الأخبار
أخبار إقليمية
وزيرالدولة بوزارة النفط يكشف عن قرب إكتمال البني التحتية لحقل سفيان النفطي
وزيرالدولة بوزارة النفط يكشف عن قرب إكتمال البني التحتية لحقل سفيان النفطي
وزيرالدولة بوزارة النفط يكشف عن قرب إكتمال البني التحتية لحقل سفيان النفطي


10-10-2014 04:36 PM
الخرطوم (سونا) - كشف وزير الدولة بوزارة النفط د. محمد زائد عوض موسى عن قرب إكتمال البني التحتية لحقل سفيان النفطي وإدخاله منظومة الحقول المنتجة في الفترة المقبله مشيراً الى أن هنالك جملة من المشاريع تعكف على تنفيذها شركة بتروإنرجي من أجل زيادة الإنتاج النفطي بالبلاد.
وهنأ زائد لدى زيارته التفقدية اليوم لسير العمل بالشركة التي تعمل بمربع 6 النفطي العاملين بالشركة بمناسبة عيد الأضحى المبارك مشيدا بادائهم وهم يرابطون خلال عطلة العيد بحقول النفط في ظروف قاسية بعيداً عن أسرهم يصارعون طبقات الأرض من أجل رفعة الأقتصاد السوداني .
ووقف سيادته على سير العمل بالخط الناقل للخام من حقل سفيان الى حقل حديدة ومنها يواصل الخام رحلته صوب محطة المعالجة المركزية ببليلة بسعة ثمانية بوصة بطول 65 كم .
ودفع سيادته بجمله من الموجهات الادارية والفنية من اجل إنهاء العمل بالخط وزيادة الانشطة الاستكشافة بالمربع مؤكدا أن الشعب السوداني يعول على زيادة الانتاج النفطي داعياً العاملين الى بذل مزيد من الجهد من أجل تحقيق تطلعاته ،مضيفاً إن زيادة الانتاج النفطي والتوسع في مشاريع البنية التحتية لصناعة النفط لاتأتي إلا عبر مزيد من التضحيات ، كما وقف سيادته على سير العمل بمحطة المعالجة المركزية ((cpf))بحقل بليلة واشاد بالتكنلوجيا المتطورة التي تستخدمها شركة بتروإنرجي في معالجة الخام وتصفيته وثمن سيادته مشروع إستخدام الغاز المصاحب لإنتاج النفط في توليد الطاقة الكهربائية وقال إن هذا المشروع يزيد الانتاج و يقلل من التكاليف .


تعليقات 13 | إهداء 0 | زيارات 5675

التعليقات
#1123928 [ابو طارق]
0.00/5 (0 صوت)

10-11-2014 10:45 PM
كم جردل ومتى يا ذكى حوامه وبس

[ابو طارق]

#1123880 [زول ساكت]
0.00/5 (0 صوت)

10-11-2014 08:38 PM
وهو القديم شفنا منو شنو تقولي بليلية وحديدة ومديدة

[زول ساكت]

#1123670 [د.ابو علي]
0.00/5 (0 صوت)

10-11-2014 01:36 PM
كم ينتج هذا الحقل

[د.ابو علي]

ردود على د.ابو علي
United States [محمد أحمد] 10-11-2014 04:14 PM
لسه ما عملوا القسمه, يعني الحكومه تشيل كم والحزب يشيل كم والأسرة الحاكمه تشيل كم. وبعدين الإنتاج القديم شفنا منو شنو.


#1123588 [الكردفاني العدييييييييييييييل]
0.00/5 (0 صوت)

10-11-2014 11:37 AM
امن اجل ان تزيد البطون المتخمة... ام من اجل الجياع والعطشى والبؤساء.... والرقاص .... مازال يحج باموال .... المساكين الذين لا يجدون حقنة ملاريا... امن اجل مزيد من .... الاستعلاء والتجبر والعنجهية .... والرقيص .... ؟؟؟؟!!!!

اين حارقي البخور..... والدلاليك والمدلكاتية. ؟؟؟؟؟؟؟؟؟؟

اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........
اللهم عليك .... بعصابات الارجاس اقطعهم .... تك.........

[الكردفاني العدييييييييييييييل]

#1123569 [شهنور]
0.00/5 (0 صوت)

10-11-2014 10:51 AM
هذا الدكتور لم يذكر فى تصريحه اى ارقام وهنا تكمن مصيبة البلد نعم دائما عوجة البلد من المتعلمين اللهم اخرجنا من هؤلا الظلمه.

[شهنور]

#1123524 [زول وطني غيور]
5.00/5 (1 صوت)

10-11-2014 09:33 AM
إذا لم ينعكس البترول على حياة الإنسان السوداني العادي لا فائدة من إستخراجه ومن الأفضل أن يبقى في باطن الأرض كما قال بعض المعلقين ..

[زول وطني غيور]

#1123437 [yassir]
4.00/5 (3 صوت)

10-11-2014 12:12 AM
هذا الوزير لقد عمل دكتور بجامعه الخرطوم ولهو العديد من الدراسات الجيولوجيه وهي مرجع لكل الابحاث الجيولوجيه ويدرس العديد من الكورسات داخل وخارج السودان لقد عملت معه العديد من السنوات وهو لايخشى فى الحق لومه لائم وهو دائما يذهب بنفسه الى الحقول ليسمع مت اصغر عامل وهو ليس ممن يحبون الحراسه والزخم والسلطه واشهد له بانه يعمل لوطن اسمه السودان وماديا ليس لحوجه لوظيفه وزير او غيرها
انا متاكد تماما ان من يحرسونه ياكلون معه فى صينيه واحده اسال الله ان يستمر في هذا المنصب
كل من درس بجامعه الخرطوم يعلمونه تماما

[yassir]

ردود على yassir
Sudan [زول من حديده] 10-12-2014 01:19 AM
يا سيد ياسر منو القال ليك ما زول حراسات والحاجات دي...خير دليل إنو كان معانا أول أمس....في زياره وما هي بالتفقديه لينا...ونزل من الهيليكوبتر ومسافتو مننا دقيقه واحده بالكرعين...(أرجل يعني)تقول لي لا يخشى في الحق وما عارف شنو وتفقد...وبيقعد في صينية واحده..وكمان يحب الزخم والظيطه والظمبليطه....ما كلف نفسو يتفقد العاملين المساكين المعيد بره أهاليهم....وده ديدنهم...يظهرون لكم الوجه الملائكي..وإنتو مساكين تصدقوهم...
.
.
.
كسرة أخيره ع قول الفاتح جبرة...

الإنتاج خبرو شنو؟؟؟ ؟؟؟؟ ؟؟؟
لو عرفته يا ياسر وري الوزير ...لأنو نحن ما ح نوريهو :)

Qatar [الكردفاني العدييييييييييييييل] 10-11-2014 11:41 AM
العبرة ... يا ياسر .... بعد حلب اللبن.... في من يشريه.... ابسطاء الشعب ام ...... جشعي الارجاس .... هذا هو الذي .... يجعل الكثيرين من ذوي القلوب والايدي الطاهرة ... يبتعدون.......... عمن تخالف افعلهم اقوالهم......

Saudi Arabia [الدماكي] 10-11-2014 09:43 AM
صدقت الدكتور محمد زايد عوض نعم الرجل ، فقد عرفته لسنوات طويله عن قرب وهو رجل خلوق بلا شك ، و نشط و متدين ربنا يوفقو الى ما فيه خير البلاد والعباد.


#1123402 [radona]
1.88/5 (4 صوت)

10-10-2014 10:33 PM
من الافضل ان يبقى البترول في باطن الارض كمخزون حتى يسقط هذا النظام حتى لا تضيع عائدات هذا النفط كما ضاعت عائدات نفط الجنوب منذ نوفمبر 1998م حتى نوفمبر 2011م بعد انفصال الجنوب والتي لم تصرف على زراعة ولا صناعة وضاعت في الفساد
المؤمن لا يلدغ من جحر مرتين
اتركو البترول في مكانه بباطن الارض حتى قيام الانتفاضة المباركة واجتثاث الفساد
والى هنا يكفي جدا

[radona]

#1123356 [موجوع وطن]
3.00/5 (2 صوت)

10-10-2014 07:44 PM
دققوا إخوتي القراء في خطي مشروع الكيزان الحضاري والتدرج المصاحب لنفستهم حيث وصل تأصيلهم لمرحلة سفيان بن أمية منحدراً لزوجته هند و أبي لهب و أبوجهل والتأسي واضح في أفعالهم..

[موجوع وطن]

ردود على موجوع وطن
United Arab Emirates [البشرى] 10-13-2014 07:25 AM
لاداعى لسب الصحابة أو الإنتقاص من شأنهم بسبب هؤلاء ..


#1123343 [ادروب الهداب]
1.00/5 (1 صوت)

10-10-2014 07:10 PM
قلنا فبركات العصابه اليومين دول عشان اﻻنتخابات وبعدها زي العاده البترول وعائده لجيوب العصابه وتمويل اﻻرهاب
العالمي .......

[ادروب الهداب]

#1123318 [nagatabuzaid]
2.50/5 (2 صوت)

10-10-2014 06:10 PM
لرفاهيتكم يا وزير شراء الاسلحة وشراء المرتزقة لحماية حكم سفيه الشعب صاحب النفط لن يذوق منه شىء انظر الصورة وهى عكس صادق للحال حتى العسكرى الواقف لحراسة الجحمان الشره مسيكين جوعان عينوا بارزة وجاحظة من سوء التغذية يا مخلوق اديه معاك صدير جدادة ده الواحد بدى الكديسة حتة لحمة فما بالك بالحارس الواقف سلك يحرسك يا ربى بحرسك من قدر رب العالمين كان جاك بخنقة ولا شرقة تمرق بروحك ؟
الزول بكوضم ما جايب خبر الدنيا

[nagatabuzaid]

#1123315 [Big Mouth]
3.94/5 (5 صوت)

10-10-2014 06:01 PM
البحصل شنو لو الناس دي رفضت تمشي الشغل يعني عصيان مدني عديل, يبدا بالقطاع الخاص اي بتاع بزنس، سمسار، بقاله، ورشه، طبليه، خدرجي، بوتيك، مغلق، تحويل رصيد... كلهم يبطلو يمشو الشغل لمدة اسبوع و اذا امكن يحضِّرو للاسبوع ده بمخزون علي قدر استطاعتهم, بعد كده القطاع الحكومي حيتلحلح شويه لانو وضعو معقد و ممكن الموظف يدخل في حيص بيص و امن و تحقيق لو عمل عصيان شان كده بخاف, لذلك الحل انو العصيان يبدا من القطاع الخاص و اكيد حيتبعو الحكومي, اساسا الناس لا ماكله لا شاربه شنو يعني لو وقفت الحياه الاساسا واقفه لمدة اسبوع بس, اسبوع واحد مافي زول يمشي الشغل الناس تتكل و تقلل حركتها عشان ما يكون في اجهاد و جوع, اقعدو في البيوت و احضرو المسلسلات المدبلجه الما عندها نهايه دي و ممكن تحولو للقنوات (عدا الجزيره) لانو موضوع العصيان حيكون انتشر و بكده الشغله حتكون رسميه و الاعلام حيساهم فيها بقدر كبير حتي لو بدت من مدينه واحده مجرد ما الناس اليائسه تسمع باقي المدن حتبطل و بعد كده النظام ما عندو خيار الا يتكل علي الله.
شعب جيعان حيجيهو شنو لو جاع زياده؟؟ كلو جوع في جوع لكن التاني بينتهي من النظام في غمضة عين. لا تولعو شموع لا تدقو الصفيح لا حلل التمبلباي, حل بسيط لمو ليكم (اصطوك) اكل من النواشف و لمو عيالكم و ما تمرقو نهاااااائي.
بالنسبه للاصطوك من الطعام و المواد الغذائيه, المسأله دي حتكون ابسط لو تمت علي اساس تعاوني يعني زي الضرا بتاع رمضان و اي حي سوداني بكون فيهو الغنيان و الفقير رغم انو المعفنين ديل ما خلو للغني فرقه في البلد دي, فممكن الناس الممهوله و الميسوره تعمل بلنص للشغله و تتشايل الحكايه لأنو اكيد بكون في ناس ما لاقيه حق الفطور ناهيك عن الغدا بل ناهيك عن اصطوك لمدة اسبوع, بالتالي الكلام و النقاش و التنسيق ضروري في المسأله دي, و انسب وكت علي ما اعتقد هو المسا في الميادين الناس تقعد زيها و زي اي ونسه عامه تتفاهم و ما تخافو من الغواصات و الكيزان و بتاعين اللجان الشعبيه المعرصين, ما بيقدرو يعملو حاجه و ما ضروري زاتو الناس تسميهو عصيان سموهو اي حاجه (اجازه, تكله, كسرة عمود, ياخي ماشين رحلة في حلتنا)!! المهم الناس تبدا بالاقربين زملاء الوجع و رفقاء التذمر و الاحتجاج علي سياسات الدوله بعد داك صدقوني البلد ما حيفضل فيها كوز و حتلقوهم كلهم بقدرة قادر بقو تبع العصيان ليه لأنهم جبانين و حاجه زي دي ما بتوقعوها و كان اكتشفوها زاتو ما عندهم ليها حل .... العصيان المدني هو اسلم الحلول لشعب جائع منهك تعبان و فتران و عندو سوء تغذيه ,,, يللا ورونا الراي شنو؟؟
و الناس ما تاخد الاقتراح ده كمناسبه للايكات و عدم الموضوع دايرين نقاش يولد افكار و كل الاحداث المهمه في تاريخ البشريه بداياتها كانت باهته و ضعيفه لكن اتحققت بالنقاش و مشاركة الافكار ,, وصيه اخيره ما تهتمو و لا تردو علي الجداد.

[Big Mouth]

ردود على Big Mouth
United Arab Emirates [النوباوى] 10-11-2014 02:27 PM
لو انت ما عايز تمشى الشغل اقعد براك فى بيتكم

يا اخى يقولوا ليك تيس تقول احلبوه

Sudan [مجاهد] 10-11-2014 10:07 AM
الناس لو بتتفق كان بنين ناطحة سماء


#1123292 [الجقود ود بري]
3.00/5 (2 صوت)

10-10-2014 04:49 PM
نحن في القرن ال 21 وسيدته بيبشر عن قرب اكتمال البنيه التحتيه.
مكان بعمل انا في مجال النفط اكتمال المشروع بيحدد باليوم وبالساعه كمان
ولا الكلام دا ما سمعوا بيه ؟

[الجقود ود بري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة