الأخبار
أخبار إقليمية
الصوارمي يوضح ملابسات الإعتداء على العميد عصام مصطفى سرور بالضعين
الصوارمي يوضح ملابسات الإعتداء على العميد عصام مصطفى سرور بالضعين
الصوارمي يوضح ملابسات الإعتداء على العميد عصام مصطفى سرور بالضعين


نفى أن يكون الجنجويد إعتدوا عليه
10-13-2014 12:14 AM
الخرطوم (سونا)
صرح العقيد الصوارمي خالد سعد الناطق الرسمي باسم القوات المسلحة أن ما تعرض له العميد الركن عصام مصطفى سرور قائد الفرقة 20 بمدينة الضعين من اعتداء مساء الأمس بمدينة الضعين قد جاء في إطار محاولته إقناع جمهرة من المواطنين أثاروا الشغب بالمدينة ومنعوا قطاراً قادماً من مدينة نيالا متوجهاً للعاصمة من التحرك .
وأبان في توضيح أن الفهم الخاطئ لبعض المواطنين حدا بهم للإعتداء على السيد قائد الفرقة بالضرب .
هذا وقد اجتمع سيادة العميد الركن عصام صباح اليوم بقواته بقيادة الفرقة موضحاً لهم ملابسات الحادث وأنه الآن يتمتع بصحة جيدة وعافية ، مؤكداً على قوة وصلابة القوات المسلحة وأنه في سبيل الوطن يهون علينا أن نضحي بأرواحنا ولا نهتم لما نعانيه من صعاب من أجل تنفيذ الواجبات الملقاة على عاتقنا نافياً أن يكون قد تعرض لأي تعذيب أو اعتقال من أي جهة منوهاً إلى أنه لولا ان الجو الماطر بالمدينة لا يسمح لأخرج قواته في طابور سير يجوب المدينة إحقاقاً للحق وإظهاراً لمدى مقدرة القوات المسلحة على التصدي والقيام بواجباتها على أكمل وجه .
هذا وقد انتهت الأزمة تماماً وواصل القطار سيره لمدينة الخرطوم .
من ناحية أخرى أفاد العقيد الصوارمي خالد سعد أن ما رشح من أخبار عن إختطاف ثلاثة طلاب حربيين صوماليين يحتاج لبعض التوضيح ، فهؤلاء الطلاب لم ينتسبوا يوما للكلية الحربية السودانية وإنما تقدموا بطلب للإلتحاق بالكلية ولم يتم قبولهم وتم مخاطبة السفارة الصومالية بذلك فاستلمتهم وقامت بتوزيعهم على بعض الأسر الصومالية المقيمة بالخرطوم ولا يصح أبداً نسبة الطلبة المختفين للكلية الحربية السودانية .


تعليقات 82 | إهداء 0 | زيارات 20150

صفحة 1 من 212>
التعليقات
#1126081 [شرفاء]
0.00/5 (0 صوت)

10-14-2014 03:26 PM
غصب عنك بنت ناس واي زول يرفض ويدافع عن نفسه عندك كيزان ماقلته ليكم خساره
وانا بقيت مابنت ناس عشان قلته طز فيك بس القالوا خايب والقالوا بكرسة ديل اولاد ناس صح صحي تضحكوا انا اتخيلته حتقيفوا وتقولوا وين حق الراجل وده من كرامة الجيش كيف تسكتوا قبلته على الراجل سبحان الله وانا لو بديت وصلية علي الرسول صلي الله عليه وسلم ده مانزل ليك انت والزيك براكم انا حره وربنا بيعرف منو المفروض يكتب حتى اسمه وبالله بطلوا ليه حكايت الكيزان والكيزان وكلامك انه لو ماكوز ماكان وصل لي هنا معليش فكر لو كان كوز ماكان ودوهوا الضعين ولوكان كوز كان اول طياره جابتوا الخرطوم للعلاج ولو كان كوز ماكان يادوب ماخد دكتوراه في الكيمياء ويمشي الضعين بقيتوا مابتشوفوا وفعلا كلمة الكيزان بقت في كل تصرف احنا رافضنه مازال في الجيش وفي الشرطه وفي ابسط المناصب سودانيين شرفاء بيخافوا الله (الخير في وفي امتي الي ان تقوم الساعة).

[شرفاء]

#1125590 [شرفاء]
5.00/5 (1 صوت)

10-13-2014 11:58 PM
بسم الله والصلاة والسلام على اشرف خلق الله سيدنا محمد وعلى اله وصحبه وسلم
وبعد

عايزه اقول كلمتي ليكم ولكن اعرفكم اولا بي انا زوجة اخو العميد الانضرب عشان يدافع عن ارض من اراضي السودان عايزه اتكلم عن بطل انتو مابتعرفوا ولا حتعرفوا حاجه ماعندكم غير الكلام والفلسفه كيف يعرفونا شعب سوداني للاسف نتفلسف انا دخلته وعلقته عشان متفأجأه منكم يااولاد البلد ولا اولاد البلد ولوى خلاص عايزه اقول عن عم عيالي وافتخر وطز لو ماعجبكم الكلام الجمل ماشي والكلاب بتنبح هو رجل عمل نفسه بنفسه ماعنده ولا بيت ولا ارض وعايش مأساتنا كشعب سوداني اولاده وبناته فيي جامعات تعب وشقى عشان يعلمهم من جيبه من جيبه ماكل الناس مااشراف وقبل ماتتكلموا وتتفلسفوا اعرفوا انه هو الوحيد الاتصدى للعالم دي انتوا ماكنتوا مع دموع انزرفت من اهل بيته فيها قلق وحزن عميق للاسف بس تعاليق مابتراعوا لشعور وجرح بتتسببوا ليهوا ولعائلته
وانتوا حصل ليكم موقف زي ده احنا عارفين كنتوا عملتوا شنوا زي ماشفنا وقفتكم يارجال بس فالحييين تتكلموا خساره ياشباب بلدي وينكم خلاص رحتوا مع الزمن الجميل بس شباب النت والفلسفه خساره شفنا وعرفنا منو الخايب والقالوا عنده كرش وبطن الحمد الله من جيبه غصب عنكم وعلي الاقل بجسمه الماعجبكم ده وقف وقفت رجال

[شرفاء]

ردود على شرفاء
Saudi Arabia [د.الزهجان] 10-14-2014 09:34 AM
تبا للكيزان ..حتى انتي يا ارقوزة بتنبزي واا خسارة الاسم

البداية بالبسمله والصلاة على النبي . والباقي غزارة كيزانية

نحنا عايزين نعرف عم اولادك ده الدقاهو منو يا امورة

وبعدين الناس بتنتقد ما الت اليه الموسسه العسكريه في عهد الكيزان . ولسوء

الحظ كان عم العيال اتكاءة المعلقيين

واخيرا الكيزان لو عمكمن ده ثقة عندهم ما كان وصل عميدh

Canada [سودانى طافش] 10-14-2014 01:20 AM
أولا أنحنا كسودانيين ماعندنا إمرأة ( شريفة) ومؤدبة وبنت ناس بتقول ( طز ) لأى شخص .. عشان كدا الضابط العندكم بدقوهو الناس فى الشارع وأكيد هو خريج المؤتمر الوطنى وهؤلاء لابعرفوا عسكرية ولا كيف يتصرفوا والرتبة تمنح حسب الولاء ... عائلة مضحكة !

[عزو مستريح] 10-14-2014 12:22 AM
مادام العميد الهطلة تابع للانقاذ طز فيه وفيك.


#1125582 [john mohamed]
0.00/5 (0 صوت)

10-13-2014 11:38 PM
عليك الله يا الصوارمى مش أحسن تسكت؟ أسكتك الله الى الأبد. بكل تأكيد انك لم تتخرج من الكلية الحربية .المليشيا تجلد العميد تقول لى عن التضحيات؟ المطرة تمنع الجيش من طابور العرض؟ والله تبالغ.أنت يا الصوارمى يا سكران ديمة يا مسطول ديمة.وهذه لا شك فيه وبعدين هل الكلية الحربية أصبحت يتقدم لها الطلبة (الأجانب) مباشرة ويتم قبولهم أو الرفض؟ هل ضربت الفوضى بأطنابها حتى (مصنع الرجال وعرين الأبطال)؟ الله يرحم الجيش.وأصلآ ما عاد هنالك جيشآ لهذه البلاد بعد الدفعة (39)المليشيا تدق عميد دقة قطن؟وشقى الحال لسة متكنكش بالكاكى ومادى كرشه كأنه واقف فى عنبر الدايات.من يعش يرى.

[john mohamed]

#1125564 [عرب دارفور]
0.00/5 (0 صوت)

10-13-2014 11:05 PM
قائد المتحرك نجا من عود القذافى بضربة حظ

[عرب دارفور]

#1125562 [د.الزهجان]
5.00/5 (2 صوت)

10-13-2014 11:01 PM
خلاص نجيب ليكم الجبهة الثوريه تحاربوها في الهيلتون .. هنا الجو حار وكتاحه وغبار

h

[د.الزهجان]

#1125536 [nagatabuzaid]
5.00/5 (2 صوت)

10-13-2014 10:06 PM
المطر المطر نحن اذا جاء المطر المطر نخرج ونلعب بالزهر الزهر

جيشنا اذا جاء المطر المطر يجرى ويندس وراء الشجر الشجر قال الصوارمى

جيشنا جيشنا يهرب ويخشى المطر المطر عجبى

[nagatabuzaid]

ردود على nagatabuzaid
Saudi Arabia [أم حلابية] 10-14-2014 08:15 AM
أنتي عارفة يا نجاة , جو المطر دا الجنجويد بشربوا فيهو أم حلابية (مديدة دخن بلبن وسمن)عشان كدا المطر ما بعمل لهم حاجة, ناس تريانة وشبعانة مش من طعامه ابوعديس حبيب الجيش , فشتان بين من طعامه أم حلابية و آخر حبيبه أبوعديس لا يقوى جسمه على المطر هههههه


#1125489 [Adil A Omer]
3.00/5 (2 صوت)

10-13-2014 07:44 PM
اذا فى الجو الماطر والهمبريق ما قادر تطلع قواتك لاحقاق الحق متين حتطلعهم يا خيبة امك فى عيد ميلاد المدام !!!

[Adil A Omer]

#1125460 [فارس]
3.00/5 (3 صوت)

10-13-2014 06:21 PM
هذه الحادثة أثبتت أشياء كثيرة منها الآتى:

1/ أن الجنجويد صاروا أعلى رتبة من الجيش إلى الدرجة التى تسكت فيها الحكومة عن جرائمهم وجلدهم لعميد رفيع بالجيش ويسجن الصادق المهدى وإبراهيم الشيخ لمجرد إنتقاداتهم لها.

2/ حقيقة إنهيار الجيش السودانى وقد سبب هذا فى فرض الجنجويد أنفسهم على الحكومة بقول حميدتى: البلف عندنا،، نقول إعتقلوا الصادق يعتقلوه نقول فكو الصادق يفكوه،، وتانى ما فى مجمجة،، الميدان هناك والذخيرة تورى وشها،، ولامن الحكومة تعمل ليها ديش نحنا قاعدين،، والراجل فيكم يقول بغم،،،

3/ وكما أنهى المرتزقة الأتراك السلاجقة حكم الدولة العباسية إذا كانوا مستأجرين لحمايتها فبالإمكان أن يستولى الجنجويد ببساطة على الحكم اليوم فى الخرطوم دونما مقاومة من أحد خاصة وأن الحكومة قد سلحتهم بالأسلحة الإيرانية الحديثة ودربتهم فى ولايتى نهر النيل والشمالية لحسم الجبهة الثورية فى حملة الصيف الحار.

[فارس]

ردود على فارس
Sudan [nagatabuzaid] 10-13-2014 09:17 PM
الله يديك العافية يا فارس البند 3 فى تعليقك شخصيا متوقعاه 80 % فهم قاب قوسين او ادنى


#1125434 [التلب]
5.00/5 (1 صوت)

10-13-2014 05:29 PM
واحد من اتنين .. اما ان هذا الضابط صاحب هذه الرتبه الرفيعه قد ذهب الي
محطة القطار باللباس المدنى وربما يكون فى حالة سكر وعمل جوطه ومشاكل والناس مسكوهو ودقوهو وما عرفين انو ضابط مجرد ضابط وفى هذه الحاله ياصوارمى يحال الى اﻻستيداع وتكون له لجنة تحقيق
للمحافظه على سمعة القوات المسلحة وهذا ابسط تصرف بدل هذا البيان الركيك !!او ان قد مشى بصفته الرسميه وانجلد هذه الجلده فهنا يتحر ك كل
الجيش لتأديب كل من تسول له نفسه باهانة هذه الجيش والذى كان من اعظم الجيوش فى المنطقه العربيه واﻻفريقيه قبل ان تكون يا صوارمى
ناطقا باسمه لتصدر هذا البيان الخائب.

[التلب]

#1125425 [أهل العوض]
3.00/5 (5 صوت)

10-13-2014 05:19 PM
جيش يخاف من موية المطر البااااااااردة فهو بالتأكيد أجبن من أن يخوض نيران الحروب التي اشعلها الكيزان في أركان البلاد الستة!!!!!

[أهل العوض]

#1125394 [باسطة]
3.00/5 (5 صوت)

10-13-2014 04:38 PM
هذه الخطوط التي تظهر في ظهر اللواء ليست لكمات من جماهير بل تبدو كضرب لشخص أوقف تحت التهديد ثم جلد بحزام جلد أو خرطوش مياه و الله أعلم

عازه قومي كفاك عازه غطي قفاك

[باسطة]

#1125383 [Salah AL Deen P]
5.00/5 (2 صوت)

10-13-2014 04:20 PM
(( هذا وقد انتهت الأزمة تماماً وواصل القطار سيره لمدينة الخرطوم .))

دي تشبه قصص شهريار وفهريار
وتروجوا وعاشوا في سعادة غامرة وانجبوا العديد من الابناء والبنات وهناءة وراحة بال..
.. ثم ادرك الصباح فسكت عن الكلام المباح ..

[Salah AL Deen P]

#1125376 [الكاره الوضع]
5.00/5 (3 صوت)

10-13-2014 04:11 PM
الجماعة ديل ضباطهم مايصين ديل ضباط طيور الجنة ههههههها..

[الكاره الوضع]

#1125373 [باسطة]
5.00/5 (2 صوت)

10-13-2014 04:08 PM
زمان لما أبو كدوك يمر بشارع الأربعين في أم درمان كان أي عسكري مولع سيجارة و واقف في الشارع منتظر ترحيل القوات المسلحة ما أن يرى سيارة أبو كدوك إلا و خبأها أو قذف بها بعيداً، ليس خوفاً و لكن التربية العسكرية الصارمة لإحترام الرتبة حتى إنسحب هذا التقدير و الإحترام ليضم المدنيين
لماذا يا ترى آل الحال كما نرى

عازه قومي كفاك عازه غطي قفاك

[باسطة]

ردود على باسطة
Sudan [nagatabuzaid] 10-13-2014 09:21 PM
انت قلت اى عسكرى وديل جنجويد شن جاب لجاب


#1125357 [رقم صفر]
5.00/5 (3 صوت)

10-13-2014 03:47 PM
ادعو الشعب السوداني القيام بتكوين "جمعية حماية الجيش". من واجبنا نحن المواطنين حماية جيشنا الوطني رمز العزة والكرامة. الله اكبر ولا نامت اعين الجبناء والمخزلين.

[رقم صفر]

#1125350 [شهنور]
5.00/5 (3 صوت)

10-13-2014 03:33 PM
والله يا الصوارمى انت صرمه قديمه حسى دى تصريح.

[شهنور]

#1125321 [Mohammed]
5.00/5 (4 صوت)

10-13-2014 02:55 PM
نهر النيل
عاشق السودان
**************

معليش ولا يهمك علقة تفوت ولا حد يموت { ياما حتشوفوا بسبب نكص اليمين وخيانة الوطن
انتم ياضباط الجيش فرطتم في كرامتكم وكرامة الوطن حينما سمحتم للرجرجة وحُثالة البشر وانتم تنظرون ينماكانت عصابة الانقاذ تُمزق الوطن وتُدمر كل ما هو مفيد ولم تُحركوا ساكناً.
تستاهلوا كتر من الدق .

[Mohammed]

#1125309 [المتجهجه]
5.00/5 (3 صوت)

10-13-2014 02:41 PM
ممكن الصرمة أو الصوارمى ده قايل عندنا قنابير

[المتجهجه]

#1125291 [jolai]
5.00/5 (1 صوت)

10-13-2014 02:16 PM
اجي اجي يا الصوارمي المطره دي ما زاتو جو البيادة وطابور السير ... اجي يابحري

[jolai]

#1125273 [حامد]
5.00/5 (1 صوت)

10-13-2014 02:02 PM
تعليقاتكم كلها زي وجيهكم

[حامد]

#1125265 [sami ibrahim]
4.75/5 (5 صوت)

10-13-2014 01:53 PM
نحن من الدفاع بالنظر
للمطرة منعت الجيش يطلع
اول مرة اشوف جيش بخاف من المطرة

[sami ibrahim]

ردود على sami ibrahim
United States [ماص يوص موصا] 10-14-2014 01:16 AM
حيتماصوا


#1125262 [مستر بن]
4.00/5 (3 صوت)

10-13-2014 01:49 PM
وتحت تحت فتحو الفولة وعملوها بوش بجبنة بس الخجل حاميهم يقولوها بعد الفحص السريري

[مستر بن]

#1125218 [بومدين]
5.00/5 (2 صوت)

10-13-2014 01:14 PM
و برغم الريح .. و برغم ( الجو الماطر ) و الإعصار
و برغم الحزن الساكن فينا ليل نهار
بصرت و نجمت كثيراً لكني لم أقرأ أبداً فنجاناً يشبه فنجانك
بصرت و نجمت كثيراً لكني لم أعرف أبداً أحزاناً تشبه أحزانك
مقدورك أن تبقى أبداً في بحر الحزن بغير قلوع
وتكون حياتك طول العمر طول العمر كتاب دموع
مقدورك أن تبقى مسجوناً بين الماء وبين النار
برغم جميع حرائقه .. وبرغم جميع سوابقه

قارئة الفنجان .. كلمات نزار قباني ، الحان الموسيقار محمد الموجي .. غناء ماجدة الرومي .. مـهـداة للصـرماية وتابعه قفه !!.

[بومدين]

ردود على بومدين
United States [هي برضو غنتها] 10-14-2014 01:19 AM
جايز يكون سمعها من ماجده الرومي ايضا لانها هي برضو غنتها

Qatar [ياسر] 10-13-2014 09:22 PM
التعليق ظريف , بس الأغنية بتاعة عبد الحليم حافظ .


#1125175 [فكري]
5.00/5 (2 صوت)

10-13-2014 12:27 PM
الصوارمي تربية دفاع شعبي ومنسقيات إجرامية لا علاقة له بالجيش الذي تفكك وأنهار وأصبح زي رسمي يمشي بين الناس في الأسواق

[فكري]

ردود على فكري
Saudi Arabia [المهندس سلمان إسماعيل بخيت على] 10-13-2014 01:52 PM
يا الصوارمى البلد دى نحن اتولدنا فيها قبل استقلالها بثمانية سنوات يعنى لمان جاء الاستقلال كنا واعيين والشاويش الكان لابس رداء كاكى وبينظم فى جمهرة الناس الحضروا رفع العلم ما كان فى زول بيقدر يقول ليهو لمان يجى ينظم الناس لا خوف ولكن احترام وتقدير للوظيفة التى يشغلها والكاكى اللابسوا دا
اليوم عميد وكمان اركان حرب يضرب ويجلد ويهان
خلاص فى تقديرى الجيش يكون فقد عذريته وعلاقة الأحترام المنطلق من الحب لا الخوف بينه وبين مواطنيه
انتم حولتم الجيش والأجهزة الأمنية لأداة ارهاب وخوف
والبخاف منك اليوم وبكره لازم بعد بكره يكسر اغلاله ويضربك ويقتلك
اعملوا حسابكم فانتم لم تعودوا جند السودان الذى يخفض له المواطن القبعة وينحنى له
مصر تحتل حلايب وقائد الجيش ماشى يزورها ويمشى على السجادة الحمراء ويتلقى تحية جيش مصر الذى أنتهك عرضه وارضه فى حلايب
يا الصوارمى عاملين جيش عشان ايه
عشان تضربوا اولاد جلدتكم السوداء وتخلوا اولاد بمبا يبرطعون فى حلايب
وعاوزين الشعب يحترم جيش 60 سنة يقتل فى اهله وما قادر يحرر ارضه فى الفشقة وابيي وحلايب
عجبتنى ليك الهانة ايها العميد اركان حرب
والجايات اكعب يا صوارمى


#1125148 [قوم بالليل]
2.25/5 (5 صوت)

10-13-2014 11:56 AM
ويا الصورامي ؟؟؟؟

ما وريتنا حضرة العميد الدقوا المواطنيين مطرة صبت دا كان حجازوا منو؟؟؟؟؟
ولا باقي القصة نتمها خيال !!!!!

[قوم بالليل]

#1125139 [اصغر البيت]
5.00/5 (2 صوت)

10-13-2014 11:46 AM
الصواومي خريج جامعة القران الكريم دا بالجد مضحك ببيانو دا ذكرني بيان كيس القروش القبضو في مصر والله أدعو السودانيين ليوم بكاء جماعي علي القوات المسلحة ممكن البكا ينفع وكمان في حاجه مهمة يجب الاحتفاء بها وهي الصحة التي يتمتع بها ضباطنا في القوات المصلحه انظرو مليا لهذه الضابط منتفخ الكرش والمؤخرة

[اصغر البيت]

ردود على اصغر البيت
[سم زعاف] 10-13-2014 01:19 PM
والله ضخامة شحم الضابط اول حاجة لفتت نظري ولكن لا تثريب عليهم فأنظر إلى القائد الأعلى للقوات المسلخة وعينك ما تشوف إلا النور كرش حامل 8 شهور وشوية مم أدى زي ما انتو عارفين إلى بوظان الركب التي ساحت ولم ينفع فيها الطبيب المداويا. منه العوض وعليه العوض


#1125137 [منو العوض]
5.00/5 (2 صوت)

10-13-2014 11:44 AM
هو في جيش لو في ماكان عمل انقلاب من زمان!!!!!!

[منو العوض]

#1125128 [حسين]
5.00/5 (3 صوت)

10-13-2014 11:36 AM
ياخ انحنا شماسه بتاعين مكافحه شغب ما بنعمل ليهم كده جاي تقول دا فعل مواطنين
سيب الغش والدهلزه
ديل عمايل جنجويد ومرتزقه
وكانو بيسرقو المواطنين في القطار لتاخر المرتبات
زمان قالا ابراهيم الشيخ
الناس دي قطاع طرق
وبكره تشوفوهم عندكم في الخرطوم
وهم بيقلعو المارسيدس والباترولات

[حسين]

#1125123 [سوداني]
5.00/5 (1 صوت)

10-13-2014 11:30 AM
لولا الجو الماطر لكنا فعلنا كذا وكذا
(فإن كُنتُم من الحر والبرد تفرون فأنتم والله من السيف أفر يا أشباه الرجال ولا رجال)
هسه لو كان ديل طلبة ولا مرة في الديم كان جو يتفرعنو
احي الروب سيدي بي سيدو
البولد المحن بلولي صغارهم
لمن يطّلع البحر. بهضلم الحراز

[سوداني]

#1125100 [الشعب المقهور]
5.00/5 (1 صوت)

10-13-2014 11:10 AM
ده ضابط خايب ! والله انا اكون فى محلو الا اجيب القوة كلها واحش ليك اى جنجويد حايم واحتل المنطقه كلها... مهازل فى مهازل البلد كلها بقت مسخرة خلاص انسوا حاجه اسمها السودان ........

[الشعب المقهور]

ردود على الشعب المقهور
Sudan [nagatabuzaid] 10-13-2014 09:31 PM
يقدر؟؟؟؟؟؟؟؟؟؟؟ ده لو بقدر


#1125083 [الخنجر]
4.88/5 (5 صوت)

10-13-2014 10:56 AM
مع كامل احترامنا للقوات المسلحة ولكن ان يقوم مواطنين بضرب قائد فرقة والتي تتكون من 3 لواءات اي قوامها مالا يقل عن ثلاثة الف جندي ان يضرب القائد وفي وضح النهار في تقديري هذه اساءة بالغة للجيش وتعد سابقة هي الاولى من نوعها طوال تاريخ القوات المسلحة حيث لم نسمع يوما ما بان قائدا للجيش وبرتبة عميد تم ضربه ، ومن المفارقات هذه الولاية قائد جيشها عميد ركن وواليها عقيد وهذه واحدة من بوادر عدم الانسجام خاصة في الجيش .ولقد انفرط عقد امن هذه الولاية منذ اغسطس من العام 2013 عندما تم ترحيل ابناء قبيلة المعاليا من عاصمة الولاية الضعين بواسطة الامم المتحدة الي كل من عديلة وابو كارنكا وكذلك هي ثالثة الاسافي ان يطرد مواطن من عاصمة ولاية في سابقة ايضا هي الاولى من نوعها على مستوى السودان ان تنزع قبيلة من قبيلة اخرى حق كفلة الدستور وهو حق المواطنة والتملك والاقامة حيث تم طرد ابناء المعاليا من الضعين وبوجود الوالي كاشا وقتئذ فضلا عن اختطاف 42 شخصا من المعاليا اغلبهم من النساء والاطفال من داخل الضعين بواسطة مليشيات الرزيقات ولم يتم فك اسرهم الا بعد ان تم دفع فدية للخاطفين من الوالي كاشا

عموما نسأل الله ان يحقن دماء المسلمين ويصل الجميع الي حقيقة مفادها ان الاصل في الحياة السلام . والسلام

[الخنجر]

ردود على الخنجر
Sudan [nagatabuzaid] 10-13-2014 09:36 PM
يا الخنجر ويا عبدو موسى الناس تجتهد للانتهاء من مشلةفلسطين ( معاليا ورزيقات ) انتوا بكلامكم ده بتساعدوا على تاجيج النيران الله يهديكم

Saudi Arabia [abdo Mussa] 10-13-2014 12:16 PM
اهلك المعاليا عايزين يقلعوا ما ليس لهم القضية ليست تملك ومواطنة القضيةا نهم عايزين دار ونظارة فى دار الرزيقات

Sudan [القريش] 10-13-2014 11:57 AM
(وكذلك هي ثالثة الاسافي ان يطرد مواطن من عاصمة ولاية في سابقة ايضا) ...ثالثه الاثافى يافصيح وليس الاسافى....عالم عجم بجد الاثافى بالدارجى السودانى تعنى اللديه.


#1125066 [أمة الامجاد]
5.00/5 (1 صوت)

10-13-2014 10:38 AM
سؤال واحد
ما جنسية الصوارمى ؟

1- صومالى
2- حبشى
3- تشادى
4- اريترى

[أمة الامجاد]

ردود على أمة الامجاد
[حامد عوض] 10-13-2014 03:45 PM
بدون


#1125065 [غسان بابكر]
4.75/5 (4 صوت)

10-13-2014 10:38 AM
أنا ما عارف...
بس لو كنت مكان العميد دا أول حاجه أجمع كل عساكر الغربيه والوسطى وأجي داقش الخرطوم والصويرم دا ﻷنه ما في زول عايزو أمسكو أجلده جلده عمر ما سمع بيها في ميدان أبوجنزير وأخلف ليه كيه عطرانتها تجيب السﻻحف من المالح، وبشه وعلي شيطان و الضار واللمبي وقائمة ال 51ينجلدوا مع الصويرم وينكووا و وأي واحد فيهم يندق ليه عود من عيدان القذافى ويترفعوا يموتوا في ﻻهاي يموتوا هناك عشان ما يعفننونا...

[غسان بابكر]

#1125060 [هاشم ابورنات]
4.94/5 (8 صوت)

10-13-2014 10:35 AM
ده جيش شنو البخاف من المطرة ده!!؟؟

[هاشم ابورنات]

#1125058 [SUDANI]
5.00/5 (1 صوت)

10-13-2014 10:34 AM
إقتباس (ﻣﺆﻛﺪﺍً ﻋﻠﻰ
ﻗﻮﺓ ﻭﺻﻼﺑﺔ ﺍﻟﻘﻮﺍﺕ ﺍﻟﻤﺴﻠﺤﺔ )
ياراجل إختشي العميد بسطنوا وفلقوا وسكوا قدامهم... صلابة شنو؟ إلا كان صلابه تحمل الجلد والفليق والإهانة من عصابات الجنجويد

[SUDANI]

#1125057 [عطوى]
5.00/5 (7 صوت)

10-13-2014 10:34 AM
حلوة الجو الماطر دى ... فى جيش بخاف من المطرة عجايب والله !!!!!!

اتو بس قولو غلبتنا الحيلة فى كلابنا الضالة دى .. قريبا سنسمع بانها قامت بعض احدىالقطط السمان ...

قريبا سيعرض على شاشات ولاية الخرطوم فلم زئاب وكلاب سيناريو ابوالعفين واخراج الطفل المعجزة بطولة .. الذئب محمد عطا والكلب حميدتى ...
سيتم العرض اولا فى نادى ضباط قوات الشعب المشلحة ...

[عطوى]

#1125048 [كاسترو عبدالحـمـيـد]
5.00/5 (4 صوت)

10-13-2014 10:26 AM
العذر الأقبح من الذنب . ياريتك لو ما تكلمت يا الصوارمى . كما اساء العميد المضروب الى القوات المسلحة وشرف الجندية جيت انت تكحلها عميتها . كيف لا يقدر جيش اثناء هطول الأمطار ان يخرج فى طابور وليس معركة ؟ الم تشاهد فى التلفزيون مباريات كرة القدم فى اوروبا تلعب اثناء نزول المطر والثلوج ؟ والله فضحتونا وشرطوا عينا . حتى الكذب اصبحتوا لا تجيدوه.

[كاسترو عبدالحـمـيـد]

#1125045 [المنجلك]
5.00/5 (2 صوت)

10-13-2014 10:25 AM
يا صوارمي الكلام واضحححح. عميد جايبنو يحرس قش بهائم وأخد علقة في رأسو الغريبة في كدة شنو دي أول مرة تحصل

شكراً ياحميدتي فضحتا الناس ديل رتب ساي وقوما وقعدة ومهماتهم الرسمية حماية قش البهائم هذا زمانك يا مهازل فأمرحي يعني اللواء حيحرس حصان

[المنجلك]

ردود على المنجلك
Sudan [القريش] 10-13-2014 12:00 PM
هو القش راااااااااقد هناك أول مره اسمع بقطر يرحل علف بهايم هناك هو القش هناك النار ما تكملو.الدنيل لسع درت والقش اخضر ويابس .


#1125043 [ابومروان]
4.75/5 (5 صوت)

10-13-2014 10:23 AM
ونيابة عن والي الخرطوم اقول ليكم الضابط ده ركز وانجلد في بيت عرس لانه جعلي وقلبوا حار

[ابومروان]

ردود على ابومروان
Saudi Arabia [أبوقرجة] 10-13-2014 10:50 AM
كلامك صحيح ميه في الميه ههههههههههههههه


#1125041 [Abu albra]
5.00/5 (2 صوت)

10-13-2014 10:23 AM
والله اصبح جيشنا فعلا جيش الهنا حتي طابور سير ما يقدروا ليه في جو ماطر والله الأفضل ان يقولوا أرضا سلاح ويسلموا الامر لبنات السلاح الطببببببببي اعتقد لهن القدر على السير في الأجواء الماطرة وأكثر تحملن من جيشنا الان يا صرمة

[Abu albra]

#1125034 [ممغوص]
5.00/5 (3 صوت)

10-13-2014 10:19 AM
ده الكلام الحفظوك ليهو يا سيادة العميد؟؟؟

[ممغوص]

#1125022 [ود بري]
5.00/5 (3 صوت)

10-13-2014 10:11 AM
الجو ماطر .. كلام عجيب .. يعني الجو جو دخان وشيشة وفول وكدا .. يعني الجييس ما يطلع عشان الجو ماطر .. والجو ساخن .. والجو بارد .. ومال يعمل في شنو في جو الحرب .. إذا كنتم تخافون من المطر .. فأنتم من الحرب أفر

[ود بري]

#1125017 [SESE]
5.00/5 (1 صوت)

10-13-2014 10:10 AM
لأول مرة نشوف في حياتنا مواطنين يعتدون على ضابط في الجيش وما فايدة الجيش اذا كان المواطنين يقومون بتأديب ضباطه بهذه الطريقة وكيف يقوم ذلك الرجل باستعارض قواته في المدينة وكرامته قد ديست في التراب ورأسه اصبح مثل مشروع الجزيرة بعد الخراب.......

الصوارمي دائما يعميها عندما يجي يكحلها ولو يعلم ان سكاته فيه اكرام للجيش اكثر من تصريحاته المهينة هذا علم ان الصمت احياناً فيه شئ من صون الكرامة افضل من الكلام الاخرق وما يتبعه من الضحك والشماته.....

[SESE]

#1125005 [مبارك]
5.00/5 (1 صوت)

10-13-2014 09:55 AM
اذا صحت مقولة العقيد الصوارمي فان العميد قد تصرف تصرفا خاطئا يستحق عليه المحاسبة الصارمة من القوات المسلحة وذلك لانه عرض سمعة القوات المسلحة للاهانة الشنيعة بسوء تصرفه ، فهنالك خطوات يجب اتباعها لفض التظاهر فاذا سيادة العميد لا يعلمها فلا يستحق حتى شرف الانتماء للقوات المسلحة

[مبارك]

#1124995 [الجـزيــــــــــرة ابا]
3.00/5 (5 صوت)

10-13-2014 09:48 AM
يا سلااااااام ياخ ايها النفاى الرسمى باسم قوات الشعب المبشتنة
قلت لينا لولا المطرة !! فعلا ( ألمى بارد بقد الدلو وبقد كرش الضباط المترهلين بقوت الشعب ) .. عفوا قوات الشعب .. خلاص نقترح عليكم يا ناس حمودى وتامر وهيثومى ان يكون مع اى عسكرى مروحة لتبريد السخانة ومظلة تحميه من الحر بدلا من المظلات المحمولة جوا .. وان يكون ايضا البوفيه المفتوح ملازم اول اقصد ملازم لكل تحركاتهم وناس نسرين ولولا ولولى يقولن يااااى ما تمشوا فى المطرة بتخرب الميك اب حقكم واحنا كدة حيجينا انهيار عصبى وناس دادى ما بحبو الكلام دة .

سنة يا عساكر المشروع الحضارى الخلانا نمشى كدارى ..... شئ بالنظر وشئ بعد صلاة العشاء واﻻنوار مطفية وشئ المطرة - اريتو سوط المطر اليجيب كثافتكم
يا امة ضحكت من جهلها اﻻمم المتحدة

[الجـزيــــــــــرة ابا]

#1124985 [فرح ود تكتوك]
5.00/5 (2 صوت)

10-13-2014 09:39 AM
اقتباس ( وأبان في توضيح أن الفهم الخاطئ لبعض المواطنين حدا بهم للإعتداء على السيد قائد الفرقة بالضرب ) .

متى كان المواطنين يعتدون على عسكرى نفر ، ودعك عن كبار الضباط ؟ . سعادة العقيد الصوارمى خالد ، بقوة عين لا تستحى جير جريمة الاعتداء على العميد ركن عصام مصطفى ضد بعض المواطنين مجهولى الهوية بالرغم من شهود عيان ، وأقارب للعميد ، شهدوا أن المعتدين هم من قوات الدعم السريع .
ما الدافع الذى يجعل الصوارمى يشهد شهادة زور ؟ ، رح يروح من ربنا فين ، يوم لا ينفع مال وبنون ؟ ، النجوم اللى فى كتفك يا الصوارمى لا يستحق أن تكذب فى سبيل الحفاظ عليها وزيادتها .
نرى ان من مصلحة القوات المسلحة وسمعتها أن يتم معاقبة المعتدين بشفافية ترضى الله وتقنع ضباط وصف ضباط القوات المسلحة ، اهانة ضابط تعتبر اهانة لكل الضباط ، واهانة لكل الشعب السودانى ، وبلاش رمى طواحين هواء بخزعبلات تضحك العالم عليكم .

[فرح ود تكتوك]

#1124974 [الشاهد الملك]
5.00/5 (5 صوت)

10-13-2014 09:32 AM
العقيد دا اصلا ماضحي بحته من روحى ياصوارمي العقيد اخد ليهو بسطونطين في ضهره ذى ما انت شايف في الصورة وكب شتات وخلي الحرس وراه عشان ماتكدب من اجل الوطن نصول ونجول

[الشاهد الملك]

ردود على الشاهد الملك
Saudi Arabia [رانيا] 10-13-2014 09:41 AM
هههههههه ضحكتني الله يجزاك خير


#1124973 [عجيب]
5.00/5 (5 صوت)

10-13-2014 09:32 AM
أظرف حاجة في الحكاية دي (لولا الجو الماطر)
*****
وبرغم الريح برغم الجو الماطر والإعصار الكذب سيبقى يا صوارمي أحلى الأعذار

[عجيب]

ردود على عجيب
Saudi Arabia [وين؟!!] 10-13-2014 01:02 PM
عجيب يا عجيب..تنصيص بديع ..رغم أن الصوارمي لن يتعرف على النزاريات

Saudi Arabia [رانيا] 10-13-2014 09:45 AM
ههههههه السيناريو مكتوب فيه كده هو قرا وبس .
المعنى لو حصل للسودان أي حاجة والجو ماطر حيروح فيها !
يا رب ما تحصل حاجة "بالليل" ولا في "المطرة" .


#1124970 [علي باحش الدكوك]
5.00/5 (6 صوت)

10-13-2014 09:31 AM
تعرض ضابط برتبة العميد في جهاز الأمن والمخابرات لضرب المبرح على أيدي فرسان القبائل
الضعين، نشطاء:

أصيب العميد الركن/ عصام مصطفى، الضباط بجهاز الأمن والمخابرات الوطني في السودان، بجروح وصفت بالبليغة أثر تعرضه للضرب المبرح علي أيدي فرسان القبائل بمدينة الضعين، حاضرة ولاية شرق دارفور المضطربة. وتأتي الأحداث على خلفية ورود معلومات للعقدة/فرسان القبائل بالمنطقة عن وجود شنحة سلاح قادمة من الخرطوم بأحدي القطارات، خاصة بجهاز الأمن والمخابرات الوطني، بغرض توزيعها على أبناء القبائل المتحاربة (الرزيقات والمعاليا)، وذلك لمزيداً من الأقتتال القبلي بين أبناء قبائل المنطقة. وعلى ضوء هذه المعلومات، قام العقدة/فرسان القبائل بحجز القطار المذكور بغرض تفتيشه والسيطرة على الأسلحة قبل وصولها لأيدي المتحاربين، إلا أن قائد قوة الحراسة بالقطار، وهو برتبة العميد في جهاز الأمن والمخابرات، رفض السماح للفرسان بتفتيش القطار وأنزال الأسلحة، مما أدى لأشتباكات بين الفرسان وقوة حراسة القطار، أستطاع من خلالها فرسان القبائل من طرد قوة الحراسة والسيطرة على القطار وتفتشيه وأنزال الأسلحة المشكوك في وجهتها، بعد أسر قائد القوة العميد الركن/ عصام مصطفى.

يذكر بأن إدارات أهلية بارزة ومثقفين وناشطين، قد وجهوا أتهامات صريحة لقادة وضباط الأجهزة الأمنية "الجيش، الشرطة وجهاز الأمن والمخابرات" بالضلوع في الحروب والصراعات القبلية الأخيرة بين قبليتي الرزيقات والمعاليا، وتمويلها بالمال والسلاح وبذر الشرارة الأولى لأحداثها. يذكر بأن قبليتي الرزيقات والمعاليا خاضت معارك ضارية في الرابع من شهرى شوال الماضي بمنطقة أم راكوبة، سقط على أثرها أكثر من 300 قتيل من الطرفين، وخلفت أعداد مهولة من الجرحى، إلى جانب أعداد كبيرة من النازحين.

وتكررت في الأونة الأخيرة الأتهامات الموجهة للأجهزة الأمنية من قبل الإدارات الأهلية والمثقفين والنشطاء في مجال حقوق الأنسان بالمنطقة للأجهزة الأمنية بضلوعها في الصراعات والحروب القبلية التي تنتظم هذه المناطق. يذكر بأن حروب دامية، دارت بين قبائل الرزيقات والمسيرية، الرزيقات والمعاليا، المعاليا والحمر، المسيرية والمسيرية فيما بينهم، سقط على أثرها أعداد كبيرة من القتلى والجرحى وتسببت في تدهور الموسم الزراعي وحركة الرعي وأنسياب حركة المواصلات والغلاء الفاحش للمواد التموينية بالمنطقة. وتأتي عملية القطار الأخيرة كأول بادرة لترجمة شكوك وهواجس أبناء هذه القبائل حول دور الأجهزة الأمنية في الحروب والصراعات امن السر للعلن.

فرسان القبائل أو ما يعرف محلياً بالعقدة (عقدة الخيل) يمثلون الجيش الشعبي للقبيلة لدى القبائل العربية في غرب السودان، وهم من تقع على عاتقهم مسئولية حماية القبيلة وحدود حاكورتها والفذع عندما الملمات واسترداد قطعان أفراد القبيلة المنهوبة... والعقدة يحظون بأحترام أفراد القبيلة والإدارات الأهلية والأستجابة لطلباتهم من الرجال والمال على وجه السرعة. بالإضافة لتمجيدهم بواسطة الحكامات وشعراء البادية.

[علي باحش الدكوك]

ردود على علي باحش الدكوك
Sudan [nagatabuzaid] 10-13-2014 09:47 PM
لك الشكر على تنويرنا وسؤال هل الضابط المضروب امن ومخابرات ؟ ام جيش ؟
اجد ميل نحو تصديق ما ورد فى التعليق لمعقوليته ان كان المضروب ضابط جيش فوا حسرتاه على الجيش وان كان ضابط امن خليهم يدقوه دق العيش

Saudi Arabia [الليل] 10-13-2014 09:40 PM
(شنحة سلاح قادمة من الخرطوم بأحدي القطارات) فية شحنه للمعاليا من الخرطوم تصل الضعين اولا.
(وهم من تقع على عاتقهم مسئولية حماية القبيلة وحدود حاكورتها(العقدة )) اذا الحال كذلك فالضرب للعقيد واجب.


#1124966 [زول]
5.00/5 (4 صوت)

10-13-2014 09:27 AM
بعد المطره تقيف بطلع قواتو . الله اكون في عونك ي الصوارمي كملت الكضب ذاتو.

[زول]

#1124956 [زول ساكت]
5.00/5 (3 صوت)

10-13-2014 09:16 AM
قالوا جاء ضابط عسكري صاح من الاقاليم للخرطوم ودخل على ضابط بالخرطومقاموا ادوه أدوه موية من الثلاجة باردة قام قال ليه محلتكم باردة ومويتكم باردة وكروشكم كبيرة
زمان مافي عسكري عنده كرش سبحان الله قال الجو ماطر يعني جو فول وما جو طابور او كما قال رحم الله الجيش

[زول ساكت]

#1124953 [Nubian Eagle]
5.00/5 (2 صوت)

10-13-2014 09:09 AM
ياخي الصوارمي دا اكبر زول كذاب حتى انه بليد في الكذب فكم من مرة يحاول تلميع القوات المسلحة التي اصبحت ملطشة في عهد الانقاذ وفقدت هيبة القوات المسلحة حتى في هذه الظروف العصبية لا يسلم ضابط بهذه الرتبة لاخذ حقه فان اعتداء على اي من القوات النظامية سواء عسكرية او شرطية لابد من اتخاذ الاجراءات اللازمة من اي شخص يعتدي عليه. لله درك يا درعنا الواقي

[Nubian Eagle]

ردود على Nubian Eagle
Saudi Arabia [رانيا] 10-13-2014 09:51 AM
وما أي إعتداء ده وحشي .


#1124950 [الشايقي]
5.00/5 (3 صوت)

10-13-2014 09:04 AM
>
أين السيادة يا الكذاب الرسمي == و قادة الجيش يهانون علي أيدي مليشيات ؟؟؟
أين الصحة الجيدة والعافية يا الكذاب الرسمي == و(الراجل) لحمو اتقطع ؟؟؟
أين القوة والصلابة يا الكذاب الرسمي == والقائد يشتكي من ألم الضرب المبرح ويخلع ثيابه ؟؟؟

[الشايقي]

#1124947 [راشد]
5.00/5 (3 صوت)

10-13-2014 09:00 AM
العب غيرها يا سعادة العقيد الصوارمي اذا كان هجموا عليهو مواطنين معقول العميد الركن عصام يصور جسمه وملابسه الداخلية وينشرها في الاعلام بس عشان مجهولين اعتدوا عليهو.

[راشد]

#1124946 [المشتهي الكمونية]
5.00/5 (3 صوت)

10-13-2014 08:59 AM
إذا ظهر الصرمة تأكد الخبر ،،، الجنجويد جلدوا العميد ،،، خبر أكده الصرمة بموجب البيان أعلاه

[المشتهي الكمونية]

#1124945 [shah]
5.00/5 (5 صوت)

10-13-2014 08:58 AM
هى حصلت؟ ... كمان الجيش بقى ما بيقدر يعمل حتى طابور سير فى المطر؟

[shah]

#1124944 [الحاج]
5.00/5 (4 صوت)

10-13-2014 08:58 AM
يا جماعه الصوارمي قال ليكم العميد ده انضرب من اجل الوطن
وهم عذبوا الناس في بيوت الاشباح وقتلوا الالاف من اجل سلامة الوطن

[الحاج]

#1124933 [ود الركابي]
4.97/5 (7 صوت)

10-13-2014 08:46 AM
غايتو الفضيحة الجابه للقوات المسلحة العميد ركن عصام مصطفي ستسجل في تاريخه . انااتولدت في منطقة عسكرية هي كوبر . اشوف ليه طابط كبير يعرض نفسه للاعلام والتصوير علشان جلدوه دي كتيره علي مابتنبلع .. يأخي كان تبلع الجلده وماتعرض نفسك للمذله والمهانه دلوقت العساكر بتاعينك حايحترموك كيف . الواحد حايجي يديك تعظيم ويضحك في سره .. فضيحه فضيحه فضيحه ..

[ود الركابي]

#1124928 [Al-Saif Albuttar]
5.00/5 (4 صوت)

10-13-2014 08:37 AM
بالله عليكم دة شكل طابط في الجيش السوداني يحليل زمن موسى الله جابو وابودقن وابكدوك لو دة حصل معاهم والله كانو حرقوا كل الحكومة حرق بس فعلا يستاهل شوفو كيف مرهل شكلو ما هو راجل

[Al-Saif Albuttar]

#1124920 [ملتوف يزيل الكيزان]
2.69/5 (6 صوت)

10-13-2014 08:25 AM
الصوارمي لم ينفي (اغتصاب الضابط) كما نفى تعذيب الضابط واعتقاله بالرغم عن عدم ذكر تعذيب او اعتقال في اي خبر!!!!!!!
هذه بدايات انهيار عصابة الاسلام السياسي ، على الكل مواصلة الضرب و على الشباب انجاز تكوين خلايا المقاومة و حراسة الاحياء ، فالجنجويد يطوقون العاصمة. ضاع الوطن فضل العرض. احرسو امهاتكم واخواتكم من انتهاكات الجنجويد لانهم سيكونون غدا السلطة الحاكمة في العاصمة. تسلحو بالملتوف ، فقد رأيناهو يحرق السيارات و حتى العربات المصفحة و الدبابات عندما تحاول التحرك داخل المدن. لا تخزلو عروضكم.

[ملتوف يزيل الكيزان]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة