الأخبار
منوعات سودانية
الشروق تراهن على البحرين.. وأنغام على ندى القلعة.. والخرطوم على سلمى سيد
الشروق تراهن على البحرين.. وأنغام على ندى القلعة.. والخرطوم على سلمى سيد
الشروق تراهن على البحرين.. وأنغام على ندى القلعة.. والخرطوم على سلمى سيد
سلمى سيد


10-01-2014 12:03 AM
الخرطوم/ سماح صديق

دخل عدد من الفضائيات السودانية في ديربي العيد المعتاد من أجل كسب ود الجمهور عبر وضع برمجة تنال الإعجاب وتلبي التطلعات.

كشفت الدكتورة إشراقة الطاهر عن برمجة قناة الشروق وقالت: برمجة متنوعة عدد من الفترات والسهرات والمسابقات، وأبرز هذه السهرات: (بعض الرحيق) مع مجموعة من الضباط بمشاركة المغني محمد عيسى وتقدمها نسرين سوركتي وشيبة الحمد عبد الرحمن، والسهرة الثانية مع عدد من رجال الأعمال بمشاركة الفنان حسين شندي، وسهرة مع مجموعة من القانونين المعروفين بمشاركة الفنان مصطفى السني ويقدمها المذيع شيبة الحمد عبد الرحمن، وسهرة مسجلة من البحرين مع مجموعة من المثقفين من بينهم الشاعر المعز عمر بخيت، بمشاركة فنان بحريني وهي من تقديم نجمة القناة سلمى سيد، وسهرة مع المتفوقين في الشهادة السودانية بمشاركة الفنانة ندى القلعة،

وسهرة مع الموسيقار أسامة بكلو والبلبلة حياة طلسم، وسهرة مع مجموعة من السفيرات السودانيات بمشاركة الفنانة سميرة دنيا، وتقديم شيبة الحمد عبد الرحمن.

وكشفت قناة أنغام عن نفسها، وأعلنت التحدي عبر برمجتها التي تضم حلقة مع الفنان معتز صباحي، وحلقة مع نجوم الغناء الاثيوبي، وسهرة مع الشاعر الكبير محمد علي أبو قطاطي ولقاء خاص مع الشاعر اللواء عوض أحمد خليفة، وحلقة من الزمن الجميل مع الفنان الراحل محمد أحمد عوض، وسهرة ليالي القاهرة، بجانب حلقة خاصة تضم الفنانة ندى القلعة والفنان طه سليمان.

وتسهر قناة الخرطوم في اليوم الأول مع (ضحكة فرح) تضم مجموعة من المبدعين من بينهم المذيعة سلمى سيد، وعفاف حسن أمين، ومنى أبو العزائم، وخالد أبوزيد، والممثل محمد عبد الله، وفخر خالد، والفنان صفوة الجيلي، وصلاح الأمين، ومحمد حسن حاج الخضر، ونادر جني، وسلمى الأرباب.. وسهرة أخرى مع الفنانة ندى القلعة، وحسين شندي، وعلي اللحو، والبعيو.
آخر لحظة


تعليقات 4 | إهداء 0 | زيارات 3103

التعليقات
#1123511 [محمود ود احمد]
0.00/5 (0 صوت)

10-11-2014 08:57 AM
يا جماعة الخير زعلانين مالكم وبعدين دا المتاح لى قنواتنا ثم لاحظو السودان كلو بقى فنانين بابكر صديق ما قصر فى دى لكن الوجوه المسيطرة على الساحة ندى القلعة - طه سليمان - عائلة البنا - ترباس باقى الهبطرش وينو ولا ما عندو وجيع ثم ثانيانرجع ونقول دا أحسن من مصطفى اسماعيل وغندور وطقتم ولا عندكم فهم تانى

[محمود ود احمد]

#1119360 [KOZE KADDAB]
0.00/5 (0 صوت)

10-01-2014 10:31 PM
يا ناس الراكوبة بالله لم تكتبوا عن فنان ومذيع وقناة شنو الما سمعنا
بيهم، ادونا نبذة صغيرة عنهم وما تخلونا مسطحين.
هل البنت سلمى سيد هي دكتورة ام مذيعة ولا اخت نادية القلعة.
مع خالص الشكر و (جزاكم الله خيرآ).

[KOZE KADDAB]

#1119231 [الغلبان المقهور]
5.00/5 (2 صوت)

10-01-2014 05:35 PM
الناس فى شنو والحسانية فى شنو

[الغلبان المقهور]

#1119161 [ابوكرنك]
5.00/5 (3 صوت)

10-01-2014 03:53 PM
السودان كلو اصبح اغاني اغاني ملينا من الفنانين بقو حاجة بايخة وسخيفة وما محتملة يحكو عن قصة حياتهم ونحن ما ذبنا نسمع لشوبة صعاليك وعواليق نفس الفنان او الفنانة شوفها في قناة النيل مثلا وترجع شفوفعا في قناةة السودان الكلام متكرر مثلا بداياتك الفنية واول اغنية غنيها والاغلية البتحبها وتعامل مع منو من الملحنين ومن الشعراء ويرد الفنان من هنا بحي الشاعر زعيط معيط وبحي اسرتي الصغيرة والكبيرة وزوجتي واولادي حماده وجداده . ياجماعة الخير علكيم الله فكونا من الكلام الفارغ دا لا يودي ولا يجيب والله مضيعة للزمن.نفس الوجوه شعراء فنانين فنانات كاسيات عريانات متبرجات مذيعات متبرجات يفتحن صدورهن امام الناس ويجلسن بقرب الرجال اقصد الضيوف .

[ابوكرنك]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة