الأخبار
أخبار إقليمية
بعد ساعات من عودته خائباً..البشير يدعو أركان حربه لاجتماع عاصف في منزله.. نافع ممتعضاً : شغلكم "ني" لا يمكن ان نرجع عبيداً للمصريين.
بعد ساعات من عودته خائباً..البشير يدعو أركان حربه لاجتماع عاصف في منزله.. نافع ممتعضاً : شغلكم "ني" لا يمكن ان نرجع عبيداً للمصريين.
بعد ساعات من عودته خائباً..البشير يدعو أركان حربه لاجتماع عاصف في منزله.. نافع ممتعضاً :  شغلكم


بعد فشل حيلة المشاركة في"محاربة داعش". مستشارو البشير ينصاعون لخيار البوابة المصرية للتقارب مع الخليج
10-13-2014 03:10 AM
الراكوبة عبدالوهاب همت

اعترفت القيادة السياسية العليا في الخرطوم، باتساع الهوة مع دول الخليج، وذلك في أعقاب زيارة البشير الأخيرة للسعودية، حيث تم عقد اجتماع عالي المستوي في منزل الرئيس، لتقييم نتائج الزيارة وتبعات ذلك، خاصة بعدما خاب أمل النظام في أن تكون السعودية المفتاح لتطبيع العلاقات مع دول الخليج كافة، على الرغم من محاولته الترويج الكاذب وأنه باستطاعته المساهمة بفعالية في حملة القضاء على داعش، وهي الرسالة التي أوصلها النظام إلى أمريكا عن طريق وسيط قبل أيام من زيارة البشير للسعودية.

وكشفت المصادر أن الفرصة الأخيرة في سبيل التطبيع مع دول الخليج باتت في التطبيع الكامل مع مصر ، وهي بوابة باتت الوحيدة أمام البشير للتنسيق مع الرئيس السيسي، وتقديم التنازلات، لعله يكون له حمامة سلام للتقريب بينه ودول الخليج مرة أخرى، في أعقاب الفشل الواضح في لقاء البشير بولي العهد السعودي، وعدم التوصل إلى نتائج مبشرة، خاصة أن البشير بات لا يفي بأي وعود بشأن الجماعات المسلحة والإرهابية التي تهدد شعوب دول العالم، والتي تصنفها دول الخليج ومصر على أنها إرهابية ويجب محاربتها.

وقالت المصادر أن البشير لم يكن يحمل معه أي أجندة واضحة أو تعهدات يمكن أن يقدمها كعربون وفاء، سوى إغلاقه الملحقيات الثقافية الإيرانية التي روج له مستشاروه على أنها عربون كافي في الوصول إلى أبواب الخليج المغلقة، الأمر الذي حتما لا يقنع أي دولة ناهيك عن دولة بحجم السعودية، التي من المؤكد أن لديها الكثير من التحفظات على كل ما كان يقوم به النظام السوداني في الفترة الماضية، خاصة فيما يتعلق بالتقارب مع إيران على حساب دول الخليج، وليس على أساس مصلحة ثنائية فحسب، مع الأخذ في الاعتبار العلاقة الوثيقة التي تربط بين نظامي طهران والخرطوم.

وفيما روج نظام البشير أنه يمكن أن يؤتي اللقاء بثمار اقتصادية، لتنعقد اللجان المشتركة بين السعودية والسودان، إلى الدرجة التي توقعوا فيها أن يمتد الكرم السعودي لتمديد الزيارة وعقد اللجان المشتركة الثنائية بين السعودية والسودان، خاصة أن البشير اصطحب كل من له صلة بهذا الأمر، لإنقاذ الانهيار الاقتصادي للسودان، ولكن خابت التوقعات ليعود البشير ومرافقوه بخفي حنين.

وحسب المراقبين فإن الوفد فوجئ من الصراحة السعودية، سواء في اللقاء أو فيما بعده في كلمة خادم الحرمين الشريفين التي ألقاها ولي العهد السعودي، والتي شكلت قاصمة الظهر لأي أمنيات أو أجندات يخبئها البشير ومرافقوه في زيارتهم للسعودية، ليتجه الوفد سريعا مختتما زيارته البروتوكولية إلى المدينة المنورة ومنها للخرطوم، بعدما أعد البشير العدة لمن يخلفه في الخرطوم، بأن الزيارة ربما تمتد إذا نجح في ترويج ألاعيبه على السعودية، ومن ثم فتح أبواب الخليج الموصدة.

وقالت مصادر مطلعة من الخرطوم أن البشير عقب عودته دعى أركان حربه إلى اجتماع عاجل للتفاكر حول الخطوة القادمة ، وبالفعل كان الوجوم سيد الموقف, حيث دلف الرئيس بمرافقة سكرتيرييه الامناء ووزير دفاعه ونوابه السابقين والحاليين بالاضافة الى عدد من الشخصيات ,قدر عدد الحضور بأكثر من خمس وعشرون شخصا و التي يتوسم الرئيس في معرفة بعض منها بالعمل الخارجي بعد أن تمت دعوتهم بطريقة سرية هادئة، حيث قدم وزير الخارجية تقريرا ، ثم تلى ذلك موقف الدولة الاقتصادي قدمه مسئول الاقتصاد في الحزب الدكتور صابرمحمد الحسن، وبعده أوجز مدير المخابرات بان قرأ تقييما للموقف السياسي واختتم بتقديم وزير الدفاع الذي شرح موقف العمليات الحربية والوضع في جبهات القتال قبل ان يختتم بالتركيز علي أهمية الوضع الاقتصادي والمعاناة التي تقع علي الجيش من ضغط الظروف الاقتصادية. ومن ثم فتح الرئيس فرص النقاش للحضور بعد تبيين الموقف كانت المفاجأة داويه وقوية للحضور بالتعليق السالب الذي ابتدر به الدكتور نافع علي نافع التقييم وشن هجوما عنيفا علي المؤسسة الدبلوماسية وقال إن ترتيب الزيارة كان فطيرا (شغلهم ني) وطالب بتغيير جذري في طاقم هذه المؤسسة ووفقا لحديثه(( والتي تجرنا الي ان نرجع عبيدا للمصريين من تاني، والان خسرنا ايران والترابي يزايد علينا ولم نصل لشئ مع الخليج))

وقد ظهر التبرم والضيق علي وجه الرئيس مما جعل بقية الحضور في عدم تكرار الحديث السالب خوفا من عواقبه الوخيمه عليهم ، ثم تلاه بالحديث الدكتور مصطفي عثمان اسماعيل مستشار الاستثمار ووزير الخارجية السابق فقال ان العمل الدببلوماسي فيه قصور واضح الا ان اللوم الاكبر يقع علي من قام بتضليل الناس ومنحهم وعودا كاذبة، ولم يكن مفوضا بما فيه الكفاية لذلك كما ظهر الان وانه هو من قاد الي هذا الاحراج ويجب من الان التحرز الى مثل هذه الوسائل التقليدية وأنها ماعادت مجدية في التواصل مع دول الخليج.

من ناحية أخرى شارك بالنقاش عدد كبير من الحضور الا ان حديثهم كان مائعا وكانوا ينظرون الى الاحباط البادي على وجه البشير تارة والي دقة الموقف الذي استمعوا الى تفاصيله تارة اخري، وكان اغلب الحديث منصبا في الهجوم على الرئيس المصري السيسي الذي ذبح الاخوان وشبهه احد الحضور (امسك المصدر عن ذكر اسمه) بانه مخلب الشيطان و الامريكان.

هذا وطغى على جو الاجتماع الهجوم الشديد على المصريين وبانهم يعاملون السودانيين باحتقار ومذلة ويريدوننا تبع لهم "وانهم يرفضون اي تنازلات رغم انهم يحتاجون الينا في كل شئ".
ورغم حالة الاحباط الشديدة التي طغت على أجواء الاجتماع، جاء مقترح من الاستاذ احمد عبد الرحمن عرض الأمر للتصويت فوقعت المفاجأة بان صوّت الجميع دون تحفظ بان يتم الاتصال بمصر، والبحث جدياً في أن تكون البوابة الجديدة للتقارب مع دول الخليج. وبعد ذلك أبلغت وزارة الخارجية السودانيه عبر سفيرها في مصر بأن الرئيس البشير سيقوم بزيارة جمهورية مصر خلال الفترة المقبلة.



تعليقات 81 | إهداء 1 | زيارات 44903

صفحة 1 من 212>
التعليقات
#1132031 [وجهة نظر]
4.54/5 (6 صوت)

10-22-2014 11:04 AM
شكله كده نهجالبروف الامريكي بتاع الاجتماع المفبرك عجبكم لذا صار اي واحد يمسك فنجان قهوة بالشمال و الكيبورد باليمين و الف على مزاجه و نقعد نحن للردحي و نسج الخيال .
ترى ماهو ذنبك ايها الشعب السوداني الكريم الذي اذنيته حتى تكون على رأسك حكومة كهذه و معارضة كهذه

[وجهة نظر]

#1126348 [سليمان]
2.59/5 (22 صوت)

10-14-2014 11:54 PM
ياأخواناانتو متأكدين دي فعلا قيادتنا ولو كانت كذلك فماذا تنتظرون ؟؟؟ قولوا لي وريحوا بالي وغيري من الجهلة ماذا تنتظرون ؟؟؟؟ الجاء الرد بموضوعية

[سليمان]

#1126335 [الكاشف]
2.05/5 (23 صوت)

10-14-2014 11:15 PM
اسباب تدهور العلاقات
1- التدخل في الشأن الخليجي تاريخيا متمثل في
- اساءة النظام لحكام دول الخليج اعلاميا مثل تعدي العقيد يونس محمود وتطاوله علي قادة تلك الدول .
- محاولة انقلابية مدعومة بضباط سودانيين علي الدكتور سلطان القاسمي حاكم الشارقة بواسطة عبد العزيز القاسمي وكان هؤلا الضباط معارين في الحرس الاميري
2- ضبط خلية من الاخوان المسلمين تخطط لقلب نظام الحكم في دولة الامارات متزامنة مع استضافة الخرطرطوم للمؤتمر العام لتنظيم الاخوان المسلمين.
الحل:-
زوال تنظيم الاخوان وليس قطع العلاقات مع ايران كما تعتقد حكومة الخرطوم.

[الكاشف]

#1126274 [Mohammed]
2.59/5 (24 صوت)

10-14-2014 08:49 PM
نهر النيل
عاشق السودان
**************

لا يُخالجني شك في أنك يا ضار علي ضار عبداً للمصريين وستظل الى ان يقطع الشعب الحُر رأسك الفاسد .
نحن الشعب السوداني الحُر لم ولن نكون عبيداً لأحد غير الله سبحانه وتعالى فأحترم نفسك يا عديم التربية يا نازي يا عفن .

[Mohammed]

#1126263 [ودالعمدة]
2.59/5 (22 صوت)

10-14-2014 08:26 PM
ايها السوداني ....
لا تتوقع من نبة الصبار....
أن تثمر لك تفاح

[ودالعمدة]

#1126238 [على]
4.17/5 (20 صوت)

10-14-2014 07:43 PM
صحيح ان الكيزان ليس لهم امان لكن اذا تتبعنا مايدور الان فى دول الخليج هنالك ازمات داخلية بدأت تطفو بشكل محتشم وخوفا من ان تتطور تريد هذه الدول بالضغط على الاخرين ثم ان بعض دول الخليج تقاتل من اجل تسويق النظام المصرى الذى يعانى داخليا وخارجيا وازمات اقتصادية لم تنفع فيها المليارات المسكنة التى تدفعها هذه الدول وايضا هنالك مشكلة المياه القادمة فلذلك هنالك رغبة فى تركيع النظام السودانى حتى لايصبح شوكت حوت فى وجه النظام المصرى انا اعتقد لو لعب النظام السودانى بذكاء ولكن من اين سياتيهم هذا الذكاء يمكن ان يستفيد فى ما يدور بالمنطقة

[على]

#1125673 [عمار]
2.59/5 (23 صوت)

10-14-2014 05:36 AM
مجموعة من البلطجية والبلهاء وعديمي الخبرة في الاجتماع , بالله شوفو وصلو السودان لياتو مستوي !!!!!!!!!

[عمار]

#1125600 [الطاهر الامين]
4.09/5 (24 صوت)

10-14-2014 12:26 AM
عفيت عنك يا sky painter فقد تكلمت كلام العالم بواطن الأمور .. مدرسة والله ...خليهم يعرفوا الحقيقة .. التاريخ لا يرحم .. نحن شعب له قيمة فريدة لكن للأسف لم ننجح في استغلال هذه الصفة ونعتز بها ونعيشها ونعلنها للملا بقوة ..

[الطاهر الامين]

#1125531 [سودانى]
4.59/5 (24 صوت)

10-13-2014 09:44 PM
احذر ثم احذر ان يكون عربون العلاقه هى حلايب او السكوت عنها او المساومة باية قطعة ارض او شبر من بلادنا فى سبيل استمرار نظام اصلا بني على الضعف والهوان امام الحركة الشعبيه والمجتمع الدولى ....يا ســـــــــــــــــــاتر .

[سودانى]

ردود على سودانى
Libyan Arab Jamahiriya [.... و آخرون] 10-14-2014 01:37 AM
ما تخاف،المرة دي كان اداهن السودان كلو، مش حيشفع ليهو...ذاكرة التاريخ قوية بما يكفي ليذكر المصريين بما حدث لحسني في اديس!


#1125469 [المهندس سلمان إسماعيل بخيت على]
4.17/5 (25 صوت)

10-13-2014 06:38 PM
شوف يا ريس الظاهر الوضع جايط معاك جوطه كبيرة وأنت ماشى تزور زول أحتل ارضك وبيقتل فى أخوانك جماعة تنظيم الأخوان المسلمين وأنت قلت أنا أخ مسلم منظم وابوى برضو أخ مسلم - طيب كيف تقدر تمشى على سجاد أحمر وتفتش حرس شرف جيش مصرى يحتل ارضك
خلاص السودان دا كله هان ليك والمهم ان تبقى فى الحكم
انا بقترح عليك تتنازل ليهم عن حلايب وشلاتين وتديهم كمان حلفا دغيم وان شايف الفضل من السودان دا انت ما حتقدر على حكمه
قال ايه الرئيس
حلايب لن تكون سببا لإشعال الحرب مع مصر
طيب ليه بتحارب فى الجبهة الثورية وقطاع الشمال
أليس لأنهم أحتلوا أجزاء من السودان ومنها كاودا
والله مادام حلايب لن تكون سببا لحرب مصر
انا شايف جيشنا دا مافى داعى يحارب الثورية وقطاع الشمال
ما اصله السودان دا بقى مسخرة وكل ود ما مقنعه يشيل منه شليه
المصرى يشيل حلايب
الحبشي يشيل الفشقة
والجنوبى يشيل ابيي
تخلى ديل عشان ما أولاد جلدتك
وتحارب الثورية وقطاع الشمال عشان كاودا
خليها كاودا دى لمان نلقى لينا جيش قومى يسترد حلايب والفشقة وابيي براها بترجع لأرض الوطن

[المهندس سلمان إسماعيل بخيت على]

ردود على المهندس سلمان إسماعيل بخيت على
France [كرتوت] 10-13-2014 07:48 PM
ياسلام عليك يا باشمهندس والله كلام جميل ومتزن وياريت كل المعلقين يكونوا بالموضوعية والاتزان مثلك,لك خالص الود.


#1125444 [AburishA]
4.17/5 (28 صوت)

10-13-2014 05:48 PM
يبدو ان الكيزان.. الدرب دخل ليهم في الموية !!!
** ان الضغط السعودي بالطبع هو بالتنسيق مع مصر.. لأنهم في حلف واحد مقابل" حلف قطر السودان ايران".. ان الدلائل تشير الى ان السودان سيفقد ايران ولن يكسب وُد السعودية ومصر الا بدفع الثمن غاليا!! ان زيارة البشير المرتقبة لمصر هي تأكيد لقول الشاعر:
** ومن نكد الدنيا على المرء أن يرى عدواً ما من صداقته بُدّ !!

** المتوقع ان يفرض الرئيس المصري شروطا.. بل تعليمات قاسية لنظام الخرطوم.. أخف واحدة فيهم.زأوع تجيبوا طاري حلايب وشلاتين دي في لسانكم..فاهمين !!.. في عهد الكيزان فعلا.. السودان أصبح عزيز قوم ذُل.. ولا حول ولا قوة الا بالله...

[AburishA]

ردود على AburishA
Saudi Arabia [almor] 10-14-2014 03:29 PM
حلوه منك يا بت ابوزيد وصلتي النبز البيستحقو المسخ دا بدون ماتفقدي زره من احترامك

[AburishA] 10-14-2014 01:56 AM
لك التحية بت ابزيد.. الجماعة ديل بقوا "مودرين" وأهلنا قالوا المودر بفتح خشم البقرة!! وهم ماشين يفتحوا خشم البقرة بتاعت السيسي.. وما حيلقوا حل..أنا خايف المصريين ديل يتشربكوا يقولوا ولاية نهر النيل زاتها تبعهم.. والله يستر.. والله المصريين انا بعرفهم لو لقوا الزول في موقف ضعيف بعملوا فيهو عمايل النجار في الخشب ما بسويها..لمن يرجعوا حيقدونا قد بنغمة الحريات الاربع ولا الاربعين ما عارف واسمعي كلامي ده..تقديري..

Sudan [nagatabuzaid] 10-13-2014 06:50 PM
نعم لا حول ولا قوة الا بالله وضع الريس يده على خده فى المدينة وسيحنى راسه فى القاهرة
تحياتى


#1125436 [ود الشمال]
4.17/5 (23 صوت)

10-13-2014 05:31 PM
البروفسير أريك ريفز أستاذ اللغة الإنجليزية ينشر وثيقة اسماها محضراً لاجتماع سري للغاية تم بكلية الدفاع الوطني في يوم الاحد 31 أغسطس 2014 حضرة كبار قيادات المؤتمر الوطني العسكريه والامنية ، خيل لنا فيها البروفسير اريك بأن استخبارات المؤتمر الوطني اقوي من الاستخبارات الاميركية ال C I A ، وبعد ذلك بفترة وجيزة تنشر صحيفة الراكوبة القراء وثيقة تحمل عنوان استراتيجية المؤتمر الوطني لا نتخابات 2015م ، يظهر هذه الوثيقة قوة المؤتمر الوطني التنظيمي والعمل الجماعي ، والآن ينشر لنا الاستاذ عبدالوهاب همت اجتماع لقادة النظام من داخل منزل الرئيس عمر البشير ، لو قلنا من سرب وثيقة البروفسير اريك احد القادة العسكريين المتعاطفين مع الشعب السوداني ، ولو قلنا من هرب وثيقة الانتخابات احد العاملين علي هذه الوثيقة ، ويا عبدالوهاب همت ماذا نقول عن تسريب الاجتماع لكابر القادة في النظم هل من سرب هذا الاجتماع عمر البشير ام عبد الرحيم محمد حسين ، وانت تتحدث بأن الاجتماع عالي المستوي في منزل الرئيس ويضم ، أركان حربه ؟ هذا النظام الذي اقنعنا البروفسير أريك بأن مخبراته اقوي من المخبرات الاميركية ، وايضاً ظهر لنا جلياً من الوثيقة التي نشرها الراكوبة عن الانتخبات مدي قوة تنظيم هذا النظام ، هل يا ترى يا استاذ همت هؤلاء ساسة النظام الي حد هذا السذاجة ان يتركوا احد يشتبه فيه بتسريب هذه الاجتماع الهام ان يحضر هذا الاجتماع ، ويا تري يا استاذ همت بعد تسرب وثيقتين في غضون سبعة ايام هؤلاء القادة في النظام لم يحسبوا لهذه الوثائق المسرب ولم يحطاطوا لمثل هذه التسريبات ، ام هم ليس لهم علم بهذه التسريبات ، ام نحن ليس لنا عقل كمتلقين ان نقارن بين الامس واليوم ، ارحموا عقل المتلقي السوداني ، ولا تنسوا ان جل من يقرأ الصحف ويتابع اخبار السودان هم من الواعين من الشعب السوداني ولن ينجروا وراء الاكاذيب ، كفانا تضليل من النظام .

[ود الشمال]

ردود على ود الشمال
Saudi Arabia [ود الشمال] 10-14-2014 10:58 PM
الاخ ابو رشا لك التحية :
اخي الحبيب قبل تسريب اجتماع ساسة النظام في منزل الرئيس ، سرب وثيقتان وفي غاية السرية ولذا في هذه الحال الاحتياط الامني في اجتماع يجمع جميع ساسة النظام بيكون قوي جداً ، ثم نقل ما دار في الاجتماع بكل دقة وحرفياً رغم الاجتماع كان اجتماع تشاوري ليس فيها اجنده ولا محضر للاجتماع مكتوب صعب جداً نقلها بهذه الدقة ، وهنالك سؤال اخي الحبيب لماذا اختيار هذا التوقيت في تسريب الوثائق والاجتماع في حين هنالك حراك سياسي بين قادة المعارضة في جانب والمعارضة والنظام في جانب اخر ، كل هذا يجعل هذه التسريب في وضع تقيم . ولك ودي .
يا المسمي ( سوداني رغم أنفك ) تسريبات ويكيليكس (( wikileaks )) لم يكون لاجتماعات تشاوريه بدون اجندة اجتماع ولا محضر اجتماع مكتوب كان عبارة عن وثائق مكتوب مأخوذ من ارشيف مخابرات يعني يا حبيب ممكن بكل سهول احد من عملاء الاستخبارات تسريبه .
الاخ المسمى ( julgam ) لك المعذرة الصحيح (( يحتاطوا )) ولكن التنابز بالألفاظ النابية من ضعف الحجة . ولك التحية .
الاخت بنت الناظر لكي التحية : صدقتي نعم جماعة الإنقاذ لم يكون في قلب رجل واحد والشاهد علي ذالك قضية صلاح غوش ، ولكن اختي العزيزة معطيات التسريب وحيثياتها وتوقيتها يجعل المتلقي يشك في هذه التسريبات لعل مسربة من قبل اجهزة الامن للنظام ليشغلوا الشعب السوداني عن الحراك السياسي والوضع في السودان . ولكي التحية مجدداً. .
الاخت( بت أمدرمان ) ليس لي لكي رد سواء التحية .

United Arab Emirates [بت أمدرمان] 10-14-2014 03:10 PM
ود الشمال يا جدادة.قوم لف بالله

Saudi Arabia [سوداني رغم أنفك] 10-14-2014 10:56 AM
يا ود الشمال باين عليك ما سمعت لسع عن ويكليكس، وما بتعرف أنه التجسس واضح ومفضوح، ومهماحاول أي نظام إخفاء المعلومات فلا يمكن، لأن الاستخبارات تتجسس على كل شيء، وأحيانا يكون التسريب مقصود، أعتقد أنك تريد التشكيك دائما في الوثيقة والاجتماعات الخاصة بناس البشير، لكنك تعرف أنه لا يمكن التشكيك في أي وثائق مسربة لأي اجتماع آخر في أي بلد آخر,, أنت ارحم عقل المتلقي السوداني

United Arab Emirates [julgam] 10-14-2014 06:02 AM
فعلآ لم (ىحطاطوا)كما تقول...حيطه توديك زرع أبو نسبيله..

[AburishA] 10-14-2014 01:48 AM
الاخ ود الشمال لك التحية..
اذا اطلعت على بعض اعترافات ومذكرات الجواسيس و "العملاء المزدوجين" Double Agents ستجد ان مثل هذه التسريبات ممكنة بل يتم كشف الخطط الحربية ايضا وكل المعلومات السرية للغاية والاستراتيجية.. العميل ممكن أن يكون من المقربين جدا والموثوق بهم من قبل صانع القرار او رأس النظام.. ممكن أن يكون نائبه او احد وزرائه في الوزارات الحساسة جدا..ولكي يكون الشخص عميلا ليس بالشئ السهل بل تحتاج لقابلية وبراعة ومهنية عالية قد تصل لدرجة الموهبة في "فن" العمالة..ولكي يكون العميل عميل صحي صحي يتم تأهيله (بطريقة ما!!!) جيدا من قبل الجهة المستفيدة, ويتم تدريبه على كسب ثقة الجهة المستهدفة..هذا عوضا عن المبالغ المالية الكبيرة نظير ذلك وتأمين الحماية اللازمة (بشكل ما!!! ما بين الاقواس تتطلب شرحا طويلا يا اخ ود االشمال.. لدرجة ان امراة الرئيس لدولة ما يمكن ان تكون عميلة.. هذا على العموم.. لو تتذكر "ويكيليكس" ايضا..
خالص التقدير...

United Arab Emirates [بنت الناظر] 10-13-2014 07:12 PM
من ظن أن جماعة الإنقاذ على قلب رجل واحد فهو موهوم موهوم ...سأحكى لك موقف وإنى متأكدة منه لأن من أخبر به شخص موثوق به ..ذهب مصطفى إسماعيل للإمارات لطلب دعم مادى ..سميه قرض ..معونة ..ففى الإجتماع مع المسئولين الإماراتيين ..أتى الإمارتيين بملف عقارات جماعة النظام فى إمارةأبو ظبى وهذه تشمل أبوظبى والعين وفى إمارة دبى..وقالوا لمصطفى عثمان عجيب أمر حكومتكم أفرادها يمتلكون عقارات فى الإمارتين لا يستطيع أثرياء الإمارات شراء مثلها وتحتاج الحكومة لعون مادى ؟؟؟ومن سرب وقائع هذا الإجتماع رجل من الإنقاذ ما رأيك!!!!!!!


#1125424 [jas]
4.17/5 (24 صوت)

10-13-2014 05:18 PM
علي اي حال يانافع موضوع انكم عبد مصر دي ما فيها حاجة لانكم عبد ايران من قبل وقطر وغيرها من الدول اسباب حرب الجنوب كانت عبوديتكم للمصريين وتبعيتكم لدول الخليج وبخاصة العراق التي بكيتم وشكوتم امريكا لها من قبل وادعيتم الارهاب من اجل له ودربتو الجيش السوداني لقتال فيها كما الان بليبيا هل تحسبون انكم احرار كلا وحاشا وبل الحرية في شارع وانتو في شارع تاني تماما واكبركم انت يا نافع مدي حر العبيد

[jas]

#1125416 [قدورة]
3.30/5 (25 صوت)

10-13-2014 05:12 PM
همت
ههههههههههههههههههههههههههههههههههههههههههههههههههههههههههههه

انت والكيزان كدابييييين

شعب فاضي شغلة

[قدورة]

#1125386 [ابو الافكار]
4.17/5 (23 صوت)

10-13-2014 04:28 PM
والله ياهمت بالرقم من انو اي شئ متوقع من الكيزان لكن ارشحك بان تكون روائي.. خيالك خصب وواسع مافي كلام... لكن نتائج الاجتماع او مضمونه من خلال عمودك لم يكن مقنعا بما فيه الكفايه. زي ما انت خيالك واسع برضو انحنا عندنا عقول بتميز.

[ابو الافكار]

ردود على ابو الافكار
United Arab Emirates [ابوضرغام] 10-15-2014 07:07 AM
اخوى دعك من هؤلاء الظراطين, ديل بياخدوا كاس وبكتبوا

United Arab Emirates [بت أمدرمان] 10-14-2014 03:11 PM
أبو الأفكار انت كتيكيت ما تميت كتكوت، خلى جدادة، برضو قوم لف ، ما عندك أي أفكار

Qatar [omer] 10-14-2014 01:34 PM
للعلم (بالرقم) خطا (بالرغم ) هي الصحيحة ........ي ابو الافكار ...


#1125358 [فارس]
4.17/5 (24 صوت)

10-13-2014 03:48 PM
قال تعالى: ﴿لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ ، كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ﴾ [ المائدة ]

وكذلك هم عصابة الإنقاذ لا يتناهون عن فعل المنكر ولا يتناصحون بينهم بل عمدوا إلى إستحداث منكرات فى الدين مثل فقه السترة وفقه التحلل وحتى رئيس الجمهورية يطلق سراح من ثبت عليه الحد فتتم معاقبة بعض المشاركين فى نفس الجريمة بينما يطلق سراح آخرين فيقع على النظام غضب الله ويسلط عليهم من لا يخافه ولا يرحمه،، وقد بات الأمر واضحا الآن فلقد وصل الإنقاذ إلى نهايته ولو لم تكن هناك مشكلة المحكمة الجنائية لتقاعد البشير ولجأ للمدينة المنورة أو الدوحة يقضى فيها بقية أيامه فى الدنيا والأعمار بيد الله،، أنظروا إلى البشير الآن فقد تحول لشبح مثل الحصان الهرم الآيل إلى الموت فلقد تجعد وجهه وهزل جسمى وخارت مفاصله ولا شك فى أنه تنتابه الهواجس والكوابيس والوساوس والشكوك فى القريب والبعيد وكل ذلك يدفعه للتهريج والسب واللعن فى خطاباته،، لا يوجد مخرج للشعب السودانى إلا بتنحى هذا الرجل وهو الذى خرب بينه وبين دول الخليج على مدى سنوات فكيف به أن يصلح ذلك فى خلال حجة واحدة؟

[فارس]

#1125323 [نور الدين محمد عوض]
4.17/5 (22 صوت)

10-13-2014 02:56 PM
والشي البحير وما بحير إنو البلد تدار بواسطة 25 شخص فقط
إذا إفترضنا بل قطع شك إنو عضوية الحزب عبارة عن ( رجرجة و ناس مُغيبة )
طيب وين رآي ناس البرطمان الوطني و وين رآي مجلس العطالة ( الوزراء )

وكل ما نقول كملنا الليل يطلع باكر ليلاً أطول وكل ......

ولكن لابد من أن تشرق شمس يا وطن ، إن لم يكن بالثورة فبالسلاح و السلاح الرطن

[نور الدين محمد عوض]

#1125314 [sky painter]
4.57/5 (40 صوت)

10-13-2014 02:49 PM
نرجع عبيدا للمصريين؟متى كان السودان عبدا لمصر؟مفهوم خاطئ يتردد بان السودان كان تابعا لمصر و هذا مجافي للحقيقة السودان و مصر كلاهما كان تابعين للامبراطورية العثمانية و درج العثمانيون ان ينصبوا حاكما واحدا للبلدين...في مصر يرددون الملك فاروق كان ملك مصر و السودان لذلك السودان كان تابعا لمصر,فنسالهم: هل الملك فاروق الذي تفتخرون به مصريا اصلا؟؟الم يكن تركيا؟فلا يستطعون الرد...اما ما يسمى الحكم الثنائي (انجلترا و مصر) فهو فرية اخرى..استعان الانجليز بالجنود المصريين لفتح السودان و تخلص منهم و طردهم من السودان بعد حادث مقتل السير لستاك في القاهرة..و اذا سلمنا جدلا ان المصريين حكمونا مع الاتراك و الانجليز ما مجموعه مائة عام,فكم حكم السودان مصر؟ ثلاثة قرون للذين لايعرفون...نعم النوبة السودانين حكموا مصر ثلاث قرون ,اسألوا بعانجي و ترهاقا...الشقيقة مصر هي البلد الذي حكمه كل اصناف البشر,الهكسوس,الرومان ,البطالسة,الاحباش (مملكة اكسوم),الفاطميين,المماليك,نعم المماليك,...ههههههه تذكرون عمنا العبد الاسود كافور الاخشيدي صاحب المتنبئ ,الانجليز,الفرنسين, و الكثير و الكثير ممن لا تسعفني الذاكرة لاحصاءهم...كنت اسأل نفسي لماذا حكم كل هؤلاء مصر؟هل لان مصر بلد حلوة كما يقول المصريين (مصر بناها حلواني) ام لان الشعب مضياف لدرجة انه يؤثر الضيف على نفسه؟؟

[sky painter]

ردود على sky painter
United Arab Emirates [لبعاتي] 10-14-2014 05:52 PM
اضافة لذلك، اول رئيس مصري منذ عهد الفراعنة هو جمال عبد الناصر، وذكر أن عبد الحليم حافظ لم يغني لمحمد نجيب لانه مولود في السوداني وربما كان فيه شئ من السودان، علمابان السادات بطل العبور والدته سودانية

Sudan [مواطن] 10-13-2014 05:12 PM
حكم كل هؤلاء الذين ذكرتهم مصر لموقعها الجغرافي الاستراتيجي .. فهي تقع أقصى شمال أفريقيا وتطل على البحر المتوسط وقريبة من جزر اليونان وتربط بين قارتين ( آسيا وأفريقيا ) ويفصلها من القارة الآسيوية خليج السويس ... مصر أقرب جغرافيا لأوروبا وآسيا من السودان فلذا كانت الأنظار عليها منذ القدم ...

Sudan [nagatabuzaid] 10-13-2014 04:39 PM
الملك فاروق كان البانيا من البانيا الدولة الصغيرة فى حوض البحر المتوسط

وفعلا مصر حكمها العديد من الدول فظهر ذلك على تركيبة الانسان المصرى

مع تحياتى

[Suliman] 10-13-2014 04:12 PM
يا سلالالالالالالالالالالالالالالام الله ينور عليك تعجبني الناس المستنيرة من بني وطني اللي تنور للجهلة والغافلين عسى الشعب دهـ يتعلم ويتقدم شكراً ابذل انت وامثالك استفراغ الجهد للإنارة لهذا الشعب


#1125296 [مغبون]
4.17/5 (26 صوت)

10-13-2014 02:22 PM
المقال دى اكون كاتبه المهندس المندسى عبد القار قدوره من مكة .

[مغبون]

ردود على مغبون
Saudi Arabia [مغبون] 10-13-2014 10:14 PM
انت ما لقيت اسم تختاره الا اسمي الذي اقوم به دائما بالتعليق به بالراكوبه

Sudan [nagatabuzaid] 10-13-2014 04:42 PM
يات زول دى وقائع اجتماع سرى فى بيت الريس بعد وصوله مباشرة وهو اجتماع سرى ولكنه تسسسسسسسسسسسسسسسسسسرب


#1125254 [sasa]
4.17/5 (27 صوت)

10-13-2014 01:45 PM
اقتباس ((كانت المفاجأة داويه وقوية للحضور بالتعليق السالب الذي ابتدر به الدكتور نافع علي نافع التقييم وشن هجوما عنيفا علي المؤسسة الدبلوماسية وقال إن ترتيب الزيارة كان فطيرا (شغلهم ني) وطالب بتغيير جذري في طاقم هذه المؤسسة ووفقا لحديثه(( والتي تجرنا الي ان نرجع عبيدا للمصريين من تاني، ))


نعم يجب الا نرجع عبيدا للمصريين
نعم يجب الا نرجع عبيدا للمصريين
نعم يجب الا نرجع عبيدا للمصريين
نعم يجب الا نرجع عبيدا للمصريين
نعم يجب الا نرجع عبيدا للمصريين
نعم يجب الا نرجع عبيدا للمصريين

[sasa]

ردود على sasa
Canada [fatmon] 10-14-2014 06:33 AM
وهو الما نافع عمل شنو نافع للسودان عشان يعلق ولا عشان يشارك من أصله بعد ما لفظ ما عنده كرامة بالمرة وكمان عنده لسان بتفاصح بعد ما قطعوا والله شكلها دي لقلقة واحد لسانه مقطوع ومجدوع في الكوشة
المثل بقول عبداً بسيده ولا حر مجهجه المصريين بنعرف ليهم وبنقدر عليهم لكن المهنضبين الناس بسلاح الشيعة وهم بنادوا بالشريعة من أين أتي هؤلاء ؟؟؟؟؟؟؟؟؟؟؟؟ا


#1125245 [فارس الحديد]
4.17/5 (23 صوت)

10-13-2014 01:37 PM
كتتتتتتتتتتاح ياهمت ولسة خيالك واسسسسسسع......ياخي احترم عقولنا شوية.

[فارس الحديد]

#1125209 [منشى]
4.17/5 (25 صوت)

10-13-2014 01:03 PM
التقارب مع مصر و الركون اليه على حساب الشعب السودانى و مكتسباته و ارضه يعتبر الخطوه الاولى نحو انهيار هذا النظام . اولاد البمبه لا ضمائر لهم و لا عهد و يهمهم فقط مصالحهم , المصرى يبيع شرفه من اجل المصالح اترونهم لا يبيعون الانقاذ مقابل اموال سعوديه و امريكيه و التقارب مع نظام ديمقراطى بديل . قاليذهبوا فى احضان مصر فتلك مشيئة الله فى ان يذهبوا من غير رجعه .

[منشى]

#1125191 [radona]
4.17/5 (33 صوت)

10-13-2014 12:43 PM
للاسف لم يعد من الممكن التطبيع مع السعودية ودول الخليج ومصر وامريكا فضلا عن اروبا
واقول ذلك ليس بغرض المعارضة العمياء انما تواضعا من اجل الوطن
وساوجز رايي في نقاط محددة كالتالي :
اما بشان العلاقات مع السعودية ودول الخليج ومصر بات من المؤكد ان هذه الدول الاقليمية لديها استراتيجية سياسية لا تحيد عنها حيال اجتثاث تنظيم الاخوان المسلمين والذي يعتبر النظام الحاكم سليله الوحيد على سدة الحكم باعتبار انه مهدد امني ولم تكن الحكومة السودانية موفقة ابدا حينما اعلنت دعمها للثوار من اجل الاطاحة بنظام معمر القذافي وكان الاحرى ان يتم ذلك دون التصريح به مع الاخذ في الاعتبار العداء المستحكم بين القذافي والسعودية وبعض دول الخليج هذا بجانب التصريحات من قبل النظام الحاكم بان ايران كانت بصدد نشر صواريخ قبالة البحر الاحمر لردع الاعتداءات الاسرائيلية ولربما يفسر ذلك تفسيرا اخر وهذا من شانه تاكيد مخاوف السعودية ودول الخليج ولا تفوت عليهم ( اعني السعودية ودول الخليج) ان اغلاق المراكز الثقافية الايرانية هي عبارة عن قربان قدمه النظام الحاكم لهم من اجل التقارب وتطبيع العلاقات ولكن قد اكد لهم هذا التصرف بانهم قد احكموا سياستهم تجاه خنق النظام في السودان تماما والافضل المضي قدما في هذه السياسة بدلا من التراجع عنها
اما مصر فلن تكون المنقذ للنظام الحاكم في السودان نسبة للبون الشاسع الذي يفصل بينهما بل ان النظام الحاكم في السودان الذي سير المسيرات الى السفارة المصرية بالخرطوم تاييدا لتنظيم الاخوان المسلمين والرئيس المخلوع مرسي حيث كان التصرف كافيا لتشكيل عقيدة حكومة الرئيس السيسي تجاه الخرطوم لذلك نجد انها بنت فوق سياسة الرئيس مبارك فيما يتعلق بحلايب وشلاتين السودانيتين حتى تستفز النظام الحاكم لجره الى مواجهة عسكرية مما يسهل عليها الاطاحة بنظام الحكم في السودان في اقصر وقت ولكن لم تحرك الحكومة السودانية ساكنا من اجل استرداد اراضيها المحتلة ولعلها قد فهمت ابعاد احتلال مصر لحلايب وشلاتين لذلك فان اي محاولات دبلوماسية واغراءات بتطبيع العلاقات بالحريات الاربع لا يعدو كونه حرث في بحر
اما الجانب الدولي فهنالك فرارات مجلس الامن واخطرها قرار مجلس الامن 1593 الذي منح المحكمة الجنائية اختصاصا قانونيا والذي تلعب امريكا على اوتاره بسياسة الجزرة والعصا رغما عن تصريحات الحكومة السودانية اللازعة تجاه امريكا ومحاولة ابعادها عن ملف حوار الوثبة الا ان الملف قد اخذ حظه من التدويل حيث ستشهد الايام القادمات وضعا غير طبيعي وغير معهود للنظام الحاكم في السودان حيث ستضيق المخارج ويجد نفسه مرغما في اتباع خرطة الطريق الامريكية خوفا من فاتورة معارضتها على ايتها حال .

[radona]

ردود على radona
Saudi Arabia [حسان الرشيد الكلس] 10-13-2014 02:47 PM
ياسلام عليك يارضوان بارك الله فيك كلامك كله مظبوط .. وزى ماقال واحد مقيم فى السعوديةالحكومة السودانية الآن ماشة بالجنط أى بى عجل الحديد وإنتهت كل الخيارات .


#1125179 [مدحت عروة]
4.17/5 (28 صوت)

10-13-2014 12:33 PM
قوة السودان واحترام الدول له ياتى من خلال نظام ديمقراطى ليبرالى وليس من خلال انظمة ديكتاتورية خاصة نظام الكيزان ولو كان النظام فى السودان ديمقراطى ليبرالى لا تستطيع اى دولة ان تحتقره لان فى ذلك احتقار للشعب وما خلق ولا ح يخلق من يتكبر او يحتقر الشعب السودانى مهما كان عربى او حواجه او افريقى لا احد البتة القوة والمنعة والكرامة والاحترام تاتى من الداخل وليس من الخارج عربا او خواجات او افارقة!!
نظام الانقاذ عار على السودان ارضا وشعبا وما شفنا ليه اى كرامة او عزة او رجالة الا على شعبه وهذه خياسة ما بعدها خياسة نظام جبهته الداخلية متصدعة وغير متراضية او متوافقة كيف يحترمه بقية العالم؟؟؟؟؟؟
كسرة: هسع الهند دى تقدر اى دولة فى العالم ان تتكبر عليها عربية او شرقية او عربية او افريقية او آسيوية؟؟؟؟؟الهند دولة قوية محترمة لانها لم يحكمها انقلاب عسكرى او عقائدى وانما ديمقراطية ليبرالية علمانية سياسيا وهى تسعى جاهدة لانهاء الفقر والتخلف فى شعبها الكبير التعداد وتسير سيرا حثيثا فى ذلك وهى تنال احترام جميع العالم!!!!
الف مليون تفووووو على اى انقلاب عسكرى او عقائدى شديد على اهل السودان ضعيف منكسر امام الخارج عطل التطور الديمقراطى فى السودان!!!!!!!!!!

[مدحت عروة]

#1125168 [سامى كوريا]
4.17/5 (26 صوت)

10-13-2014 12:19 PM
تسريبات !!! اعتقد ان هذا التسريب مقصود وجزء من لعبة الاخوان المسلمين بتنظيمهم الدولى منتهى الصلاحية

[سامى كوريا]

#1125163 [محمد الفاتح]
4.17/5 (26 صوت)

10-13-2014 12:14 PM
والله مساكين إنتوا بقيتوا تهضربوا زي الزول العندوا ملاربا خلاص مافي تاني في السودان رجعة إلي الوراء وإمريكا الراجينها زاتها ما بتقدر علينا خموا وصروا

[محمد الفاتح]

ردود على محمد الفاتح
United Arab Emirates [النور زينو] 10-13-2014 02:56 PM
شويه كمان ويمشي ينصاع وينذل للمصريين عشان يرضو عنو , ولسة برنامج الذل والهوان مشوارو طويل وانبراشة قطر ما جابت حاجة ,,, غايتو شوية دولارات ,,

Saudi Arabia [حسان الرشيد الكلس] 10-13-2014 02:51 PM
جيت من السودان قبل عشرين يوم .. والشعب السودانى أصبح كله شحادين الله يكون فى عونه .

United Arab Emirates [ود بادي] 10-13-2014 02:51 PM
انت عندك شنو ,,, دفاع بالنظر ,,, انت مصر بتقدر عليها ,,, المطر جهجهت افكار حكومتك ياوهم ,,

United Arab Emirates [ود المك] 10-13-2014 02:48 PM
انت اصلا ورا وامريكا ياالحبيب مبنرش ليها وهي ماشغالة بيك ,, انت البشير وقف الرقيص مالو هههههههههه


#1125162 [سن ألفيل]
4.17/5 (30 صوت)

10-13-2014 12:12 PM
شروط مصر كلأتي

1- سيادة حايب وشلاتين لجمهورية مصر

2- ايقاف مشروع سد النهضة الاثيوبي او تنازل السودان من حصة مياه النيل لصالح مصر

3- تسليم قيادات الاخوان في السودان لمصر

4- وقف دعم الاخوان في ليبيا

5-رفع تجميد عضوية مصر في الاتحاد الافريقي

[سن ألفيل]

#1125154 [سيد إبراهيم محجوب]
4.17/5 (25 صوت)

10-13-2014 12:01 PM
http://www.youtube.com/watch?feature=player_embedded&v=4TJ2xJtwBr0

[سيد إبراهيم محجوب]

#1125149 [شبيكة]
4.17/5 (31 صوت)

10-13-2014 11:56 AM
اذا عرف السبب بطل العجب دهـ سر البؤس والحيرة التي ملأ وجه الرئيس في الروضة الشريفة ياخي استحي بعد ربع قرن رئيس المفروض يستشيرك رئيس سويسرا ومن قبله امريكا كلها اربعة سنين حكم فهذا ان دل إنما يدل على ربع قرن غيبوبة وأوهام وكواريك وهيجان وقرارات مصيرية على المنابر وبالطلاق المتلت على رؤوس السذج والظلم وسب وشتم شعبك والكذب الصراح خلالالالالالالالالالالالالالالالاص دي آخرتها ومن يزرع الشوك لا يحصد العنب أما من يزرع الحكمة والحق والعدل يحصد البركة والنماء والعبرة بالنهايات ..... والغريبة يجمع نفس الشرزمة الذين أوصلوه الى الحضيض والبئر السحيق

[شبيكة]

#1125145 [مجدي ارباب]
4.17/5 (28 صوت)

10-13-2014 11:53 AM
مافي اي تعليق اجابي او تفاؤلي الناس البتكتب وراء الكواليس ورنا شجاعتكمبس تعليقات في الراكوبة ركبكم جن احمر ؟؟؟؟؟؟؟؟؟؟؟؟؟؟؟؟

[مجدي ارباب]

#1125134 [منو العوض]
4.17/5 (24 صوت)

10-13-2014 11:39 AM
مرحب مرحب بالاستعمار!!!!!

[منو العوض]

#1125126 [عبد الله عبد الله]
4.17/5 (24 صوت)

10-13-2014 11:32 AM
>> اولاً كلمة وثيقة سرية واجتماع سري اصبحت مريبة، ونعتقد انها مقصودة، أو أنها تصفية حسابات وإحراج للحكومة، حيث انه في 25 عام لم تخرج وثائق ومحاضر إجتماعات حساسة مثل الذي نقرأه الآن،،،
>>> على كلٍ الحل يكمن في المصالحة الداخلية أولا وكما قيل (فاشل داخليا.. لا يمكن ان تنجح عالمياً)،،
>>>> والمصالحة الداخلية تعني الاعتراف بالتنوع والاختلاف في ربوع السودان، وبالتالي لا يمكن فرض رؤية أو نظرية محددة دون توافق الاغلبية عليها ( عن طريق الانتخابات أو أي طريقة متفق عليها)،،،
>>>> في كل العالم هناك مشاكل حدودية ( باكستان/الهند، السعودية/الامارات، المغرب/الجزائر، تركيا/اليونان، ...الخ) والسبب أن القواسم المشتركة لسكان تلك المناطق بين الدولتين، ومازال المجتمع الدولي يعمل على ايجاد حل يرضي الاطراف المختلفة لحل المشكلات،،،
>>>>> يتضح تماماً أن المشكلة التي يواجهها المؤتمر الوثني تكمن في الوضع الاقتصادي المتردي وفشل استقطاب رأس المال الخليجي والاجنبي للاستثمار في البلاد، بالاضافة للهجمة الشرسة التي تواجهها الحكومة فيما يتعلق بدعمها للجماعات الإسلامية المختلفة،،،
>>>>> أما قضية حلايب فهي للاستهلاك الداخلي، فلا الحكومة السودانية لها القدرة العسكرية، أو الدعم الشعبي لاسترجاع مثلث حلايب، ولا هي قادرة لطرح مثل هذه القضايا في المؤسسات الدولية خصوصاً وان جماعة الرئيس مطلوبين لدى هذه المؤسسات،،،
>>>>>> وما زاد الطين بلة (To add insult toinjury)، هو تخريب العلاقة مع إيران، قبل التأكد من موقف الدول الخليجية، ما يعني السقوط في الهاوية،،،

[عبد الله عبد الله]

#1125124 [Ali]
4.17/5 (26 صوت)

10-13-2014 11:31 AM
لست من مطبلي النظام ولاعلاقة لي به من قريب او بعيد
لكن اقول بان هذا المقال واو التحليل يفتقد للمنطق
ويجافي الحقائق
البشير لم يكن في زيارة رسمية
بل ذهب لاداء فريضة الحج
ثم ان سحنة الشخص ليست مقياسا للنجاح

والشاهد على ذلك المتعافي
آمل احترام عقول القرأ

[Ali]

#1125121 [مصطفى الرقيع]
4.17/5 (26 صوت)

10-13-2014 11:29 AM
يااستاذ همت تقريرك مضروب من اوله لاخره ومصادرك مضللة، وحرام عليكم تبيعوا الوهم لقراء الراكوبة بهذه الطريقة وستثبت الايام ان تقريرك كاذب من اوله لاخره

[مصطفى الرقيع]

ردود على مصطفى الرقيع
United Arab Emirates [الكرباج الحار] 10-13-2014 02:51 PM
هو كمان مضروب مع بعض المعقبين, واللي يقرا كلامهم يقول عليهم علماء واساتذة ورغم انو راس مالهم سفة تمباك

United Arab Emirates [ود المك] 10-13-2014 02:44 PM
يكتب مايكتب لانو الوهم الكبير حكومتنا يرئاسة اكبر وهم عرفو تاريخ السودان , الرقاص يدعي العزة وهو اذل ممن مشى على وجه الارض وسبب هوان وذل الشعب السوداني في كل مكان , قال علي الطلاااااااق فال ,,,

Saudi Arabia [أبو عمر] 10-13-2014 01:55 PM
وهم وخيال مريض و مستفز للقراء


#1125113 [Badoas]
4.17/5 (26 صوت)

10-13-2014 11:20 AM
ياجماعه سمعنا بالرئيس المخلوع ، الرئيس المقال ، الرئيس المنهيه ولايته ، الرئيس السابق ، الرئيس الاسبق ... زي زولنا ده شنو ؟ رايكم شنو نطلق عليه لقب الرئيس المحاصر ..

[Badoas]

#1125105 [نبض التعب]
4.17/5 (31 صوت)

10-13-2014 11:15 AM
إجتماع السفاح وبقية العصابة بيذكرني النكتة التالية:ـ
(واحد شين شنه مُرّة !
ياخ ده شين شنه كده مبالغه ..بحب ليهو واحده حنكوشه طبعا لمايمشي عشان يﻼقيها بلبس قناع ، أها يوم كده البنت اصرت عليهو يخلعالقناع .. شبكتو ليك: حبيبي عليك الله اقلعالقناع انا اصﻼ ما حبيتك عشان شكلك .. أنا حبيتك عشان النقاء والصفاء الفي دواخلك .. يﻼ حبيبي اقلع القناع .. وهو يقول ليها : ما بﻼاااش خليهو كده
احسن ليك !! ..وهي ترد: حبيبي انا بحبك عشان كﻼمك ..الحلو ده يعني ما ح تفرق حاجه بس إنت اقلعو ..... المهم بعد مشوار من الجدل وبعد مجهود منالتحانيس قام (الشّين) اتشجع وقلع القناع وقال ليها: اها كده كيييييف ؟ ..قالت ليهو: عليك الله حبيبي ما تهزر ..اقلع ده برضو!!).
يعتي عاوزين قناع للكيزان أكتر من (وشهم) القبيح والإجرامي .. غايتو أنا مؤمن أنو الزول الشّين بتاع النكتة ده يا الرئيس الرقّيص يا المانافع الضار أو أبوريالة الدلاهة!!.

[نبض التعب]

#1125102 [احباط]
4.17/5 (28 صوت)

10-13-2014 11:13 AM
والله الواحد بيستغرب من المعارضه وضعفها .. ياخى الحكومه قاعده فى السهله واضعف من بيت العنكبوت .... دايرة راجل يقول ليهو (هوف) بس.

[احباط]

ردود على احباط
Saudi Arabia [الحلوين] 10-13-2014 10:10 PM
انت ماراجل .. قاعدين للتنظير بس تسوقوا في الوهم . يااخي احترموا عقول الغير ؟؟

Sudan [Kamal Nasir] 10-13-2014 12:59 PM
ياخي الناس ديل خلو البلد زي القفة البدون إضنين دي يمسكوها كيف دي.


#1125097 [ود الحاجة]
4.17/5 (29 صوت)

10-13-2014 11:08 AM
حكاية انه الجماعة يقفلوا مراكز ثقافية لايران و يعتقدوا ان ذلك كاف ليرضي دول الخليج عبارة عن اسلوب غير عملي بالمرة و هذا التفكير السيء يفسر سبب شقاء المواطن السوداني في حقبة الانقاذ .
فمن ابسط قواعد المهنية انك اذا قمت بفعل معين فعليك ان تقيس ردة فعلك بوسائل عملية قبل ان تبني خططك و برامجك , لو كان لهؤلاء شيء من العقل لقاموا بقياس ردة الفعل بطرق مختلفة و مؤكدة قبل زيارة الوفد الجرار للسعودية

و اذا كان البشير يتعشم في اليسي فليعلموا أن اسلوب الوساطات بين الدولعبارة عن( دقة قديمة) و مضيعة للوقت

[ود الحاجة]

#1125092 [رامي سعيد]
4.17/5 (28 صوت)

10-13-2014 11:02 AM
البشير شردنا وقتل اهلنا وطلع زيتنا واكل قروش الناس وانحنا اتقربنا قصبا عننا لكن داير اعرف الراكوبه دي تابعه لاي فرع من فروع جهاز الامن المصري

[رامي سعيد]

ردود على رامي سعيد
Sudan [سوداني مفتح] 10-13-2014 12:15 PM
الراكوبة دي تابعة ل لمواطن السوداني المسكين وقاعدة تعرض في الحقائق ومهتمة جداً بقضايا المواطن واوجاعو وآلامو ::::::


#1125086 [الثائر حتى النصر]
4.17/5 (30 صوت)

10-13-2014 10:57 AM
هذا البشير حمار كلما ذهب الي جهة فقد مقداره كما فعل حمار الاسد بعد مشاورة الثعلب له بأن الأسد يريد أن ينصبه ملكا للغابة وأن على الحمار ان يذهب للأسد ففعل ورجع هاربا فاقداً أذنيه ليشكو للثعلب ما فعل الأسد به, فقال الثعلب يا حمار أراد الاسد ان يتوجك التاج ليضعه على رأسك فلابد له من إزالة أذنيك الطويلتين؛ والآن عد اليه ليكمل ولا تخف ورجع الحمار للأسد فهجم عليه الاسد ولم يتمكن من إفتراسه وفقد الحمار ذيله نتيجة ذلك الهجوم ففر هارباوقابله الثعلب قائلا قبل ان يشكو له الحمار مافعل الاسد به" والآن فقد قطع الاسد ذيلك حتى تتمكن من الجلوس على كرشي العرش" ... ارجع للاسد فقد آن الأوان لتتويجك يا حمار ملكا... فرجع الحمار بغبائه للأسد فكان أن تم إفتراسه وصار مأدبة للأسد. البشير هذا ونتيجة لسياساته الخربة فقد جزءا عزيزاً من بلادنا نتاج الذهاب لنيفاشا ومفاوضاتها السقيمة وانفصل الجنوب ولم يجد البشير من أمريكا عفوا أو إمتيازات بل وعودا وكانت كلها كاذبة كوعود الاسد للحمارمن خلال الثعلب الكذاب , البشير فقد رشده تحت ضغط تلك العصابة الامنية التي تملي عليه للاستمرار في الحكم, و للبشير خيار واحد صائب للرجوع للشعب وتسليمه السلطة لمحاسبة كل من تثبت إدانته في حق السودان وشعبه ولكن عناد البشير يجعله يتخبط في سياساته الخارجية والداخلية وهو بذلك يجلب الضغوط والحروب للسودان ويجعله في طبق للطامعين , فمصر بعدما إغتصبت حلائب فتحت شهيتها للأراضي السودانية... وبناءً على ما تقدم ذكره أمام الشعب السوداني وقبل فوات الأوان افشال كل المخططات لاحداث التغيير و الثورة وعلى أبناء قواتنا المسلحة مساندة الشعب حتى لا نفقد بلادنا بانصياع البشير للأوامر الخارجية ومن خلال مصر السيسي بعدأن فقد نظام البشير البائس ظله في كل الاتجاهات.

[الثائر حتى النصر]

ردود على الثائر حتى النصر
[Future] 10-13-2014 01:09 PM
واخوان مصر فى السجون المؤبدة ان لم يكن الاعدام هل علاقة اخوان السودان الايجابية مع السيسى (ومن اجل السياسة كما يقولون)يعرضهم للمسائلة امام الله؟ نريد فتوى


#1125085 [Future]
4.17/5 (26 صوت)

10-13-2014 10:57 AM
الطريق الى الخليج يبدأ من اسرائيل ثم امريكا ثم الخليج افهموها يا عالم ومافى داعى للحيره

[Future]

#1125084 [شبتاكا]
4.17/5 (30 صوت)

10-13-2014 10:56 AM
المراكز الشيعيه الايرانيه لقت نفس مصير بيوت ابو صليب فى عهد السفاح نميرى ويومها اكتشف السفاح فجاة انه مسلم وبالفطرة وقام باغلاق بيوت الدعاره فى مكانها المخصص والمحروس امنيا وطبيا وناقلا ومعمما العدوى الى كل الشوارع والحارات لتترسخ فى عهد المشروع الحضارى الاخوانى بالشقق المفروشه والفندقيه اما هبنقة الاول لما اتقفلت عليه السكك الاقتصادية اكتشف فجاة انه سنى على السكين وقام باغلاق المراكز الشيعيه طمعا فى العون الخليجى وايصال رسائل واضحة لقادتها بانى من ايدكم دى لايدكم دى بس دعونى اعيش رغم اوجاع الاورام واستكمالا لاصابة قدر من الثقة وتاكيدا لتبرئته من الاخونه قرر ان يحج الى ارض الكنانه لينحنى امام عرش الامبراطور المصرى الجديد مبدد حلم التمكين الاخوانى متناسيا الملح والملاح وتلاوة قران الفجر مع زعيم العشيره الاخوانيه مرسى هبنقة الاول وعلى طريقة شيخه الماسونى الغايه تبرر الوسيله ومهما كانت درجة قذارة الوسيله فان التزاكى الاخوانى مطلوب والبيرقص احسن يدارى دقنه وعشان جامعة التمكين ما تفارق نعيم السلطة

[شبتاكا]

ردود على شبتاكا
Sudan [nagatabuzaid] 10-13-2014 07:12 PM
ما غطس حجر مرسى الا البشير والترابى اشاروا عليه بتطبيق البشتنه السووها فى السودان من حركات تمكين وازاحة من لا يتبعونهم من وظائفهم واحلال جماعتهم وانتشى البشير والترابى وتسابقوا فى رحلات مكوكية من والى القاهرة والمصريين قالوا ليه جاتك يا مرسى فازهلوا كل من كان يعتقدهم جبناء

Libyan Arab Jamahiriya [ملتوف يزيل الكيزان] 10-13-2014 04:13 PM
يا Future الان الانقاذ قادرة ان تعلن اليوم ان السودان اصبح اكبر ابو صليب في العالم بكل فخر. فقد كان ابو صليب بحدوده الجقرافية و الان اصبح يحتوي كل السودان.

[Future] 10-13-2014 12:58 PM
تحياتى يا زمل انت قديم خلاص الاجيال الحالية لاتعرف ابو صليب


#1125078 [مبارك]
4.17/5 (29 صوت)

10-13-2014 10:54 AM
رضاء دول الخليج عنا حديث مؤلم لماذا ننتظر الرضا من غير الله الخالق الوهاب هل ما فيه دول من رغد عيش ونعمة من عند انفسهم خلقوه أم من عند االله الواحد اﻻحد المعطى والمانع فلندع هذا الهراء جانبا وكل دول الخليج ومصر جانبا ولنصلح ذات بيننا ولنترك الطمع والجشع واﻹستئثار بالكعكة رغم تعفنها ونتانتها لنغير ما بأنفسنا ليغير الله ما بنا

[مبارك]

ردود على مبارك
Libyan Arab Jamahiriya [ملتوف يزيل الكيزان] 10-13-2014 04:32 PM
انت يالمبارك ، حاسى بي صداع او اي علة في رأسك ؟ ديل ما مننا ولا بيشبهونا ، مخلوقات فضاءية تتلون وتتشكل بدون منطق او طريقة واحدة ، الحاكمننا ابالسة و عفاريت و سفليين و كل انواع الشر. ديل خلو في الناس نفس عشان تتغير. ديل جننو اتباعهم قبل ما يقبلو على الاخرين. كيف يمكن للمجنون تغير ما بنفسه. كيف يغير المسجون داخل جوع بطنه وهو يشاهد اطفاله يزوون امام ناظره و ليس في يده لهم شئ.كيف يغير الانسان المقهور حتي النخاع ما بنفسة و لم تعد له نفس حين يغض النظر عن عهر تمارسة بنته لتملا بطنها او زوجته لتجلب لرضيها لبن يشبعه؟ . كيف يغير الانسان نفسه وهو السجين المغتصب مرارا و تكرارا بواسطة سجانيه. كيف يتم تغير النفس لمن اصبحت الدعارة له مهنه سواء ان كان رجلا ام امرأة؟
الحل : عنك و عندي واجب فرض عين. تكوين خلايا المقاومة المسلحة بالاحياء.

Saudi Arabia [سودان واحد] 10-13-2014 12:44 PM
مبارك انت مبارك فى قولك الموجز الشافى الكافى

Saudi Arabia [suliman] 10-13-2014 12:24 PM
اصبت والله يا اخي وبالذات في منادتك ومناشدتك لجميع الاحزاب والفرقاء من عرب وعجم بضرورة اصلاح ذات البين وجعل مصلحة البلاد فوق كل اعتبار وهي العليا ومفارقة الانانية وحب الذات عندها ترضى عنا السماء وتعم البركة.

Saudi Arabia [الطيب احمد] 10-13-2014 11:20 AM
بارك الله فيك ياالمبارك


#1125071 [Big Mouth]
4.17/5 (32 صوت)

10-13-2014 10:40 AM
البحصل شنو لو الناس دي رفضت تمشي الشغل يعني عصيان مدني عديل, يبدا بالقطاع الخاص اي بتاع بزنس، سمسار، بقاله، ورشه، طبليه، خدرجي، بوتيك، مغلق، تحويل رصيد... كلهم يبطلو يمشو الشغل لمدة اسبوع و اذا امكن يحضِّرو للاسبوع ده بمخزون علي قدر استطاعتهم, بعد كده القطاع الحكومي حيتلحلح شويه لانو وضعو معقد و ممكن الموظف يدخل في حيص بيص و امن و تحقيق لو عمل عصيان شان كده بخاف, لذلك الحل انو العصيان يبدا من القطاع الخاص و اكيد حيتبعو الحكومي, اساسا الناس لا ماكله لا شاربه شنو يعني لو وقفت الحياه الاساسا واقفه لمدة اسبوع بس, اسبوع واحد مافي زول يمشي الشغل الناس تتكل و تقلل حركتها عشان ما يكون في اجهاد و جوع, اقعدو في البيوت و احضرو المسلسلات المدبلجه الما عندها نهايه دي و ممكن تحولو للقنوات (عدا الجزيره) لانو موضوع العصيان حيكون انتشر و بكده الشغله حتكون رسميه و الاعلام حيساهم فيها بقدر كبير حتي لو بدت من مدينه واحده مجرد ما الناس اليائسه تسمع باقي المدن حتبطل و بعد كده النظام ما عندو خيار الا يتكل علي الله.
شعب جيعان حيجيهو شنو لو جاع زياده؟؟ كلو جوع في جوع لكن التاني بينتهي من النظام في غمضة عين. لا تولعو شموع لا تدقو الصفيح لا حلل التمبلباي, حل بسيط لمو ليكم (اصطوك) اكل من النواشف و لمو عيالكم و ما تمرقو نهاااااائي.
بالنسبه للاصطوك من الطعام و المواد الغذائيه, المسأله دي حتكون ابسط لو تمت علي اساس تعاوني يعني زي الضرا بتاع رمضان و اي حي سوداني بكون فيهو الغنيان و الفقير رغم انو المعفنين ديل ما خلو للغني فرقه في البلد دي, فممكن الناس الممهوله و الميسوره تعمل بلنص للشغله و تتشايل الحكايه لأنو اكيد بكون في ناس ما لاقيه حق الفطور ناهيك عن الغدا بل ناهيك عن اصطوك لمدة اسبوع, بالتالي الكلام و النقاش و التنسيق ضروري في المسأله دي, و انسب وكت علي ما اعتقد هو المسا في الميادين الناس تقعد زيها و زي اي ونسه عامه تتفاهم و ما تخافو من الغواصات و الكيزان و بتاعين اللجان الشعبيه المعرصين, ما بيقدرو يعملو حاجه و ما ضروري زاتو الناس تسميهو عصيان سموهو اي حاجه (اجازه, تكله, كسرة عمود, ياخي ماشين رحلة في حلتنا)!! المهم الناس تبدا بالاقربين زملاء الوجع و رفقاء التذمر و الاحتجاج علي سياسات الدوله بعد داك صدقوني البلد ما حيفضل فيها كوز و حتلقوهم كلهم بقدرة قادر بقو تبع العصيان ليه لأنهم جبانين و حاجه زي دي ما بتوقعوها و كان اكتشفوها زاتو ما عندهم ليها حل .... العصيان المدني هو اسلم الحلول لشعب جائع منهك تعبان و فتران و عندو سوء تغذيه ,,, يللا ورونا الراي شنو؟؟
و الناس ما تاخد الاقتراح ده كمناسبه للايكات و عدم الموضوع دايرين نقاش يولد افكار و كل الاحداث المهمه في تاريخ البشريه بداياتها كانت باهته و ضعيفه لكن اتحققت بالنقاش و مشاركة الافكار ,, وصيه اخيره ما تهتمو و لا تردو علي الجداد.

[Big Mouth]

ردود على Big Mouth
Egypt [احمد ابو القاسم] 10-13-2014 10:13 PM
عفيت منك ياب خشما عريض لكنو بقول درر
هذا هو الحل الوحيد والناجع ولو دايرين تعاملوا بروفه لتتأكدوا ان العصيان المدني دا بغط حجرم
كدى اختاروا شركة من شركات الاتصالات ولتكن سوداتل لأنها بتاعة عصابات الكيزان والمؤتمر الواطى
ثم قوموا بمقاطعتها لمدة اسبوع حسب اقتراح اب خشما عريض يعنى لا تشتروا كروتا لاتستخدموا شريحتا
لاتحولوا رصيدا لاتستخدموا انترنتا وشوفوا النتيجه تكون شنو...!!!

اقسم بالله الا يجيكوا عمادالدين حسين وعبد الباسط همزه وعبد العزيز عثمان وايهاب عثمان والمعرص داك رئيس الهيئة القوميه للاتصالات الا يجوكو خالعين سراويلم لاحسين مراكيبكم رافعين رايتم البيضاء قابلين بكل شروطكم وطالبين عفوكم.

كده تكونو اتأكدتم ان العصيان المدني بالطريقه التي اقترحا المبدع اب خشما عريض البنقط درر
هو السبيل السلمى الوحيد لأسنرداد بلدنا وتحريرا من الاستعمار الكيزاني البغيض.


#1125062 [DR SAME AL]
4.17/5 (23 صوت)

10-13-2014 10:36 AM
ولسي ولسي انتو شفتوا حاجة ياخراء تبا لكم ياموتمرجية يازبالة

[DR SAME AL]

#1125054 [nagid]
4.17/5 (26 صوت)

10-13-2014 10:33 AM
يا عبد الوهاب همت المدعوون كما قلت (تم دعوتهم بطيقة سرية هادئة) من منهم هو مصدرك انا اكره ان تلعبوا بعقولنا ومشاعر نا.كفاية فبركات

[nagid]

ردود على nagid
Sudan [عبود] 10-13-2014 11:59 AM
كلامك صاح والله . وعاين لدى ( وشبهه احد الحضور (امسك المصدر عن ذكر اسمه) بانه مخلب الشيطان و الامريكان) : طيب مصدر بيمدكم بمعلومات قدر دى لو قال اسم واحد من ال 25 بعد الردحى ده تفرق شنو ؟ ... غايتو الشعب السودانى زاتو مصيبتو مصيبه من الكيزان كضب وفساد ومن واحدين محسوبين على المعارضه يقنعوك من خير فى البلد دى وتقنع من تغير ممكن يحصل ..احيـــــــــــــــــى يابطنى


#1125053 [مرتضي الريح]
4.17/5 (24 صوت)

10-13-2014 10:32 AM
الدبلماسية السودانية بقت ذي عتود البرم لو ضبحوا مازيل قرم ولو خلوه مابعشر غنم
قاعدة مغصة بس
بدل نفتش في موائد العرب اللئام ونذل نفسنا مع البسوي والما بسوي ليه ما نتصالح مع نفسنا
البلد فيها خيرات وفيها تعدد
رجعوا السودان موحد
اعملوا حكومة انتقالية
ادعمو الجيش
حلو كل اسلحة الملشيات
محاكمات عادله في كل الجرائم
خلونا نعيش في حكومة انتقالية لمدة ٥سنة وبعد داك لما الناس تنظم صفوفها تجي انتخابات

[مرتضي الريح]

ردود على مرتضي الريح
Saudi Arabia [ابوياسر] 10-13-2014 03:01 PM
دبلوماسيه مين ياعمك؟
دبلوماسيه وزيرها علي كرتي ومرتو سفيره في ايطالياكمان وبعد دا كلو اي هلفوت يودوهو الخارجيه واخيرا الرئيس يعين محمد حاتم بتاع التلفزيون وكرار التهامي بقرار جمهوري سفراء في الخارجيه وين الخدمه المدنيه مش السفراء تديل مفروض يتدرجوا في السلم الوظيفي حتي يصبحوا وزراء؟ كل مصائب البلد الاخيره تلقاها سببها الدبلوماسيه الخرقاء. الخارجيه اصبحت مقر للمترديه و النطيحه وما اكل السبع ومهربي الدولارات خارجيه كان وزيرها منصور خالد يجيبوا ليها كرتي؟ حسبنا الله ونعم الوكيل.

Saudi Arabia [كنياتا] 10-13-2014 12:25 PM
والله انت أعقل واحد


#1125049 [alshafy]
4.16/5 (26 صوت)

10-13-2014 10:27 AM
أولا:السيسي من يتسول عند البشير لتطبيع العلاقات...يا همل الراكوبه...
والدليل...زيارات السيسي السريه للخرطوم...
ثانيا:داعش صناعه وماركه امريكيه سيئة الصنع ومكشوفة الأهداف...
من صنعها هو الذي يحاربها الآن...امريكا صنعت الكذبه...وروج
لها اعلامها...وتلقفها اعلام الغفله على شاكلتكم...
فصدقتها وصدقتموها...
والا فمن اين لداعش بهذا العتاد الذي يفوق عتاد الجيش السوداني...
ثالثا: الصور التي يتلقفها اعلام الغفله عن الاعدامات والتي تم تصويرها
في استديوهات هوليود مسبقا دليل على سوء الاخراج...يا أعلام الفغله أطفال
المسلمين يعلمون أن اقامة الحدود تتم في حضور(طائفه من المؤمنين)...فاين
تلك الطائفه من صور هوليود والتصوير المنفرد؟...
داعش صناعه امريكيه سيئة الصنع ويقودها أمريكان ويهود وانخدع بها بعض السذج...
امريكا التي دكت بغداد في ايام معدوده تتحدث عن سنين لهزيمة ربيبتها داعش...
فهل داعش اقوى من الجيش العراقي ايام صدام حسين؟؟

[alshafy]

ردود على alshafy
Sudan [nagatabuzaid] 10-13-2014 07:35 PM
اولا كلامك صاح بدليل ان احد الائمة الداعشيون بالسودان بعد قيادة الهجوم على سفارات الفرنجة الخواجات الكفرة بريطانيا والمانيا ذهب يستجدى التاشيرة من احدى تلك الفارات اذن هو ممن ذكرت لانه يتعاج عندهم وكلامك صح لان تحد الائمة الداعشيون المطرود من السعودية حافظ القران هاجم جماعته كنيسة الجريف بسبب تحريضه وسلبوها ونهبوها وهذا فعل يهودى الشرطة وقفت متفرجة بتوجيهات حكومة يهودية كل ما ذكرلاته تب تمام ونحن كشعب لازال البشير رئيس دولتنا رغم انفنا نتمنى ان لا يكون هو المتسول لانه ما ماحدث له فى السعودية واجعنا وهارى مصاريننا
ثانيا نسال الله ان يشفى كل مغسول دماغ ومنوما مغناطيسيا داعيشيا
ثالثا ( الشافى ) من اسماء الله ومن صفاته وحده سبحانه وتعالى وانت عبد لله يجب ان تتخذ عبد الشافى اسما لك والله اعلم
رابعا تبا للداعشيون الامريكيون اليهوديون الكافرون القاتلون الكاذبون ولعنة الله عليهم اينما توجهوا

خامسا اين منذر ؟ للمساعدة فى الرد

Saudi Arabia [كنياتا] 10-13-2014 12:29 PM
أولاً الحرب على صدام بدأت منذ بداية التسعينات وانتهت 2003، ثانياً كان لصدام جيش نظامي، يعني قواعد عسكرية وطائرات تم استهدافها منذ بداية الحرب على العراق في بداية التسعينات أيضاً وأغلقت كل المنافذ بالحصار المعروف تعطلت الطائرات بسبب هذا الحصار..... أما بالنسبة لداعش فإنهم جماعات تم تشكيلها بدقة (يعني شبه حرب عصابات)..................

Saudi Arabia [قيردون] 10-13-2014 11:56 AM
هوده الكلام الشافي والضافي أخوي Alshafy ..هي نفس امريكا التي صنعت وجندت طالبان ومن عاونهم لتفكيك الاتحاد السوفيتي وادّت الى انهيارها لكنها لم تتمكن من بعد القضاء على طالبان.


#1125025 [حقاني]
4.17/5 (29 صوت)

10-13-2014 10:12 AM
ما دلهم على موته إلا دابة الأرض تأكل منسأته فلما خر تبينت الجن أن لو كانوا يعلمون الغيب ما لبثوا في العذاب المهين
لو علم الشعب تفاهة هذا النظام وتفاهة وخبال منظميه ما لبث في العذاب المهين ربع قرن

[حقاني]

ردود على حقاني
Saudi Arabia [سلطان عيال عطيه] 10-13-2014 11:51 AM
مزبوط كلامك يا حقاني هؤلاء في عداد الموتي فهل يفهم شعبي؟


#1125023 [المتجهجه بسبب الانفصال]
4.17/5 (31 صوت)

10-13-2014 10:11 AM
من الغيظ والمغصة يعود المرء للتعليق على هذا الموضوع مرة ثم مرة لعل الرئيس وجمعه يسمعنا مرة،،، حيث هناك شائعة بأن السعودية منحت الرئيس مبلغ 3 مليار دولار في شكل وديعة ولعل ذلك ما جعل بعض المسئولين يستبقون نتاج الزيارة ويصرحون قبل انتهاءها بإنفراج وشيك للضائقة الاقتصادية وانخفاض في سعر الدولار الذي كان قد دنا عذابه أمام الجنيه وما أصابه،، ولكن الصورة التي انطلقت في الفيسبوك للرئيس البشير وهو يجلس في الحرم ممحن تشير الى فرضية عدم صحة الوديعة السعودية في الوقت الراهن على الاقل ولعل منحها كان مربوطا بشروط ادت الى انعقاد هذا الاجتماع السهل غير الممتنع في منزل الرئيس ( ركز معاي .. منزل الرئيس)،،،،

رغم أن وزارة الخارجية لا تخرج عن السياسة المرسومة لها من قبل الدولة إلا انها كذلك تتحمل العبء الاكبر في السكوت على موجهات الحكومة الخارجية والتي أضرت ضررا بليغا بعلاقات السودان الخارجية والتي ظلت تدار بأسلوب Hide and Seek فكانت النتيجة سيك سيك معلق فيك ،،،، لقد راهنت الحكومة في كل سياستها الخارجية على دعم جماعات الاخوان المسلمين واستلامهم للسلطة في مصر وليبيا وتونس والجزائر وعملت على ذلك منذ التسعينات وهي تنتظر نجاح هذه الجماعة في استلام هذه الدول وبالتالي صياغة السياسة الخارجية صياغة جديدة تخرج بها من ضيق الوطنية الى سعة الاخوانية كما يقولون،، وقد كانت هذه الفكرة من أكبر الافكار العويرة حيث ضربت بعرض الحائط فرضية قبول شعوب هذه الدول لهذه الجماعة والخارطة السياسية القديمة الراسخة في المنطقة التي لا يمكن تغييرها بين عشية وضحاها ومن ضمنها محاولة اغتيال حسني مبارك وما تلاها والتي لم تشكل لهم درسا حتى الان في أن العالم اصبح قرية لا تحكمه مصالح الدين وانما مصالح الاقتصاد والمنافع أما الدين فلم نر انقاذيا يشهر سيفه في الهايدبارك سكوير مطالبا الناس بالدخول في دين الله أو الاعلان بانهم سيصدرون التوجه الحضاري بدعم الجماعات الاسلاموية رغم انهم هناك يتاجرون بالاسترليني من نفس الناس الذين اضطروهم للهجرة قسريا ،،،


إن الانقاذ تستطيع داخليا غش الناس من خلال اخذ بيعة الطرق الصوفية واقامة قنوات المدائح لجذب مريدي العديد من الطرق الصوفية، وبانشاء احزاب متوالية،، واحزاب معارضة ،، وضمان صحي لأدوية رخيصة،، و انشاء شارعين تلاتة وسد ،، وحملات جمع جلود الاضاحي ،، واشغال الناس بحوادث اجتماعية هايفة ،، والمشاركة في بيوت الافراح والاتراح بحجة التواضع والالفة ،،،

ولكن خارجيا هل يستطيعون غش دول كدول الخليحج التي تحكمها أسر تتداول السلطة لاكثر من 100 و200 سنة ،،، أسر خبرت السياسة فاصبحت في جينات أجيالها التي تبلغ في البعض 4 أو 3أجيال،،، فمن أنتم فحتى الدين الذي هو عامل وحدة أصبحمعكم عامل تشرذم واضطهاد ومذلة ، فاركسكم الله في افعالكم التي ردت عليكم ذلة مع ذلة كان نتاجها هذا الاجتماع الذليل،،، لم تذل جماعة شعبها وتسفه احلامه وآماله منذ عهد النمرود مثلما فعلتم،،
وهل يعتقد ناس كرتي ومصطفى عثمان انهم سيخدعون الامريكان الذين فيهم العراب هينري كيسنجر وال مورغان وغيرهم من دهاقنة الغش واللف والدوران،، أم البريطانيين الذين فيها آل روتشايلد الذين يمكن للواحد منهم أن يبيعك صفيحة على أنها سبيكة ذهب وهو ثابت وما هرب ،،،
إن المخلصين والوطنيين في السودان على قفا من يشيل،،، موجودين ومستعدين أن يتولوا وزارة الخارجية بعيدا عن احلام ظلوط الاخوانية القائمة على غش العالم واعادة رسم خارطته فاذا كانت امريكا بعتادها لم تستطع أن تنهي الروح العراقية الوطنية رغم اطنان المتفجرات والقنابل التي القيت فيه وتسليمه لحكومة عميلة لدولة أخرى فهبت العشائر العراقية لاعادة البلد الى وطنيته، واذا كانت لم تتمكن حتى الان من اعادة خارطة الشرق الاوسط الجديد رغم الاموال والجهود الاستخبارية التي لم تنطلي الا على اصحاب الاسلام السياسي السني والشيعي فقط فكيف لكم انتم يا من تنافسون الشعب الغلبان في تجارة البصل والجلود والسكر تريدون مد نفوذكم،،، خلو الناس تبني البلد مع بعض فقد فشلتم واصبح خطابكم الداخلي وعلاقتكم الخارجية مليئان بالعوارة والهبنقية مما جعلنا نخجل لكم رغم ما سببتموه لنا من عسف ومغص،،،

[المتجهجه بسبب الانفصال]

ردود على المتجهجه بسبب الانفصال
Sudan [nagatabuzaid] 10-13-2014 07:51 PM
تعظيم سلام بلا عدد وقد سبقنى ( سودان واحد ) بعبارة عفارم عليك التى كنت ارددها اثناء قراءة هذا التعليق وفعلا عفارم عليك كل فقرة من فقرات تعليقكم تناولت سلبية انتكاسية كارثيةوكانت الخلاصة انه تناول كل سلبيات الحكومة الكارثة حقيقة عفارم عليك واكثر ما يعجبنى ان الجداد سيقف عاجزا امام هذا التعليق

Saudi Arabia [سودان واحد] 10-13-2014 12:53 PM
عفاريم عليك ...كلنا متجهجهيين بسبب الإنفصال..والله لمصيبة..نقول فيها إنا لله إنا إليه راجعون...اما اهل الاسلام البوبارى فيقولون إنا للدنيأ راغبون ومن الخليج مطردون للسيسى راكعون...

Germany [قوز دونقو] 10-13-2014 12:27 PM
والله قمة الفهم لكن منوا العايز يفهم ؟؟ هؤلاء الشرذمة قررررارهم ليس بأيديهم إنهم كالدمي أو قطع الشطرمج تحركهم أياد خارجية و ما إلا أدوات فقط ؟؟؟لقد جربوا كل أنواع السياسات في الشعب السوداني ؟؟ و لسمع مصرين يواصلوا ؟؟ يا ناس أنحنا دولة مستقلة خلونا زي ما نحنا ( سوف نغلق علينا بابنا) و ننعزل عن العالم الخارجي عشرة سنين نعمل بصمت فلا نستورد و لا نصدر فقط مما ننتج نأكل و نلبس ؟؟؟
قوز دونقو

Saudi Arabia [سلطان عيال عطيه] 10-13-2014 12:06 PM
ياسلام عليك لا فض فوك طمنتني وجعلتنيى احس الامل وانه مازال هناك رجال يؤمل فيهم.اللهم هئ لهم من امرهم رشدا


#1125007 [زول وطني غيور]
4.17/5 (25 صوت)

10-13-2014 09:59 AM
الضعف الداخلي هو الذي ينعكس على الخارج ويؤدي إلى ضعف بالخارج والسياسة الخارجية المتخبطة التي لا تنطلق من ثوابت معينة هي التي أدت إلى ذلك الفشل الذريع ..
يجب أن تكون هذه الحكومة صادقة أولا مع نفسها وتستقيل وتقول للشعب السوداني بصراحة شديدة وبوضوح شديد نحن فشلنا في إدارة البلاد داخليا وخارجيا وعليها أن تلتقط طوق النجاة الذي قدمته لها المعارضة هدية وتتحول إلى حكومة إنتقالية وتجرى إنتخابات عامة
حرة في ظل حريات عامة مكفولة للجميع وتغادر سدة الحكم ، دول الخليج إذا فرضت حظرا إقتصاديا حقيقا على السودان لا نافع ولا غير نافع يستطيع أن ينقذ السودان ..

[زول وطني غيور]

#1124998 [Awad]
4.17/5 (26 صوت)

10-13-2014 09:48 AM
بلد تحكمه عقول قاصرة ومتبلدة ومتخلفة أمثال(نافع وعطا والطفل المعجزة)مدة26عاما وترجعه للقرون الوسطى.سياستكم العرجاء هى التى أدت لهذه المآلات,26عام تحكمون بأسلوب العصابات والشعارات المستفزة للمواطن وللدول الخارجية وحتى الدول الكبرى لم تسلم من أذية لسانكم العفن والآن بعد أن جفت الخزينة بعد أن نهبتوها رجعتم تستجدون الخليج بفرية تقفيل المركز الثقافى الأيرانى وعاوزين الخليجيين يصفقوا ويقبلون بالأحضان ويفتحوا ليكم الصنبور.خلاص فكت سكرتكم الآن.غايتو أنتظروا أعواد القذافى فكل واحد منكم مقاسه.

[Awad]

#1124997 [ود حلايب]
4.16/5 (27 صوت)

10-13-2014 09:48 AM
يا اغبياء الانقاذ البلهاء

هل تظنون ان السيسي بيده شئ

ان دول الخليج لن يخدعها السيسي ولو سلمتموه الخرطوم

الا ان يقوم السيسي بقتل جميع الكيزان وحرق كافوري

افهمتم ان دول الخليج تقود المنطقة وليس السيسي

والله انتم ام سيسي وحلايب محتلة يا سلالة الخسيسي نافع والشلة

نحن سنة فلتسقط كل رايات الفرس الانجاس

[ود حلايب]

#1124993 [عجيب]
2.59/5 (33 صوت)

10-13-2014 09:46 AM
أنتو نافع دا ماعنده لغة أفضل من دي حتى في اجتماعات الرئاسة؟ قال: (نرجع عبيد لمصر) ترجع براك
نحن عمرنا ماكنا عبيد لمصر دائماً أحرار بل المصريون هم من كانوا عبيد أرض في أرضهم للباشوات الأتراك ومن قبل ذلك حكمهم المماليك 300 سنة والمماليك هم عبيد مشترين بالمال.
السودان لم يمر بعصر إقطاع مثلما حدث في مصر لذلك كنا أحرار دوما نزرع أرض بنفسنا لفائدتنا ولم يتجرأ أي مستعمر على تطبيق نظام الإقطاع في السودان.

[عجيب]

ردود على عجيب
United Arab Emirates [ود النار] 10-13-2014 03:04 PM
ابو شليخات جاء من وين , دي حركات وتحت تحت يموتوا ويلحسوا رجلين السيسي وشيخ قطر عشان الخليج يرضى عنهم , الناس ديل فصاختم في السودان بس وه مش ضربوه في لندن وبالمركوب في الابيض وطردوهو من العزاء في بري عزة النفس لقاها وين المشلخ راعي البهايم


#1124988 [محموم جدا]
4.17/5 (25 صوت)

10-13-2014 09:41 AM
يعني زي ما قال الجميع دي مربط الفشل يا انقاذ.. كل فايلات وزارة الخارجية التي تمسك بها محددودة و لا تستطيع فرز الكيمان بالله عليكم دي سياسة خارجية و اللا حلة نية و دايرين تأكلوا منهاو تشبعوا.. زمان قلنا ليكم في كل تعليقات الراكوبة الكذب و الفبركة في السياسات الخارجية حبل قصير و قلنا ليكم العالم في عهد المعلومات و الشفافية و الاستخبارات الذكية يعرف الملابس الداخلية في غرف نومكم ناهيك عن على علاقة مع ايران يا حليلكم يا النايمين على حيلكم.. ضيعتوا مشروعكم الحضاري و ضيعتوا سمعة الحكم الاسلامي و ضيعتوا البلد وفوق هذا وذاك يا حليلك يا محمدأحمد .. و بعد دا كله ما اقتنعتوا .. يا ريس الملفوف في رقبتكم دا اسمو الاقتصاد و كلام تقوم البلد على حيلة و ما في البسنده دا كلام الطير في الباقير و باكر تقول رفضوا ليك شحن الخراف و المصريين كرت خاسر مية في المية و شحاد يؤجر شحاد يشحد ليه دي ما جاية... و محمد أحمد دا غليته غلي في ضرائبكم و رفع الدعم و خدمات و سوق تاني مافيه و لا غلية واحدة عشان ريحتوا بتاعة الحريق طلعت و طلعت روحه

[محموم جدا]

ردود على محموم جدا
Saudi Arabia [Al-alshaikh] 10-13-2014 12:19 PM
كلامك واقعي مية في المية وهاك المثال الموظف يقول لرئيس القسم المصري كلم المدير يزود راتبي قال ليه يا عمي أنا لما أكلم أكلم لنفسي مش لغيري قال انت رئيس القسم نعم مظبوط رئيس قسم في الشغل وضبط الوضع عشان ايه عشان يزيد ترقيتي وراتبي هههههههههههها المهم المصري كان صريح وكل سنة وانت طيب


#1124983 [رانيا]
4.17/5 (29 صوت)

10-13-2014 09:38 AM
بعد ساعات من عودته خائبا ...
هو ياتو يوم ما كان خائب ! على كل نقول له هارد لك تكبر وتاخد "غيرها" إن شاءالله .
الناس ما غبيانة منك ولا من فعايلك أنت ورهطك وبنصحك أن لا تريق ماء وجهك (على إعتبار إنه فيه ماء) أكثر من كده بسفرك لمصر ولا تقدم المزيد من التنازلات للمصريين لأنهم "حيعفصوك" أكثر وستكون نهايتك على إيديهم والمسألة مسألة وقت ليس إلّا.

أصبح جليا أن السعودية لن تقبل بك إذا إستجرت بها كما فعلت مع بقية الزعماء الفارّين من بطشة شعوبهم..السؤال هل ستقبل بك قطر وفي حال النفي وين حتولّي وين حتروح ؟ سيادتك .

[رانيا]

#1124964 [عبدالعزيزمبارك محمد]
4.17/5 (23 صوت)

10-13-2014 09:26 AM
الفتنة في مابينهم سيذقو الامر امرين وحلال عليكم الشريعة يامنافقين @

[عبدالعزيزمبارك محمد]

#1124954 [عمــــــــــو]
4.17/5 (24 صوت)

10-13-2014 09:12 AM
كزبت علينا كمان عاوز تكزب علي ناس الخيلج ....

[عمــــــــــو]

#1124951 [راجع للوطن]
4.17/5 (27 صوت)

10-13-2014 09:06 AM
اخر وعودهم:-

الناس ماتقيسه بالقشرة وبى هدامه
وحقو الناس تعاين بعيد هناك قدامه
باقى شنو كان بت البلد تغترب خدامه
الا اسرافيل يصفر حتين تقومو قيامة؟

[راجع للوطن]

#1124935 [راشد]
4.17/5 (28 صوت)

10-13-2014 08:48 AM
من قال اننا كنا يوما تبعا او عبيدا للمصريين.
هذا من مخيلتك القاصرة.
ومن ثقافتك الاخوانية الضحلة.
لسنا ضد النآخي مع مصر ولكن لم يجكم المصريين السودان ابدا .
هم دخلوا بجيش محمد علي الالباني الجنسية وبجيش اجنبي من المرتزقة ولا يضم الاقليلا من المرتزقة المصريين.
ثم دخلوه مرة اخرى وهم تحت قيادة الانجليز.
ويجب ان تعلم ان مصر انشئت اساسا من السودان وان النوبة هم السكان الاصليين لمصر حيث نتج عن الغزو المتكرر لمصر عبر الزمان الطويل الخلطة المصرية الحالية فهم خليط من الفرنجة والشرق آسيويين والاتراك والفينيقيين والعرب ، لا نقول ذلك في معرض عداوتهم ولكن هذا واقع نقبله كلنا ونحترمهم كشعب تتلاقى مصالحنا معه.
ماذا لو تم نبذ الاخوان المسلمين وتآخينا مع المصريين.
لكن الحكومة الحالية والنظام الحالي لا يمتلك ذلك لانه هو الاخوان المسلمين
علاقة السودان مع مصر ظلت علاقة ارتباط منذ دولة كوش وستظل كذلك .

[راشد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة