الأخبار
أخبار إقليمية
ردا على غضب البشير من كلمة الملك عبدالله.. لا أمير أو وكيل في استقبال المشير بالمدينة المنورة.. عميد فقط - شاهد الصور
ردا على غضب البشير من كلمة الملك عبدالله.. لا أمير أو وكيل في استقبال المشير بالمدينة المنورة.. عميد فقط - شاهد الصور
ردا على غضب البشير  من كلمة الملك عبدالله.. لا أمير أو وكيل في استقبال المشير بالمدينة المنورة.. عميد فقط  - شاهد الصور


10-07-2014 03:13 AM
الراكوبة تأكيدا للتهميش الذي كشفته "الراكوبة" للرئيس السوداني في أعقاب نظرات البشير التي فضحتها وكالة الأنباء السعودية الرسمية، خلال كلمة خادم الحرمين الشريفين الملك عبدالله بن عبدالعزيز، والتي ألقاها نيابة عنه ولي العهد الأمير سلمان بن عبدالعزيز، لم يجد البشير في استقباله لا أمير منطقة المدينة المنورة، ولا وكيل الإمارة، عقب وصوله إلى المدينة المنورة، بعد أداء مناسك الحج، فيما كان في استقباله فقط بمطار الأمير محمد بن عبدالعزيز الدولي بالمدينة المنورة مدير مكتب المراسم الملكية بالمدينة المنورة محمد محمود سمان، واستقبله لدى زيارته المسجد النبوي الشريف قائد قوة أمن المسجد النبوي العميد محمد بن وصل الأحمدي.

وكان مرافقو البشير حاولوا الترويج أن اللقاء الذي جمعه بولي العهد السعودي لدى وصوله والذي تناول الِشأن الأمني في المنطقة، يعتبر تقارب سعودي لنظام البشير، فيما تأكدت الآن عملية التهميش الواضحة، خاصة أنه جرت العادة الدبلوماسية أنه في غياب أمير المنطقة يتم استقبال الرؤساء من قبل وكيل الأمارة.

image

image

image

image


تعليقات 51 | إهداء 0 | زيارات 34484

التعليقات
#1122381 [رئيس الجمهورية المرتقب]
5.00/5 (1 صوت)

10-08-2014 10:08 PM
انا لي ثلاث اراء في بهذه المناسبة :ـ
أولاً : أراضي المسلمين المقدسة جميعها حتى القدس الشريف ليست حكراً على أحد فهي متاحة لكل المسلمين . ( شئنا أم أبينا )
ثانياً: حتى الزيارات الدينية لها استقبال خاص برؤساء الدول الإسلامية وأظن البشير بحماقاته الكثيرة لا يتسحقها .
ثالثاً : كيفية استقبال البشير لا تمثل شخصه ولكن تمثل حكومة الشعب السوداني مع إنها حكومة غير شرعية البتة :. والسلام ختام هذا والله أعلم

[رئيس الجمهورية المرتقب]

#1122361 [ثعلبون]
5.00/5 (1 صوت)

10-08-2014 09:06 PM
الحمد لله الرئس اكمل حجته واستقبل على احسن ما يرام والشعب السوداني كله يشكر الملك عبد الله حفظه الله وبشكر ولي عهده وبشكر كل الشعب السعودي المحب للشعب السوداني وخلونا من كلام الناس المغرضين الما بحبو السودان يتقدم الى قدام والله يلعن المرتزقه والماجورين السودانين والله يحفظ الملك وولي عهده الامين والشعب السعودي الاصيل الكريم والله يحفظ المملكه وشعبها

[ثعلبون]

#1122218 [ابو عبدالله الرياض]
0.00/5 (0 صوت)

10-08-2014 03:12 PM
غرض الزيارة ليست رسمية انما كانت دينية لزيارة مدينة الرسول الأمر لا يحتاج لأستقباله من كبار رجال الدولة

[ابو عبدالله الرياض]

ردود على ابو عبدالله الرياض
Sudan [nagatabuzaid] 10-08-2014 10:34 PM
كدى ارجع لطريقة استقباله لما كان بحج قبل جلطاته الدماغية مع السعودية وعلى الاصح قبل ما يعرفوا حقيقته وشخصيته الاصلية وبين استقباله الان لمرتين متتاليتين ستجد ان تبريرك هذا غير صحيح

[قاسم الامين عبود] 10-08-2014 05:27 PM
ابو عبدالله حسب البرتوكول الزيارة الرسمية يقابله خادم الحرمين معروفه سلفا ولكن زيارة غير رسمية يستقبله امير المنطقة رئيس المراسيم الملكية رئيس الديوان الملكي لكن عميد يا راجل شوف باقي رؤساء البعثات الاخرى طريقة استقبالهم في الحرم النبوى كان كيف يا جماعة ما تتكلموا ساكت والله نحن رئيسنا علي عينا وراسنا لكن مسك الدرب الغلط والله ما اتهام ليه وتشجيع للسعودية لكن كلمة الحق


#1122118 [سعيد]
0.00/5 (0 صوت)

10-08-2014 12:16 PM
عادي غالبية الرؤساء لا يستقبلهم امير المدينة انا كنت حاضر رئيس زار الحرم النبوي بدون استقبال امير المنطق له في الحرم

[سعيد]

#1122105 [ممغوص]
4.50/5 (3 صوت)

10-08-2014 11:46 AM
شكلو الريس كان ناوي يجي يشحد بس الجماعه قطعوها ليهو في راسو

[ممغوص]

#1122072 [الكوز الفى الزير التحت الراكوبه]
5.00/5 (2 صوت)

10-08-2014 10:53 AM
أنتوا أكلتوا لحم شنو فى العيد رجعتوا زفارتكم طاقه ؟

[الكوز الفى الزير التحت الراكوبه]

#1121848 [البجقلي]
4.50/5 (5 صوت)

10-07-2014 11:12 PM
البشير دلاهة صاح لتخة صاح راسو فاضي وظالم صاح لكن ارجل من الناس البتمتت دي على الاقل نظ في الحكومة يا موت يا حياة لكن البعلقوا ديل رجالتهم دي وين

[البجقلي]

ردود على البجقلي
Saudi Arabia [الكاره الوضع] 10-08-2014 08:41 PM
صاح والله نفس الصفات لكن رجالة دي كضبت فيها دللللللللللل خلي يطلع برة للشعب برة القصر بتاعو بدون حماية عشان ماتكون رجالة خشم يلا برا لمة


#1121838 [سوداني رغم أنفك]
4.19/5 (5 صوت)

10-07-2014 10:47 PM
يا ناس الزول ده ما نفعت معاهو عملية الركب ولا شنو، ماله قاعد على الكرسي، يعني لا عملية نافعة ولا حاجة هتنفع، إلا بعد رد حقوق الشعب المغلوب على أمره، والزول ده ما بيتعظ من المرض اللي بيلاحقه، والشعب الغريب ده داير رئيس يحكمه لمتين لمن يشيلوه على كرسي متحرك، فوقوا يا عالم الزول خلاص ما قادر يتحرك

[سوداني رغم أنفك]

#1121816 [AburishA]
4.32/5 (5 صوت)

10-07-2014 09:56 PM
عالم ما عندها كرامة..بدل الفضايح دي..وقروشنا ال كدستوها بدل تموتوا تخلوها..
أبنوا ليكم "مكة" و "مدينة" في كافوري كيتا لخادم الحرمين الشريفين..صدقوني الايرانيين يكسروا عليكم حج وعمرة ! وناس داعش حجة وزوغة..

[AburishA]

#1121785 [zain]
4.50/5 (4 صوت)

10-07-2014 07:50 PM
طك الحنك ببلاش

[zain]

#1121779 [ابو العلاء الجديد]
4.35/5 (6 صوت)

10-07-2014 07:18 PM
نبراك رجوع الركوبه صوت المهمشين وعقبال القبض علي لص كافوري

[ابو العلاء الجديد]

#1121774 [حمد ابوادريس]
4.44/5 (6 صوت)

10-07-2014 06:55 PM
الرجال مشوا لاهاي .. بالله خلونا من ناس هناي و هناي

[حمد ابوادريس]

#1121771 [moaaz]
3.85/5 (6 صوت)

10-07-2014 06:45 PM
يا جماعة إن الله طيب ولا يقبل إلا طيبا..
وهذه قاعده عامه يجب علي كل مسلم ان يعقلها ويدعها مفهومه فهي لائحه ربانيه يختص بها الله ذاته العليه

[moaaz]

#1121769 [عبدالكريم عبدالكريم]
4.13/5 (7 صوت)

10-07-2014 06:42 PM
الله يعيين

[عبدالكريم عبدالكريم]

#1121767 [عبدالكريم عبدالكريم]
4.04/5 (6 صوت)

10-07-2014 06:40 PM
هذا زمانك يا مهازل فأمرحي

[عبدالكريم عبدالكريم]

#1121766 [آدم يعقوب]
4.57/5 (6 صوت)

10-07-2014 06:33 PM
انا اعترض بشدة علي إطلاق كلمة مهمش علي البشير المهمشين شرفاء وهو ليس منهم ،ممكن تسموه مطنش او مبرش

[آدم يعقوب]

#1121764 [سيسكو]
4.21/5 (8 صوت)

10-07-2014 06:23 PM
شوفوا وداد الحرامية وبقية الجوارى سايرات خلف هذه الخنزير المعتوه فى الصورة الثانية،، الله لا يتقبل منهم.

[سيسكو]

#1121752 [باينه]
4.44/5 (5 صوت)

10-07-2014 05:42 PM
الحكايه باينه بس شكلو جايي يلقط وجهه
واعتقد وجهه ليس فيه مزعة لحم

[باينه]

#1121744 [عبدالكريم عبدالكريم]
4.43/5 (10 صوت)

10-07-2014 05:22 PM
يا حليلك يا نميري كنت رافع رؤوسنا

[عبدالكريم عبدالكريم]

#1121716 [سوداني]
4.00/5 (3 صوت)

10-07-2014 04:24 PM
والله لم أر تعليقا واحدا جادا .
سير سير يابشير .

[سوداني]

ردود على سوداني
Saudi Arabia [منو العوض] 10-08-2014 06:55 PM
الي اين يسير كل الطرق تؤدي الي لاهاي وتاني مافي سفر للسعودية ولوكان حج!!!!!

United States [fadeil] 10-08-2014 08:45 AM
نعم كما قلت ، سير سير يا البشير، لكن الي أين ؟ اما الي لاهاى أو الي جهنم أو لظي كمايشتهي الشعب السوداني الذى أخلكه هذا الحمار المعتوه.

Saudi Arabia [سوداني رغم أنفك] 10-08-2014 12:15 AM
يسير لوين يا زول... المؤمن يحشر مع من يحب.. سيروا كما تريدون.. ولكن إلى أين؟؟؟؟؟

Sudan [nagatabuzaid] 10-07-2014 10:38 PM
يسير وين نحو لاهاى ولا يفك البيرق عكس الهواء ؟؟؟؟؟ بقى ما عنده جهة يقبل عليها
الا البحر جمبلق


#1121676 [adfil a omer]
4.43/5 (8 صوت)

10-07-2014 02:50 PM
البؤساء

ملاقيط حوش ود بانقا

الجهلو منو يا ناس العفصو منو .. بشبوشى

[adfil a omer]

#1121675 [عدو الانقاذ]
4.43/5 (7 صوت)

10-07-2014 02:49 PM
رئيس فاشل ما عندك كرامة ولا بتخجل يا يا حرامي يا مهمش عديم الاحساس فضحتنا ما حد عايز في السعودية ولا في اي مكان .

[عدو الانقاذ]

#1121673 [karlos]
4.43/5 (7 صوت)

10-07-2014 02:48 PM
كان المفروض يستقيله اوكامبو و حرسه الخاص هذا انسب استقبال لمجرمى الحرب

[karlos]

#1121658 [ودالعمدة]
4.41/5 (6 صوت)

10-07-2014 02:17 PM
نهني اولا كل رواد وادارة الراكوبة بمناسبة عيدالاضحي المبارك اعاده الله علينا وعليكم وبلدنا السودان بالف خير ,نقول لبشبش وحجه الغير مبرور وسعيه الغير مشكور:
(((( كتير الفشفاش علي أم الفضل ))))

[ودالعمدة]

#1121649 [ربيع حار جدا]
4.44/5 (16 صوت)

10-07-2014 01:58 PM
مفروض يستقبلوا رئيس العمال البنقالة .. ماهو كلو زبالة في زبالة .. قال حج قال غور ياخي يعني اتجارج من حياتنا وبث !

[ربيع حار جدا]

#1121607 [الكرباج]
4.13/5 (8 صوت)

10-07-2014 12:43 PM
.

[الكرباج]

#1121601 [الاشعري]
4.30/5 (17 صوت)

10-07-2014 12:39 PM
الكلب ماحرام عليك تحج انت وحراميتك بمال الغلابة

[الاشعري]

#1121584 [wad madane]
4.05/5 (18 صوت)

10-07-2014 12:13 PM
بالمناسبة كل سنه هو وأهله (أقصد عصابته) بحجوا علي حساب خادم الحرمين. هذه المره بدون خجل جاي بطائرة كامله للحج علي حساب المملكة . الله يسود وجه ووجه أعوانه فضحونا . ... ادارة المراسم الملكيةاستقبلوا 22 فرد فقط وأرجوا الباقي للحج العادي وعلي حساب الشعب السوداني طبعا....

[wad madane]

#1121579 [مصطفي]
1.75/5 (4 صوت)

10-07-2014 12:08 PM
الحرم النبوي فاضي والايام قبل الحج يكون ممتلئ بالحجيج والزوار اذن هناك ترتيب معمول المهم من المقصود والنيه لله فقط والحارس الله وهي لله فقط ونما الاعمال لله ولكل امرئ ما نواء

[مصطفي]

ردود على مصطفي
United Arab Emirates [ود أبرق] 10-07-2014 04:27 PM
نواء بال ء ياهواء


#1121570 [آمال]
4.30/5 (17 صوت)

10-07-2014 11:56 AM
كتر خيرهم انهم استقبلوك كان يمكن ما يستقبلوك أصلا

[آمال]

#1121566 [الرمدان كر]
3.66/5 (12 صوت)

10-07-2014 11:54 AM
الشغب السوداني افلس من السياسيين و من القادة الوطنيين


و كمان المساكين لا حولة لهم و لا قوة

[الرمدان كر]

#1121563 [ســـــارى الــلــــيــــل]
4.16/5 (16 صوت)

10-07-2014 11:52 AM
والله يا فرعون الجماعه ما قصروا معاك و اكرموك كرم ما كنت متوقعه لانك كرت محروق و بتحاول تلعب بالنار وقايل نفسك حريف تلعب بالبيضة و الحجر ؟
تزعل من العرب تجرى لايران وتفتح ليهم الابواب على مصرعيها شىء استثمار و تجار و تصنيع و بواخر و جيش القدس و يسلحوك و يمدوك بالدعم المادى و العسكرى و اللوجستى وطائرات بدون طيار لمراقبة الحركات المسلحه والمراكز الثقافيه الايرانية و منح السفير الايرانى و حرمه الحق فى التنقل بدون طلب باخطار أمن السفارات بوجهتهم و الالتقاء بالمواطنين مخالف لمهام السفير ويعتبر تدخل فى الشؤون الداخليه للدولة وانتهاك لسيادة ولكن فى عهدكم هذا شفنا العجب و هيثم ؟
تتطاول على أفورقى تانى يوم تسافر اديس و تلتقى بمليس زيانوى وتعقد صفقة نكاية فيك أسياس افورقى و يحدث شد و جذب و توتر فى الحدود و يتحرك الارتيرى و يرسل العصابات و تهاجم المساكين و لا ذنب لهم وهكذا دواليك .
ابام و تشن حمله أعلاميه على ادريس ديبى و يجينا اللمبى و يهدد و يتوعد و يقول لادريس ديبى واتسعراض للاليات العسكرية و دبابة اسمها حاجه كدا بكلام متداخل يحتاج الى تركيز لكى تفهم لان الراجل عنده لسان من نوع لسان الناقه لكبره بخلى الحروف دائما مكسورة ومشدده و يشيد بقات الشعب الشملعه و الاستعداد لدخول انجمينا فى ساعات و يقيم الدنيا و يقعدها و تدخل الوسطات و يصلوا الى اتفاق بطرد المعارضة و المسرحية مستمرة ؟
اطلع محمد احمد موسى و يقول حلايب سودانية والبشير اقف وراء الباب يترقب و شغال بالاشارة جاى و لا جاى ولما الموضوع يصل الى المحك و دفع التعزيزات من الفراعنه للحدود اطلع علينا الطفل المعجزة و اقول يا جماعه موضوع حلايب توابعه محلول و متفق عليه بأن تكون منطقه حرة ومركز تجارى بين الاخوة من شمال الوادى و جنوب الوادى و اطلع العم موسى شخص لا يمثل رأى الحكومه فى شىء ؟
سياستك كلها اخطاء و فشل فى ادارة دولة بحجم السودان اكبر من قدراتك العقلية و لا تمتلك اى مقومات رجل الدولة او السياسى المحنك لا الوطنية وحب الوطن و المواطن دافعا للتضحيات وتقديم المصالح العامه على الخاصه وبالعكس انت تبحث عن مصالحك الشخصية و اسرتك و اتباعك و هذا هو الواقع والمشاهد على ارض الواقع واما السودان و المواطن حريقة تحرقه وفى ستين الف داهية تأخذه ؟
لكن دوام الحال من المحال و تدور الدوائر و سوف تجدك نفسك فى يوم من الايام امام القضاء العادل والحساب العسير وسوف تسأل عن كل العز الذى انت فيه وكل المال السحت الذى نهبته سيعود الى خزينة الدولة و الاملاك وكل شىء و ابشر ببيت كوبر العتيق امكن ابقى متحف اثرى ليذكر الاجيال القادمة باهل الجحور و الهجرة الى القصور ....

[ســـــارى الــلــــيــــل]

ردود على ســـــارى الــلــــيــــل
[AburishA] 10-07-2014 09:47 PM
لك التحية اخوي ساري الليل.. وزي ما قالت بت ابزيد ما خليت لينا فرقة للاختراق بتعليق شكرا لك...

Saudi Arabia [رانيا] 10-07-2014 03:24 PM
أي والله صدقت ياريت يقرا كلامك ده وينتحر بعدها ..

Sudan [nagatabuzaid] 10-07-2014 02:51 PM
مليون تعظيم سلام وتسلم وسلمت يداك ما خليت لينا شىء نقولوا سوى انه معاملته فى السعودية اخير منها يدوه 100 كف


#1121550 [عثمان عوض الخليفة عبدالكريم]
4.17/5 (10 صوت)

10-07-2014 11:28 AM
اللهم لاتأمنا مكرك ولاتشمت فينا خلقك

قال الإمام علي كرم الله وجهه :

تأتي المصائب على الفتى فتهون إلا شماتة الأعداء ؟؟؟؟؟؟؟؟؟؟؟؟؟؟

[عثمان عوض الخليفة عبدالكريم]

#1121539 [شبتاكا]
4.18/5 (15 صوت)

10-07-2014 11:17 AM
زمان قالها شاعر الشعب فى نعت السفاح نميرى عليه لعنة التاريخ والناس وما اشبه اليوم بالبارحة
فى الجامع تقيف مسكين
وجيبك لازى بالسكين
وفى سرك تسب الدين
روجتم فكرة ان هبنقة الاول ظهرت عليه علامات الغضب لان القياده السعوديه طاعنته بالكلام وهمشته فى البرتكول وحقيقة الزول وهو يكابد اوجاع الاورام المنتشره تجعله يتالم على راس الدقيقه وده غضب ربانى والعياذ بالله اما مشاعره الانسانيه فدى ومنذ مكابدة الفقر المدقع بمزارع عزيز كافورى قد تجمدت تماما وعندما وظفه شيخهم الماسونى فى هذا الموقع الرفيع كان يدرك كل مزاياه الساليه والمنافيه للمشاعر الانسانيه الطبيعيه لان ارادة المحفل الماسونى لتنفيذ اجندته فى تفتيت السودان تقتضى ذلك
فالزويل ده لما انحشر فى الطائره متخفيا وعابرا للاجواء السعوديه لمباركة فوز الرئيس الشيعى الايرانى وارجعته السلطات خائبا لم تظهر عليه امارات الغضب او الغيظ وتكررت نفس الاحاسيس الجامده مؤخرا عندما استقبل السيسى المصرى مبدد حلم التمكين الاخوانى
كارثة انفصال الجنوب والحروب الاهليه بدارفور والنوبة والانقسنا وقصف المدنيين واغتصاب النساء والاطفال بواسطة مرتزقة الجنجويد التى وظفها لحماية نظامه الفاشل سياسيا واقتصاديا واجتماعيا لم تحرك مشاعره ابدا وبعد خمسه وعشرين عاما من التمكين الاخوانى الماسونى فى تفتيت وطن كان اسمه السودان تحدوثنا عن علامات الغضب الباديه على وجه السفاح المنتفض لكرامة منصبه الرفيع وتاتون بصوره جائلا فى مسجد المصطفى عليه السلام الذى علمنا بان امراة دخلت النار بسبب حبسها لهره حتى ماتت ولم تتركها تاكل من خشاش الارض فما بالك بكل مجازر الانقاذ على مراحلها المختلفة
شعبنا الطيب ما تغشكم المظاهر واخوان الشيطان افعالهم زى فعل هذا المافون تطرش الشيطان والحل مغادرة محطة الانهزام والخروج الى الشارع باراده حره لاستئصال جذور العفن

[شبتاكا]

ردود على شبتاكا
Saudi Arabia [بابكر ود الشيخ] 10-07-2014 08:45 PM
أؤيدك تماماً فيما ذهبت إليه ، فإن اختياره كان بمواصفات دقيقة وأوصاف لا توجد في غيره حتى يكون عجينة طائعة في يد الترابي وعصبته ، وباعترافه شخصياً أنه سمع بكلمة ساندويتش لأول مرة عند قدومه للمدرسة الوسطى في شندي عندما كان يسكن مع خالته ( اللقية ) ، وأكمل بقية عمره في ( كمبو ) عمال مزرعة ألبان كافوري ، ذلك ( الكمبو ) الذي تم مسحه من الوجود وتحول إلى مجمع إسلامي باسم والده وقصور فاخرة لأفراد أسرته ، وهم يظنون أنهم مسحوا التاريخ .

[عازة] 10-07-2014 02:14 PM
نعم نميري ديكتاتور ولكنه كان أفضل حال من البشير يشهد التاريخ ان النميري كان محباً للسودان وشعبه وكان يقدم مصلحة البلاد على مصالحه الشخصية يكفي النميري فخرا انه مات وهو فقيراً لا يمك قصوراً في كافوري ولا مزرعة في السليت


#1121522 [رسمي]
3.81/5 (22 صوت)

10-07-2014 10:58 AM
بغــل العــرب عمر البشير ما بيخجل يمشي يقيف في حضرة أشرف الخلق وهو سافك للدماء وسارق للأموال ومطلوب للمحكمة الجنائية الدولية؟

[رسمي]

#1121520 [awadalamin]
3.76/5 (18 صوت)

10-07-2014 10:55 AM
هذا ماجنته يداك ياعميد/عمر حسن البشير فالناس ديل عاملوك على حسب رتبتك فى الجيش قبل انقلابك يعنى رجعوك لرتبتك الحقيقية وطنشوك لا امير ولا وكيل امارة.يعنى قعدوك فى علبك.25 سنة وانت ماعايزهم يعرفوا بالذى فعلته فى شعبك ومافعلته فى تفريخ الجماعات الاسلامية الارهابية حتى تفلتهم عليهم كما قال تقريركم السرى الاخير وعاوزهم يستقبلوك كمسؤل محترم وانتظر قادم الايام فالايام حبلى لترى ماصنعته يداك.

[awadalamin]

ردود على awadalamin
Sudan [nagatabuzaid] 10-07-2014 03:01 PM
ملاحظة قوية استقباله بعميد نفس الرتبة التى استلم بها الحكم تستحق جائزة على هذه الملاحظة الذكية تحياتنى


#1121518 [ود انقو]
4.35/5 (17 صوت)

10-07-2014 10:51 AM
انظروا للابليس البشير لايستطيع السجود على جبهته لان الله لعنه وكسر ركبته ليس الا دليل على ذلك حتى لا يتقرب الله بالسجود بالرغم من انه تعافى من الالم فماذا بعد هذه علامات الغضب الالهي

[ود انقو]

#1121510 [sudan]
4.42/5 (16 صوت)

10-07-2014 10:37 AM
صراحه البشير فيهو فايده وهى انو بسببو زاد ايمانى كمثل فرعون جعل ايه للناس وهذا ما قراته فى الصوره الاولى فتذكرت الايه الكريمه

( ﴿وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ﴾

﴿أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ﴾
﴿إِنَّ فِي ذَلِكَ لَذِكْرَى لِمَن كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾

وغيرذلك من ايات الذكر الحكيم .. فانا اعيش فى السودان فى الغالب منذ ان جاءت ثورة الانقاذ فانا ارى بام عينى كذبه وهذا اقل شئ فكل السودان راى كيف انه يكذب وكيف يعاملنا هو وقواته ومليشياته وارى بام عينى كيف اصبح الفارق المادى بين الشعب و بين عصابته وارى بام عينى كمية الفقراءفى البلد من الجيران و الاهل والاصدقاء وحتى فى منزلنا اصبحنا نعيش حد الكفاف والحمد لله على كل حال
وابسط قواعد الاسلام هو تجنب الرياء والبشير هذا يتتبع الرياء وهذا وحده يحبط العمل ان كان له عمل فما معنى هذه الصوره يا خاوى العقل وممتلئى الجسد وما هى فائدة القران غير انك تقراه لتفعل عكسه فقط تقراه لتفعل عكسه
المنافق اذا حدث كذب واذا وعد اخلف واذا اؤتمن خان فانظر اين انت من هذه الثلاثه فكأنها نزلت من اجلك والعياذ بالله تطبقها بالحرف
وكما قال ابنعوف فى مسدار النصيحه وهى جمله تعبر عنك ايما تعبير ( قبال ما يطلعوك ابان دقون متيس ) وفعلا قد خرجت متيس
وان كان لك اخوه يفهمون و يعقلون واهل لكنت قلت لهم الحقو اخوكم و قريبكم فهو فى حرب مع الله و رسوله ودينه الذى ارتضى لعباده . فانت لم تظلمنا بل ظلمت نفسك ايما ظلم . فالدنيا الى زوال . انت ظلمت امك ادخلت فى فمها مال اليتامى والمساكين و الزكاة وظلمت اخوتك باكل المال الحرام وبقتل المسلمين انت ظلمت الاطفال فى اسرتك انبت لحومهم من الحرام .
فانت الخاسر الاكبر كل الذنوب التى ارتكبت فى عهدك تتقاسم الاسم مع مرتكبيها
الجماعه طلعوك متيس

[sudan]

ردود على sudan
Sudan [nagatabuzaid] 10-07-2014 03:07 PM
صدق الله العظيم اكرمك الله على تعليقك الجميل الطيب واضم صوتى الى المعلق كرم الله ان ما قامت به هذه الطغمة السرطانية ليس بثورة انه هجوم جراثيم وكائنات سرطانية على جسم الوطن تحتاج الى كيماوى مستورد لان حسب ما علمت ان الكيماوى الحالى مضروب واهلك المرضى وسبب لهم مضاعفات ديل عايزين كيماوى مصرى يهريهم

United Arab Emirates [كرم الله زعوط] 10-07-2014 12:27 PM
كلامك جميل وحكيم ومسنود بالايات والاحاديث بس خربتو بكلمة (ثورة الانقاذ) ياخي اى ثورة واى بطيخ ؟؟ الصحيح تقول انقلاب الانجاس


#1121506 [دردوق]
4.86/5 (40 صوت)

10-07-2014 10:24 AM
عميد زاتا كتيره عليهو . مفروض يكون في استقبالو وكيل عريف بس

[دردوق]

ردود على دردوق
[د عماد الدين تاي الله] 10-07-2014 11:56 AM
ههههههههههههههههههه والله اصدق ما قلت

[ashafokhalo] 10-07-2014 11:33 AM
لا عميد مناسب لانوا عمر لمان سرق السلطه كان عميد وثانيا السعوديين عايزين يضمنوا انو عمر لا يدنس الحرم الشريف فلا بد من مراقبه العميد له وردعه ان حاول فعل أي شي مخل بالادب


#1121496 [باسطة]
3.84/5 (16 صوت)

10-07-2014 10:10 AM
برضو كتير و أحمد ربك

[باسطة]

#1121492 [على دينار]
4.41/5 (14 صوت)

10-07-2014 10:06 AM
يا حج ملح خلاص قفلو معك ؟ انت قايل دي بيت المريسة ولا شنو زعلان لي من عميد؟ انت ما كونة عميد في89

[على دينار]

#1121470 [عميد معاش د. سيد عبد القادر قنات]
4.42/5 (28 صوت)

10-07-2014 09:07 AM
ما نعلمه ان الفريضة مرة واحدة وبمال حلال من كد وعرق الحاج وان يكون قد اخلي سبيله من كل الديون وان كانت مساويكا

[عميد معاش د. سيد عبد القادر قنات]

#1121450 [أسامة]
3.76/5 (15 صوت)

10-07-2014 08:06 AM
خير الكلام ما قل ودل ، وفي الحقيقة ما عندي كلام أقوله لهذا السفاح ، لكن عندي كلمة واحدة بس وأتمنى من المولى عز وجل أن تصله وهي :
يا نجــس .

[أسامة]

ردود على أسامة
Sudan [nagatabuzaid] 10-07-2014 03:11 PM
الجداد ممكن يوصل ليه كل شىء الا دى بزعمطوا ويعدموه الريشة


#1121442 [مكركاوى]
3.88/5 (18 صوت)

10-07-2014 07:25 AM
بالله شوفوا الطاغيه ماسك الكتاب الكريم زى كتاب المطالعه ؟ بالله احترم المصحف الشريف يا وقح ؟

[مكركاوى]

#1121438 [بالمرصاد]
3.92/5 (19 صوت)

10-07-2014 06:51 AM
محل ما تمشي فاضحنا بي الذلة و الانبراشه و التلصق بعدين العرب خلاص فتحو ما منهم فايدة امش شوف ليك مكان تاني تبيع فيه روحك و بلدك يا مدغمس

[بالمرصاد]

#1121436 [moaid]
4.70/5 (18 صوت)

10-07-2014 06:44 AM
دا حجمه الطبيعي مايستاهل اكتر من كدا
لكل ظالم نهاية

[moaid]

#1121435 [Deg]
2.52/5 (8 صوت)

10-07-2014 06:14 AM
عفو الجعلي الاسد النتر متين ببل راسو؟
عفيت منك يافاتو ...
لكن اب الركب ما بل راسو ..

[Deg]

#1121425 [رانيا]
4.71/5 (27 صوت)

10-07-2014 04:29 AM
لا حول ولا قوة إلا بالله . أسأل الله الكريم رب العرش العظيم إنه دي تكون آخر جية للسعودية والله فضحت روحك وفضحتنا معاك غايته الله ما يبقيها على زول .

[رانيا]

ردود على رانيا
Saudi Arabia [رانيا] 10-08-2014 10:30 PM
وإنت طيبة وبخير وصحة وسلامة إن شاءالله .
صح كلامك من حيث إننا لا دخل لنا بما يفعل لكن برضه ينوبنا من الحب جانب فنظرة الناس لنا كشعب لا تخلو من إستحقار وماحصل لنا بسببه كثير .. لاحظي الحاجة دي لمن شخص معين يأذي إنسان حتى ولو أسرته تعاملها كويس برضه الواحد بيحذرهم أو بيتعامل معاهم على خفيف درأ للضرر . نادرا ما تلقي بني آدم يعمل ب ولا تزر وازرة وزر أخرى .
أما عن نواياه ففعلا معاك حق وصدقت وشوفي حسه تاني صورة ليهو عامل كيف ياخي ده في الدقيقة الواحدة وجهه بيورينا الأربعة فصول .
مع التحية .

Sudan [nagatabuzaid] 10-07-2014 03:29 PM
ضحكتينى يا رانيا تاكدى ما حتكون اخر جية للسعودية طالما انه حى فى عينه الموية بس يا حبيبة ده فضح روحه واهله اهلوا ذاتم مابحسوا والا ما كانوا باروه كلهم جلدهم تخين اما نحن كشعب ما فضحنا العالم كلوا عارفوا جسم غريب على السودان ما تشيلى هم وكل عام وانت بخير وننعم ان شاء الله بسودان خالى من الكيزان


#1121421 [منصور]
3.83/5 (19 صوت)

10-07-2014 03:56 AM
خليهو يستاهل يا اسد العرب ان شاء الله يدوك بالجزمة المعفنة الناس انت قايل الناس ديل بيحترموك كرئيس دولة والله الناس ديل ما يشوفوك الا واحد زول عبد سايىىىىىى قليك زعلان لوزعلان امشي ما تجي تاني قال اسد العرب قال

[منصور]

#1121419 [مازن الامام]
4.37/5 (16 صوت)

10-07-2014 03:49 AM
جيبت لينا الكلام يا بشة كان حقو تعمل ليهم عروض كدا عشان يعرفونا المهم حجه مبروكه و سعي مشكوووور

[مازن الامام]

ردود على مازن الامام
Saudi Arabia [القلم الحر] 10-07-2014 12:31 PM
هذه مازيارة رسميه هذه لبيت الله مهما كان الاستقبال لايهم


#1121417 [سوداني رغم أنفك]
4.43/5 (20 صوت)

10-07-2014 03:25 AM
عميد في استقبال مشير.. هكذا الاستقبال وإلا فلا..

[سوداني رغم أنفك]

ردود على سوداني رغم أنفك
Saudi Arabia [قيردون] 10-07-2014 06:23 PM
مظبوط كلامك أخوي راشد المسجد النبوي لا يقفل لأجل أحد ولكن يُخلى تماما لأوقات مبرمجة ومعلن عنها في حالات كحالةالرئيس السوداني هذه والدليل جلوسه في الروضةالشريفة وتلاوته للقرآن ذي ما ظاهر في الصورة الأولى وحوالينوا مافي الا الأمن السعودي وبعض من تماسيح النيل!! وفي الصورة الرابعة.. واقف مطوًع عند قبر المصطفى عليه صلوات الله وتسليمه لعملية الشرح وغالبا ما يكون في مكانه مجموعة من رجال الأمن لتحريك الزائرين وتنظيمهم حتى لا يتكدسون عند قبر الرسول (ص) وصاحبيه.. اما من يقف على يسار الرئيس السوداني فلم يرد صفته.. عشان كده ما عرفناه منو ولا صفتو شنو؟.
المهم الواضح للعيان أن الزيارة مرتبة..والسعوديين يا أخوان اذا اختلفوا مع البشير في سياساته فهم اكبر من تصفية الحسابات في المشاعرالمقدسة والحرمين وهم خدّامها.
أهم حاجة البشير تخلّوا لى ربَو.. فهو يمهل ولا يهمل والعالم ما في النفوس وهو حسبنا.

United Arab Emirates [راشد] 10-07-2014 10:55 AM
يا قيردون ... المسجد النبوي لا يفرغ ولا يقفل لاجل اي احد

Saudi Arabia [قيردون] 10-07-2014 09:49 AM
كل سنة وانتو طيبين ومن العائدين الفائزين..بالنسبة لزيارة البشير للحرم المدني وحسب الصور المرفقة وحسب معرفتنا بطبيعة الحرم المدني وزائريها في مثل هذه الأيام وحتى في الأيام العادية لا نجد المسجد بمثل هذه الحالة من الخلو وده دليل ان الترتيب مسبق لتهيئة الجو للرئيس السوداني للمزارات.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة