الأخبار
أخبار إقليمية
الجيش الحكومي : عمليات شرسة ضد التمرد قريباً
الجيش الحكومي : عمليات شرسة ضد التمرد قريباً
الجيش الحكومي : عمليات شرسة ضد التمرد قريباً


10-11-2014 09:39 AM
أعلنت القوات المسلحة السودانية سيطرة قواتها على كافة مناطق انتشارها ومسؤولياتها بولاية جنوب كردفان. وأكد قائد الفرقة 14 كادقلي بجنوب كردفان اللواء عبدالهادي عبدالله استعداد القوات المبكر لخوض عمليات خلال الأيام المقبلة، وصفها بالقوية والشرسة ضد رافضي السلام.


وأكد قائد الفرقة 14 كادقلي عبدالهادي عبدالله، لـ "الشروق"، أن القوات المسلحة تتمتع بروع معنوية عالية في كل مناطق مسؤولياتها، وانفتاحها بمناطق الرشاد وتجملا ومورنج بجنوب كردفان.


وقال إن "أفراد الجيش بالخطوط الأمامية يتسمون بروح معنوية عالية، حيث وجدناهم بالخطوط الأمامية مرابطين وجاهزين لدحر التمرد بالولاية خلال الأيام القليلة القادمة". وأوضح أن الزيارة جاءت للوقوف على أوضاع المقاتلين.


وأضاف عبدالله أن الجيش ملتزم بمسؤوليته الدستورية والوطنية في تأمين المنطقة وحماية المواطنين من استهداف المتمردين.


شبكة الشروق


تعليقات 22 | إهداء 0 | زيارات 4377

التعليقات
#1124324 [nagatabuzaid]
5.00/5 (1 صوت)

10-12-2014 12:32 PM
قامت قوات الجنجويد باعتدا وحشى على ضابط من ضباطكم برتبة عالية فى الضعين وما حجزتوه لمن سيحوا دمه اها يا قائد الفرقة 14 اللواء الهادى عبدالله بل راسك الله يستر ما يحجزوك منهم الا الجماعة المتمردين ديل حسب وصفك لهم فى رايى كان سكتوا احسن ليكم وبطلوا تصريحات

[nagatabuzaid]

#1124174 [اطلع بره]
5.00/5 (1 صوت)

10-12-2014 10:39 AM
دا كلام المتجرسين ...شرسة او غير شرسة راجيكم البل بس عشان تعرفوا القيامة يوم الجمعة يا اولاد العذبات

[اطلع بره]

#1123954 [المعلم]
0.00/5 (0 صوت)

10-11-2014 11:42 PM
يا خوي السواي ما حداث

[المعلم]

#1123914 [moiez]
0.00/5 (0 صوت)

10-11-2014 10:04 PM
منتظرين اليوم الجيش السوداني يقاتل غير السودانين عندكم 1000 سبب تدخلو قواتكم لي حلايب وشلاتين وابورماده وتعيدو عزة الوطن وسلامتة اراضية عشان الشعب السوداني يتحد ضد العدو الاعظم الذي اتي بالانجليز في ظهورهم الينا بعد م دحرناهم والان يلبسون عباة الاخو والاشقاء وهم الد اعدانا من اكثر من 300الف سنة وطمسو حضارتنا وسرقوها ويفتخرو بها الان ... نحن في فترة (نكون او لا نكون ) توبي اور نوت توبي




سودانــي افريقـــي

[moiez]

#1123865 [mustafa shifa]
0.00/5 (0 صوت)

10-11-2014 08:01 PM
(وأكد قائد الفرقة 14 كادقلي بجنوب كردفان اللواء عبدالهادي عبدالله استعداد القوات المبكر لخوض عمليات خلال الأيام المقبلة، وصفها بالقوية والشرسة ضد رافضي السلام.)---- أكان كدي ووووب عليكم وشوفوا الراجيكم

[mustafa shifa]

ردود على mustafa shifa
European Union [مجاهد علي خفيف] 10-12-2014 12:10 AM
أفراد الجيش بالخطوط الأمامية يتسمون بروح معنوية عالية~ عرفهم كيف وهوبيتوالمكندش في كافوري. ما انا شايفهم واقفين وراه وشكله دا المطار.
علي فكره ناس الامن الفي الصوره خايفين عليه من شنو. ما ديل الحبايب زاتهم.


#1123861 [عادل السناري]
0.00/5 (0 صوت)

10-11-2014 07:47 PM
كل سنة هنالك وعد مغلظ بان هذه السنة سوف تشهد نهاية التمرد --- و تحشد الحكومة قوات و مليشيات و جنجويد و مرتزقة افارقة --- 3 سنوات متتالية -- استطاعت قوات الجبهة الثورية دحر و تشتيت 12 متحرك حكومي و كانت اسلحتهم و عتادهم و تمويناتهم غنائم باردة للثورية --- انتصارات الجيهة الثورية العسكرية و طرحها السياسي فرضت نفسها علي العالم الحر و اعترف بها كمكون سياسي هام في الساحة السودانية --- ضباط و جنود الحكومة يقاتلون و بالهم في المرتبات و الحوافز و البدلات --- و يولون الدير من اول عصرة --- شتان بينهما . 2014 باقي فيها شهرين -- نشوف القصة دي نهايتها وين .

[عادل السناري]

ردود على عادل السناري
[موجوع وطن] 10-12-2014 06:22 PM
يا السناري الله يديك العافية الجماعة ديل زكرونا لما قرينا زماااان زمن القراية و في سنة أولي قصة وصورة زيدان الكسلان الواقف ماداً لحيته بعيداً و مشوبراً بحشاشته الطويلة بأنه غداً (ويا ويح نفسه ليوم غد) سيزرع من هناك إلي هناك وكان ما يزال واقفاً بحشاشته مشوبراً حتي أهتري التعليم علي يدي هؤلاء إلا أنهم حلو محله فملؤا الدنيا ضجيجاً كل عام بأنهم غداً سيصلون هناك ويحجون إلي أرض كذا وبلاد كذا المقدسة بتلمودهم....


#1123858 [AburishA]
4.00/5 (1 صوت)

10-11-2014 07:41 PM
**أولا ان النظام يعلم.. والتجارب المحلية والاقليمية والعالمية تؤكد ان الحركات المسلحة الداخلية لا يمكن حسمها عسكريا.. ان حرب "الغوريلا" تنهك النظام وقواته المسلحة ولن تحسم الا تفاوضيا..حرب الجنوب نموذجا..

** ثانيا ان هذا الخطاب تغلب عليه الصبغة التهديدية رغم ان النظام قد حشد قواته ومليشياته وعتاده ولم تكن بأكثر من التي حشدها في دارفور ولاكثر من عشر سنوات لم تستطع معه حسم الثورات المسلحة بل ازدادت قوة ومنعة وتمددت اكثر مما كانت عليه..

** ثالثاان مثل هذا الخطاب في اللغة العسكرية هو بمثابة رفع الروح المعنوية"توجيه معنوي" ورسالة مبطنة الى قوى المعارضة واستهلاك للرأي العام الداخلي.. وأهلنا زمان قالوا "كتلوك ولا جوك جوك" ياها ديك الجبال وديك الجحّار...

** رابعا هذا البيان يؤكد صدقية الوثيقة المسربة..

[AburishA]

#1123838 [موجوع القضيه]
0.00/5 (0 صوت)

10-11-2014 06:44 PM
انتو قائد الفرقة 14 كادقلي بجنوب كردفان .شايف قاعد ياكد كتير ويشيد حقو يدوهو الناطق الرسمي للقوات المسلحه.

[موجوع القضيه]

#1123834 [جمعه]
0.00/5 (0 صوت)

10-11-2014 06:29 PM
وعرفت كيف إنها ستكون شرسة! هى لسه ما بدت! يا أخى يمكن المتردين يفروا من وجهكم!
بتكذبوا على مين يا سفلة!
اصلا ما ينفع معاكم إلا تتركبوا جبخانة بس!

[جمعه]

#1123828 [خليفة]
4.00/5 (1 صوت)

10-11-2014 06:22 PM
الغربان تناديكم

[خليفة]

#1123812 [د.الزهجان]
4.50/5 (2 صوت)

10-11-2014 05:39 PM
المواطنين مستهدفين من كلاب الامن والشرطه والجنجويد .

وكما قالت الوثيقة حمله شعوا لابناء وبنات الغرب في العاصمه والولايات

وعن قريب ستحلق الطائرات في الاراضي الزراعية لحرق الاخضر واليابس h

[د.الزهجان]

#1123805 [caeser]
3.00/5 (1 صوت)

10-11-2014 05:15 PM
يا جماعة .. يس حصل سمعتوا الجيش الشعبي هاجم ؟؟؟؟؟؟


بجي اليوم

[caeser]

#1123761 [الليل]
0.00/5 (0 صوت)

10-11-2014 03:44 PM
( أن القوات المسلحة تتمتع بروع معنوية عالية في كل مناطق مسؤولياتها، )
فعلا تتمتع برعب . ياحليل زمن القوات النظامية المسلحة . انتم خليتم فيها روح .

[الليل]

#1123711 [nagatabuzaid]
5.00/5 (3 صوت)

10-11-2014 02:34 PM
واحد من اولاد الحلة تتميز اخواته وبقية اخوته بالنبوغ الا هو ليس بليد ولكن توجهه كان حرفى واهله عاكسوه فرفض الدراسة معاكسة لهم نظام تحدى وما شاء الله منحه الله بسطة فى الجسم وعضلات تبش وكنوع من المرجلة كل يوم عنده مشكلة مع زول ومع الكلب والماسك الدرب وبضحكنى يكسر القزازةويقول لمن يشتبك معه يللا الميدان الميدان ده وسط الحلة وتفتح عليه بيوت من الجهات الاربعة ويصيح باعلى صوت مستعرضا بعضلاته انا بقتلك الليلة حاكتلك شاهرا سلاحه الزجاجى الصياح بسوط عالى كل ابواب البيوت والدكاكين تتفتح والناس يجتمعوا والشباب العاقل يجرجروه وهو يعمل نفسه بقاوم وبتفتون وتشعر به مستجيب بمزاج للجرجرة لابعاده قلت لامه ولدك الجخاخ ده هو ما بقتل لكن بقتلوه ليك سالت عنه قالوازاد فى الجن وقلة الادب بقى يلم مجموعة من الشفع ويطقعوا بالحجار كل غريب يجى ماشى بالشارع علشان يشتبك معاه ويكسر القزازة هذا نموذج مصغر للحكومة فهى تفعل مثله وخير مثال كاودا المر عليهم مليون عيد ولى هسع ما سمعنا تكبيرة صلاة حكومية فيها ولا اظنهم يصلوا فيها يا ربى الكواريك والجخ ده علشان يتدخلوا الحجازين ويجرجروهم ؟؟ فرقهم من ود جيراننا انهم بغيروا بالطائرات وود جيراننا اهله كان خلوه دخل صناعة كان فرغ طاقاته فى صناعة طيارة يغير بها على الميدان . عليكم الله يا القوات المتواجدة هناك امرقوا قابلوا جيش الانقاذ وغالبا جنجويده بره فى الخلاء رحمة بالمواطنين المساكين ده ان قابلوكم مقابلة رجال وجها لوجه ولا اقول ليكم فكرة جنجويد لجنجويد تعالوا قابلوهم هنا كافورى جوة عديييل

[nagatabuzaid]

ردود على nagatabuzaid
[موجوع وطن] 10-12-2014 11:20 AM
أحيك يانجاة.... ود حلتكم دا أحسن من ديل بكتير هو علي الأقل عنده ناس بحبوه و بحبوا أهله ويحاولوا يقيفوا معاه عشان ما يمسه شر لكن الجماعة ديل منو الواقف جنبهم غير المجرمين من معتوهي و منبوذي البشرية.... هو ود حلتكم أحسن عنده عضلات ساكت يستعرض بيهم ويخوف بيهم لكن الجماعة ديل ذي أبو العفين لا عضلات ولا قوة لكن ما في زول بتحمل عفنه ويقيف جنبه....بس جنجويد الدواس يا بتنا ما بيجوا كافوري جنجويد كافوري ديل هم جنجويد اللحم والراس والسلطة والجاه و والشركات والمال و العقار وفاره الدواب وكل شئ مستطاب ديل أرواحهم في حواصل حمر محمية في صناديق ذخيرة جنجويد الدواس (المساكين) وقت ما قضيت علي جنجويد الدواس فقد قضيت علي كل شئ (إلم تسمعي زعيمهم عندما أنشد قائلاً - البلد دي بلفها عندنا هنا-).....(يديك لعافية)


#1123698 [Mohamed]
5.00/5 (1 صوت)

10-11-2014 02:06 PM
نهر النيل
عاشق السودان
******************
وأضاف عبد البشير (أن الجيش ملتزم بمسؤولياته الدستورية والوطنية في تأمين المنطقة وحماية المواطنين من إستهداف التمرد )

ولكن يا عبد البشير أليس من مهام الجيش الدستورية حماية تراب الوطن من الغزو الخارجي ؟؟؟؟؟؟؟؟؟؟؟؟؟؟؟؟؟؟
إختشي يا عديم الكرامة .

[Mohamed]

#1123690 [سامي]
0.00/5 (0 صوت)

10-11-2014 01:53 PM
التحية للجيش السوداني منذ قوات دفاع السودان الى الان والنصر له . يجب الا تتزحزح عقيدتنا فى الجبش السوداني وهو سينحاز دائما الي جانب الشعب . فجنود الجيش السوداني الفضل هم من ابناء هذا الشعب الابي .

[سامي]

ردود على سامي
[موجوع وطن] 10-12-2014 10:42 AM
أنشاء الله مشيت واسيت عميدكم في الجيش السوداني الفضل بعد ما جلدوه أخوتكم بوحدة الجنجويد كجلد الفتيات بمحاكم النظام العام... أما أبناء هذا الشعب الأبي لا بواكي عليهم من حثالتكم (ولا هم يرجونكم لذلك) عندما يستشهدون بشرف مضرجين في دمائهم في ساحات الوغي والكرامة في نضالهم من أجل وطن معافي من الجنجويد و طغان الكيزان...

Sudan [nagatabuzaid] 10-11-2014 11:06 PM
الجيش ده واجهة هم حيرسلوا الجنجويد ومليشياتهم هم الجيش فضلو ا فيه زول حر من ابناء الشعب ؟ ما تتوهم ساكت وتصدقهم


#1123663 [radona]
5.00/5 (2 صوت)

10-11-2014 01:25 PM
نريد عمليات شرسة لتحرير الارض المحتلة في حلايب وشلاتين ودعوا المتمردين لقوات الدعم السريع فقد ابلت بلاءا حسنا معهم
الان جاء الدور الحقيقي للجيش السوداني وارض حلايب وشلاتين محتلة ويرفرف فيها علم المحتل وهذه من اولويات الجيش السوداني واولى مهامه
اتجهوا الى حلايب وشلاتين واطردوا المحتل منها شر طردة
اما الحروب الاهلية لم تعد هي الاصل في مهام جيشنا الباسل الشجاع
الى حلايب وشلاتين وتطهيرها من دنس المحتل
وحتى يكتب الدهر لنا اسما وذكرى
هؤلاء ليسوا اشقاء فالاخ لا يحتل ارض اخيه ويحتقره ابدا
ولتكن الصفوف الامامية جاهزة لتحرير حلايب وشلاتين

[radona]

ردود على radona
Sudan [nagatabuzaid] 10-11-2014 02:00 PM
ديل شاطرين بس فى شعبهم شن قدرهم على شلاتين وحلايب والفشقة ؟؟


#1123651 [علي باحش الدكوك]
4.75/5 (4 صوت)

10-11-2014 01:02 PM
ما لم تنجح فيها الحكومات السودانية المتعاقبة طوال تاريخها في هزيمة الثوار، لن تنجح فيه حكومة المؤتمر الضعيفة والمحاصرة أقليميا ودوليا ومنهكة أقتصاديا والمطارد رئيسها ووزير دفاعها دولياً بأوامر القبض والإعتقال الصادر من محكمة الجنائيات الدولية في لاهاي... حديث الجيش الحكومي عن عمليات شرسة ضد التمرد، لا يعدو أكثر من صراخ الأحساس بوطأة الضغط السياسي والعسكري الذي ظل يمثله تحالف الجبهة الثورية وتهديده الحقيقي لنظام الحكم في الخرطوم... وأرسال رسائل مشفرة لعدة جهات، بما فيها المجتمع الدولي، والاتحاد الأفريقي ووسيط الآلية رفيعة المستوى برئاسة ثامبو بيكي، بأن النظام في الخرطوم مستعد للأنتحار في حالة محاصرته من كل الاتجاهات.

[علي باحش الدكوك]

#1123600 [البحاري]
4.25/5 (3 صوت)

10-11-2014 11:55 AM
اللهم دمر جيش المرتزقة ((الاخواني)) وانصر شعب جبال النوبة.

[البحاري]

ردود على البحاري
Saudi Arabia [الليل] 10-11-2014 03:42 PM
اللهم استجب امييييييييييييييييييييييييييين يارب

Sudan [nagatabuzaid] 10-11-2014 02:01 PM
اميييييييييييييييين


#1123580 [موجوع وطن]
4.50/5 (4 صوت)

10-11-2014 11:18 AM
ربنا يسألكم أيها القراء دا ما من نفس الكلام الوارد بمحضر إجتماع حكومة الكيزان المسرب و الذي ينكره البشير في صفحات هذا الموقع بقوله نحن ما بهذه السذاجة....أي جيش في الدنيا ينشر إسرار عملياته علي الملأ غير مليشيات الكيزان....وهل هنالك سذاجة أكبر من هذا... ويجي البشير يقول ليك نحن ما بهذه السذاجة...في الوقت الذي تتطابق أقوال و أفعال نظام الكيزان كربونياً مع فقرات الورقة المسربة....علي أي حال مقاتلي الجبهة بجنوب كردفان أتتهم البشري بالإمدادات من الغنائم تمكنهم من حصاد مزارعهم و مزارع مواطنيهم بمزززاج...فألف طول سلامة لهم....

[موجوع وطن]

#1123540 [المشتهى السخينه]
5.00/5 (5 صوت)

10-11-2014 10:04 AM
لماذا يقاتل الجيش الهمام شعب جبال النوبه وهذه ارضهم ؟ لماذا يقاتل الجيش السودانى السودانيين منذ الاستقلال وحتى اليوم ؟ اليس بسبب المظالم الاجتماعيه والعنصريه والتهميش ؟
لماذا لا يحارب جيش السودان لاسترداد حلايب التى تبلغ مساحتها مساحة هولاندا واكبر من مساحة اسرائيل وفلسطين ؟
لماذا لا يحارب لاسترداد اراضى الفشقه الزراعيه من اثيوبيا . اراضى الفشقه تساوى خمسة مرات مساحة مشروع الجزيرة ؟
اين الوطنيه واين الشجاعة واين المبادئ واين الاخلاق واين القيم واراضى السودان يحتلها الاجنبى ؟ بئس الجيش الجبان الذى يعمل من اجل خلود الرئيس الدائم فى السلطة ويحلق شعر الشباب فى برندات السوق العربى ..تفوووو .

[المشتهى السخينه]

ردود على المشتهى السخينه
[موجوع وطن] 10-12-2014 05:55 PM
علي القلم المحور جينياً ليشاكل زوراً الأقلام الحرة.... أوزن ليك المعادلة بإضافة: ومنهم وزير وزارة سيادية كالدفاع والداخلية والمالية والنفط و الإسكان أو مدير عام الإراضي أو نائب رئيس أو معتمد محلية بولاية الخرطوم بأمبدة والحاج يوسف أو حتي نيفاشا أو قل موظف صغيرونك في مكتب الوالي محل الكليوات.... كما أنهم جيرانكم (حيطة بحيطة) ويزاحمونكم في المنشية والرياض و النيل و كافوري والعمارات... وأنتم كذلك جيرانهم في زحمة جبرونا وطردونا وسحقونا و نيفاشا و (فرملة الشمس) حي الرحمة.... عسي الجاب الجعلي شنو؟؟؟ إنت شاك في نسبك ولا شنو؟؟؟ ولا في نفسك هرقص؟؟؟ برطع بعيد الجعليين ما يسمعوك..

[القلم الحر] 10-11-2014 06:44 PM
لايوجد تهميش ابد كل السودان واحد فى الفقر النوبه منهم الدكتور والمحاضر والضابط والمهندس والوزير كما نحن لافرق بين نوباوى وجعلى ابد .هم جيرانا فى السكن والعمل ولهم كل الاحترام والتقدير اتركوا العنصريه واذا كان كونى جعلى هذا ليس ذنب كلنا له قبيله ويعتز بها .


#1123538 [ود الجبال]
5.00/5 (3 صوت)

10-11-2014 09:59 AM
أولاد الايسكريم ديل بيعرفو شراسة.قوم لف

[ود الجبال]

ردود على ود الجبال
[موجوع وطن] 10-12-2014 06:53 PM
أذا الجماعة ديل كلامهم صح فالبشري لفرق الكيزان الإنشادية والعازفين فحفلات عرس الفناء ستتري في مجتمعات الآيسكريم...وتنتعش خزائن فرق الإنشاد المملوكة لوزراء الحرب و دستورييها رطبة بدموع التماسيح من خاطر عيونهم..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة