الأخبار
أخبار إقليمية
خبير بحزب البشير يتوقع استمرار انخفاض قيمة الدولار تدريجيا أمام العملة الوطنية
خبير بحزب البشير يتوقع استمرار انخفاض قيمة الدولار تدريجيا أمام العملة الوطنية


10-08-2014 11:26 PM
الخرطوم (سونا)- توقع الخبير الاقتصادي دكتور محمد الناير استمرار انخفاض قيمة الدولار تدريجيا أمام العملة الوطنية وذلك وفقاً لعدد من المؤشرات الايجابية لتحسن الاقتصاد السوداني متمثلة في الخريف الجيد وزيادة إنتاج النفط السوداني بحوالي 20 الف برميل في اليوم.
وقال إن سعر الصرف السائد في السوق حاليا غير حقيقي وكل المؤشرات تؤكد استمرار هبوطه بمعدلات متدرجة وذلك بسبب المؤشرات الجيدة لخريف هذا العام إذا أحسنت الحكومة جني ثماره ومكنت المزارعين من إكمال عمليات الحصاد وحددت سعر مجزى للمخزون الاستراتيجي للشراء من المزارع بسبب الوفرة المتوقعة كما أن إعلان وزارة النفط بزيادة إنتاج البلاد من النفط بحوالي 20الف برميل يوميا خلال الربع الأخير من العام الحالي ليصبح الإنتاج الكلي 155الف برميل يوميا سيساهم في تدفقات النقد الأجنبي بجانب أيلولة خطوط الأنابيب من حقل هجليج إلي ميناء بشائر بشرق السودان لحكومة السودان بنسبة 100% الشيء الذي يزيد من حصيلة النقد الأجنبي ويساهم في الموازنة العامة للدولة.
وأضاف د. الناير أن إنتاج الذهب الذي بلغ حتى نهاية أغسطس الماضي 43 طن والمستهدف حتى نهاية العام 70 طن إذا استطاعت وزارة المعادن من خلال نفرتها التي أعلنتها لتنظيم التعدين التقليدي الذي يحقق الإنتاج الأعلى في تحويل المعدن التقليدي للتعدين المنظم يمكن أن يساهم في زيادة النقد الأجنبي مشيرا إلي أن كل هذه العوامل مجتمعة يمكن أن تساهم في نزول قيمة الدولار ولكنه قال ان ذلك يتوقف علي توظيف هذه العائدات المتوقعة بالطريقة المثلى التي تحقق الهدف المرجو منها بجانب إتباع بعض السياسات التي تساعد علي تقوية العملة الوطنية كالعمل علي فتح باب الاستيراد بدون قيمة بصورة مؤقتة من شأنها تقليل الطلب علي الداخل من خلال تدبير الموردين العملات الأجنبية من الخارج بدلا من تشكيل ضغط علي السوق الداخلي كما أن تقوية العملة الوطنية يساعد في التقريب بين السعر الرسمي والموازي ويزيد من القوة الشرائية للعملة الوطنية التي توثر بدورها علي انخفاض المستوى العام للأسعار الذي يساهم في تحسين الوضع المعيشي للمواطن.


تعليقات 30 | إهداء 0 | زيارات 8276

التعليقات
#1123163 [دلدوم]
0.00/5 (0 صوت)

10-10-2014 10:02 AM
يا ود الناير يا حسرة وين إنتاجك البخلى الدولار انزل وعشرين برميلك دى ما حا تنزلو مليم واحدة اما تنتجه زراعتنا المطرية دا ما فائت سد رمغنا نحن المساكين والمصدر من القضارف ما فائت ارزقيتكم ومطبلاتكم وأنتم مقبلين على انتخابات والترابى داير اكثر من ثلاثة مليارات

[دلدوم]

#1123103 [ابوالعيينين]
0.00/5 (0 صوت)

10-10-2014 05:24 AM
يا محمد الناير كلامك كل اذا احسنت واذا استطاعت بتحاول تلقي ليك مخارجه بعدين من كلامك ده وتقول لم تحسن ولم تستطع ههههههههههههههههههه وبعدين من متين موشرات خريف بتودي لتخفيض الدولار وبعدين تعال هنا الدكتورة بتاعتك ده اداك ليها فيروز

[ابوالعيينين]

#1123094 [خالد حسن]
0.00/5 (0 صوت)

10-10-2014 04:44 AM
للخفير الأقتصادي
قول لينا كلام يدخل المخ مثل الآتي
1- سنعيد لخزينة الدولة 80 مليار مهربة من خونة الوطن
2- أحالة الآلاف من موظفي الدولة الفاسدين للسجون لتجاوزات مريعة في أقرار الذمة
3- جهاز المحاسبة والمراجعة والشفافية يكتشف عمليات نصب كبري تطال مسئولين كبار
4- أفتتاح مشاريع أنتاجية كبرى برأسمال وطني خالص وبطاقة أنتاجية عالية
5- ذيادة ملحوظة في إحتياطي بنك السودان من العملات الصعبة والمعدن النفيس

[خالد حسن]

#1123009 [Productive Urbanization for One Nation]
0.00/5 (0 صوت)

10-09-2014 10:03 PM
أين الإرادة والعلم
المال عند أهل العلم والفهم
هو رأس مقوّمات الإنتاج يا تمكين الوهم
يا هؤلاء إن أردتم إصلاحاً لجنيهنا لأفلحتم
هذا هو إنجازكم – بل هو إعجازكم الإقتصادي
المنبثق عن تفريطكم في البترول والمرعى الطبيعي
يا د.محمد الناير- الخبير الاقتصادي غير الإعتيادي
لقد وجدتم جنيهنا يساوي 0.25 دولار أميريكي
فوثب إلى الخلف عند 0.001 دولار أميريكي
يا هؤلاء ما أردتم الإصلاح الإقتصادي
أغربوا عن وجوهنا قبّح الله وجوهكم
ما هكذا الحضارة يا وهم

[Productive Urbanization for One Nation]

#1122997 [ابو خالد]
0.00/5 (0 صوت)

10-09-2014 09:43 PM
انتو عارفين يا خوانا الدولار نزل ليه؟
الاجابة ببساطة قلة الطلب داخل السودان علي الدولار لانو انت حاتعمل بالدولار شنو ؟
كل البنوك العالمية والخليجية منها علي وجه الخصوص اوقفت التعامل مع السودان لذلك انخفض الدولار لانو مافي شي تعملوا بيه لا استيراد ولا شي
اصلا البرفع الدولار هو الاستيراد والان الاستيراد بقي كلو عن طريق الاعتمادات البنكية ومافي حاليا اي بنك بفتح ليك اعتماد . اذا الدولار محبوس داخل السودان الي حين تعامل البنوك الخارجية مع السودان ... كثرة العرض من الدولار وقلة الطلب خفضت السعر
لاحظو حاليا في كساد السوق مافي حركة بيع وشراء لكن ما في انخفاض في الاسعار لانو لو خفضت السعر حا تجيب بضاعة من وين ؟ ما في استيراد
الجماعة هسي بفكروا في طريقة يخارجو بيها الدولار من السودان لكن هيهات كل الطرق مغلقة عشان كدة حاليا في ناس بتشتري اراضي وفلل ومزارع مميزة داخل السودان بالدولار عشان يخفضوا السعر لانك لمن يعرض عليك زول انه حايدفع بالدولار انت قلبك برف ظنا منك انو الدولار بيحتفظ بي قيمتو احسن من العملة المحلية لكن الكلام ده حاليا ما صاح دي حرفنة من ناس الدولار عشان يشتروا بفرق سعر والعقارات بتحتفظ بي قيمتها سواء باعوا بعد داك بالدولار او العملة المحلية

[ابو خالد]

ردود على ابو خالد
United States [ود التوم] 10-10-2014 07:06 AM
اشكرك جدا جدا السيد خالد / التحليل الرائع


#1122932 [المرعب]
0.00/5 (0 صوت)

10-09-2014 07:33 PM
ياناس الانتخابات الجايه دايره تمويل تقيل لازم كذبه علشان الناس تبيع الدولار المخذن

[المرعب]

#1122859 [طارق عثمان]
0.00/5 (0 صوت)

10-09-2014 05:19 PM
زيطة وزمبريطة

[طارق عثمان]

#1122806 [خرفان الكيزان]
5.00/5 (1 صوت)

10-09-2014 03:00 PM
يوم جاءت ثورة الحرامية ديل سنة 1989 كان سعر الدولار ب4.5 جنيه و الان سعره 9500 جنيه قال خبير اقتصادى قال ههههههههه

[خرفان الكيزان]

#1122720 [جهولة أم سكاسك]
5.00/5 (3 صوت)

10-09-2014 12:47 PM
والله لو قلبتو التراب دهب ومياه السيول اللي غرقتنا بترول مش حانشوف خير منكم يا ترباية الجوع يا جربانين وهو انتو وشكم صباح خير..كفانا ١٠ سنوات غير ما لقفتو واكتنزتو ما عرفنا شئ.

[جهولة أم سكاسك]

ردود على جهولة أم سكاسك
[كوكي] 10-09-2014 05:16 PM
هن 10 سنة واللا 25 واللا الناس بقت تشوت في الآوت


#1122696 [المشتهى السخينه]
5.00/5 (3 صوت)

10-09-2014 11:54 AM
الدولار عالميا هذه الايام ارتفع لاقصى معدل ازاء العملات الاخرى ووصل ارقاما لم يصلها خلال الاربعة سنوات الماضيه كما اشارت التقارير الاقتصاديه .. يعنى تفوق على اليورو والين اليابانى والجنيه الاسترلينى ..الا اننا نلاحظ انهياره امام الجنيه السودانى الرسالى الاسلامى الذى يستدينوا له قيمة الورق واحبار الطباعة ...بالله دى مش من علامات الساعة ..؟ ؟

[المشتهى السخينه]

#1122677 [التباري]
5.00/5 (3 صوت)

10-09-2014 11:16 AM
طبعا ناس الانقاذ الفاسدين لو لاحظتو ليهم فترة طويلة ما بيتكلمو عن الاقتصاد والذهب والبترول والمستثمرين الاجانب وقطر والمورنجا وكيك وكووك لانو كضبهم كمل وماعندهم شيئ جديد الا في الايام الفاتت دي لقو حجة انو الدولار سعرو نقص وبداوا يحلموا ويلوكو في الكلام دا صباح ومساء.

لكن ياجماعة انتظروا بس الاسبوعين الجايات وشوفو الحيحصل شنو في سعر الدولار.
هو ح ينقص السعر من وين؟ لا في انتاج محلى يغطي الفجوة ولا تصدير يجلب عملة صعبة والفساد كل يوم في زيادة!!!!!

[التباري]

ردود على التباري
United States [خالد حسن] 10-10-2014 04:42 AM
للخفير الأقتصادي
قول لينا كلام يدخل المخ مثل الآتي
1- سنعيد لخزينة الدولة 80 مليار مهربة من خونة الوطن
2- أحالة الآلاف من موظفي الدولة الفاسدين للسجون لتجاوزات مريعة في أقرار الذمة
3- جهاز المحاسبة والمراجعة والشفافية يكتشف عمليات نصب كبري تطال مسئولين كبار
4- أفتتاح مشاريع أنتاجية كبرى برأسمال وطني خالص وبطاقة أنتاجية عالية
5- ذيادة ملحوظة في إحتياطي بنك السودان من العملات الصعبة والمعدن النفيس


#1122648 [ودالشريف]
4.75/5 (4 صوت)

10-09-2014 10:47 AM
قال خبير 25 عاما من الدمار الشامل والوعود الكاذبة واليوم تتحدث عن انخفاض الدولار فى مقبل الايام وشرحت اسباب ذلك بان الخريف ناجح فهل المساحات المزروعة تكفى اهل السودان لنصدر منها وتاتى بعائد او ترحمنا من الاستيراد وهل انتم قدمتم للمزارع اى خدمات واعفاءت من جباياتكم ليزرع ياجماعة والله حبل الكذب قصير استحو وخافو ربكم انه يمهل ولايهمل لايوجد اى انتاج يدعو للتفاؤل وانتم تكذبون نعم هناك انخفاض فى سعر الدولار وهذه طبيعة اسواق وحركة النقد ولكن سيعود للارتفاع لاننا لا نشجع الانتاج والمنتج بل نحطم المنتجيين ونحاربهم فى ارزاقهم انتم لم تحكمو السودوان الا لتدميره لانكم طوال حكمكم لم تعملو اى شي لرفعة السودان بل لتمزيقه وتخريبه انتم مكانكم مزابل التاريخ والايام بيننا يا خبير وياريت لما يرتفع الدولار تطلع وتعتزر عن سؤ فهمك وتقديرك وتعترف بانك مخطئ فى التقدير وانحنا ما خبراء لكن يقول المثل كان ما متنا شقينا المقابر

[ودالشريف]

#1122619 [المتغرب وطافش]
5.00/5 (2 صوت)

10-09-2014 10:26 AM
المصيبة ما فى الكذب , المصيبة فى الايمان بالكذب .

[المتغرب وطافش]

#1122581 [سودانى]
4.75/5 (4 صوت)

10-09-2014 09:31 AM
عليك الله يا محمد الناير بطل الكلام الفارغ ده و شوف ليك ضربه جامده و اتخارج ما كضب
لينا كل يوم نحن ما ناقصين - متملق و فاسد روح يا كوز ههههههههههه قال انخفاض سعر الدولار ههههههه جيبتا الدكتورة من وين - و قال خبير اقتصادي انت بتفهم شنو في الاقتصاد

[سودانى]

#1122571 [محجوب عبد المنعم حسن معني]
4.75/5 (4 صوت)

10-09-2014 09:13 AM
كلام علمي نظري سليم مافي شك في ذلك وهذا هو الاقتصاد الذي درسناه ومارسناه يا دكتور.
لكن التطبيق في هذه الحكومة شئ اخر.

هناك كارثة مالية عالمية اخرى في الطريق سوف تضرب جميع الاسواق،سوف يصاحبها كساد عالمي.


اسعار البترول بدأت في الانهيار على الرغم من دخول فصل الشتاء.

تكاليف الحروب التي تدور رحاها هذه الايام للقضاء على التنظيمات الاجرامية.

احجام المستثمرين عن الدخول في مغامرات غير محسوبة النتائج.
اخشى ان يخرج علينا وزير المالية الجديد بفرية كسابقه بأن هذه العوامل لن تؤثر على اقتصادنا.

وتكون النتيجة الرماد كال حماد.
مع مؤدتي

[محجوب عبد المنعم حسن معني]

#1122564 [عادل السناري]
4.94/5 (5 صوت)

10-09-2014 09:04 AM
القادم أسوأ -- الانقاذ افلست -- التصريحات الصحفية عمرها ما حلت أزمة اقيصادية هيكلية مزمنة --- كشات تجار العملة في برندات السوق لا تشكل حل لسعر صرف الجنيه -- و الحل المعروف هو وفرة الدولار في المنافذ الرسمية بالسعر الذي تحدده الدولة -- لكن هيهات - هيهات .

[عادل السناري]

#1122543 [shah]
5.00/5 (3 صوت)

10-09-2014 08:14 AM
والله القطبى سارق اللحم و اللبينى ما يخلي الجنيه الا اسفل سافلين.

[shah]

#1122542 [وبت البلد]
5.00/5 (8 صوت)

10-09-2014 08:11 AM
انتو قبل يومين ماقلتو سبب النزول ده زيادة اعداد المغتربين بالخارج وزيادة تحويلاتهم مالكم كل يوم براى وبمكنة جديدة

[وبت البلد]

#1122522 [أبو هادي]
4.94/5 (7 صوت)

10-09-2014 07:01 AM
وأقول لك كل الدلايل تشير أنه في القريب العاجل سيقفز بالزانة ليصل للعشرة ألف ..

[أبو هادي]

#1122520 [abbadi]
5.00/5 (1 صوت)

10-09-2014 06:55 AM
ولكنه قال ان ذلك يتوقف علي توظيف هذه العائدات المتوقعة بالطريقة المثلى التي تحقق الهدف المرجو منها
كلام جميل لو صدقت النوايا والبلد بها خيرات كثيرة

[abbadi]

#1122519 [ابو احمد]
4.94/5 (6 صوت)

10-09-2014 06:53 AM
كضب صريح.والله لازراعة .ولا زيادة انتاج. الان قابلت خبير في الاحصاء قال لي كل المؤشرات فقدناها .فلم نستطع قياس نسبة التضخم.وماتقوله الحكومة كذب وتلفيق

[ابو احمد]

#1122518 [الجعلي الفالصو]
4.94/5 (12 صوت)

10-09-2014 06:51 AM
أنت يا دكتور خبير اقتصادي وأنا زول عنقالي ساكت أقول الآتي:
أولا لن ينخفض الدولار لأن ما حدث إنما حدث بسبب اختفاء المضاربين لظروف العيد وللحملة التي قامت بها الحكومة ضد السريحة
ثانيا التخفيض قام به التجار التابعون للحكومة وغواصات جهاز الأمن في سوق العملة
ثالثا زيادة النفط جزء من الفبركة لأحداث بلبلة في السوق وهلع في نفوس التجار ، وإلا قل لي ماذا استفاد الاقتصاد عندما كان النفط وأنابيبه خالصة للحكومة؟؟!
رابعا لم تكن الزراعة في أي يوم من أيام الإنقاذ المشؤومة سندا للاقتصاد وموردا للعملات ولن تكون لأن الزراعة انتهت في عهد الإنقاذ يا خبير الهنا
خامسا جودة الخريف ليست مقياسا لتحسن الاقتصاد لأن الخريف وحده لا ينتج محاصيل وإنما هناك الإنتاج للمزروعات وعملية الحصاد والسلامة من الآفات ثم الحافز الدافع للمزارع وهذا كله أمر غير مؤكد
سادسا ما يأتي على كل المنتج من زراعة وبترول الصرف غير المرشد على مؤسسات غير منتجة حيث ستبتلع هذه المؤسسات كل الناتج وبالتالي لن يؤثر ذلك في قيمة الجنيه
سابعا سيكون الصرف على الانتخابات المضروبة واحدا مما يقضي على قيمة الجنيه ، وبعدها ستستأنف الحرب بفعل غباء قادة المؤتمر الوطني وعنجهيتهم وستأتي على الأخضر واليابس
ثامنا لو كنت تاجر عملة لشرعت في الشراء وبقوة لأن واقع البلد المأزوم لا ينبئ إلا بمزيد من الأزمات فالذين أضاعوا الوطن وقسموه ودمروا اقتصاده لا يزالون على سدة الحكم ولا زال خبراؤهم الأغبياء الجهلة أمثال د/ الناير يمارسون التضليل فليس هناك أمل لمستقبل لا في الاقتصاد ولا في التعليم ولا في الأمن ولا في شيء
تاسعا كيف للاقتصاد أن ينتعش وقد غادر الخبراء الحقيقيون من أساتذة الجامعات السودان ولم يبق منهم إلا المتردية والنطيحة من كوادر الإنقاذ الذين لا يفقهون شيئا

[الجعلي الفالصو]

ردود على الجعلي الفالصو
United Arab Emirates [Kudu] 10-09-2014 11:39 AM
مليون like ايوه كده علموهم بالحجة وبالمنطق


#1122509 [طارق الباز]
4.88/5 (6 صوت)

10-09-2014 05:23 AM
توقع الخبير الاقتصادي؟؟؟؟ اين الاقتصاد حتى يكون له خبير؟؟؟

[طارق الباز]

#1122497 [التمساح العشارعي]
5.00/5 (3 صوت)

10-09-2014 03:59 AM
كلامك دا هسع سيل لعاب التماسيح ليس إلا.

[التمساح العشارعي]

#1122495 [ودالمسعوديه]
4.99/5 (11 صوت)

10-09-2014 03:27 AM
ما قريت الخبر
بس هو حزب البشير كان فيهو خبير كان وصلنا للوصلنا ليهو ده ؟؟؟؟؟

[ودالمسعوديه]

#1122483 [fatmon]
5.00/5 (9 صوت)

10-09-2014 01:42 AM
لا يمل هؤلاء ابدا ابدا من الكذب والضحك على الناس على عينك يا تاجر صحي الاختشو ماتوا

[fatmon]

#1122469 [ود احمد]
4.99/5 (8 صوت)

10-09-2014 12:34 AM
اسمع جعجعة ولا ارى طحنا هكذا تعلمنا من السني العجاف للانجاس الذين هربوا اموال الشعب للخارج ودمروا المشاريع وباعوا اصول الدولة وهميا لصالح الحزب الشيطاني

[ود احمد]

#1122455 [النجمي]
5.00/5 (5 صوت)

10-09-2014 12:06 AM
اسبووووع من العيد .. نقعد جنب الحيطة ونسمع الزييييطة .. الكلام ما بقروش ..

[النجمي]

#1122449 [الاشعري]
4.94/5 (5 صوت)

10-08-2014 11:49 PM
دة بحلم وكذاب ومنافق كبقية اعضاء حزبة وهو موتمر وطني لن يستطيع ان يقول غير ذلك
سوف يرتع بقوة

[الاشعري]

#1122448 [المهندس سلمان إسماعيل بخيت على]
4.00/5 (12 صوت)

10-08-2014 11:46 PM
ماتفرحوا أوى تحسن سعر الجنيه كان نتيجة لأن المضاربين فى العملة كلهم كانوا فى الحجاز عشان يمسحوا ذنوب العام المنصرم ولمان سافروا قفلوا مطبعة العمل وشالوا المفاتيح معاهم عشان مافى شخص يطبع عمله فى غيابهم ولمان رجعوا المطبعة حتدور والمليارات من الجنيهات حتنزل السوق تبحث عن الدولار
الدولار شحيح والعملة المطوبعة فى المنطقة الصناعية بمطبعة حزب المؤتمر الوطنى دون تغطية دهب حتباشر الطباعة من خلال 3 ورديات فى اليوم كل وردية 8 ساعة خاصة وأن الأنتخابات على الأبواب ومشايخ الطرق الصوفية عاوزين مليارات عشان يدوا الفاتحة لكل من فى زريبتهم عشان يصوت للمؤتمر الوطنى
عشان كده نتوقع مع نهاية عام 2014م ان تصل قيمة كل واحد دولار أمريكى الى 20 ألف جنيه سودانى

[المهندس سلمان إسماعيل بخيت على]

ردود على المهندس سلمان إسماعيل بخيت على
Bahrain [المتجهجه بسبب الانفصال] 10-09-2014 07:10 AM
Excellent and interesting
Thank you Engineer Salman> We always wait for your constructive and informative comments



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة