الأخبار
أخبار إقليمية
لجنة تحقيق سودانية في مباراة شطرنج ضد لاعب إسرائيلي
لجنة تحقيق سودانية في مباراة شطرنج ضد لاعب إسرائيلي
لجنة تحقيق سودانية في مباراة شطرنج ضد لاعب إسرائيلي


09-29-2014 10:21 PM
أعلنت وزارة الشباب والرياضة السودانية عن تشكيل لجنة للتحقيق في ملابسات خوض لاعب سوداني لمباراة في بطولة العالم للشطرنج لفئة الناشئين في جنوب أفريقيا ضد لاعب من الكيان الصهيوني، وذلك يوم 25 سبتمبر الجاري.

وجاء على لسان وزارة الشباب والرياضة الاتحادية التي كلفت المفوضية الاتحادية لتسجيل هيئات الشباب والرياضة بتشكيل لجنة التحقيق المعنية برئاسة الدكتور حاتم عبد الماجد الليلي، وضمت كل من اللواء صلاح النور مطر عضواً والعقيد د. عادل محمد ساتي عضواً ومقرراً، وحدد القرار لعمل اللجنة فترة أقصاها يوم الخميس القادم الموافق الثاني من أكتوبر لرفع تقريرها الختامي.

وكانت المباراة المعنية قد شارك فيها اللاعب السوداني عمر التيجاني الذي يحمل جنسية مجرية أيضا، وقد خسر تلك المباراة أمام خصمه الصهيوني، وأدت هذه المشاركة إلى استقالة رئيس اتحاد الشطرنج السوداني طارق زروق من منصبه يوم أمس الأحد.

من جهة أخرى، كشف لقاء عقده السيد وزير الشباب والرياضة عبد الحفيظ الصادق عبد الرحيم أمس مع المفوض الاتحادي لهيئات الشباب والرياضة مولانا أزهري وداعة الله ومدير الرياضة في الوزارة، الخبير محمد صالح وداعة، عن قرارات مرتقبة في ظل الأصداء الواسعة التي صاحبت مشاركة اللاعب السوداني في تلك البطولة ضد لاعب الكيان الصهيوني.

وأوضح مدير الرياضة في الوزارة أن مشاركة اللاعب السوداني في البطولة لم تتم بموافقة الوزارة بمثل ما هو متبع في مشاركات الاتحادات في البطولات والمنافسات الخارجية، كما أن المشاركة في بطولة الشطرنج لم يكن فيها ممثلاً من الوزارة والاتحاد السوداني للشطرنج.

كووورة


تعليقات 28 | إهداء 0 | زيارات 5405

التعليقات
#1118745 [ود الدلنج]
3.00/5 (2 صوت)

10-01-2014 02:19 AM
أنا ما عارف المشكلة شنو؟ يعني إسرائيل دي مش دولة زيها والدول الأخرى عضو في الأمم المتحدة وعضو في الاتحادات الرياضية ومعترف بها في كل دول العالم ، يا خي ما يلاقي السوداني لاعب من إسرائيل يعني شنو ؟ وبعيدن الفلسطينيين زاتهم بلاعبوا إسرائيل ، ونحن نعادي إسرائيل عشان خاطر منو ،يكفي أننا قبل سنين طويلة ضيعنا مشاركتنا في الأولومبيات بسبب سخف عداوتنا لإسرائيل الماعارفين ليها سبب ولا مبرر. وبعدين اللجنة تحاسب منو ؟ هل تحاسب جنوب أفريقيا القبلت بمشاركة إسرائيل ولا تحاسب الولد السوداني لأنه قبل منافسة الإسرائيلي ؟ وبعدين الولد زاتو عندة جنسية تانيةغير السودانية. يعني اللجنة لو أصدرت في حقه أي عقوبة اتشد حيلها مع بلجيكا ، وطبعاً ديل ما بلعبوا في الحاجات دي.

[ود الدلنج]

#1118685 [amir]
3.00/5 (2 صوت)

09-30-2014 10:49 PM
نفترض جدلا ان الاعب السوداني ده فاز في المبارة ضد اسرائيل ردود الفعل كانت حتكون كيف ؟؟؟؟؟؟؟؟
أولا : اكيد اصبح بطل قومي وعملوا ليهو شارع باسمة وميدان وداخلية طلاب
ثانيا : وزير الدفاع كان اعلن انهم ان هذا هو الرد على اسرائيل فقد احتفظ بحق الرد اكثر من مرة

[amir]

#1118519 [العكليت]
3.00/5 (2 صوت)

09-30-2014 04:28 PM
امشو وكلو حجاجكم اول شي , وبعدين وكلو شعبكم وبعد تشبعو تعالو اتفاصحو !!!!

[العكليت]

#1118485 [الطريفى]
3.00/5 (2 صوت)

09-30-2014 03:44 PM
ناس فاضيه وما عندها موضوع، سؤال وجيه اسرائيل دى عملت لينا شنو نحنا معادينها ، وهل يا ترى نحنا حميمين على فلسطين اكثر من العرب ( مصر وقطر وتونس والاردن ........) لانو انا ما بعتبر السودان دوله عربيه ولا نحن بنعرف الاسلام اكثر من الامارات والدول العربيه المتعاونه والمتحالفه مع اسرائيل وهل العرب والمسلمين مهتمين لموضوع فلسطين .ثم تعالو الفلسطينين انفسهم بتحاوروا مع اسرائيل وفى عرب فى اسرائيل بل يوجد سودانيين هربوا من ظلم النظام القائم واحتموا باسرائيل بل واعتنقوا اليهوديه لانكم شوهتوا الاسلام بل رئيسكم طلب المشاركه بجنود سودانيين لمحاربة الدوله الاسلاميه مع العلم ان الدول الغربيه هى الراعيه والداعمه لاسرائيل والنظام الفاسد السودانى على درايه تامه بهذا الامر بل حكومتنا بتنفذ اجنده امريكيه واسرائيليه وما فصل الجنوب ببعيد .
عشان كه شوفوا غيرها،،،،،،،،،،،،،،،،،،،،،،

[الطريفى]

ردود على الطريفى
Oman [أحمد عبدالله] 09-30-2014 11:01 PM
السودانيين فيهم العرب يا الطريفي و السودان يعتبر دولة عربية زيما بيعتبر افريقي ما تعمم كلامك ده على الناس كلهم بعدين منو القال ليك اننا ما بنعرف الاسلام زي الامارات و باقي الدول العربية نحن مسلمين و معظم السودانيين مسلمين


#1118423 [ابوالليل]
2.63/5 (4 صوت)

09-30-2014 02:33 PM
وضمت كل من اللواء صلاح النور مطر عضواً والعقيد د. عادل محمد ساتي عضواً ومقرراً، محكمه عسكرية ولا رياضية شو لواء شو عقيد خليكم في شغلكم الاهم بس

[ابوالليل]

#1118299 [عبدالمنعم مسيك]
3.00/5 (4 صوت)

09-30-2014 12:20 PM
ياحمير وياطير
الرسول فى المدينه عش معاهم وبادلهم التجاره والاعاشه
وبسبب ببلادتكم دى كان مفروض السودان يكون اول دوله عربيه وافريقيه تتاهل لى كاس العالم بس رفض يلعب مع اسرائيل اسى المتزكره الموضوع دا منوا ولا الزاكره ليكم منو
وانا شخصيا القى اسرائيليه والله اتزوجها خلى العب معاه شطرنج ولا الشرع قال حرام؟؟؟؟؟؟؟؟؟؟؟؟؟؟؟؟؟؟؟؟؟؟
وتانى الكيزان البعملوا فيه حتى الحجاج جوعهم ما اخير اليهود منكم

[عبدالمنعم مسيك]

#1118276 [babo]
3.00/5 (3 صوت)

09-30-2014 11:42 AM
قبل كل شيء هذا السوداني في أصله يحمل الجنسية المجرية ولا علاقة له بالسودان فهو يمثل دولة المجر فقط وليس السودان وفي المنافسات الدولية حتى لو كان سودانيا فجدول المنافسات يوضح المشاركين وجنسياتهم فيتم الانسحاب قبل بداية البطولة تفاديا لمواجهة الاسرائيلي في أية مرحلة ومن جهة ثانية فالرياضة ليست لها علاقة بالسياسة ولا بالمعتقدات الدينية ... ولماذا يتم تكوين لجنة للبحث في هذا الموضوع أم أنها مدخل للفساد المالي من اجتماعات ونثريات وبدلات وطعام ومأماريات ...

[babo]

ردود على babo
Saudi Arabia [ود الدلنج] 10-01-2014 03:51 PM
طبعاً الهدف هو نثريات اللجنة والكضب الحيقولوه في فاتورة عمل اللجنة من اتصالات ونثريات وتذاكر سفر لجنوب أفريقيا وغيره يكون هسع الجماعةأعضاء اللجنة فكروا في المظاريف الحاوية لشيكات النثريات وغيرها .
وبعدين اللجنة دي تبحث في موضوع رياضي ولا موضوع حرب بين جيشين ، أعضاؤها عميد وعقيد ....... ولواء ووكيل عريف وشاويش التقول الولد عسكري


#1118156 [صابر مصبر]
3.00/5 (2 صوت)

09-30-2014 10:01 AM
الناس ديل اكيد عاوزين يلهو ناس عن خروف الضحية بمثل هذه التفاهات وعن اوضاع الحجيج قالو لاعب خسر وطيب المنتخب البخسر طوااااااااااالي دا ماعندو سيد يخاف علي

[صابر مصبر]

#1118135 [زول]
3.00/5 (3 صوت)

09-30-2014 09:46 AM
كلام فارغ، وما يلعب يعني كتلو بعض، اتنين وبيعلبو رياضة زهنية. واسرائيل موش دولة يهود وابراهيم، وموسى وكل هارون وغيرهم يهود؟ هل اليهودي شيطان؟ زيه وزي اي انسان تاني. عالم متخلفة يعني خلاص سرقات البلد حلينهوا ومشاكلة جيتو للكلام الفارغ

[زول]

#1118130 [ابومحمد]
3.00/5 (2 صوت)

09-30-2014 09:43 AM
النظام نفسه علاقاته وثيقه مع اسرائيل

[ابومحمد]

#1118103 [ابو الراء]
3.00/5 (6 صوت)

09-30-2014 09:15 AM
هسه الرياضه علاقتها شنو بالسياسة ما يلعب ما يهودي المشكله شنو وما يتغلب برضو المشكله شنو؟ وبعدين أسرائيل بتخش تضرب السودان ووزير الدفاع بالنظر ما أستقال يستقيل رئيس اتحاد الشطرنج!!! غايتو محن تمحن والله

[ابو الراء]

#1118080 [كاكي]
3.00/5 (2 صوت)

09-30-2014 08:49 AM
اتحداكم ان تطرحوا موضوع التطبيع مع اسرائيل للاستفتاء الشعبي في السودان

[كاكي]

#1118050 [سودانى شديد]
3.00/5 (2 صوت)

09-30-2014 07:42 AM
نهنئ اللاعب الإسرائيلى بالفوز عشان شكلو الود عمر التجانى ده أخو خالد التجانى و عندهم كلب .. إذن هو كوز

[سودانى شديد]

#1118047 [ككو]
2.94/5 (5 صوت)

09-30-2014 07:37 AM
الطريف فى الموضوع ان بطل الامارات واجه الاسرائلى فى نفس المنافسة
ولم نسمع باستقالة اى اماراتى
والحقيقة اتحاد الشطرنج السودانى طلب من الولد المجرى المقيم فى المجر
وما بيتكلم عربى انو يشارك باسم السودان لتصنيفه الدولى العالى والولد
بعد ابوه السودانى واهله حنثو حنيث حتى وافق يلعب باسم السودان فقام اتحاد الشطرنج السودانى باستخراج جواز سودانى للولد دون علمه يعنى بالواضح كدة وزارة الشباب والرياضة زورت جواز سودانى لواحد ما طلبو

[ككو]

#1118030 [منور النور]
1.00/5 (1 صوت)

09-30-2014 06:37 AM
ا لشطرنج عباره عن. لعبه حرب حماس لعبت حرب مع اسرائيل وخسارتها المشكله هى عارفه انها حات خسر قبل ما اللعبة تبدأ
هل تحاكم حماس
نعم تحاكم

[منور النور]

#1117993 [طارق الباز]
3.00/5 (9 صوت)

09-30-2014 02:40 AM
المشكلة شنو لو لعب مع اسرائيلى؟؟ رسول الاسلام محمد زار وتفقد جاره اليهودى المريض الذى كان يؤذى الرسول صلى الله عليه وسلم. بعدين انتو اصلا ما عندكم علاقة بالاسلام بتتعاملوا مع الشيطان جات على اليهودى الرياضى.

[طارق الباز]

#1117985 [adel ahmed]
3.00/5 (7 صوت)

09-30-2014 02:24 AM
خلاص حليتو مشاكل البلد كلها و بقت في لاعب و فلاحتكم في الاشياء الهايفة دي وين لجان التحقيق في خط هيثرو و الطائرات التي سقطت و مشروع الجزيره وغيرها الله يورينا فيكم يوم

[adel ahmed]

#1117974 [bakhit]
3.00/5 (4 صوت)

09-30-2014 01:27 AM
كلام في قمة الاستهتار الرياضة لعب وليس سياسة اذا فرضنا السودان قلنا تاهل الي نهايات كاس العالم وواجهنا اسرائيل كيف يكون موقفنا هنا ?

[bakhit]

#1117971 [بت البلد]
2.75/5 (4 صوت)

09-30-2014 01:23 AM
أها لو غلب كان الوضع حيكون كيف ؟؟؟؟ طيب اعتبروها حرب خسرتوها المرة دي وزودوهو بسلاحكم عشان يغلبو المرة الجاية ... وانتو ما اسرائيل جاتكم في عقر داركم وضربتكن سكتوا ليه؟؟؟؟ بالله خلونا من سفاسف الأمور عينكم في الفيل وتطعنو في ضلو ؟؟؟ عالم غريبة وعجيبة

[بت البلد]

#1117940 [مشعكل]
3.00/5 (2 صوت)

09-30-2014 12:05 AM
اللجنة الحافز بتاعها كم ؟؟؟ !!!!


هسي تلاقيهم فكروا فى الحاجز قبل ما يجتمعوا زاتوا ...

[مشعكل]

#1117939 [من يافا.جنوب تل ابيب]
2.75/5 (3 صوت)

09-30-2014 12:04 AM
ويعني ايه يعني ، معااااادي العرب بيشاكروا في دوريات وديه مع اسرائيليين،والله أنهوا عايشين في وهم،
هو الرسول أتعامل مع اليهود واتزوج مهنم، انتو شنو ????
بعدين إسرائيل دي معظم الدول العربيه بتتعامل معاها ،ه في البورصه الإسرائيلية في تل أبيب شوفو عيني عرب الخليج والشام موجودين بكثره الناس بتنظر لمصالحها ،حتى ناس عباس تعاملهم عااااااادي ،
الوهم الفي راسكم ده شيلو برا يا عالم.

[من يافا.جنوب تل ابيب]

#1117931 [إنقاذي سادر في فساده]
2.94/5 (6 صوت)

09-29-2014 11:27 PM
ايه الكلام الفارغ دا المشارك مجري ودولته لها علاقات مع اسرائيل
أفضل الخلق كان متزوجاً من يهودية ومات ودرعه مرهون لتاجر يهودي
وبعدين حاتكونو اكثر عروبية وغالبيتهم يصنفونكم سوادنة وحبوش وعبيد
وداعش تسمي بلادكم ارض الحبشة كما في خريطتهم المنشورة
ليبيا غزت السودان ومولت المعارضة السودانية والكثير من السودانيين ماتو بالسلاح الليبي ومصر تحتل أرضكم
وايه يعني لو سوداني لعب شطرنج مع إسرائيلي فكوناا بلا عرب بلا كلام فاضي معاكن
ورئيس الوزراء الفلسطيني احمد قريع ابوعلاء كان بيسكر مع شيمون بيريز في بيتو
وأهل الجلد والراس قاعدين يجتمعوا مع اليهود وعلى عينك يا تاجر

[إنقاذي سادر في فساده]

#1117928 [تلب]
3.00/5 (2 صوت)

09-29-2014 11:21 PM
برضو خسر ؟؟؟؟؟؟
الحكاية شنو؟؟؟؟؟
خسارة خسارة خسارة
يا ريت لو لعب بالجنسية المجرية
امكن كان يفوز

[تلب]

#1117923 [عصمتووف]
3.00/5 (3 صوت)

09-29-2014 11:10 PM
الهزيمةدائما تولد يتيمة ويظهر للنصر الف اب

[عصمتووف]

#1117921 [ماجد]
1.00/5 (1 صوت)

09-29-2014 11:08 PM
و كمان اتغلب

[ماجد]

#1117910 [اوكامبو]
2.00/5 (3 صوت)

09-29-2014 10:46 PM
وشنه فيه لو لعب مع اسرائيلي اسراتئيل مشكلتها مع البكيزان والملبي واجهزته
ماعنده دخل هو يلعب مع من يشاء
وهذه حرية
يجب احترامها الكيزان لو ساحت لهم الفرصه يعملو اصدقاء مع ابليس
وفي النهايه يتحللو وخلاص
هوووووووووووووووو حررررررررررررررررومن حقه يلعب مع من يشاء
شنه يهم الوزاره
وشنه قدمت للاعبين والمدعين والمثقفين
منه اهتم بي الرسام الي مات في شوارع القاهره بردا

[اوكامبو]

#1117909 [بت قضيم]
3.00/5 (5 صوت)

09-29-2014 10:45 PM
لجنة كاملة بحوافز وبدلات ومرطبات ووجبات عشان لاعب شطرنج قبل التحدي مع لاعب اسرائيلي بلا يخمكم ويخم حكومتكم كلها اوع اكون اعتقلتوه من المطار واتحرتوا معاهو كمان

[بت قضيم]

#1117907 [AburishA]
3.00/5 (10 صوت)

09-29-2014 10:37 PM
خلاص ما دام اللاعب يحمل الجنسية المجرية.. فهو مجري.. فكونا ياخ...الحصل ده لعب شطرنج.. ولا زواج مثليين !!!!

[AburishA]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة