الأخبار
أخبار إقليمية
حسبو يشهد غدا بالفولة توقيع اتفاق الصلح بين الحمر والمعاليا
حسبو يشهد غدا بالفولة توقيع اتفاق الصلح بين الحمر والمعاليا
حسبو يشهد غدا بالفولة توقيع اتفاق الصلح بين الحمر والمعاليا


09-26-2014 11:29 PM
(سونا) -يشهد الأستاذ حسبو محمد عبد الرحمن نائب رئيس الجمهورية غدا السبت بمدينة الفولة توقيع اتفاق الصلح بين قبيلتي الحمر والمعاليا .
وأكد والي غرب كردفان اللواء ركن أحمد خميس بخيت لـ (سونا) اكتمال كافة الاستعدادات لإعلان طي صفحة الخلافات بين القبيلتين .
وقال الوالي إن هذا الاستحقاق سيكون فاتحة لطي خلافات أخرى بين أولاد عمران والزيود والخلاف الكبير بين الرزيقات والمعاليا .
وتشير متابعات (سونا) من داخل المؤتمر أن وفدا المعاليا والحمر أبديا حسن النوايا لطي صفحة الخلافات بصورة نهائية ، وقد شاركا في دعوات عشاء مشتركة بالفولة.
وكان وفدا اتحاديا قد وصل الفولة برئاسة د. فرح مصطفى وزير الحكم اللامركزي ، فيما أكملت لجنة الأجاويد أعمالها وترتيباتها الفنية والإدارية.


تعليقات 3 | إهداء 0 | زيارات 1081

التعليقات
#1115781 [الخنجر]
0.00/5 (0 صوت)

09-27-2014 12:00 PM
بسم الله الرحمن الرحيم
المنبر الحر لشباب المعاليا حول العالم
بيان هام
الي جماهير الشعب السوداني قاطبة
المعاليا بكل قطاعاتهم (الشبابية- الاهلية-السياسية-التنفيذية-الشعبية-الطلابية-والمرأة) واستجابة لدعوة العقل والمنطق والوسطاء وقناعتنا التامة بان الاصل في الحياة السلام والتعايش بين الناس والحرب فيها استثناء ؛ نرحب ترحيبا حارا باكمال جهود المصالحة والوفاق بين قبيلتي حمر والمعاليا والذي يتم التوقيع عليه غدا السبت 27 سبتمر والذي انطلقت فعالياته منذ يوم 23 سبتمر 014 في عاصمة ولاية غرب كردفان مدينة الفولة ونثمن عاليا كل الجهود التي بزلت من اجل المصالحة وطي ملف الخلاف والرجوع بالعلاقات التاريخية بين القبيلتين الي سابق عهدها

جماهير الشعب السوداني نؤكد على الاتي:
المنبر الحر لشباب المعاليا يقبل بما هو خيرا للناس بدون شروط ويرفض كذلك بما يراه شرا للناس
2احترامنا وتقديرنا لجهود قبيلة المسيرية التي ظلت تعمل ليل نهار لراب الصدع واستقرار دارفور وكردفان والتحرك الفوري لحلحلة قضايا المنطقة حتى تنعم بالاستقرار
3احترامنا وتقديرنا لولاية غرب كردفان حكومة وشعبا علي حسن الاستقبال وكرم الضيافة
4احترامنا وتقديرنا لشباب واتحاد دار حمر لجهودهم المستمرة من اجل المصالحة
5احترامتا وتقديرنا لجهود الحكومة تجاه المصالحات ونناشدها لبزل مزيدا من الجهد حتى ينعم كافة الناس بالامن والاستقرار
6شكرنا وتقديرنا لاتحاد دار حامد لجهوده من اجل المصالحة والتعايش بين المعاليا وحمر
7احترامنا وتقديرنا لجهود لجنة المصالحة في البرلمان
احترامنا وتقديرنا لجهود اعيان قبيلة البرتي
8-منبر شباب المعاليا يعمل بكل قوة لديمومة السلام والتعايش بين القبيلتين
ودمتم

[الخنجر]

#1115709 [الفنجري]
0.00/5 (0 صوت)

09-27-2014 10:01 AM
المشكله ما في سبب المشاكل منو ؟ المشكله المعاليا ديل غرب السودان كلو عاملين معاهو مشاكل. شاكلو المسيريه والزغاوه والرزيقات وهسي قبلو علي حمر والحمر اهل سلم قبل ما يكونو اهل حرب .. والحمر ما بعتدو علي زول لو مافي زول سألهم ... ولو سألتهم (زنبك علي جنبك). بعدين المعاليا ديل من جنوب دار فور البخليهم يجو شمال وغرب كردفان شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابراهيم الباشا القيادي في قبيلة المعاليا قال عاوزين ليهم ولايه براهم . وقال انهم بقبلو يضموهم في ولاية شمال دارفور (هسي في زول جاب سيرة كردفان)...لكن الما بدورك بحدر ليك في الضلمه .

[الفنجري]

#1115597 [moiez]
0.00/5 (0 صوت)

09-27-2014 04:27 AM
انتو قايلين الحلول في ورق وبوقعو علي زي حلولكم للسودان انتو ياتو يوم الله يسالكم حليتو مشكله انتو سبب المشاكل في السوووودان كلو (لو في واحد مشاكل مع مرتو انتو السبب)

[moiez]

ردود على moiez
Saudi Arabia [ام كرتبو] 09-27-2014 01:00 PM
مش كده بالله !!! ممكن المرة تكون عايزة ليها توب للعيد ..والتوب غالي لان الحكومة رافعة الجمارك في السماء ....وبعجين الراجل تغلبو تلبية طلبات الحكامة ...والشكلة تدور ..والسبب الحكومة ...لكن الشئ المضحك انو لا الراجل ولا المرة ما بيكونوا عارفين ان الحكومة هي السبب ...ويمكن يقع الطلاق ويخرب البيت ...وكم بيت انسد بهذه الطريقة ....الله يسد عليهم بصائرهم الجايبة لينا الافكار الشيطانية وبس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة