الأخبار
أخبار إقليمية
بعثة الحج السودانية : السعودية تشيد ببعثة الحج ، الوزير يقول سنعيد مبلغ الهدي لأي حاج ليس عليه هدي‎
بعثة الحج السودانية : السعودية تشيد ببعثة الحج ، الوزير يقول سنعيد مبلغ الهدي لأي حاج ليس عليه هدي‎
بعثة الحج السودانية : السعودية تشيد ببعثة الحج ، الوزير يقول سنعيد مبلغ الهدي لأي حاج ليس عليه هدي‎


10-01-2014 10:29 PM
مكة المكرمة (موفد سونا)- قالت بعثة الحج السودانية انها تلقت اشادة من حكومة المملكة العربية السعودية فيما يلي تفويج الحجيج السودني واسكانه و ادخال نظام الاطعام و نفى مدير الحج و العمرة المطيع محمد احمد في تنوير صحفي صباح اليوم ما تناقلته مواقع اعلامية ان تكون السلطات السعودية قد ابدت اية ملاحظات حول اداء البعثة او ان تكون قد استدعت أي مسئول سوداني في هذا الصدد .
و امن المطيع على الاداء المتميز للبعثة خلال هذا العام مشيرا لبعض الملاحظات التي برزت في ثلاثة جوانب منها الاطعام و التحويلات المصرفية و الاسكان وقال سيادته انه فيما يتعلق بالاطعام ان بداية عملية الاطعام صحبها ارباك لتكدس الحجيج في صالات الاطعام وان المعالجة تمثلت في تمديد المدة الزمنية للوجبة لثلاث ساعات بدلا عن ساعتين و في ذات الوقت جرى اللجوء لتوفير الطعام عبر صناديق يمكن حملها الي الغرف و الي خارج صالات الطعام و اكد سيادته انه في حال الاخلال بالشروط التى يجب توفرها في الوجبة فان الادارة سوف تنفذ الشرط الجزائي على كل من لم يلتزم بالشروط المتعاقد عليها بين الطرفين .
ومن جانبه اكد وزير الارشاد و الاوقاف الاستاذ الفاتح تاج السر ان هنالك الكثير من التهويل و المبالغات التي صحبت ما يكتب في بعض الصحف و الاعمدة حول الاطعام و قال" كثير جدا من المعلومات في هذا الشأن ليست صحيحة " و لكن الوزير اكد ان اية ملاحظات ابداها الحجاج ستؤخذ بمحمل الجد وسيجري تقويم التجربة كلها لتقويمها و تحسينها مستقبلا .
وقال الوزير ان كافة الاستعدادات قد اكتملت لنقل الحجيج للمشاعر المقدسة و انه حتي بالنسبة للعودة الي ارض الوطن قد اكتملت وان الحجوزات قد تمت و انها ستبدا من يوم 14 ذي الحجة و لمدة عشرة ايام
و اشاد الوزير بالسلطات السعودية و حكومة خادم الحرمين الشريفين لدورهم الكبير في تيسير عمليات الحج و العمرة و المجهودات الكبيرة التي تبذلها المملكة في توسعة الحرمين الشريفين و خدمة حجاج بيت الله الحرام و المعتمرين.
من جهة اخري اكد الوزير ان اي حاج سبق له ودفع مبلغ الهدي و لم يكن عليه هدي فسيعاد اليه المبلغ الذي دفعه بعد ان تقوم الوزارة ببعض الترتيبات الادارية .


تعليقات 32 | إهداء 0 | زيارات 2688

التعليقات
#1119945 [زول ساكت]
0.00/5 (0 صوت)

10-02-2014 07:59 PM
الاعراف سيد الادلة ولو كان (نص كم) :


قال(مشيرا لبعض الملاحظات التي برزت في ثلاثة جوانب منها الاطعام و التحويلات المصرفية و الاسكان)!!!!!!!!!!!!!!!!

[زول ساكت]

#1119876 [Almisahir fi izallail]
5.00/5 (1 صوت)

10-02-2014 05:36 PM
اما ناس البعثه المسؤولين كضابين واما الحجاج الما لقوا اكل كويس يتناسب مع قروشهم اللى اجبروا على دفعها هم الكضابين!! ووين فى الحج!!
طيب يعنى ماشين يحجوا ليه؟ طبعن ما ممكن يكون غالبة الحجاج كضابين لأنّو ما اتعرفوا قبل كدا بالكضب.. الكضب والافك والنفاق واكل حقوق الناس معروفه فى أللاخرين !!
بالله عاينو وتمعّنوا فى وش الزول المصوّر فوق دا!! لسان حالو بيقول شنو؟ قالو ايه قالو الحجاج ما عرفو محلات ألأكل!! انتو يا مسؤولين ما كلمتوهم بيها ليه؟ انتو اكلتو وين؟
الله يختها عليكم يا منافقين

[Almisahir fi izallail]

#1119805 [صلاح محجوب]
5.00/5 (2 صوت)

10-02-2014 03:21 PM
مقال هيثم كابو في العالم اليوم والذي أعاد نشره أحد المعلقين هنا يدحض كل شيء وليس من رأي كمن سمع واحدة في الأثنين يا تكذبوه وترفعوا عليه دعوى إشانة سمعة يا تعترفوا بالتقصير وتستقيلوا أو تقالوا وبعدين أتمنى من رئيس البلد يزور الناس دي ما هو حاجي معاهم يشوف بنفسه

[صلاح محجوب]

#1119804 [المهندس سلمان إسماعيل بخيت على]
0.00/5 (0 صوت)

10-02-2014 03:17 PM
اسمعوا واعوا يا جماعة الوزير دا مادام قاعد بجوار عبد الرحمن الخضر لايمكن يكون كلامه كذب
طيب حق الهدى وحترجعوه
حق الأكل حترجعوه أم حتاكلوه
الزول دا من أسمه وخلقته تقول ختمى الدخله شنو من الكيزان

[المهندس سلمان إسماعيل بخيت على]

#1119738 [radona]
5.00/5 (1 صوت)

10-02-2014 01:29 PM
اليكم اخر تصريح بثه راديو امدرمان فقد اطلق احدهم عقيرته قائلا
( كل مافي الامر ان الحجاج لم يعرفوا كيف يصلون الى مكان تقديم الوجبات )
يعني حكاية الفول والبيضه والعدس المعفن كذب فيها الحجاج وصدق الفاسدين
(عيب عليكم) التي خاطب بها وزير الحج السعودي اعضاء البعثة انقلبت الى اشادة كما هو واضح بالمقال اعلاه
اذن الحجاج ووزير الحج السعودي كذبوا وصدق الفاسدين
ان لم تستح فافعل ماشئت !!!!!!

[radona]

#1119678 [د/ نادر]
0.00/5 (0 صوت)

10-02-2014 12:06 PM
بالرجوع الي مقال عثمان ميرغني انا طبيب بالسعودية ولا اعرف اي تجمع للاطباء السودانيين بالسعودية يضم حتي 20 طبيب ناهيك عن الفين طبيب كما ذكر في المقال ولو كان في تجمع من الفين طبيب كنا قلبنا الحكومة وعثمان ميرغني يعلم تمام العلم انه لا يوجد كيان سوداني موحد يستطيع جمع التبرعات والمساعدة
وكانت هنالك محاولة لتكويين كيان للاطباء السودانيين لكن فشل اولا السلطات السعودية لديها تحفظات وثانيا لا يمكن حضور 10% من الاطباء اي اجتماع لان المستشفيات ستغلق ابوبها
المهم لا نريد ان نستبدل حكومة الكذب بكذابين اخريين علينا في الراكوبة اخذ الحيطة والحذر في جميع الكتابات لكي لا نقع في مستنقع الدعاية والاكاذيب ليكون لدينا سودان حقيقي في المستقبل

[د/ نادر]

ردود على د/ نادر
Saudi Arabia [الكاهلية] 10-02-2014 02:11 PM
انت خارج الشبكة

اطباء السودان في السعودية كثر


#1119653 [OSAMA]
0.00/5 (0 صوت)

10-02-2014 11:31 AM
يعني معترف إنك مقصر في الاطعام و الإسكان... تمام عوضهم علي التقصير ده

[OSAMA]

#1119651 [المجنون]
5.00/5 (1 صوت)

10-02-2014 11:28 AM
اذا قلت لهم في فساد او في ظلم واقع على الحجاج او خلافه
اتهموك بالطابور الخامس والمرجف
كيف بالله تقابلون الله
انا في انتظار يوم القيامة لارى كيف يقابل كيزان الفساد
رب العزة والجلالة

[المجنون]

#1119611 [ساري]
5.00/5 (1 صوت)

10-02-2014 10:37 AM
في ثلاثة جوانب منها الاطعام و التحويلات المصرفية و الاسكان
طيب الباقي شنو ح تحجوا ليهم وله شنو ، الاقامة والسكن ، والاطعام ، واداء مناسك الحج هي مهام الحاج السوداني لاداء فريضة الحج ماذا سهلت الوزارة والوزير ومتعهد ومقاول الجالية السودانية اذا كان التقصير في الـ 3 جوانب الاساسية هههههههههههه

[ساري]

#1119603 [دنقر شيل]
0.00/5 (0 صوت)

10-02-2014 10:30 AM
بدل الهدى اعملوا جبنة فى صحن الفول وارقعوهم بى موزه ولا برتقانه لانو التفاح حلمبعيد المنال

[دنقر شيل]

#1119590 [المجنون]
5.00/5 (1 صوت)

10-02-2014 10:23 AM
ههههههههههههههههههههههه سنعيد هههههههههههههههه هرشوكم يا حرامية

هنا ارض الحرمين هنا الطهر ، يا كلاب الانقاذ وسفهاء السودان وحراميته المتمسحين بالدين
ابتلاكم الله بالامراض والمحن والفتن

[المجنون]

#1119577 [قهرو]
5.00/5 (2 صوت)

10-02-2014 10:10 AM
ماعندى تعليق يابعثة الحج بس عندى سؤال
كم عدد أفراد البعثة للعلم بس ؟

[قهرو]

#1119573 [الباحث عن الحقيقة]
0.00/5 (0 صوت)

10-02-2014 10:04 AM
و اشاد الوزير بالسلطات السعودية و حكومة خادم الحرمين الشريفين لدورهم الكبير في تيسير عمليات الحج و العمرة و المجهودات الكبيرة التي تبذلها المملكة في توسعة الحرمين الشريفين و خدمة حجاج بيت الله الحرام و المعتمرين.

** نجضو حشكم انتم وخليكم من تكسير ا لتلج !!!

من جهة اخري اكد الوزير ان اي حاج سبق له ودفع مبلغ الهدي و لم يكن عليه هدي فسيعاد اليه المبلغ الذي دفعه بعد ان تقوم الوزارة ببعض الترتيبات الادارية .

** الما بخاف من ا لله خاف منه.

[الباحث عن الحقيقة]

#1119531 [القالى]
0.00/5 (0 صوت)

10-02-2014 09:13 AM
يااخوانا الحقيقه تقال حتى لو على الرقاب الناس ديل والله ماقصرو المره دى ودى حقيقه عشناها مع كل الحجاج من الاقارب لمن تسال عن حالم يقولو ليك تمام فى كل شى شى برضو الواحد ما اكتفا لانو اهلنا بطبعهم طيبين شفنا الواقع بنفسنا والحمد لله دا شى لازم الواحد يعترف بيهو ونتمنا من الاخوة مزيدا من التقدم والتخطيط السليم والاخز بالمقترحات البسيطه والملاحظات ومشكوررررررين....

[القالى]

#1119503 [المتجهجه بسبب الانفصال]
0.00/5 (0 صوت)

10-02-2014 08:25 AM
إن شاء الله يكون في واحد من الاطباء السودانيين الذين جمعوا تبرعات للحجاج عشان يورينا الزول ده كلامو صاح ولا كضاب ،،، كما نرجو من المهندس عثمان ميرغني شرح هذا الموضوع حسب المقال الذي كتبه بعنوان ( قالوا الحجيج قطع) من وجبتين والثالثة سيئة...

[المتجهجه بسبب الانفصال]

#1119495 [Abo Abda]
5.00/5 (1 صوت)

10-02-2014 08:07 AM
معقول نصدقك ونكذب حجاج بيت الله الحرام ؟؟؟؟؟؟؟؟؟؟؟؟؟؟؟ الكلام الذى ذكرته فى الاطعام كلام لا يمت للحقيقة وبعد ايه انت تتكلم عن الاطعام انت اخذت قروش الاطعام ولم تطعم . يا اخى اتق الله والناس بتمشى الحج ما من اجل الكذب والغش . يجب عليك الان الاستقالة والاعتذار لكل الحجيج

[Abo Abda]

#1119467 [بت البلد]
5.00/5 (1 صوت)

10-02-2014 06:59 AM
لقد رأينا صورة لوجبة الحاج, وكذلك نساء يطبخن على ممر في عمارة, وأظن أن الكمرا أمينة وهذا ما دفعكم لتحسين ماء وجهكم, وخادم الحرمين ليس في حاجة الى مدحكم وتمجيدكم, وهذا ما يقوم به على مر السنين من حسن استقبال للوافدين بالملايين, ولا أدري كيف كان يكون الحال لو كنتم أنتم المسئولين واستغفر الله رب العالمين

[بت البلد]

#1119464 [المشروع]
0.00/5 (0 صوت)

10-02-2014 06:49 AM
كلامك دا يختلف تمام عن كلام عثمان ميرغني .. وعن الاطباء السودانيين بالسعودية ورينا صحيح كلامك ولا كلام عثمان ميرغني ولماذا لم يتصل بك عثمان ميرغني للتعليق على كلامه .. والله يا الكيزان حيرتونا
بعدين قروش الهدي اما ان تعاد او لا تعاد وشنو حكاية (بعد ان تقوم الوزارة ببعض الترتيبات الادارية)
شفت الجملة دي هي المشكلة ذاتها
على العموم حج مبرور للجميع

[المشروع]

#1119453 [عيب عليكم]
0.00/5 (0 صوت)

10-02-2014 05:41 AM
هيثم كابو
شاهد عيان: الحاج لو فطر باقي اليوم في خطر..
زوار بيت الله الحرام يصرخون: حرام عليكم.. نحنا خجلنا ليكم
مكة المكرمة - هيثم كابو
* لن يتسنى لك إكمال إجراءات الحج ما لم تدفع قيمة إقامتك بالأراضي المقدسة والوجبات الثلاث التي ستتناولها يومياً طيلة فترة أدائك لمناسك فريضة الحج، لهيئة الحج والعمرة التي تتولى عبر قطاعاتها المختلفة وموظفيها مهمة التجهيز والتنسيق وإكمال كافة الترتيبات اللازمة.. تختلف الروايات حول القيمة العالية المقدرة للوجبات والإقامة، ويتفق الجميع هذه الأيام بالأراضي المقدسة على صعوبة الحصول على الوجبات حتى ولو كانت (عدس وفول وطعمية)!
1
* زارني أمس بالفندق الذي أقيم فيه بحي العزيزية بمكة المكرمة التي أقصدها لأداء فريضة الحج، مجموعة من حجاج قطاع النيلين يجأرون بمر الشكوى، ويطالبون بتصعيد مأساتهم وقصة هضم حقوقهم للرأي العام، فحاولت بث الطمأنينة في قلوبهم وقلت لهم إن الصحف في السودان اهتمت بالأمر تماماً، وإن (اليوم التالي) أفردت اليوم (أمس) مساحة مقدرة لما تعرض له حجاج الخرطوم بقطاعيهما (أ ـ ب) ومعاناتهم مع تقليص وجبة وتقديم (وجبة الأرز المطبوخ بإدام يصعب أكله)، فإذا بأحد الزائرين المتذمرين يقاطعني قائلاً: "نحنا لقينا رُز ناس الخرطوم الما مفهوم دا وأبيناهو.. يا أستاذ نحنا نزلونا في فندق مويتو قاطعة، مشينا غسلنا وشوشنا واتوضينا لصلاة الصبح من الجامع.. رضينا بالفول وهسه الفول ما لاقينو.. البعثة كلها ما فطرت بتصدق كلام زي دا؟، والغداء من هسه قالوا مافي دبروا حالكم.. شالوا قروشنا وأدونا الجوع" ..!
*نهضت سريعاً من مكاني، ووعدت وفد حجاج قطاع النيلين بأنني بعد عشر دقائق تماماً سأكون معهم في فندقهم الذي لا يبعد عن مقر إقامتي سوى أمتار معدودة ..!
* مجموعة من المشاهد كانت حصيلة زيارتي لقطاع النيلين (130) بما فيهم حجاج النيل الأبيض الذين فضل معظمهم الجلوس تحت ظل شجرة كبيرة أمام الفندق لمواسأة بعضهم البعض.. قابلت في جولتي حاجاً متذمراً من قطاع الخرطوم، وآخرين من قطاع الجزيرة مندهشين لتغير الأوضاع بعد وصولهم لمكة إذ كانت حالهم في المدينة أفضل، وبعضا من حجاج النيل الأزرق (ممكونين وصابرين)، هالني حجم عدم التقدير واللامبالاة وأكل أموال زوار بيت الله الحرام بالباطل، لأخرج من الجولة بحزمة من المشاهد المؤلمة أحاول رسمها في صورة قلمية (ومن رأى ليس كمن سمع)..!
2
مشهد أول: "العندو زول بدبر حالو"
* "يا ولدي الناس ديل قول ليهم خافوا الله في حقنا.. نحنا قروشنا سلمناها ليهم وهسه قاعدين بدون أكل نضرب تلفونات لي معارفنا عشان يجوا يساعدونا.. ديل ما بخافوا الله في حق الناس.. لكن نحنا نستاهل فكينا قريشاتنا من تحت يدنا وبقينا نفتش في اللقمة"!
- تلك كانت إفادة الحاجة علوية عمر الفكي من قطاع الخرطوم التي قابلتها أمام مطعم (كنتاكي) بشارع العزيزية العام بصحبة ابن أختها (علي السر عوض) المقيم في مكة، والذي هب لنجدة خالته بعد أن علم منها سوء الحال، وعلق على حديث خالته متساءلاً: "العندو زول هنا بدبر ليهو أمورو.. لكن الرجال والنسوان الكبار الجوا من السودان ودفعوا قروشهم ذنبهم شنو"..؟؟
3
مشهد ثانٍ: في الجزيرة "نسمع بطنا"!
* "يبدو أن المطيع في وادٍ والحجاج في وادٍ آخر"! عبارة همهمت بها حابساً ضجري، والحاج عثمان عبدالله من قطاع الجزيرة يشكو لي سوء وتقليص الوجبات والحيرة ترتسم لوحة دامية على قسمات وجهه، وكل ما باستطاعتي فعله لـ(عم عثمان) محاولة إيصال صوته المخنوق بعبرات الأسى إن كان هناك مسؤول يسمع ويحاسب أو مدير يتحرك ويتابع، وبالطبع ليست لدي إجابة عن سؤال الحاج المكلوم الذي قال لي بنقاء روحي تنهمر له الدموع وتنفطر عند سماعه الأفئدة: "الناس ديل بسووا فينا كدا ليه؟.. الواحد سمع صوت بطنو من الجوع.. نحنا جينا لحاجة غلط ما جينا قاصدين بيت الله ورمينا كل حاجة ورانا وصفينا نيتنا؟" ..!
- ويا ليت (مطيع) لو كان مع الحجاج في وادٍ واحدٍ، صيغة مختلفة لذات المعنى والعبارة التي بدأت بها همهماتي لحظة وقوفي أمام الحاج عثمان عبد الله الذي وجدته مستنداً على حائط بالقرب من مسجد ليس ببعيد عن الحرم، ولم أسأله عن وجهته وإن كنت أدرك أن الفضول يكاد ياكل أطرافكم لمعرفة (من هو مطيع الذي كررت أسمه مرتين؟)، والإجابة لمن لم يقرأوا تصريحات الرجل فهو مطيع مدير الإدارة العامة للحج والعمرة الذي قال لوسائل الإعلام أن كل الترتيبات تمضي على (أكمل وجه)، لتمد الوقائع لسان السخرية مؤكدة أن للتصريحات ألف لسان وقناع بينما لا يمكن أن يكون للحقيقة (أكثر من وجه).
4
* مشهد ثالث: "الموية قاطعة"!
* اعتصرت الغصة حلق الحاجة رقية عواض وهي تحدثني بحُرقة حشا عن حجم المعاناة التي تعيشها وحجاج قطاع النيل الأبيض، ولم تُفلح رقية في إكمال حديثها لأن (آمنة سليمان وكلتوم إبراهيم حامد) من قطاع النيلين لم تستطيعا صبراً على (بت حجتهما) حتى تكمل شكواها، وقامتا بتصعيد أصوات الاحتجاج بلهجة حادة، معترضتين على تقليص الوجبات خاصة وأن عددا كبيرا من رفيقاتهما لا يحملن معهن مالاً للإعاشة بعد أن قمن بدفع قيمة إعاشتهن مُقدماً ولم يحصدن غير الجوع، وبينما الحديث يسير في هذا الاتجاه وجميعنا نقف أمام فندق البعثة تدخلت (الحاجة هدية إدريس) قائلة: "الأكل خليناهو هين، معقولة يجيبونا لفندق مويتو قاطعة نمشي نفتش الوضوء وغسيل الوش في الجوامع، وكمان هنا الموية بتقطع ولا نحنا جابونا يلعبوا بينا؟.. استغفر الله".!
5
مشهد رابع: شجرة "الزهاجة"!
* حالة الاستياء المسيطرة على مجموعة من (حُجاج كوستي) الواقفين بالقرب من شجرة ظليلة تصلب عودها شامخة أمام الفندق الذي يقيمون به شاهدة على معاناتهم ذكرتني بـ(شجرة الزهاجة) الشهيرة التي تقف أمام المسرح القومي بأم درمان لتلعب (دور البطولة) في كل عرضحالات ومآسي الدراميين الذين سقوها من أوردة مشاكلهم فما بدلت اخضرار أوراقها يوماً رغم تكاثر المحن وتقادم السنين.. ها هو (الحاج محمد أحمد فضل المولى) من كوستي الذي لم يتجاوز الخامسة والأربعين من العمر يقف حائرا لا يدري ماذا يفعل و(الفطور ما جابوه والغداء مهدد بذات المصير)، بينما يضرب (الحاج الريس آدم حماد) كفاً بكف وهو يعيد على مسامعى سيناريو مشاكل سردها لي الكثيرون مع اختلاف المفردات وتفاوت حجم الإشكالات من حاج لآخر، إلا أن رواية (الحاج خاطر السيد) - التي لم أستطع معرفة مدى صحتها - جذبت اهتمام الواقفين معي تحت الشجرة إذ أن ندرة المعلومات هناك لا ينافسها إلا شُح الوجبات، وتحركت الرؤوس يمنة ويسرى وخاطر يقول بثقة: "تعرفوا القصة وما فيها الناس ديل مشوا شالوا قروشنا في الخرطوم.. ما أدوا (متعهد الطعام) قروشو والزول قال ليهم لو ما أديتوني قروشي ما بحيب ليكم ولا وجبة" ..!
6
مشهد خامس: حرام عليكم ونحنا خجلنا ليكم..!
* داخل فندق قطاع النيلين المتواضع راقبت حركتها.. الكبرياء يكسو وجهها السوداني بسمرته الغنية.. (الشلوخ المطارق) منحوتة وشم عزة على خديها.. تجاوزها الستين عاماً لم يمنعها من التحرك في بهو الفندق بخفة.. لمحتني محاصراً بعدد كبير من الحجاج فاتجهت نحوي بثقة وقوة شخصية ذكرتني تماماً أمهاتنا الكبار من (نسوان رفاعة) اللائي تلقين التعليم على يد الشيخ بابكر بدري وطالباته الأوائل.. لم تتداخل لتقاطع أحداً، وما إن سنحت لها فرصة للحديث حتى مدت يدها لمصافحتي من وراء ثوبها، وقالت بصوت ثاقب النبرات وكامل الحشمة: "يا هيثم يا ولدي بركة الجيت تسمع من الناس براك.. أنا حاجة سكينة بشوفك في التلفزيون وعارفاك زول واضح.. عيب نتكلم في الأكل ونحنا في بلدنا خليك ونحنا جينا لحج بيت الله الحرام.. أنا شخصياً اتصرفت واولادي ما قصروا الله يديهم العافية ما خلوني للمهازل دي.. لكن معانا نسوان كبار ما عاملات حساب الجهجهة دي.. قول ليهم نحنا عينّا ملانة ما بنتكلم في الأكل وبإذن الله ما في زول بموت من الجوع لكن العملوهو ناس هيئة الحج دا أكبر عيب.. قول ليهم اختشوا شوية حرام عليكم.. ونحنا النسوان الكبار خجلنا ليكم"..!
7
* أخيراً: من وين نجيب ليكم خجل؟
* اختزلت (حاجة سكينة) فصول المأساة، واختصرت الأزمة القبيحة في كلمتين قالتهما وهي تمسك مسبحتها بين أصابع يدها اليمنى وتنصرف غير آبهة.. "خجلنا ليكم" كانت رسالة حاجة سودانية يملأ جوانحها اليقين بعد أن عانت وقطاعا عريضا من الحجاج الأمرين.. ولكن تبقى الأسئلة النازفة عاماً تلو الاخر: "ألا يخشى هؤلاء من غضب المولى سبحانه وتعالى ودعوات أناس مظلومين مقهورين قصدوا حج بيت الله الحرام في هذه الأيام المباركة؟.. هل من مسؤول يحاسب أم أن هيئة الحج والقائمين على البعثات من حقهم أن يفعلوا ما يحلو لهم؟.. يشكو الحجاج في كل عام وإن لم يستفد مدمنو الفشل والإخفاق من الدروس أفما آن للخجل أن يبلل الرؤوس"؟

[عيب عليكم]

#1119393 [حبلب التغيير]
5.00/5 (1 صوت)

10-01-2014 11:46 PM
يازول الحجيج ديل ريحتوهم شديد

[حبلب التغيير]

#1119384 [المهاجر الاول]
5.00/5 (2 صوت)

10-01-2014 11:31 PM
انا خايف منهم اولاد الكلب ياكلوا حق الهدي كما انهبوا اموال الاوقاف لان المال السحت اصبح في دمائم لعنة الله على عمر البشير وزمرته....

[المهاجر الاول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة