الأخبار
منوعات سودانية
النقر : مازدا أفشل مدير فني في السودان
النقر : مازدا أفشل مدير فني في السودان
النقر : مازدا أفشل مدير فني في السودان


10-14-2014 06:24 PM
هاجم الفاتح النقر المدير الفني للفريق الأول لكرة القدم بنادي أهلي شندي محمد عبد الله مازدا المدير الفني للمنتخب السوداني واصفا إياه بأفشل مدرب جاء في تاريخ المنتخب السوداني.

أكد النقر في تصريحات لجريدة أن المدير الفني للمنتخب لم يحقق أي إنجاز مع الفريق خلال الفترة الماضية حتي يقوم بمهاجمة الإعلام والمدربين علي انتقادهم له علي إخفقاته.

أضاف مدرب أهلي شندي قائلا " الفوز على نيجيريا ليس بانجاز و لا الوصول الى نهائيات غانا و انجولاء ايضا بانجاز فالانجاز هو الفوز بالبطولة ".

واصل النقر حديثه قائلا "هناك مدربين أفضل من مازدا في السودان و لكن الاتحاد لا يختارهم وظل يدور في فلك مدربين بعينهم و أن اختيار عطا المنان الذي لم يلامس الكرة خير دليل فالأمر لا يعدو كونه مجاملة على حساب الوطن ليس إلا".

اختتم المدرب حديثه قائلا "مازدا يعتمد على طريقة عقيمة ولو لعب بها أمام النسور لخسر السودان و عتمد على لاعبين بعينهم و لا يملك الجرأة فهو ليس مؤهلا لتدريب المنتخب و الذي اشرف على تدريبه لــــ(20) عاما بمراحله المختلفة دون ان يكون له انجاز واضح فهو انهزم في اربع مباريات قبل مباراة نيجيريا و لو كان شجاعا لاستقال".

كواربيا


تعليقات 27 | إهداء 0 | زيارات 6842

التعليقات
#1146184 [ابو محمد]
0.00/5 (0 صوت)

11-10-2014 09:13 AM
هوي ما تجعجعوا ساي .. والله لعيبتنا ديل لو جابو ليهم غوارديولا ما يحققوا انجاز ...
المشكلة ما مشكله مدرب يا اخواننا
المشكلة مشكله فهم كوره وفكر احترافي وتخطيط وبنيات تحتيه و .....

[ابو محمد]

#1146009 [ابو الخير]
0.00/5 (0 صوت)

11-10-2014 04:14 AM
يا جماعة الخكاية ما حكاية مازدا ولا غيره
الحكاية الاتحاد ما عنده قروش ولا الدولة بتدفع
مدرب المنتخب والجهاز الفني مفروض تدفعه الدولة لكن مازدا اصلا شغال موظف ومترجم في الاتحاد على ما اظن
بس الجماعة لما تكون في مباراة للمنتخب الراجل بيقوم قبل اسبوع باختيار 22 لاعب من اي مكب زبالة ويلعبوا باسم السودان العظيم وياخدوا ليهم خمسة ستة مش مهم
الراجل والله غلطان ما لو ومال المشاكل مفروض يكون شجاع ويرفض

[ابو الخير]

#1127017 [خالد]
4.14/5 (8 صوت)

10-15-2014 07:39 PM
كلام النقر فيه شيء من المغالاة ويجانبه الصواب في أن مازدا حرم الباشا من اللعب وهو من أفضل اللعيبة في السودان

[خالد]

#1126885 [اود العباسية]
4.17/5 (8 صوت)

10-15-2014 04:01 PM
النقر الجعجاع : انت جعجاع ساكت . كلاعب كنت كويس وأذكر انو كان بسموك الاطرش ، ما عارف ليه، بس كنت كويس وفدائي وقلبك حار . بس ياخي ما تكون قاسي على الاخرين بهذه الصورة.

[اود العباسية]

#1126771 [alshafy]
4.16/5 (11 صوت)

10-15-2014 01:38 PM
يعني ما شاء الله انت بصوتك القبيح قاعد تحلل لقناة الكأس
بواسطة بعض الهلالاب وفرضوك على قناه محترمه مثل الكأس...
وكل تحليلك(اقوليك....انا اقوليك)...يا اخي اتعلم لغه عربيه
وبعدها هاجم محمد عبدالله مازدا ....خريج لغات جامعة الخرطوم
ايام عز جامعة الخرطوم....وفوق ذلك مازدا يحمل ارفع الشهادات
التدريبيه التي لا تحمل نصفها...

[alshafy]

#1126740 [ودالزمزي]
4.17/5 (9 صوت)

10-15-2014 01:03 PM
خلونا من الوهم حتى الان لم اقرا موضوع واحد لو كان سياسى او رياضى او اجتماعى يناقش بموضوعية اوشفافيةاو عقلانية كل المواضيع فيها الغرض الملون يعنى ياقبلى سياسي هلالابي اومريخابي ياجهوى اولا الكورة في السودان ماكان عندنا اى حاجة من تاريخ تاسيس الاتحاد الافريقى مرة واحدة شلنا كاس افريقيا سنة 1970 قبل 45 عام وكانت فى السودان وكانت 6 منتخبات ومن ديك وعيك على مستوى الاندية المريخ كاس الكؤوس 1989 وتانى ماظن تتكرر ام قصة العصر الدهبى دى اكبر ماسورة في تاريخنا اما سبت دودو وبشارة وبشرى جكسا وغيرهم لم يحقوا شئ يدكر لسة عندنا وهم اسمو ياحليل زمن ابوالعائلة والطيب عبداللة والموردة بتلعب عمر التوم وختم وبرى دة كلام ساكت ارجعوا للتاريخ من دون عواطف السودان فية عصر ماسي ودهبي فقط في الثقافة والفن والشعر من زمن بعيد حتى عام 2000 وبعض الاشراقات الان لاشداد ولاصديق منزول ولاسانتو لاتنقا ولا جبرة ولا العجب وهيثم مصطفى ولا عمر بخيت ولا بلة جابر ولا فيصل سيحة ولا درمة ولا الرشيد على عمر ولا مزمل ابوالقاسم ولامازدا ولا النقر لا كمال حامد ولا رضا مصطفى ولا الكارينال ولا جمال الوالى الاسماء دي ضرب مثل لفترات زمنية متفاوتة هم والمعاهم لم يحققوا شى ولن يحققوا حاجة 0

[ودالزمزي]

#1126609 [عمر منوفلي]
4.17/5 (11 صوت)

10-15-2014 10:52 AM
النقر دا غير الكلام الفاضي ما عنده شي متشنح متعصب أعمى لا يرى شي سوى بمنظارة المغبش الذي لا يرى شي. الانجازات التي حققها مازدا عمرك لن تصلها بصفتك مدرب تتكلم في كل مناسبة كلام لا يسنده منطق بل دائما تعتمد العاطفة بعيدا عن العقل وهي صفة ملازمة لك ولن تنفك منك ابدا. اشرت لمدربين كثيرين ناجحين لكن الاتحاد لم يسند لهم امر التدريب لمنتخب وانت من المدربين الذين عملوا لفترات طويلة لم نرى اي انجاز حققته مع الخرطوم ثلاثة ولا النيل شندي دائما نراك رقعة مؤقتة وترمي في الزبالة. تحدث لنا عن انجازك كلاعب وكمدرب. الانجازات التي حققها مازدا معروفة بطولات افريقية مع نادي المريخ وبلوغ الامم الفريقية اكثر من مرة. لكن للنجاح إعداء وكل ذي نعمة محسود. نأمل ان تعمل للإرتقاء بالعمل التدريبي وتسيب الجعجعة الفارغة من اجل تتطور الكورة في السودان وخليك من انفعالاتك وتشنجاتك التي لا تقدم شي في التدريب. وان لا يستخدمك الصفحيين كمديل الزكام لتنظيف اوساخهم.

[عمر منوفلي]

#1126575 [kaboul]
4.17/5 (11 صوت)

10-15-2014 10:27 AM
مدرب فاااااشل بكل ماتحمله الكلمة من معني

[kaboul]

#1126571 [ابو خلف]
4.13/5 (9 صوت)

10-15-2014 10:23 AM
أنت يا النقر مدرب فاشل وحاقد ليس الا ؛ طبعا لو أدوك فرصة ما حتعمل اكثر من العملوا مازدا ؛ يعنى حتجيب بطولة مثلا ؟؟ ما أظن تجيب نملة لانو فى تاريخك يوم ما جبت بطولة حتى لو مع فريق درجة ثانية أو روابط !! بطل العك نتاعك دا وشوف ليك خندقة

[ابو خلف]

#1126568 [كيس موز]
4.16/5 (9 صوت)

10-15-2014 10:22 AM
هو انت احسن من مازدا
مش انت كنت مدرب الخرطوم الوطني واتهزمت من الهلال9صفر
وريني فريق قمت بتدريبه وحققت معه انجاز .كل الفرق التي دربتها تمت اقالتك بسبب سؤ النتائج
اتمني ان يتم ترشيحك لقيادة المنتخب نشوفك حا تعمل شنو
اكيد حا تعتذر وتهرب

[كيس موز]

#1126482 [ود الركابي]
4.17/5 (9 صوت)

10-15-2014 09:15 AM
وليه يااداره الراكوبه جايبين لينا صورة الخازوق ده .. فاشل مكتوبة في وشه الشين ده . سياسيين ادمنوا الفشل . معناه بلد فاشل في كل شيء ..

[ود الركابي]

#1126473 [مختار الحاره]
4.17/5 (12 صوت)

10-15-2014 09:08 AM
ياسلام ياكوتش
ما قلت الا الحق ولكن هذا السودان الذى اصبح للعلاقات الشخصية مكانه تفوق مصلحة البلد الذى نزف ولا ذال ينزف/ وامثال هذا السكير العربيد أل......// اننا نشعر بالغبن اتجاه ما يحصل وان تفرذ لمثله المساحات ليسىء للاخرين
هذا دموبقرى ما بحس ولا بشعر ولكن جاء الوقت الذى يجب ان يقف ولحد هنا كفاية.. وسخ وعفن

[مختار الحاره]

#1126394 [عبدالله جني]
4.58/5 (12 صوت)

10-15-2014 05:13 AM
هو في شخص في السودان جالس في مكانه الطبيعي ،، يعني بقت على ماذا ما ياهو البشير الدلوكه جالس في كرسي الرئاسة خمسة وعشرون عام ومكانه الطبيعي فوال في حوش بانقا ،، والصادق المهدي عامل فيها زعيم وترأس السوداني مرتين ومكانه مدرس في معهد شروني يلعلع فيه صباح ومساء ومحمد عثمان الميرغني عامل فيها زعيم ديني وهو اكبر نصاب ومتخلف عقلياً ومكانه راعي لا اكثر ولا اقل اما الكديانه العجوز بتاع هي لله مكان تحت الارض وفي بلد العماية يسرح ويمرح ويفسد البشر والحجز لعنة الله عليهم وعلى السودان

[عبدالله جني]

ردود على عبدالله جني
Saudi Arabia [د.ابو علي] 10-15-2014 01:49 PM
اسد نيتك يا كلب يا رمة يا تشادي يا معفن -- يا واطي
انت ما سوداني ممكن تشادي ول نيجيري ولا تحمل اي انتماء للسودان يا باطل يا معفن - عرفنا لعنة الله عليهم ... طيب لاعن السودان ليه ؟؟؟
السودان ليه رجالته وابناؤه يا وسخ
قريب السودان حيحضن اولاده ووقتها والله العظيم امثالك البيكرهو البلد الا يرجعوا بلدهم - تفوووووووووووو عليك يا عفن يا ما وطني


#1126376 [التاج محمد أحمد]
4.15/5 (11 صوت)

10-15-2014 01:59 AM
المشكله انه ﻻ بستحي ولا بيخجل زي ناس الحكومه وممكن يكون مؤتمر وطني

[التاج محمد أحمد]

#1126355 [عمار]
4.11/5 (10 صوت)

10-15-2014 12:14 AM
ههههههه مازدا الصقر

[عمار]

ردود على عمار
Saudi Arabia [عاشق الصحابة] 11-04-2014 10:13 AM
مدرب صقور الجديان...يعني دايرو يكون شنو...................حدية مثلا...هههه

Saudi Arabia [قرفان من ام الكيزان] 10-15-2014 11:20 AM
ههههه ههههه ههههه عرفتا كيف انو الاخ صقر ؟؟؟؟؟

[ود الركابي] 10-15-2014 09:21 AM
واللعيبة الاذكياء والموهوبين كلهم حلوين . لما يشوفوا الخلقه دي اكيد بيكبوا الذوغة . وجوده نفسه خطر علي الناشئين . بلدنا بلد فاشل في كل شيء ..


#1126350 [ككك]
4.16/5 (10 صوت)

10-14-2014 11:59 PM
خلاص لقيتو ليكم ...... فداء ؟
زمان المنتخب السودانى كان 3×1

[ككك]

#1126345 [عاصم]
3.27/5 (8 صوت)

10-14-2014 11:51 PM
كلامك سليم كابتن النقر اصبت الحقيقة بعينها مازدا فاشل لدرجة مخزية والاغرب من هذا هذا المازدا لايحس ولايستحي من كونه فاشل

[عاصم]

#1126344 [عاشق السودان]
4.25/5 (9 صوت)

10-14-2014 11:48 PM
من شروط المدرب ان يكون قوي الشخصية وحاضر الذهن وسريع البديهة. مازدة مابينفع الكلام دا قالوه من زمان

[عاشق السودان]

#1126331 [SESE]
4.20/5 (13 صوت)

10-14-2014 11:00 PM
مصائب الرياضة السودانية نابعة من مصائب السودان نفسه فكما ليس هناك رئيس يغادر طواعية ما لم يطرد بانقلاب عسكري او بثورة شعبية وكذلك الرياضة السودانية يظل النجم فيها نجما حتى ولو بلغ من الكبر عتيا بما في ذلك المعلقين الرياضيين يكنكشون في المايكرفون الى ان يفارق الواحد منهم الحياة او يعجز تماما عن الحركة فيستسلم للأمر الواقع وبدون ذكر اسماء فالكل مكنكش يقول يا دنيا مافيكي إلا انا وحواء لم تنجب ولد غيري يسد مكاني ويمكن ان يكون افض مني فيقدم ما لم اقدمه انا لذلك ترك الناس لهم الرياضة واخبار الرياضة بما في ذلك كرة القدم اذا انهزموا او انتصروا لا احد يحرك لهم ساكن إلا هم فيعتبرون انفسهم قد تجاوزوا الثريا وبلغ من المجد شأوا لم يبلغة احد غيرهم......

[SESE]

#1126313 [أرسطو]
4.59/5 (17 صوت)

10-14-2014 10:28 PM
الخطة السحرية للمدرب مازدا وليس له غيرها ( يلا يا شياب شدو حيلكم كل واحد يحافظ على موقعه و يراقب اللى جنبو - مان تو مان - (Man to Man ) وينتهى التدريب و طبعا النتيجة معروفة سلفا 3/صفر لصالح المنافس جتى ولو كان الصومال - يا جماعة مازدا ليس لديه أى فكر يؤهله لتدريب فريق رابطة - والفاتح النقر بتصريحه هذا يكون جاب الحقيقة من اآخرها - كما قال أحد المعلقين .

[أرسطو]

#1126292 [د.ابو علي]
4.17/5 (14 صوت)

10-14-2014 09:39 PM
والله كلامك عين الحقيقة
مازدا مدرب فاشل فاشل فاشل

[د.ابو علي]

ردود على د.ابو علي
United Arab Emirates [الغائب] 11-08-2014 10:04 PM
انت يا أبو علي دكتور في شنو..؟؟
انا من الله خلقني ما لاقاني دكتور بسب ويلعن قدر كده.. الراجل داما قال كلام بستاهل الشتيمة دي كلها كل الكلام القاله عن القيادات التاريخية المهترئة دي اكثر من حقيقة.
عليك الله رسينا علي بر وورينا انت دكتور في شنو عشان الواحد ما يضيع زمنه ساي في قراية تعليقاتك المتطرفة دي.


#1126271 [دياب]
4.11/5 (8 صوت)

10-14-2014 08:45 PM
انت يالنقر لو تزكر زمان انت رافع كره من الكورنه استلمها مازدا فى راس خط 18 جيت انت صلحها ليك احرزت منها اجمل هدف فى المنتخب التنزانى

[دياب]

ردود على دياب
United States [عمدة] 10-15-2014 05:58 AM
عندما كان الفاتح النقر جناحا يمينا للفريق القومى كان مازدا طالبا بالمرحلة الثانوية على ما أذكر. وبعدين يا دياب الفريق القومى فى ذاك الزمان كان يتنافس للعب فى وسطه العمالقة (بشرى وهبة- بشارة-بشير عباس -شرف-عبده مصطفى-النيل مدنى- شوقى عبدالعزيز- عروة - عمر احمد حسين ولاحقا عصبة- قلة- الريشة وغيرهم) ووقتها كانت خطة اللعب السائدة 4-2-4 فمازدا يا عزيزى عاصر مصطفى النقر لا الفاتح النقر الذى عاصر عمالقة العصر الذهبى فى هجوم المنتخب (جكسا- قاقرين-الدحيش-الاخوين بابكر والفاضل سانتو-كمال عبدالوهاب- حمورى الكبير - شيخ ادريس بركات- أولاد العاتى وأسماء كثيرة سقطت من الذاكرة. حينها كانت الكرة فنا ومتعة واصرارا وعزيمة لا تلين وكانت تهابنا كل المنتخبات الافريقية. ولو تذكر كان مركز الثقل لدول وسط أفريقيا (السودان-زائير-الكنغو قبل انشطارها).
جمعتنى الظروف مع كابتن سام(كابتن المنتخب الغانى للفترة 65-1970) فحكى أنه وفى عام 1968 ذهب المنتخب السودانى الى أكرا للتبارى مع منتخب غانا حيث فاز السودان بنتيجة 3/صفر وما زال سام يؤكد ان الهزيمة الثقيلة كانت بسبب أنهم ذهبوا للمبارة (لعيبة وجمهورا) بغرض الفرجة والتصفيق ل سبت دودو ولا يزال يذكر ويصف نشوة الحضور استمتاعا بابداعات سبت. عموما يا صديق رحم الله كرتنا فى زمن انعدمت فيه المواهب فماذا سيفعل المدرب لأشباح لا يعرف الواحد منهم كيف يوقف الكرة دعك عن تمريرها أو ايداعها الشباك.


#1126262 [هيثم]
4.16/5 (10 صوت)

10-14-2014 08:23 PM
اخيرا وشهد شاهدا من اهلها

[هيثم]

#1126241 [روبينيو]
4.02/5 (14 صوت)

10-14-2014 07:45 PM
للأسف مازدا يعتبر صورة مصغرة لحال البلد ( الانقاذي ) .. و ما يليه من دمار في حق الرياضة .. اذ ظل مكنكشآ في رئاسة لجنة التدريب المركزية و تدريب المنتخب لعقود دون أي ايجابيات ملموسة سوي الدمار .. و الثلاثيات التي صارت ماركة مسجلة .. و فاقد الشئ لا يعطيه .

[روبينيو]

#1126210 [كوكي]
4.20/5 (10 صوت)

10-14-2014 07:15 PM
النقر جابها من اخرها

[كوكي]

#1126206 [محمد سليمان]
4.08/5 (11 صوت)

10-14-2014 07:04 PM
الفوز على نيجيريا ليس بانجاز و لا الوصول الى نهائيات غانا و انجولاء ايضا بانجاز فالانجاز هو الفوز بالبطولة ".


صدقت .... صدقت ....

[محمد سليمان]

#1126204 [مهرجان عيد الصبا]
4.16/5 (13 صوت)

10-14-2014 07:00 PM
اى والله صدقت,هزا اكبر ماسورة راكبة فينا.ياخى ده كرهنا الكورة الله البلا اليخمك

[مهرجان عيد الصبا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة