الأخبار
أخبار سياسية
الحجاج يتذمرون من رداءة خدمات بعثة الحج السودانية - شاهد صور
الحجاج يتذمرون من رداءة خدمات بعثة الحج السودانية - شاهد صور


09-29-2014 11:54 PM

الخرطوم –

أفادت أنباء الأراضي المقدسة أن عدداً كبيرا من الحجاج السودانيين قطاع الخرطوم (أ) و( ب) امتنعوا عن تناول الوجبات المقدمة بواسطة البعثة نسبة لرداءتها. وكانت البعثة تقدم ثلاث وجبات للحجاج بالمدينة وصفها بعضهم بـ"غير السيئة"، بيد أنها تقلصت إلى وجبتين في مكة، علماً بأن الحاج يمكث في مكة ضعف ما يمكثه بالمدينة.

وفي وقت لم يعترض فيه الحجاج على الوجبة المفقودة في مكة رغم تكلفة حج هذا العام التي ضمنت تكاليف الوجبات الثلاث للحاج طيلة فترة إقامته ببلاد الحرمين، والتي تصل إلى ثلاثة أسابيع، فقد نقل بعض الحجاج امتعاضهم من رداءة الوجبة المقدمة.
اليوم التالي

image

image


تعليقات 48 | إهداء 0 | زيارات 13989

التعليقات
#1120136 [ابو محمد]
4.14/5 (8 صوت)

10-03-2014 04:00 AM
ذي مشكله في المطوف تقدرو تشتكو عليه وتاخذو حقكم

وبدون مجامله الحكومه السعوديه كلها واقفه مع انجاح حج هالسنه في تيسير كل شي للحاج

والامور سالكه وطيبه بس فيه ناس تبي تشوه سمعه فاقول له حسبك الله والله راح ينصر الحكومه علي كل من اساء لكل من يقوم بمساعده الحجاج

[ابو محمد]

#1119210 [متولي خضر]
4.16/5 (6 صوت)

10-01-2014 04:02 PM
حجأ مبرورا وسعيا مشكورا

[متولي خضر]

#1118885 [الكردفاني العدييييييييييييييل]
4.00/5 (6 صوت)

10-01-2014 09:02 AM
الحاجة ..... شافت الكلام اعوج ....... قالت ان اسوط اللقمة... وأأكل حتى ناس البعثة ذاتهم....... !!!!!!!!!!!!؟؟؟؟؟؟؟

اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............
اللهم عليك بعصابات ..... الارجاس ........ اقطعهم .....تك............

[الكردفاني العدييييييييييييييل]

#1118733 [تربيل]
4.00/5 (6 صوت)

10-01-2014 12:17 AM
حرام يا تاج السر والله حرام
تجيبو للحجاج اشنا الطعام
و في رحاب بيت الله الحرام
ما عيب عليكم بالله دا كلام
وين حق الوجبات يالئام؟
دخلتو في جيوبكم بالتمام؟
ولا ادخرتو لموازنة العام
ما تنسو تاكلو البشير حمام
عشان يقوى ويقاوم الزحام
وانتو اكلو الكبدة وابدمام
وخلو الحجاج للفول والطمام
والاخدتو منهم بيلقو قدام
وانتو الله يوريكم سوء الختام

[تربيل]

#1118697 [ahmed]
4.11/5 (8 صوت)

09-30-2014 10:34 PM
http://www.youtube.com/watch?v=Q1_tppYrUK0

[ahmed]

#1118556 [تينا]
4.08/5 (8 صوت)

09-30-2014 04:34 PM
الغريبة عندى خالتى قدمت فى الج الأساسى وسحبوا جوازا ومشت قدمت عن طريق الوكالات ولحسن حظهم نزلوهم فى فندق بعثة الحج العسكرية ولما سألناها عن الأكل قالت لينا بناكل الثلاثة وجبات فى البوفيه وفيهو كل ما تشتهيه الأنفس والتحلية الماخمج من جلى وحلويات بأنواعا وعن العصائر والشاى والقهوة فدى خلوها ساكت على مدار اليوم ... ولما نحن معاها فى الفندق سامعة حاج بقول للتانى معانا الوزير ! بس انا ما عرفتو ياتو وزير من الوزراء ! يعنى ناس خالتى (((بيجاه الملوك لاكوا))) الشيىء البلاحظوا دائما الحجاج السودانيين يعتبروا معظمهم من أكبر الحجاج سنا وطبعا بكونوا مساكين ليهم زمن (((بلقطوا))) فى قروش الحج الحقتنا كتيرة دون بقية الدول وبعد كده يجوا يتعبوهم فى اكل وخلافو ... أتفق معك أخى (((ظلال النخيل))) صورة خالاتنا وهن بطبخن فى الاكل فى الممر ما جميلة وبتعكس للسلطات انو سلوكنا غير حضارى يا ريت يا أهلنا تطبخوا فى المطابخ ... ونسأل الله تعالى اللطف بكم وربنا يتمم لكم حجكم على أحسن ما يكون وترجعوا بحج مبرور وذنب مغفور وسعى مشكور ...

[تينا]

#1118497 [حران أحمد]
4.00/5 (8 صوت)

09-30-2014 02:56 PM
هذه إساءة للشعب السودانى كله وليس الحجاج السودانين فقط ..... لا أدرى كيف يكون مشروع هذه الحكومة النحسة مبنى على الأسلام وتتعامل هيئاتها بهذا الشكل مع حجاج بيت ألله ؟؟؟؟؟؟؟؟؟؟؟؟

[حران أحمد]

#1118439 [ABO OBAYDA]
4.16/5 (13 صوت)

09-30-2014 01:45 PM
طالما علمت الحكومة السعودية بالامر و الشعب السعودي ايضاً ، فسيتم اطعام الحجاج المساكين افضل الطعام و ستتم رعايتهم من الجانب السعودي افضل رعاية ، مرضاة لله و طلبا لثوابه ، لأنهم يعرفون الله حقا و ليس لهم طمع في اموال ضيوف الرحمن ليأكلوها مثل من تعفل حكومتنا و مسؤولينا الذين سبق لهم السطو على اموال الاوقاف و كبرت كروشهم من اموال الزكاة
﴿وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42) مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ (43)﴾

[ABO OBAYDA]

#1118433 [على]
4.14/5 (10 صوت)

09-30-2014 01:40 PM
بعض الناس يتحدث بما لايعلم مثلا زى اخونا محمد احمد ده بقول الاكل ارخص حاجة فى السعودية وهل هو يعلم ان طلب العدس ب 5 ريال يعنى حوالى 12 جنيه سودانى والكبسة ب14 يعنى حوالى 33.5جنيه سودانى وكباية الشاى بالحليب ب 2 ريال يعنى 5 جنيه سودانى علما بان الحاج يدفعون بالعملة السودانية ؟

[على]

ردود على على
Sudan [Hisho] 09-30-2014 10:48 PM
الاخ على : طبعأ كلامك غير صحيح جملة وتفصيلأ وبكل اسف انت تتحدث بما لا تعلم , الاكل ارخص شى السعودية نعم ارخص شى فى السعودية للمقيم فى السعودية ولا يمكن حساب تكلفة الاكل بحسابك هذ ( العدس ب5 ريلات =12 جنيه سودانى ) اذا افترضنا انك مقيم فى السعودية وتحصل على راتب الف وخمسمائة ربال سعودى , اذا اكلت ثلاثة وجبات عدس فى اليوم قذلك 15 ريا ل سعودى فى اليوم = 450ريا ل فى الشهر يعنى انك تستهلك حوالى 30% من راتيك على الاكل ( هل تعلم ان الاكل فى السودان يستهلك اكثر من 90% من راتبك على الاقل ), اما اذا اكلت كبسة فى السعودية ثلاثة مرات فى اليوم فان ذلك يعنى 14 ريا ل ضرب 30 = 1350 ريا ل فى الشهر لا زال لديك 150 ريال باقية , اما اذا حاولت ان تاكل ثلاثة مرات كبسة فى السودان فلن يكفيك راتبك اسبوع واحد .
موضوع الحجاج فلقد تم تحصيل رسوم اعاشة للحجاج 1500 ربا ل سعودى وتشمل ثلاثة وجبات فى اليوم وهى كافية جدأ لاعاشتهم وتقديم احسن وجبات لهم , ولكن سؤ الادارة والفساد هى السبب , فكان يمكن التعاقد مع مطعم او استئجار مطعم والتعاقد مع طباخين بكل تاكيد كان يمكن استغلال هذا المبلغ وادارته بطريقة جيدة وكان سيكون كافى فقط 1000 ريا ل فى 20 يوم كان سيكون نصيب الحاج فى اليوم هو 50 ريا ل فى اليوم وبكل تاكيد كان سياكل الحاج وجبة كبسة يوميأ وحليب وفواكه .
ولكن ما يسمونهم بامراء الافواج اشكالهم تنم عن غباء وعقل متحجر توقف عند فتاوى ابن تيمية واراء ابن القيم وغيرها لا يفقهون شى , واردفو ذلك باللصوصية ز

Saudi Arabia [كاكا] 09-30-2014 02:50 PM
اهل الخير في السعودية بيطعموا من دون مقايل طلبا للثواب والاجر انت لو في السعودية ما حصل حضرت فطور رمطان في مكة او المدينة ما شايف يتسابقوا لافطار الاف الصائمين ما شايف الاف المصريين يجلسوا من العمرة الي الحج ياكلوا ويشربوا علي حساب 44اهل الخير في مكة


#1118432 [رانيا]
4.14/5 (11 صوت)

09-30-2014 01:39 PM
الحملات الموجودة في السعودية العكس تماما الأكل مكفي ويفيض والشاي والقهوة والبوفية مفتوح أربعة وعشرين ساعة ناس كيك وفطائر وكرواسون والخفايف دي مجانا حتى إنه في جنسيات بتخمخم ولمن بيجي نهاية الحج بتستدرك الأمر إنها ملت شنط ضخمة من البسكوتات والكيك وبتحاول توزعها ههه والمشكلة مافي واحد بيشيل لأنه حيوديه وين ! ..
المينيو بتاع الأكل بيكون مكتوب في ورقة من الشركة نفسها بعد دفع الفلوس بيوروك كل حاجة في منى حتاكل كيت كيت في مزدلفة كده كده وهكذا ..كله متقييد ومكتوب .

[رانيا]

#1118417 [حالم بوطن أحلى]
3.21/5 (7 صوت)

09-30-2014 01:27 PM
والله أقولها بكل صراحة وبدون غرض. اذا كانت هذه هي الخدمة التى تقدم فأفضل لهم أن يذهبوا الى صفوف الطعام من الخيرين ويقفوا في الصف مع المصريين فالطعام هناك أرقي مايكون ومجاناهذه محلات راقية من كبار البلد ملوك (احياء وأموات) وشيوخ كبار ومعروفين. أيضا هناك محلات تبيع وجبات راقية فقط بعشرة ريال. وللصراحة وليعلمها المسؤولون في الدولة فليست هناك مقارنة البتة بين مقر السودانيين والدول الاخرى وبالقرب منها مقر المصريين والسوريين ولكني دخلت سكن الباكستانيين وكان معى حاج سوداني مسن من أفراد البعثة وجدته وقد تخلف في مزدلفة وهو من أبناء نهر النيل فاوصلته الى مكان سكن البعثة السودانية في منى وفي الطريق إضطررت الى الذهاب به الى الحمام في مقر البعثة الباكستانية فكانت الصدمة فالفارق بيننا وبينهم فرق السماء والارض سكن نظيف وراقي لا تجد اكثر من اربعة اشخاص في الغرفة والطعام يأتي اليهم في أمكانهم وحمامات غاية في النظافة وعندما ذهبت الى مقر البعثة السودانية شاهدت العجب اولا المخدخل عشرات النساء يجلسن لبيع الاطعمة والشاي أما بوفيه البعثة فحدث ولا حرج من الازدحام والفوضي أما الفرف فكانت اكبر مساحة من غرف البعثة الباكستانية ولكن بها حوالي 26 شخص والمقر غارق من المياه المتسربة من منطقة الحمامات والاسوأ وهو سلوك فردي والله شهيد على ما أقول رأيت من يحاول معاكسة النساء بطريقة مقرفة وغرفهن طبعا منفصلة بممرات لكن التداخل ممكن. فتمنيت أن ينتبه المسؤولين لهذه النقاط خصوصا المياه المتسربة والتى كونت بحرا وليست بركة وكذلك مراقبة سلوك بعض الافراد من الرجال فهذا مكان أتى اليه الناس لغسل ذنوبهم وليس لمثل هذا السلوك المشين داخل المقر. ولكن للامانة إعتقد أن المعاكس كان من المقيمين وذلك يعود ايضا لسهولة ارتياد مقر البعثة ممن لا ينتمون اليها. نريد أن يرانا الناس بمظر يعكس سلوكنا كشعب ذات إرث حضاري وكفي.

[حالم بوطن أحلى]

#1118414 [حقانى جدا]
4.11/5 (9 صوت)

09-30-2014 01:26 PM
ومن فرض فيهن الحج فلا رفث ولا فسوق ولا جدال فى الحج
الحج جهاد اما موضوع الاكل والوجبات مهما كانت فلا يليق بالحاج عن يتحدث عنه اطلاقا والشى الشايفه فى الصورة عدس وفول وبيض كفاية جدا جدا جدا والمعلوم اننا سمعنا بان تكلفة الحج قد انتقصت هذا العام مقارنة بسعر العملة بين الاعوام الماضىية والحالى ترفعوا عن الصغائر ايها الحجاج

[حقانى جدا]

ردود على حقانى جدا
[ابوجاكومة القرفان من الحكومة] 09-30-2014 10:06 PM
ياحقاني جدا بالله عليك عن (أي حق انت جادي فيهو ) كبف لحاج دفع ثمن وجباته الثلاث من حر ماله وبمبلغ لايستهان به عشان يؤدي مناسك حجه بكامل صحته ولياقته الحاج لايبحث عن الطعام من موائد الآخرين عشان تجي تقول ليهو ترفع عن الصغائر انت لو قدر لك الذهاب للحج شوف ناس البعثة ( ساكنين كيف؟ بيأكلو كيف وشنو ؟ بشربوا شنو ؟ ودا كلوا على حساب الحاج السوداني وعلى حساب الشعب السوداني من أين لهذا الجيش الجرار من المسؤولين والأمراء وما أدراك ما الأمراء كوووووول الجوقة دي على حساب هؤلاء وتعال شوف حجاجنا الدافعين دم قلبهم لتوفير قروش الحج بياكلو شنو ؟؟؟ أنا بكتب في الكلام دا لأني شفت بأم عيني وضع الحجاج في منى حجاج رادمنهم ردم ردم في الخيمة المعدة لهم والله النساء كل واحدة واضعة رأسها في رجلين أختها خيم عادية بدون تكييف وتعال شوف ناس البعثة والأمراء ( خيمة ثلاثة نجوم ) موكيت أطقم جلوس مكيفات هواء إستاند 4000 وحدة وتقول لي يترفعوا عن الصغائر ناس البعثة الجهاد مابعرفوهو ولا بجاهدوا في أموال الحجاج ؟؟ .

[محمد عبدالكريم] 09-30-2014 03:00 PM
يا ابني ما ممكن في بلد الخير تأكل الناس بيضة واحدة وحبات فول .. وين ما قلت السودان سلة غذاء العالم ؟ بقينا في زي دا ؟

United Arab Emirates [البعاتي] 09-30-2014 02:59 PM
ورينا كيف لا بجوز الحديث في الحج عن الطعام المدفوع قيمته من قبل الحجاج؟
الله سبحانه وتعالى قال :" وتزودوا فان خير الزاد التقوى "، تجي يا وهم تقول لا يجوز؟
فلا رفث ولا فسوف، مش تعني عدم الحديث عن الحقوق


#1118395 [الطاهر محمد]
2.25/5 (4 صوت)

09-30-2014 01:07 PM
لاحولة ولاقوة الا بالله
شي مذري ومخجل
حسبي والله ونعم الوكيل فيكم ( كل من له يد في معاناة الحجاج )
وربنا يعظم أجر الحجاج ان شاء الله

[الطاهر محمد]

#1118376 [كاروشه]
4.13/5 (7 صوت)

09-30-2014 12:46 PM
اعوذ بالله

[كاروشه]

#1118367 [radona]
4.10/5 (8 صوت)

09-30-2014 12:34 PM
يجب محاكمة مولانات الحج لهذا العام بعد ان خاطبهم وزير الحج السعودي ب ( عيب عليكم)
واليكم ترجمة جملة ( عيب عليكم ) بالسعودي لمن يجهل اللغة السعودية .. معناها:
ان وزير الحج السعودي اقتنع بشكوى الحجيج السوداني الذين بالطبع اوضحوا له كم الذي دفعوه من اجل اداء فريضة الحج بما فيها المبلغ المقتطع من بهدف اطعامهم ولما تاكد تماما وقطعيا ان في الامر فساد واي فساد فساد في اموال حجاج هم في ضيافة الرحمن الرحيم وفي كعبته وحرم رسوله صلى الله عليه وسلم .. بعد ان تحرى الوزير ووصل لقناعة وجود فساد وانعدام ضمير خاطب المولانات السودانيين ب (عيب عليكم)... جدير بالذكر ان عددا كبيرا جدا من الدستوريين والوزراء ومن اصحاب المركز المتقدمة بالدولة والذين يحجون وعتمرون كل عام بانتظام متواجدون بالاراضي المقدسة ولم يسمع عنهم تعقيبا من قريب او بعيد وكما يقولون السكوت علامة الرضا .. واعتقد ان ما قام به مولانات الحج يندرج تحت لائحة سياسة التمكين البغيضة ومن المتوقع ان يكافأ هؤلاء الموالانات بتولي مناصب ارفع بالدولة نسبة لاثباتهم كفاءتهم في مواقعهم كافة فلا تعجب غدا سينقضي الحج وسيجلس هؤلاء المولانات اما اجهزة الاعلام والتلفزيون وستسمع وترى ما يثير الدهشة .
الشكر موصول لجريدة التيار لتبنيها الامر وللاطباء السودانيين الذين وفروا الاطعام وللمحسنين السعوديين الذين قاموا بذلك ايضا ..وماذا لو عرفت ان اعلى رسوم حج في العالم يدفعها الحاج السوداني وهذا امر لا يقبل المغالطات ابدا !!!!!!!!

[radona]

#1118360 [ود انقو]
4.14/5 (9 صوت)

09-30-2014 12:26 PM
الفول والعصيده يلازم الزول السزدانى اينما ذهب والله مصيبه فول وبيضه واحده والله حرام حرام وكمان دافع مبلغ 1040 ريال سعودي لزوم الاكل بعثة الحج الحرامية امرهم مكشوف من زمان الناس كانت بتضرب الفول ده في كل موسم حج وتبلع ريقها بشوية مويه علشان ينزل باقي القشره من الحلق ولكن هذا العام بلغ السيل الزبى وكمان الحاجات شايلات الحلل والمساويط والشرموط والويكه معاهن للحج لانهن ضاقن التجربه من قبل والصورة ابلغ دليل لرداءة الخدمات نسال الله ان يضاعف لهم اجرهم مرتين وتكون اخر حج لان الحج الكثير كل سنه بيكون بدعة واسراف في المال لان الزول بتوب توبه واحدة لكن ناس البشير الواحد فيهم يكفر في السنة الف مرة ويجري للحج للتطهير من الذنوب وهو غير صادق مع ربه.

[ود انقو]

#1118351 [لوليتا]
4.14/5 (8 صوت)

09-30-2014 12:14 PM
فشلت فشل زرييييييع يا مطيع يا طماع
ويا حكومة حتي وجبات الحجاج المدفوعة من دمهم عينكم عليها
اي عار هذا !!!!!! واي بشر نحن

[لوليتا]

#1118333 [ابوالليل]
4.05/5 (8 صوت)

09-30-2014 11:51 AM
السلام عليكم
ربنا يتقبل من كل حاج حجاٌ مبرورا وسعياٌ مشكوراٌ
قالوا الحجة قدرة كنت مفتكر القدرة المادية لكن عرفة انو المصقود القدرة الصحية والجسمية ، عفواٌ نرجع شوية لعمرة رمضان 2014 كنت هناك وشوفته قباحة الوضع وتعامل مكاتب السفر من السودان الي السعودية وضع قبيح ومزري ومفلس الي ابعد مما يتصور الشخص
1/ البداية ما عارفا لكن الفنادق ايام معدودة وعند خروجك للسفر مافي بواخر يطرا المعتمر ان يؤجر علي حسابو أكل علي حسابو ترحيل علي حسابو وخلاص انتهت العمرة فكرة في الرجعة تعال شوف النصب والاحتيال من جانب المكاتب وتعب وفتر ومدافرا اذكرة ايام الخبز بالصف طلعوهم من طورم كانهم ما جاين لعمرة حرام ياخي استيكر مافي لا في اليد ولا في الرقبة وتلاقي حاجة كبيرة ولا حاج اسالك من الفندق بتاعوا كانك ساكن معاهو ياخي حرام عليكم تنظيم مافي

[ابوالليل]

#1118331 [ظلال النخيل /فريد محمد مختار]
4.13/5 (9 صوت)

09-30-2014 11:48 AM
نعم الاكل فقير من حيث القيمة الغذائية فول سادة وبيض ونتمى تحسين الوجبات للحجاج. لكن بالمقابل الصورة الاولى مخالفة صريحة لنظم اعداد الطعام المفروض الطبخ يكون في المطبخ لا في الممر وكمان نوعية الطعام ومصدرها مهم لدى السلطات الصحية ...
والحق يقال نحن كسودانيين عندنا الكثير من المخالفات والثقافات الغذائية الخاطئة كالطبخ في الطرقات وتحت الكباري وبين المخيمات المفروض نساعد الجهات المختصة شوية وبلاش نقل ظاهرة ستات الشاي والاكل الى الدول الاخرى باعتبارها ظاهرة سلبية غير حضارية لا تليق بأي مجتمع حضاري ...

[ظلال النخيل /فريد محمد مختار]

#1118320 [شبيكة]
4.12/5 (9 صوت)

09-30-2014 11:40 AM
ولم تشتكوا لغير الله وانتم في الحج الحج السنة دي كله يكون دعوة على النظام وأزلامه والمرتزقة

[شبيكة]

#1118316 [البعاتي]
3.94/5 (9 صوت)

09-30-2014 11:35 AM
يا "الدعم السريع" وكلاب المؤتمر الوطني وأشباههم، ما تستغلوا غياب بعض الأمور عن الناس، فوجبة الحاج مدفوع ثمنها مقدما، وما تستغلوا عواطف الحجيج وشوقهم لأداء الشعائر بالعبارات الجوفاء مثل "احتسب"، "صيام وحج عشان يكون الاجر مضاعف"

القرطبي في كتابه الجامع لأحكام القرآن، في قوله تعالى "تزودوا فان خير الزاد التقوى"، أمرٌ باتخاذ الزاد، "نزلت الآية في طائفة من العرب كانت تجيء إلى الحج بلا زاد، ويقول بعضهم: كيف نحج بيت الله ولا يطعمنا، فكانوا يبقون عالة على الناس، فنهوا عن ذلك وأمروا بالزاد."

[البعاتي]

#1118306 [محمد أحمد]
4.16/5 (9 صوت)

09-30-2014 11:27 AM
أرخص حاجه في السعوديه الاكل, لكن طبعا العصابات دي عاوزه تصرف نص في الميه من القروش الشالوها بالغصب من الحجاج المساكين ديل شغالين بنظام يا تدفع يا تقعد قبلك, الحجاج يعني يركزوا في الحج ولا الأكل.

[محمد أحمد]

#1118288 [سوداني]
3.77/5 (10 صوت)

09-30-2014 11:04 AM
كنت قبل 10 دقائق اتكلم مع حاج في مكة ووضح لي الوضع المتردي للحجاج بالذات من جانب الوجبات الا يعلم اهؤلاء الذين لايخافون الله ان هناك حجاج مرضى يحتاجون الى نوع معين من الوجبات ولم نقل ادعموهم اكلوهم حقهم 15000 ريال لثلاث وجبات يحلف ذلك الحاج انها لاتساوي 500 ريال بالنظر الى حجاج الدول الاخرى نجد ان بعثة الحج السودانية كل عام هي الاسواء تنظيمياً من سكن واعاشة ... وعند وصول التلفزيون يقولون لهم قولو ان الوضع مستق والحجاج في صحة جيدة وللمعلومية ان الوجبات التي يحضرونها يعافها الحجاج لانهم بحمد الله يعرون الاكل الجيد في بيوتهم ولكن بقى الدور الدور على الجيعانين المنتفعين من وراء الحجيج اسال الله ان يذيقهم مااذاقوه لهؤلاء المسكاين

[سوداني]

ردود على سوداني
Sudan [بت الخرطوم] 09-30-2014 01:22 PM
إذا قلت الحقيقة بسحبوها حصل لى هذا الموقف أنتقدت السكن والترحيل والوجبات وما يسمى بالأمراء ولكن صوتى لم يصل بسبب حذف كلامى الما عجبهم مع أنو ما قلت الا الحقيقة بدون اى مبالغة وعند حضورى أرسلت ملاحظاتى الى المسئولين بالهيئة ولكن لا حياة لمن تنادى فكان مصيرها سلة المهملات


#1118263 [طه]
4.13/5 (9 صوت)

09-30-2014 10:32 AM
نحنا شعب غريب ايى واحد امسكو مكان اقلك اصبر الصحابة كانو بصومو فلان كان فشلتونا فضحتونا كرهتونا الله احرق كل كوز بنار الله العنهم ى حرامية حتى الحجاج تغشوهم ليكم يوم عندالله ثم الشعب

[طه]

#1118261 [ابو ماجد]
2.88/5 (8 صوت)

09-30-2014 10:30 AM
لو تسمعوا الامراء يقولو للحجاج عندما يشتكون من سوء الخدمات يوقولو لهم (( لا جدال في الحج )).
حسبي الله ونعم الوكيل
يارب انت جبار السموات والارض دمر هؤلاء الظلمة وانصر عبادك الطيبين الذين انخدعوا محبة فيك لانهم خدعوهم باياتك

[ابو ماجد]

ردود على ابو ماجد
United Arab Emirates [البعاتي] 09-30-2014 03:15 PM
" احتسب "، عشان ياكلوا حق الناس


#1118248 [الكاهلية]
4.10/5 (11 صوت)

09-30-2014 10:20 AM
الى متى ينخدع الحجاج ولماذا يدفعون الف وخمسمائة ريال للاكل

ان كان اهل الانقاذ حرامية فهل الحججاج اغبياء
دي امة ضحكت من جهلها الامم

والمجرب لا يجرب كلمة مستوحاة من الانقاذيين

[الكاهلية]

#1118224 [خالد قدورة]
4.22/5 (10 صوت)

09-30-2014 10:05 AM
أقول للرباطى بتااع الدعم السريع ,,, فى حجة الوداع أمر الرسول صلى الله عليه وسلم بذبح مائة ناقة من ماله الخاص ونحر بيده الشريفة ثلاث وستون وأمر على أبن ابى طالب بنحر الباقى ,,, وأنت أيها الفاسق المدعى للاسلااام تقول لحجاج بيت الله صوموا وهم شيووخ ونساء عجائز ,, ربما تكون ولد حراام لا تعرف معنى الامومة والبر وربما تكوون زنديق تعاقر الخمر وتأكل الحراام ,, لعنة الله عليك وعلى البشير وعلى الكيزاان الفاسدين المجرمين ليوم الدين ووالله لئن صبر هذا الشعب الكريم كل هذه السنين لهو خيرا لنا حتى يأتى الكنس متكاملا وشاملا وسيكوون الحساااب عسيرا أيها الغر المأفووون

[خالد قدورة]

#1118213 [غصن الرياض المايد]
4.12/5 (10 صوت)

09-30-2014 09:56 AM
يمهل ولا يهمل

كم من أكال للسحت وكم من مزور أغتنى من فلوس الحجاج ونسي دعوة المظلوم وكمان الحاج وفي البلد الحرام يعني في الرئاسة
بعدين تسمع بواحد من أمراء الحج ضرب كفر اللاندكروزر بتاعو في طريق شندي عطبرة أو كريمة أبوحمد أو هيا جبيت ويلحق أمات طه . إحذروا المال الحرام وخاصة هؤلاء حجاج بيت الله وإنهم ضيوف الرحمن . يا أولاد الأبالســـة

[غصن الرياض المايد]

#1118208 [How]
4.11/5 (7 صوت)

09-30-2014 09:52 AM
كيف الصور دي تكون حقت الحجاج السودانين وهم غير محرمين

[How]

ردود على How
United Arab Emirates [البعاتي] 09-30-2014 03:17 PM
متمعين يا حاو


#1118199 [ابو الافكار]
4.13/5 (8 صوت)

09-30-2014 09:41 AM
سبحان الله

[ابو الافكار]

#1118180 [المهاجر]
4.16/5 (8 صوت)

09-30-2014 09:20 AM
فوووووووووووووووووووووووووووووووووووووووووول فىىىىىىىىىىىىىىىىىىىىىىىىىكللللللللللللللللللل مكانننننننننننننننننننننوراناااااااااااااااورانااااااااااااااااا

[المهاجر]

#1118179 [زول اصيل]
4.13/5 (10 صوت)

09-30-2014 09:20 AM
خدمات الحجاج السودانيين من اردى الخدمات المقدمة للحجيج اولا يسكنوهم بعيدا من الحرم حيث الايجار رخيص ثم كثرة امراء الحج وراتبهم حرام عليهم يجب ان يخافوا الله ويجوا بدون مقابل لانهم يحجون مجانا ويسافرون قبل الحجاج ومافي اي اهتمام اكل سيء ولا توجد خدمات تذكر والاكل المقدم سبيل من خادم الحرمين افضل من الوجبات التي تقدم للحجاج السودانيين والمدفوعة من دم قلبهم يا ناس خافوا الله في انفسكم هذه اوقات الدعاء فيها مستجاب وقد سمعتها انا باذني في حج عام 1423 دعت عليهم حاجة كبيرة في السن

[زول اصيل]

#1118176 [مواطن سوداني]
4.13/5 (7 صوت)

09-30-2014 09:18 AM
المفروووض من الحكومه تكون هي الرقييب علي خدمات الحج لاكن لا حياة لمن تنادي


أصبح الحاج السوداني طاشي شبكه في كل الخدمات نسال الله القبول لهم في الحج

[مواطن سوداني]

#1118175 [كوكي]
3.88/5 (5 صوت)

09-30-2014 09:18 AM
صفوف شنو ديل 5 انفار يعني لازم يندافرو النظام كويس

[كوكي]

#1118162 [sudany]
4.13/5 (10 صوت)

09-30-2014 09:08 AM
حتي في الحج حتي في بيت الله سبحااااان الله .يعني المسؤلين من الحجاج برضو حراميه ؟ قلوب ميته والله وين النخوة وين النزاهة علي الاقل... للحجاج .بعد القروش الدفعوها دي كلها وهو كويس في ناس لقو فول في وحدين الفول لم يقدم لهم كوجبه بياكلوا من حقهم والله العظيم .سبحان الله .الحج ي جماعه مرهق متعب واغلبيه الحجاج من المسنين يعني لو ما اكلوا حتجيهم ضوخه لفه راس يعني !قال يصوموا امش صوم انت ي كوز انشاء يدعوا ليكم كلكم كلكم يااارب خلص الوطن من مثل هاؤلاء يااا رب

[sudany]

#1118155 [Abdo]
4.13/5 (10 صوت)

09-30-2014 09:00 AM
كفاية ذل و مهانه لقد فات النذاله حد القذارة ، يا ساتر يا رب

[Abdo]

#1118117 [زول]
4.13/5 (10 صوت)

09-30-2014 08:31 AM
ده اكل في الحج والا مطعم في ابو جنزير

[زول]

#1118099 [مجدي حسين]
4.13/5 (7 صوت)

09-30-2014 08:05 AM
شعارنا " فول عيشة زيادة " في الحج تزهجوا في الناس دة ابليس بالوكالة ولاشنو . تشكروا الاخوة بجريدة الراكوبة العملاقة.

[مجدي حسين]

#1118090 [عمار - أبو فارس]
4.00/5 (11 صوت)

09-30-2014 07:58 AM
حاج ومظلوم وجعان لم يتناول وجبة دعوته لاترد - اتق الله في حق الحاج عيب عليكم السلطات السعودية تنتقد منسوبيكم ايها البعثة الفاشلة اداريا

[عمار - أبو فارس]

#1118088 [وحيد]
3.25/5 (10 صوت)

09-30-2014 07:56 AM
يا ربي " امراء" الحج بياكلوا الفول زي الحجاج المساكين ام هل للامارة امتيازاتها؟

[وحيد]

#1118070 [محموم جدا]
4.13/5 (6 صوت)

09-30-2014 07:40 AM
ست الفول دي وين؟؟
عنز الرماد ما بتفوت رماده !!!

[محموم جدا]

#1118067 [بت البلد]
4.13/5 (10 صوت)

09-30-2014 07:38 AM
بعد شوية حيطلع ليكم واحد يقول ليكم: المراد في الحج المشقة زي قصة التحلل بعد السرقة...هههها وحللللللووووووووا

[بت البلد]

#1118065 [طارق الباز]
4.13/5 (9 صوت)

09-30-2014 07:37 AM
كل سنة يوكلوا حرامى ينهب قروش حجاج بيت الله.

[طارق الباز]

#1118058 [زول]
4.00/5 (9 صوت)

09-30-2014 07:23 AM
اصلا السودانيين اتعودو علي المهانة وبقت مافارقه معاهم

[زول]

#1118033 [الدعم السريع]
4.10/5 (8 صوت)

09-30-2014 05:48 AM
ماكلين لشنو
مفروض يقضوها صيام وحج عشان يكون الاجر مضاعف

[الدعم السريع]

ردود على الدعم السريع
Qatar [زول] 10-01-2014 07:43 AM
تاكلك وما تلقى اليحكها ليك

Qatar [حلفاوى] 09-30-2014 11:21 AM
انت انسان وأطى

[احمد احمد] 09-30-2014 09:17 AM
لعنة الله عليك.. حتقول شنو غير كده ما جنجويد.. شكلك مستفيد من المأكلة دي لعنة الله عليكم الى يوم الدين.. ناس ما بتخاف الله حتى في حجاج بيت الله الحرام

Saudi Arabia [//ahmed//] 09-30-2014 07:47 AM
جيد يا جنجويد . بس مافى زول يلزمهم بدفع أية مبالغ مقابل الإعاشة الجميع قادر على تدبير وجباته سوى بما قلت او وفر لنفسه افضل مايريد من الطعام ، ولكن الحاج يحس بأنه يسرق فى وضح النهار ، يدفع وهو صائم ، ولا يملك لأن يأكل جيدا لأنه دفع مالديه مسبقاً .. يا أخى والله إنتو من أين أتيت لنا لو الدعم السريع استخدموه فى اعمال الخير وإحيا النفس لكان خير لكم من مما طلعت عليه الشمس ،،، وإطعام الحجاج بأفضل الأطعمة هى طاعات عظيمة من التقرب إلى الله، دون سفك الدماء ، وقتل الأرواح البريئة التى حرمها الله إلا بالحق . والله إنتو عليكم جهل ودمامة إحساس قاتله الله يهد حيلكم زى ما هديتو حيل الشعب السودانى .

United Arab Emirates [ابو الكلام] 09-30-2014 07:19 AM
إنت اتفه من مسؤولين الحج والعمرة تف عليك وعلى امثالك من المرتزقة والماجورين
ديل حجاج بيت الله الحرام في الاشهر الحرام يا عديمي البصر والبصرية الله ينتقم منكم دينا واخرة الله ينتقم منكم حسبنا الله ونعم الوكيل حسبنا الله ونعم الوكيل لو كان ابوك او امك في موقف زي ده بتقول كلامك ده حسبنا الله ونعم الوكيل عليكم


#1118032 [ام احمد]
4.19/5 (10 صوت)

09-30-2014 05:41 AM
حتى قروش الحجاج سرقتوها ياالكيزان يعنى ماخايفين المساكين ديل يصقعوكم بدعوة فى الحرم وانتو فى عز ذنقتكم والله اتجبرتو وفتو فرعون غادى
ياكيزان فقركم وسناكيتكم المدوعلةدى الثوار بجزوها ليكم زى ناس داعش خافو على فقركم دى ماتخافو من الله

[ام احمد]

#1117970 [bakhit]
4.12/5 (10 صوت)

09-30-2014 12:21 AM
حرام والله حتي احنا في ماناسيك الحج ياحليل سلطان علي دينار اين نحن الان من ذالك زمن

[bakhit]

#1117967 [sudan]
4.13/5 (12 صوت)

09-30-2014 12:16 AM
انا بقترح المؤتمر الوطنى يبيع لينا صكوك الغفران هنا واصلا زى ما قال مولانا غندور المؤتمر الوطنى جاء من اجل الدعوه الى الله على شرط اكون بى ايصال خمستاشر عشان العلمانيين ما يتوهموا و نفس الوقت نكون وفرنا عمله صعبه .. ارجو عرض الاقتراح على قيادات القطاع الدينى

[sudan]

ردود على sudan
Saudi Arabia [الجقود ود بري] 09-30-2014 03:04 AM
يا سودان يا اخي الله يعفي عنك اديتهم فكره جهنميه وشويه حا تشوف في السوق صكوك الغفران موقع عليها البشير بكري وغندور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة