الأخبار
أخبار إقليمية
غندور : «فلنمضِ غير مأسوفٍ علينا لو لم ننفذ للمواطن ما يطلب»
غندور : «فلنمضِ غير مأسوفٍ علينا لو لم ننفذ للمواطن ما يطلب»
  غندور : «فلنمضِ غير مأسوفٍ علينا لو لم ننفذ للمواطن ما يطلب»


09-29-2014 12:22 PM

بورتسودان: أم سلمة العشا
كشف مساعد الرئيس نائب رئيس الحزب الحاكم بروفيسور إبراهيم غندور، عن أن رئيس الجمهورية المشير عمر البشير يتبنى مشروع مد ولاية البحر الأحمر بمياه النيل بنفسه باعتبارها أولوية، وزاد إن «الرئيس لا يخلف وعده»، وقال: «لا بد أن تكون الحكومة التي يقودها الوطني همها الأول تقديم الخدمات، لأنهم جاءوا لخدمة الناس»، وأضاف: «أن نجلس على الكراسي ولا نقدم للناس ما يطلبون فلا خير فينا، وعلينا أن نمضي غير مأسوف علينا»، مشدداً على أن الناس لم يقدموهم حباً في أشخاصهم، وإنما لثقتهم في أن حزبهم أفضل من يقدم لهم ما يطلبون. وطالب غندور خلال مخاطبته المؤتمر العام لحزبه بولاية البحر الأحمر أمس، طالب قيادات حزبه بتوحيد الصف ومسامحة من يخالفونهم من إخوانهم في الحزب، وقال: «لا تتركوا إخوانكم للشيطان وأرشدوهم لطريق الصواب، لأن الذئب يأكل من الغنم القاصية»، وأكد غندور حرص حزبه على المضي بشراكته مع الأحزاب إلى الانتخابات القادمة، وطرح غندور لمواطني البحر الأحمر حزبه كخيار في الانتخابات القادمة، وأضاف: «حاسبونا واحكموا علينا بأعمالنا»، وأبدى غندور تمنياته أن يعود زعيم الحزب الاتحادي الأصل محمد عثمان الميرغني للبلاد قريباً.

الانتباهة


تعليقات 30 | إهداء 0 | زيارات 2939

التعليقات
#1118604 [كرار الاصم]
0.00/5 (0 صوت)

09-30-2014 06:59 PM
فعلا غير ماسوف عليكم لكن بعد ان تحاسبوا علي كل ما فعلتموه يا منافقين والله ماف ايه في القران تتحدث عن المنافقين الا وتنطبق عليهم بحذافيرها لو يجي يوم الحساب عبدالله بن ابي يتبرا منكم

[كرار الاصم]

#1118443 [زول وطني غيور]
0.00/5 (0 صوت)

09-30-2014 02:52 PM
البروف غندور ده قاعد يلبخ ساكت ما عارف يقول شنو!!

[زول وطني غيور]

#1118148 [حسن أبو علي]
0.00/5 (0 صوت)

09-30-2014 09:55 AM
أعتقد غندور هذا عليه أن يعرض نفسه على طبيب نفساني ولا أعتقد أنه يعي ما يقول

[حسن أبو علي]

#1118118 [صلاح محجوب]
0.00/5 (0 صوت)

09-30-2014 09:31 AM
«فلنمضِ غير مأسوفٍ علينا لو لم ننفذ للمواطن ما يطلب»

يا ناس!!! عسل بس

[صلاح محجوب]

ردود على صلاح محجوب
[عميليق] 09-30-2014 11:23 AM
امضوا غير مأسوف عليكم وشكرا


#1118085 [الكاريبي]
0.00/5 (0 صوت)

09-30-2014 08:56 AM
والله ما عارفين نضحك ولا نبكي معقولة نحنا هبل للدرجة دي !!!!

[الكاريبي]

#1117935 [moiez]
0.00/5 (0 صوت)

09-29-2014 11:42 PM
عملتو شنو الله يحرقك انتو واقعين معانه بالخسارة

[moiez]

#1117874 [عصمتووف]
0.00/5 (0 صوت)

09-29-2014 09:22 PM
مد مياة النيل لشرق السودان نسمع به منذ ان جاء هذا الشؤم انه دعاية انتخابية ومص غضبة اهل الشرق الذين باتوا علي وشك الانفجار ماذا يفعل ب المياة مادام الصحة والاهمال والبؤس مخيم هل ليتوضوء بها
** انا كمواطن علي حسب زعمك لتلبية مطلبي اقول ارحل وارحلوا ادونا عرض اكتافكم او مؤخراتكم لكن بعد زجكم في السجون عليكم بالقيام بحملة لتاهيل السجون قبل اخونا وعمنا وخصمكم اللدود ريس المؤتمر بدلا عن توصيل المياة سياتي يوم تندمون علية مع السخانة والاوساخ غير الركلات والشلاليت والصفع والنخس قفاكم يحمر عيش

[عصمتووف]

#1117864 [كمال الدين مصطفى محمد]
0.00/5 (0 صوت)

09-29-2014 08:58 PM
قل لي بربك ماذا نفذتم للشعب الغلبان المقهور غير الخراب والدمار .. وماذا جلبتم له في حياته غير الجوع والمرض والجهل .. وماذا الحقتم به في حياته غير الاذى والنكد .. وماذا وضعتم في طريقه غير العقبات والمشاكل التي لحقته في كل عواصم الدنيا .. اذهبوا غير ماسوف عليكم ..!!

[كمال الدين مصطفى محمد]

#1117830 [الليل]
0.00/5 (0 صوت)

09-29-2014 07:38 PM
((وعلينا أن نمضي غير مأسوف علينا))
يا اخي امضي والله لن ناسف عليك ابدا.

[الليل]

#1117812 [هميم]
5.00/5 (1 صوت)

09-29-2014 07:02 PM
غندور هذا أما أنه كذاب أو درويش ...وهل طلب المواطن رفع الدعم عن المحروقات؟ هل طلب غلاء الأسعار؟ هل طلب من غندور وزمرته أن يقوم بكل هذه السرقات التي قاموا بها؟ نحن لم نولي علينا البشير وزمرته أبداً بل جاوءا بانقلاب ثم عملوا انتخابات صورية مزورة فاز بها البشير وعاد فجثم على صدورنا وسامنا هو وزمرته سوء الضرائب والمحسوبية والسرقات والفساد ... قاتل الله البشير وزمرته وسحقهم وأبعدهم. أما أن البشير لا يخلف الوعد...ياخي البشير يكذب عااااااااااااادي فكيف لا يخلف الوعد...ياخي البشير يظلم الناس ... هذا الشخص، مثلاً، ينتمي إلى المؤتمر الوطني فأعطوه كل شيء .. رواتب ومخصصات وبدلات عالية وسرقات كمان وإعفاء من الضرائب وما شابه وذاك لا ينتمي إلى حزبنا (حزب البشير) فاقعلوا منه كل شيء بالضرائب والجبايات والغلاء

[هميم]

#1117809 [حلفانكيل]
5.00/5 (1 صوت)

09-29-2014 06:58 PM
من انتم ايها الشعب السوداني لولا الانقاذ لما حصلتم على جواز سفر للخروج من السودان وتركنا لوحدنا لكى نتمتع بخيراته الى متى سيظل الشعب السوداني جاحد للانقاذ فى حين اننا من ادخلنا نظام المولات للسودان والله لو ما جينا كان تقضوا حاجاتكم من سوق الجماعة ساي



حلفاوي يطمع بمنصب مساعد رئيس جمهورية

[حلفانكيل]

#1117770 [ابومرام]
5.00/5 (1 صوت)

09-29-2014 06:09 PM
انت وهم ياغردون حاكمين ليكم ربع قرن ماحققتم غير طموحاتكم وطموحات ابنائكم والمقربين ولاسرة الممتدة وبقية الحرامية ياوهم

[ابومرام]

#1117766 [بي كرت]
5.00/5 (1 صوت)

09-29-2014 06:05 PM
فلتمضوا غير مأسوف عليكم دي زاتها الدايرها الشعب ، اها نفذوها ليهو وريحونا ...

[بي كرت]

#1117726 [ابو الخير]
5.00/5 (1 صوت)

09-29-2014 05:16 PM
الرئيس لا يخلف وعده
بالغت يا غندور
والله كبيرة

[ابو الخير]

#1117679 [د الزهجان]
5.00/5 (3 صوت)

09-29-2014 04:04 PM
ياخي جردل الزباله ده ..مستهتر مامعروف . عبيط ما معروف ..مسطول اكيد


كلامو مستفز بطريقة بلها ..الرقاص لايخلف . وهم الحكومه اراحة الشعب ..وانتو ياوهم

كان تقولو ليهو اغشى كسلا في كيزان اغتصبو ممرضة وساعدهم مقدم علي الفرار .. وقولو

ليه .. الغنمايه دي كانت في بيتها وفي حماية الوالي لكن الذئاب وصلت لها وقادتها

الى وكرهاh

[د الزهجان]

#1117675 [صادميم]
5.00/5 (3 صوت)

09-29-2014 03:56 PM
انا مواطن اطلب الآتي:
اعادة الحياة الى مجدي وجرجس الذان اعدما في حقهم
اعادة الحياة الي الضباط الذين أعدموا في رمضان
اعادة الحياة للمفصولين للصالح العام و ماتوا كمداً
اعادة الحياة الي الطلاب الذين قتلوا في معسكر العيلفون
اعادة الحياة للذين قتلوا في بورت سودان و كجبار
اعادة السودان لحدوده القديمة
اعادة مشروع الجزيرة و سودانير و سودان لاين ووووووو الخ.....
و حيث أنكم لن تستطيعوا ان تحققوا لي هذه المطالب فاذهبوا غير مأسوف عليكم.

[صادميم]

#1117661 [اوكامبو]
5.00/5 (1 صوت)

09-29-2014 03:41 PM
ياجماعة الخير الزول دا صادق فى البقول فيه دا 25سنة وهم بقدموا فى البلد والمواطن ماتنكروا الجميل ياشعب 25سنة نفاق على الله والشعب باسم الدين وتطبيق شرع الله 6كبارى وسد بقروض ربوية انفصال البلد لقطرين انيهار قيم واخلاق الشعب 3حروب قتل وسحل الشعب فى هبة سبتمبر انهيار العملة الوطنية قتل 3000الف شخص بدارفور تشريد الملايين من ديلرهم ماااحرام عليكم فى الرجل

[اوكامبو]

#1117649 [نور الدين محمد عوض]
3.00/5 (2 صوت)

09-29-2014 03:28 PM
وأبدى غندور تمنياته أن يعود زعيم الحزب الاتحادي الأصل محمد عثمان الميرغني للبلاد قريباً.
تمشي و تجي بالسلامة يالميرغني مع السلامة
يرجع قريباً عشان يتلم التعيس مع خائب الرجاء

[نور الدين محمد عوض]

#1117636 [ابو سرت]
5.00/5 (1 صوت)

09-29-2014 03:19 PM
الله ﻻ يكسبكم عافية ... ما في احد اخلصنا يا جماعه من الكيزان ديل...؟والله حيرتونا الشعب السوداني صاحب الثورات التي قلعت اعتى الجبارين .... اين معلم الشعوب العربية الثورات ..

[ابو سرت]

#1117622 [التاج محمد أحمد]
5.00/5 (1 صوت)

09-29-2014 03:05 PM
هي لكن متي نحاسبكم دا يوم الفرح
نجلس تاني 25 سنه للحساب

[التاج محمد أحمد]

#1117604 [hero]
5.00/5 (1 صوت)

09-29-2014 02:51 PM
تعليق على الكاريكاتير
صباحكم أصبح ان راجين قائد للثورة
اﻻحزاب قاااااابضة التمن وانتوا ياهو اﻻضحية
ونستاهل سخرية نافع وﻻ غردون وﻻ ابو ركب
احنا ﻻتجعنا اى شئ والسودان ورثناه كاسم من اﻻجداد
بس عدم الوطنية للشعب وبصمته ح يضيع كل شئ بسبب
لصوص الماسونية اصحوا ياعالم وشوفوا مصالحكم قبل ضياع
وفوات اﻻوان ااذى بتااانت مﻻمحه

[hero]

#1117561 [الراكب الماسورة]
5.00/5 (3 صوت)

09-29-2014 01:54 PM
أجمل في ما في الخبر " الرئيس لا يخلف وعده " طيب الطلاق بالثلاثة والقسم المغلظ الخاص بالقوات الأممية التي دخلت السودان كيييييييييييييييف ؟؟؟

[الراكب الماسورة]

ردود على الراكب الماسورة
Oman [ابو الخير] 09-29-2014 05:17 PM
تعليق لذيذ ودمه خفيف يا الراكب الماسورة
والله عسل يا الراكب الماسورة


#1117543 [ود ام بعلو]
5.00/5 (1 صوت)

09-29-2014 01:34 PM
امض ان شاء الله تمضى لجهنم ايها الخنزبر الاجرد ....................................

[ود ام بعلو]

#1117516 [Sam]
5.00/5 (1 صوت)

09-29-2014 01:10 PM
والله يا غردون اب وشا مدلك جنس كضب اهو انتو ليكم اكتر من 25 سنه عملتو للمواطن الغلبان شنو؟ قال ايه؟ «أن نجلس على الكراسي ولا نقدم للناس ما يطلبون فلا خير فينا، وعلينا أن نمضي غير مأسوف علينا» ان شاء المولى الكريم ستجلسون مخلدون في السعير يا اقذام يا منافقين فالشعب كان قد حكم عليكم بالزوال و المحاسبه ما ان وطئت اقدامكم القذره والمتسخه اعتاب الرئاسه في ليل بهيم و ساعه الحساب اتيه بلا ريب فيها

[Sam]

#1117509 [الشريف محمد نور]
5.00/5 (1 صوت)

09-29-2014 01:06 PM
الزول ده جااادى؟؟؟؟؟

[الشريف محمد نور]

#1117502 [عامر عثمان]
0.00/5 (0 صوت)

09-29-2014 01:01 PM
ا وﻻ استغفر الله ... استغفر الله.. الذى ﻻ يخلف وعده هو الله سبحانه وتعالي عما يشركون ولله المثل اﻻعلى.
ثانيا خمسه وعشرون عاما ما قدمتم للناس شيئا !! فماذا ننتظر بعد كل هذا العمر؟؟
ثالثا ما نرجوه ونأمل ان تحترموا عقول الناس شويه... ما اكتر من كده وﻻ اقل
رابعا اسع السيد محمد عثمان الدخلو شنو !! ام ﻻن الخطابه فى مناطق نفوذه!! ولﻻ متاجره وكده!! فان كان كذلك فعيب.

[عامر عثمان]

#1117499 [Quickly]
5.00/5 (1 صوت)

09-29-2014 12:59 PM
الناس ساكتين السكوت علامة الرضا!!
والقنوات الفضائية كلها رقيص وغناء ونكات !!
وآآخررر مزااااجج
تمشوا ويين خليكم قاعدين تاني كمان 25سنة

[Quickly]

#1117477 [المتجهجه بسبب الانفصال]
5.00/5 (1 صوت)

09-29-2014 12:44 PM
Dr. Good for Nothing when will you discover that the NCP is using you as a political clown, I think when Ali Othman, Nafie , Al Jaz etc meet together they exchange your statements and die laughing

die laughing = to laugh for long long time

[المتجهجه بسبب الانفصال]

#1117475 [Sudanese]
5.00/5 (1 صوت)

09-29-2014 12:43 PM
يا اخي انتوا لمن جيتوا في زول حلف عليكم؟ يا اخي انتو حسي لو وقعت بيكم طياره غير ماسوف عليكم. دمكم دم قراد بس.

[Sudanese]

#1117458 [جارسيفو]
5.00/5 (1 صوت)

09-29-2014 12:29 PM
بالله عليك شوف الحرامية المنافقين ديل والله من حساب الله لا تفككم صلاة صبح ولا صلاة عصر لانكم منافقيين ضيعتوا البلد وافقرتم الشعب كل اسباب التخلف جمعتوها وجلبتوها الي السودان من جوع ومرض وجهل وتردي اقتصادي وامراض اخلاقية الله ينتقم منكم يا منافقين تذكروا الاخرة وماذا اعددتم لها من زاد القصور الشامخة العربات الفارهة المزارع اكل مال الشعب بالباطل الفساد من البشير للخفير ليكم يوم اسود في الدنيا والاخرة والله يوم القذافي ليس ببعيد ويوم مبارك ويوم بن علي ويوم صدام حسين اعملوا لذالك اليوم وهبت الشعب علي الابواب ويوم يهب الشعب السوداني اى منقلب تنقلبون يا منافقيين وفاسدين ومفسدين وان يوم القذافي لناظره قريب قوا اهليكم واسركم ثورة عارمة تقضي علي الاخضر واليابس وما لكم الا ماليزيا يا حرامية كرهتم الناس الاسلام واسم الاسلام بتشويهكم لسماحة الاسلام ايها المخنثين انصاف الرجال الاسلام هو اسلام مصعب ابن عمير هو اسلام سلمان الفارسي هو اسلام اباذر الغفاري هو اسلام بلال بن رباح هو اسلام ابوبكر الصديق هو اسلام عثمان بن عفان الاسلام يدعو الي الصدق الامانة الايمان التقوى اين انتم من مبادي الاسلام انتم علي العكس الكذب والنفاق والفساد والخيانة واستبداد والسرقة هي مبادئكم يا انصاف الرجال

[جارسيفو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة