الأخبار
أخبار سياسية
جامعة مامون حميدة تصدر تصريحا صحفياً بخصوص الطالب طارق عبد الرحمن حسان
جامعة مامون حميدة تصدر تصريحا صحفياً بخصوص الطالب طارق عبد الرحمن حسان
جامعة مامون حميدة تصدر تصريحا صحفياً بخصوص الطالب طارق عبد الرحمن حسان


يخضع للتحقيق بواسطة السلطات البريطانية
10-12-2014 04:25 PM
جامعة العلوم الطبية والتكنولوجيا
تصريح صحفي 11 أكتوبر 2014م
عن الطالب طارق عبد الرحمن حسان الذي يخضع للتحقيق بواسطة السلطات البريطانية
جامعة العلوم الطبية والتكنولوجيا، هي جامعة خاصة أنشئت في العام 1996م كأكاديمية للعلوم الطبية والتكنولوجيا (أنظر موقع الجامعة على الانترنت) وهي جامعة عالمية جذبت إليها قاعدة واسعة من طلاب دول أخرى خارج السودان، من ضمنها أوروبا وأميركا وكندا والدول العربية والأفريقية. والجاذب الرئيسي لهذه الجامعة أن لغة التدريس والتواصل فيها هي اللغة الإنجليزية، وأنها منفتحة على جنسيات متعددة وأديان متعددة وتمتاز بنظام أكاديمي عالٍ وتتمتع بالحرية الأكاديمية وحرية التعبير. كما ينعكس تعدد الجنسيات وتعدد الأديان في إدارتها وهيئة تدريسها وبسبب نظامها الأكاديمي الحازم تتم متابعة الطلاب بصورة لصيقة ومراقبة بواسطة برامج كمبيوترية يضبط حضور الطلاب، وأي طالب يتغيب بنسبة 15% عن حضور أي مادة يمنع من الجلوس للامتحان، والامتحانات تعقد كل شهرين ونصف الشهر. وغالبية طلاب الطب والأسنان والصيدلة هم طلاب أجانب والذين يتحصلون على شهادات أجنبية ويشكلون نسبة أكثر من 60% وتتحمل إدارة العلاقات العامة بالجامعة مسؤولية تسجيل الطلاب الأجانب لدى السلطات السودانية لاستخراج تأشيرات الدخول والخروج، وبذلك تحتفظ بعلاقة لصيقة بطلابها. الطالب طارق تم عمل معاينة له في الأول من أغسطس 2013 وقد أكمل عامه الأول بنسبة حضور تفوق الـ85% ونجح في كل المواد حيث نقل إلى السنة الثانية. وبدأ سنته الثانية في سبتمبر 2014 وكانت نسبة حضوره 100% إلى حين تسلمه جوازه بواسطة ضابط العلاقات العامة بالجامعة في صباح الثلاثاء 30 سبتمبر 2014 نسبة لأن الجامعة درجت على استخراج تأشيرات الخروج عبر مكتب العلاقات العامة لكل الطلاب الأجانب.
وقد غادر السودان في يوم الثلاثاء 30 سبتمبر 2014 بواسطة مصر للطيران وهو كان قد حضر محاضرته الصباحية من الساعة 8 إلى الساعة 10 صباحاً في نفس اليوم ومعلوماتنا المسجلة عن طارق عبد الرحمن حسان بريطاني من أب سعودي وأم مغربية الأصل. وقد قضى عاما دراسيا انتهى في يوليو 2014 وخلال هذا العام سجل نسبة حضور فاقت 85% وذهب في الإجازة الصيفية التي انتهت في سبتمبر 2014 واخذ جواز سفره في يوم الثلاثاء 30 سبتمبر 2014 في تمام الساعة العاشرة صباحا نسبة لأن الجامعة ستغلق لإجازة العيد في يوم الخميس 2 أكتوبر 2014 نحن نعتقد بأنه غادر السودان في يوم الثلاثاء 30 سبتمبر 2014 منتصف النهار وقد باشر إجراءات سفره بنفسه.
طارق يقطن مدينة أم درمان في ولاية الخرطوم، مع زملاء سودانيين، ومن خلال السجلات والمراجعات لمجموعة زملائه البالغ عددهم عشرة أكدوا جميعهم أن طارق هادئ الطبع. مسالم ومحترم جداً وهو كما يقول عنه زملاؤه يشجب الانتهاكات وحساس جدا تجاه الإرهاب وهو صديق لعائلة سودانية وعاش معها وترعرع بينها في لندن واجمع كل من يعرفه أنه شاب مسؤول وقد اندهشوا لاتهامه.
د. أحمد بابكر
عميد شؤون الطلاب
جامعة العلوم الطبية والتكنولوجية


تعليقات 37 | إهداء 0 | زيارات 22516

التعليقات
#1438041 [ali]
0.00/5 (0 صوت)

04-01-2016 03:13 PM
يعني يااستاز عايز تقول انو مامون زفت ما تبع الموتمر الوطني مامون زفت سنة1991 كان مديرمستشفي سوبا الجامعى وكان عندوعياده خاصه بسيطه خلف مستشفي حوادث الاطفال الكان مديرة جعفربنعوف في اليوممايدخل عشرين زبون لوكسر رقبته احسبو يا شباب ممكن نعطي من سنة 80 بدايتوفي عيادة في النهايه اخصاي باطنيه لا جراح بعمل عمليات ولاشي ياشباب اسمحولي هزاء بياكل مش مال الشعب السوداني داء لولغا مال النبي يبلع جب دااكبر حرامي ونصاب في السودان

[ali]

#1127747 [احمد]
0.00/5 (0 صوت)

10-16-2014 06:57 PM
يا مهندس سلمان أسماعيل / بعيدا عن مصدر ثروة مامون حميده واسرته فى اى دوله محترمه فى العالم استحاله تكون فى منصب دستورى وتمارس العمل التجارى فى نفس الوقت يعنى بالعربى كده مامون حميده ماممكن يكون وزير صحه وفى نفس الوقت مالك أكبر مستشفى أستثمارى فى البلد ده اسمو تضارب مصالح . مامون حميده بكامل ارادته قرر الدخول فى مستنقع الفساد من اجل مكاسب ماديه رخيصه وبالتالى كل ما يحيط به يدخل فى دائرة الشك ( جامعه - مستشفى - حتى مصدر أمواله وسيبنا من حكاية أبوهو كان مناضل وكان تاجر لانو يخلق من ضهر العالم فاسد دى ما قالوها ساى ومافى مايمنع أنو تكون جامعته مصدر لتفريخ ارهابيى تنظيم الاخوان المتاسلمين

[احمد]

#1126320 [قوز دونقو]
4.07/5 (5 صوت)

10-14-2014 10:37 PM
يوم يذهب هذا النظام سوف تبان كل الحقائق ؟؟ و الأيام حبلي بالمفاجآت يا محامي مامون حميدة؟؟؟

[قوز دونقو]

#1125447 [هاني]
4.19/5 (6 صوت)

10-13-2014 05:54 PM
ياباشمهندس مالك مارديت ع كلامي ع الدكاترة الاتخرجو من طب الخرطوم اللي بتك اتعففت تخشها الذكرتهم ليك الاول د. محمد علي حميدة و التانية بت عبدالله حسن أحمد البشير ولا دا مابتعرفو ولعلمك بت صلاح قوش زاتو اتخرجت من طب الخرطوم وراهم ب دفعتين و كمان ابوها عمل افطار جماعي لناس الكلية لمن كانت بتقرأ في سنة تالتة وكان وقتها مدير جهاز الامن...دا غير بت عبد الباسط سبدرات الاتخرجت من صيدلة الخرطوم ووغيرهم كتير ... شكلو عندك رأي في الناس ديل وشايف بتك احسن منهم وانت احسن من ابهاتهم....مالك عندك راي فيهم

[هاني]

ردود على هاني
Saudi Arabia [المهندس سلمان إسماعيل بخيت على] 10-13-2014 08:24 PM
يا هانى نحن نعرف أن غالبية المعلقين تعليقات سلبية مرافيت من جامعة مأمون حميده ودخلوا معاهو فى مشاكل ومحاكم ومنهم من تهجم عليه ومامون لا يفصل أحد لسوء السلوك لأن الجامعة لا تتيح فرصة لمنسوبيها لسوء السلوك لأن برنامج الدراسة اليومى ملىء
لكن انا كنت شاهد على أشياء طلب يدفع فى بداية العام القسط كامل ويتم فصله فى نصف السنة يجى يطالب الجامعة ترجع ليهو نص القسط بدليل أنه لم يكمل العام وفصل فى نصف العام
يرفع دعوى يمشوا المحكمة ويحضر الطالب او والده ويحضر محامى الجامعة المحكمة توضح للطالب انه حين تسجل فى هذه الكلية حجز مقعد كان يمكن أن يكون لطالب ناجح يستمر لخمس سنوات ويعود بالنفع على نفسه وعلى جامعته انت فشلت وخسرت وخسرت الجامعة
اكثر من حاله كنت شاهد علينا عشان كده فى كره من بعض الطلبة الفاشلين لحميدة ومن يدافع عن جامعته
وانا ادافع عنها بالحق ولكن دا لا يمنعنى من قول ان دخول مامون فى حكومة الانقاذ خطأ كبير فى حق نفسه وحق السودان والسودانين

Saudi Arabia [المهندس سلمان إسماعيل بخيت على] 10-13-2014 07:52 PM
يا [هاني] جامعة الخرطوم أسمها الجميلة ومستحيلة واحد ابنائى تخرج منها وقلت ليك كان الأول على كل دفعته وحصد جوائز الكلية الخمسة وبفضل جامعة الخرطوم ومستواها لمان ذهب لهولندا وأمتحن للماجستير جاء الأول بحمد الله حتى على أمريكان واروبيين وأسيويين من ايران فيتنام وبورما ولاوس وغيرها
لكن جامعة الخرطوم فى تلك الفترة كانت فيها مشاكل الإضرابات والدكتورة إختارت جامعة حميدة مش لأنها الأفضل لأن مأمون حميدة كان معلن عن قبول مجانى لحملة شهادة سودانية فوق 90 % ودا ذكاء منه عشان يستقطب طلبة متفوقين أضف الى ذلك أن الدراسة فى جامعة الخرطوم بالعربى وقد تتجاوز الست سنوات مع الإضرابات وفى جامعة العلوم الطبية لا أتحاد لا سياسة لا مظاهرات ولا حياة أجتماعية بس تدخل محاضرة تمشى المشرحة تدخل المعمل وبعد 60 شهر تتخرج طبيب ممتاز لكن تجهل أشياء كثيرة تأتى بالتعلم من خلال الحياة الأجتماعية فى الجامعة ودى لا أكذب عليك أفتقدها اولادى وحاولت من خلال حلقات نقاش اسرى ان نعوض هذا النقص - يعنى ابنى لقى فرصة EXCHANGE تبادل وهو فى الصف الثالث مع طالبة من جامعة هولندية البنت الهولندية جاءت وأمضت 3 شهور فى جامعة مأمون وابنى مشى أمضى 3 شهور فى جامعة هولندية - دى فرص لن تتاح لأى طالب بجامعة سودانية اخرى - جلس لأمتحان الجزء الأول من إمتحان الجراحة للرويال كولدج البريطانية نجح من أول مره - صعب يحققه طالب من بقية الجامعات الأخرى بإستثناء الأحفاد ( نفس المستوى )
بعدين كونه بنتى دى رغبته انا لا أتدخل ولا احدد لهم طريقهم حتى تسألنى بنتك احسن منهم وانها لم تتركها كتعفف ولكن خيارات - شقيقتها من قبلها دخلت اقتصاد وعلوم سياسية وفضلت مختبرات بالدولار - انا بشوف ابنى عاوز ايه وانا بحقق ليهو رغبته عشان بكره لو لم يوفق فى حياته العملية مايحملنى المسئولية - محمد احرز تقدير يؤهله لدراسة الطب او الأسنان بالجزيرة وعدد اخر من الجامعات الممتازة وقال لى يا باى زى مادفعت لأخوانى تدفع لى وأنا عاوز ادرس اسنان فى جامعة مأمون - بروف مأمون قال لى محمد دا ابنك الرابع يدرس عندنا بدل ستة ألف دولار فى السنة خليهو 4 وبعد شهرين عدت لعملى فى السعودية نط من الأتفاق علما أنه اتفاق مكتوب وقال لى انا خفضت 2 الف دولار لأنك كنت فى السودان ومادام عدت للإغتراب ( عام 2003م ) لازم محمد يدفع 6000 الف دولار يعنى × 5 سنوات = 30 الف دولار يعنى بقروش اليوم 264 مليون جنيه وربك يسهل كل أمر بس تخلص النية
ونعم الإله على العباد كثيرة وأجلهن نجابة الأبناء
نحن ندفع لهم المال عن طيب نفس ولكن لا نجلس ونمتحن لهم
فى اباء دفعوا مادفعته وابنه يتم فصله فى مرحلة من مراحل الدراسة
أهم شىء قبل ماتجهز الفلوس تربى الأولاد وتجهز العزيمة والقدرة على الأستيعاب
هل تصدق شخص يقول لك كنز مبلغ ضخم بالدولار لدى حساب جامد لا يسحب منه إلا تكاليف الدراسة وهذا المبلغ بالبنك واكون انا فى ظرف حرج وضائقة مالية لم تحدثنى نفسي يوما لأسحب منه بنس واحد خوفا من أن يأتى إبن أو إبنة وتقول لى أوقفت من الدراسة لعدم سداد القسط الدراسى
قد لا تصدق لأؤمن لهم العيش الكريم عملت كافتيريا وبنيت فرن داخل منزلى وصنعت الخبز واقولها وانا افتخر حتى لا أمد يدى لمال تعليمهم واسميه مال الكرامة
صنعت الخبز وبعت الاسبيرات فى المنطقة وعمل مكتب خدمات أستقدم العمالة الأسيوية والخادمات حتى تاريخ تخرج الأبن الأكبر سلمته مفاتيح البيت والسيارة وعدت لوطنى الثانى السعودية والحمد لله أنا اليوم فى احسن حال بنجاحهم ولا أريدكم أن تأخذوا سيرتى الشخصية بسخرية ولكن اعتبروا بها
وهانى ايه علاقة تعليم بنتى ببنت عبد الله البشير وسبدرات وقوش انت فى نظرك ديل نجوم مجتمع من الطبقة الأولى
أنت عارف أنى مكثت فى السودان مابين يناير 1988م الى يناير 2003م ( 15 سنة ) عملت صديقين حميمين فقط والأتنين من ابناء الفلاته لو عايش فى الخرطوم أمشى تعرفهم عليهم واحد أسمه عبد العزيز بيبيع سمك فى شارع محمد نجيب والتانى اسمه يوسف بيبيع خضار برضو فى شارع محمد نجيب شرق مقابر فاروق كل مره البلدية تلزمهم فى حته - ناس بسطاء فقراء ولكن رجال والله أنا لا أتشرف أن أعرف عبد الله البشير ولا شقيقه عمر ولا أتشرف بمعرفة قوش لكن سبدرات دا دنقلاوى من القطينة ومتزوج رباطابية مننا وبنته زميلة الدكتورة وصديقنها واعرف اسرته الكريمة ابوهم رجل زكى لكن أخطاء ثلاث مرات - عندما عمل مع مايو - وعندما عمل مع الأنقاذ - وعندما عمل فى تحكيم شركة الأقطان - لكن لا ينفى انه شاعر مرهف وزول زكى - تحياتى له ولأسرته

[هاني] 10-13-2014 07:40 PM
يعني الناس دييل عينهم ع جامعة مأمون حميدة وانت عارف وضعهم المالي وبعد دا دخلو اولادهم طب الخرطوم... و اخو مأمون حميدة زاتو ليه دخل و لدو طب الخرطوم و فضل يدفع ليهو بالدولار لحدي ما اتخرج لأنو شهادة عربية ... و ليه مأمون حميدة ما ادى ولد اخوه منحة بعد مستواهو المتميز في طب الخرطوم زي ما ادى بتك ... وليه اوائل السودان بدخلو جامعة الخرطوم وما بدوهم منح في الاكادمية... جاوب انتو احسن من الناس ديل الفضلو جامعة الخرطوم..... اتفشخر واتبوبر زي ماداير لكن ارعى بقيدك بعيد من جامعة الخرطوم


#1125423 [المهندس سلمان إسماعيل بخيت على]
4.19/5 (6 صوت)

10-13-2014 05:18 PM
كثيرون جدا من أطباء خاصة كبار الأطباء وغير أطباء يشنون حربا على البروف مأمون محمد على حميدة لسياساته المتعلقة بنقل المستشفيات من مركز الخرطوم لأطرافها
هذه سياسة أمنية وضعها جهاز الأمن بولاية الخرطوم لتجفيف وسط الخرطوم من البشر فى سعيها لسياسة التمكين
تخيلوا معى وسط الخرطوم وبوسط الخرطوم أعنى القطاع المحصور شرقا بالنيل الأزرق وغربا بالنيل الأبيض ومن الجنوب بالقوس المتمثل فى خط السكة الحديد المنحدر من كوبرى النيل الأزرق وحتى خروجه من محطة السكة الحديد فى طريقه لمحطة الشجرة
داخل هذا القطاع توجد مستشفى الخرطوم
توجد جامعة الخرطوم
توجد جامعة القاهرة الفرع ( النيلين )
توجد جامعة السودان
يوجد السوق العربى والسوق الأفرنجى
توجد مواقف البصات - وتوجد دار الرياضة ( إستاد الخرطوم )
كم سيجنى الكيزان لو تم تجفيف كل هذه المؤسسات ونقلها للأطراف فى اراضى قيمتها متدنية ؟
كم عدد المراجعين من مرضى ومرافقيهم الذين يرتادون وسط الخرطوم طلبا للعلاج ؟
كم عدد الطلاب الذين يمكن أن يخرجوا من وسط الخرطوم لو جفتت الجامعات ؟
يخطىء من يظن أن مأمون حميدة هو صاحب الفكرة
الفكرة كيزانية تمكينية خبيثة لتامين النظام للأبد
لقد أتاح شعب السودان فى غفلة أمتدت لربع قرن أن يجعل الكيزان يطمعون فى حكم السودان وزى ماقال احد رموزيه الأمنية ( نافع ) سنسلمها عزرائيل
انا عاوز الناس وبالناس اخص كتاب وقراء والمعلقين والمعقبين على صحيفة الراكوبة والصحف الأسفيرية الأخرى أن يمعنوا التفكير حين يناقشوا اى موضوع
النظام لا يريد الشعب ان يلتفت لخططه التى بدأت تتسرب فى محاضره التى تسربت من بين يديهم وجاء الرئيس ينكرها بينما أخوانهم فى حزب الأصلاح يؤكدون صحتها
النظام ومأمون حميده جزء منه يريدونا أن نختار شخص بعينه ونوجه له اللوم
مأمون حميده يريد تجفيف مستشفى الخرطوم وتوزيعها بين مستشفيات ابراهيم مالك وشرق النيل
والنظام هو الكاسب ما دام سهامنا لم توجه له ووجهت لصدر مامون حميدة
دا يعنى ان الشعب لم يستوعب الدرس
اليوم تجفيف وترحيل مستشفى الخرطوم لتفريغ وسط الخرطوم
وغدا
الجامعات
وبعد غد الأسواق واكيد ناس المهندس عبد الله عباس فى الدار الأستشارية بداوا فى تصميم شكل الخرطوم (1) خالى من مستشفيات وجامعات ومواصلات شعبية وليه مواصلات شعب وهو الشعب الجايبه شنو وسط الخرطوم ونحن مايو وعد حسين دى سويناها لى منو - الخرطوم (1) دى ستكون وطن للصفوة ويا خبر بفلوس بكره ببلاش
ودا أخطر مشروع للكيزان
بعدما تمكنوا من خلال ربع القرن الأول من تدمير الخدمة المدنية والقوات الأمنية القومية وتحويلها لقوات اخوانية كيزانية تمكينية
بدأوا فى مرحلة التمكين الأستيطانى وهو أشبه بما فعلته أسرائيل داخل الخط الأخضر
ولا عذر لمن أنذر
لا توجهوا سهاكم لصدور أفراد فتصيبون الظل وتخطئون الفيل

[المهندس سلمان إسماعيل بخيت على]

#1125391 [المهندس سلمان إسماعيل بخيت على]
4.19/5 (6 صوت)

10-13-2014 04:35 PM
يا [DR SAME AL] مافيش زول متعلم بيحقد زى حقدك دا انت مازلت لم تتخلص من أمراض الفقر التى لازمتك فى طفولتك وشبابك حتى بعدما عملت طبيب فى النرويج التى يظهر علمها جوار اسمك كدليل على انك مغترب بها
كلامك مش كلام دكتور
جامعة مامون حميدة استقبلت الدفعة الاولى فى العام الدراسي 1995م
ومنذ ذلك التاريخ الجامعات الحكومية والخاصة فى إزدياد وليس نقصان
مشكلة العديد من الأطباء تتعلق بأن بروف مأمون عاوز ينقل المستشفيات من وسط الخرطوم للأطراف ودى مش خطة صحية دى خطة أمنية لتفريغ وسط الخرطوم من البشر وقد تسمع قريبا ببيع هذه المواقع كأراضى أستثمارية سكنية درجة اولى ممتاز
ويهدفون من ذلك فيما بعد لنقل الجامعات - الخرطوم - السودان - النيلين كل الجامعات حيودوها للاطراف لو تمكنوا من الصمود فى الحكم
مامون حميده لا يطبق خطط صحية دى خطط أمنية
لمان تودى للمستشفيات والأسواق والجامعات للأطراف وتعمل طرق دائرية وتنقل المواصلات من سنتر الخرطوم للأطراف خلاص الحكومة تنوم هى لوحدها فى عسل سنتر الخرطوم
مأمون حميده جزء من النظام علما ان والده وطنى اتحادى على السكين ولو حضر الزمن دا كان ضبحه
الجامعة دى من حر مال والده وعرق الغلابة يا دوب يسوى حلة ملاح مفروكة وصحن كسرة ودى جامعة
انت طبيب نعم
تعمل فى النرويج نعم
لكن بنفس الأمراض القديمة وأخشى أن تكون بتحمل فى دمك لحد اليوم ملاريا وبلهارسيا وكبد وبائى
نضف نفسك من جوه وانسى الحقد والغل
انا مغترب من 1973م وحتى اليوم بمهنة مهندس ومصنف من الهيئة السعودية للمهندسين
علمت اولادى من حر مالى
ذنبى شنو عشان اسمع كلام **** من واحد جاهل يقول ديل كلهم طلبة ابناء حرامية
الحقد الطبقى اكل كل جسدكم عفاكم الله

[المهندس سلمان إسماعيل بخيت على]

ردود على المهندس سلمان إسماعيل بخيت على
Norway [DR SAME AL] 10-14-2014 02:25 AM
انت جادي في كلامك وعندك وقت بترد للناس وبتدافع لمامون ...انت شكلك رايق ممكن ارد بس ماحاارد ...لانو من خلال كتابتك عرفت شخصيتك.


#1125361 [جنقو]
4.00/5 (6 صوت)

10-13-2014 03:54 PM
يا باش مهندس
اولا انا متوقع الاساءة، وعارف كمية التعقيدات "المرضية " البكون مر بيها زول زيك، " زيك دي مبنية على السرد التطوعي للسيرة الذاتية والعائلية والذي ما وجدت له سانحة الا واسهبت فيه" ولكن يقول الشاعر : ان اتتك المزمة من ......
ثانيا بالرجوع للاسم فهو اسم لا ينم على نقصان العقل ولا كما تصور لك ثقافتك الضحلة. فجنقو مثلا اسم لمناضلة دارفورية لا اذكر لك اسمها حتى لا تتعرض لها بما نالني ولكن يكفيك انها نالت لقب اشجع أمراءه للعام 2014
ثم انها "أي الجنقو" طبقة عمالية مهمشة تنتشر في المناطق الحدودية في السودان وتعاني الظلم والاضطهاد وشظف العيش رغم انها تمثل دعامة قوية للاقتصاد والتنمية
وكاتب سوداني مرموق تناول حياتهم بعمل روائي متقنط الجنقو مسامير الارض".
ولكن ظني انك لا تعرف ولم تكن لتعرف ايا من هذا لولا سوء لفظك.
اعود واصفح عن اساءتك واكرر بنصحي لك بطلب الاستشفاء فالمرض ليس عيبا.
ودعنا لا نشغل القراء بمعترك جانبي ولهم ولنا هم اكبر

[جنقو]

#1125313 [عمر الياس جبريل]
3.13/5 (4 صوت)

10-13-2014 02:48 PM
رد علي #1124730 [المهندس سلمان إسماعيل بخيت على]
الاخ المهندس سلمان إسماعيل بخيت على
السلام عليكم... و كل عام و انتم بخير... بكل صراحة و امانة تعليقك غير موفق ابدا...

اولا المقال الاساسي محور التعليقات فيه كثير من عدم الموضوعية و دعاية واضحة لجامعة الدكتور و كان من الممكن دعم اسرة الطالب بشهادة حسن سير و سلوك من الجامعة و قسم بوليس الاجانب تساعدهم في اثبات براءة ابنهم.

ثانيا انت ذهبت في نفس المنحني في دعاية واضحة و ايضا واضحة الهدف لجامعة الدكتور فأبناء الزوجة الثانية لم يلتحقوا بالجامعات بعد!!

ثالثا تحدثت عن انجازاتك في تعليم اولادك و هذا شيء جميل تشكر عليه و مفخرة لكل والد و لكن يا اخي كان بأسلوب فيه كثير من التفاخر و التباهي!!

رابعا اين درست انت و من اي جامعة تخرجت؟ و كم صرف والدك حتي تخرجت؟

نحن ننادي بمجانية التعليم و ان لا يكون التعليم حكرا علي الاغنياء دون الفقراء او ذوي الدخل المحدود و لابد من ايقاف سياسة الكيزان العقيمة في جعل التربية و التعليم مجال تجاري لا اخلاقي و ترك الحبل علي القارب لأمثال الدكتور للتلاعب في مجال التعليم و الصحة.

[عمر الياس جبريل]

ردود على عمر الياس جبريل
Saudi Arabia [المهندس سلمان إسماعيل بخيت على] 10-13-2014 06:03 PM
السيد / [عمر الياس جبريل] يسأل : اين درست انت و من اي جامعة تخرجت؟ و كم صرف والدك حتي تخرجت؟

أنا دخلت الصف الأول فى يوليو 1956م وتخرجت مهندس مساحة من المعهد العالى لهندسة المسساحة فى مارس 1973م ووالدى لم ينفق علي طيلة دراستى من مأكل وملبس وكراسات وكتب نحن اولاد حكومة 100% نسكن فى الداخليات وناكل فى الداخليات وننام فى الداخليات ونتعالج فى الداخليات ويصرف لنا الكتاب والكراس والقلم وفى المدرسة الأولية كان الفراش يدخل الفصول ويملأ لنا المحابر بالحبر وتصرف لنا الريشة لأن الريشة هى التى تخرج الخط والأبداع ووالدتى توفى حول العام المائة لم يشاهد فى حياته الأستيكية والبراية والبرجل كنا نذهب فى الأجازة تاركين كل شىء خلفنا والأجازة كانت 3 شهور لا نفتح فيها كتاب نزرع ونرعى ونحصد
عارف ليه والدى لم يصرف علي ولا مليم
لأنه كانت لدينا دولة وكانت لنا حكومة وفى ظل غياب الدولة والحكومة تحولت انا للدور الذى كانت تقوم به الدولة
جاء على لسان عمر الياس
نحن ننادي بمجانية التعليم و ان لا يكون التعليم حكرا علي الاغنياء دون الفقراء او ذوي الدخل المحدود و لابد من ايقاف سياسة الكيزان العقيمة في جعل التربية و التعليم مجال تجاري لا اخلاقي و ترك الحبل علي القارب لأمثال الدكتور للتلاعب في مجال التعليم و الصحة
( مجانية التعليم مجانية التعليم - أعمل حسابك الجماعة ديل بيفكروا يبيعوا ليكم المقبرة يعنى لو اولادك ماتركت ليهم قروش إحتمال كبير لا تدفن واولادك يطلعوا بيك الخلاء ويدفنوك عشان تجى الكلاب والسباع تحفر تربتك وتاكلك جيفتك - كما عشمان فى تعليم مجانى - أمل أبليس فى الجنة
يا سيد عمر الياس لو راجي حكومة تعلم ليك أو تعالج ليك أولادك صباحك اصبح وانصحك لو كان اولادك صغار من الأن تخزن لهم مال للتعليم مافيش دولة ولن تأتى
سأحكى لك قصة
جئت من السعودية عام 1988م عشان أعيش فى وطنى بقية حياتى واعلم اولادى واربيهم وسط اهلهم يتعلموا حفر التربة وشيل الجنازة ونصب صيوان العزاء ويشوفوا الفرح والحزن فى الخليج لا فرح ولا حزن
جئنا للسودان وفتحنا بيتنا فيلا مجهزة من كل شىء اتنين الى ثلاثة وسيارة
شلت دولارات اودعتها فى بنك اسمه بنك ابو ظبى الوطنى فى شارع عطبرة وسط الخرطوم وقلت الدولارات دى لتعليم الأولاد
الدولارات دى دخلت فى حسابى 1988م اول دفعة سحبتها كانت 5 ألف دولار القسط الأول للأبن الأكبر وكأنى كنت اعلم الغيب وما سيحدث لنا فى السودان
اتصل بى موظف فى البنك وقال لى انا شايف عندك قروش حساب جارى لا ربح عليه وانت لا تسحب منه لك سنوات ليه ماتضعه فى توفير عشان تحقق عليه ربح - قلت له لا اريد ارباح بنكية - طيب ليه ما نستثمره ليك مع اى مستثمر عشان يجيك عايد - قلت ليهو ولو المشروع دا ما نجح - اكيد حأخسر هذا المبلغ - قال لى اكيد لكن لدينا مشاريع مضمونة العايد - قلت ليهو قريشاتى دى لو مضايقاكم بسحبها - الرجل عرف انى رباطابى نجيض ومقرم اعتذر وانسحب
المبلغ دا خلص مع تخرج الأبن الأكبر وشقيقته ولمان محمد كان فى ثالثة ثانوى غادرت السودان بخروج نهائى لتأمين فلوس تعليم محمد ومهند واختهما
مهند دخل هندسة مدنية الخرطوم وهو اليوم خبير مياهعالمى فى اليونسكو والبنت دخلت مجان طب ومحمد درس اسنان وتخرج والحمد لله
لذلك أى شخص فيكم قبل مايفكر يمشى على زوجته عشان ينجب طفل لازم يتاكد أنه بحول الله يملك القدرة على تربيته وعلاجه وتعليمة وإلا تكون ارتكبت جريمة فى حق ابنك
وعلاقتك بابنك لا تقف عند التعليم الجامعى أنا والعياذة بالله من أنا اليوم بعمل بجد وإجتهاد وكأنى صبى فى العشرين من عمرى عشان مدثر يتخصص فى جراحة المخ والأعصاب ومحمد فى زراعة وتقويم الأسنان ومهند خلاص مع شقيقتيه أكملوا تخصصاتهم وعشان كده رجل زي عمك سلمان ماتسخروا من تجربته وهو بيرسلها ليكم ليس بغرض التباهى ولكن عشان تأخذونى كغدوة ولو منتظرين ناس البشير يدرسوا ليكم أولادكم بتطولوا والله ديل لعدما يفرغوا وسط الخرطوم من المستشفيات والجامعات والأسواق ومواقف المواصلات يعملوا ليهم سلك شائك مكهرب يفصلوا بيهو الخرطوم وسط عن باقى الخرطوم واى زول زي وزيك جايي من الجريف او مايو او سوبا لازم يطلع تصريح عشان يجى لوزارة الداخلية وعاوز شنو فيها - عاوز أستخرج جواز سفر - مكانك فى مكتب عد حسين أو الكلاكلة اللفة
يا سيد عمر الياس جبريل
الشفتوه فى ربع قرن دى المناظر والفيلم بتاع الكيزان لسع ما أشتغل


#1125182 [كهربا]
4.19/5 (5 صوت)

10-13-2014 12:37 PM
الموضوع غؤيب وعير مفعوم

[كهربا]

#1125144 [الجعلي الطفشان]
4.19/5 (8 صوت)

10-13-2014 11:51 AM
أصلا نحن طفاشنين وأنت مديلها سوط ، المرة الجاية ما تنسى تكتب إلينا السؤة الذاتية متضمنة بطولاتك الغرامية مع زوجاتك وكمل إلينا الناقصة ، وهندسها يا باشمهندس .

[الجعلي الطفشان]

#1125112 [درب الأربعين]
3.75/5 (5 صوت)

10-13-2014 11:19 AM
كامل الإعتذار للمهندس سلمان إسماعيل بخيت علي. فقد تخمص أحد أفراد الدجاج الألكتروني شخصيتي وعلق بالأسم الذي كعادتي أعلق به علي المواضيع الواردة في الراكوبة وهو(درب الأربعين). وهذا سلوك غير أمين ولا أخلاقي، وأنا أشكوه إلي الله وأسأله أن يرينا فيهم شدته وبأسه. وأنا خصيمه يوم القيامة فيما فعل. والسبب في التعليق بإسمي ربما يعود إلي تعليقنا الجاد والهادف والموضوعي في المواضيع المختلفة التي تدور في بلادنا. وآخرها كان تعليقي علي قضية طالبات دارفور بداخلية البركس.

أرجو من الإخوة في الراكوبة توقي الدقة والرجوع إلي الإيميل المرفق مع أسم المعلق، خاصة الأسماء المعروفة بتعليقها المتواصل في الراكوبة. صحيح في بعض الأحيان نقوم بالتعليق علي كمبيوترات في أماكن النت العامة وهذا يجعل اسم المعلق والإيميل باق في المساحة المخصصة لذلك وربما يجده واحد من ضعاف النفوس والمزورين ويفعل ما يفعل به. ولكن نحن لا نكتب إلا كلاماً منطقياً ومحترماً وجاداً في تعليقنا علي المواضيع المختلفة ويمكن لهذا أن يميزنا في حالة أي تعليق لا تنطبق عليه هذه المعايير.

لك إعتذاري مجدداً الأخ المهندس سلمان، وحفظ الله أبناءك ووفقهم ومزيداً من النجاحات.

[درب الأربعين]

#1125096 [درب الأربعين]
4.16/5 (6 صوت)

10-13-2014 11:07 AM
كامل الإعتذار للمهندس سلمان إسماعيل بخيت علي. فقد تخمص أحد أفراد الدجاج الألكتروني شخصيتي وعلق بالأسم الذي كعادتي أعلق به علي المواضيع الواردة في الراكوبة وهو(درب الأربعين). وهذا سلوك غير أمين ولا أخلاقي، وأنا أشكوه إلي الله وأسأله أن يرينا فيهم شدته وبأسه. وأنا خصيمه يوم القيامة فيما فعل. والسبب في التعليق بإسمي ربما يعود إلي تعليقنا الجاد والهادف والموضوعي في المواضيع المختلفة التي تدور في بلادنا. وآخرها كان تعليقي علي قضية طالبات دارفور بداخلية البركس.

أرجو من الإخوة في الراكوبة توقي الدقة والرجوع إلي الإيميل المرفق مع أسم المعلق، خاصة الأسماء المعروفة بتعليقها المتواصل في الراكوبة. صحيح في بعض الأحيان نقوم بالتعليق علي كمبيوترات في أماكن النت العامة وهذا يجعل اسم المعلق والإيميل باق في المساحة المخصصة لذلك وربما يجده واحد من ضعاف النفوس والمزورين ويفعل ما يفعل به. ولكن نحن لا نكتب إلا كلاماً منطقياً ومحترماً وجاداً في تعليقنا علي المواضيع المختلفة ويمكن لهذا أن يميزنا في حالة أي تعليق لا تنطبق عليه هذه المعايير.

لك إعتذاري مجدداً الأخ المهندس سلمان، وحفظ الله أبناءك ووفقهم ومزيداً من النجاحات.

[درب الأربعين]

#1124994 [اكرم جعفر بخيت]
1.75/5 (6 صوت)

10-13-2014 09:47 AM
السلام عليكم ورحمة الله

السلام عليكم ايها الاخوة الافاضل....
السلام عليكم ايها السودانيون في الشتات وفي الداخل...
السلام عليكم ورحمة الله تعالى وبركاته......

لم استطيع قراءة معظم التعاليق...مع احترامي لها ولكتابها...لكن ما استوقفني تعليق الاخ سليمان اسماعيل بخيت...بما يحتويه من رصانه وطرح منطقي ونقاش يرتفع عن الجدال البيزنطي.
الاخ سليمان..متعك الله بابناءك ووفقهم وسدد خطأهم وجعلهم من المتفوقين دائما ... ومتعك الله بالصحه والعافيه فقد قدمت مثالا لنكرات الذات والفناء من أجل الاخرين بما قدمته لابناءك..بالرغم من انه واجب عليك ودينا مستحق.

لا يقول بعض الاخوة بأنني على علاقة قربى (أبن عم)للاخ سليمان..فانني اشهد الله بانني لم اراه من قبل ولا يراني..الا ان يكون جدي قد تزوج بأخرى سراً وكانت سلاله الاخ سليمان.
لكم التحيه والتجله

[اكرم جعفر بخيت]

#1124828 [الغلبان]
4.38/5 (4 صوت)

10-13-2014 01:23 AM
مامون حميدة وكفى؟؟!!

[الغلبان]

#1124816 [الأنصاري العجوز]
3.88/5 (14 صوت)

10-13-2014 01:02 AM
ياخي والله بيان في منتهي السفه والعبط والدروشة.. ياخي جامعة عريقة فيها طالب تم إعتقاله في بلد آخر (بريطانيا)، إنتو مالكم ومالو؟ حتدافعوا عنو لشنو أساساً؟ والمشكلة الرئيسية أن البيان فيهو محاولة لتبرئة طارق ووصفه بأنه خلوق ويكره الارهاب وجميل ورائع وحلو، ودي كلها صفات غير أكاديمية! يعني العميد ما بيعرف الصفات دي ولا عندو علاقة بيها وكان الانسب يكتفي بأنه طالب شاطر أو بليد وبيحضر 100% أو 50% من المحاضرات وبس.. يعني يقول الحاجات البتهموا وبيعرفها عن الطالب.

وبعدين السلطات البريطانية ما طلبت من الجامعة مرافعة ولا ورقة إثبات أو نفي عن الطالب طارق، فالجامعة تتدخل لشنو بس داير أفهم.

العميد حاول يسوق لجامعتو وبس (ده المهم والمفيد في البيان).. يعني نظام نحن جامعة حلوة وتمام وبالانجليزي و60% من طلابنا أجانب من كندا وأمريكا وبريطانيا ووو (نفخ وكسير تلج لمأمون).

مستوي تفكير ضحل جداً، حتي من عمداء جامعات بلادي!!!

شخصياً ما بعرف طارق ولا بيهمني في شئ وأتمني يتم إطلاق سلاحه لو ثبت أنه برئ، وحتي لو ثبت أنه مساعد شخصي لأسامة بن لادن الارهابي فدي ما حاجة تسئ للجامعة لأنو في إرهابيين كثيرين بيدرسوا أرقي تعليم في جامعات أمريكا زاتها وبرضو بيطلعوا إرهابيين. الإرهاب هو مادة بيدرسوها في أماكن تانية برة الجامعة يا عالم.. خلوكم في حالكم يا جامعة مأمون حميدة ياخي وما تعملوا فيها محامين وحقوقيين.

قال (إندهشوا لإتهامه) قال!
والله أنا الإندهشت لبيانك ده يا سيادة العميد (قايل نفسك عميد شرطة ولاشنو؟).

[الأنصاري العجوز]

ردود على الأنصاري العجوز
Canada [الدنقلاوي] 10-13-2014 04:42 AM
مش كده وبس يا حبيب ديل مشوا عملوا تحقيقات وجمعوا معلومات من أصحابه وعن طفولته ونشأته وكأنهم اسكتلانديارد.. لكن اللفي بطنوا حرقص براهوا بيدين نفسو
حكاية عجيبة


#1124777 [محمد علي]
3.88/5 (5 صوت)

10-12-2014 11:26 PM
طيب دي المعمورة الارهاب الارهابيين. شوفوا لينا الرباط وكر لشهر كمان، الدفاع بالنظر؟ هههههه

[محمد علي]

#1124772 [صادميم]
4.32/5 (13 صوت)

10-12-2014 11:08 PM
يقال ان يهودي توفى والده فنشر اعلاناً في الصحف يشكر المعزين ويعلن في نفس الوقت انه ساعاتي يقوم بتصليح الساعات و ينطبق هذا على بيان جامعة مأمون حميدة حيث أفاض البيان في الحديث عن الجامعة و إمكانياتها و مناهجها بينما شغل الحديث عن الطالب المتهم حيزاً صغيراً من البيان.

[صادميم]

#1124731 [سلام يا وطن]
4.19/5 (14 صوت)

10-12-2014 10:10 PM
اهم ما فى المقال هو ان الدراسة ان لغة الدراسة فى هذه الجامعة باللغة الانجليزية طيب لماذا تم تعريب جامعة الخرطوم والجامعات الحكومية الاخرى؟؟ والله هذا ظلم كبير جدا وظلم للهامش والثقافات الاخرى .

[سلام يا وطن]

#1124730 [المهندس سلمان إسماعيل بخيت على]
4.11/5 (11 صوت)

10-12-2014 10:10 PM
ورد فى تعليق السيد [قوز دونقو] حيث أكثر من 60% من طلبتها أجانب وال 40% منها سودانيون يتبعون للمؤتمر الوطني يعني أبناء (حرامية و لصوص) إذ التكلفة العالية للجامعة لا يستطيع تحملها مواطن عادي من ذوي الدخل المحدود
الكلام دا مش دقيق وليس صحيح حيث أن الطلبة الأجانب فى جامعة العلوم الطبية لا يتجاوز 3%
محدثكم لى 4 من الأبناء تخرجوا من هذه الجامعة
دكتور مدثر BATCH 1 أول الطلاب الذين إنضموا لها قبل أن تكون جامعة ( كانت أكاديمية العلوم الطبية والتكنلوجيا ) مفضلا الأكاديمية على 3 جامعات كانت لديه الفرصة لدراسة الطب بها واليوم يعمل مقيم جراحة مخ واعصاب بمدينة الملك سعود الطبية بالرياض ( مستشفى الشميسى سابقا ) ، بعد 4 سنوات من ألتحاقه أنضمت شقيقته الكبرى بنفس الأكاديمية كلية المختبرات الطبية بعد أن تم قبولها بجامعة الخرطوم كلية الإقتصاد والعلوم السياسية والأن تعمل أخصائى مختبرات طبية ومحاضر بكلبة العناية الطبية بالرياض وتحمل درجة الماجستير من جامعة السودان للعلوم والتكنلوجيا ومتفرغة حاليا للتحضير لرسالة الدكتوراة إن شاء الله
بعد 4 سنوات أخرى احرزت ابنتى الصغرى معدل 91,3% ( قبل مايزيد عن 10 سنوات ) يؤهلها لدراسة الطب بجامعة الخرطوم لكنها فضلت الأكاديمية لسببين ( اللغة الأنجليزية - وتوفير عام دراسي فجامعة مامون حميدة لا نشاط سياسي فيها ومدة الدراسة 5 سنوات 60 شهر ) جاءت وقابلت بروف مأمون وابدت رغبتها لدراسة الطب لديهم - تم قبولها مجانا واعطت منحة مالية شهرية حتى تاريخ تخرجها والأن تحمل درجة أخصائى طب وجراحة عيون وكانت الأولى بتفوق فى إمتحانات التخصص من المجلس الطبى السودانى التى أعلن عنها فى هذا العام
الإبن دكتور محمد طبيب الأسنان تخرج من جامعة مأمون حميدة دفعة 2009م
أنا قد يكون الشخص الوحيد الذى لديه 4 من أبنائه درسوا بهذه الجامعة وشهادتى لا تؤخذ كما تؤخذ شهادة إبننا السيد [قوز دونقو]
خلال دراسة الأبن الأكبر التى بدأت فى العام 1995م تاريخ تأسيس الأكاديمية وتاريخ تخرج الأبن الأصغر محمد فى 2009م أى قرابة 15 عام كاملة من التعامل مع هذه الأكاديمية التى أصبحت فيما بعد جامعة كنت أدفع بالدولار لثلاثة ورابعتهم تدرس بمنحة مجانية
ليأتى اليوم شخص يدعى [قوز دونقو] ويقول ( حيث أكثر من 60% من طربها أجانب و ال40% منها سودانيون يتبعون للمؤتمر الوطني يعني أبناء (حرامية و لصوص) إذ التكلفة العالية للجامعة لا يستطيع تحملها مواطن عادي من ذوي الدخل المحدود ) يعنى لو من يدرس له طالب واحد حرامى ولص فى نظر [قوز دونقو] وانا درس لى 4 يعنى انا 4 حرامية فى بعض
والله العظيم والله العظيم يا [قوز دونقو] أنا كنت بشترى لأبنى مدثر قبل 15 سنة حذاء ماركة CLARK ما أظن لبسته فى حياتك من أدريس بمائين جنيه واشترى لى نفسي فاشرى جلد بقر بـ 15 جنيه من السوق الشعبى واسواق السعودية تعج بالأحذية الأيطالية
وانا على معرفة لصيقة بمن علموا أولادهم فى جامعات محترمة زى جامعة مأمون كنا قطع من جلدنا ونعلم أولادنا لأن التعليم الممتاز للأبناء أفضل انواع الأستثمار ولكنه أستثمار بطىء ولكنه مضمون مش زى الأستثمار الصناعى والتجارى والزراعى وفى ناس لمان كنا بندفع فى السنة 10 ألف دولار للتعليم الجامعى للأبناء بيضحكوا علينا وقالوا عننا مهبولين ولكن بفضل الله اليوم جنينا ثمرات نجاحهم
ونحن ماعاوزنك يا [قوز دونقو] تملأ صدرك بالحقد الطبقى كان ابوك ماقدر يدخلك جامعة كويسة تحمل حقد على كل الناس وتقول حرامية نحن عايشين موظفين فى السعودية لو حرامية أو لصوص كنا جيناكم بيد واحدة
وبالمناسبة اكثر من 30% من طلبة مأمون حميدة يحملون جوازات سفر اوربية ديل كانوا اولاد دكاترة ومهندسين واساتذه جامعيين ارسل ابائهم لنيل درجات عليا وتزوجوا وانجبوهم بره وحملوا جواز البلد التى ولدوا بها و 70% اولاد مغتربين - مابين من كان مغترب أو مامازال مغترب زينا يعنى [قوز دونقو] عاوزنا نغترب 40 سنة ونجى ندرس أولادنا فى جامعة كسلا والقضارف - دى حقد طبقى عالج نفسك منه وبالمناسبة أنا مش كوز عشان ماتغلط لكن أحترم كثيرا مأمون حميدة رجل ناجح وقدم لبلده مالم يقدمه غيره وصدقنى أن مايكسبه صاحب شركة كوفتي الذى يتاجر فى الشاى والبن عشرة اضعاف مايربحه مأمون حميده وشقيقه بروف حافظ فى التعليم ولو وجهوا أموالهم لتجارة الزيوت أو الدقيق لكانت ارباحهم اكثر وبدون وجع راس ومامون حميده كونه يدرس فى جامعته طالب متهم انه ارهابى هذا لا يمسه بشىء وماهو الأرهابى دا ركب طيارة ودته لندن بالعقلية دى مفروض نحقق مع شركة الطيران كيف تقطع تذكرة لارهابى ودى مش جامعة بها داخلية ومناشط اجتماعية وعلاقات اجتماعية عشان ادارة الجامعة تعرف ميول الطالب السياسية وسلوكه - دى جامعة فيها ضبط وربط الطالب يدخل البطاقة الفصل يفتح يدخل ويسجل تاريخ دخوله - ابوه مادفع القروش الطالب يدخل البطاقة حقته الباب مايفتح ليهو يرجع اهله - يشهد الله انه طيلة 15 سنة ما فى واحد من اولاد دخل بطاقته الباب اتقفل فى وجهه ولو قلت ليك مامون بيعرف سلوكهم بيصلوا مابيصلوا اخوان شيوعيون اى شىء مامون لا يعرفه عنهم ومأمون علاقته بيهم الفلوس وبصراحة يستحق لأنه بالدولار بيجيب المحاضر الممتاز والممتحن الخارجى ويملأ أحواض الفورملين جثث كل طالب يشيل جثة كاملة يشرح فيها مش زى بعض الجامعات الطالب لحد مايخلص طب يد واحدة مايشرحها - وكله بتمنه
وكفاية حقد ونحن مغتربون لا حرامية ولا لصوص ولا مؤتمر وطنى وبالمناسبة أولاد رجال المؤتمر الوطنى ما بيدخلوا جامعة مأمون عشان الضبط والربط والرفت - فى جامعة أهلية سنويا تستقبل العشرات من مرافيت جامعة مأمون حميدة واولاد ناس المؤتمر الوطنى راكبين عربات ويفحطوا ولا ينتظموا فى محاضرات ديل بنسبة الغياب بس يتم فصلهم ومامون حميدة صارم وشقيقة حافظ صارم اكثر منه ومعاهم راجل إمرأة أسمها أسماء الوكيل صارمة اكتر منهما الأثنين أحييها من هنا وأقول ليها يا دكتورة اسماء الوكيل كل عام وانت بخير والسنة الجاية أولاد الزوجة الثانية حيجوكى فى الجامعة أستنيهم

[المهندس سلمان إسماعيل بخيت على]

ردود على المهندس سلمان إسماعيل بخيت على
Saudi Arabia [المهندس سلمان إسماعيل بخيت على] 10-13-2014 08:14 PM
يا [ضفة نيل] يا حثالة من يريد البوبار ما بيقول انا بلبس فاشرى جلد بقر بـ 15 جنيه أنا قلت ليكم عاوز اضرب مثلا لكم لأنى بقدر أنكم اباء ولكن اصغر منى سنا
عاوز أهيئكم للمرحلة القادمة ديك
ولد لمان يدرس فى جامعة خاصة بيكون معاه ابناء رجال اعمال
عندك ابنى ابن مساح كان مغترب ليس الا معاه طالب جده الشيخ مصطفى الأمين وأبوه مدير البنك السودانى الفرنسى ويحمل جواز سفر بريطانى
انا لازم اؤمن لأبنى نفس المستوى فى المظهر العام
اشترى ليهو جزمة كلارك من ادريس بشارع محمد نجيب وفى نفس اليوم امشى السوق الشعبى اشترى مركوب لنفسى
دى مش البوبار و الفشخره تبع النسوان حسبما ذكرت
وانت حين تقول ذلك تثبت بأنك جاهل وقليل الأدب
فى زول بيتفشخر بلبس مركوب بـ 15 جنيه
وبالمناسبة نحن نعرف ان كثير من الدجاج الألكترونى الذى يعلق على الراكوبة يعانون من عقد نفسية وامراض خطيرة لا عفاكم الله

[ضفة نيل] 10-13-2014 04:12 PM
يا هندسة
البوبار و الفشخره تبع النسوان .... يعني شنو ولدك بلبس أحذية ماركة تومي و لا أرماني و لا كلارك بتاعتك دي و في النهاية قرأ مأمون حميضه بتاع الضفادع البهدل التعليم و الصحة في البلد دي و تجي انت و تبعد عن الموضوع الأساسي و تتبوبر أولادي قريتهم بالدولار في النهاية جامعة مأمون لا هارفارد و لا كورنيل و من تواضع لله رفعه .... البشوف هندستك يقول جامعة الخرطوم ...

Saudi Arabia [المهندس سلمان إسماعيل بخيت على] 10-13-2014 01:38 PM
[الفاشر حقتنا]
هسي نفتش تحت تحت نلقى ابوك واجدادك كانوا عبيد وخدم عند السلطان على دينار
الفاشر فاشر السلطان والبقية عبيد للسلطان على دينار

Saudi Arabia [المهندس سلمان إسماعيل بخيت على] 10-13-2014 01:36 PM
تخيلوا انا عيان وواحد اسمه جنقو عقله سليم
ياخى كدى اختار لنفسك اسمك زول عاقل وتعال علق يعلقك من ضنبك فى شجرة 40 يوم

Saudi Arabia [جنقو] 10-13-2014 12:40 PM
ياخ انت عيان عيا شديد خلاص
شوف الاواد ديل"جزء من استثمارك" خلي يعالجك
بالتالي انا قصة مهندس دي زاتها عندي فيها شك. هل جامعة الخرطوم ولا معهد الكليات التكنلوجية ممكن يكون في سبعينيات او ثمانينيات القرن الماضي" سمح لعيان زيك بالتخرج؟
لكن نرجع ونقول بقن عليك اتنين -سعودية وكيزان

Saudi Arabia [المهندس سلمان إسماعيل بخيت على] 10-13-2014 12:24 PM
شخص لا أخلاق له إستعار لنفسه إسم [درب الاربعين] والأخ درب الأربعين كما ترون كتب فى تعليقه أعلاه ( كامل الإعتذار للمهندس سلمان إسماعيل بخيت علي. فقد تخمص أحد أفراد الدجاج الألكتروني شخصيتي وعلق بالأسم الذي كعادتي أعلق به علي المواضيع الواردة في الراكوبة وهو(درب الأربعين) )
والرجل مسكين لايعرفنى ولا يعرف أمثالى لذلك نجده صدق ( ومجهز الان لاولاد المرا الثانية عشان يدخلهم برضو نفس الجامعة بقروش الاغتراب (ما شاء الله ) )
يا من إنتحل إسم [درب الاربعين] والذى وصمك [درب الاربعين] الأصلى بالدجاج الألكترونى أنا من جماعة حزب التوحيد
رب واحد وعقيدة واحدة ونبى واحد وزوجة واحدة وبيت واحد وسيارة واحدة حتى حين الأبس الحذاء ألبس فرده واحدة وأنا عندى كراهية شديدة للمعددين إلا بسبب شرعى - ماتت زوجته وهو صغير يتزوج - زوجته لا تنجب واثبت الطب أن السبب منها ولا أمل فى العلاج يتزوج بشرط أن تبلغ الزوجة ولتختار أن تبقى فى عصمته أم تطلب الزواج - لكن التعدد الكيزانى السري يتزوج مثنى وثلاث ورباع والزوجة الأولى والأبناء لا علم لهم إلا أن تأتيه المنية وفى الفراش تظهر الزوجات الثلاث مع 15 الى 20 طفل يطلبون حقهم فى الميراث - انا - أما الزوجة الولود الودود فلا يتزوج عليها إحتراما لها ولأنسانيتها وآدميتها - زوجة ودود وولود ماذا تريد
أما حدثى ( ومعاهم راجل إمرأة أسمها أسماء الوكيل صارمة اكتر منهما الأثنين أحييها من هنا وأقول ليها يا دكتورة اسماء الوكيل كل عام وانت بخير والسنة الجاية أولاد الزوجة الثانية حيجوكى فى الجامعة أستنيهم ) دى كانت دعابة مع أستاذة أسماء لأنها تعرف علاقتى الحميمة وترابط أسرتى ولن نسمح لعضو غريب أن يدخل بيننا ويعكر هذا الصفاء الذى نعيش فيه منذ 40 سنة
طوالى الأهبل منتحل شخصية [درب الاربعين] صدق أن لى زوجة ثانية
سكن بجوارى شخص فى فيلا دورين تطل على شارع الستين شمال محطة وقود نبته مباشرة والرجل لديه زوجتين نمشى يوم العيد عشان نعيد عليه الزوجة التى تسكن بالدور الأرضى تقول فوق - نستحى ونخرج حيث فى الحي الذى نسكنه تقليد يبدأ من بيتى وكلما دخلت بيتا أخذت ربه أو ابنه معنا ونطوف مايزيد عن 50 بيت صباح كل عيد وقد قيل لى أنه بسفرى للسعودية إنقطعت هذه العادة ولا أدرى السبب - المهم الرجل دا بسبب الزوجتين لم نحظى بالسلام عليه والظاهر الساكنه فوق دى الصغيرة لأنه دايما فوق - خرج من الفيلا وإستأجرها بروف فتحى ودا كان مدير جامعة جوبا وبعدين عينوه وزير فى التعليم العالى لا أذكر اسمه بالكامل - فقال احد الجيران تعالوا نعايد البروف لأنه يعرفه - قلت له دى معدد ونحن نسواننا مانعتنا من زيارة كل معدد - قال لى الزول البتقصدوا ترك السكن هنا وجاء بعده البروف - دخلنا ووجدنا رجل من حزب الموحدين مثلنا وعندما شرحنا له ترددنا فى زيارته ضحك وقال أنا مثلكم من جماعة حزب التوحيد
شوف يا من يدعى أنه [درب الاربعين] وما أنت إلا زقاق ضيق فى حاره قذره
بروف مأمون لم يقبل بنتى مجانا لوحدها وهو بيطرح سنويا 10 مقاعد مجانا لمن يحرز درجات تفوق 90% وبنتى دخلت بكفاءة وتنافست مع عدد كبير من البنات وقبلت وافتكر ان مامون بعدما جامعته أكتسبت سمعة طيبه ألغى هذه الفرص
ويا ايها الحقير المنتحل لإسم لا يشبهك أن من لديه القدرة أن يعلم ثلاثة من ابنائه طب بماله الخاص لا يحتاج للعلاج المجانى لدى مستشفى فى السودان وانا واسرتى اليوم فى السعودية ولدينا ملفات بمركز الحبيب الطبى والطبيب الذى نتعالج عنده برضو سودانى الإستشارى محمد حسن جلى من ابناء الجزيرة وبريطانى الجنسية ولعلمك أنا بحمد الله لى أبن خامس خريج جامعة الخرطوم دفعة 2009م هندسة مدنية كان الأول على كل دفعته وحصد كل جوائز الكلية اٍرسلته عام 2011م على نفقتى لدراسة الماجستير فى علم الأدارة المتكاملة لموارد المياه INTEGRATED WATER RESOURCES MANAGEMENT IWRM وهو علم متقدم وبرضو وبفضل الله أحرز المركز الأول والمرة دى على طلبه فيهم الأوربى والأمريكى والأسيوى وللأسف بيقول الدفعة كلها مافيها ولا عربى والشىء الذى لفت نظره أن دول أفريقية كتوجو وبتسوانا وسوازيلاند وجنوب افريقيا تبعث بأبنائها لهذه الجامعة رقم واحد فى العام لعلوم المياه UNISCO - IHE DELFT NETHERLANDS ودراسته للماجستير كلفتنى 53 ألف يورو يعنى اكتر من تكلفة تعليم اخوانه الثلاثة طب ومن ينفق كل مايملك لتعليم أولاده لايعدد الزوجات ولن يندم فى يوم من الأيام أنه لم يخزن مالا لأيام الكبر فأنا واثق من رحمة الله وأن من ولدتهم وربيتهم وعلمتهم احسن تعليم لن يتركونى للزمن أو يرمونى فى ملجا للعجزة
المهندس مهند سلمان بحمد الله وبتوصية من الجامعة التى تخرج منها وجد فرصة للعمل فى هولندا لدى مركز عالمى متخصص فى إدارة المياه الجوفية وان شاء الله يجد فرصته للتجنس وان يعيش بقية حياته كانسان من الدرجة الاولى
رايك شنو هل انا محتاج عشان اتعالج عن مامون حميده
بالمناسبة نسبة كبيرة من الناس لا تحب مامون ولكن انا بحبه
وغالبية من يكرهون مامون يكرهونه لانه كوز ودى مشكلة مامون ما كان محتاج للكيزان لان الكيزان سمعتهم سيئة ودا رجل اصوله من عندنا فى بربر ووالده من كبار المقاولين الذين بنوا خزان سنار وال حميده فى سنار اسرة مميزة وراقية ومامون وشقيقه حافظ أمتلكا قطعة الارض التى عليها الجامعة بالشراء بالدولار فى مزاد مفتوح ولم يكن فى حاجة لأن يكون كوز او وزير فى حكومة يرأسها الخضر
وحقيقة وجود مامون فى حكومة الخضر شبهه والبصلة العفنة ...........

Sudan [الفاشر حقتنا] 10-13-2014 11:37 AM
الدراسات أثبتت أنو أى زول بكتب مهندس فلان عندو الطيب مصطفى سندورم(عقدة الهندسيية) ,,,مهندس قال, هسى تلقاك قريت زمان, فى مصر أو شرق أروبا, و الله أنا كنت أستاذ لفترة أربع سنوات فى جامعة مأمون حميدة, أكتر طلبة بلدا , قليلى المواهب , وقحيين , وقليلين أدب, والله الطالب يقول للأستاذ أنا دخلت بقروشى,, إلامتحانات أسهل مما تتوقع بعد داك السقوط ما يديك الدرب , جامعة متميزة قال,, قال حقد قال, هو يحقدوهم على شنو,الخامة الرديئة من الطلاب دى,, مأمون حميدة الوقح فى كل إجتماع أنا حضرتو ليه يحاول التقليل من جامعة الخرطوم,, و تلميع جامعتو الفاشلة و طلبتو الفاشليين, و الله أشك فى ذكاء إبناءك البتتفاخر بيه, لو شطار كنت تخليهم يقروا الجامعات الحكومية , و جامعة الخرطوم بالذات.

[اقليمى خريج الخرطوم] 10-13-2014 11:18 AM
اولا كلمة باشمهندس تعنى الحكمة وعدم المهاترات لانو الباشمهندسين دائما اصحاب عقول زائدة كما كان لاستاذ الرياضيات فى الثانوى عندما ياتى لاعطاءنا حصة الرياضيات الاوليةفى علمى احياءو بعد انتهاء الدرس يقول لنا انا ذاهب الى الناس اللعندها زيادة عقل وهم ناس الرياضيات تخصص . انا ما عارف من اى جامعة تخرج الباشمهندس ولكن فى الزمن الجميل حيث الدراسة مجانية كان طلاب جامعة الخرطوم خليط من طلاب كمبونى وسستر سكول وناس خورطقت و الفاشر ومدنى ودنقلا وعطبرة وكل السودان وكلنا كنا نعتز ببيئتنا التى اتينا منها وليس الفقر عيب ابدا ولكن هذا الزمن ردئ لان المتعلمين يتباهون بلبس ابنائهم لنعل الكلراك والله الواحد بصراحة يخجل عندما يسمع مثل هذا الكلام من شخص متعلم . والكيزان كلهم مشبهون هذه يعلمها القاصى و الدانى فى السودان ليست بجديد ومامون حميدة معروف للجميع لا يحتاج لمن يمدحه لديه اغلى الجامعات الخاصة على ما اعتقد وبعدين هل كل مغترب يقدر على دفع عشرة الف دولار كرسوم دراسة فقط غير السكن والاكل وبقية المصاريف كم الرواتب فى السعودية الغالبية العظمى رواتبها ضئيلة جدا .واذا انت عندك يا باشمهندس ربنا يزيدك ولكن لاتتباهى لنا به . نحن تخرجنا من جامعة الخرطوم وجئنها من الاقاليم حيث كانت الجامعة تقبل فقط 1700 طالب من 80الف طالب ولكن لم يكن تجار الدين حينها لهم وجود حيث قلبوا كل شئ بالقروش وتخرجنا باعلى الشهادات وعملنا فى اعظم الوظائف ولكن هذا فضل من الله ولو عندى مال قارون لما تفشخرت به على احد . وجامعة الخرطوم عظيمة حتى لو دمرها هؤلاء الكيزان ولكن يكفى اسمها . وذات مرة وجدت احد الهولنديين فى مكان ما فتجاذبنا اطراف الحديث فسالنى اين درست فقلت له فى جامعة الخرطوم بعد ان علم اننى سودانى فقال لى بالحرف it is nice place فجامعة الخرطوم كما يحلو لنا تسميتها ( ام نخيل) لايضاهيها مكان ابدا وخريجها دائما فى الاماكن المرموقة فى اى مكان وكنا فى الجامعة لم نعرف ماهى اللكلارك فقط شبط صندل او مركوب وكان يشرفنا .

United Kingdom [درب الاربعين] 10-13-2014 03:09 AM
كتر خيرك يا قوز دنقو والله المهندس سليمان اسماعيل بخيت على ، على كثرة طلته فى النت يبدو يفتش فى سبب منذ سنين عشان يورى قراء الراكوبة انه خرج اربعة من بنين وبنات المرا الكبيرة من جامعة مأمون حميدة ومجهز الان لاولاد المرا الثانية عشان يدخلهم برضو نفس الجامعة بقروش الاغتراب (ما شاء الله ) ، لكن يا باشمهندش انت اولادك وبناتك دكاترة اخصائيين النبذ بتاع (...........) لزومه شنو ، وبعدين عليك الله فى زول محترم غير كوز يشكر مأمون حميدة ؟ بس عشان قرا ليك بتك مجان ما انت دافع ليه لثلاث غيرها ، عموما انا لا اعرفك ولا اعرف قوز دونقو لكن قوزدونقو عندها حقد طبقى انت عندك شيسيفرونيا والاثنين محتاجين لعلاج ، وعلى فكرة مأمون عنده فندق خمسة نجوم ، اسف مستشفى خمسةنجوم ممكن يعالجك مجان ما انت داعم اساسى لجامعته

[هاني] 10-13-2014 02:15 AM
ماشاالله عليك بتك خلت طب الخرطوم عشان الاكادمية عفارم عليك و عليها... بس لمعلوماتك طب الخرطوم الى الان هو الطب الاول في السودان و مأمون حميدة زاتو عندو اولاد اهلو و ود اخو شخصيا وكمان شهادة عربية يعني ابوهو مغترب قراء طب الخرطوم الدفعة79وكان من الطلبة المتميزين يعني كان عمو يوديهو الاكادمية ... و لمعلوماتك الى الان طب الخرطوم محافظة ع مستوى تعليمها رغم محاولات الكيزان... و ازيدك من الشعر بيت د. هبة عبدالله حسن احمد البشير شخصيا ... خريجة طب الخرطوم و الدفعة 79 كمان ... اها رايك شنو.. خلي البوبار الفارغ بتاعك دا

Norway [DR SAME AL] 10-13-2014 02:13 AM
يامهندددددددددددددددددددددددددس اولادك دكاااااااااااااااااااااااترة


برضوا دي جامعة اكبر حرامي في السودان ودمر الجامعات والمستشفيات عشان جامعتوا وانت بتبختر علي الناس بنفس نتن بمالبستوا ابنك ..نحن الغلابة اولاد مزارعيين بااجنهادنا وبدون....حضرنا في اقوي الجامعات في العالم ونعمل في اكبر مستشفيات اوربا وبنقول انها جامعة بعرق القلابة...................ولنا بقية والحساب ولد

[المقهور] 10-13-2014 12:51 AM
صدقت ياعمنا الباشمهندس الراقي المُتحِف دوما بتعليقاتك وكتاباتك التي لاتخفي وتظلل الحقائق بظلال التلفيق والكذب، صدقت ياعم فيما قلته بخصوص جامعة مأمون حميدة وحتى لايكذبك حد من المُلقين أو يُكذبونني أو يتهمونني بالدفاع عنك بفرية أو التعاطف معك، فهاهو مقالك بعنوان دينق الدينكاوي وسلمان الرباطاابي وحوار الطرشان) الذي يُثبت بأنه فعلا لك ابن اسمه المدثر أو الدكتور مدثر الذي تخرج طبيبا من هذه الجامعة المرموقة وهاعو جزء من مقالك أحببت أن أعرضه للمشاهدين للإثبات وخاصة للذي اسمه قووز دونقو حتى لايُلفق ويبادر بنعت أبناء وأباء السودان الذين اغتربوا وهاجروا منذ أبد السنين للعيش الرغيد وسبل التعليم القوي لأبنائهم بالحرومية واللصوصية، حيث نشرت أنت،

قررت العودة للسودان وكان قراراً موفق حين أشوف ابنائى مدثر
ومحمد ومهند يكبروا ويتكلموا الهجة السودانية وسلوكهم سلوك
سودانى ، فكان قرار العودة صائب وموفق .. وحين تخرج المدثر
طبيب وأنهى فترة اﻹمتياز والخدمة العسكرية بحامية الدمازين
سلمته مفاتيح البيت والسيارة وعدت لوطنى الثانى السعودية فى
يناير 2003 م ، وبعد سنتين فقط جاء إبنى المدثر طبيبا بمستشفى
الشميسى... إلخ ولمن أراد مطالعة اامقال الذي كتبه المهندس الموقر عليه البحث بقوقل بكتالة عنوان المقال الذي ذكرته أعلاه، وتقبل تحياتي وأجمل كلماتي لك وربي يوفق كل الأبناء مدثر ومحمد وغيرهم من الذرية، علما بأني طالب أسنان بالسنة الأولى ووالدي أيضا مغترب وأحببت أن أشارك بالرد لأن والله الأباء لم يذهبوا ويغتربوا ويتحسسوا تعب الهجرة إلا لضمان راحة أبنائهم وأهلهم قبل راحة المغترب نفسه، فحفظك الله ومفظ والدي وكل والد يبحث ويهم بالأفضل لأبنائه.


#1124719 [AburishA]
4.18/5 (7 صوت)

10-12-2014 09:52 PM
تقرير فارغ المضمون...يبدو كمرافعة "دفاع" عن الطالب وعن الجامعة.. خلاص قدموا هذه المرافعة للحكومة البريطانية التي اعتقلته..
ان اتهام الطالب اذا كان ارهابيا ام لا ستظهر حقيقته في دولة تحترم القانون.. وبالطبع اذا ثبت الاتهام ضد الطالب فهو تصرف "فردي" حتى يثبت غير ذلك.. لذلك ارى ان مرافعة الجامعة لا لزوم لها.. الا اذا كانت تعني كما ذكرالمعلق [درب الاربعين] (كوهين ينعي ولده ويصلح الساعات).. قالوا رسوم كلية الطب السنة الواحد ب 68000000 جنية ( فقط ثمانية وستون مليون جنيه لاغير).. اعتقد ان يتخرج الطبيب بدرجة "استشاري"..

[AburishA]

ردود على AburishA
Norway [ahmed] 10-12-2014 11:52 PM
اتركوا الفبركة والدفاع عنه الحكومة البريطانية ليس غبية وليس كما في السودان الفساد والواسطات لابناء مقربي الحكومة ةالاغنياء؟اتركوا الفبركة والدفاع عنه الحكومة البريطانية ليس غبية وليس كما في السودان الفساد والواسطات لابناء مقربي الحكومة ةالاغنياء؟


#1124718 [كارهة الإمغاص]
4.19/5 (7 صوت)

10-12-2014 09:48 PM
جامعة مامون تفوقت على كوهين في نعي إبنه، كما ذكر "درب الأربعين"، كوهين على الأقل نعى إبنه أولا ثم أضاف الدعاية لتصليح الساعات، أما جامعة مامون فقد بدأت أولا بتصليح الساعات، الكسب المادي: ترويج للجامعة وعالميتها وانضباطها، فهذا وقت التقديم للجامعات الخاصة، وأهم شيئ هو جذب الطلاب القادرين على دفع الملاييييييييين ... وبعد ذلك يأتي الموضوع الثانوي "نعي الإبن"! يعني أيه موت الإبن؟ شعار الجامعة والجماعة إياها: "إبن يموت ولا دولار يفوت". قاتلهم الله.

[كارهة الإمغاص]

#1124715 [ابو طارق]
4.19/5 (6 صوت)

10-12-2014 09:42 PM
حبكم وايوائكم للا جانب مقابل شعب باكمله غدا تسمعون ما لا يرضيكم

[ابو طارق]

#1124696 [سكرن لط]
2.69/5 (7 صوت)

10-12-2014 08:45 PM
اول مره اعرف الجامعات في بريطانيا وكندا ما بتدرس بالانجليزي !!قولو للزول دا خلاص حللت مرتبك!
بالله شوف طيب وكتين امه مغربية ما ودتو المغرب ليه والا المغاربة ما بعرفو طب ولا انقليزي
ياخ ناس سوق الصل عارفين ديل ولاد الاخوان المسلمين المطرودين من يلادهم ومافي دولة سايبة وهاملة غيرنا عشان تلم الكرور ده الله يقلع الكيزان

[سكرن لط]

ردود على سكرن لط
Uzbekistan [ماسكران لط] 10-13-2014 09:05 PM
إنتا خليك في اللي تشرب يامتخلف. وبعدين كل اللي يسبوا الجامعة لأنهم فاشلين ومادايرين يدفعوا رسوم الجامعة. دراسة بلاش مافيه كله حسد وغيرة من الناس اللي تدفع لدراسة اولادهم.


#1124688 [ساهرون]
3.88/5 (7 صوت)

10-12-2014 08:35 PM
مادام الجامعة تدرس باللغة الانجليزية، لماذا لا يصدر البيان باللغة الانجليزية خصوصاً وأن الجهة المخاطبة التي يجب مخاطبتها وإثبات براءة الجامعة هي جهة أجنبية؟

[ساهرون]

ردود على ساهرون
[هاني] 10-13-2014 02:18 AM
قويييية منك


#1124594 [متابع]
4.19/5 (7 صوت)

10-12-2014 06:06 PM
هو من لديه ميول ارهابية سيظهرها على الملا !! بألطبع لا, سيظهر عكس ذلك تماما, وهل علاقة صداقته بعائلة سودانية ستنفى عنه تهمة الارهاب ! بيان هذا العميد فطير وساذج, فمن الافضل لهم ايجاد سبل أكثر فعالية للتدقيق فى ينتمى اليهم, ولا يكون همهم الاول الحصول على المال, هذا فى حالة أن هذه الجامعة غير مسيسة وتخضع لنظم سرية خاصة.

[متابع]

#1124586 [درب الأربعين]
4.13/5 (11 صوت)

10-12-2014 05:59 PM
ههههههههه،مثل الشراهة في جمع المال والبخل والأنانية التي يتميز بها مأمون حميضة صاحب مستشفي أزيتونا جاء التصريح الصحفي الخاص بالطالب المعتقل طارق علي طريقة(كوهين ينعى ولده ويصلح الساعات). والله أنحنا في زمن عجيب لا مروءة ولا رجولة ولا ضمير.

وكوهين هو يهودي توفي ولده وأراد أن ينعيه في الصحف بإعلان مدفوع القيمة ولكن لبخله أراد أن يضرب عصفورين بحجر فجاء النعي كما يلي(كوهين ينعي ولده ويصلح الساعات). والآن يستفيد من طريقته الوزير المفروض علي الشعب السوداني والتاجر البخيل مأمون حميدة.

[درب الأربعين]

#1124580 [ودالارباب]
4.07/5 (5 صوت)

10-12-2014 05:51 PM
ليس كل الاغنياء من المؤتمر الوطني بطلوا حقد وكراهية وعنصرية

[ودالارباب]

#1124575 [Sam]
4.19/5 (6 صوت)

10-12-2014 05:42 PM
وهو كان قد حضر محاضرته الصباحية من الساعة 8 إلى الساعة 10 صباحاً في نفس اليوم - دا عربي ايه يا باشا وبعدين الجامعه ما حاضنه و ما بتفرخ ارهابيين والا الفهم كيف؟

[Sam]

#1124557 [قوز دونقو]
3.88/5 (16 صوت)

10-12-2014 05:14 PM
ما هو للازم تقولوا كدا؟؟؟ المشكلة ليس في الطالب المشكلة في الجامعة نفسها و تبعيتها الحقيقية؟؟ فهي بهذا المستوي ليست جامعة خاصة يملكها الدكتور مأمون حميدة؟؟ و إنما مالكها الأساسي هو التنظيم العالمي للإخوان المسلمين ؟؟؟ حيث أكثر من 60% من طربها أجانب و ال40% منها سودانيون يتبعون للمؤتمر الوطني يعني أبناء (حرامية و لصوص) إذ التكلفة العالية للجامعة لا يستطيع تحملها مواطن عادي من ذوي الدخل المحدود ... و الآن قضية هذه الطالب سوف تفجر معلومات من العيار الثقيل ؟؟؟ و ربما تتدخل الد\ولة ممثلة في الحزب الحاكم لطي ملف هذا ال
طالب و لو أدي ذلك لدفع الملايين من الدولارات للمحاميين البريطانيين من أجل براءة الطالب و حصر القضية كلها في الطالب أما مسألة من أسس هذه الجامعة فسوف يكون في طي الطتمان بالطريقة المدغمسة التي تدار بها الدولة السودانية ؟؟؟
و يا دار ما د\خلك شر ؟؟؟
اللوبي الإخواني سوف يستخدم كل نفوذه من أجل إنهاء هذه القضي’

[قوز دونقو]

ردود على قوز دونقو
Saudi Arabia [المهندس سلمان إسماعيل بخيت على] 10-13-2014 02:32 PM
هذا كذب وافتراء يا [قوز دونقو] ستسأل عنه يوم القيامة فهل أنت مستعد لذلك
هذا المال يعود لرجل الأعمال محمد على حميدة من اكبر رجال المال والأعمال بسنار ويعرفه كل اهل سنار وهو ينحدر من مدينة بربر حيث خبر اهله التجارة والمقاولات فى زمن كان غالبية اهل السودان لا يمتهنون مهنة سوى الرعى والزراعة التقليدية
محمد على حميدة من كبار رجال الحركة الوطنية السودانية بالحزب الوطنى الأتحادى ومن أكبر الداعمين لحزب الأزهرى فى زمن عز فيه المال
توفى لرحمة مولاه
وطبيعى أن يرث الأبناء والدهم
أتفق مامون وحافظ ( شقيقين ) فى إستثمار نصيبهم فى الميراث فيما عرف لا حقا ( بهذه الجامعة )
تخيلوا شخص يدعى [قوز دونقو] يجى وبدون أى معرفة بهذه الأسرة العريقة وتاريخها عشان يقول لينا ( و إنما مالكها الأساسي هو التنظيم العالمي للإخوان المسلمين ؟؟؟ ) هو التنظيم العالمى للأخوان المسلمين مجنون عشان يستثمر فى السودان فى وقت فيه المستثمر السودانى هرب كل رأسماله لأثيوبيا والكيزان عرفوا بالجبن حتى ماسرقوه من السودان هربوه وحفظوه فى بنوك استنبول والدوحه وماليزيا
الأموال دى أموال ابن الحزل الوطنى الأتحادى المغفور له بإذن الله محمد على حميده ابن بربر وسنار
ويا جماعة من يعرف منكم فاليكتب ومن لا يعرف فاليسأل ويقول من اين لمأمون حميدة بهذه الأموال ؟
فى العام 2001م كتب سيد أحمد خليفة صاحب ورئيس تحرير صحيفة الوطن مقالا يتهم فيه مأمون حميده بسرقة ارض حكومية شرق مطار الخرطوم وحولها لجامعة طبية خاصة به
دخلت لمبانى الأكاديمية وطلبت من مالكيها ( مأمون حميده وحافظ حميدة - وكليهما بروف عينى بارده ) وقرأت عليهم المقال وقلت كيف يسرق أبناء محمد على حميده أرض حكومية - وضعت كل المستندات التى بموجبها حازوا على ملكية الأرض ومن ضمنها نتيجة المزاد العلنى الذى رسي عليهما وأن الأرض دفعت قيمتها كاش بالدولار
كتبت مقال نشر على الصفحة الثالثة بصحيفة الوطن ( والد خريج وطالبه ) يدافع عن أكاديمية العلوم الطبية والتكنلوجيا ويبين الكيفية التى آلت بها ملكية الأرض للكلية وبعدها بأيام جاء نفس الصحفى وأعتذر لبروف مأمون بأن فى ناس ضللوه حين قدموا له معلومات مغلوطة وأن الصحيفة قامت بنشر رد البراءة الذى أعده المهندس سلمان اسماعيل فى نفس الموقع الذى قدمت فيه التهمة وقبل بروف مأمون عذره
عشان كده نحن بنشوف ناس زى [قوز دونقو] لمان يرسلوا رسائل لا اساس لها سيسهموا فى تحويل صحيفة الراكوبة لصحيفة تنقل معلومات غير دقيقة ودا يعتبر خصم مش أضافة يعنى [قوز دونقو] وامثاله خصم وليس اضافة ودفاعى عن بروف مامون وجامعته لا يبرأه من أخطاء وقع فيها وهو وزير ولائى للصحة وأتصلت به فور تعيينه وزيرا للصحة ليس مهنئا بل معاتبا وقلت له قبولك منصب وزير شو لا قيمة له ولن يضيف لك جديد وسيكون خصما على شخصك وجامعتك ولكنه أكد لى أن جامعته خلاص كسرت سنون اللبن وبلغت سن الرشد فلا خوف عليها وقال لى تعمدت أن أبعد عن الجامعة حتى أطمئن وأن حي يرزق أن الجامعة بعد وفاتى لن تموت معى كما ماتت كثير من المؤسسات الصحية والتعليمية بموت مؤسسها وأكد لى أن الجامعة لم تعد جامعة مأمون حميدة وأنما جامعة العلوم الطبية والتكنلوجيا

[ali] 10-13-2014 01:20 AM
قوز دونقو رد عليك [المهندس سلمان إسماعيل بخيت على]



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة