سنة- 25 سبتمبر- طيبة الاحامدة
117 . عثمان شروم – 24 سنة – 25 سبتمبر – العزبة بحرى – رصاصة فى الراس وخمسة مناطق اخرى فى الجسم
118 . مصعب نورى – الحاج يوسف – اصيب يوم 25 سبتمبر وتوفى يوم 28 سبتمبر متاثرا باصابته
• في الحاج يوسف قتل طالب جامعي بتفجير رأسه برصاصة غاادرة من أحد كلاب الأمن ، والدة المتوفى في غيبوبة تامة منذ 10 أيام
119 .أحمد موسى أحمد علي-طالب في السنة الثالثة ثانوي 18 سنة الكلاكلة.
120 . الشهيد مصعب من منطق الحاج يوسف الردمية
121 . عبد الرحمن سعيد وداعة الله – 24 سنة – أم درمان الثورة الحارة 65
122 . الاسم: سليمان محمود يحيي 20 سنة طالب - السكن: الصحافة - الخرطوم . - مكان الاستشهاد: شارع الستين –الخرطوم
123 مدرار أبو القاسم جمعة ناصر/ طالب ثانوي ( 16 عاما) استشهد في أم بدة حيث كان في زيارة أسرية
124 الشهيد محمد زين - العمر 12 عاما. يسكن الإسكان الشعبي امدرمان غرب الحارات
125 . الشهيد خالد محي الدين - ام بده - فنان تشكيلي - رسم كل الرسومات في عديل المدارس - رحمة الله
126 . الشهيد عصام محمد – الثورة الحارة 76 رصاصة في القلب – قتل في مظاهرات الثورة 74
127 . عمر خليل أبراهيم خليل – مايو – الخرطوم – يدرس بالجمعية الاسلامية فى حى مايو- ظهرت صورته وهو ملقي على الأرض
128 . صالح صديق عثمان صديق – زميل الشهيد رقم 127 – مايو – الخرطوم – مدرسة أسامة بن زيد الثانوية ، ظهرت صورته وهو ملقي على الأرض بالزي المدرسي المبرقع ودماؤه تسيل كالماء
129. الشهيد الشاب فاروق بابكر محمد إدريس - ا19 سنة قتل وهو في زيه المدرسي رمياً بالرصاص
130. محمد عبد الرحمن أبوزيد – 21 سنة –الثورة الحارة 5
131. مصعب مصطفى محي الدين – 28 سنة – أم بدة الحارة 4
هذا الملحق من الشهداء الأبرار إضافة من الدكتور محمد مراد الحاج، والصحفي عبدالوهاب همَـت
احمد محمد علي احمد
اكرم الزبير
الصادق ابوزيد عزالدين
امير ادم ابراهيم
ايمن بيجة هبيلة
بشير موسي بشير
جعفر عثمان يعقوب
حواء احمد
سليمان محمود يحي
صالح صديق عثمان
صلاح سنهوري
عصام تجاني عر كجو
عمر خليل ابراهيم
فاروق بابكر محمد ادريس
فاطمة يحي ادم
محمد ادم بشو
محمد بشير سليمان
محمد موسي سفاري
معتصم محمد احمد وارقو
مؤمن محمد عثمان ساتي
وفاء محمد عبدالرحيم
يوسف عبدالله
احمد البدوي صلاح
احمد حمد النيل منصور
احمد محمد الطيب
التوم دلدوم
بابكر بشير موسي محمد
حازم محمد زين ابراهيم
شوقي الريح يوسف
صديف ادم محمد
ظافر عبد الله ظافر
عام الدين هارون
علي محمد علي محمد
عمر عبد العزيز
عوض الله الهادي
محمد زين
محمد عبد الرحمن عبد الله
مصعب مصطفي محي الدين
نور الدين الطيب نورين
ابو بكر محمد سعيد سليمان
اسامة عثمان وداعة
اسامة محمد مدين محمد الامين
ايمن محمد يس ابراهيم
بابكر النور حمد
بشير عبد الله احمد
حسب الرسول خليفة
سارة عبد الباقي الخضر
شرف الدين محمد محمود
عبد القادر محمد عبد الله
عبد الله محمود عبد الله
عصام محمد بخيت
عمر الخضر
عمران السيد
محمد احمد حسن كبير
محمد حامد محمد علي
محمد حسين هارون محمد صالح
محمد خير الله
مصعب نوري الاعيسر
هزاع عز الدين
هيثم محمد غريب

[منذر]

ردود على منذر
[اخت الشهيد] 09-23-2014 04:13 PM
انتم السابقون ونحن اللاحقون


#1112427 [المشروع]
1.00/5 (1 صوت)

09-22-2014 09:22 PM
في خيارات تاني يا جبرا؟؟ لكن انت عارف يا جبرا الزول دا ما كرّم للبيت لو كان عمل ليهو كرامة كاربة كدا ما كان دا كلو حصل عشان كدا اهلنا يقولوا (كافي البلاء بالبليلة) وبيت زي دا كان دايرو تورين تلاتة ويعزم والي الخرطوم اهم شئ زي عثمان ميرغني بعد عودته من مصر وعودة الوعي اليه..

والان مزيد من الكسرات مع جبرا:

كسرة:
اخبار قضية مكتب والي الخرطوم/غسان الحصل فيها شنو؟
اخبار قضية وكيل وكيل وزارة العدل الحصل فيها شنوا؟

كسرة جديدة:
اخبار قضية السمسار العايزين يملحوه ×البيت الاشتراهو وزير المالية السابق حصل فيها شنو؟

كلمة اخيرة:
سوف تكون الكسرات في يوم من الايام اكثر من الموضوع عشان كدة سمي عمودك (كسرات) وطبعا في كسرات ثابتة وكسرات متحركة وكسرات حرة غير مباشرة وكسارة تترفع من الزاوية وكسارة تنشات من برة خط طمناطشر وكسرات من داخل طمناطشر وكسرات الله يكسر عضم العدو .. قولو أمين.

[المشروع]

#1112280 [أبو عمر]
1.00/5 (1 صوت)

09-22-2014 05:34 PM
و نحن نقول ليه سودان الجن دة ما بيتقدم ( هى لله هى لله لا السلطة ولا للجاه )

[أبو عمر]

#1112191 [fattah]
3.46/5 (8 صوت)

09-22-2014 03:29 PM
هذه الواقعه ذكرتنى بعمنا المرحوم محمد عباس غرباوى والذى كان وكيلا لوزارة العمل فى عهد مايو حيث تم منحه حينها عربه بيجو 504 بحكم منصبه واشترط ان يعين لها سائقا رغم انه كان يجيد القياده ذلك حتى يوصله الى منزله ويعيد العربه لتبيت بالوزاره على ان يزهب السائق الى منزله بالمواصلات وكذلك صباحا ياتى السائق الى الوزاره وياخذ العربه لكى ياخذه الى مكان العمل واشهد الله اننى كنت ارى هذه المشاهد بام عينى واحمد الله كثيراانه يشهد هذا الواقع المرير . لك الرحمة ايها العم العزيز وادعو الله ان يجعل البركه فى زريته الى يوم الجمع والدين

[fattah]

#1112104 [شخلول]
3.75/5 (5 صوت)

09-22-2014 01:35 PM
هل يستطيع امثال هؤلاء ان يقول لابنه لاتسرق ولاتكضب

[شخلول]

#1112084 [شهنور]
1.00/5 (1 صوت)

09-22-2014 01:16 PM
اس البلاء الترابى وعلى عثمان طه .ياخوانا شىخ على غاطس وين اوع يكون هرب ذى بن على لكن مش مشكله ديل بيعدعنك ما فى زول دايرم.

[شهنور]

#1112077 [كفاية]
2.50/5 (3 صوت)

09-22-2014 01:11 PM
عصام احمد البشير يملك منزل يعمل كل شيء فيه بالريموت كنترول من الباب الخارجي لغاية باب الغرف والحمامات وتكييف مركزي شامل هي لله هي لله لا للسلطة ولا للجاه

[كفاية]

ردود على كفاية
[إسماعيل البشارى زين العابدين حسين] 09-22-2014 11:14 PM
بس عاوز أعرف عصام جاب الفتوى التى تبيح سكن منزل يعمل بالريموت كنترول من أى فقيه وأى كتاب ؟؟؟؟؟؟؟؟؟؟؟؟؟؟

United States [جنرال زمان] 09-22-2014 03:14 PM
وزيادة في الشعر بيت، قالوا فيه بتاع صناعي برضو يعمل علي راحة مولانا بعد الكبر الحصل وكدا


#1112028 [أبوقرجة]
2.75/5 (4 صوت)

09-22-2014 12:33 PM
يا جماعه ما تشيلوا حس الزول ساي ... أصله جاته ليلة القدر وأعطتوا المبلغ

[أبوقرجة]

#1112021 [ابو وليد]
2.50/5 (4 صوت)

09-22-2014 12:28 PM
الشي الغريب للحين ما سمعنا أي تعليق اوردة فعل كان منه او من المؤتمر الوطني ..يمكن خجلانيين

[ابو وليد]

#1111982 [عمار]
3.00/5 (7 صوت)

09-22-2014 12:00 PM
طيب لو عرفتو وداد بابكر عندها كم هههههه ما حتصدقو , اخوانها قبل كده لبعو بنك امدرمان الوطني احتالوا علي المدير , حتي الرئيس بشه زعل شديد منهم لكن في النهاية قال السترة واجبة

[عمار]

#1111975 [جعفر ود جار النبى]
4.00/5 (4 صوت)

09-22-2014 11:54 AM
خمممممممممممم والله حكاية عجيبه معقول دا كلو يطلع منك
والله كنته قايلك النزيه الوحيد فى الحكومة لكن طلعته مقلب
ياجدع ليكم يوم قريب ولابعيد بيجى بيجى

[جعفر ود جار النبى]

#1111924 [نصرالدين على]
2.50/5 (4 صوت)

09-22-2014 10:52 AM
يا الفاتح انا بتذكر اللقاء الصحفى ده ونقلتو الراكوبة وكان تغليقى عليه كلمة واحدة وهى كلمة : كذذذذذذذذذذذذذذذذذذذذذذذذذذذذذذذذذذذذذذذذاب

[نصرالدين على]

#1111914 [ملاح بشير]
2.97/5 (8 صوت)

09-22-2014 10:42 AM
والسؤال الأكثر إلحاحا هل صحيح ان المنزل الملياري تم شراؤه من الفقير الي ربه الزاهد عصام احمد البشير؟

[ملاح بشير]

#1111913 [عين]
3.00/5 (6 صوت)

09-22-2014 10:42 AM
نحن نتمنى ان يحدثنا عصام احمد البشير امام مسجد النور الجمعه القادمة
من باب الدعوة لاتقاء الشبهات حتى يسهم فى تبين خطورة (من وقع فى الشبهات وقع فى الحرام.
وان يعرج بنا اثنا ء الخطبة.........لمدى شرعية وهو رجل دين وعالم
وقدوه بأن يبيع المؤمن الحق وخاصة عصام ان يبيع ارض او منزل او ايه
شئ يملك ....لحرامى وفاسد وهو يعلم علم اليقين.....بذلك
نحن ننتظر الدكتور والجمعة على الابواب.

[عين]

#1111912 [هجو نصر]
2.94/5 (5 صوت)

09-22-2014 10:41 AM
(والذي ابكاك ابكاني) !
بس نحن بنبكي جد ! معاشيون عندهم متأحرات من سنة 2013 وهي 1500 بالقديم (منحة الرئيس) . ادونا منها 375 عن شهور يناير وفبراير ومارس وقالوا الباقي في العيد الكبير ! صبرنا يا ولداه ولما جاء اوان الصرف كانت البسمات من الاضان للاضان لنفاجأ بمنحة 150 جنيه ! حلمنا بالخروف ووجدنا ما لا يقبله ضباح الخروف ! نسأل اهل التأمينات الاجتماعية : نسألكم بالله ان لم يكن العيد الكبير هو انسب وقت لدفع المتأخرات فمتي يكون ؟

[هجو نصر]

#1111909 [العكليت]
2.97/5 (7 صوت)

09-22-2014 10:37 AM
والله يا استاذ الاحتمالات دى كلها فى اعتقادى مابتجيب القروش دى كلها للاسباب التالية:
-( كان ذاهباً لأداء صلاة الصبح فركل شيئاً بحذائه فإذا هو مصباح علاء الدين ),مصباح علاء الدين ده فى بغداد البجيبو الخرطوم شنو ؟
2- (في ما كان يقوم الليل رمضان الماضي إذ جاءته ليلة القدر ).زول معرس تلاتة نسوان يقوم الليل !!!! والله الا كان سوبر مان .
3- (إقترض من أحدي البنوك 2 مليون دولار ليسددها من معاشه الشهري بقسط 400 جنيه في الشهر لمدة 240 ألف سنة ضوئية). قرض شنو البشيلو وزير , ديل كلمة قرض مافى قاموسهم ولا فى الداتا بيز بتاعتهم
4- (أقنعه أحد الشيوخ بقدرته على مضاعفة الفلوس عن طريق الزئبق الأحمر فأعطاه معاشه الشهري فأخذ الشيخ يضاعفه له حتي صار 2 مليون دولار ونفذ المخزون العالمي للزئبق الأحمر) الجماعة ديل اخطر من الجن زاتو يعنى هم مافاضين لى شيوخ ولا بطيخ الداير زئبق بسمسروا فيو وبجيبو ليو ديل مرسلين الدجال لى الامارات !!! يعنى شافع من شفعهم مرسال !!!! يكونو هم شنو ؟فقصة يستعين بي شيوخ دى مستبعدة .
الاحتمال الاقرب لى الصواب :
الزول ده عضو فى المافية السودانية . ودى اخطر مافايا على وجه الارض . كده منطقى غير كدة مافى حل .حرررررررررررررررررررررررررررررررررررررررررررررررررامى ومجرم ليس الا.وكمان حرامى صغير ودنئ وشرفان لانو رفض يدفع لى السمسار .,وبى المناسبة
التحية لهذا السمسار الشجاع البطالب بى حقو فى زمن الجبن والخنوع والانكسار.
بلد ناكوس بلد عاكوس بلد قلبة !!!

[العكليت]

#1111904 [Bull]
2.88/5 (6 صوت)

09-22-2014 10:32 AM
في تعليق بالراكوبة أطلعت علي لدور علي عثمان طه في مجئ هذا لوزير للمالية وتنفيذ سياسته المعوجة عندما كان التنفيذي الأول، كل بسببك ياعلي.

[Bull]

#1111900 [بشير]
2.50/5 (3 صوت)

09-22-2014 10:26 AM
اين عصام حنجرة من الملايين الدولارية هذه ؟ هل هي من كسب عقله ؟ ام ارث اورثه والديه ؟ ام فضل من فضائل زكاة اهل الخليج للمعوزين في افريقيا الفقيرة . ايها الملا عصام احمد البشير ، جاء في الحديث بان سيدنا محمد عليه الصلاة والسلام سيد الخلق اجمعين توفي ودرعه مرهونا لدي كنابي من اهل المدينة في الوقت الذي كان فيه اغنى اغنياء دولة الاسلام الحق وحقيقة هم من (اليهود) ايها الامام الرئاسي نسمع اقوالك التي تكذبها افعالك ، تناولت في احدى خطبك المراكز الثقافية الايرانية وتعرجت على المذهب الشيعي بكل ما يشين وتناسيت افعال اهل السنة والجماعة من ناس (داعش) و (النصر ) و(الفجر الكاذب الليبية) ، ما هو قولك عن هذه الصفقة المليارية واطفال المايقوما ( نتاج مشروعكم الحضاري ) يموتون جوعا وعطشا ، الى اين انت هارب بهذه الملايين ، الم يكن من الافضل لك ولدنياك ان تفعل بها خيرا على فقراء بلادي وما اكثرهم عسى ولعل ان تصيب دعواه ويكتب الله لك الشفاء لما اصاب يمناك ، ايها الفقير الى الله امام مسجد العارف بالله ماذا يضيرك اذا تبرعت بنصف هذه الصفقة لانشاء دار لايتام المايقوما وتكفلت بمأكلهم ومشريهم ابتغاء لمرضات الله)

[بشير]

ردود على بشير
Sudan [nagatabuzaid] 09-22-2014 09:40 PM
بمناسبة اطفال المايوما كل ام تمشى تتبنى طفلا وتربي الطفل كانوا بالتبنى تكون كفرت شوية من الذنب بلاء يبلاكن


#1111884 [الكاره المفسدين]
2.50/5 (2 صوت)

09-22-2014 10:08 AM
الاستاذ الفاتح جبرة سلمك الله
هؤلاء المفسدين إكمال الدين بالسرقة والفسادوالعياذة بالله
يعتبروك قيادي في الإنقاذ - تهبر هبرة كبيرة و تجمع عدد من النسوان
لن تحاكم ما دام البيتو من زجاج ما بجدع بالحجار
هل هناك إنقاذي واحد ليس هناك شبهة في ماله
وفي ونسة كدة ذكرت د مصطفى - عيييييييييييك كلمة فساد بسطيةحتى يمكن يقفلو محل تجاري لسوداني ليعمل محل الإنقاذي

[الكاره المفسدين]

#1111858 [عصام]
3.00/5 (5 صوت)

09-22-2014 09:51 AM
فعلا مبلغ اثنين مليون دولار ولا شئ بالنسبة لشخص بقامة وزير المالية الاسبق وسيرته المهنية لانه ضابط صغير جدا كان فى مكتب الوالى ولهط بلاوى والان هو خارج السودان حسب علمى. فما بالك بوزيييير مااااالية سابق ويا كترتهم الوزراء فى فى هذا العهد الانقاذى

[عصام]

#1111851 [shersh]
3.00/5 (4 صوت)

09-22-2014 09:45 AM
صح والله مابتجيك الحبة.. مش الفساد امتد الى الجهاز العدلى..طز فيكم الم يرفع اصبعه يوما؟؟

[shersh]

#1111839 [يا جبرا..ما هم أصلاً كضابين.!!]
3.00/5 (4 صوت)

09-22-2014 09:35 AM
أستاذ جبرا... تحية طيبة

أول خطوة في طريق السرقة.... هي اتقان - لاحظ اتقااان - الكذب..!!

يعني دائماً تجد أي حرامي.... كضاب كبير...

لذلك ما تستغرب...

الحوار ده كضب ساي...

المشكلة في من يصدقهم.... وهؤلاء كتااار لللأسف...

[يا جبرا..ما هم أصلاً كضابين.!!]

#1111830 [سوداني وبس]
3.00/5 (2 صوت)

09-22-2014 09:31 AM
تعالوا يا جماعة علي محمود اشترى منزل باثنين مليون دولار هو رجل حرامي ولكن هذا المنزل اشتراها من شخص كان وزير أيضاً السؤال المطروح لماذا التركيز علي علي محمود دون وزير الأوقاف السابق ؟؟؟؟؟؟؟؟؟؟؟ ولا لان وزير الأوقاف رجل شيخ بصتحل لان في التاريخ المرغني أيضاً عنده منزل في نيويورك ولندن وباريس وكذلك الامام وكل الإشراف وكذلك عبدالرحيم محمد حسين وبناته من هو علي محمود حتى يمتلك منزل من أموال الاشراف والصالحين

[سوداني وبس]

ردود على سوداني وبس
Saudi Arabia [سودانى] 09-22-2014 12:54 PM
لانو بنى,الم اقل لكم انه مالم تتغيرالعقلية(العنصرية)لاى انسان فانه لايستاهل الحريةبل ستظل تلك الشعوب تزعط بعضها بعضا الى ان يرث الله الارض ومن عليها وهزا هو الزى اتوقعه فى السودان وابشركم انكم ستستمر محنتكم الى الابد مالم تغيرو طوايقكم


#1111807 [عثمان عوض الخليفة عبدالكريم]
3.00/5 (2 صوت)

09-22-2014 09:17 AM
غايتو يا جبرا: أعمل حسابك الانتخابات قرررربت , والناس ديل عندهم 10 مليون ناخب مضمونين , يعني فايزين فايزين, أول حاجة حيعملوها حيصفو حساباتن مع الفاضحين, وحتكون أول زوار بيوت الأشباح و الزنازين

ياجبرا هو مانزلها براه هو ماجدو عبدالرسسسسسسسول ؟!

[عثمان عوض الخليفة عبدالكريم]

#1111802 [rami]
3.50/5 (8 صوت)

09-22-2014 09:10 AM
توجد مصادر اخرى لجمع المال ( البوكر والحريق ) !! ولاعب حريف ؟؟

[rami]

#1111794 [زول]
2.94/5 (11 صوت)

09-22-2014 09:05 AM
عبارة عن اولاد حرام وتربية بيوت شكش جعانين جيتو ونهبتو نهب سعران، من البشير لاتفه كوز.

الترابي الله يمد في عمرك لحدي ما تهر وتبول في هدومك وجهنهم يسعرو ليك فيها وتقعد جمب الشيطان، مع انه دي فيها ظلم ليهو، لانك انجس منه، على الاقل الشيطان عينه قوية وقالة بكل صراحة انه ما بيسجد، لكن انت وحيرانك بتاكلو باسم الله قروش المساكين.

[زول]

#1111773 [منتظرها تنقلب]
3.00/5 (3 صوت)

09-22-2014 08:47 AM
ده كلو كوم ،، بس المحيرنى وين الجداد ؟؟؟؟
ولا جداده واحده ما علقت على الموضوع !!!!

( اسقط فى جيوبهم )

[منتظرها تنقلب]

#1111769 [abbadi]
3.00/5 (4 صوت)

09-22-2014 08:45 AM
ما تخاف يا عبدالرسول الحبه ما بتجيك .. هي جات قبل كده لمنو

(وَاتّقُواْ يَوْماً تُرْجَعُونَ فِيهِ إِلَى اللّهِ ثُمّ تُوَفّىَ كُلّ نَفْسٍ مّا كَسَبَتْ وَهُمْ لاَ يُظْلَمُونَ)
صدق الله العطيم

[abbadi]

#1111736 [فاعل خير]
3.00/5 (2 صوت)

09-22-2014 07:22 AM
يا ناس الجماعة ديل لو ماسرقو ا كيف حيحكموا البلد وروني بس ما هي دة مهنتم مالكم كيف تحكمون

[فاعل خير]

#1111722 [زعلان جدا]
3.00/5 (2 صوت)

09-22-2014 07:00 AM
كان ذاهباً لأداء صلاة الصبح فركل شيئاً بحذائه فإذا هو مصباح علاء الدين

[زعلان جدا]

#1111714 [هدهد]
3.00/5 (5 صوت)

09-22-2014 06:40 AM
اللص لا يعاقب لص ..اذا كان رب البيت بالفساد ضارب فشيمة اهل الحكم الفساد والسرقة .

[هدهد]

#1111706 [ملتوف يزيل الكيزان]
3.00/5 (6 صوت)

09-22-2014 06:00 AM
هي لله هي لله (والاصبع مرفوع : يعني ده فيكم يا شايفين).

[ملتوف يزيل الكيزان]

#1111703 [الحلومر]
3.00/5 (10 صوت)

09-22-2014 05:41 AM
انا ارشح الاجابة رقم 2:- وبما انه من حزب رسالي ومن طين غير الطين الذي خلق منه السودانيين فمن المؤكد كان يقيم ليل رمضان الماضي إذ جاءته ليلة القدر( ليلة القدر دي متعاقدة مع اعضاء الحزب الحكم وبس ولاشنو جبرا؟؟!!)

[الحلومر]

#1111695 [النيل أبونا والجنس سودانى]
3.00/5 (9 صوت)

09-22-2014 04:44 AM
فساد ما بعده فساد حتى كلمة الفساد نفسها قالت وااااااااااااااااااااااااااااااى من أفعال الكيزان.
- الإجراءت اللازمه لفتح صيدلية: لا يجوز لأحد أن يزاول مهنة الصيدلة ما لم يكن حاصلا على
ترخيص بذلك وفق أحكام القانون. حاليا يهمنى بندين فقط من قانون مهنة الصيدلة:
1- أن يكون حاصلا على شهادة بكالوريوس في الصيدلة أو ما يعادلها من كلية معترف بها.
2- شهادة تفيد ممارسته لمهنة الصيدلة مدة لا تقل عن تلاثة سنوات أو خمس سنوات.(لا أتذكر عدد السنوات الأن ).

( السيرة الذاتية لوزير المالية الأسبق علي محمود عبد الرسول )

1- خريج جامعة الخرطوم كلية الاقتصاد عام 1983.
2- موظف ببنك التضامن الاسلامى .
3- ثم إنتقل لبنك الثروه الحيوانيه .
4- ثم عين وزيرا للماليه بدافور.
5- ثم عين وزيرماليه بولايه البحر الاحمر.
6- ثم عين وزير دوله بوزاره الماليه .
7- ثم عين واليا لجنوب دارفور.
8- ثم عين وزيرا للماليه.
9- حاليا متفرغ للعمل التجارى و أخذ الكموشين والعمولات ومرشح لكى يصبح العضو المنتدب لشركة سكر كنانة بديلا لمحمد المرضي التجاني الذى إنتهت فترته.( نجوم السماء أقرب ليك من كنانة )
اقتباس:
( س : خمسة أشهر دون عمل.. ماذا كان مصدر رزقك؟
ج : أنشأت ثلاث صيدليات ؛ واحدة في منطقة سوبا، وأخرى في منطقة السلمة، وأخيرة في منطقة الكلاكلة.
س : هل تعمل هذه الصيدليّات حتّى الآن؟
ج : لا.. أغلقت التي في سوبا لأنّها لم تنجح، وبعت صيدليّة السلمة لظروف خاصة.. الوحيدة التي تعمل حتى الآن الموجودة في الكلاكلة، بالقرب من المستشفى التركي.)

-السؤال كيف يسمح القانون لعلى محمود عبد الرسول بلحصول على ترخيص مزاولة مهنة الصيدلة وفتح ثلاث صيدليات ? و أين مارس مهنة الصيدلة ? ومن هؤلاء الذين يديرون الصيدلية الموجودة في الكلاكلة ? هل هم حاصلين على شهادة بكالوريوس في الصيدلة ? ولا ناس كيرى.

[النيل أبونا والجنس سودانى]

ردود على النيل أبونا والجنس سودانى
[عبدالواحد المستغرب آشد الاستغراب!!] 09-23-2014 10:56 AM
يا حاسدين ... يا الحساده كاتلاكم!!إنتو متوقعين شنو من رئيس جمهوريه حمل حملا لكرسى الرئاسه وهو لا ليهو ولا عليهو و(فجعتن) لقى نفسو رئيس لاكبر دوله مساحة فى القاره الافريقيه (القاره السوداء)ولما لقى المساحه البيحكمها أكبر من (قاعدته) قام شرما شرمة عدوك ومساعيه مازالت جاريه للتضيق لغاية ما البلد يجى على مقاسه ومقاس حزبه!!والمساعى مازالت جاريه لمزيد من التضييق!!وبصراحه ده شعب يستاهل البيحصل ليه ده!!وعيب الناس تخلف رجل فوق رجل وعايزه تقدح وتشتم فى حق الناس العايزين يطمئنوا على اولادهم ومنتظرين شنو من وزير تخرج سنة 83 وتزوج ثلاث نسوان ومن البديهى لما لقى البلد فوضى وخراب فعرض ذى ما عايز وحق علينا أن نقول لكم خليكم شعب (تفتيحه) وكل واحد فى موقعه من حقوا أن يفعل ما شاء له أن يفعل ولا جناح عليه وخاصة أن النهب صار (عرفا) وبهذا الوصف إكتسب قانونيته!!.


#1111688 [Almisahir fi izallail]
3.00/5 (5 صوت)

09-22-2014 04:08 AM
انا غايتو توطلت واخترت ألأجابة رقم(1) السد الجدو عبدالرسول لقى مصباح علاء الدين بجامع ملكيتو ل" والد السمسار عبدالجليل"!! هل فى صلة اقرب من كدا؟

[Almisahir fi izallail]

#1111683 [المشكلة اسه حيطلبوا نصيبم منو!!!]
3.00/5 (5 صوت)

09-22-2014 03:40 AM
فعلا المافيا مابتجي عوجه لوزير خزنتها!!!!

[المشكلة اسه حيطلبوا نصيبم منو!!!]

#1111682 [ابو الخير]
2.88/5 (4 صوت)

09-22-2014 03:38 AM
والله المبلغ بسيط يعني اي موظف حكومي صغير جدا يكون عند اضعاف هذا المبلغ يعني 2 مليون دولار
الحكاية بسيط بس يدفع العمولة ويريحنا ياجبرا
أخوان البشير عندهم مليارات ووداد بابكر عندها مليارات الدولارات بعلم البشير نفسه يعني شريك
والله علي محمود لهط حاجة بسيطة يعني شنو 2 مليون دولار يا جبرا
اتمنى ما يكون عنده 2 مليار دولار
الكيزان بيحبون النساء والقناطير المقنطرة من الذهب

[ابو الخير]

#1111672 [بت البلد]
3.00/5 (3 صوت)

09-22-2014 03:24 AM
غايتو يا جبرا: أعمل حسابك الانتخابات قرررربت , والناس ديل عندهم 10 مليون ناخب مضمونين , يعني فايزين فايزين, أول حاجة حيعملوها حيصفو حساباتن مع الفاضحين, وحتكون أول زوار بيوت الأشباح و الزنازين

[بت البلد]

#1111671 [حامد أحمد]
2.91/5 (6 صوت)

09-22-2014 03:18 AM
كسرة تلج : اخبار إمام مسجد العارف بالله .. شنو ؟؟؟
نقصد الإمام الرئاسي عصام البشير .. الطرف التاني في الدوراراااات .

[حامد أحمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة