الفأر
الفأر


10-15-2014 12:06 AM
الفأر

لمعلوميتك

طريقة جديدة للتخلص من الفئران.. أحضر حبه.. حبتين بندول... قم بسحق أو تكسير حبوب البنادول.

*أحضر حبة.. حبتين طماطم حمراء طازجة.

*أقطع الطماطم من النصف مع الاحتفاظ بالنصف المقطوع.

ضع حبة واحدة من البندول المكسور أو المسحون داخل أحدى نصفي الطماطم ثم أقفل الطماطم بالنصف الآخر المقطوع.

*ضع الطماطم في الأماكن التي تعتقد أن الفأر سيظهر فيها.

*سيأكل الفأر الطماطم مع البندول ويدوخ ويموت بعد فترة قصيرة.

*وعليك أن تبحث عن مكان موت الفأر بعد ذلك.. وهذه مشكلة سنعالجها في مرة قادمة..

د. أنور أحمد عثمان

اليوم التالي


تعليقات 14 | إهداء 0 | زيارات 4472

التعليقات
#1127145 [من الضواحي]
2.50/5 (3 صوت)

10-15-2014 11:25 PM
this technique usful to control house mouse (Mus musculus) but for other tybe of rodent such as norway rat (Rattus norvegicus) and rof rat (Rattus rattus) it dosnt work

[من الضواحي]

#1127090 [ياب]
0.00/5 (0 صوت)

10-15-2014 09:46 PM
عندتا فيران

[ياب]

#1126990 [موجوع وطن]
4.50/5 (2 صوت)

10-15-2014 06:47 PM
يا دكتور الله يديك العافية المعلقين ضحكوني ولي زمن ممغوص ما أبتسمت ... والتعليقات وما فيها من طرف أرجعتني لطرفة أحد عطالي الحي عندما غلبته الحيلة وضغوط الحياة عرف معاناة الناش من أذي الفئران فطاف علي كوانين نساء الحي وستات الشاي جامعاً كمية مهولة من الرماد وشحنه في ركشة أستأجرها ليطوف بالأحياء المجاورة عارضاً سلعته بأنه سم الفار الحقار المستورد والمجرب والتجربة بالعمل مع الضمان .. فأنهال عليه الناس وفرغوا ما يحمله من رماد ... وعندما جاء في اليوم الثاني عارضاً بضاعته خرج السكان عليه محتجين علي إحتياله وغشه فقال لهم (دقيقة دقيقة دقيقة يا جماعة أكيد في حاجة غلط؟؟؟ أنتو الدوا إستخدمتو كيف...؟؟؟ فأخبروه فرد علهم: لا لا لا ياجماعة ما كدا ما كدا تمسك الفار و تفتح خشموا و تكب ليه الدوا في حلقه.......

[موجوع وطن]

#1126951 [جيعان جدا]
0.00/5 (0 صوت)

10-15-2014 05:59 PM
هو فضل فيها فيران ؟؟ هربت مننا زمان وفارقت بيتنا فراق الطريفي لي جملو
هو نحن ما قادرين ناكل الفار يجي لي شنو ؟؟ والله الفار يجي ناكلو هو زاتو

قال مكافحة فار قال !! وكمان نديهو بندول ؟؟ احسن نديهو ستيم تفاح ..

[جيعان جدا]

#1126879 [الشافو خللو]
0.00/5 (0 صوت)

10-15-2014 03:52 PM
طيـــــب يادكتور وريــــنـــــــا طريــــقـة التخلص من الجنجويــــــد بارك الله

[الشافو خللو]

#1126876 [الفاتح الاسد]
3.50/5 (3 صوت)

10-15-2014 03:50 PM
المشكلة يا دكتور أنور لو مات الفار ودخل في حتة غميسة أو في داخل البوتوجاز حا يعفن البيت كلو وما حا نعرف محلو وين ونكون خسرنا طماطماية ساكت . نرجو الاجابة على هذا الاستفسار بسرعة لانو والله عندنا جقور عاملة لينا ارهاب .

[الفاتح الاسد]

#1126801 [أب قرن]
3.50/5 (3 صوت)

10-15-2014 02:08 PM
طيب لو كان الفار عندو صداع بكدا نكون خدمناه بالمجان هههههههههههههه

[أب قرن]

#1126773 [العربي شراب الروب]
5.00/5 (2 صوت)

10-15-2014 01:40 PM
إنت مش أنور أحمد عثمان بتاع برنامج الكون ذلك المجهول بتاع زمان؟ مالك ومال الفئران خليها في حالها وشوف لينا أخبار الكواكب شنو.

[العربي شراب الروب]

#1126733 [تسيفايا مليس]
5.00/5 (1 صوت)

10-15-2014 12:58 PM
وين يا دكتور أنور محمد عثمان والله وحشتنا جدا واصل الكتابه في هذا الزمن الأغبر بس عندنا طلب بسيط ان بعض ما ىدعون أنهم بشر فلهم كل خصائص الفار الضرر ًو الدناوه وعفن اللسان وعفن الجسد ، قول لينا كيف نتخلص من البعشوم نافع ألما نافع.....

[تسيفايا مليس]

#1126694 [ابو طارق]
3.50/5 (3 صوت)

10-15-2014 12:12 PM
احسن خوفا حتى لا يتجه اليها البشر ويقرمشوها اسوة بالكلاب والحمير والكازار


أن الفئران تنقل إلى الإنسان ما يزيد على 20 مرضا من الأمراض الفيروسية والبكتيرية مثل الطاعون والسعار وحمى عض الفئران والسل..

[ابو طارق]

#1126679 [سمسم]
2.75/5 (5 صوت)

10-15-2014 11:57 AM
والله ياخ برضو ياخ عندنا كيزان مجننا شوف لينا طريقة كدة للنخلص من الكيزان

[سمسم]

#1126662 [المقهورة]
2.94/5 (7 صوت)

10-15-2014 11:44 AM
يا دكتور أنور.. فئران البيوت أمرها سهل.. ورينا وصفة للقضاء على فئران الإنقاذ

[المقهورة]

#1126637 [kaboul]
4.00/5 (13 صوت)

10-15-2014 11:20 AM
طماطم يامفتري! انت عارف كيلو الطماطم بكم؟
الفار لو اكلها انا بموت قبالو تحسرا علي الطماطماية

[kaboul]

ردود على kaboul
United Arab Emirates [انا] 10-15-2014 02:12 PM
والله ضحكتني من قلبي ،كتر خيرك شدددددددددددددددديد


#1126579 [ابو عشرة زول نصيحة]
3.25/5 (5 صوت)

10-15-2014 10:30 AM
مالك عليهو المسكين يا دكتور ...
وكمان البيوت بقى مافيها فأران لقلة الطحين فيها
دع الفأر و شأنه ...

[ابو عشرة زول نصيحة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة