الأخبار
أخبار إقليمية
السودان يغازل الخليجيين ببيع أراضيه الزراعية مجانا وبلا رسوم أو عوائد جمركية أو ضريبية
السودان يغازل الخليجيين ببيع أراضيه الزراعية مجانا وبلا رسوم أو عوائد جمركية أو ضريبية
السودان يغازل الخليجيين ببيع أراضيه الزراعية مجانا وبلا رسوم أو عوائد جمركية أو ضريبية


حكومة السفاح تروج لمفهوم "المنطقة الحرة" للحصول على دعم سياسي وعدم الانهيار
09-30-2014 08:02 PM
أحمد نصر الله:

بعد شهور قليلة من رفع الدعم عن السلع الأساسية للمواطنين، وزيادة الأسعار، أعلنت الحكومة السودانية أنها بدأت في مرحلة ثانية للتضييف على السودانيين، في محاولة لتأمين مقاعدها على كراسي الحكم، وذلك بإلغاء نهائي لأي ضرائب أو رسوم جمركية على الصادرات أو الواردات القادمة في صفقة حملت مسمى "منطقة زراعية حرة لدول الخليج العربي"، والتي أعلن عنها مؤخرا وزير الاستثمار مصطفى عثمان إسماعيل.

وفيما لن يستفيد السودانيون من المنطقة المذكورة، وذلك في ظل حاجة الدول الخليجية لتأمين المنتجات الزراعية، والحرص على توريد 100% من المنتجات التي يستثمرها رجال الأعمال، لا يعرف المختصون أي فائدة للشعب السوداني، سوى باستغلال أراضيه، دون الاستفادة منها ولا من منتجاتها، أو حتى من عوائد الصادرات الممثلة في الرسوم والضرائب والجمارك، والتي ستبقى على رقبة السودانيين، فيما يعفى منها المستثمر الأجنبي.

وفيما يعتبر المحللون أن حكومة البشير بهذه الخطوة تنوي كسر العزلة التي تعاني منها بوقف التحويلات المالية من دول الخليج، ببيع علني للأراضي السودانية دون أي فائدة تذكر، بما في ذلك أي عائد للمنتجات على السوق المحلية، توقع المحللون ألا يتفاعل الكثير من المستثمرين الخليجيين مع تلك الصفقة الخيالية والعرض المجنون، لمآلاته السياسية وليست الاقتصادية، خاصة أن تجارب المستثمرون الخليجيون مع الحكومة لطالما انتهت بالفشل، ولم تحقق مبتغاها، ومنيت بالخسارة دائما، خاصة أن المستثمرون يعرفون جيدا أن الاستثمار في مناطق نزاعات تعتبر خسارة واضحة، فما بالنا بحكومة لا يتفق عليها أي من السودانيين، والذين ينوون إسقاطها بكل السبل، الأمر الذي يضع أموالهم في مهب الريح، مع أول انتفاضة قادمة أو ربيع سوداني، أو حتى بانقلاب عسكري، وهي سيناريوهات باتت أقرب للسودان.

والمعروف أن المناطق الحرة لا تخضع صادراتها ووارداتها لأي رسوم جمركية أو ضريبية وتتمتع بحرية تنقل عمال الفلاحة منها وإليها.

وكانت خطة السودان مع نظام الأخوان المسلمين في مصر تقضي ببيع الأراضي السودانية في نفس الإطار المعروف بالمنطقة الزراعية الحرة، وبدأت حكومة البشير فعليا ترتيباتها لتنفيذ ذلك، لتأمين كراسي حكمهم وتأمين حكم الأخوان المسلمين في مصر، إلا أن انقلاب الشعب المصري على الأخوان حال دون ذلك.

وأشار المحللون إلى أن ما يدعيه الوزير السوداني من أن المنطقة الحرة خضعت للدراسة أمر يستحيل، لأن الموضوع برمته يحتاج لسنوات لتأمين المصلحة الاقتصادية لأي بلد ينوي القيام بهذه الخطوة، لكن السرعة في تنفيذ المشروع يأتي حتما لتمرير أجندة سياسية واضحة، وهو أيضا ما يتنافى مع حديث الوزير من أن تنمية الاقتصاد السوداني ستعتمد على تلك المناطق، بدليل أن الاستثمارات الخليجية التي بدأت في السودان حاليا رغم قلتها ووجود العراقيل الكثيرة في الجمارك والضرائب والرسوم، لم تنعكس أي إيجابيات لها على السوق السوداني أو اقتصاد البلاد، فلم يشهد المواطن أي وفرة يصاحبها تدني الأسعار خاصة في اللحوم البيضاء أو الحمراء أو البيض أو الألبان وكلها مشروعات لها استثمارات كبيرة من مستثمرون خليجيين.

ويؤكد المحللون أن استفادة أي بلد من المناطق الحرة يكون عادة بزيادة الوارد من النقد الأجنبي، وهو أمر يستحيل مع الوضع الاقتصادي والبنوك السودانية، خاصة في ظل اهتزاز الحكومة وعدم شرعيتها واقرار حكومات تلك الدول بذلك، مما يجعل هناك تخوفات واضحة من مصير الأموال في البنوك، والحذر بما يعرف بتقليل أي وارد من العملات.

وفي الفائدة الثانية لأي دولة يأتي من الرسوم والإيجارات التي يتم تحصيلها من المستثمرين كما في الشأن الإماراتي الذي فتح المجال لآلاف الشركات الأجنبية، والتي وجدت في الاستقرار السياسي والاقتصادي فرصتها، وهو أمر أيضا لا يتوفر لحكومة السودان والتي لن تتقاضى بالطبع أي رسوم.

وفي الفائدة الثالثة تدريب القوى العاملة، فإن الاستثمار الأجنبي في المنطقة الحرة المزعومة وفر استفطاب أيدي عاملة من الخارج، مما يؤكد الاستغناء عن أي كوادر وطنية سودانية يمكنها أن تعمل في المشروعات تلك، لتبقى نسبة العطالة كما هي.

يذكر أن السودان سبق أن ميز المستثمرين فيما يعرف بقانون الاستثمار الجديد الذي تبناه وأسس فكرته مصطفى إسماعيل، لتثبيت أركان النظام السوداني في الحكم، بالسماح لهم بتصدير ما نسبته 100% من الصادرات مما فوت الفرصة على السوق المحلي في توفير أي مواد غذائية، وفتح المجال لرجال الأعمال السودانيين المحسوبين على النظام باستيراد نفس المنتجات التي يزرعها أو ينتجها السودان، بأسعار خيالية، ليتحمل المواطن السوداني عبء الفاتورة كاملة.


تعليقات 19 | إهداء 0 | زيارات 6216

التعليقات
#1119633 [مهاجر]
0.00/5 (0 صوت)

10-02-2014 10:59 AM
فلتذهبو الي الجحيم يا اخوان الشياطين .. سرقتم مدخرات الدوله ونهبتم ثرواتها وانتهكتم اعراضها وقسمتمها جزيئات والان تريدون سرقة الخليجين بعدما فضيتو جيوب السودانين تبا لكم وسكلتكم امهاتكم يا تجار الدين ..اين الشريعة الاسلامية التي وعتونا بها .. نحن ننتظر تطبيقها يا شذوذ الافاق

[مهاجر]

#1119257 [مالك]
0.00/5 (0 صوت)

10-01-2014 06:32 PM
منظمه الزراعه والاغذيه العالميه الفاو حذرت الدول الناميه من خطوره هذا النوع من الاستثمار لانه مضر جدا بالدول الناميه

[مالك]

#1119137 [صديق]
0.00/5 (0 صوت)

10-01-2014 03:15 PM
مقال جيد . لكن لعجلة الكاتب به أخطاء نحوية
أرجو أن ينتبه اذك مستقبلا

( خاصة أن تجارب المستثمرون الخليجيون مع الحكومة
خاصة أن المستثمرون يعرفون جيدا

لها استثمارات كبيرة من مستثمرون خليجيين. )

[صديق]

#1119135 [شمالي]
0.00/5 (0 صوت)

10-01-2014 03:10 PM
لن يجدي الكيزان أي نفع من إنبراشة مصطفى عثمان إسماعيل
بصراحة لأنو ولاة الولايات أصبحوا ديناصورات في البلع واللغف وعاوزين حقهم ناشف وديل لا بعرفوا قانون استثمار ولا قانون أم دلدوم ههه

[شمالي]

#1119116 [adil a omer]
0.00/5 (0 صوت)

10-01-2014 02:46 PM
كلو بعد العجاجه تربط بيرجع لاصحابو الحقيقيين والمستثمر المشترى من الحرامى يعتبر متلقى لمال مسروق مشارك فى الجريمه وحياكل نيم

[adil a omer]

#1119018 [عزالدين الشريف]
0.00/5 (0 صوت)

10-01-2014 12:36 PM
هذا نظام يسعى للفرار من نهايته المحتومة ... يلاحظ ان المحلل اغفل جانبا هاما من الاستثمارات حيث ان الاستثمارات الخليجية وغيرها لم تكن في الاغذية فقط ... هناك صناعات اخرى كثيرة جرى الاستثمار فيها الا انها لم تصب نجاحا يذكر او تعرضت للخسائر ... بلاد تشتعل الحروب في ثلاثة اقاليم رئيسية بها واقتصادها منهار وليس بها ادنى استقرار سياسي، كيف يستثمر فيها الخليجيون او غيرهم؟

[عزالدين الشريف]

#1119015 [radona]
0.00/5 (0 صوت)

10-01-2014 12:34 PM
انهم ليس من ضمن حساباتهم المواطن السوداني صاحب الارض والوطن والدولة
انهم يعتقدون بانهم يستطيعون اغتصاب كل شئ
ولكني لا اعتقد ان الخليجيين بهذه السذاجة ابدا
كل حصيف يعلم ان السعودية ودول الخليج الاخرى تبقي على شعرة معاوية تقديرا واحتراما للشعب السوداني ونحن نعلم ان نظامنا الحاكم في السودان قد اشتد عليه الخناق بعد المقاطعه المصرفية ويحاول جاهدا تقديم القرابين للسعودية ودول الخليج وقد كانت علاقته تضحيته بجزء من علاقته قربانا وطرح المنطقة الحرة الزراعية هذه قربانا اخر وسيتوالى تقديم القرابين ولكن دون فائدة فان السعودية ودول الخليج عازمة على اكمال مهمة اجتثاث تنظيم الاخوان المسلمين والنظم التابعه له وهذة مسالة استراتيجية لن تحيد عنها ولن تغريها هذه العروض غير المتكافئة مع حقوق الشعب السوداني صاحب الارض الحقيقي على ايتها حال ولن يطرق باب هذه الاستثمارات الا امثال جمعة الجمعة وشركة عارف والطيور على اشكالها تقع

[radona]

#1118992 [Big Mouth]
4.75/5 (10 صوت)

10-01-2014 12:08 PM
هسه يا اخوانا خرطمية مليون سوداني ما قادرين يلقو حل للورطه الراكبانا دي؟؟؟؟؟ يا اخوانا يحلوها كيف دي؟؟ يعني ما معقول الجزم ديل (الله يكرمكم) يمسكو ليهم بلد ربع قرن بالقوه مهمن كان, اكيد في إنَّ و اكيد عندها حل, هسه البحصل شنو لو الناس دي رفضت تمشي الشغل يعني عصيان مدني عديل, يبدا بالقطاع الخاص اي بتاع بزنس، سمسار، بقاله، ورشه، طبليه، خدرجي، بوتيك، مغلق، تحويل رصيد... كلهم يبطلو يمشو الشغل لمدة اسبوع و اذا امكن يحضِّرو للاسبوع ده بمخزون علي قدر البقدروهو, بعد كده القطاع الحكومي حيتلحلح شويه لانو وضعو معقد و ممكن الموظف يدخل في حيص بيص و امن و تحقيق و كده لو عمل عصيان شان كده بخاف, لذلك الحل انو العصيان يبدا من القطاع الخاص و اكيد حيتبعو الحكومي, اساسا الناس لا ماكله لا شاربه شنو يعني لو وقفت الحياه الاساسا واقفه لمدة اسبوع بس, اسبوع واحد مافي زول يمشي الشغل الناس تتكل و تقلل حركتها عشان ما يكون في اجهاد و جوع, اقعدو في البيوت و احضرو المسلسلات المدبلجه الما عندها نهايه دي و ممكن تحولو للقنوات (عدا الجزيره) لانو موضوع العصيان حيكون انتشر و بكده الشغله حتكون رسميه و الاعلام حيساهم فيها بقدر كبير حتي لو بدت من مدينه واحده مجرد ما الناس اليائسه تسمع باقي المدن حتبطل و بعد كده النظام ما عندو خيار الا يتكل علي الله.
شعب جيعان حيجيهو شنو لو جاع زياده؟؟ كلو جوع في جوع لكن التاني بينتهي من النظام في غمضة عين. لا تولعو شموع لا تدقو الصفيح لا حلل التمبل باي, حل بسيط لمو ليكم (اصطوك) اكل من النواشف و لمو عيالكم و ما تمرقو نهاااااائي, كمان الكيزان قايلنهم بسوقوكم الشغل بالقوه؟؟ ما بقدرو و حتي كان قدرو ما عندهم حيل للشي ده.
بالنسبه لمسألة الاصطوك من الطعام و المواد الغذائيه, المسأله دي حتكون ابسط لو تمت علي اساس تعاوني يعني زي الضرا بتاع رمضان و اي حي سوداني بكون فيهو الغنيان و الفقير رغم انو المعفنين ديل ما خلو للغني فرقه في البلد دي, فممكن الناس الممهوله و الميسوره تعمل بلنص للشغله و تتشايل الحكايه لأنو اكيد بكون في ناس ما لاقيه حق الفطور ناهيك عن الغدا بل ناهيك عن اصطوك لمدة اسبوع, بالتالي الكلام و النقاش و التنسيق ضروري في المسأله دي, و انسب وكت علي ما اعتقد هو المسا في الميادين الناس تقعد زيها و زي اي ونسه عامه الناس تتفاهم و ما تخافو من الغواصات و الكيزان و بتاعين اللجان الشعبيه المعرصين, ما بيقدرو يعملو حاجه و ما ضروري زاتو الناس تسميهو عصيان سموهو اي حاجه (اجازه, تكله, كسرة عمود, حتله اختياريه, ياخي ماشين رحلة في حلتنا)!! المهم الناس تبدا بالاقربين زملاء الوجع و رفقاء التذمر و الاحتجاج علي سياسات الدوله بعد داك صدقوني البلد ما حيفضل فيها كوز و حتلقوهم كلهم بقدرة قادر بقو تبع العصيان ليه لأنهم جبانين و حاجه زي دي ما بتوقعوها و كان اكتشفوها زاتو ما عندهم ليها حل .... العصيان المدني هو اسلم الحلول لشعب جائع منهك تعبان و فتران و عندو سوء تغذيه ,,, يللا ورونا الراي شنو؟؟
و الناس ما تاخد الاقتراح ده كمناسبه للايكات و عدم الموضوع دايرين نقاش يولد افكار و كل الاحداث المهمه في تاريخ البشريه بداياتها كانت باهته و ضعيفه لكن اتحققت بالنقاش و التفنيد ,, وصيه اخيره ما تهتمو و لا تردو علي الجداد.

[Big Mouth]

ردود على Big Mouth
United Arab Emirates [عطوى] 10-02-2014 11:33 AM
ووالله يا اختنا الموضوع اسهل منكدة بكير تصدقى فقط اصحاب الواصلات العامة والاهلية والخاصة لو وقفو يومين بس هؤلاء اللصوص حيطيرو بلا عودة
...

.... يعنى اى صاحب حافة + عربية خاصة وركشة بس ينومو فى بيوتم لمدة يومين وحتشووفو

ويتم الاعلان على زلك من قبل الشعب ويتم تحزير كل صاحب حافة او عربية خاصة من مغبة العمل لانة سيتم حرق عربتة وبعديم مافى حد يقول انا على كيفى مصلحة الجميع والوطن اعلى من مصلحة 3 او 4 حافة نعم هذة الحافلات يعيش عليها اسر وانها منهم ولكن مامعنى معيشة تلاتة اة اربعة ىاسرة مقابل 9 مليون يا ناس ختو الرحمن فى قلبكم وعنو اسبووع واحد مقبال يطير هؤلاء الكلاب يعنى معقول الناس مش عايزة تطلع مظاهرات بحجج مخجلة وغير منطقية وماعايزين حتى يعتصمو فى بيوتم ؟؟؟؟؟؟؟!!!! ياناس

والله كل يوم الواحد بيتاكد انو المشكلة مش فى الكيزان المشكلة فى هذالشعب الذى استمرا عدم تشغيل دماغة

United Arab Emirates [الغاضبة] 10-01-2014 04:18 PM
Big Mouth

أتعهد بالمشاركة في العصيان ...

عاوزين نجمع أكبر عدد من التوقيعات والتعهدات من الناس لتنفيذ فكرة العصيان المدني لاسقاط النظام ..

شكرا


#1118981 [ود الشمال]
0.00/5 (0 صوت)

10-01-2014 11:48 AM
الإستثمار الأجنبي مصدر لتعويض العجز في الإدخار المحلي وتحقيق زيادة في معدلات نمو الناتج المحلي الإجمالي فأحد الأهداف الرئيسية لاستقطاب رأس المال الأجنبي هو إقامة مشروعات إنتاجية في كافة المجالات الصناعية والزراعية والخدمية التي تهدف إلى إنتاج سلع وخدمات ذات ميزة تنافسية للتصدير وتكون مؤهلة للقبول بالأسواق العالمية كما أن توفر رأس المال يسمح بالتوسع في الإنتاج وتنوع المنتوج وتحسين جودته .، و منطقة زراعية حرة في السودان تعتبر احد التسهيلات والامتيازات التي تقدم لجذب رؤس الاموال الاجنبية للسودان ، وجل دول العالم تفعل كما فعلت السودان والتجربة الماليزيا خير مثال لنا وفي ماليزيا تم تحرير التعليمات والقيود الخاصة بحقوق الملكية في الشركات ، كما تم السماح في إطار قانون تشجيع الإستثمارات للأجانب بالاستحواذ على نسبة 100% من حقوق الملكية في شركاتهم وذلك عند قيامهم بتصدير 80% أو أكثر من منتجات تلك الشركات . ولماذا هذا الاحتجاج والضجر ، حين تقدم السودان التسهيلات للمستثمرين الاجانب في الجانب الزراعي في السودان وكثير من الاراضي السودانية زراعية الشاسعة لم يكن مستصلح بقلة الامكانية المحلية ، وفي المدي البعيد المصلحة للسودان والشعب السوداني وإن طال او قصر المستثمر الاجنبي سوف يترك الاراضي كما هي مستصلح ويرح من البلاد ، وسوف يعود هذا الاراضي الي الشعب السوداني وبكل ما فعلوه من استصلاح

[ود الشمال]

#1118916 [tareq elkashef]
0.00/5 (0 صوت)

10-01-2014 10:37 AM
قصدك شنو بي يفرمتو الشعب يا سيد الزين .. تحصل ابادة للشعب ويجي شعب تاني ولا فكرتك شنو يا بروف .

[tareq elkashef]

#1118904 [Mohammed Ahamed Kashan]
0.00/5 (0 صوت)

10-01-2014 10:21 AM
انا اتفق مع كل الاخوان فى تعليقاتهم فى هذا الموضوع وبالاخص تعليق الاخ كاسترو ,اولا يرجعوا الاموال المستثمرة بالخارج ويخرجوا من السوق والاقتصاد ويكون دورهم رقابى فقط عشان نرجع فاقد الايرادات ,الكانو بيتمتعوا به.

[Mohammed Ahamed Kashan]

#1118840 [Abdo]
0.00/5 (0 صوت)

10-01-2014 09:17 AM
لمن لم يقرأ مقالة شوقي بدري حول ( عشرة الراعي ) و لمن قرأها نذكره فيما جاء في هذا الخصوص بقول بدري عندما قال فيما معناه ( ان هؤلاء القوم و من اجل بقاءهم في سدة الحكم مستعدين يبعوا امهاتهم ) ،، إنتهى ،،
هؤلاء القوم الذين تسلطو على البلد و شعبها في غفلة سياسينا المخضرمين لن يتورعوا عن أي عمل يفوق التصور من أجل بقاءهم في الحكم و ذلك من شدة شرههم وولعهم بالمال و النساء فهذه قد تمسكوا بها و انزلوها لأرض الواقع بأكثر مما تحتمل و ذلك فيما يدعون من قيامهم من أجل تطبيق كتاب الله و هو منهم بريء ، بالأمس سمعنا كيف عرضت هذه العصبة عدد ثلاثة الف من السودانيين لتزج بهم في محرقة داعش و ذلك من اجل كسب ود الغرب و الخليج ، فقوبلت بالرفض . ( اليس هذا بيع للشعب السوداني في الوقت الذي تبذل فيه الدول التي تعرف و تحترم ارواح بنيها ، تبذل الغالي و النفيس و تنفق مما تنفق من طائل الأموال لتفادي الخسائر في الأرواح في أي حرب تدخلها مضطرة ، و اليوم تواصل هذه العصبة بيع الأراضي السودانية في مسلسها الذي بدأ بالتفريط في حلايب و الفشقة و ثم تخيلنا بانها أوقفت هذا المسلسل بفصل ثلث البلاد بشعبها . و لكن يبدوا أن هذا المسلسل لن يتوقف إلا بإقتلاع هذا البلاء من جذوره الهشه .
إن الغرب و الخليج ليسوا بهذا الغباء ليتعاملوا مع هؤلاء النفر و قد خبروهم كما خبرهم الشعب لمدة 26 سنة ، بقدر ما يحاولو التذاكي يفضحهم الله حيث يمكرون و يمكر الله و الله خير الماكرين .
نسأل الله أن لا يؤاخذنا بما فعل السفهاء منا و أن يأخذهم بقدرته كما أخذ فرعون و هامان و مبارك و بن علي و القذافي و صالح ، فهو القادر على ذلك و ان يخرج عباده الصالحين في السودان منهم سالمين .
لقد إلتفت سيقانهم و أصبح التخبط ديدنهم و لن ينجو بإذن واحد أحد مما أذاقوه من ويلات و ضنك و مر سقوه هذا الشعب الطيب المسالم .

[Abdo]

#1118778 [موجوع بالحيل]
0.00/5 (0 صوت)

10-01-2014 05:31 AM
الكيزان مايهمهم شي فصل الجنوب فلس بيهم قبلوا علي الذهب والاراضي الزراعيه التي تعتبر من الاوسع نطاقا التي ينتظرها العالم بفارق الصبر و هي الارث الوحيد الفضل للشعب من النهب المستمر لخيرات البلد الناس ديل ماشين متين والله الا نعملها زي سوريه اي كوز نتعامل معاه شبيحه الله يقطع وجوهكم القبيحه دي مننا

[موجوع بالحيل]

#1118762 [الحقيقة مرة]
3.00/5 (2 صوت)

10-01-2014 03:33 AM
يا جماعة استثمار شنو بعد قرار السعودية والخليخ واعتار الاخوان تنظيم ارهابي ما بخلو مستثمر خليجي يدخل السودان والمستثمرين الكانو من زمان ناس الفيصل والراجحي ديل زاتم كيزان واحتمال بعد قرار السعوديه يصفو اعمالهم

[الحقيقة مرة]

#1118719 [alzeen]
4.00/5 (4 صوت)

10-01-2014 12:41 AM
الكلام ده زي الناس القاعدين تحت ضل نيمه ومولعين سجاره وبتخيلو... منطقه حرة شنو فارغة شنو المشاريع من قلتها الوقعت وقعوها هم والوااااقفه زول قادر عليها ماف
البلد دي غير صالحه للبني ادم
دايره فرمطه
كلها بي شعبها
دي عباره عن كوم نجاره..

[alzeen]

#1118696 [ســـــارى الــلــــيــــل]
3.00/5 (2 صوت)

09-30-2014 11:33 PM
بعد فشل قانون الاستثمار بكل ما وفره من ضمانات للمستثمر الاجنبى او الخليجى لم يجد قبولا من الكثير من الرأس ماليه الخليجية او غيرها مأخذين العبر و الدروس من الذين سبقوهم ودخلوا هذا المعترك الفخ المنصوب باستقطاب رؤوس الامال بالعمله الحره رفع ارصدتهم عالميا لتغطية متطلباتهم من اسلحه و اليات قليل من الغذاء و الدواء المنقذ للحياة لشحه فى السوق وعدم القدرة لانتاجه محليا ؟
قانن الاستثمار المعيب كأمراة تقبل بأن تنجب طفل أنابيب من رجل غريب يرغب فى الخلفه و لكن زوجته لا تستطيع الانجاب الطبيعى او طفل انابيب ؟
وبعد أن تضع مولوودها يؤخذ منها عنوة و لا تعرف عنه شيئا ولا تستطيع التقاضى او التظلم لاسترداده ينضب المال وتجلس محسورة مكلومة ؟
هذا هو قانن الاستثمار الذى أتى به الطفل المعجزة عليه اللعنه يبيع بتراب الفلوس تزرع و تنتج من الخيرات و تصدر خارج الحدود دون أن تدخل الى الاسواق المحليه من أجل رفع المعاناة عن المواطن البسيط الذى لا يجنى الا السراب ؟
والنظام الفاشل مهما يقدم من اغراءات و تحفيز للمستثمر لم ولن أتى مستثمر الا المحتالين و النصابين الذين يرون فى ذلك فرصه للثراء والاستحواذ على ارض حدادى مدادى فى وطن يتيم فقد الراعى و الام الحنون ؟
لمحاكم تشهد بذلك عدد من المستثمرين فى السجون قابعون كيف يستطيع الطفل المعجزة استرداد حقوق المواطن و املاك الدولة من هؤلاء ..

[ســـــارى الــلــــيــــل]

#1118671 [على ابراهيم]
1.00/5 (1 صوت)

09-30-2014 10:17 PM
نحن لسنا من أهل الانقاذ بل تضررنا منهم كثيرا، لكنى من أهل الزراعة التى اعرفها جيدا على مدى 30 عاما داخل و خارج السودان ، فكرة المنطقة الزراعية الحرة فرصة اخيرة لدولة السودان لتحديث القطاع الزراعى و جعله قطاعا منتجا و جعل دولة السودان دولة مصدرة لبعض المنتجات الهامة و على راسها محصولى الذرة الشامى و البرسيم و فى سنوات لاحقة فى القريب العاجل اللحوم و ربما الالبان و الخضروات . أرجو من أهل الاختصاص التأنى فى اطلاق الاحكام و ليس التسرع فى رفض كل ما تقوله الحكومة.

[على ابراهيم]

ردود على على ابراهيم
Sudan [الفنجري] 10-01-2014 11:21 AM
شكلك (جردل) يا ابراهيم ما(كوز) وكلامك دا قولو لي زول ماااااااااااااااااعندو حديده...!!!!!!!!!!!!!!!

[ودالعمدة] 10-01-2014 10:03 AM
أذا كانوا يريدون الزراعة وخيراتها يكفي ما فعلوه بمشروع الجزيرةاكبر مشروع في افريقيا وتدميره مع سبق الاصرار والترصد !! واذا كانوا يريدون الصناعة فيكفي المليارات اللتي استثمرها الخليجين في اكبر مصنع سكر في القارة مصنع كنانة اللذي يراد له الان ان يدخل جيوب لصوص الحكومة الفاسدة ,,,,,,في اعتقادي الجازم ان الحيكومة اعلنت افلاسها من الجيوش الجرارة من ولاة ومعتمدين ووزراء ومرتزقة حراس لها ولا توجد في خزائنها رواتب لهم فتفتقت حيل شياطين الانس والجن ان يبيعوا اراضي الاهالي باطراف المدن للمستثمرين لسد عجز رواتب الحكومة ومنسوبيها لسد العجز الهائل في ميزانيتهم فقط وباي وسيلة !

Saudi Arabia [كاكا] 10-01-2014 09:24 AM
يا حليلك والله انت بتحلم هل تعلم ان المستثمرين الخليجين ومنهم الراجحي زرع الاف الافنده من العلف ويصدر تعرف لي وين لمصر لان الراجحي عندة مزارع ضخمة جدا جدا في مصر لتربيى المواشى ونتج الالبان ومشتقاته يعني مننا العلف ولي مصر الفائدة فهم كيف نحنا بنستفيد

United States [Haj Ahmed] 10-01-2014 02:43 AM
وماتنسى البطيخ يابتاع الزراعة انت! ياعزيزي، السودان ماحايستفيد او بالأصح حايتضرر للاسباب الآتية:
١- مافي عايد رسوم للسودان لأنه الناس ديل معفيين من الضرائب والجمارك
٢- لن يساعدوا في استقرار الأسعار في السوق المحلي (السودان)لأنه مسموح ليهم بتصدير كل المنتج يعني مافي شئ يتباع في السوق المحلي
٣- ماتنسى انه الناس ديل حايستهكوا التربة في فترة وجيزة باستخدام اسمدة ومبيدات بلا رقابة من جانب الحكومة
٤- مسموح ليهم باستجلاب عمالة اجنبية
يعني الأضرار اقتصادية وبيئية قصيرة المدى وبعيدة المدى.


#1118649 [كاسترو عـبدالحــميـد]
4.50/5 (4 صوت)

09-30-2014 09:17 PM
هـذا كله فرفرة مذبوح . لعبتكم بقت مكشوفة . العبوا غيرها . ما اهو مشروع الجزيرة مشروع كان جاهز ويعتمد عليه السودان , ضيعتوه وكل المصانع والشركات ضاعت بسبب جشعكم وفساد ذممكم . الخليجيون اصلا ضد الأخوان المسلمين ما عدا قطر . الحل هو ان ترجعوا الأموال التى سرقتموها واستثمرتموها فى الخارج والسودان اولى بها من الغرباء لكن طبعا خائفين ان الشعب يصادرها بعد ان ينتفض . والله لكم بالمرصاد .

[كاسترو عـبدالحــميـد]

#1118638 [A. Rahman]
4.44/5 (5 صوت)

09-30-2014 08:50 PM
قبل كدا قلنا انه نوع المستثمرين الذين يتكأ لبون على السودان ما هم الا حرامية زي المسئولين السودانيين الذين يتعاملون معهم و يجلبونهم لنا مقابل رشاوى ليس الا و يبقى الشعب السوداني بلا ارض و بلا عنوان. و قلنا قبل كدا أيضاً انه على المعارضة ان تهتم بهذا الموضوع و تعطيه اولوية قصوى و ذلك ببذل جهد إعلامي يخاطب من يسمون بالمستثمرين العرب بان السودانيين لا يعترفون باتفاقاتهم مع اللصوص، و انهم سيجردون من اي امتيازات غير مستحقة. بس لو تنتبه المعارضة لهذا الامر الخطير و يسروا مماحكات الحوار و ما إدراك ما الحوار. و ناس الإنقاذ قالوها بدل المرة عشرة، مافي حكومة انتقالية و مافي حريات و لا تأجيل لانتخابات و....و.....و......تاني المعارضة عايزة شنو؟ لكن المعارضة ممكن تعمل الكثير في تخويف و تطفيش هؤلاء المستثمرين اللصوص من اجل المحافظة على اراضينا، فهل من مدكر؟

[A. Rahman]

ردود على A. Rahman
Saudi Arabia [سودان واحد] 10-01-2014 09:53 AM
- اتفق ايضا معك وهذا كلام جيد على المعارضة ترفع سقف الاعلام والاعلام اكبر سلاح والدعاية قنابل عنقودية...حتى الان لم تعمل المعارضة المدنية ولا المسلحة قنوات او قناة تلفزونية ...قوية تفضح النظام وتنظم المعارضة وتضع منفستو وبرنامج واضح لقيادة السودان وكيف يحكم السودان ما هى الرؤية الموحدة الشباب يريد قادة والقادة والمناضليين تحت الجنادل وفى السجون وبقايا اهات جسدية ونسفية ومشردون زهدوا ..ومشرديين ومعوزيين..- did not match any documents.

United Arab Emirates [amir] 09-30-2014 10:33 PM
اتفق معك تماما

على المعارضة ان تعلن بصراحة ووضوح انا لن تعترف وغير ملزمة بأي اتفاقات تبرمها حكومة الانقاذ مع أي طرف او دولة حتى لا نجد انفسنا بدون وطن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة