الأخبار
أخبار إقليمية
قال : من المفترض ان أعامل بطريقه لائقه لانني مجاهد ودباب وداعية.. مدير التلفزيون السابق يحج على نفقة السودان رغم الإطاحة به
قال : من المفترض ان أعامل بطريقه لائقه لانني مجاهد ودباب وداعية.. مدير التلفزيون السابق يحج على نفقة السودان رغم الإطاحة به
قال : من المفترض ان أعامل بطريقه لائقه لانني مجاهد ودباب وداعية..  مدير التلفزيون السابق يحج على نفقة السودان رغم الإطاحة به


10-07-2014 02:53 AM
الراكوبة في الوقت الذي توقع العاملين في تلفزيون حزب المؤتمر الوطني وبعد قضايا الفساد الكثيرةالتي فاحت ضد مدير التلفزيون السابق المجاهد محمد حاتم سلمان وبدلا أن يتم تحويله الى القضاء بعد أن تشكل له لجان تحقيق في العديد من القضايا والتهم ومنها المنشور الصادر من العاملين في التلفزيون بعنوان (المسكوت عنه في التلفزيون) كانت الراكوبه قد نشرت تفاصيل ذلك قبل مدة), اذا بسلطة المؤتمر الوطني الفاسدة والمفسدة تقوم بتعيين السيد محمد حاتم سلمان سفيرا للسودان مع ثلاثة آخرين.
التهم العشرة التي تناولها بيان العاملين في التلفزيون ضد مديرهم السابق تستوجب كل نقطه منها لجنة تحقيق منفصله وبعد أن تقوم هذه اللجان برفع توصياتها للجهات العليا حيث تتم الادانه أو البراءة ولكن لان الدوله ترعى الفساد كل الذي قامت به هو عزل مدير التلفزيون من منصبه وبعد أيام قليله تم تعيينه بقرار جمهوري سفيرا للسودان مع كل من كرار التهامي وعبدالله حسن عيسى ووليد سيد , لكنه حتى الان لم تحدد لهم دول يتوجهون اليها ولاحتى رشحوا لدول معينه ناهيكم عن تقديم أوراق اعتمادهم (وللقاريء أن يتخيل أن سفيره مبعد من وظيفته لانه فاسد ؟)

ومن التهم التي وجهت الى المدير الاسبق للتلفزيون أنه قام بشراء كميه من الاخشاب القديمه والمستعمله كديكور لتلفزيون السودان من جمهورية مصر بمبلغ 375 ألف دولار أمريكي, في الوقت الذي قررت فيه الجهات الفنيه المختصه في التلفزيون عدم دفع أي مبلغ مالي للجمارك لتخليص الديكور لانه منتهي الصلاحيه وبالتالي التقليل من حجم الخسائر الماديه , وكان مدير التلفزيون عندما سئل عن ذلك في قناة ام درمان الفضائيه قال ان الديكور تم تخليصه من الجمارك وهذه فرية كبيرة.

في اليوم الذي سيقال فيه كان مدير التلفزيون قد جمع العاملين وخاطبهم حول معلومات متسربه كاذبه تتحدث عن اقالته , وقد نفى ذلك على رؤوس الاشهاد وقال أنه محض هراء, خاصة والبلاد مقبله على انتخابات واذا حدثت تغييرات فانها لن تحدث الا بعد انتهاء الانتخابات , وفي تمام العاشرة مساء تم ابلاغه هاتفيا بعزله كمدير للتلفزيون وتعيين مدير جديد, ونتيجة لذلك القرار اصيب السيد محمد حاتم سلمان بانهيار كامل وبعد أن فاق من صدمته وهو مابين مصدق ومكذب راح يتحدث للذين أبلغوه بالخبر أنه كان من المفترض ان يعامل بطريقه لائقه لانه مجاهد ودباب وداعيه وهو من حرر همشكوريب من أيدي المتمردين, بينما المعروف أن همشكوريب قام بتحريرها العميد حسن رحمه بعد أن ولى المجاهدون الادبار.

الامر الاكثر اضحاكا أن مدير التلفزيون السابق سافر الى الحج على نفقة التلفزيون رغم أنه أقيل من منصبه قبل وقت كافي والموقف الاخلاقي كان يتطلب أن يفسح المجال لخلفه, لكنه بدلا عن ذلك قام بعمل كل اجراءات السفر بشكل عاجل وطار الى العربيه السعوديه حاجا , وفي مقابل هذه السفره سيقبض 8 ألف ريال سعودي كمصاريف مأموريه خلافا لاسعار التذاكر والاقامه والتنقل والنثريات اليوم, وهذا خير نموذج للحاج الفاسد في دولة المشروع الحضاري.
قراء الركوبه موعودون في وقت قريب بملف القرض الصيني والذي بيع من خلاله تلفزيون السودان بثمن بخس بموافقة السيد محمد حاتم سلمان وكل مؤهلاته مرافقته للمرحوم عثمان حسن أحمد البشير شقيق الرئيس والذي كان قد توفى في الجنوب وأنه من أبلغ الرئيس ووالدته بخبر الوفاة تحت دعاوى أنه صال وجال مع المرحوم في جنوب السودان, وقد استثمر محمد حاتم تلك المأساة بشكل ممتاز وتقرب من الرئيس وأسرته وكان نتيجة ذلك أن وصل لادارة التلفزيون مع العلم انه لم يسبق له العمل في أي مجال اعلامي.


تعليقات 41 | إهداء 0 | زيارات 13726

التعليقات
#1122098 [ظلال النخيل /فريد محمد مختار]
1.00/5 (1 صوت)

10-08-2014 11:42 AM
يعني ايه دباب ؟؟هو مخترع الدبابة ما معظم زي مصطلح (الدباب ) الكيزاني عايزين يخلقوا لينا بطولات من فاضي.
اضافة الى ان همشكوريب لم تستطع الحكومة استردادها إلا بعد ان وقعت على اتفاقية السلام واستردتها الحكومة ضمن ترتيبات السلام من ضمن مناطق تشمل الكرمك وقيسان وجبل على ... يا مشرفي الراكوبة انشروا المعلومة الصحيحة..

[ظلال النخيل /فريد محمد مختار]

#1121987 [محمد]
3.00/5 (2 صوت)

10-08-2014 07:54 AM
السلام عليكم ورحمة الله تعالي وبركاته
وانا مستغرب من الوسخ المالي شوارع السودان أتارى هو لأنو في مسئولين كتار وسخانين لمن وسخهم ملي الواطة ...

[محمد]

#1121888 [حليمه وجزمتا القديمه!!]
1.00/5 (1 صوت)

10-08-2014 12:12 AM
والله البلد ده محتاج لراجل من صلب راجل يقول لقواته (جنبا سﻻح) ثم يدعو الشعب كى يتصرف مع حكامه!!هذا ما نطلبه من قواتنا التى رضيت لنفسها أن توصف (بقواتنا المشلحه!!)وهى فعﻻ كذلك طالما رضت لنفسها الذل والخنوع وبهذه المناسبه أهدى لعلمائنا او المفترض إنهم علماء كبقية علما المسلمين فى العالم هذه الحمكه البالغه للعﻻمه الشيخ الغزالى رضى الله عنه (فساد الرعيه من فساد الحكام وفساد الحكام من فساد علمائهم وفساد العلماء من حبهم للمال والجاه)وصدق الشيخ الغزالى رحمه الله،،فعندما نتأمل ماحدث فى بﻻدنا سوف نجد تطابقا مع ما نطق به الشيخ الجليل وﻻحول وﻻ قوة إﻻ بالله،،

[حليمه وجزمتا القديمه!!]

#1121821 [تينا]
2.75/5 (3 صوت)

10-07-2014 10:08 PM
حج على نفقتنا وكمان عينوهو سفير ؟؟؟! اتأكدت تماما انو الناس ديل بحبوا يكووا مصارينا ويهردوا فشفاشنا ودى خطة منهم (((جهنمية))) يعنى نموت بالبطىء وحسبنا الله ونعم الوكيل ...

[تينا]

ردود على تينا
[AburishA] 10-08-2014 02:37 AM
لو بقت في المصارين والفشفاش هينة ياتينا...ديل بسببوا سكتة دماغية..حمانا الله..
تحياتي..


#1121798 [abuleila]
3.00/5 (2 صوت)

10-07-2014 08:42 PM
و فى اوكراينا يلقون بالفاسدين فى صناديق القمامة
كييف / بختيار عبدوكريموف / الأناضول: ألقى متظاهرون أوكرانيون، اليوم الثلاثاء، فيتالي جورابسكي النائب في البرلمان الأوكراني عن حزب الأقاليم ، في حاوية قمامة، وذلك خلال تجمع لهم أمام البرلمان بالعاصمة كييف .

[abuleila]

ردود على abuleila
[AburishA] 10-08-2014 02:41 AM
معناها يا ابوليلة جماعتنا ديل دايرين لينا مليون كونتينر قمامة 40 قدم..تحياتي


#1121789 [AburishA]
1.50/5 (5 صوت)

10-07-2014 08:15 PM
قال : (من المفترض ان أعامل بطريقه لائقه لانني مجاهد ودباب وداعية).
**يا سلالالالالالام ياخ...الجماعة ديل ظلموك كتير.. انت تستاهل "صك الغفران" من الطبقة الاولى... نهديك اغنية ظلموني الناس وجارو علي والجور دا كتير علي ما شوي..

*** قال مجاهد ودباب وداعية.... طيب تمها قول و " نبي " !!!

[AburishA]

#1121760 [محمود التوزه]
1.88/5 (5 صوت)

10-07-2014 06:13 PM
يجب ان تعرف ان الحرب التى كنت فيها دباباكانت حرباغير اخلاقيه وغير مبرره .. اججتموها واشعلتموها بين ابناء الوطن الواحد.
ياوهم جهادك كان ضد من ؟؟ منقو زمبيرى ؟؟ سوف تطاردك لعنة من قال (قل معى لا عاش من يفصلنا).

[محمود التوزه]

#1121754 [بنت الناظر]
2.88/5 (4 صوت)

10-07-2014 05:54 PM
مجاهد ودباب وداعية...ذكرتنى بحكاية طريفة ..عندى إبنة صديقتى لما كانت طفلة عمرها أربع سنوات نسألهاعايزة تبقى شنو لما تكبرى؟؟ تقول لينا عايزة أكون دكتورة ومهندسة وبوليسة ..وكنا نحاول إقناعها بواحدة فقط لكنها كانت تصر على دكتورة ومهندسة وبوليسة ...وكنا نضحك وهى اللآن كبرت وبقت مهندسة ..


أما الحاج حاتم سليمان ..فمؤهلاته أثبت بجدارة إنه فاسد حتى النخاع وحينما تفوح رائحة فساد الكوز يكافأ بمنصب جديد ليثبت جدارته مرة أخرى وينقل لمكان آخر يسهل فيه سرقة مال الشعب السودانى أهو ينفع ويستنفع ...الكيزان ديل يا جماعة عصابة وشغلهم كله شغل عصابات .. وهكذا تتم إعادة تدوير الفاسدين فى نظام بنى كوز ما الشغلانية دى مدورة فينا ليها خمسة وعشرين سنة ..
وتلقى حسى فى كيزان فى مواقع أخرى يتمنوا حال حاتم ده ولسان حالهم يقول

وانارى المابقيت مدير يشيلونى من التلفزيون وبعدها أبقى سفير ..

حسبنا الله عليهم وأدعوا الله العلى القدير أن يرسل عليهم طيرا أبابيل ترميهم بحجارة من سجيل...

[بنت الناظر]

#1121748 [ابو طارق]
2.75/5 (4 صوت)

10-07-2014 05:33 PM
حسبي الله ونعم الوكيل فيهم واحد واحد ....
المصيبة في ان الشخص فيهم يقيلوه من منصبه لأنه فاسد ويقوم يكافؤه بي منصب جديد ..
بالله ياناس في مغسة اكتر من كدا ....

[ابو طارق]

ردود على ابو طارق
Sudan [M A X] 10-07-2014 10:15 PM
ببساطة لأن كل منهم ممسك بذلة علي الآخر .. و في النهاية دافننو سوا .. و هي للسلطة و الجاه .


#1121739 [شخلول]
1.44/5 (5 صوت)

10-07-2014 05:05 PM
صدق الشهيد محمود محمد طه : هؤلاء يفوقون سؤ الظن!!!مابشبعوا من اللهط واكل السحت

[شخلول]

#1121737 [عصمتووف]
1.88/5 (4 صوت)

10-07-2014 05:01 PM
الخارجية اصبحت ادبخانة للبشير يرمي فيها بعراتة حينما يصاب بالامساك

[عصمتووف]

ردود على عصمتووف
Sudan [ود الضهبان] 10-07-2014 09:50 PM
و أنا أسأل نفسي دومأ لماذا أصبحت علاقاتنا الخارجية في الحضيض !!!

الوزير مصطفي شحاتة
+ الوزير الدباب علي كرتي
+ السفير سليمان محمد سليمان
+ السفير أمنجي عثمان السيد
+ السفير الدولاري صلاح كرار
+ السفير عبد الرحمن سر الختم
+ السفير الدباب ماجد سوار
+ السفير الدباب حاتم سليمان
+ السفير _ أوقاف _ أزهري التيجاني
+ السفير _ مايوي _ كرار التهامي

رحم الله رجال الخارجية أحمد خير _ مبارك زروق و المحجوب .. و بلدآ غاب تمساحها يقدل فيها الورل .


#1121731 [ود أبرق]
2.50/5 (3 صوت)

10-07-2014 04:45 PM
كدا يا اب رداء ودا مصير كل من يكسر تلج للبشير

[ود أبرق]

#1121714 [nagatabuzaid]
1.88/5 (4 صوت)

10-07-2014 04:23 PM
لانى مجاهد ودباب وداعية كلمة وداعية دى ديرة ليها وقفة ودرس عصر

هل الكلمة داعية من دعا يدعو فهو داعية والواو واو العطف ؟؟؟ ام ان الواو من اصل الكلمة وداعية اى المراة الى ترمى الودع وتشوف البخت فاخذت اسمها من الودع وداعية نسبت الى عملها

[nagatabuzaid]

ردود على nagatabuzaid
[AburishA] 10-08-2014 02:49 AM
شفتي الكيزان ديل كيف..قال و (داعية) لكن داعية لشنو؟؟.. من عمايلو باين عليه داعية للشر...داعية للفساد,,, داعية للمحسوبية...داعية لكسير التلح..تحياتي


#1121705 [المهندس سلمان إسماعيل بخيت على]
1.88/5 (4 صوت)

10-07-2014 04:07 PM
يا محمد حاتم سليمان مؤهلاتك أمنية كلها علاقتك شنو بالإعلام أم لآنكم حولتم الأعلام لموقع أمنى
مجاهد ودباب وداعية
يعنى أنت داعية دنيوي وليس داعية فى سبيل الله ولكن فى سبيل حصولك على وظيفة الدنيا
وأنت مجاهد ودباب عشان تحظو بمركز دنيوى
حبطت أعمالك كلها التى لم تقصد بها وجه الله
فلن يقبل جهادك ودعائك ولا حجك لأنها كانت لتحقيق غرض دنيوى
خسئت وخسرت الدنيا والأخرة
مؤهلاتك الثلاثة لا علاقة لها بالإعلام
بلد جايطة وقيادات ملفقه

[المهندس سلمان إسماعيل بخيت على]

ردود على المهندس سلمان إسماعيل بخيت على
Sudan [علي] 10-08-2014 10:41 PM
يا مهندس سلمان هل كانوا يدرسونكم العربي بالانكليزي؟؟؟ عجيب!!!
ما العلاقة بين تدريسكم جميع المواد بالانجليزي وبين جهلك الفاضـح بالهجاء العربي؟

Saudi Arabia [المهندس سلمان اسماعيل بخيت على] 10-08-2014 04:43 PM
يا سبد على نحن على زماننا حتى الجغرافيا والتاريخ والرياضيات والعلوم كانت بالانجليزى والخطا اللغوى وارد ولا يقلل من شان انسان الباقى عليكم انتم حشف وسوء كيل

Sudan [علي] 10-08-2014 03:44 PM
المهندس (اسماعيل سلمان إلخ... الاسم) لا يعرف كيف يكتب كلمة (بذئ) مع ان اي تلميذ من تلاميذ المدارس الاولية في الزمن الغابر يحسن كتابتها!! يا له من كهل جهول؟!
الظاهر انه درس الهندسة في الخلاوي او كما قال احد الاخوة المعلقين (مهندس جربندي)!!

[AburishA] 10-08-2014 11:03 AM
طوّل بالك يا باشمهندس..انت زميل في راكوبتنا معروف بالمقارعة بالحجة والاتزان والوقار في تبادل الرأي..ارجو ان لا تنجرف مع تعليقات بعض القراء..واعتقد ان المعلق "السر" تعليقه كان عن سوء فهم "لتعليقكم" معليش الدنيا قبايل عيد.. لك احترامي..

United States [ودالبلة] 10-08-2014 07:26 AM
الم اقل لكم الزول هندستو بتاعة جربندية ، بالله ده اسلوب وكلام مهندسين ..الزول افلس واصلا هو مفلس .. روق المنقة يا بخيت

Saudi Arabia [المهندس سلمان اسماعيل بخيت على] 10-08-2014 02:21 AM
كلامى ايها المدعو بالسر لا يختلف فى فهمه عن كلام الاخرين شوقى وزملاءه
والجميع تفهمه انت فى شىء حارقك جوه من ناحيتى بس لقيت الاسم ونزلت حقاراتك دى
كان تنتظر تلقى موقف يشرفك با السر وفعلا سر سر سر يابشير

Saudi Arabia [المهندس سلمان اسماعيل بخيت على] 10-08-2014 02:15 AM
انت با السر شخص حقير وتافه وقليل ادب
هو من قال عن نفسه مجاهد دباب وداعية وانا لم اصفه بالمجاهد
بل قلت له حبطت اعمالك كلها لان المقصود بها ليس وجه الله وكلامى لا بختلف معك فى شىء
ولكن دون وعىء نزلت فى اهانة وسب قبحك الله من رجل حقير وصحيح تستحق اسم السر لان اسمك فيه سر
الذى سماه جهاد هو نفسه حين قال عن نفسه مجاهد وليس انا
انا انكرت عليه جهاده لانه ام يقصد به وجه الله
انت بتفهم بالمقلوب
قبحك الله من رجل بزىء وبليد

United States [ودالبلة] 10-08-2014 01:32 AM
مهندس شنو الزول ده هندستو بتاعة جربندية ساكت ..

Sudan [السر] 10-07-2014 10:44 PM
يبدو ان الباشمهندس يفكر بنفس عقلية الكيزان!!
هل تسمي حرب الكيزان المنحطين ضد اخواننا الجنوبيين جهاد؟
شيخهم الترابي الملعون قال ليهم الشباب المات في الجنوب ماتوا فطايس!!
فحرمهم من الاستمتاع بالحور العين كأمثال اللؤلؤ المكنون!!
يبدو ان الباشمهندس من نفس طينة بني كوز الخبيثة وهذا ظاهر من شكله..

Sudan [nagatabuzaid] 10-07-2014 09:12 PM
غايتوا يا سلمان يا اخوى الاعلام بالمؤهلات الذكرتها دى يبقى حمى خفيفة ترانا مدارينوا جوة بيتنا المصيبة فى سفييييير بقينا زى ليبيا زمن قذافى السفراء كلهم استخبارات وجواسيس مصيبة السجم


#1121686 [الميت مغسة]
2.75/5 (3 صوت)

10-07-2014 03:10 PM
اذا كان كل السغراء يتم عن طريق قرارات جمهورية يبقي تتلغي وزارة الخارجية للآبد

[الميت مغسة]

#1121672 [shawgi badri]
1.88/5 (5 صوت)

10-07-2014 02:45 PM
يعني الراجل اعترف انه كان داعية اسلامي ومجاهد ودباب لكي يحصل علي اجره في الدنيا . ولهذا قدم كشف الحساب والفاتورة وقبض العريون والاجر ودلوكت مقدم طلب لحقوق ما بعد الخدمة . طيب ما ينتظر يوم القيامة . في جهاد بيدفعوا ليه في الدنيا . ده موضوع بينه وبين ربه الشعب السوداني ليس عند بنود ورصيد للجهاد . ناس ما بتستحي . تتاجر حتي بالجهاد والدعوة . ان المومس تختشي في بعض الاحيان في المطالبة بالاجر ولكن الكيزان يقدمون فواتير الدعوه والجهاد مضمنين ضرائب الاستهلاك .

[shawgi badri]

#1121671 [ابوبشير]
2.75/5 (3 صوت)

10-07-2014 02:45 PM
مجاهد ودباب وداعيه وبصلح ساعات

[ابوبشير]

#1121661 [ودالعمدة]
2.75/5 (3 صوت)

10-07-2014 02:30 PM
يجب ان تسمي هذه القناة بتلفزيون المؤتمر البطني وليس بتلفزيون السودان القومي ...
عندما تري اخو شيطان يرمي في مزبلة التاريخ ويقال ...
هم كلهم زي "العطسه"...
أول ما تطلع الجراثيم من حلقك تقول "الحمد لله"

[ودالعمدة]

#1121653 [استراحة محارب]
2.75/5 (3 صوت)

10-07-2014 02:08 PM
منتهي الاستفزاز للشعب السوداني أن تتم ترقية مدير تلفزيون فاشل الي منصب سفير !!! كل مؤهلاته أنه دباب مجاهد ... و داعية !!! و كمان آل ايه .. معاها حجة رئاسية !!! لك الله يا وطن شامخ تحكمه أقزام .

[استراحة محارب]

#1121647 [شهنور]
1.94/5 (10 صوت)

10-07-2014 01:57 PM
والله ما عرفنا نكتبلهم شنو تعبنا حتى من الكتابه لعنة الله عليهم فى الدنيا والاخره.حج بقروش الغلابه؟.

[شهنور]

ردود على شهنور
[SESE] 10-07-2014 07:51 PM
انت هنا قد حققت لهم هدفهم وبالاستفادة من تخانة الجلد التي امتازوا بها فلا كتابة تؤثر فيهم ولا مظاهرات تنبئهم بأن الناس قد ملوهم وكرهوهم واصبحوا يتمنوا ان يصبح الصبح ولا يرون منهم واحدا. انا نفسي يراودني هذا الحس لكثرة ما كتبت وشتمت واستفزيت واوصلت لهم رسائيلي بالعربي والانجليزي وفي كل المواقع ولكن كلما وقفت او او ذهدت في الكتابة استجمع قواي واكتب من جديد لأني اعرف يا اخي ان هفدهم ان نمل الكتابة فيهم ونقف محتارين ولا ندري ماذا نفعل معهم ثم نتركهم يبرطعون في ما تبقي من البلد ولكن يا اخي انهض واستنهض همتك وحرك مكامن وجعتك وستجد نفسك تخرج من الكلام ما لا تصدق انك انت قد اخرجته وهكذا يكون اصحاب الوجعة والفجعة والمصيبة وليس هناك مصيبة اكبر من مصيبتنا بسبب هؤلاء الاوغاد السفلة.....

الكتابة فيهم من اجل تعرية اجرامهم وكذبهم ونفاقهم تعتبر جهاد مقدس اعظم من جهاد هذا المنافق رأس الكذب والنفاق وسؤ الاخلاق لعنة الله عليهم الى يوم يبعثون....


#1121637 [مشغول في التفكير القيام بعملية انتحارية]
2.75/5 (4 صوت)

10-07-2014 01:39 PM
قراء الركوبه موعودون في وقت قريب بملف القرض الصيني والذي بيع من خلاله تلفزيون السودان بثمن بخس بموافقة السيد محمد حاتم سلمان وكل مؤهلاته مرافقته للمرحوم عثمان حسن أحمد البشير شقيق الرئيس والذي كان قد توفى في الجنوب وأنه من أبلغ الرئيس ووالدته بخبر الوفاة تحت دعاوى أنه صال وجال مع المرحوم في جنوب السودان, وقد استثمر محمد حاتم تلك المأساة بشكل ممتاز وتقرب من الرئيس وأسرته وكان نتيجة ذلك أن وصل لادارة التلفزيون مع العلم انه لم يسبق له العمل في أي مجال اعلامي.

من شدة ما تاثرت بعمليات القتل و الذبح و التفجير و قعت تحت سيطرة التفكير ان لابد من القيام بعملية انتحارية افجر فيها ابوبكر الدعوشي و ان اذبحه بسكين بصل ليتعذب قبل التفجير

لكنني مع الاحتفاظ بفكرة العملية الانتحارية قررت القيام بها في السودان و اطلب من قراء الراكوبة ترشيح أسماء و التصويت عليها لأقوم بتفجير احد السفلة مع الإشارة ان السفاح البشير خارج لستة التفجير لأنني اري ان يذل بتسليمه الي لاهاي قبل المطالبة بقتله..

كيف يكون الشخص دباب و هو لم يقوم بتفجير دبابة و كما لا يوجد أيضا دباب متقاعد بيننا

[مشغول في التفكير القيام بعملية انتحارية]

ردود على مشغول في التفكير القيام بعملية انتحارية
Saudi Arabia [رانيا] 10-07-2014 04:04 PM
وليه تنتحر إنت أزرعا من بعيد وراقب والله يكتر من أمثالك لكن ما تفكر في الإنتحار أبدا بلدك وأسرتك محتاجاك . أدخل كورس رماية وحاول "تقنص" واحد منهم وما أكتر الفرص أو إخترقهم من داخل بيوتهم وكم نقطة في الأكل وإنتهينا أو عزومة من العزايم الكثيرة الماشين يلغفوا فيها برضه كتر من ال .. والله ولي التوفيق .
سأحاول موافاتك بالمزيد من الأفكار الجهنمية بس إنت أبقى مستعد والباب مفتوح للجميع للمشاركة بأفكار والتنفيذ "بدقة" و"بسرية تامة" و"بتوقيت مدروس"... يا عزيزي ما أكتر الفرص الضائعة فمثلا القاعة التي تم بث خطاب الوثبة هل كانت أمنيا محكمة وللا كانت ذي بيت العرس الكل داخل وبيسلم في حركة سبهللية للغاية وللا مستشفى الرويال كير الكان فيها ما كان بالإمكان الناس تقضي عليه كان أي واحد يعمل فيها ممرض وبدل ما يسحب دم يديهو عشرين سيسي هوا وينفخووووا بجلطة وموت هادئ خلال عشرة أيام ^_^ ....
ياخي فلنبدأ أولا بتنظيم دعاءنا نتفق في لحظة واحدة ندعي دعاء جماعي أو نقوم الليل لمدة زمنية معينة لكذا يوم(مثلا أربعين يوم) وندعي فيها بصوت واحد وفي أيام الجمعة وبين الآذان والإقامة وفي كل وقت وحين ونكثر من الحسبنة وكله إن شاء الله نافع ويؤدي الغرض . المهم نعمل حاجة سوا وما نضيع زمن أكتر من الضاع .


#1121634 [دردوق]
2.19/5 (15 صوت)

10-07-2014 01:34 PM
مجاهد و دباب و( داعيه ) قريتا وداعيه بتاعت ودع ههه

[دردوق]

#1121631 [nagatabuzaid]
2.25/5 (17 صوت)

10-07-2014 01:31 PM
المخلوق ده بشبه مامون حميده وفيه شىء من نافع هم كلهم بتشابهو كده مالهم ؟؟؟

[nagatabuzaid]

ردود على nagatabuzaid
Romania [نزار عوض] 10-07-2014 11:13 PM
بالمناسبه دي حاجه انا لاحظتها من زمان وصدقني بطلع ليك الكوز من وسط الف نفر حتي لو حاول يتنكر او حلق دقنو وشنبو والله القصه دي كانت محيراني وكنت معتقد اني براي العندو الملاحظه دي


#1121629 [omer]
2.99/5 (7 صوت)

10-07-2014 01:28 PM
ان الله طيب لا يقبل الا طيب و اولويات الحكومه هي معيشة الانسان السوداني و ليس الحج لا منطق و لا دين يقبل ان تجمع الاموال من ستات الشاي و اطفال الدرداقات لتعطى لمقتدرين او غير مقتدرين ليحجو بها و الحج لمن استطاع اليه سبيلا من مال و صحه فان كان المال حرام سيحاسبون عليه و الله لن يسال البشير عن حج هذا الحاتم و سوف يساله باي حق اعطيته هذا المال الذي ليس ملكك و لا ملكه هو حتي حتي حج البشير ليس اولويه بل الاولي به مراعاة شئون شعبه من الحج كل عام الكذب علي الناس ممكن و لكن كيف يكذبون علي الله و لكن هولاء علي قلوبهم غشاوة و لا يعلمون من الدين شئ و الحج عندهم رحله كرحلة صيد لا يسالون عن شروطها و دواعيها و الرجوء منها و الله انهم اضرو بالاسلام و المسلمين
عن أبي هريرة رضي الله عنه ، قال : قال رسول الله صلي الله عليه وسلمإن الله تعالى طيب لا يقبل إلا طيبا ، وإن الله أمر المؤمنين بما أمر به المرسلين فقال تعالى :{ يا أيها الرسل كلوا من الطيبات واعملوا صالحا } ، وقال تعالى :{ يا أيها الذين امنوا كلوا من طيبات ما رزقناكم } ، ثم ذكر الرجل يطيل السفر أشعث أغبر يمد يده إلى السماء : يا رب ! يا رب ! ومطعمه حرام ومشربه حرام وملبسه حرام وغذي بالحرام فأنى يستجاب له ؟. رواه مسلم

[omer]

#1121626 [محمد عبدالكريم]
2.75/5 (8 صوت)

10-07-2014 01:27 PM
أخوي محمد نحن زملاء درسنا في الجامعة الإسلامية وأعرفك جيدا ..قصة أنا أنا دباب وداعية ومجاهد ما في ليها داعي البتة .. لكن أن تقول خدمت الإنقاذ كذا سنة يمكن أن نقبلها وحجة لا بأس بها وإن كانت حجة ضعيفة .. كان من الممكن أن تبحث عن حجة أخرى يا زميلي ..

[محمد عبدالكريم]

#1121619 [وكيل عريف دباب مجاهد]
3.00/5 (5 صوت)

10-07-2014 01:05 PM
( دباب و مجاهد .... و داعية ) !!!!!!

طيب يا شيخ الدعاة أين ذهبت الخمسون ألف دولار هدية ديوان الزكاة لانشاء قناة الهدي الاسلامية

[وكيل عريف دباب مجاهد]

ردود على وكيل عريف دباب مجاهد
Saudi Arabia [ود الركابي] 10-07-2014 03:42 PM
صدقني يأخي مبلغ ال 50 الف دولار بسيطه . ده مبلغ بتبلع من غير مويه زي مارسم الكركتير ود دفع الله .. بحت واحفر كمان بتلاقي بلاوي متلتله ..تحياتي .


#1121613 [ود الركابي]
2.75/5 (7 صوت)

10-07-2014 12:56 PM
موهلاتك شنو علشان تكون مدير تلفزيون السودان . مش كان مفروض اولأ تكون اعلامي . وكذلك مؤهلاتك شنو علشان تكون سفير لجمهورية السودان .. فعلأ بلد عظيم بيحكموه اقزام . داهية توديكم في ستين داهية . منافقين .

[ود الركابي]

ردود على ود الركابي
Sudan [nagatabuzaid] 10-07-2014 09:17 PM
الطيب مصطفى كانت مؤهلاته شنو لمن كان مدير تلفزيون السودان ما تراهم كلهم بتعلموا المشاط والزيانة فى راس اليتامى

United Arab Emirates [بنت الناظر] 10-07-2014 05:35 PM
المؤهلات أن يكون فاسدا موغلا فى الفساد وهذا يكفى ...


#1121612 [ابومروان]
3.00/5 (5 صوت)

10-07-2014 12:55 PM
والله لو دي مؤهلاته اكان كدي انا حا اجيب ليكم خبر وفاة البشير واقول ليكم انا وهو كنا في الجهاد الاكبر جهاد النفس ولكن ولغنا في مالكم مالم يلغه كلب عطشان عطش السنين وبي كدي يكون مؤهلي رئيس جمهورية طبعا بعد الوفاة التي امهلت رئيسنا طويلا

[ابومروان]

#1121609 [ابومروان]
3.00/5 (4 صوت)

10-07-2014 12:50 PM
لا لبيك ولا سعديك حجك مردود اليك لو كان من مال الشعب

[ابومروان]

#1121589 [النقناق]
3.00/5 (5 صوت)

10-07-2014 12:25 PM
هذازمانك يا مهازل فامرحى

[النقناق]

#1121578 [karlos]
3.00/5 (4 صوت)

10-07-2014 12:07 PM
يعامل بطريقه لائقه لانه مجاهد ودباب وداعيه وهو من حرر همشكوريب من أيدي المتمردين, بينما المعروف أن همشكوريب قام بتحريرها العميد حسن رحمه بعد أن ولى المجاهدون الادبار(ربما نحو الجنه).

طيب ما ينتظر الجنه عايز توابو فى الدنيا

[karlos]

ردود على karlos
Sudan [nagatabuzaid] 10-07-2014 01:12 PM
هو يا كافى البلاء لا الجنة ولا النار


#1121565 [د الزهجان]
3.00/5 (5 صوت)

10-07-2014 11:54 AM
قال صلى الله عليه وسلم .كل لحم نبت من سحت فالنار اولى به .

ابناء الكيزان او وقود النار هم من يملك سبل النجاح والقيادة لتوفرالمال والواسطه

عندهم . فهم الجيل الثالث من القادة المفسدين وسعملون بعمل اهل النار من افساد

وتدمير . وربنا يدينا ويديكم الصحه وطول العمر .انتو اكتبو ونحنا نعلق

متاوقة .. انا بعرف السيد السفير الدباب .. ممكن تقنعو بالشي وضدو في مجلس واحد

وعندما كان في التلفزيون كان مجرد الة في يد التماسيح لايكح الا باستشارتهم ..

ولذا سحبت كل التهم منه وعيين سفير
h

[د الزهجان]

#1121556 [ahmedali]
3.00/5 (4 صوت)

10-07-2014 11:38 AM
كل القوة خرطوم جوة الموت للكيزان المخنثين

يا جبهة ثورية وحركة شعبية ومعارضة داخلية هبو هبو هبو فقد بلغ السيل الزبا

ماذا تنتظرون الكيزان المجرمين لن يتركوا السلطة بحوار انما بالقوة والقوة وحدها


اللهم ارنا عجائب قدرتك فيهم يا رحيم يا كريم

تفو علي الكيزان ابناء المواخير ابناء الزنا

[ahmedali]

#1121537 [ود ابراهيم]
3.00/5 (4 صوت)

10-07-2014 11:14 AM
هذه هي الطريقة التي يحكم بها السودان للأسف
كل الكفاءات هاجرت وكل المخلصين تركوا الخدمة بسبب المضايقات او الإقالة
الجبرية. والنتيجة كما ترون بلد ممزق منهار في كل شيء.
ان الله يمهل ولا يهمل

[ود ابراهيم]

#1121535 [عثمان عوض الخليفة عبدالكريم]
3.00/5 (5 صوت)

10-07-2014 11:11 AM
يفتخر بأنه دباب وكل مؤهلاته رافق أخ البشير وجاب خبر وفاته ؟!

حج عى حساب الغلابة والأرامل والمرضى والمعوزين في سودان الحسرة والمفارقات

[عثمان عوض الخليفة عبدالكريم]

ردود على عثمان عوض الخليفة عبدالكريم
Sudan [nagatabuzaid] 10-07-2014 01:20 PM
والله ما واجعنى وقاطع قلبى الا سرقتهم لقروش اطعام الحجاج الخدمة يمينهم وعرق جبينهم وان شاء الله ليس للصوص من حجهم الا التشعبط فى الطيارة واحراج السلطات السعودية لهم والحوامة فى الاسواق ان شاء الله ان شاء الله ان شاء الله لا لبيك ولا سعديك كبيرهم وصغيرهم رجال وحريم واطفال


#1121514 [awadalamin]
2.94/5 (6 صوت)

10-07-2014 10:44 AM
لماذا نستغرب من سفر الفاسد محمد حاتم للحج فكل الفسدة من بشيكرهم لاحقر حقير فيهم بسافر للحج برفقة كامل الاسرة مع المصاريف لهم جميعا وشراء المغتنيات وحج فاخر على حساب الشعب.الشعب عندهم مجرد خدم يامرونهم فيطيعوا ومن يقل(بغم)يستنى المجمجة والدواس والسحل السنا عبيدا عند المجاهدين والدعاة هؤلاء فمن يهن يستاهل الهوان.اخبار الفساد سنظل نكتب عنها حتى يكل متننا ونظل ننوح ونتحسر على الماضى لمتى؟الانخجل من نفسنا واليست بنا الرجولة ام انتهت ونحن نرى الحال كل يوم فى انهيار وهم يمدون لنا السنتهم ازدراء لمتى نتحمل هذا الهوان.هيا بنو شعبى فنحن اكثر قوة منهم لايماننا بقضيتنا العادلة وربنا معنا فلا نخاف هؤلاء الارازل ومهما يمتلكوا من قوة بطش فنحن اقوى منهم ملايين المرات ولننزل للشوارع وكلها سويعات فنخر البنيان على رؤسهم والنصر حليفنا والله مع المظلوم والله على الظالم.

[awadalamin]

ردود على awadalamin
Sudan [nagatabuzaid] 10-07-2014 01:24 PM
اها العيد انتهى منتظرين نسمع عن هبة بنى شعبنا واقسمت ان اكون وسط بنى شعبنا فالانتفاضة والثورة لا تعرف عمر ولا بعد مكان فهيا ابداوا وااستمروا


#1121509 [radona]
2.82/5 (6 صوت)

10-07-2014 10:36 AM
بمنتهى الموضوعية
الحقيقة التي يجب ان يفيق هؤلاء لمعرفتها
اما كون هذا دبابا ... فقد خسر الوطن جنوبه وبتروله وتمزقت خريطته شر ممزق بسبب ادخال مصطلح ( جهاد) في الحرب الاهلية بجنوب السودان والشاهد ان حكاية الدبدبة هذه قد انتهت واندثرت وحل محلها قوات الدعم السريع التي تعرف شعبيا بالجنجويدوللاسف فان سياسة التمكين اتت بهذا مديرا للتلفزيون فدمره تماما
اما داعية هذه افلا تعلم ياهذا ان حجك بمال الشعب فانت تطلق جاعورتك (لبيك اللهم لبيك )في الحج وتجيب عليك الملائكة غاضبة (لا لبيك ولا سعديك ) فأنى يستجاب الدعاء والمطعم والمكسب حرام .. هذا ان صدق بانك حججت من مال الشعب الفقير الجائع المريض
اما الاطاحة بك فهو قرار صائب بالطبع
اما تعيينك سفيرا فهذه مازالت مثار الدهشة التي لم نفق منها بعد

[radona]

ردود على radona
[awadalamin] 10-07-2014 04:23 PM
الاخ Radona كل سنة وانت طيب وينعاد عليك وعلينا وعلى الشعب السودانى بخيروعافية ونسال الله فى هذه الايام المباركات ان يزيل بنوكوز من الوجود.ليس هناك مايدعو للدهشة فى تعييين الدباب محمدحاتم سفيرا والمثير للدهشة ان تاتى حكومة الحرامية اسف نظام عصابة الحرامية بشخص مؤهل فى وظيفته.هؤلاء يااخى شربوا من كوز العفن فلاغرابة فى ذلك.اعذرنى اخى Radona ان ارد فى هذه المساحة على الاخت نجاة ابوزيد واحييها واقول لها كل سنة وانتى طيبة والعيد مبارك عليك كما اتمنى من الله ان نشارك جميعا فى الهبة القادمة كبيرنا وصغيرنا من رجال ونساء ولتكن هبة تزيل كل العفن الكيزانى وان نشارك جميعا فى محاكمتهم شعبيا لانهم لن يصلوا لفناء المحاكم وسيكون القصاص شعبيا منهم جميعا بلا استثناء.

Saudi Arabia [الجقود ود بري] 10-07-2014 03:39 PM
يعني بالمنطق يا راضونا مفروض يحاسبو علي انهم دباب لانهم هم سبب فصل الجنوب. مش يعاملوا بطريقه خاصه ؟ يا حليل زمن الجهاد والمجاهدين مثل خالد بن الوليد و عمر المختار ما في واحد منهم كان منتظر جزاء في الدنيا . النيه والحساب علي الله اما نحن فعلينا بالظاهر . والظاهر عندنا شيء عجيب


#1121480 [هارون مجري]
3.00/5 (5 صوت)

10-07-2014 09:38 AM
اللهم إنتقم منهم في أعز مالديهم هؤلاء اللصوص العصابة الكيزان في المؤتمر الوطني آآآمين. أكثروا يا جماعة من الدعاء عليهم والإلحاح في سؤال الله بأن يخلصنا منهم

[هارون مجري]

#1121461 [warrag ali]
3.00/5 (4 صوت)

10-07-2014 08:39 AM
المؤهل دباب ومجاهد وداعيه والوظيفه سفير بقرار جمهوري سبحان الله يعطي الحلق لمن لا اذن له فعلا تعيش كثير تري العجب اسال الله ان يخسف بكم الارض ياقادر يا كريم

[warrag ali]

#1121418 [Almisahir fi izallail]
3.00/5 (4 صوت)

10-07-2014 03:49 AM
.Mohammad Hatim Suleiman is GONE WITH THE WIND>
;"Look at his Successor on the throne of the "TELEFISIONE
.the so called Yaseen Bin Ibraheem! What are his merits or achievements
The Downfall will continue; Wa Jazakum Allahu Khayrun.
Get up ila "Wathbatikum" ; Take off "Tagabbudhikum" and hurry up ila "Indighamikum"; .and get set li "ISTIRDAFIKUM" for another quarter of a century
TAHLEEL; TAKBEER

[Almisahir fi izallail]

ردود على Almisahir fi izallail
United States [Abu] 10-07-2014 07:26 PM
Had to struggle in order to read your comment. Indeed, you have laid a sensible question. The bastard is gone with all his despicable deeds; we need to know what his damn successor is going to add “quite sure NOTHING”? This mob is just an endless chain of every bad you can envisage. A rare species, which impossible to be duplicated anywhere, anytime. Most of the time I think about the whole scenario from a different angle. As if almighty “Allah” wants to show us his endless monumental power, and created this filth to tell the whole, world and we how he is capable and could create things beyond imagination. Unequivocally, we CAN NOT call them human; they got nothing to do with humanity whatsoever. The most sensible question, are we indeed going to endure this disease or precisely this cancer for another quarter of a century? Keep it up lad….


#1121416 [aliali7488]
2.97/5 (7 صوت)

10-07-2014 03:22 AM
بني كوز وما ادراك ما بني كوز ****** خبر اخو البشكير تكون رئيس تلفزيون ************وخبر البشكير تكون شنوه رئيس الفيفا***!!!؟؟؟؟

[aliali7488]

ردود على aliali7488
Sudan [nagatabuzaid] 10-07-2014 01:29 PM
تكون سبع حجات متتاليات على حساب الشعب وبرضاه ومن هسع انا متنازلة عن حقى

Sudan [الغلبان] 10-07-2014 08:01 AM
احتمال ما يكون كمل الحجة بتاعته



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة