الأخبار
أخبار إقليمية
اعتقال طالب بريطاني يدرس في جامعة (مأمون حميدة ) بتهمة الارهاب‎
اعتقال طالب بريطاني يدرس في جامعة (مأمون حميدة ) بتهمة الارهاب‎
اعتقال طالب بريطاني يدرس في جامعة (مأمون حميدة ) بتهمة الارهاب‎


10-10-2014 04:56 AM
ترجمة عبدالوهاب همت

ذكرت صحيفة التلغراف اللندنيه الصادرة اليوم , اضافة الى صحف أخرى أن السلطات الامنيه قد قامت باعتقال أربعة طلاب تتراوح أعمارهم مابين 20 الى 21 عاما, بعد تلقيهم تدريبات في سوريا وربما قضوا بعض الوقت في الصومال.
ومن بين المتهمين طارق عبدالرحمن حسني والذي يدرس الطب في جامعة العلوم والتكنولوجيا في السودان والذي تقول بطاقته الجامعيه أن اسمه طارق عبدالرحمن حسان , من الدفعه 20 ورقم هاتفه 0123898826 ورقمه الجامعي
MD_ 2013-167
وفصيلة دمه ( أو نقاتيف)
وكانت قوة تابعه للاسكوتلاند يارد قد قامت بمتابعة طارق حسني(كما أوردت وسائل الاعلام اسمه) واعتقاله بعد متابعه استمرت عدة شهور , تحت دعاوى مكافحة الارهاب. وطارق الحسني أو طارق حسان بريطاني من أصول مغربيه يسكن مع والدته وشقيقته في منطقة كنقستون غرب لندن , وذكرت محطة الاخبار الرابعة أن طارق عاد الى بريطانيا يوم الاحد الماضي وتم اعتقاله أول أمس الثلاثاء وتعتقد السلطات ان طارق ومجموعته لهم صلات مع جهات ارهابيه في سوريا وشرق أفريقيا , وان هناك 500 شابا وشابه من بريطانيا سافروا الى سوريا وتدربوا على أعمال التفجيرات والعبوات الناسفه.
يذكر ان جامعة العلوم الطبيه والتكنولوجيا يمتلكها البروفيسور مأمون حميدة وزير الصحة في ولاية الخرطوم وهو من من الكوادر الاسلاميه المعروفه في السودان.


تعليقات 24 | إهداء 0 | زيارات 14799

التعليقات
#1123845 [Sam]
0.00/5 (0 صوت)

10-11-2014 07:04 PM
تسلم يا عمار وانتا يا عثمان ابيولا روق في علبك و ما بقول ليك مصادري

[Sam]

#1123632 [كوش]
5.00/5 (1 صوت)

10-11-2014 12:36 PM
جامعة مأمون قعونج للملطشة والتفريخ الإرهابي

[كوش]

#1123522 [alihassansalouka]
5.00/5 (1 صوت)

10-11-2014 09:27 AM
طيب جامعه مامون فيها من كل بستان زهره
مثلیین،حشاشین،شرا،،،،،،
مامون الا یجیب غربال او حاجه کده للتصنیف

[alihassansalouka]

ردود على alihassansalouka
United Arab Emirates [garfan] 10-11-2014 07:38 PM
اتقي الله يااخي. ماهذا الكلام العبثي والا مسؤول. هذه الجامعه مليئه ببنات واولاد الناس فكيف تسمح لنفسك ان تصفهم بهذه النعوت السخيفه


#1123427 [fcc]
4.88/5 (7 صوت)

10-10-2014 11:38 PM
اية الغريب فى هذا...واحد متطرف يدرس فى دولة ارهابية ونهاينو ح تكون داعشبة.

[fcc]

#1123407 [الليل]
5.00/5 (3 صوت)

10-10-2014 10:43 PM
والله كل يوم يتضح اللبس.
التنظيم عالمي. والمؤسسات تنظيميه. والجامعات( كذلك) والمعسكرات (ثم لو )
والحلقات تترابط وينكشف المستور في اجتماعات القادة .

[الليل]

#1123399 [Sam]
4.75/5 (4 صوت)

10-10-2014 10:26 PM
انتا يا المسمي عمار درستا لغه و ما عمرتا فيها لانو دا بصراحه دا ما مستوى زول قرأ في بريطانيا ممكن تكون قريت في ابسكول جيرج في حي البوسته امدرمان خليك من بريطانيا البعيـــــــــــده ديك - بقولو ليك الزول مغربي تقول بريطاني ؟ وليه فشل في دراسه الطب هناك و جاء السودان - الزول يا انطح ما مشى بريطانيا الا لمن جاء السودان مستقطب من بلدو و موجه للسودان حيث حاضنه الارهاب و حتى فلوس دراستو مدفوعه ليهو من ناس حور العين واشباههم و بعد داك مشى هناك اتلما مع بقيه المبشرين ب ادجور رود و هايد بارك كورنر فحاول يا ود امي اقرأ الخبر سطر سطر و نقطه نقطه و علق وبطل الشفقه الشديده دي

[Sam]

ردود على Sam
Saudi Arabia [osmanaboali] 10-11-2014 04:55 PM
عايز اعرف في مصادر غير الجرائد البريطانيةانت بتاخذ منها معلوماتك ولا من راسك الطالب بريطاني الجنسية وحصل على منحة في جامعة بريطانية وهو من اختار ان يدرس في بلد مسلم تنظير رهيب وفبر كة اخبار من الجماجم

United Kingdom [عمار] 10-11-2014 02:26 PM
ههههههههههه حاضر يا عمو , انت بس تآمر


#1123328 [عمار]
5.00/5 (1 صوت)

10-10-2014 06:42 PM
بسم الله الرحمن الرحيم /بصراحه كده خلو القل الجواكم وادعو للسودان وللشعب ربنا يفك كربتنا ويوفق زعمانا لماهو اصلح للوطن

[عمار]

ردود على عمار
South Africa [قال (قل)] 10-10-2014 11:17 PM
(القل) معناها شنو؟

Saudi Arabia [الليل] 10-10-2014 10:30 PM
حلوه زعمانا دي.
زعماكم براكم ياعزيزي يا عمار


#1123300 [الوطني ما المواطن!!!!]
4.00/5 (3 صوت)

10-10-2014 05:08 PM
دس العيش في اللبن!!!
شنو!!الموضوع حميدة قادر يربي اولادو عشان يربي شفع الناس!!! مااي واحد بي اضنين عندو دولار بيقرا في البلد دي في اي دكان خاص!!!!ويتخرج !!!يعني مامون يعمل ليكم فيش وتشبيه!!!! ده عايزكم تموتوا بس ياخد قروشكم اوسه بيقفل ليكم في المشافي بمبايعة الريس!!!!وهو حبيب الامريكان!!!بياخد من البيدفع!!مالمهم من داعش وله من الشيطان!!!!!مش البيفروا ديل اولادكم!!مامون جابم من الفقاسة!!!!والبيدفع لييهو منو!!!مش كلوا عايز يتمنجه!!ويقري ولدو بالدولار وتب!!كمان انشاء يطلع بهيم بس شايل سماعة!!!

[الوطني ما المواطن!!!!]

#1123299 [AburishA]
4.94/5 (10 صوت)

10-10-2014 05:07 PM
يالطيف !!! قبل كم شهر كدا قبضوا بتاع بوكو حرام عندنا.. وكمان قبضوا واحد تاني دعشوشي بيدرس عندنا.. ياجماعة... جامعاتنا هي بتخرّج طلبة ولا طالبان !!!

[AburishA]

ردود على AburishA
[AburishA] 10-11-2014 01:26 PM
لك الشكر اخوي اللحوي..نعم هي تعني "طلاب العلم" وفي العلم زاتو اعتقد "الشرعي او الديني"الا أننا نفصد "الاسم داك" ههههههه لك خالص المودة..

United Arab Emirates [اللحوي] 10-10-2014 09:01 PM
طالبان بلغة(البشتو) تعني طلاب .


#1123287 [موجوع وطن]
5.00/5 (3 صوت)

10-10-2014 04:37 PM
حكومة الكيزان السودانية دربت مجموعة أبوبكر شيكاو وعمر الفاروق و ما يقارب الكتيبة من معتقلي قوانتنامو وجماعة النصرة والجهاد الإسلامي و غيرهم كثر من الأفارقة و العرب و اللآسيويين فتدريب الأوربيين تعد خطوة نوعية و مؤشر خطير غير محسوب من نظام الكيزان حيث أن المجتمع الأوربي يصعب إختراقه حتي من قبل العرب المستوطنيين بالغرب... والنتائج قد تكون كارثية و مهددة لحياة المسلمين المهاجرين لدي الغرب...

[موجوع وطن]

ردود على موجوع وطن
Sudan [nagatabuzaid] 10-10-2014 06:18 PM
لاحظ ما ودوه جامعة افريقيا فقاسة وحضانة تفريخ الارهابيين ودوه جامعة مامون حميدة للتمويه لانها الفقاسة اصبحت تحت المنظار وهو كمغربى بريطانى حيكون مكشوف لكن برضو المنظار وصلوا يعنى ما عبد الرحيم حسين براه بدافع بالنظر الله يجازى بريطانيا نظره قوى


#1123276 [قوز دونقو]
5.00/5 (3 صوت)

10-10-2014 04:08 PM
اللهم أكشف عوراتهم فإنهم لا يعجزونك ؟؟ كل المؤسسات الإستثمارية هي ملك للتنظيم العالمي للإخوان المسلمين ( إخوان الشياطين)) و ما السودان إلا مقر حضانة فقط؟؟ بان رأس الخيط يا الله يا أمريكا ويا بريطانيا شدوا الحيل و أتبعوا الأثر حتما سوف تصلوا لنتائج مذهلة ؟؟؟..
اللهم سلط عليهم من لا يخافك و لا يرحمهم اللهم سلط عليهم جنودك الذين لا يعلمهم سواك ؟؟
اللهم إنهم قتلوا العباد اللهم إنهم إنتهكوا الحرمات اللهم إنهم أحلوا المحرمات اللهم أرنا فيهم يوما عبوسا قمطريرا؟؟ اللهم أرنا يوما أسودا ، ببركة هذه الجمعة المباركة يا الله؟؟؟ و صلي اللهم علي سيدنا و شفيعنا محمد عليه أفضل الصلاة و السلام ..
قوز دونقو

[قوز دونقو]

ردود على قوز دونقو
Netherlands [سكران لط] 10-11-2014 02:27 AM
ما المؤسسات الاستثمارية بس ديل من زمن دانفوديو استعمرو كل حاجات السودان حتى العملها الشعب بعرق جبينو شي بنوك وشركات والبان كافوري ومؤسسات القطن والصمغ ومصانع الغزل والنسيج حتى البقالات عملوها مولات والخوط الجوية وكان فاضل ليهم سكر كنانه وشغالين ليها بيدهم وكراعهم وما تنسى مشروع الجزيرة وعائدات البترول وشركات التنقيب عن الذهب والمعادن كلو كلو ثروات السوان بقت تحت يد التنظيم العالمي يا اخي


#1123274 [عمار]
5.00/5 (3 صوت)

10-10-2014 03:59 PM
يا اخوانا انا فاهم المنشور بس الماقادر اقهمو معقولة طالب بريطاني يخلي جامعات البلدان دي كلها ويجي يدرس ف السودان !!!!!!!!!!!!!!!!!!!!! انا درست في بريطانيا ووعارف مستوي الجامعات هناك كيف وكيف الطلبة بيفكرو , معقولة من بين بلدان العالم يختار جامعة مامون حميدة هههههههه ده تاغموض هنا , بتكون الحكاية كلها تمثيلية وهو ارهابي وفي جماعة سودانية داخلة في الموضوع والبطاقة زاتها عاملينها تستر

[عمار]

ردود على عمار
Saudi Arabia [osmanaboali] 10-11-2014 04:50 PM
انت الفاشل ياسيد كاكا الطالب حسب التلغراف والشرق الاوسط حصل على منحة في جامعة بريطانية ولكن قال انه يريد الدراسة في بلد اسلامي ياخي اتعبوا واقروا شوية وتاخذوا الخبر من مصدر واحد وتنظروا

Saudi Arabia [كاكا] 10-10-2014 04:23 PM
افهمك انا اذا الطالب ده فاشل وما قبلوه في اي جامعة بريطانية وفي نفس الوقت هو منطم ومن اعضاء الجبهة الاسلامية حيستوعبوه وين في الفلبين فهمت يا شاطر الدرست في بريطانيا


#1123256 [ود النوبه]
5.00/5 (3 صوت)

10-10-2014 03:11 PM
السودان بلد مليان ارهابيين من 1989, كارلوس مش قبضوا فى الخرطوم. اي ارهابي طافش لو فتشوا الخرطوم بيلقوه.

[ود النوبه]

#1123251 [بومدين]
4.88/5 (6 صوت)

10-10-2014 02:50 PM
حولوا الفضل من السـودان لمكب نفايات دواعـش الـعـالـم .. اسامة بن لادن ، كارلوس ، الجماعات المجرمة التي قتلت المصليين في مساجدهم ، والفنانيين في دورهـم ، النيجيري من بوكو حرام والذي فجر نيجيريا وإندس في جامعة أفريقيا ..
هـذا الظاهر من جبل الجليد ، وماخفي أعـظم .. هـذه عـصابة مزقت البلاد وشـردت وهلكـت وجوعـت الـعـباد وإسـتباحـت الفضـل من وطـن وعاثوا فسـاد ..
ما فعله تجار الدين هو أنهم شرّعوا أهواءهم وجعلوها من الدين الذي اتخذوه شعارا وعباءه تخفي تحتها وحوش كاسره ،وشـذاذ آفآق فاسدين مفســدين ، ليصلوا به إلى الحكم ، حلمهم الذي لأجله أقاموا حزبهم ..
لاتوجد فاحشة ولاكبيرة نهى الله عنها الا فعلوها بكبر ، فالزانى منهم يعفون عنه ، والحرامى تفتح له الابواب ( ليتحلل ) ويسرق اكثر ، والمخادع تفتح له وسائل الاعلام لينشر الكذب والدجل والـضـلال ، والقاتل منهم يقود الكتائب والجنجويد ليمارس هوايته فى القتل والتنكيل بالمعارضين والشرفاء من ابناء السودان ، بل حتى النساء لم يسلمن من القتل والاغتصاب والتعذيب .. دونكـم مافـعـلوه أخـيرا بطالبات جامعـة الخرطوم من فظائـع .. !!.
الـي مـتي صــبر الـحـمير هــذا .. ماذا ننتظـر والوطن يتســرب مـن بين أيدينا يذوب ويتلاشــي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

[بومدين]

#1123249 [zawzaw]
5.00/5 (3 صوت)

10-10-2014 02:43 PM
ياخوانا الفى السودان لو في اى زول درس مع حسان ولا كان ساكن جنب حسان ان يوفروا معلومات عنه و عن سلوكه اثناء وجوده بالسودان

[zawzaw]

#1123238 [Rebel]
5.00/5 (9 صوت)

10-10-2014 02:13 PM
* للعلم, جامعة مامون حميده هى "حاضنه" لتفريخ الإرهابيين من شتى الأجناس:
- لاحظوا الإمتيازات و الحمايه المطلقه التى تتميز بها مؤسسات مامون حميده,
- و لاحظوا الرسوم الدراسيه "الخرافيه" التى تفرضها الجامعه, مما يعنى ضمناانها قاصره - "و بلوائح الجامعه"- على المستطيعين فقط, و هؤلاء, بالضروره, هم ابناء كوادرهم فى "التنظيم العالمى", فهم وحدهم المستطيعون على دفع مثل هذه الرسوم الدراسيه الخرافيه, من مال السحت و الحرام و الفساد.
- و مامون حميده نفسه ليس له سوى "اجر المناوله", بإعتبار ان الجامعه هى إحدى المؤسسات "السريه" التابعه ل"التنظيم الدولى", خارجيا و الدوله "العميقه" محليا.

[Rebel]

#1123222 [ود انقو]
5.00/5 (2 صوت)

10-10-2014 01:16 PM
جامعة مامون حميده تخرج الارهابيين زيها وزي جامعة افريقيا العالميه التى تصدر الهوس الديني وكمان هنالك جامعة الرباطه وسابقا كلية الشرطة والمعاهد جاء اللمبي سواها الرباط رباط ايه وسهر ايه حرامية وكتالين كتل

[ود انقو]

#1123198 [العنطـــــــــــــــــــــج]
5.00/5 (6 صوت)

10-10-2014 12:34 PM
سبحان الله، حتي دمو نيغاتيف مع الاعتذار لاصحاب النيغاتيف من اولاد الحلال!

[العنطـــــــــــــــــــــج]

#1123190 [المشتهي الكوارع]
5.00/5 (2 صوت)

10-10-2014 12:06 PM
يا اخوان الكلام ما واضح --شنو مرة بريطاني ومرة مغربي ومرة سوداني ومرة فلسطيني
وجاء هنا من متين وساكن وين

[المشتهي الكوارع]

#1123186 [حفيد ابوشلوخ]
5.00/5 (2 صوت)

10-10-2014 12:02 PM
دي كويز رايح بركه القبضو

[حفيد ابوشلوخ]

#1123140 [karkaba]
4.75/5 (9 صوت)

10-10-2014 09:43 AM
المدعو عمار انت بتغهم بي 00000 الموضزع واضخ زس الشمش هو من اصول مفربية جاء يدرس في جانعة الحرامي الكوز المدعو مامون 0 حاجة غريبة يهاجروا للغرب ويجعل منهم بشر بعد ان يتركو دولهم بسبب الفقر والجوع والجهل ويجو الغرب ويغيشو في عز ووز من احترام وكرامة ورعاهية لم يحلمو بها غب دولهم المتخلفة الرجعية 0 و بعد يشبعو ينفلبوا علي من اواهم وجعل منهم بشر

[karkaba]

ردود على karkaba
[موجوع وطن] 10-10-2014 04:58 PM
جميل يا كركابة وعشان تدي الكوز في الصميم وتعقيبك يكون فعال.... في أسفل تعليقه تلقي المربع المكتوب فيه (الرد علي) تعمل فيه كلك يفتح ليك صفحة التعليق وشوته طوالي...


#1123119 [Sam]
4.99/5 (7 صوت)

10-10-2014 07:42 AM
سجمك يا بروف قعونج اسمك ظهر مع الدواعش كممول و داعم ولاعب اساسي واخيرا فليفرح ابناء بلادي وليهنو بان كبير الضفاضع سيكون في قبضه العداله الدوليه عاجلا ام اجلا مع اول سفريهله خارج الحدود

[Sam]

#1123097 [من لندن]
5.00/5 (5 صوت)

10-10-2014 05:54 AM
حسب الوارد في الاعلام البريطانى انه طالب فشل في دراسته في بريطانيا لذا تحول ليدرس في السودان ومنه تشرب بالتطرف والارهاب

[من لندن]

ردود على من لندن
Saudi Arabia [osmanaboali] 10-11-2014 04:43 PM
ايها المحلل الاعمى الخبر في مصدره قال ان الطالب منح منحة في جامعة بريطانية ولكن كان يريد الدراسة في بلد مسلم اقرؤا الخبر كامل من المصدر بعدين نظر ومافي زول جابه جاء برغبته

Sudan [nagatabuzaid] 10-10-2014 11:49 AM
ما بكون فشل لكن جابوه لمكب زبالة الارهابيين ضمن برنامجهم التدريبى الارهابى ولذلك كان متابع مامون حميدة ممكن يعمل اى حاجة ويام تظهر فضائح الله يمهل ولا يهمل ولا يرد دعوة المظلومين وحيكون فى تخزين كثير


#1123085 [عمار]
5.00/5 (1 صوت)

10-10-2014 05:19 AM
ده شنو ده , مرة تقول بريطاني من اصول مغربية ومرة تقول الطالب بيقرا في السودان , القصة زاتها ما واضحة برمتها وما فيها شوية غموض

[عمار]

ردود على عمار
[كوش] 10-11-2014 12:37 PM
القصة مافيها أي غموض ..!!
الظاهر الشربوت الكتير خله عقل لتخه

Sudan [nagatabuzaid] 10-10-2014 11:52 AM
القصة انه الجداد الما بحترم الكبار بليد وما بفهم الفهامة كان ركبوها ليه فى راسوا بطرشق من الزعل

Saudi Arabia [زول] 10-10-2014 10:49 AM
عمار يبدو انك اما غبي او ما بتعرف تقرا. الطالب بريطاني من اصلول مغربية و يدرس في جامعة مامون حميدة. اين عدم الوضوح؟؟؟؟؟؟!!!!

[abugreda] 10-10-2014 09:46 AM
شوية غموض بتاع شنو!!! الأمر واضح هو طالب مغربي يحمل الجنسية البريطانية بالتجنس ودرس في السودان بجامعة مأمون حميدة زيو وزي الطلبة الأجانب البجيبوهم الكيزان عشان يدرسوا في السودان ويجندوهم، مثل ذلك النيجيري من بوكو حرام والذي اتهم بعمل تفجيرات في نيجيريا وقد درس في جامعة أفريقيا. يعني الجامعات السودانية صارت تفرخ إرهابيين للعمل في الخارج بالإضافة للإرهابيين الكيزان الذين يعملون وسط الطلاب داخل السودان.

United Arab Emirates [ابو احمد - أبوظبي] 10-10-2014 09:42 AM
القصة واضحة ومنشورة في الصحيفة البريطانية... الطالب من أصول مفربية وأسرته مقيمة في بريطانيا. قدم للدراسة في جامعة بريطانية لكنه لم يستوفي الشرط المطلوبة فلم يقبل حسب إفادة المتحدث باسم الجامعة . بعد ذلك قدم للدراسة في جامعة سودانية وتم قبوله ..

[awadalamin] 10-10-2014 09:23 AM
ليس هناك غموض اخى عمار فالموضوع طالب بريطانى من اصول مغربية يدرس فى جامعة مامون حميدة فى الطب وكان يتردد على سوريا ومصنف من الجماعات الارهابية وراقبته الاجهزة الامنية البريطانية وقبض عليه بعد حضوره من سوريا بعد يومين من وصوله.يعنى جامعة مامون حميدة بتفرخ بعض الجماعات الارهابية.

Sudan [ابراهيم] 10-10-2014 08:54 AM
عامل فيها أطرش وما فاهم حجة ،،، وحتى من ملخصك الكلام واضح ،،، طالب بريطاني من اصول مغربية وبيقرا في جامعة العفن السودان , ليهو ارتباطات بالإرهاب ،،، وتم اعتقاله بعد عودتو لبريطانيا !!! وين الغموض فى الخبر ،،، عاوزها بالتفاصيل المملةأدخل موقع صحيفة التلغراف البريطانية ،،،، عالم!!

Qatar [mohammed alnoor] 10-10-2014 08:25 AM
شنو الماواضح !!
مغربي عندو حواز بريطاني و بيدرس في السودان ... ياخي يمكن ما جاب مجموع يدخله اي جامعة في بريطانيا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة