الأخبار
أخبار إقليمية
مأمون حميدة: نقل الخدمات ليست (حلاوة لكوم)
مأمون حميدة: نقل الخدمات ليست (حلاوة لكوم)
مأمون حميدة: نقل الخدمات ليست (حلاوة لكوم)


09-28-2014 12:40 PM
الخرطوم: ندى رمضان
قلل وزير الصحة الولائي مأمون حميدة من ارتفاع الأصوات الرافضة لسياسة تفكيك ونقل المستشفيات التعليمية إلى الأطراف واتهم المعارضين لها بتمرير أجندة شخصية.
وبرر حميدة تقليله أن أي إصلاح أو تغيير دائماً ما تقابله اعتراضات لافتاً إلى أنها علامة صحية وليست مزعجة متوقعاً في نفس الوقت حدوث وقافت احتجاجية الأيام القادمة ضده، ووصف الوزير العمل الجاري بقوله: (نحن بنعمل في دافوري شديد)، وكشف في الوقت ذاته عن صعوبة نقل الخدمات بوصفه أن عمليات نقل الخدمة ليست (حلاوة لكوم). وفي السياق تعهد حميدة خلال مؤتمر صحفي للافتتاح مركز صحي بمجمع فتح الرحمن البشير أمس بعدم وجود اتجاه لتشريد العاملين بمركز فتح الرحمن البشير، وقال إن المركز توفرت به تخصصات جديدة مع الإبقاء على العيادات المحولة لمستشفى الخرطوم، بجانب مد الفترة الزمنية للعمل به ليعمل صباح مساء وتخفيض سعر مقابلة الاختصاصي من (20) جنيه إلى (13) جنيه للعلاج الاقتصادي وبطاقة التأمين الصحي، وأشار إلى أن المركز يقدم خدماته للأطفال والطلاب بوسط الخرطوم.

الجريدة


تعليقات 21 | إهداء 0 | زيارات 3232

التعليقات
#1117342 [العكليت]
5.00/5 (1 صوت)

09-29-2014 10:56 AM
ده ما مامون ولا حاجة ده بلوة من بلاوى الكيزان الله لاكسبو لا دنيا لا اخرة وحقنا نشوفو فيك فى الدنيا قبل الاخرة يا حمار ياعديم الانسانية والضمير

[العكليت]

#1117066 [ود الناس الزمان]
0.00/5 (0 صوت)

09-29-2014 12:32 AM
فكر.. خطط ... ابحث ..اسس .. نفذ.. هكذ يا بروف وليس كسر فرتق... خم.لمم.. يلا ودي الاطراف...هل يصدقك زول عاقل انك عايز تريح المواطن... مستشفى مؤسس ومؤهل عايز تنقله شندي او ام بدة اصلو هو موظف....

[ود الناس الزمان]

#1116927 [عصمتووف]
5.00/5 (1 صوت)

09-28-2014 08:31 PM
بقت حلاوة قطن

[عصمتووف]

#1116919 [د الزهجان]
5.00/5 (2 صوت)

09-28-2014 08:14 PM
ايها الضفدع العجوز .. لو قايل نقسك غشيت الرقاص واخت الموافقة بالازالة تكون

غلطان لانو الرقاص ما عندو عهد هو الان مبسوط منك عشان اشرفب علي الركب .. وانت

عارف انو الركب في العمر ده ما بتدوم اكتر من سنتين بعدها بيحصل التسمم

عشان كده تسرعت في التنفيز واخد الموافقة .. معلومه ؟؟ مافي احد يصدق انو قصدك

مصلحة او خير للبلد او المواطن في بيع المستشفي h

[د الزهجان]

#1116830 [أبو زهانه.]
5.00/5 (2 صوت)

09-28-2014 05:50 PM
بالله الزول ده،،،حضر زمن
اللكوم قديم لما مصقر يلكمك شيطان.

[أبو زهانه.]

ردود على أبو زهانه.
[AburishA] 09-28-2014 08:56 PM
انت قايلو بتاع حلاوة "قطن" يا ابزهانة...تحياتي


#1116829 [بشير]
5.00/5 (2 صوت)

09-28-2014 05:48 PM
لماذا تتركون هذا البصيلي يعبث باهلينا هكذا والى متى هذا العبث الم يحن التخلص من هذه الغذورات والنفايات السامة بطمرها في اسفل السافلين ونلحقهم قوم مدينة سدوم ، لتماثل خلقهم واخلاقهم ونكفي بقية اهل السودان مهلكات طاعون العصر (الايدز )

[بشير]

#1116803 [البطنو طامه من القعونج]
5.00/5 (1 صوت)

09-28-2014 05:04 PM
معقول يابروف نهضم القعونج بحلاوة لكوم ؟؟؟؟دا بعمل لينا تلبك في الامعاء . شوف لنا دوم كده وللا لالوب.

[البطنو طامه من القعونج]

#1116771 [AbuSuliman]
5.00/5 (2 صوت)

09-28-2014 04:22 PM
minister of health
practicing doctor
hospital owner
teacher
tv presenter
newspaper editor
supermammmmmmmoun

[AbuSuliman]

#1116738 [الحلومر]
5.00/5 (1 صوت)

09-28-2014 03:31 PM
دا شعب جاحد لابحمد ولابشكر الله قدمنا ليكم خدمة خمسة نجوم، أكلناكم لحم ضفادع عشان تكونوا شعب راقي ومتحضر ذي الفرنسيين ، نقلنا ليكم المستشفيات والخدمات الصحية للاطراف ، اكلناكم تحلية حلاوة لكوم لامن جضومكم اتورمت من الاكل الكتير وخير الانقاذ الوفير نعمل ليكم شنو اكتر من كدا؟؟ شعب مقرف حقو الواحد يقدم استقالتو امضاء الوزير الجزار

[الحلومر]

#1116706 [انقاذي سادر في فساده]
5.00/5 (1 صوت)

09-28-2014 02:47 PM
نقل الخدمة ليست (حلاوة لكوم)ولكن بروتين ضفادع

[انقاذي سادر في فساده]

#1116704 [Asmar]
4.50/5 (3 صوت)

09-28-2014 02:45 PM
حيوان يقرر فى شئون العباد

[Asmar]

#1116670 [كاسترو عـبدالحــميـد]
5.00/5 (2 صوت)

09-28-2014 02:00 PM
اليس فى الخرطوم سـكان ليتعالجوا فى مستشفى الخرطوم ؟ هل تريدون منهم ان يذهبوا الى اطراف الخرطوم ليتعالجوا ؟ العبوا غيرها . كل الأعيبكم انكشفت . عايزين تستولوا على موقع المستشفى لأغراضكم الخاصة والأيام سوف تكشف ذلك وعندها سوف تندمون على كل كلمة صدرت منكم ؟

[كاسترو عـبدالحــميـد]

#1116658 [الحلومر]
5.00/5 (2 صوت)

09-28-2014 01:46 PM
هذا الجزار محتاج لدورة متقدمة في فن التخاطب ومهارة الكلام المرة دي شملنا بكرمه الفياض وجاب لينا تحلية حلاوة لكوم كمان بعد الشبع من أكل الضفادع آخر نغنغة يا عم مأمون والله ماقصرت معانا تب بعد ماترحلوا المستشفيات للاطراف بتدونا عنب

[الحلومر]

#1116632 [شمبول]
5.00/5 (2 صوت)

09-28-2014 01:26 PM
دون جعجعة و حنك مؤتمرات فالواجب يحتم تجهيز الأطراف لاستقبال البني آدميين و علاجهم بأفضل مما كان .. و لكن الواقع يحدث عن هدم المتوفر البسيط بالمركز هربآ من مجانية العلاج و خدمة أجندة مشافي الخمس نجوم !!! مع خلو الأطراف و تهيأتها لخدمات متكاملة و دونك مستشفيات بشائر و ابراهيم مالك و البان جديد و أم بدة التي يغني حالها عن سؤالها .

[شمبول]

#1116619 [ملتوف يزيل الكيزان]
5.00/5 (1 صوت)

09-28-2014 01:16 PM
من علامات الساعة: وزير صحة يتاجر بمرض المواطنين! دي ما تحصل الا في ظل الكيزان. حراميه و ليكم يوم. بدأ العد التنازلي فاستعدوا للجري.

[ملتوف يزيل الكيزان]

#1116618 [فلان الفلاني]
5.00/5 (1 صوت)

09-28-2014 01:15 PM
نقل الخدمات ليست (حلاوة لكوم) يعني ما حلاوة كرملي

[فلان الفلاني]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة